📅 2017-yil 19-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 19 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 19 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Эзгу мақсад» халқаро хайрия жамоат фонди фаолиятини янада ташкил этиш чора-тадбирлари тўғрисида
Ўзбекистон Республикаси Президентининг 2017 йил 7 февралдаги ПФ-4947-сон Фармони билан тасдиқланган «Халқ билан мулоқот ва инсон манфаатлари йили»да 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш Давлат дастурини бажариш юзасидан ҳамда аҳолини ижтимоий муҳофаза қилиш ва саломатлигини ҳимоя қилиш тизимини янада такомиллаштириш, шунингдек «Эзгу мақсад» халқаро хайрия жамоат фонди фаолиятини ташкил этишга доир вазифаларни амалга оширишни давом эттириш учун қулай шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Эзгу мақсад» халқаро хайрия жамоат фондини ташкил этиш тўғрисида» 2017 йил 14 июлдаги ПҚ-3135-сон қарори билан «Хоразм шакар» АЖ, «Ангрен шакар» МЧЖ ва бир қатор хорижий компанияларнинг «Эзгу мақсад» халқаро хайрия жамоат фондини ташкил этиш тўғрисидаги ташаббуси қўллаб-қувватланганлиги маълумот учун қабул қилинсин.
2. «Эзгу мақсад» халқаро хайрия жамоат фондига, истисно тариқасида, Фонднинг ваколатли банк томонидан хизмат кўрсатиладиган ҳисоб рақамларига хорижий жисмоний ва юридик шахслардан беғараз асосда маблағлар олишига рухсат этилсин.
3. «Эзгу мақсад» халқаро хайрия жамоат фонди олинган маблағлардан Фонднинг уставдаги вазифаларига қатъий мувофиқ равишда мақсадли ва манзилли фойдаланилишини таъминласин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ҳамда ижро этувчи директор вазифасини вақтинча бажарувчи К.К. Шарипова зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 19 октябрь,
853-сон
Oʻzbekiston Respublikasi Vazirlar Mahkamasining
qarori
“Ezgu maqsad” xalqaro xayriya jamoat fondi faoliyatini yanada tashkil etish chora-tadbirlari toʻgʻrisida
Oʻzbekiston Respublikasi Prezidentining 2017-yil 7-fevraldagi PF-4947-son Farmoni bilan tasdiqlangan “Xalq bilan muloqot va inson manfaatlari yili”da 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish Davlat dasturini bajarish yuzasidan hamda aholini ijtimoiy muhofaza qilish va salomatligini himoya qilish tizimini yanada takomillashtirish, shuningdek “Ezgu maqsad” xalqaro xayriya jamoat fondi faoliyatini tashkil etishga doir vazifalarni amalga oshirishni davom ettirish uchun qulay shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Ezgu maqsad” xalqaro xayriya jamoat fondini tashkil etish toʻgʻrisida” 2017-yil 14-iyuldagi PQ-3135-son qarori bilan “Xorazm shakar” AJ, “Angren shakar” MCHJ va bir qator xorijiy kompaniyalarning “Ezgu maqsad” xalqaro xayriya jamoat fondini tashkil etish toʻgʻrisidagi tashabbusi qoʻllab-quvvatlanganligi maʼlumot uchun qabul qilinsin.
2. “Ezgu maqsad” xalqaro xayriya jamoat fondiga, istisno tariqasida, Fondning vakolatli bank tomonidan xizmat koʻrsatiladigan hisob raqamlariga xorijiy jismoniy va yuridik shaxslardan begʻaraz asosda mablagʻlar olishiga ruxsat etilsin.
3. “Ezgu maqsad” xalqaro xayriya jamoat fondi olingan mablagʻlardan Fondning ustavdagi vazifalariga qatʼiy muvofiq ravishda maqsadli va manzilli foydalanilishini taʼminlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov hamda ijro etuvchi direktor vazifasini vaqtincha bajaruvchi K.K. Sharipova zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 19-oktabr,
853-son
Кабинета Министров Республики Узбекистан
Постановление
О мерах по дальнейшей организации деятельности Международного благотворительного фонда «Эзгу мақсад»
Во исполнение Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год диалога с народом и интересов человека», утвержденной Указом Президента Республики Узбекистан от 7 февраля 2017 года № УП-4947, и в целях совершенствования системы социальной защиты населения и охраны здоровья, а также создания благоприятных условий для дальнейшей реализации задач по организации деятельности Международного благотворительного фонда «Эзгу максад» Кабинет Министров постановляет:
1. Принять к сведению, что постановлением Президента Республики Узбекистан от 14 июля 2017 года № ПП-3135 «О создании Международного благотворительного фонда «Эзгу максад»» поддержана инициатива АО «Хоразм шакар», ООО «Ангрен шакар» и ряда иностранных компаний о создании Международного благотворительного фонда «Эзгу максад».
2. Разрешить Международному благотворительному фонду «Эзгу максад», в порядке исключения, получать от иностранных физических и юридических лиц на безвозмездной основе средства на расчетные счета, обслуживаемые уполномоченным банком Фонда.
3. Международному благотворительному фонду «Эзгу максад» обеспечить целевое и адресное использование полученных средств строго в соответствии с уставными задачами Фонда.
4. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и временно исполняющего обязанности исполнительного директора К.К. Шарипову.
Премьер-министр Республики Узбекистан А. АРИПОВ
г. Ташкент,
19 октября 2017 г.,
№ 853