📅 2017-yil 19-sentabr · Vazirlik va idoralar hujjatlari · Moliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 19 сентябрь · Вазирлик ва идоралар ҳужжатлари · Молия вазири
Расмий матн. Расмий ҳужжат. Таҳририй изоҳлар киритилмаган.
📅 19 сентября 2017 г. · Документы министерств и ведомств · Министр финансов
Официальный текст. Официальный документ. Редакционные примечания не включены.
📅 19 September 2017 · Ministry and agency documents · Moliya vaziri
Official text. Official document. Editorial notes are not included.
Ўзбекистон Республикаси Молия вазирининг
буйруғи
Солиқ маслаҳати миллий стандарти (5-сонли СММС) «Солиқ маслаҳатчилари ишининг сифатини ички назорат қилишни ташкил этишга қўйиладиган талаблар »ни тасдиқлаш тўғрисида
Ўзбекистон Республикасининг «Солиқ маслаҳатига оид фаолият тўғрисида» ги Қонунининг 10-моддасига мувофиқ буюраман:
1. Солиқ маслаҳати миллий стандарти (5-сонли СММС) «Солиқ маслаҳатчилари ишининг сифатини ички назорат қилишни ташкил этишга қўйиладиган талаблар» иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси молия вазирининг 2017 йил 19 сентябрдаги 135-сон буйруғига ИЛОВА
Солиқ маслаҳати миллий стандарти (5-сонли СММС) «Солиқ маслаҳатчилари ишининг сифатини ички назорат қилишни ташкил этишга қўйиладиган талаблар »
Мазкур Солиқ маслаҳати миллий стандарти (5-сонли СММС) (бундан буён матнда Стандарт деб юритилади) Ўзбекистон Республикасида солиқ маслаҳати бўйича фаолиятни норматив тартибга солишнинг элементи ҳисобланади.
1-боб. Умумий қоидалар
1. Мазкур Стандартнинг мақсади солиқ маслаҳатчилари ишининг сифатини ички назорат қилишни ташкил этишга қўйиладиган талабларни белгилаш ҳисобланади.
2. Мазкур Стандарт талаблари барча солиқ маслаҳатчилари ташкилотлари томонидан қўлланилиши мажбурийдир.
2-боб. Солиқ маслаҳатчилари ишининг сифатини ички назорати
3. Солиқ маслаҳатчилари ишининг сифатини ички назорати деганда қонунчилик ҳужжатларига мувофиқ солиқ маслаҳати бўйича хизматларни сифатли кўрсатилишини таъминлаш бўйича ташкилий чора-тадбирлар комплекси тушунилади.
4. Солиқ маслаҳатчилари ташкилоти ўз хусусиятларини инобатга олган ҳолда солиқ маслаҳатчилари ишининг сифатини назорати ички тартибини белгилашга, шунингдек сифат назоратини тегишли равишда ташкил қилиш учун зарур бўлган ички низом, йўриқнома ва бошқа ҳужжатларни ишлаб чиқиш ва тасдиқлашга ҳақли.
5. Солиқ маслаҳатчилари ишининг сифатини ички назорати солиқ маслаҳатчилари ташкилотининг раҳбари томонидан амалга оширилади.
6. Солиқ маслаҳатчилари ишининг сифатини ички назорати тизими қуйидагиларни ўз учига олиши шарт:
ташкилотни ўз мажбуриятларини лозим даражада бажариш учун билимга, маҳоратга ва малакага эга бўлган солиқ маслаҳатчилари билан жамланганлиги;
мураккаб бўлган вазифаларни касбий малакаси ушбу вазифалар хусусиятларига мувофиқ бўлган солиқ маслаҳатчиларига топшириш;
солиқ маслаҳати бўйича хизмат кўрсатиш жараёнида ишларни зарур сифат талабларига жавоб берадиган йўналтирувчи кўрсатмалар асосида бажариш;
солиқ маслаҳатчиларнинг аниқ ҳолатларда билими етарли бўлмаганда, солиқ маслаҳатчилари ташкилоти ичида ҳам, унинг ташқарисида ҳам тегишли маслаҳатлар олиш;
ўзларига юклатилган мажбуриятларни бажармаганлик ёки лозим даражада бажармаганлик учун солиқ маслаҳатчиларига нисбатан тегишли чоралар кўриш.
