📅 2017-yil 23-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 23 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 23 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Ўзбекистон Республикаси Ички ишлар вазирлиги ҳузуридаги Жазони ижро этиш департаментининг Марказлаштирилган жамғармаси тўғрисида
Ўзбекистон Республикаси Президентининг «Ички ишлар органларининг озодликдан маҳрум этиш билан боғлиқ бўлган жазоларни ижро этиш соҳасидаги фаолиятини тубдан такомиллаштириш чора-тадбирлари тўғрисида» 2017 йил 11 августдаги ПҚ-3200-сон қарорига мувофиқ, шунингдек жазони ижро этиш муассасаларининг моддий-техника базасини мустаҳкамлаш мақсадида Вазирлар Маҳкамаси қарор қилади:
1. Белгилансинки, Ўзбекистон Республикаси Ички ишлар вазирлиги ҳузуридаги Жазони ижро этиш департаментининг Марказлаштирилган жамғармаси қуйидагилар ҳисобидан шакллантирилади:
жазони ижро этиш муассасаларининг ишлаб чиқариш ва қишлоқ хўжалиги фаолиятидан, шунингдек, хизматлар кўрсатишдан оладиган даромадларидан Жазони ижро этиш департаменти томонидан белгиланадиган миқдорлардаги ажратмалар;
жазони ижро этиш муассасаларининг. солиқлар ва йиғимлар, шунингдек давлат мақсадли жамғармаларига ажратмалар бўйича қонун ҳужжатларида назарда тутилган имтиёзлар тақдим этилиши натижасида жамғариладиган маблағлари;
озодликдан маҳрум этилган шахсларнинг ижро ҳужжатлари бўйича Давлат бюджетига жазони ижро этиш муассасалари томонидан ундирилган маблағларнинг 50 фоизи миқдоридаги ажратмалар натижасида жамғариладиган маблағлари;
бўш турган бюджетдан ташқари маблағларни тижорат банклари депозитларига жойлаштириш ҳисобидан олинган даромадлар.
2. Ўзбекистон Республикаси Ички ишлар вазирлиги ҳузуридаги Жазони ижро этиш департаментининг Марказлаштирилган жамғармаси маблағларини шакллантириш ва улардан фойдаланиш тартиби тўғрисидаги низом иловага мувофиқ тасдиқлансин.
3. Ўзбекистон Республикаси Ички ишлар вазирлиги ҳузуридаги Жазони ижро этиш департаменти (кейинги ўринларда — ЖИЭД) жазони ижро этиш муассасаларининг ушбу қарорнинг 2-бандида назарда тутилган маблағларини махсус ғазна ҳисобварағида жамласин.
5. Ўзбекистон Республикаси Ички ишлар вазирлиги ҳузуридаги Жазони ижро этиш департаменти Марказлаштирилган жамғармаси маблағларидан мақсадли фойдаланилиши юзасидан назоратни таъминласин.
6. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2017 йил 23 октябрдаги 861-сон қарорига ИЛОВА
Ўзбекистон Республикаси Ички ишлар вазирлиги ҳузуридаги Жазони ижро этиш департаментининг Марказлаштирилган жамғармаси маблағларини шакллантириш ва улардан фойдаланиш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Ички ишлар вазирлиги ҳузуридаги Жазони ижро этиш департаментининг Марказлаштирилган жамғармаси (кейинги ўринларда Марказлаштирилган жамғарма деб аталади) маблағларини шакллантириш ва улардан фойдаланиш тартибини белгилайди.
2. Марказлаштирилган жамғарма Ўзбекистон Республикаси Ички ишлар вазирлиги ҳузуридаги Жазони ижро этиш департаментида (кейинги ўринларда — ЖИЭД) юридик шахс ташкил этмаган ҳолда тузилади.
3. Марказлаштирилган жамғарма маблағлари ЖИЭДнинг махсус ғазна ҳисобварағида жамланади.
2-боб. Марказлаштирилган жамғарма маблағларини шакллантириш тартиби
4. Қуйидагилар Марказлаштирилган жамғарма маблағларини шакллантириш манбалари ҳисобланади:
жазони ижро этиш муассасаларининг ишлаб чиқариш ва қишлоқ хўжалиги фаолиятидан, шунингдек, хизматлар кўрсатишдан оладиган даромадларидан ЖИЭД томонидан белгиланадиган миқдорлардаги ажратмалар;
озодликдан маҳрум этилган шахсларнинг ижро ҳужжатлари бўйича Давлат бюджетига жазони ижро этиш муассасалари томонидан ундирилган маблағларнинг 50 фоизи миқдоридаги ажратмалар натижасида жамғариладиган маблағлари;
бўш турган бюджетдан ташқари маблағларни тижорат банклари депозитларига жойлаштириш ҳисобидан олинган даромадлар;
жазони ижро этиш муассасаларининг солиқлар ва йиғимлар, шунингдек давлат мақсадли жамғармаларига ажратмалар бўйича қонун ҳужжатларида назарда тутилган имтиёзлар тақдим этилиши натижасида жамғариладиган маблағлари.
Марказлаштирилган жамғармага ажратмалар миқдори жазони ижро этиш муассасаларининг оладиган даромадларига боғлиқ равишда ҳар бир муассаса учун алоҳида белгиланади ва молия йили якунлари бўйича ЖИЭД бошлиғининг буйруғи билан тасдиқланади.
