UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ДАФТАРИ

Нуфузли халқаро спорт мусобақаларида юксак натижаларга эришган Ўзбекистон спортчилари ва уларнинг тренерларини янада қўллаб-қувватлаш чора-тадбирлари тўғрисида

Ўзбекистон Республикаси Президентининг «Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш тўғрисида» 2017 йил 10 августдаги ПҚ-3196-сон қарорида белгиланган вазифалар ижросини таъминлаш, шунингдек спортчи ва тренерларни моддий қўллаб-қувватлаш ҳамда уларнинг саломатлигини янада мустаҳкамлаш мақсадида Вазирлар Маҳкамаси қарор қилади:

1. Қуйидагилар:

Олимпия ва Паралимпия ўйинлари ғолиб ва совриндорларига тўланадиган умрбод ойлик тўловлар тўлаш тартиби тўғрисидаги низом 1-иловага мувофиқ;

Юқори маҳоратли спортчиларни тайёрлаган тренерларга тўланадиган бир марталик пул мукофотларини бериш тартиби тўғрисидаги низом 2-иловага мувофиқ;

Олимпия ва Паралимпия ўйинлари ғолиб ва совриндорларининг саломатлигини санаторий-соғломлаштириш муассасаларида мустаҳкамлаш тартиби тўғрисидаги низом 3-иловага мувофиқ тасдиқлансин.

2. Белгилаб қўйилсинки, бир марталик пул мукофотлари нуфузли халқаро спорт мусобақаларида 2018 йил 1 январдан бошлаб юксак натижаларга эришган спортчиларнинг тренерларига берилади.

3. Ўзбекистон Республикаси Жисмоний тарбия ва спорт давлат қўмитаси манфаатдор вазирликлар ва идоралар билан биргаликда бир ой муддатда ўзлари қабул қилган идоравий норматив-ҳуқуқий ҳужжатларни ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Жисмоний тарбия ва спорт давлат қўмитаси раиси Р.Д. Курбанов зиммасига ҳамда Вазирлар Маҳкамасининг Соғлиқни сақлаш, экология, атроф-муҳитни муҳофаза қилиш, жисмоний тарбия ва спорт масалалари ахборот-таҳлил департаментига юклансин.

Вазирлар Маҳкамасининг 2017 йил 30 октябрдаги 878-сон қарорига 1-ИЛОВА

Олимпия ва Паралимпия ўйинлари ғолиб ва совриндорларига тўланадиган умрбод ойлик тўловлар тўлаш тартиби тўғрисида

1-боб. Умумий қоидалар

1. Ушбу Низом Олимпия ва Паралимпия ўйинларида ғолиб ва совриндор бўлган спортчилар учун умрбод ойлик тўловларни (кейинги ўринларда умрбод ойлик тўловлар деб аталади) тайинлаш, тўлаш, миқдорини ошириш ва тўлашни тўхтатиш тартибини белгилайди.

2. Умрбод ойлик тўловлар Ўзбекистон Республикаси фуқароси бўлган, Олимпия ва Паралимпия ўйинларида ғолиб ва совриндор спортчиларга (кейинги ўринларда спортчи деб аталади) тўланади.

3. Спортчиларга тўланадиган умрбод ойлик тўловлар Ўзбекистон Республикаси Жисмоний тарбия ва спорт вазирлиги (кейинги ўринларда Вазирлик деб аталади) тақдимномасига кўра, Ўзбекистон Республикаси Вазирлар Маҳкамаси фармойишига асосан амалга оширилади.

2-боб. Умрбод ойлик тўловларини тайинлаш тартиби

4. Умрбод ойлик тўловни олиш учун спортчилар ҳар йили 1 декабрга қадар қуйидаги ҳужжатларни Вазирликка тақдим этади:

мазкур Низомга иловага мувофиқ шаклдаги ариза;

спортчининг паспорти нусхаси;

Олимпия ва Паралимпия ўйинларида ғолиб ёки совриндор бўлганини тасдиқловчи диплом нусхаси (диплом бўлмаган тақдирда Халқаро олимпия қўмитаси, Халқаро паралимпия қўмитасининг тасдиқловчи ҳужжати).

6. Вазирлик Низомнинг 4-бандида кўрсатиб ўтилган ҳужжатларни уч кун ичида ўрганиб чиқади ва Ўзбекистон Республикаси Вазирлар Маҳкамасига спортчиларга умрбод ойлик тўловлар тайинлаш тўғрисида тақдимнома киритади.

7. Ўзбекистон Республикаси Вазирлар Маҳкамасининг Олимпия ва Паралимпия ўйинларида ғолиб ва совриндор бўлган спортчиларга умрбод ойлик тўловларни тайинлаш тўғрисида фармойиши қабул қилингандан сўнг Вазирлик спортчига бир кун ичида бу ҳақида ёзма равишда маълум қилади.

8. Умрбод ойлик тўлов тайинланган спортчининг фамилияси, исми, отасининг исми, фуқаролиги, доимий яшаш манзили ўзгарган тақдирда, спортчи бу ҳақида 10 кун муддатда Вазирликка ёзма равишда хабар бериши лозим.

3-боб. Умрбод ойлик тўловларни тўлаш

9. Умрбод ойлик тўлов Вазирлик томонидан спортчига қуйидаги миқдорда тўланади:

олтин медаль учун — базавий ҳисоблаш миқдорининг ўн баравари миқдорида;

кумуш медаль учун — базавий ҳисоблаш миқдорининг беш баравари миқдорида;

бронза медали учун — базавий ҳисоблаш миқдорининг беш баравари миқдорида.

10. Умрбод ойлик тўловлар жисмоний шахсларнинг даромадларига солинадиган даромад солиғисиз амалга оширилади.

11. Спортчилар учун тўланадиган умрбод ойлик тўловлар Вазирликка Спорт ва оммавий жисмоний тарбия тадбирларининг календарь режасига мувофиқ ажратиладиган Ўзбекистон Республикаси Давлат бюджети маблағлари, Миллий олимпия қўмитаси маблағлари ва қонун ҳужжатларида тақиқланмаган бошқа манбалардан молиялаштирилади.

4-боб. Умрбод ойлик тўловнинг миқдорини ошириш ёки уни тўлашни тўхтатиш асослари

12. Олимпия ва Паралимпия ўйинларида совриндор бўлганлиги учун умрбод ойлик тўловлар тайинланган спортчилар келгуси Олимпия ва Паралимпия ўйинларида ғолиб бўлган тақдирда ёки Халқаро олимпия қўмитаси ва Халқаро паралимпия қўмитасининг қарорига мувофиқ ғолиб ва совриндор деб топилганда, умрбод ойлик тўлов оширилган миқдорда ушбу Низомнинг 2-бобида назарда тутилган тартибга мувофиқ қайта тайинланади.

13. Қуйидагилар умрбод ойлик тўлов тўхтатилишига асос бўлади:

умрбод ойлик тўлов оладиган спортчи қонун ҳужжатларига мувофиқ Ўзбекистон Республикаси фуқаролигидан чиқарилганда ёки спорт мусобақаларида бошқа давлат номидан иштирок этганда;

Бутунжаҳон антидопинг ташкилоти (WADA) томонидан тақиқланган дори воситалари қўллагани аниқланиб, Олимпия ва Паралимпия ғолиб ва совриндорлигидан маҳрум этилганда;

суд қарорига мувофиқ озодликдан маҳрум этилганда;

спортчи вафот этганда.

Умрбод ойлик тўловлар тўхтатилиши спортчига аввал тўланган тўловларни қайтариб олинишига асос бўлмайди.