3-боб. Солиқ маслаҳатчилари ишининг сифатини ички назорат қилишни ташкил этиш
7. Солиқ маслаҳатчилари ишининг сифатини ички назорати қуйидаги назорат турларини ўз ичига олади:
дастлабки;
жорий;
якуний.
8. Дастлабки ички назорат солиқ маслаҳати бўйича хизматларни кўрсатиш учун умумий режа, сарфланадиган вақт ҳисоб-китобини тайёрлашда амалга оширилади.
9. Жорий ички назорат раҳбарий кўрсатмалар ва бажарилган ишни текшириш элементларини ўз ичига олади.
10. Якуний ички назорат ҳар бир солиқ маслаҳатчиси иши натижасини текширишдан иборат.
11. Зарурат бўлганда, солиқ маслаҳатчилари ташкилоти раҳбари ишчи ҳужжатларда текширилаётган шахсга ўз баҳосини, эътирозини, шарҳини ёки тавсиясини беради.
4-боб. Солиқ маслаҳатчиси ёрдамчисининг ишини назорат қилиш
12. Солиқ маслаҳатчилари ташкилоти раҳбари солиқ маслаҳатчисининг ёрдамчиси томонидан бажарилаётган ишни доимий равишда назорат қилиши ва йўналтириб бориши керак.
13. Иш топширилаётган солиқ маслаҳатчисининг ёрдамчиси бажариши лозим бўлган иши учун жавобгарлиги тўғрисида йўл-йўриқ олиши керак.
5-боб. Якуний қоидалар
14. Ҳар бир солиқ маслаҳатчиси солиқ маслаҳатчилари ишининг сифатини ички назоратини ташкил қилиш билан танишган бўлиши шарт.
15. Солиқ маслаҳатчиси ишни сифатсиз бажарганлиги, тижорат сирини ошкор этганлиги натижасида етказилган зиён ва солиқ маслаҳатчилари ташкилоти зарар кўришига олиб келган бошқа хатти-ҳаракатлари учун қонунчилик ҳужжатларига мувофиқ солиқ маслаҳатчилари ташкилоти олдида жавобгар бўлади.
Вазир Б. ХОДЖАЕВ
Тошкент ш.,
2017 йил 19 сентябрь,
135-сон
Oʻzbekiston Respublikasi Moliya vazirining
buyrugʻi
Soliq maslahati milliy standarti (5-sonli SMMS) “Soliq maslahatchilari ishining sifatini ichki nazorat qilishni tashkil etishga qoʻyiladigan talablar ”ni tasdiqlash toʻgʻrisida
Oʻzbekiston Respublikasining “Soliq maslahatiga oid faoliyat toʻgʻrisida” gi Qonunining 10-moddasiga muvofiq buyuraman:
1. Soliq maslahati milliy standarti (5-sonli SMMS) “Soliq maslahatchilari ishining sifatini ichki nazorat qilishni tashkil etishga qoʻyiladigan talablar” ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi moliya vazirining 2017-yil 19-sentabrdagi 135-son buyrugʻiga ILOVA
Soliq maslahati milliy standarti (5-sonli SMMS) “Soliq maslahatchilari ishining sifatini ichki nazorat qilishni tashkil etishga qoʻyiladigan talablar ”
Mazkur Soliq maslahati milliy standarti (5-sonli SMMS) (bundan buyon matnda Standart deb yuritiladi) Oʻzbekiston Respublikasida soliq maslahati boʻyicha faoliyatni normativ tartibga solishning elementi hisoblanadi.
1-bob. Umumiy qoidalar
1. Mazkur Standartning maqsadi soliq maslahatchilari ishining sifatini ichki nazorat qilishni tashkil etishga qoʻyiladigan talablarni belgilash hisoblanadi.
2. Mazkur Standart talablari barcha soliq maslahatchilari tashkilotlari tomonidan qoʻllanilishi majburiydir.
2-bob. Soliq maslahatchilari ishining sifatini ichki nazorati
3. Soliq maslahatchilari ishining sifatini ichki nazorati deganda qonunchilik hujjatlariga muvofiq soliq maslahati boʻyicha xizmatlarni sifatli koʻrsatilishini taʼminlash boʻyicha tashkiliy chora-tadbirlar kompleksi tushuniladi.