3-боб. Марказлаштирилган жамғарма маблағларидан фойдаланишнинг асосий йўналишлари
5. Марказлаштирилган жамғарма маблағларидан қуйидагилар учун фойдаланилади:
ЖИЭД бинолари ва иншоотларини қуриш ва реконструкция қилиш, мукаммал ва жорий таъмирлаш, шунингдек қурилиш материаллари харид қилиш, ЖИЭД ва унинг муассасалари бинолари ва иншоотларини жиҳозлаш;
жазони ижро этиш муассасаларининг ишлаб чиқариш қувватларини ривожлантириш ва модернизация қилиш ҳамда техник қайта жиҳозлаш;
жазони ижро этиш муассасаларига молиявий ёрдам кўрсатиш;
автотранспорт, алоқа воситалари, компьютер ва ташкилий техника, жиҳозлар ва хўжалик буюмлари харид қилиш, шунингдек, уларни таъмирлаш ва уларга техник хизмат кўрсатиш;
маҳкумлар ва қамоққа олинганларни қўриқлаш ва назорат қилишнинг замонавий техник воситаларини, шунингдек, ЖИЭД, унинг муассасалари учун бошқа замонавий ахборот-коммуникация технологиялари воситалари харид қилиш;
жазони ижро этиш муассасалари жойлашган жойларда ЖИЭД ва унинг муассасалари ходимларининг (ишчиларининг) эгаллаган лавозимда бўлиш муддати давомида яшаши учун мўлжалланган хизмат турар жойлари (квартиралар) қуриш (харид қилиш), шу жумладан, иккиламчи бозорда харид қилиш;
консалтинг, суд ва бошқа хизматлар билан боғлиқ харажатларни қоплаш;
ЖИЭД ходимларини (ишчиларини) тайёрлаш, қайта тайёрлаш ва уларнинг малакасини ошириш харажатларини қоплаш;
даврий босма нашрлар, махсус адабиётлар, китоб маҳсулотлари, канцелярия буюмлари, ташқи тарғибот-тушунтириш воситалари (баннерлар ва бошқалар) харид қилиш;
ЖИЭД ва жазони ижро этиш муассасалари ходимларига, ишчи ва хизматчиларига моддий ёрдам кўрсатиш, устамалар белгилаш ва уларни ижтимоий муҳофаза қилиш;
семинарлар, давра суҳбатлари, конференциялар, амалий машғулотлар, тренинглар, профилактик, маданий ва тантанали тадбирлар ташкил этиш ва ўтказиш, шунингдек, бошқа ишлаб чиқариш ва маиший эҳтиёжлар;
Ўзбекистон Республикасида қидирувда бўлган маҳкумлар хорижий давлат судлари томонидан жаримага тортилган тақдирда, қонунчилик ҳужжатларига биноан кейинчалик маҳкумларнинг ойлик иш ҳақларидан ушлаб қолинишини назарда тутган ҳолда тўланадиган жарима маблағлари.
Ўзбекистон Республикасида қидирувда бўлган маҳкумларни (шахсларни) ушлаш жараёнида кўмаклашган фуқаролар, ички ишлар органлари ходимлари ва бошқа соҳа ходимларини рағбатлантириш;
Ўзбекистон Республикаси Президенти, Ўзбекистон Республикаси Президенти Администрацияси ҳамда Вазирлар Маҳкамасининг қарорлари ва топшириқлари асосида ҳомийлик хайрияларини ажратиш;
жазони ижро этиш муассасаларининг ишлаб чиқариш бўлинмаларига юқори малакали менежерларни (мутахассисларни), зарур мутахассисликка эга бўлмаган хизмат кўрсатувчи ходимларни фуқаролик-ҳуқуқий шартнома асосида жалб қилиш.
6. Моддий ёрдам ЖИЭД ва жазони ижро этиш муассасалари ходимларига (ишчиларига) уларнинг ёзма ариза орқали мурожаатлари ёки тегишли муассасанинг касаба уюшмаси қўмитасининг илтимосномаси асосида истисно ҳолатларда (никоҳ тўйи, яқин қариндошларнинг ўлими, оғир жароҳат олиш, касаллик, оиладаги оғир моддий шароит, табиий офат оқибатларида) кўрсатилади. Бунда кўрсатиладиган моддий ёрдам миқдори бир йилда лавозим маошининг икки баробаридан ошиши мумкин эмас.
7. Марказлаштирилган жамғарма маблағларидан фойдаланиш ЖИЭД бошлиғи томонидан тасдиқланадиган даромадлар ва харажатлар сметасига мувофиқ амалга оширилади.
8. Марказлаштирилган жамғарманинг даромадлар ва харажатлар сметаси ЖИЭД томонидан, қонун ҳужжатларида бюджет ташкилотлари учун бюджетдан ташқари маблағлар бўйича белгиланган тартибда тузилади ва тасдиқланади.
9. Даромадлар ва харажатлар сметаси Ўзбекистон Республикаси Молия вазирлигида қонун ҳужжатларида белгиланган тартибда рўйхатдан ўтказилади.
10. Марказлаштирилган жамғарманинг даромадлар ва харажатлар сметаси молиявий маблағлар келиб тушишининг прогнозидан келиб чиқиб ва кейинги йилга мўлжалланган чора-тадбирлар режасига мувофиқ тузилади.
11. Даромадлар ва харажатлар прогнозини тайёрлаш, Марказлаштирилган жамғарманинг даромадлари ва харажатлари таҳлили ҳамда мониторингини амалга ошириш, Марказлаштирилган жамғарма бўйича ойлик, чораклик ва йиллик молиявий ҳисоботларни қабул қилиш ва таҳлил этиш ЖИЭД Молия-иқтисодиёт бошқармаси ва Ишлаб чиқариш-техника бошқармаси томонидан амалга оширилади.
12. Марказлаштирилган жамғарманинг жорий йилда фойдаланилмай қолган маблағлари кейинги молиявий йилга ўтади ва олиб қўйилмайди.
4-боб. Марказлаштирилган жамғарма маблағларини бошқариш
13. Марказлаштирилган жамғарма маблағларини бошқариш ЖИЭД томонидан амалга оширилади.
14. Марказлаштирилган жамғарма маблағлари ЖИЭД бошлиғи, ЖИЭД бошлиғининг ўринбосари — Молия-иқтисодиёт бошқармаси бошлиғининг қарори билан сарфланади, Марказлаштирилган жамғармадан базавий ҳисоблаш миқдорининг 50 баробаридан ортиқ суммадаги маблағларни сарфлаш эса — ЖИЭДнинг Марказлаштирилган жамғарма маблағларидан фойдаланиш бўйича комиссияси (кейинги ўринларда Комиссия деб аталади) қарори билан амалга оширилади.
15. Комиссия таркиби 5 кишидан кам бўлмаган аъзо, шунингдек котибдан иборат бўлиб, ЖИЭД бошлиғининг буйруғи билан тасдиқланади.
ЖИЭД бошлиғи Комиссия раиси ҳисобланади.
16. Холислик, очиқлик ва қарорлар қабул қилишда ошкоралик Комиссия ишининг асосий принциплари ҳисобланади.