14. Спортчига умрбод ойлик тўлов миқдорининг оширилиши ёки тўхтатилиши Вазирликнинг тақдимномасига кўра, Ўзбекистон Республикаси Вазирлар Маҳкамаси фармойишига асосан амалга оширилади.

5-боб. Якунловчи қоидалар

15. Ушбу Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.

16. Умрбод ойлик тўловлар учун ажратилган бюджет маблағларини мақсадли ишлатилиши ва тўғри тўланиши бўйича назорат Давлат молиявий назорати инспекцияси томонидан амалга оширилади.

Олимпия ва Паралимпия ўйинлари ғолиб ва совриндорларига тўланадиган умрбод ойлик тўловлар тўлаш тартиби тўғрисидаги низомга ИЛОВА

‎ ‎ ‎ ‎ ‎ ‎ ‎ ‎ ‎ Шакл‎ ‎ ‎ ‎ ‎ ‎ ‎ ‎‎ ‎‎Ўзбекистон Республикаси Жисмоний тарбия ва спорт вазири ‎ ‎ ‎ ‎ ‎ ‎ ‎‎____________________________________га (фамилияси, исми, отасининг исми) ‎ ‎ ‎ ‎ ‎ ‎ ‎‎___________________________________, (ариза берувчининг фамилияси, исми, отасининг исми) ‎ ‎ ‎ ‎ ‎ ‎ ‎‎манзил бўйича яшовчи: ___________________ ‎ ‎ ‎ ‎ ‎ ‎ ‎‎_____________________________________; (вилояти (шаҳар), кўчаси, уй ва хонадон рақами) ‎ ‎ ‎ ‎ ‎ ‎ ‎‎______________________________________ (шахсини тасдиқловчи ҳужжат) ‎ ‎ ‎ ‎ ‎ ‎ ‎‎_____________________________________ (паспорт серияси, рақами, берилган санаси, ким томонидан берилган) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎АРИЗА ‎ ‎ ‎ ‎ ‎ ‎‎Менга Олимпия (Паралимпия) ўйинларида ғолиб ва совриндор спортчи бўлганим учун умрбод ойлик тўлов белгиланган тартибда тайинланиши масаласини кўриб чиқишингизни сўрайман. ‎ ‎ ‎ ‎ ‎ ‎ ‎ ‎ ‎ ‎ ‎‎20__ йил ____ ______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________ (ариза берувчининг имзоси) ‎ ‎ ‎‎Ариза қабул қилинган 20__ йил ____ __________________ ‎ ‎ ‎ ‎ ‎ ‎‎________________________________________________ (ҳужжатни қабул қилиб олган мутахассис имзоси) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Рўйхат рақами____________________ ‎ ‎ ‎

Вазирлар Маҳкамасининг 2017 йил 30 октябрдаги 878-сон қарорига 2-ИЛОВА

Юқори маҳоратли спортчиларни тайёрлаган тренерларга тўланадиган бир марталик пул мукофотларини бериш тартиби тўғрисида

1-боб. Умумий қоидалар

1. Ушбу Низом Олимпия ва Паралимпия, Осиё ва Паросиё ўйинларида ҳамда Олимпия ўйинлари дастурларига кирувчи спорт турлари бўйича жаҳон чемпионатларида ғолиб ва совриндор спортчиларни тайёрлаган тренерларни (кейинги ўринларда тренерлар деб аталади) бир марталик пул мукофотлари билан рағбатлантириш тартибини белгилайди.

2. Тренерларни бир марталик пул мукофотлари билан рағбатлантириш Ўзбекистон Республикаси Жисмоний тарбия ва спорт вазирлиги (кейинги ўринларда Вазирлик — деб аталади) тақдимномасига кўра, Ўзбекистон Республикаси Вазирлар Маҳкамаси фармойишига асосан амалга оширилади.

3. Тренерларни бир марталик пул мукофотлари билан рағбатлантириш харажатлари Вазирлик Спорт ва оммавий жисмоний тарбия тадбирларининг календарь режасига мувофиқ ажратиладиган Ўзбекистон Республикаси Давлат бюджети маблағлари, Миллий олимпия қўмитаси маблағлари ва қонун ҳужжатларида тақиқланмаган бошқа манбалар ҳисобидан амалга оширилади.

2-боб. Бир марталик пул мукофотларининг миқдори ва уларни тўлаш тартиби

4. Олимпия ва Паралимпия ўйинларида ғолиб ва совриндор спортчиларни тайёрлаган тренерлар қуйидаги миқдорда бир марталик пул мукофоти билан рағбатлантирилади:

олтин медаль — 20 000 АҚШ доллари;

кумуш медаль — 15 000 АҚШ доллари;

бронза медаль — 10 000 АҚШ доллари.

5. Олимпия ўйинлари дастурларига кирувчи спорт турлари бўйича жаҳон чемпионатларида ғолиб ва совриндор спортчиларни тайёрлаган тренерлар қуйидаги миқдорда бир марталик пул мукофоти билан рағбатлантирилади:

олтин медаль — 6 000 АҚШ доллари;

кумуш медаль — 3 000 АҚШ доллари;

бронза медаль — 1 500 АҚШ доллари.

6. Осиё ва Паросиё ўйинларида ғолиб ва совриндор спортчиларни тайёрлаган тренерлар қуйидаги миқдорда бир марталик пул мукофоти билан рағбатлантирилади:

олтин медаль — 2 500 АҚШ доллари;

кумуш медаль — 1 500 АҚШ доллари;

бронза медаль — 1 000 АҚШ доллари.

7. Спорт турлари бўйича федерациялар ва уюшмалар Олимпия ва Паралимпия, Осиё ва Паросиё ўйинларида ҳамда Олимпия ўйинлари дастурларига кирувчи спорт турлари бўйича жаҳон чемпионатлари якунлангандан сўнг уч кун ичида мазкур нуфузли халқаро спорт мусобақаларида ғолиб ва совриндор бўлган спортчиларни тайёрлаган тренерлар рўйхатини Вазирликка тақдим этади.

8. Вазирлик спорт турлари бўйича федерациялар ва уюшмалар томонидан тақдим этилган тренерлар рўйхатларини беш кун ичида ўрганиб чиқади, умумлаштиради ва тренерларни бир марталик пул мукофотлари билан рағбатлантириш тўғрисида Ўзбекистон Республикаси Вазирлар Маҳкамасига таклифлар киритади.

10. Ўзбекистон Республикаси Вазирлар Маҳкамасининг юқори маҳоратли спортчиларни тайёрлаган тренерларни рағбатлантириш тўғрисидаги фармойиши қабул қилингандан сўнг Вазирлик, Миллий олимпия қўмитаси бир марталик тўланадиган пул мукофотларини тўлаш учун чет эл валютасига айирбошлаш учун ваколатли банкка ўтказиб беради.

11. Ваколатли банк ўрнатилган тартибда белгиланган бир марталик пул мукофотларини ғолиб ва совриндор спортчиларни тайёрлаган тренерларга Вазирлик ва Миллий олимпия қўмитаси тақдим этган тегишли ҳужжатларга асосан АҚШ долларида талаб қилиб олгунча омонат (депозит) ҳисобварағига ўтказади ва омонат дафтарчасини расмийлаштириб беради.

12. Тренерларга тўланган бир марталик пул мукофотлари жисмоний шахсларнинг даромадларига солинадиган даромад солиғисиз амалга оширилади.

3-боб. Якунловчи қоидалар

13. Ушбу Низом талабларининг бузилишида айбдор бўлган шахслар қонун ҳужжатларида белгиланган тартибда жавоб беради.

14. Тренерларга бир марталик пул мукофотлари учун ажратилган бюджет маблағларини мақсадли ишлатилиши ва тўғри тўланиши бўйича назорат Давлат молиявий назорати инспекцияси томонидан амалга оширилади.