4. Soliq maslahatchilari tashkiloti oʻz xususiyatlarini inobatga olgan holda soliq maslahatchilari ishining sifatini nazorati ichki tartibini belgilashga, shuningdek sifat nazoratini tegishli ravishda tashkil qilish uchun zarur boʻlgan ichki nizom, yoʻriqnoma va boshqa hujjatlarni ishlab chiqish va tasdiqlashga haqli.
5. Soliq maslahatchilari ishining sifatini ichki nazorati soliq maslahatchilari tashkilotining rahbari tomonidan amalga oshiriladi.
6. Soliq maslahatchilari ishining sifatini ichki nazorati tizimi quyidagilarni oʻz uchiga olishi shart:
tashkilotni oʻz majburiyatlarini lozim darajada bajarish uchun bilimga, mahoratga va malakaga ega boʻlgan soliq maslahatchilari bilan jamlanganligi;
murakkab boʻlgan vazifalarni kasbiy malakasi ushbu vazifalar xususiyatlariga muvofiq boʻlgan soliq maslahatchilariga topshirish;
soliq maslahati boʻyicha xizmat koʻrsatish jarayonida ishlarni zarur sifat talablariga javob beradigan yoʻnaltiruvchi koʻrsatmalar asosida bajarish;
soliq maslahatchilarning aniq holatlarda bilimi yetarli boʻlmaganda, soliq maslahatchilari tashkiloti ichida ham, uning tashqarisida ham tegishli maslahatlar olish;
oʻzlariga yuklatilgan majburiyatlarni bajarmaganlik yoki lozim darajada bajarmaganlik uchun soliq maslahatchilariga nisbatan tegishli choralar koʻrish.
3-bob. Soliq maslahatchilari ishining sifatini ichki nazorat qilishni tashkil etish
7. Soliq maslahatchilari ishining sifatini ichki nazorati quyidagi nazorat turlarini oʻz ichiga oladi:
dastlabki;
joriy;
yakuniy.
8. Dastlabki ichki nazorat soliq maslahati boʻyicha xizmatlarni koʻrsatish uchun umumiy reja, sarflanadigan vaqt hisob-kitobini tayyorlashda amalga oshiriladi.
9. Joriy ichki nazorat rahbariy koʻrsatmalar va bajarilgan ishni tekshirish elementlarini oʻz ichiga oladi.
10. Yakuniy ichki nazorat har bir soliq maslahatchisi ishi natijasini tekshirishdan iborat.
11. Zarurat boʻlganda, soliq maslahatchilari tashkiloti rahbari ishchi hujjatlarda tekshirilayotgan shaxsga oʻz bahosini, eʼtirozini, sharhini yoki tavsiyasini beradi.
4-bob. Soliq maslahatchisi yordamchisining ishini nazorat qilish
12. Soliq maslahatchilari tashkiloti rahbari soliq maslahatchisining yordamchisi tomonidan bajarilayotgan ishni doimiy ravishda nazorat qilishi va yoʻnaltirib borishi kerak.
13. Ish topshirilayotgan soliq maslahatchisining yordamchisi bajarishi lozim boʻlgan ishi uchun javobgarligi toʻgʻrisida yoʻl-yoʻriq olishi kerak.
5-bob. Yakuniy qoidalar
14. Har bir soliq maslahatchisi soliq maslahatchilari ishining sifatini ichki nazoratini tashkil qilish bilan tanishgan boʻlishi shart.
15. Soliq maslahatchisi ishni sifatsiz bajarganligi, tijorat sirini oshkor etganligi natijasida yetkazilgan ziyon va soliq maslahatchilari tashkiloti zarar koʻrishiga olib kelgan boshqa xatti-harakatlari uchun qonunchilik hujjatlariga muvofiq soliq maslahatchilari tashkiloti oldida javobgar boʻladi.