17. Қуйидагилар Комиссиянинг асосий вазифалари ҳисобланади:
ушбу Низомда белгиланган тартибда Марказлаштирилган жамғарма ишларини ташкил этиш ва унинг маблағларини тасарруф этиш;
Марказлаштирилган жамғарма маблағларидан мақсадли фойдаланилишини доимий мониторинг қилиш;
ушбу Низомда назарда тутилган мақсадлар учун маблағлар ажратиш ҳақидаги буюртманомаларни кўриб чиқиш ва умумлаштириш, нисбатан долзарб бўлган ва асослантирилган буюртманомаларни танлаш;
ажратилган маблағлардан белгиланган мақсадда фойдаланилмаган ҳолатлар аниқланганда ажратилган маблағларни ундириш ва молиялаштиришни тўхтатиб қўйиш чораларини кўриш;
Марказлаштирилган жамғарма фаолиятига тегишли масалалар юзасидан қарорлар қабул қилиш.
18. Комиссия Марказлаштирилган жамғарма маблағларидан ушбу Низомнинг 5-бандида назарда тутилган тадбирлар учун фойдаланиш масаласини кўриб чиқади ва қарорлар қабул қилади.
19. Комиссия мажлислари заруратга кўра ўтказилади.
Комиссия мажлислари унинг ишида аъзоларининг камида учдан икки қисми иштирок этган тақдирда ваколатли ҳисобланади. Комиссия қарорлари унинг мажлисида иштирок этган Комиссия аъзоларининг оддий кўпчилик овози билан қабул қилинади. Комиссия аъзоларининг овозлари тенг бўлиб қолган тақдирда раиснинг овози ҳал қилувчи ҳисобланади.
20. Комиссия қарори Комиссия мажлиси баёни билан расмийлаштирилади, Комиссиянинг раиси ва мажлисда иштирок этган барча аъзолари томонидан имзоланади ҳамда ЖИЭДнинг муҳри билан тасдиқланади.
21. Комиссия раиси:
Комиссия ишида холислик ва очиқликни;
Комиссия томонидан ўзининг зиммасига юкланган вазифаларнинг тўлиқ бажарилишини;
Комиссия томонидан Марказлаштирилган жамғарма маблағларини тасарруф этиш бўйича қарорлар қабул қилишда қонун ҳужжатлари талабларига риоя қилинишини таъминлайди.
22. Комиссия котиби:
ЖИЭДнинг тегишли хизматлари ва жазони ижро этиш муассасаларидан Комиссиянинг навбатдаги мажлисини ўтказиш учун зарур ҳужжатлар ва материалларни сўраб олади;
Комиссия мажлисини ўтказиш учун зарур ахборотларни тайёрлайди ва мажлисдан камида учун кун олдин уларни Комиссия раиси ва аъзоларига тақдим этади;
Комиссия мажлиси баёнларининг расмийлаштирилиши, Комиссия ҳужжатларининг юритилиши ва сақланишини таъминлайди.
23. Марказлаштирилган жамғарма маблағларидан жазони ижро этиш муассасаларининг моддий-техника базасини ривожлантириш ва мустаҳкамлаш, таъмирлаш ҳамда ушбу Низомда назарда тутилган бошқа мақсадларга маблағ ажратиш учун Комиссияга мавжуд муаммолар ва уларнинг ечими, маблағларни сарфлаш мақсадлари ва кутилаётган натижалар кўрсатилган тушунтириш хати, зарур жиҳозлар ва эҳтиёт қисмлар рўйхати, сўралаётган сумманинг ҳисоб-китоби, шунингдек бажариладиган ишлар ҳажми кўрсатилган таъмирлаш бўйича камчиликлар далолатномаси ва бошқа зарур ҳужжатлар тақдим этилади.
5-боб. Ҳисоб ва ҳисобот
24. Марказлаштирилган жамғарма маблағларининг тушуми ва уларни сарфлаш ҳисоби қонун ҳужжатларига мувофиқ амалга оширилади.
Марказлаштирилган жамғарма маблағларини шакллантириш ва улардан фойдаланиш бўйича ҳисоб ва ҳисоботни юритиш ЖИЭДнинг Молия-иқтисодиёт бошқармаси томонидан амалга оширилади.
25. Марказлаштирилган жамғарма маблағларининг тушуми ва уларни сарфлаш ҳақида ҳисобот бюджет ташкилотлари учун белгиланган тартибда ва муддатларда Ўзбекистон Республикаси Молия вазирлигига тақдим этилади.
26. Ўзбекистон Республикаси Молия вазирлиги томонидан ЖИЭДнинг кейинги йил учун харажатлар сметасини тасдиқлашда Марказлаштирилган жамғарманинг даромадлари ва харажатлари мажбурий тартибда инобатга олинади.
27. ЖИЭД ва жазони ижро этиш муассасаларининг раҳбарлари ва бош бухгалтерлари Марказлаштирилган жамғарма маблағларидан мақсадли фойдаланилиши, бухгалтерия ҳисобининг тўғри юритилиши, маблағларнинг тушуми ва сарфланиши тўғрисидаги молиявий ҳисоботларнинг тузилиши ва тақдим этилиши учун шахсан жавоб берадилар.
Марказлаштирилган жамғарма маблағларидан белгиланган мақсадда фойдаланилмаган ҳолатлар аниқланганда белгиланган мақсадда фойдаланилмаганлиги аниқланган барча сумма айбдор шахсларга нисбатан қонун ҳужжатларида белгиланган тартибда тегишли жавобгарлик чораларини қўллаган ҳолда, Ўзбекистон Республикасининг Давлат бюджети даромадига ўтказилади.
6-боб. Якунловчи қоида
28. Марказлаштирилган жамғарма маблағларидан белгиланган мақсадда фойдаланилиши юзасидан назорат Ўзбекистон Республикаси Ички ишлар вазирлигининг Назорат-тафтиш инспекцияси ва бошқа соҳавий хизматлари томонидан қонун ҳужжатларида белгиланган тартибда амалга оширилади.