Вазирлар Маҳкамасининг 2017 йил 30 октябрдаги 878-сон қарорига 3-ИЛОВА

Олимпия ва Паралимпия ўйинлари ғолиб ва совриндорларининг саломатлигини санаторий-соғломлаштириш муассасаларида мустаҳкамлаш тартиби тўғрисида

1-боб. Умумий қоидалар

1. Ушбу Низом Олимпия ва Паралимпия ўйинларида ғолиб ва совриндор бўлган спортчиларга (кейинги ўринларда спортчи деб аталади) санаторий-соғломлаштириш муассасаларига йўлланмалар ажратиш ва молиялаштириш тартибини белгилайди.

2. Спортчилар ҳар йили бир марта ўзлари учун мақбул бўлган вақтда Ўзбекистон Республикаси Соғлиқни сақлаш вазирлиги, Ўзбекистон Касаба уюшмалари Федерацияси ҳамда давлат ва хўжалик бошқаруви органларига қарашли санаторий-соғломлаштириш муассасаларига (кейинги ўринларда санаторийлар деб аталади) Ўзбекистон Республикаси Давлат бюджети маблағлари, Миллий олимпия қўмитаси маблағлари ва қонун ҳужжатларида тақиқланмаган бошқа манбалар ҳисобидан соғломлаштириш курсидан бепул ўтиш ҳуқуқига эга.

3. Спортчиларни санаторийларга юбориш ушбу Низомнинг 1-иловасидаги схемага мувофиқ амалга оширилади.

4. Спортчилар санаторийларда соғломлаштириш курсидан Ўзбекистон Республикаси Вазирлар Маҳкамаси томонидан ҳар йили тасдиқланадиган Йўлланмаларни тақсимлаш режасига мувофиқ ўтадилар.

2-боб. Йўлланмалар олиш учун мурожаат қилиш

5. Спортчилар кейинги йилга санаторийга йўлланма олиш учун ҳар йили 1 сентябргача Жисмоний тарбия ва спорт вазирлигига (кейинги ўринларда Вазирлик деб аталади) қуйидаги ҳужжатларни тақдим этадилар:

ушбу Низомга 2-иловага мувофиқ шакл бўйича ариза;

спортчининг паспорт нусхаси;

Олимпия ва Паралимпия ўйинларида ғолиб ва совриндор бўлганлигини тасдиқловчи диплом нусхаси (диплом бўлмаган тақдирда Халқаро олимпия қўмитаси, Халқаро паралимпия қўмитасининг тасдиқловчи ҳужжати).

Юқоридаги ҳужжатлар Вазирликка тўлиқ тақдим этилмаган тақдирда санаторийга йўлланма олиш учун спортчининг аризаси қабул қилинмайди.

Вазирликка тақдим этилган ҳужжатлар ушбу Низомга 3-иловага мувофиқ Йўлланмалар сўраб ёзилган аризаларни рўйхатга олиш дафтарида рўйхатдан ўтказилади.

6. Йўлланма унда кўрсатилган муддатда ҳақиқий ҳисобланади.

Спортчилар саломатлигининг ҳолатига ёки бошқа асосли сабабларга кўра йўлланмадан белгиланган муддатда фойдаланиш имкониятига эга бўлмаган тақдирда, йўлланманинг амал қилиш муддати тугашидан камида икки ҳафта олдин Вазирликка мурожаат қилиб, йўлланма муддатига ўзгартириш киритишлари мумкин. Йўлланмада кўрсатилган муддатларни календарь йил мобайнида икки мартадан ортиқ муддатга кўчиришга йўл қўйилмайди.

7. Вазирлик саломатликни тиклаш муддати кўрсатилган ҳолда ариза берган спортчиларнинг рўйхатини шакллантиради ва ҳар йили 10 сентябргача Ўзбекистон Республикаси Соғлиқни сақлаш вазирлигига тақдим этади.

3-боб. Соғломлаштириш йўналишларини аниқлаш

8. Ўзбекистон Республикаси Соғлиқни сақлаш вазирлиги Вазирлик томонидан тақдим этилган рўйхатни олгандан кейин беш иш куни мобайнида спортчиларни доимий яшаш ёки вақтинча турган жойидаги даволаш-профилактика муассасаларига юборади.

9. Даволаш-профилактика муассасалари тақдим этилган рўйхатлар бўйича бир ой муддатда ғолиб ва совриндор спортчиларни бепул диспансеризациядан ўтказадилар ва унинг натижаларига кўра санаторийда соғломлаштиришнинг зарур йўналишини (ташхиси) аниқлайди.

10. Спортчиларнинг тиббий картасида диспансеризациядан ўтказиш натижалари асосида санаторийда соғломлаштиришнинг зарур йўналиши (ташхиси) ва зид кўрсатмалар (улар мавжуд бўлганда) кўрсатилган ҳолда тегишли ёзув қайд этилади.

11. Даволаш-профилактика муассасаси раҳбари ғолиб ва совриндор спортчилар диспансеризациядан белгиланган муддатларда ўтказилишини таъминланиши, шунингдек тиббий ва санаторий-курорт картасида соғломлаштиришнинг зарур йўналиши (ташхиси) тўғрисидаги ёзувларнинг тўғрилиги, ишончлилиги ва ҳаққонийлиги учун шахсан жавоб беради.

12. Даволаш-профилактика муассасаси тиббий картадаги ёзув асосида спортчиларнинг белгиланган шаклдаги санаторий-курорт картасини расмийлаштиради ва ушбу карта йўлланма олиш учун асос ҳисобланади.

Зарурат бўлганда, спортчилар саломатлигида ўзгаришлар юз берган тақдирда санаторий-курорт картасига тузатишлар киритилиши мумкин.

13. Соғлиқни сақлаш вазирлиги:

даволаш-профилактика муассасаларидан ҳар йили 25 октябргача диспансеризациядан ўтган спортчиларни соғломлаштириш йўналишлари (ташхисини) қайд этилган рўйхатни олади;

Ўзбекистон Касаба уюшмалари федерацияси, тасарруфида санаторий-соғломлаштириш муассасалари бўлган давлат ва хўжалик бошқарув органлари билан биргаликда санаторийлар номларини кўрсатган ҳолда муассасалар рўйхатини тузадилар;

беш иш куни мобайнида ушбу банднинг иккинчи ва учинчи хатбошиларида келтирилган рўйхатни Вазирликка тақдим этади.

4-боб. Йўлланмаларни тақсимлаш ва ажратиш

14. Вазирлик Ўзбекистон Республикаси Соғлиқни сақлаш вазирлиги тақдим этган рўйхат асосида ҳар бир санаторий бўйича келгуси йил учун Йўлланмаларни тақсимлаш режасини ишлаб чиқади ва санаторийларнинг юқори ташкилотлари билан келишилган ҳолда 15 ноябргача Ўзбекистон Республикаси Вазирлар Маҳкамасига тасдиқлаш учун киритади.

15. Вазирлик йўлланмаларни тақсимлаш режаси тасдиқлангандан сўнг ундан кўчирмани ўн иш куни мобайнида санаторийларга етказади.

Вазирлик қонун ҳужжатларида белгиланган тартибда йўлланмалар реестрини юритади.

Зарур бўлганда, йўлланмаларни тақсимлаш режасига йил мобайнида асосли сабаблардан (тиббий кўрсатма, спортчининг рад этиши, мусобақа даври ва бошқа асосли сабаблар) келиб чиққан ҳолда ўзгартириш ва қўшимчалар киритилиши мумкин. Ўзгартириш ва қўшимчалар Вазирлик томонидан тегишли санаторийларнинг юқори ташкилотлари билан келишилган ҳолда киритилади.