Vazir B. XODJAYEV
Toshkent sh.,
2017-yil 19-sentabr,
135-son
Министра финансов Республики Узбекистан
Приказ
Об утверждении Национального стандарта налогового консультирования (НСНК № 5) «Требования к организации внутреннего контроля качества работы налоговых консультантов»
В соответствии со статьей 10 Закона Республики Узбекистан «О деятельности по налоговому консультированию» приказываю:
1. Утвердить Национальный стандарт налогового консультирования (НСНК № 5) «Требования к организации внутреннего контроля качества работы налоговых консультантов» согласно приложению .
2. Настоящий приказ вступает в силу со дня его официального опубликования.
ПРИЛОЖЕНИЕ к приказу министра финансов Республики Узбекистан от 19 сентября 2017 года № 135
Национальный стандарт налогового консультирования (НСНК № 5) «Требования к организации внутреннего контроля качества работы налоговых консультантов»
Настоящий Национальный стандарт налогового консультирования (НСНК № 5) (далее — Стандарт) является элементом нормативного регулирования деятельности по налоговому консультированию в Республике Узбекистан.
Глава 1. Общие положения
1. Целью настоящего Стандарта является установление требований к организации внутреннего контроля качества работы налоговых консультантов.
2. Требования настоящего Стандарта обязательны к применению всеми организациями налоговых консультантов.
Глава 2. Внутренний контроль качества работы налоговых консультантов
3. Под внутренним контролем качества работы налоговых консультантов понимается комплекс организационных мер, направленных на обеспечение качественного оказания услуг по налоговому консультированию в соответствии с законодательством.
4. Организация налоговых консультантов вправе устанавливать внутренние процедуры контроля качества работы налоговых консультантов с учетом своей специфики, а также разрабатывать и утверждать внутренние положения, инструкции и иные документы, необходимые для надлежащей организации контроля качества.
5. Внутренний контроль качества работы налоговых консультантов осуществляется руководителем организации налоговых консультантов.
6. Система внутреннего контроля качества работы налоговых консультантов должна включать:
укомплектованность организации налоговыми консультантами, обладающими знаниями, умениями и навыками, необходимыми для надлежащего выполнения ими своих обязанностей;
поручение сложных заданий налоговым консультантам, профессиональная квалификация которых соответствует особенностям этих заданий;
выполнение работ в ходе оказания услуг по налоговому консультированию на основе направляющих указаний, отвечающих необходимым требованиям качества;
при недостатке знаний в конкретных обстоятельствах, получение налоговыми консультантами соответствующих консультаций внутри и вне организации налоговых консультантов;
принятие необходимых мер в отношении налоговых консультантов в случаях невыполнения или ненадлежащего выполнения ими возложенных на них обязанностей.
Глава 3. Организация внутреннего контроля качества работы налоговых консультантов
7. Внутренний контроль качества работы налоговых консультантов включает следующие виды контроля:
предварительный;
текущий;
заключительный.
8. Предварительный внутренний контроль осуществляется при подготовке общего плана, расчета затрат времени на оказание услуг по налоговому консультированию.
9. Текущий внутренний контроль включает элементы руководящих указаний и проверки выполненной работы.
10. Заключительный внутренний контроль состоит в проверке результатов работы каждого налогового консультанта.
11. В случае необходимости, руководитель организации налоговых консультантов дает в рабочих документах оценку проверяемого лица, излагает свои замечания, комментарии или рекомендации.
Глава 4. Контроль работы помощника налогового консультанта
12. Руководитель организации налоговых консультантов должен постоянно контролировать и направлять работу, выполняемую помощником налогового консультанта.
13. Помощник налогового консультанта, которому передается работа, должен быть проинструктирован об ответственности за работу, которую он должен выполнить.
Глава 5. Заключительные положения
14. Каждый налоговый консультант должен быть ознакомлен с организацией внутреннего контроля качества работы налоговых консультантов.
15. Налоговый консультант в соответствии с законодательством несет перед организацией налоговых консультантов ответственность за ущерб, причиненный в результате некачественного выполнения работы, разглашения коммерческой тайны и иных действий, повлекших убытки для организации налоговых консультантов.
Министр Б. ХОДЖАЕВ
г. Ташкент,
19 сентября 2017 г.,
№ 135