Ўзбекистон Республикасининг Бош вазири А. АРИПОВ
Тошкент ш.,
2017 йил 23 октябрь,
861-сон
Oʻzbekiston Respublikasi Vazirlar Mahkamasining
qarori
NIZOM
Oʻzbekiston Respublikasi Ichki ishlar vazirligi huzuridagi Jazoni ijro etish departamentining Markazlashtirilgan jamgʻarmasi toʻgʻrisida
Oʻzbekiston Respublikasi Prezidentining “Ichki ishlar organlarining ozodlikdan mahrum etish bilan bogʻliq boʻlgan jazolarni ijro etish sohasidagi faoliyatini tubdan takomillashtirish chora-tadbirlari toʻgʻrisida” 2017-yil 11-avgustdagi PQ-3200-son qaroriga muvofiq, shuningdek jazoni ijro etish muassasalarining moddiy-texnika bazasini mustahkamlash maqsadida Vazirlar Mahkamasi qaror qiladi:
1. Belgilansinki, Oʻzbekiston Respublikasi Ichki ishlar vazirligi huzuridagi Jazoni ijro etish departamentining Markazlashtirilgan jamgʻarmasi quyidagilar hisobidan shakllantiriladi:
jazoni ijro etish muassasalarining ishlab chiqarish va qishloq xoʻjaligi faoliyatidan, shuningdek, xizmatlar koʻrsatishdan oladigan daromadlaridan Jazoni ijro etish departamenti tomonidan belgilanadigan miqdorlardagi ajratmalar;
jazoni ijro etish muassasalarining. soliqlar va yigʻimlar, shuningdek davlat maqsadli jamgʻarmalariga ajratmalar boʻyicha qonun hujjatlarida nazarda tutilgan imtiyozlar taqdim etilishi natijasida jamgʻariladigan mablagʻlari;
ozodlikdan mahrum etilgan shaxslarning ijro hujjatlari boʻyicha Davlat budjetiga jazoni ijro etish muassasalari tomonidan undirilgan mablagʻlarning 50 foizi miqdoridagi ajratmalar natijasida jamgʻariladigan mablagʻlari;
boʻsh turgan budjetdan tashqari mablagʻlarni tijorat banklari depozitlariga joylashtirish hisobidan olingan daromadlar.
2. Oʻzbekiston Respublikasi Ichki ishlar vazirligi huzuridagi Jazoni ijro etish departamentining Markazlashtirilgan jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom ilovaga muvofiq tasdiqlansin.
3. Oʻzbekiston Respublikasi Ichki ishlar vazirligi huzuridagi Jazoni ijro etish departamenti (keyingi oʻrinlarda — JIED) jazoni ijro etish muassasalarining ushbu qarorning 2-bandida nazarda tutilgan mablagʻlarini maxsus gʻazna hisobvaragʻida jamlasin.
5. Oʻzbekiston Respublikasi Ichki ishlar vazirligi huzuridagi Jazoni ijro etish departamenti Markazlashtirilgan jamgʻarmasi mablagʻlaridan maqsadli foydalanilishi yuzasidan nazoratni taʼminlasin.
6. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2017-yil 23-oktabrdagi 861-son qaroriga ILOVA
Oʻzbekiston Respublikasi Ichki ishlar vazirligi huzuridagi Jazoni ijro etish departamentining Markazlashtirilgan jamgʻarmasi mablagʻlarini shakllantirish va ulardan foydalanish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Ichki ishlar vazirligi huzuridagi Jazoni ijro etish departamentining Markazlashtirilgan jamgʻarmasi (keyingi oʻrinlarda Markazlashtirilgan jamgʻarma deb ataladi) mablagʻlarini shakllantirish va ulardan foydalanish tartibini belgilaydi.
2. Markazlashtirilgan jamgʻarma Oʻzbekiston Respublikasi Ichki ishlar vazirligi huzuridagi Jazoni ijro etish departamentida (keyingi oʻrinlarda — JIED) yuridik shaxs tashkil etmagan holda tuziladi.
3. Markazlashtirilgan jamgʻarma mablagʻlari JIEDning maxsus gʻazna hisobvaragʻida jamlanadi.
2-bob. Markazlashtirilgan jamgʻarma mablagʻlarini shakllantirish tartibi
4. Quyidagilar Markazlashtirilgan jamgʻarma mablagʻlarini shakllantirish manbalari hisoblanadi:
jazoni ijro etish muassasalarining ishlab chiqarish va qishloq xoʻjaligi faoliyatidan, shuningdek, xizmatlar koʻrsatishdan oladigan daromadlaridan JIED tomonidan belgilanadigan miqdorlardagi ajratmalar;
ozodlikdan mahrum etilgan shaxslarning ijro hujjatlari boʻyicha Davlat budjetiga jazoni ijro etish muassasalari tomonidan undirilgan mablagʻlarning 50 foizi miqdoridagi ajratmalar natijasida jamgʻariladigan mablagʻlari;
boʻsh turgan budjetdan tashqari mablagʻlarni tijorat banklari depozitlariga joylashtirish hisobidan olingan daromadlar;
jazoni ijro etish muassasalarining soliqlar va yigʻimlar, shuningdek davlat maqsadli jamgʻarmalariga ajratmalar boʻyicha qonun hujjatlarida nazarda tutilgan imtiyozlar taqdim etilishi natijasida jamgʻariladigan mablagʻlari.
Markazlashtirilgan jamgʻarmaga ajratmalar miqdori jazoni ijro etish muassasalarining oladigan daromadlariga bogʻliq ravishda har bir muassasa uchun alohida belgilanadi va moliya yili yakunlari boʻyicha JIED boshligʻining buyrugʻi bilan tasdiqlanadi.