Бунда Вазирлик ҳар ойнинг 30 санасига қадар ғолиб ва совриндор спортчиларни таклифига асосан санаторийларга йўлланмаларни тақсимлаш режасига ўзгартириш ва қўшимчалар киритилган параметрларини санаторийларга етказади.

16. Йўлланмалар босмахона усулида босилган, тартиб рақамига эга бўлган махсус бланкаларда ва «Ғолиб ва совриндор спортчилар учун йўлланма» сўзлари ёзилган тегишли штамп билан тасдиқланади ҳамда уларда қайтарма талон бўлади.

17. Вазирлик йўлланмаларни тақсимлаш режасига мувофиқ ҳар йили 15 январгача санаторийлар билан спортчиларни соғломлаштириш бўйича шартномалар тузади.

18. Санаторийлар билан тузилган шартномаларга мувофиқ санаторийлар спортчиларни қабул қилишни таъминлайди.

19. Санаторийлар билан тузилган шартномалар шартлари тўлиқ бажарилишига, шунингдек кўрсатиладиган хизматлар сифати учун санаторийлар раҳбарлари шахсан масъулдир.

5-боб. Санаторийларга йўлланмалар қийматини молиялаштириш

20. Спортчиларни санаторийларда даволаш билан боғлиқ харажатлар Вазирликка Спорт ва оммавий жисмоний тарбия тадбирларининг календарь режасига мувофиқ ажратиладиган Ўзбекистон Республикаси Давлат бюджети маблағлари, Миллий олимпия қўмитаси маблағлари ва қонун ҳужжатларида тақиқланмаган бошқа манбалар ҳисобидан амалга оширилади.

21. Санаторийлар ҳар ойнинг 5 санасигача ўтган ойда спортчилар амалда фойдаланган йўлланмалардан келиб чиққан ҳолда бажарилган ишлар далолатномалари ва ўзаро ҳисоб-китобларни таққослаш далолатномаларини Вазирликка тақдим этади ва ҳисоб-китобларни амалга оширади.

Вазирликка тақдим этиладиган маълумотларнинг ишончлилиги ва асослилиги учун санаторийлар раҳбарлари шахсан масъулдирлар.

6-боб. Санаторийларда яшаш ва соғломлаштириш шартлари

22. Йўлланмадан фақат унда кўрсатилган спортчилар фойдаланиши мумкин. Йўлланманинг бошқа шахсга берилишига йўл қўйилмайди.

23. Санаторийга келган спортчиларда паспорт, соғлиқни сақлаш муассасаси томонидан берилган санаторий-курорт картаси (тиббий хулоса) ва ўрнатилган тартибда берилган йўлланма бўлиши керак.

24. Спортчиларга «стандарт» ётоқхоналардан жой берилади.

Спортчилар санаторийлардаги мавжуд қўшимча хизматлар учун белгиланган тўловларни ўз ҳисобидан амалга оширган ҳолда фойдаланишлари мумкин.

25. Даволанишга келган спортчиларга санаторий томонидан йўлланманинг қайтиш талони Вазирликка топшириш учун берилади.

Йўлланманинг қайтиш талонида спортчиларнинг фамилияси, исми ва отасининг исми, санаторийда амалда бўлган вақти кўрсатилади.

7-боб. Якунловчи қоидалар

26. Спортчиларга берилган ва улар фойдаланган йўлланмалар бўйича ҳисоб-китоб ва назорат Вазирлик томонидан олиб борилади.

27. Вазирлик санаторий йўлланмаларининг ўз вақтида ва мақсадли берилишини таъминлайди.

28. Ушбу Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.

29. Мазкур Низом асосида ажратилган маблағларни мақсадли ишлатилиши бўйича назорат Давлат молиявий назорати инспекцияси томонидан амалга оширилади.

Олимпия ва Паралимпия ўйинлари ғолиб ва совриндорларининг саломатлигини санаторий-соғломлаштириш муассасаларида мустаҳкамлаш тартиби тўғрисидаги низомга 1-ИЛОВА

Спортчиларни санаторий-соғломлаштириш муассасаларига юбориш

Олимпия ва Паралимпия ўйинлари ғолиб ва совриндорларининг саломатлигини санаторий-соғломлаштириш муассасаларида мустаҳкамлаш тартиби тўғрисидаги низомга 2-ИЛОВА

‎ ‎ ‎ ‎ ‎ ‎‎Ўзбекистон Республикаси Жисмоний тарбия ва спорт вазири ‎ ‎ ‎ ‎ ‎ ‎‎_______________________________________________га _______________________________________ да яшовчи ______________________________________________дан ‎ ‎ ‎ ‎ ‎ ‎‎(ариза берувчининг Ф.И.О.) ‎ ‎ ‎ ‎‎АРИЗА ‎ ‎ ‎ ‎ ‎ Менга ________ йил ____________ ойига _________________________________________ санаторий-‎‎соғломлаштириш ‎‎ ‎ ‎ ‎ ‎ ‎‎(санаторий номи) ‎ ‎ муассасасига белгиланган тартибда йўлланма ажратишингизни сўрайман. ‎ ‎‎‎‎Аризага қуйидагиларни илова қиламан:‎ ‎‎паспорт нусхаси; ‎ ‎ ‎ ‎ ‎ ‎ ‎ ‎‎Ғолиб ёки совриндор спортчи эканлигини тасдиқловчи диплом нусхаси (диплом ‎бўлмаган тақдирда Халқаро олимпия қўмитаси, Халқаро паралимпия қўмитасининг тасдиқловчи ҳужжати). ‎ ‎‎Мурожаат қилувчининг имзоси:_________________ ‎ ‎ ‎ ‎ ‎ ‎‎Сана: 20___ йил «___» _________________________ ‎ ‎ ‎ ‎ ‎ ‎ ‎ ‎ ‎ ‎ ‎‎Аризани рўйхатдан ўтказувчи ________________________________________________ ‎ ‎ ‎ ‎ ‎ ‎‎(аризани қабул қилган шахснинг Ф.И.О., лавозими) ‎ ‎ ‎ ‎ ‎ ‎‎Сана: 20__ йил «___» _______________________________

Олимпия ва Паралимпия ўйинлари ғолиб ва совриндорларининг саломатлигини санаторий-соғломлаштириш муассасаларида мустаҳкамлаш тартиби тўғрисидаги низомга 3-ИЛОВА

Йўлланма сўраб ёзилган аризаларни рўйхатга олиш

Т/р Спортчининг Ф.И.О. Доимий яшаш ёки вақтинча турган жойи Тиббий маълумотноманинг тартиб рақами ва санаси, шунингдек тиббий маълумотномани берган муассасасининг номи Тиббий маълумотномада кўрсатилган санаторий-соғломлаштириш муассасаси номи Санаторий-соғломлаштириш муассасаси номи, йўлланманинг тартиб рақами, муддати Йўлланмани берган масъул ходимнинг Ф.И.О. ва имзоси Йўлланмани олган ғолиб ва совриндор спортчининг имзоси Санаторий-соғломлаштириш муассасасига келиш куни Санаторий-соғломлаштириш муассасасидан кетиш куни

Ўзбекистон Республикасининг Бош вазири А. АРИПОВ

Тошкент ш.,

2017 йил 30 октябрь,

878-сон

(Қонун ҳужжатлари маълумотлари миллий базаси, 31.10.2017 й., 09/17/878/0191-сон, 09.07.2018 й., 09/18/508/1477-сон; 29.12.2019 й., 09/19/1046/4242-сон; 08.07.2020 й., 09/20/429/1039-сон, 29.09.2020 й., 09/20/593/1340-сон; 06.08.2022 й., 09/22/431/0716-сон; 03.03.2025 й., 09/25/135/0208-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

DAFTARI

Nufuzli xalqaro sport musobaqalarida yuksak natijalarga erishgan Oʻzbekiston sportchilari va ularning trenerlarini yanada qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining “Nufuzli xalqaro sport musobaqalarida yuksak natijalarga erishgan Oʻzbekiston sportchilarini jamoat va sport ishlariga keng jalb etish hamda sportchilarni va ularning trenerlarini ragʻbatlantirish toʻgʻrisida” 2017-yil 10-avgustdagi PQ-3196-son qarorida belgilangan vazifalar ijrosini taʼminlash, shuningdek sportchi va trenerlarni moddiy qoʻllab-quvvatlash hamda ularning salomatligini yanada mustahkamlash maqsadida Vazirlar Mahkamasi qaror qiladi:

1. Quyidagilar:

Olimpiya va Paralimpiya oʻyinlari gʻolib va sovrindorlariga toʻlanadigan umrbod oylik toʻlovlar toʻlash tartibi toʻgʻrisidagi nizom 1-ilovaga muvofiq;

Yuqori mahoratli sportchilarni tayyorlagan trenerlarga toʻlanadigan bir martalik pul mukofotlarini berish tartibi toʻgʻrisidagi nizom 2-ilovaga muvofiq;

Olimpiya va Paralimpiya oʻyinlari gʻolib va sovrindorlarining salomatligini sanatoriy-sogʻlomlashtirish muassasalarida mustahkamlash tartibi toʻgʻrisidagi nizom 3-ilovaga muvofiq tasdiqlansin.

2. Belgilab qoʻyilsinki, bir martalik pul mukofotlari nufuzli xalqaro sport musobaqalarida 2018-yil 1-yanvardan boshlab yuksak natijalarga erishgan sportchilarning trenerlariga beriladi.

3. Oʻzbekiston Respublikasi Jismoniy tarbiya va sport davlat qoʻmitasi manfaatdor vazirliklar va idoralar bilan birgalikda bir oy muddatda oʻzlari qabul qilgan idoraviy normativ-huquqiy hujjatlarni ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Jismoniy tarbiya va sport davlat qoʻmitasi raisi R.D. Kurbanov zimmasiga hamda Vazirlar Mahkamasining Sogʻliqni saqlash, ekologiya, atrof-muhitni muhofaza qilish, jismoniy tarbiya va sport masalalari axborot-tahlil departamentiga yuklansin.

Vazirlar Mahkamasining 2017-yil 30-oktabrdagi 878-son qaroriga 1-ILOVA

Olimpiya va Paralimpiya oʻyinlari gʻolib va sovrindorlariga toʻlanadigan umrbod oylik toʻlovlar toʻlash tartibi toʻgʻrisida

1-bob. Umumiy qoidalar

1. Ushbu Nizom Olimpiya va Paralimpiya oʻyinlarida gʻolib va sovrindor boʻlgan sportchilar uchun umrbod oylik toʻlovlarni (keyingi oʻrinlarda umrbod oylik toʻlovlar deb ataladi) tayinlash, toʻlash, miqdorini oshirish va toʻlashni toʻxtatish tartibini belgilaydi.

2. Umrbod oylik toʻlovlar Oʻzbekiston Respublikasi fuqarosi boʻlgan, Olimpiya va Paralimpiya oʻyinlarida gʻolib va sovrindor sportchilarga (keyingi oʻrinlarda sportchi deb ataladi) toʻlanadi.

3. Sportchilarga toʻlanadigan umrbod oylik toʻlovlar Oʻzbekiston Respublikasi Jismoniy tarbiya va sport vazirligi (keyingi oʻrinlarda Vazirlik deb ataladi) taqdimnomasiga koʻra, Oʻzbekiston Respublikasi Vazirlar Mahkamasi farmoyishiga asosan amalga oshiriladi.

2-bob. Umrbod oylik toʻlovlarini tayinlash tartibi

4. Umrbod oylik toʻlovni olish uchun sportchilar har yili 1-dekabrga qadar quyidagi hujjatlarni Vazirlikka taqdim etadi:

mazkur Nizomga ilovaga muvofiq shakldagi ariza;

sportchining pasporti nusxasi;

Olimpiya va Paralimpiya oʻyinlarida gʻolib yoki sovrindor boʻlganini tasdiqlovchi diplom nusxasi (diplom boʻlmagan taqdirda Xalqaro olimpiya qoʻmitasi, Xalqaro paralimpiya qoʻmitasining tasdiqlovchi hujjati).

6. Vazirlik Nizomning 4-bandida koʻrsatib oʻtilgan hujjatlarni uch kun ichida oʻrganib chiqadi va Oʻzbekiston Respublikasi Vazirlar Mahkamasiga sportchilarga umrbod oylik toʻlovlar tayinlash toʻgʻrisida taqdimnoma kiritadi.

7. Oʻzbekiston Respublikasi Vazirlar Mahkamasining Olimpiya va Paralimpiya oʻyinlarida gʻolib va sovrindor boʻlgan sportchilarga umrbod oylik toʻlovlarni tayinlash toʻgʻrisida farmoyishi qabul qilingandan soʻng Vazirlik sportchiga bir kun ichida bu haqida yozma ravishda maʼlum qiladi.

8. Umrbod oylik toʻlov tayinlangan sportchining familiyasi, ismi, otasining ismi, fuqaroligi, doimiy yashash manzili oʻzgargan taqdirda, sportchi bu haqida 10 kun muddatda Vazirlikka yozma ravishda xabar berishi lozim.

3-bob. Umrbod oylik toʻlovlarni toʻlash

9. Umrbod oylik toʻlov Vazirlik tomonidan sportchiga quyidagi miqdorda toʻlanadi:

oltin medal uchun — bazaviy hisoblash miqdorining oʻn baravari miqdorida;

kumush medal uchun — bazaviy hisoblash miqdorining besh baravari miqdorida;

bronza medali uchun — bazaviy hisoblash miqdorining besh baravari miqdorida.

10. Umrbod oylik toʻlovlar jismoniy shaxslarning daromadlariga solinadigan daromad soligʻisiz amalga oshiriladi.

11. Sportchilar uchun toʻlanadigan umrbod oylik toʻlovlar Vazirlikka Sport va ommaviy jismoniy tarbiya tadbirlarining kalendar rejasiga muvofiq ajratiladigan Oʻzbekiston Respublikasi Davlat budjeti mablagʻlari, Milliy olimpiya qoʻmitasi mablagʻlari va qonun hujjatlarida taqiqlanmagan boshqa manbalardan moliyalashtiriladi.

4-bob. Umrbod oylik toʻlovning miqdorini oshirish yoki uni toʻlashni toʻxtatish asoslari

12. Olimpiya va Paralimpiya oʻyinlarida sovrindor boʻlganligi uchun umrbod oylik toʻlovlar tayinlangan sportchilar kelgusi Olimpiya va Paralimpiya oʻyinlarida gʻolib boʻlgan taqdirda yoki Xalqaro olimpiya qoʻmitasi va Xalqaro paralimpiya qoʻmitasining qaroriga muvofiq gʻolib va sovrindor deb topilganda, umrbod oylik toʻlov oshirilgan miqdorda ushbu Nizomning 2-bobida nazarda tutilgan tartibga muvofiq qayta tayinlanadi.