3-bob. Markazlashtirilgan jamgʻarma mablagʻlaridan foydalanishning asosiy yoʻnalishlari
5. Markazlashtirilgan jamgʻarma mablagʻlaridan quyidagilar uchun foydalaniladi:
JIED binolari va inshootlarini qurish va rekonstruksiya qilish, mukammal va joriy taʼmirlash, shuningdek qurilish materiallari xarid qilish, JIED va uning muassasalari binolari va inshootlarini jihozlash;
jazoni ijro etish muassasalarining ishlab chiqarish quvvatlarini rivojlantirish va modernizatsiya qilish hamda texnik qayta jihozlash;
jazoni ijro etish muassasalariga moliyaviy yordam koʻrsatish;
avtotransport, aloqa vositalari, kompyuter va tashkiliy texnika, jihozlar va xoʻjalik buyumlari xarid qilish, shuningdek, ularni taʼmirlash va ularga texnik xizmat koʻrsatish;
mahkumlar va qamoqqa olinganlarni qoʻriqlash va nazorat qilishning zamonaviy texnik vositalarini, shuningdek, JIED, uning muassasalari uchun boshqa zamonaviy axborot-kommunikatsiya texnologiyalari vositalari xarid qilish;
jazoni ijro etish muassasalari joylashgan joylarda JIED va uning muassasalari xodimlarining (ishchilarining) egallagan lavozimda boʻlish muddati davomida yashashi uchun moʻljallangan xizmat turar joylari (kvartiralar) qurish (xarid qilish), shu jumladan, ikkilamchi bozorda xarid qilish;
konsalting, sud va boshqa xizmatlar bilan bogʻliq xarajatlarni qoplash;
JIED xodimlarini (ishchilarini) tayyorlash, qayta tayyorlash va ularning malakasini oshirish xarajatlarini qoplash;
davriy bosma nashrlar, maxsus adabiyotlar, kitob mahsulotlari, kanselyariya buyumlari, tashqi targʻibot-tushuntirish vositalari (bannerlar va boshqalar) xarid qilish;
JIED va jazoni ijro etish muassasalari xodimlariga, ishchi va xizmatchilariga moddiy yordam koʻrsatish, ustamalar belgilash va ularni ijtimoiy muhofaza qilish;
seminarlar, davra suhbatlari, konferensiyalar, amaliy mashgʻulotlar, treninglar, profilaktik, madaniy va tantanali tadbirlar tashkil etish va oʻtkazish, shuningdek, boshqa ishlab chiqarish va maishiy ehtiyojlar;
Oʻzbekiston Respublikasida qidiruvda boʻlgan mahkumlar xorijiy davlat sudlari tomonidan jarimaga tortilgan taqdirda, qonunchilik hujjatlariga binoan keyinchalik mahkumlarning oylik ish haqlaridan ushlab qolinishini nazarda tutgan holda toʻlanadigan jarima mablagʻlari.
Oʻzbekiston Respublikasida qidiruvda boʻlgan mahkumlarni (shaxslarni) ushlash jarayonida koʻmaklashgan fuqarolar, ichki ishlar organlari xodimlari va boshqa soha xodimlarini ragʻbatlantirish;
Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi hamda Vazirlar Mahkamasining qarorlari va topshiriqlari asosida homiylik xayriyalarini ajratish;
jazoni ijro etish muassasalarining ishlab chiqarish boʻlinmalariga yuqori malakali menejerlarni (mutaxassislarni), zarur mutaxassislikka ega boʻlmagan xizmat koʻrsatuvchi xodimlarni fuqarolik-huquqiy shartnoma asosida jalb qilish.
6. Moddiy yordam JIED va jazoni ijro etish muassasalari xodimlariga (ishchilariga) ularning yozma ariza orqali murojaatlari yoki tegishli muassasaning kasaba uyushmasi qoʻmitasining iltimosnomasi asosida istisno holatlarda (nikoh toʻyi, yaqin qarindoshlarning oʻlimi, ogʻir jarohat olish, kasallik, oiladagi ogʻir moddiy sharoit, tabiiy ofat oqibatlarida) koʻrsatiladi. Bunda koʻrsatiladigan moddiy yordam miqdori bir yilda lavozim maoshining ikki barobaridan oshishi mumkin emas.
7. Markazlashtirilgan jamgʻarma mablagʻlaridan foydalanish JIED boshligʻi tomonidan tasdiqlanadigan daromadlar va xarajatlar smetasiga muvofiq amalga oshiriladi.
8. Markazlashtirilgan jamgʻarmaning daromadlar va xarajatlar smetasi JIED tomonidan, qonun hujjatlarida budjet tashkilotlari uchun budjetdan tashqari mablagʻlar boʻyicha belgilangan tartibda tuziladi va tasdiqlanadi.
9. Daromadlar va xarajatlar smetasi Oʻzbekiston Respublikasi Moliya vazirligida qonun hujjatlarida belgilangan tartibda roʻyxatdan oʻtkaziladi.
10. Markazlashtirilgan jamgʻarmaning daromadlar va xarajatlar smetasi moliyaviy mablagʻlar kelib tushishining prognozidan kelib chiqib va keyingi yilga moʻljallangan chora-tadbirlar rejasiga muvofiq tuziladi.
11. Daromadlar va xarajatlar prognozini tayyorlash, Markazlashtirilgan jamgʻarmaning daromadlari va xarajatlari tahlili hamda monitoringini amalga oshirish, Markazlashtirilgan jamgʻarma boʻyicha oylik, choraklik va yillik moliyaviy hisobotlarni qabul qilish va tahlil etish JIED Moliya-iqtisodiyot boshqarmasi va Ishlab chiqarish-texnika boshqarmasi tomonidan amalga oshiriladi.
12. Markazlashtirilgan jamgʻarmaning joriy yilda foydalanilmay qolgan mablagʻlari keyingi moliyaviy yilga oʻtadi va olib qoʻyilmaydi.
4-bob. Markazlashtirilgan jamgʻarma mablagʻlarini boshqarish
13. Markazlashtirilgan jamgʻarma mablagʻlarini boshqarish JIED tomonidan amalga oshiriladi.
14. Markazlashtirilgan jamgʻarma mablagʻlari JIED boshligʻi, JIED boshligʻining oʻrinbosari — Moliya-iqtisodiyot boshqarmasi boshligʻining qarori bilan sarflanadi, Markazlashtirilgan jamgʻarmadan bazaviy hisoblash miqdorining 50 barobaridan ortiq summadagi mablagʻlarni sarflash esa — JIEDning Markazlashtirilgan jamgʻarma mablagʻlaridan foydalanish boʻyicha komissiyasi (keyingi oʻrinlarda Komissiya deb ataladi) qarori bilan amalga oshiriladi.
15. Komissiya tarkibi 5 kishidan kam boʻlmagan aʼzo, shuningdek kotibdan iborat boʻlib, JIED boshligʻining buyrugʻi bilan tasdiqlanadi.