13. Quyidagilar umrbod oylik toʻlov toʻxtatilishiga asos boʻladi:

umrbod oylik toʻlov oladigan sportchi qonun hujjatlariga muvofiq Oʻzbekiston Respublikasi fuqaroligidan chiqarilganda yoki sport musobaqalarida boshqa davlat nomidan ishtirok etganda;

Butunjahon antidoping tashkiloti (WADA) tomonidan taqiqlangan dori vositalari qoʻllagani aniqlanib, Olimpiya va Paralimpiya gʻolib va sovrindorligidan mahrum etilganda;

sud qaroriga muvofiq ozodlikdan mahrum etilganda;

sportchi vafot etganda.

Umrbod oylik toʻlovlar toʻxtatilishi sportchiga avval toʻlangan toʻlovlarni qaytarib olinishiga asos boʻlmaydi.

14. Sportchiga umrbod oylik toʻlov miqdorining oshirilishi yoki toʻxtatilishi Vazirlikning taqdimnomasiga koʻra, Oʻzbekiston Respublikasi Vazirlar Mahkamasi farmoyishiga asosan amalga oshiriladi.

5-bob. Yakunlovchi qoidalar

15. Ushbu Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.

16. Umrbod oylik toʻlovlar uchun ajratilgan budjet mablagʻlarini maqsadli ishlatilishi va toʻgʻri toʻlanishi boʻyicha nazorat Davlat moliyaviy nazorati inspeksiyasi tomonidan amalga oshiriladi.

Olimpiya va Paralimpiya oʻyinlari gʻolib va sovrindorlariga toʻlanadigan umrbod oylik toʻlovlar toʻlash tartibi toʻgʻrisidagi nizomga ILOVA

‎ ‎ ‎ ‎ ‎ ‎ ‎ ‎ ‎ Shakl‎ ‎ ‎ ‎ ‎ ‎ ‎ ‎‎ ‎‎Oʻzbekiston Respublikasi Jismoniy tarbiya va sport vaziri ‎ ‎ ‎ ‎ ‎ ‎ ‎‎____________________________________ga (familiyasi, ismi, otasining ismi) ‎ ‎ ‎ ‎ ‎ ‎ ‎‎___________________________________, (ariza beruvchining familiyasi, ismi, otasining ismi) ‎ ‎ ‎ ‎ ‎ ‎ ‎‎manzil boʻyicha yashovchi: ___________________ ‎ ‎ ‎ ‎ ‎ ‎ ‎‎_____________________________________; (viloyati (shahar), koʻchasi, uy va xonadon raqami) ‎ ‎ ‎ ‎ ‎ ‎ ‎‎______________________________________ (shaxsini tasdiqlovchi hujjat) ‎ ‎ ‎ ‎ ‎ ‎ ‎‎_____________________________________ (pasport seriyasi, raqami, berilgan sanasi, kim tomonidan berilgan) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ARIZA ‎ ‎ ‎ ‎ ‎ ‎‎Menga Olimpiya (Paralimpiya) oʻyinlarida gʻolib va sovrindor sportchi boʻlganim uchun umrbod oylik toʻlov belgilangan tartibda tayinlanishi masalasini koʻrib chiqishingizni soʻrayman. ‎ ‎ ‎ ‎ ‎ ‎ ‎ ‎ ‎ ‎ ‎‎20__ yil ____ ______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________ (ariza beruvchining imzosi) ‎ ‎ ‎‎Ariza qabul qilingan 20__ yil ____ __________________ ‎ ‎ ‎ ‎ ‎ ‎‎________________________________________________ (hujjatni qabul qilib olgan mutaxassis imzosi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Roʻyxat raqami____________________ ‎ ‎ ‎

Vazirlar Mahkamasining 2017-yil 30-oktabrdagi 878-son qaroriga 2-ILOVA

Yuqori mahoratli sportchilarni tayyorlagan trenerlarga toʻlanadigan bir martalik pul mukofotlarini berish tartibi toʻgʻrisida

1-bob. Umumiy qoidalar

1. Ushbu Nizom Olimpiya va Paralimpiya, Osiyo va Parosiyo oʻyinlarida hamda Olimpiya oʻyinlari dasturlariga kiruvchi sport turlari boʻyicha jahon chempionatlarida gʻolib va sovrindor sportchilarni tayyorlagan trenerlarni (keyingi oʻrinlarda trenerlar deb ataladi) bir martalik pul mukofotlari bilan ragʻbatlantirish tartibini belgilaydi.

2. Trenerlarni bir martalik pul mukofotlari bilan ragʻbatlantirish Oʻzbekiston Respublikasi Jismoniy tarbiya va sport vazirligi (keyingi oʻrinlarda Vazirlik — deb ataladi) taqdimnomasiga koʻra, Oʻzbekiston Respublikasi Vazirlar Mahkamasi farmoyishiga asosan amalga oshiriladi.

3. Trenerlarni bir martalik pul mukofotlari bilan ragʻbatlantirish xarajatlari Vazirlik Sport va ommaviy jismoniy tarbiya tadbirlarining kalendar rejasiga muvofiq ajratiladigan Oʻzbekiston Respublikasi Davlat budjeti mablagʻlari, Milliy olimpiya qoʻmitasi mablagʻlari va qonun hujjatlarida taqiqlanmagan boshqa manbalar hisobidan amalga oshiriladi.

2-bob. Bir martalik pul mukofotlarining miqdori va ularni toʻlash tartibi

4. Olimpiya va Paralimpiya oʻyinlarida gʻolib va sovrindor sportchilarni tayyorlagan trenerlar quyidagi miqdorda bir martalik pul mukofoti bilan ragʻbatlantiriladi:

oltin medal — 20 000 AQSH dollari;

kumush medal — 15 000 AQSH dollari;

bronza medal — 10 000 AQSH dollari.

5. Olimpiya oʻyinlari dasturlariga kiruvchi sport turlari boʻyicha jahon chempionatlarida gʻolib va sovrindor sportchilarni tayyorlagan trenerlar quyidagi miqdorda bir martalik pul mukofoti bilan ragʻbatlantiriladi:

oltin medal — 6 000 AQSH dollari;

kumush medal — 3 000 AQSH dollari;

bronza medal — 1 500 AQSH dollari.

6. Osiyo va Parosiyo oʻyinlarida gʻolib va sovrindor sportchilarni tayyorlagan trenerlar quyidagi miqdorda bir martalik pul mukofoti bilan ragʻbatlantiriladi:

oltin medal — 2 500 AQSH dollari;

kumush medal — 1 500 AQSH dollari;

bronza medal — 1 000 AQSH dollari.

7. Sport turlari boʻyicha federatsiyalar va uyushmalar Olimpiya va Paralimpiya, Osiyo va Parosiyo oʻyinlarida hamda Olimpiya oʻyinlari dasturlariga kiruvchi sport turlari boʻyicha jahon chempionatlari yakunlangandan soʻng uch kun ichida mazkur nufuzli xalqaro sport musobaqalarida gʻolib va sovrindor boʻlgan sportchilarni tayyorlagan trenerlar roʻyxatini Vazirlikka taqdim etadi.

8. Vazirlik sport turlari boʻyicha federatsiyalar va uyushmalar tomonidan taqdim etilgan trenerlar roʻyxatlarini besh kun ichida oʻrganib chiqadi, umumlashtiradi va trenerlarni bir martalik pul mukofotlari bilan ragʻbatlantirish toʻgʻrisida Oʻzbekiston Respublikasi Vazirlar Mahkamasiga takliflar kiritadi.

10. Oʻzbekiston Respublikasi Vazirlar Mahkamasining yuqori mahoratli sportchilarni tayyorlagan trenerlarni ragʻbatlantirish toʻgʻrisidagi farmoyishi qabul qilingandan soʻng Vazirlik, Milliy olimpiya qoʻmitasi bir martalik toʻlanadigan pul mukofotlarini toʻlash uchun chet el valyutasiga ayirboshlash uchun vakolatli bankka oʻtkazib beradi.

11. Vakolatli bank oʻrnatilgan tartibda belgilangan bir martalik pul mukofotlarini gʻolib va sovrindor sportchilarni tayyorlagan trenerlarga Vazirlik va Milliy olimpiya qoʻmitasi taqdim etgan tegishli hujjatlarga asosan AQSH dollarida talab qilib olguncha omonat (depozit) hisobvaragʻiga oʻtkazadi va omonat daftarchasini rasmiylashtirib beradi.

12. Trenerlarga toʻlangan bir martalik pul mukofotlari jismoniy shaxslarning daromadlariga solinadigan daromad soligʻisiz amalga oshiriladi.

3-bob. Yakunlovchi qoidalar

13. Ushbu Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradi.

14. Trenerlarga bir martalik pul mukofotlari uchun ajratilgan budjet mablagʻlarini maqsadli ishlatilishi va toʻgʻri toʻlanishi boʻyicha nazorat Davlat moliyaviy nazorati inspeksiyasi tomonidan amalga oshiriladi.

Vazirlar Mahkamasining 2017-yil 30-oktabrdagi 878-son qaroriga 3-ILOVA

Olimpiya va Paralimpiya oʻyinlari gʻolib va sovrindorlarining salomatligini sanatoriy-sogʻlomlashtirish muassasalarida mustahkamlash tartibi toʻgʻrisida

1-bob. Umumiy qoidalar

1. Ushbu Nizom Olimpiya va Paralimpiya oʻyinlarida gʻolib va sovrindor boʻlgan sportchilarga (keyingi oʻrinlarda sportchi deb ataladi) sanatoriy-sogʻlomlashtirish muassasalariga yoʻllanmalar ajratish va moliyalashtirish tartibini belgilaydi.

2. Sportchilar har yili bir marta oʻzlari uchun maqbul boʻlgan vaqtda Oʻzbekiston Respublikasi Sogʻliqni saqlash vazirligi, Oʻzbekiston Kasaba uyushmalari Federatsiyasi hamda davlat va xoʻjalik boshqaruvi organlariga qarashli sanatoriy-sogʻlomlashtirish muassasalariga (keyingi oʻrinlarda sanatoriylar deb ataladi) Oʻzbekiston Respublikasi Davlat budjeti mablagʻlari, Milliy olimpiya qoʻmitasi mablagʻlari va qonun hujjatlarida taqiqlanmagan boshqa manbalar hisobidan sogʻlomlashtirish kursidan bepul oʻtish huquqiga ega.

3. Sportchilarni sanatoriylarga yuborish ushbu Nizomning 1-ilovasidagi sxemaga muvofiq amalga oshiriladi.

4. Sportchilar sanatoriylarda sogʻlomlashtirish kursidan Oʻzbekiston Respublikasi Vazirlar Mahkamasi tomonidan har yili tasdiqlanadigan Yoʻllanmalarni taqsimlash rejasiga muvofiq oʻtadilar.

2-bob. Yoʻllanmalar olish uchun murojaat qilish

5. Sportchilar keyingi yilga sanatoriyga yoʻllanma olish uchun har yili 1-sentabrgacha Jismoniy tarbiya va sport vazirligiga (keyingi oʻrinlarda Vazirlik deb ataladi) quyidagi hujjatlarni taqdim etadilar:

ushbu Nizomga 2-ilovaga muvofiq shakl boʻyicha ariza;

sportchining pasport nusxasi;

Olimpiya va Paralimpiya oʻyinlarida gʻolib va sovrindor boʻlganligini tasdiqlovchi diplom nusxasi (diplom boʻlmagan taqdirda Xalqaro olimpiya qoʻmitasi, Xalqaro paralimpiya qoʻmitasining tasdiqlovchi hujjati).

Yuqoridagi hujjatlar Vazirlikka toʻliq taqdim etilmagan taqdirda sanatoriyga yoʻllanma olish uchun sportchining arizasi qabul qilinmaydi.

Vazirlikka taqdim etilgan hujjatlar ushbu Nizomga 3-ilovaga muvofiq Yoʻllanmalar soʻrab yozilgan arizalarni roʻyxatga olish daftarida roʻyxatdan oʻtkaziladi.

6. Yoʻllanma unda koʻrsatilgan muddatda haqiqiy hisoblanadi.

Sportchilar salomatligining holatiga yoki boshqa asosli sabablarga koʻra yoʻllanmadan belgilangan muddatda foydalanish imkoniyatiga ega boʻlmagan taqdirda, yoʻllanmaning amal qilish muddati tugashidan kamida ikki hafta oldin Vazirlikka murojaat qilib, yoʻllanma muddatiga oʻzgartirish kiritishlari mumkin. Yoʻllanmada koʻrsatilgan muddatlarni kalendar yil mobaynida ikki martadan ortiq muddatga koʻchirishga yoʻl qoʻyilmaydi.

7. Vazirlik salomatlikni tiklash muddati koʻrsatilgan holda ariza bergan sportchilarning roʻyxatini shakllantiradi va har yili 10-sentabrgacha Oʻzbekiston Respublikasi Sogʻliqni saqlash vazirligiga taqdim etadi.

3-bob. Sogʻlomlashtirish yoʻnalishlarini aniqlash

8. Oʻzbekiston Respublikasi Sogʻliqni saqlash vazirligi Vazirlik tomonidan taqdim etilgan roʻyxatni olgandan keyin besh ish kuni mobaynida sportchilarni doimiy yashash yoki vaqtincha turgan joyidagi davolash-profilaktika muassasalariga yuboradi.

9. Davolash-profilaktika muassasalari taqdim etilgan roʻyxatlar boʻyicha bir oy muddatda gʻolib va sovrindor sportchilarni bepul dispanserizatsiyadan oʻtkazadilar va uning natijalariga koʻra sanatoriyda sogʻlomlashtirishning zarur yoʻnalishini (tashxisi) aniqlaydi.

10. Sportchilarning tibbiy kartasida dispanserizatsiyadan oʻtkazish natijalari asosida sanatoriyda sogʻlomlashtirishning zarur yoʻnalishi (tashxisi) va zid koʻrsatmalar (ular mavjud boʻlganda) koʻrsatilgan holda tegishli yozuv qayd etiladi.

11. Davolash-profilaktika muassasasi rahbari gʻolib va sovrindor sportchilar dispanserizatsiyadan belgilangan muddatlarda oʻtkazilishini taʼminlanishi, shuningdek tibbiy va sanatoriy-kurort kartasida sogʻlomlashtirishning zarur yoʻnalishi (tashxisi) toʻgʻrisidagi yozuvlarning toʻgʻriligi, ishonchliligi va haqqoniyligi uchun shaxsan javob beradi.

12. Davolash-profilaktika muassasasi tibbiy kartadagi yozuv asosida sportchilarning belgilangan shakldagi sanatoriy-kurort kartasini rasmiylashtiradi va ushbu karta yoʻllanma olish uchun asos hisoblanadi.

Zarurat boʻlganda, sportchilar salomatligida oʻzgarishlar yuz bergan taqdirda sanatoriy-kurort kartasiga tuzatishlar kiritilishi mumkin.

13. Sogʻliqni saqlash vazirligi:

davolash-profilaktika muassasalaridan har yili 25-oktabrgacha dispanserizatsiyadan oʻtgan sportchilarni sogʻlomlashtirish yoʻnalishlari (tashxisini) qayd etilgan roʻyxatni oladi;

Oʻzbekiston Kasaba uyushmalari federatsiyasi, tasarrufida sanatoriy-sogʻlomlashtirish muassasalari boʻlgan davlat va xoʻjalik boshqaruv organlari bilan birgalikda sanatoriylar nomlarini koʻrsatgan holda muassasalar roʻyxatini tuzadilar;

besh ish kuni mobaynida ushbu bandning ikkinchi va uchinchi xatboshilarida keltirilgan roʻyxatni Vazirlikka taqdim etadi.