JIED boshligʻi Komissiya raisi hisoblanadi.
16. Xolislik, ochiqlik va qarorlar qabul qilishda oshkoralik Komissiya ishining asosiy prinsiplari hisoblanadi.
17. Quyidagilar Komissiyaning asosiy vazifalari hisoblanadi:
ushbu Nizomda belgilangan tartibda Markazlashtirilgan jamgʻarma ishlarini tashkil etish va uning mablagʻlarini tasarruf etish;
Markazlashtirilgan jamgʻarma mablagʻlaridan maqsadli foydalanilishini doimiy monitoring qilish;
ushbu Nizomda nazarda tutilgan maqsadlar uchun mablagʻlar ajratish haqidagi buyurtmanomalarni koʻrib chiqish va umumlashtirish, nisbatan dolzarb boʻlgan va asoslantirilgan buyurtmanomalarni tanlash;
ajratilgan mablagʻlardan belgilangan maqsadda foydalanilmagan holatlar aniqlanganda ajratilgan mablagʻlarni undirish va moliyalashtirishni toʻxtatib qoʻyish choralarini koʻrish;
Markazlashtirilgan jamgʻarma faoliyatiga tegishli masalalar yuzasidan qarorlar qabul qilish.
18. Komissiya Markazlashtirilgan jamgʻarma mablagʻlaridan ushbu Nizomning 5-bandida nazarda tutilgan tadbirlar uchun foydalanish masalasini koʻrib chiqadi va qarorlar qabul qiladi.
19. Komissiya majlislari zaruratga koʻra oʻtkaziladi.
Komissiya majlislari uning ishida aʼzolarining kamida uchdan ikki qismi ishtirok etgan taqdirda vakolatli hisoblanadi. Komissiya qarorlari uning majlisida ishtirok etgan Komissiya aʼzolarining oddiy koʻpchilik ovozi bilan qabul qilinadi. Komissiya aʼzolarining ovozlari teng boʻlib qolgan taqdirda raisning ovozi hal qiluvchi hisoblanadi.
20. Komissiya qarori Komissiya majlisi bayoni bilan rasmiylashtiriladi, Komissiyaning raisi va majlisda ishtirok etgan barcha aʼzolari tomonidan imzolanadi hamda JIEDning muhri bilan tasdiqlanadi.
21. Komissiya raisi:
Komissiya ishida xolislik va ochiqlikni;
Komissiya tomonidan oʻzining zimmasiga yuklangan vazifalarning toʻliq bajarilishini;
Komissiya tomonidan Markazlashtirilgan jamgʻarma mablagʻlarini tasarruf etish boʻyicha qarorlar qabul qilishda qonun hujjatlari talablariga rioya qilinishini taʼminlaydi.
22. Komissiya kotibi:
JIEDning tegishli xizmatlari va jazoni ijro etish muassasalaridan Komissiyaning navbatdagi majlisini oʻtkazish uchun zarur hujjatlar va materiallarni soʻrab oladi;
Komissiya majlisini oʻtkazish uchun zarur axborotlarni tayyorlaydi va majlisdan kamida uchun kun oldin ularni Komissiya raisi va aʼzolariga taqdim etadi;
Komissiya majlisi bayonlarining rasmiylashtirilishi, Komissiya hujjatlarining yuritilishi va saqlanishini taʼminlaydi.
23. Markazlashtirilgan jamgʻarma mablagʻlaridan jazoni ijro etish muassasalarining moddiy-texnika bazasini rivojlantirish va mustahkamlash, taʼmirlash hamda ushbu Nizomda nazarda tutilgan boshqa maqsadlarga mablagʻ ajratish uchun Komissiyaga mavjud muammolar va ularning yechimi, mablagʻlarni sarflash maqsadlari va kutilayotgan natijalar koʻrsatilgan tushuntirish xati, zarur jihozlar va ehtiyot qismlar roʻyxati, soʻralayotgan summaning hisob-kitobi, shuningdek bajariladigan ishlar hajmi koʻrsatilgan taʼmirlash boʻyicha kamchiliklar dalolatnomasi va boshqa zarur hujjatlar taqdim etiladi.
5-bob. Hisob va hisobot
24. Markazlashtirilgan jamgʻarma mablagʻlarining tushumi va ularni sarflash hisobi qonun hujjatlariga muvofiq amalga oshiriladi.
Markazlashtirilgan jamgʻarma mablagʻlarini shakllantirish va ulardan foydalanish boʻyicha hisob va hisobotni yuritish JIEDning Moliya-iqtisodiyot boshqarmasi tomonidan amalga oshiriladi.
25. Markazlashtirilgan jamgʻarma mablagʻlarining tushumi va ularni sarflash haqida hisobot budjet tashkilotlari uchun belgilangan tartibda va muddatlarda Oʻzbekiston Respublikasi Moliya vazirligiga taqdim etiladi.
26. Oʻzbekiston Respublikasi Moliya vazirligi tomonidan JIEDning keyingi yil uchun xarajatlar smetasini tasdiqlashda Markazlashtirilgan jamgʻarmaning daromadlari va xarajatlari majburiy tartibda inobatga olinadi.
27. JIED va jazoni ijro etish muassasalarining rahbarlari va bosh buxgalterlari Markazlashtirilgan jamgʻarma mablagʻlaridan maqsadli foydalanilishi, buxgalteriya hisobining toʻgʻri yuritilishi, mablagʻlarning tushumi va sarflanishi toʻgʻrisidagi moliyaviy hisobotlarning tuzilishi va taqdim etilishi uchun shaxsan javob beradilar.
Markazlashtirilgan jamgʻarma mablagʻlaridan belgilangan maqsadda foydalanilmagan holatlar aniqlanganda belgilangan maqsadda foydalanilmaganligi aniqlangan barcha summa aybdor shaxslarga nisbatan qonun hujjatlarida belgilangan tartibda tegishli javobgarlik choralarini qoʻllagan holda, Oʻzbekiston Respublikasining Davlat budjeti daromadiga oʻtkaziladi.
6-bob. Yakunlovchi qoida
28. Markazlashtirilgan jamgʻarma mablagʻlaridan belgilangan maqsadda foydalanilishi yuzasidan nazorat Oʻzbekiston Respublikasi Ichki ishlar vazirligining Nazorat-taftish inspeksiyasi va boshqa sohaviy xizmatlari tomonidan qonun hujjatlarida belgilangan tartibda amalga oshiriladi.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 23-oktabr,
861-son
Кабинета Министров Республики Узбекистан
Постановление
ПОЛОЖЕНИЕ
О Централизованном фонде Департамента исполнения наказаний при Министерства внутренних дел Республики Узбекистан
В соответствии с постановлением Президента Республики Узбекистан от 11 августа 2017 года № ПП-3200 «О мерах по коренному совершенствованию деятельности органов внутренних дел в сфере исполнения наказаний, связанных с лишением свободы», а также в целях укрепления материально-технической базы учреждений по исполнению наказания Кабинет Министров постановляет:
1. Определить, что Централизованный фонд Департамента исполнения наказания при Министерстве внутренних дел Республики Узбекистан формируется за счет:
отчислений от прибыли, получаемой за счет производственной и сельскохозяйственной деятельности учреждений по исполнению наказания, а также оказания ими услуг, в размерах, определяемых Департаментом исполнения наказания;
средств учреждений по исполнению наказания, сформированных в результате предоставленных льгот по налогам и сборам, а также обязательных отчислений в государственные целевые фонды, предусмотренных законодательством;
средств, накопленных в результате отчислений в размере 50 процентов от средств, изымаемых учреждениями по исполнению наказания в пользу Государственного бюджета по исполнительным документам с лиц, осужденных к лишению свободы;
доходы, полученные за счет размещения свободных внебюджетных средств на депозитах в коммерческих банках.
2. Утвердить Положение о порядке формирования и использования средств Централизованного фонда Департамента исполнения наказания при Министерстве внутренних дел Республики Узбекистан согласно приложению .
3. Департаменту исполнения наказания при Министерстве внутренних дел Республики Узбекистан (далее — ДИН) аккумулировать на специальном казначейском лицевом счете средства учреждений по исполнению наказания, указанные в пункте 2 настоящего постановления.
5. Министерству внутренних дел Республики Узбекистан обеспечить контроль за использованием средств Централизованного фонда Департамента исполнения наказания строго по целевому назначению.
6. Контроль за исполнением настоящего постановления возложить на министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 23 октября 2017 года № 861
о порядке формирования и использования средств Централизованного фонда Департамента исполнения наказания при Министерстве внутренних дел Республики Узбекистан
Глава 1. Общие положения
1. Настоящее Положение определяет порядок формирования и использования средств Централизованного фонда Департамента исполнения наказания при Министерстве внутренних дел Республики Узбекистан (далее — Централизованный фонд).
2. Централизованный фонд создается в Департаменте исполнения наказания при Министерстве внутренних дел Республики Узбекистан (далее — ДИН) без образования юридического лица.
3. Средства Централизованного фонда аккумулируются на специальном казначейском лицевом счете ДИН.
Глава 2. Порядок формирования средств Централизованного фонда
4. Источником формирования средств Централизованного фонда являются:
отчисления от прибыли, получаемой за счет производственной и сельскохозяйственной деятельности учреждений по исполнению наказания, а также оказания ими услуг, в размерах, определяемых ДИН;
средства, накопленные в результате отчислений в размере 50 процентов от средств, изымаемых учреждениями по исполнению наказания в пользу Государственного бюджета по исполнительным документам с лиц, осужденных к лишению свободы;
доходы, полученные за счет размещения свободных внебюджетных средств на депозитах в коммерческих банках;
средства учреждений по исполнению наказания, сформированные в результате предоставленных льгот по налогам и сборам, а также обязательных отчислений в государственные целевые фонды, предусмотренных законодательством.
Размеры отчислений в Централизованный фонд определяются в зависимости от получаемой прибыли учреждений по исполнению наказания отдельно для каждого учреждения и утверждаются приказом начальника ДИН по итогам финансового года.
Глава 3. Основные направления использования средств Централизованного фонда
5. Средства Централизованного фонда используются на:
строительство и реконструкцию, капитальный и текущий ремонт зданий и сооружений ДИН, а также приобретение строительных материалов, оборудование зданий и помещений ДИН и его учреждений;
развитие и модернизацию производственных мощностей и техническое перевооружение учреждений по исполнению наказания;
оказание финансовой помощи учреждениям по исполнению наказания;
приобретение автотранспорта, средств связи, компьютерной и оргтехники, инвентаря и хозяйственных принадлежностей, а также осуществление их ремонта и технического обслуживания;
приобретение современных технических средств охраны и надзора за осужденными и лицами, заключенными под стражу, а также других современных средств информационно-коммуникационных технологий для ДИН, его учреждений;
строительство (приобретение) служебных жилых домов (квартир) в местах дислокации учреждений по исполнению наказания, включая приобретение на вторичном рынке, предназначенных для проживания сотрудников (работников) ДИН и его учреждений в период пребывания в занимаемой должности;
покрытие расходов, связанных с консалтинговыми, судебными и другими услугами;
покрытие расходов по подготовке, переподготовке и повышению квалификации сотрудников (работников) ДИН;
приобретение периодических печатных изданий, специальной литературы, книжной продукции, канцелярских товаров, внешних агитационно-разъяснительных носителей (баннеры и др.);
оказание материальной помощи, установление надбавок и социальную защиту сотрудников, работников и служащих ДИН и учреждений по исполнению наказания;
организацию и проведение семинаров, «круглых столов», конференций, практических занятий, тренингов, профилактических, культурных и торжественных мероприятий, а также других производственных и бытовых нужд;
суммы штрафов, уплачиваемые в случае, если осужденные, находящиеся в розыске в Республике Узбекистан, оштрафованы судами иностранных государств, и которые впоследствии будут удержаны из месячной заработной платы осужденных в соответствии с актами законодательства.
Поощрять граждан, сотрудников органов внутренних дел и работников других отраслей промышленности, оказавших содействие в процессе поимки разыскиваемых осужденных (лиц) в Республике Узбекистан;
Выделение спонсорских пожертвований осуществляется на основании решений и поручений Президента Республики Узбекистан, администрации президента Республики Узбекистан и Кабинета Министров;
привлекать высококвалифицированных руководителей (специалистов), обслуживающий персонал, не имеющий необходимой специальности, в производственные подразделения учреждений исполнения наказаний на основании гражданско-правового договора.
6. Материальная помощь оказывается сотрудникам (работникам) ДИН и учреждений по исполнению наказания в исключительных случаях по их обращению на основании письменного заявления или по ходатайству профсоюзного комитета соответствующего учреждения (свадьба, смерть близких родственников, получение тяжелых травм, заболевания, тяжелое материальное положение в семье, последствия стихийных бедствий). При этом размер материальной помощи не может превышать размеров двух должностных окладов в год.
7. Использование средств Централизованного фонда осуществляется в соответствии со сметой доходов и расходов, которая утверждается начальником ДИН.
8. Смета доходов и расходов Централизованного фонда составляется и утверждается ДИН в порядке, установленном законодательством для бюджетных организаций по внебюджетным средствам.
9. Смета доходов и расходов регистрируется в Министерстве финансов Республики Узбекистан в порядке, установленном законодательством.
10. Смета доходов и расходов Централизованного фонда составляется, исходя из прогноза поступлений финансовых средств и согласно плану мероприятий на следующий год.
11. Подготовка прогноза доходов и расходов, осуществление анализа и мониторинга доходов и расходов Централизованного фонда, принятие и анализ месячных, квартальных и годовых финансовых отчетов по Централизованному фонду осуществляются Финансово-экономическим управлением и Производственно-техническим управлением ДИН.
12. Остаток неиспользованных в текущем году финансовых средств Централизованного фонда переходит на следующий финансовый год и изъятию не подлежит.
Глава 4. Управление средствами Централизованного фонда
13. Управление средствами Централизованного фонда осуществляется ДИН.
14. Средства Централизованного фонда расходуются по решению начальника ДИН, заместителя начальника ДИН - начальника финансово-экономического управления, а в случае расходования средств Централизованного фонда на сумму свыше 50 размеров базовых расчетных величин — по решению Комиссии по использованию средств Централизованного фонда ДИН (далее — Комиссия).
15. Состав Комиссии утверждается приказом начальника ДИН в количестве не менее пяти человек, а также секретаря.
Председателем Комиссия является начальник ДИН.
16. Основными принципами работы Комиссии являются объективность, гласность и прозрачность при принятии решений.
17. Основными задачами Комиссии являются:
организация работы и распоряжение средствами Централизованного фонда в соответствии с порядком, установленным настоящим Положением;
постоянный мониторинг целевого использования средств Централизованного фонда;
рассмотрение и обобщение заявок на выделение средств для целей, предусмотренных настоящим Положением, отбор наиболее актуальных и обоснованных заявок;
принятие мер по взысканию выделенных средств и приостановлению финансирования при обнаружении случаев нецелевого использования выделенных средств;
принятие решений по вопросам, касающимся деятельности Централизованного фонда.
18. Комиссия рассматривает и принимает решения по использованию средств Централизованного фонда на мероприятия, предусмотренные пунктом 5 настоящего Положения.
19. Заседания Комиссии проводятся по мере необходимости.
Заседание Комиссии считается правомочным при участии на нем не менее двух третей ее членов. Решения Комиссии принимаются простым большинством голосов членов Комиссии, участвующих в заседании. В случае равенства голосов членов Комиссии, решающим является голос ее председателя.
20. Решение Комиссии оформляется протоколом заседания Комиссии, который подписывается председателем и всеми членами Комиссии, присутствующими на заседании, и заверяется печатью ДИН.
21. Председатель Комиссии обеспечивает:
объективность и гласность в работе Комиссии;
исполнение Комиссией в полном объеме возложенных на нее задач;
соблюдение требований законодательства при принятии решений Комиссии по распоряжению средствами Централизованного фонда.
22. Секретарь Комиссии:
получает от соответствующих служб ДИН и учреждений по исполнению наказания необходимые документы и материалы для проведения очередного заседания Комиссии;
подготавливает необходимую информацию для проведения заседания Комиссии и не позднее чем за три дня до заседания представляет ее председателю и членам Комиссии;
обеспечивает оформление протоколов заседаний Комиссии, ведение и сохранность документации Комиссии.
23. Для расходования средств Централизованного фонда на развитие и укрепление материально-технической базы, модернизацию, ремонт учреждений по исполнению наказания и другие цели, предусмотренные настоящим Положением, Комиссии представляется пояснительная записка с указанием имеющихся проблем и их возможных решений, целей использования средств, а также ожидаемых результатов, перечень необходимого оборудования или запасных частей, расчет запрашиваемой суммы, а также дефектные акты по ремонту с указанием объемов выполняемых работ и другие необходимые документы.
Глава 5. Учет и отчетность
24. Учет поступлений и расходования средств Централизованного фонда осуществляются в соответствии с законодательством.
Ведение учета и отчетности по формированию и использованию средств Централизованного фонда осуществляются Финансово-экономическим управлением ДИН.
25. Отчет о поступлении и расходовании средств Централизованного фонда представляется Министерству финансов Республики Узбекистан в порядке и сроки, установленные для бюджетных организаций.
26. При утверждении Министерством финансов Республики Узбекистан сметы расходов ДИН на следующий год в обязательном порядке учитываются доходы и расходы Централизованного фонда.
27. Руководители и главные бухгалтеры ДИН и учреждений по исполнению наказания несут персональную ответственность за целевое расходование, правильное ведение бухгалтерского учета, составление и предоставление финансовой отчетности о поступлении и использовании средств Централизованного фонда.
При выявлении фактов нецелевого использования средств Централизованного фонда вся выявленная сумма нецелевого использования подлежит изъятию в доход Государственного бюджета Республики Узбекистан с применением к виновным лицам соответствующих мер ответственности в установленном законодательством порядке.
Глава 6. Заключительное положение
28. Контроль за использованием средств Централизованного фонда строго по целевому назначению осуществляется Контрольно-ревизионной инспекцией и другими отраслевыми службами Министерства внутренних дел Республики Узбекистан в установленном законодательством порядке.
Премьер-министр Республики Узбекистан А. АРИПОВ
г. Ташкент,
23 октября 2017 г.,
№ 861