4-bob. Yoʻllanmalarni taqsimlash va ajratish

14. Vazirlik Oʻzbekiston Respublikasi Sogʻliqni saqlash vazirligi taqdim etgan roʻyxat asosida har bir sanatoriy boʻyicha kelgusi yil uchun Yoʻllanmalarni taqsimlash rejasini ishlab chiqadi va sanatoriylarning yuqori tashkilotlari bilan kelishilgan holda 15-noyabrgacha Oʻzbekiston Respublikasi Vazirlar Mahkamasiga tasdiqlash uchun kiritadi.

15. Vazirlik yoʻllanmalarni taqsimlash rejasi tasdiqlangandan soʻng undan koʻchirmani oʻn ish kuni mobaynida sanatoriylarga yetkazadi.

Vazirlik qonun hujjatlarida belgilangan tartibda yoʻllanmalar reyestrini yuritadi.

Zarur boʻlganda, yoʻllanmalarni taqsimlash rejasiga yil mobaynida asosli sabablardan (tibbiy koʻrsatma, sportchining rad etishi, musobaqa davri va boshqa asosli sabablar) kelib chiqqan holda oʻzgartirish va qoʻshimchalar kiritilishi mumkin. Oʻzgartirish va qoʻshimchalar Vazirlik tomonidan tegishli sanatoriylarning yuqori tashkilotlari bilan kelishilgan holda kiritiladi.

Bunda Vazirlik har oyning 30 sanasiga qadar gʻolib va sovrindor sportchilarni taklifiga asosan sanatoriylarga yoʻllanmalarni taqsimlash rejasiga oʻzgartirish va qoʻshimchalar kiritilgan parametrlarini sanatoriylarga yetkazadi.

16. Yoʻllanmalar bosmaxona usulida bosilgan, tartib raqamiga ega boʻlgan maxsus blankalarda va “Gʻolib va sovrindor sportchilar uchun yoʻllanma” soʻzlari yozilgan tegishli shtamp bilan tasdiqlanadi hamda ularda qaytarma talon boʻladi.

17. Vazirlik yoʻllanmalarni taqsimlash rejasiga muvofiq har yili 15-yanvargacha sanatoriylar bilan sportchilarni sogʻlomlashtirish boʻyicha shartnomalar tuzadi.

18. Sanatoriylar bilan tuzilgan shartnomalarga muvofiq sanatoriylar sportchilarni qabul qilishni taʼminlaydi.

19. Sanatoriylar bilan tuzilgan shartnomalar shartlari toʻliq bajarilishiga, shuningdek koʻrsatiladigan xizmatlar sifati uchun sanatoriylar rahbarlari shaxsan masʼuldir.

5-bob. Sanatoriylarga yoʻllanmalar qiymatini moliyalashtirish

20. Sportchilarni sanatoriylarda davolash bilan bogʻliq xarajatlar Vazirlikka Sport va ommaviy jismoniy tarbiya tadbirlarining kalendar rejasiga muvofiq ajratiladigan Oʻzbekiston Respublikasi Davlat budjeti mablagʻlari, Milliy olimpiya qoʻmitasi mablagʻlari va qonun hujjatlarida taqiqlanmagan boshqa manbalar hisobidan amalga oshiriladi.

21. Sanatoriylar har oyning 5 sanasigacha oʻtgan oyda sportchilar amalda foydalangan yoʻllanmalardan kelib chiqqan holda bajarilgan ishlar dalolatnomalari va oʻzaro hisob-kitoblarni taqqoslash dalolatnomalarini Vazirlikka taqdim etadi va hisob-kitoblarni amalga oshiradi.

Vazirlikka taqdim etiladigan maʼlumotlarning ishonchliligi va asosliligi uchun sanatoriylar rahbarlari shaxsan masʼuldirlar.

6-bob. Sanatoriylarda yashash va sogʻlomlashtirish shartlari

22. Yoʻllanmadan faqat unda koʻrsatilgan sportchilar foydalanishi mumkin. Yoʻllanmaning boshqa shaxsga berilishiga yoʻl qoʻyilmaydi.

23. Sanatoriyga kelgan sportchilarda pasport, sogʻliqni saqlash muassasasi tomonidan berilgan sanatoriy-kurort kartasi (tibbiy xulosa) va oʻrnatilgan tartibda berilgan yoʻllanma boʻlishi kerak.

24. Sportchilarga “standart” yotoqxonalardan joy beriladi.

Sportchilar sanatoriylardagi mavjud qoʻshimcha xizmatlar uchun belgilangan toʻlovlarni oʻz hisobidan amalga oshirgan holda foydalanishlari mumkin.

25. Davolanishga kelgan sportchilarga sanatoriy tomonidan yoʻllanmaning qaytish taloni Vazirlikka topshirish uchun beriladi.

Yoʻllanmaning qaytish talonida sportchilarning familiyasi, ismi va otasining ismi, sanatoriyda amalda boʻlgan vaqti koʻrsatiladi.

7-bob. Yakunlovchi qoidalar

26. Sportchilarga berilgan va ular foydalangan yoʻllanmalar boʻyicha hisob-kitob va nazorat Vazirlik tomonidan olib boriladi.

27. Vazirlik sanatoriy yoʻllanmalarining oʻz vaqtida va maqsadli berilishini taʼminlaydi.

28. Ushbu Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.

29. Mazkur Nizom asosida ajratilgan mablagʻlarni maqsadli ishlatilishi boʻyicha nazorat Davlat moliyaviy nazorati inspeksiyasi tomonidan amalga oshiriladi.

Olimpiya va Paralimpiya oʻyinlari gʻolib va sovrindorlarining salomatligini sanatoriy-sogʻlomlashtirish muassasalarida mustahkamlash tartibi toʻgʻrisidagi nizomga 1-ILOVA

Sportchilarni sanatoriy-sogʻlomlashtirish muassasalariga yuborish

Olimpiya va Paralimpiya oʻyinlari gʻolib va sovrindorlarining salomatligini sanatoriy-sogʻlomlashtirish muassasalarida mustahkamlash tartibi toʻgʻrisidagi nizomga 2-ILOVA

‎ ‎ ‎ ‎ ‎ ‎‎Oʻzbekiston Respublikasi Jismoniy tarbiya va sport vaziri ‎ ‎ ‎ ‎ ‎ ‎‎_______________________________________________ga _______________________________________ da yashovchi ______________________________________________dan ‎ ‎ ‎ ‎ ‎ ‎‎(ariza beruvchining F.I.O.) ‎ ‎ ‎ ‎‎ARIZA ‎ ‎ ‎ ‎ ‎ Menga ________ yil ____________ oyiga _________________________________________ sanatoriy-‎‎sogʻlomlashtirish ‎‎ ‎ ‎ ‎ ‎ ‎‎(sanatoriy nomi) ‎ ‎ muassasasiga belgilangan tartibda yoʻllanma ajratishingizni soʻrayman. ‎ ‎‎‎‎Arizaga quyidagilarni ilova qilaman:‎ ‎‎pasport nusxasi; ‎ ‎ ‎ ‎ ‎ ‎ ‎ ‎‎Gʻolib yoki sovrindor sportchi ekanligini tasdiqlovchi diplom nusxasi (diplom ‎boʻlmagan taqdirda Xalqaro olimpiya qoʻmitasi, Xalqaro paralimpiya qoʻmitasining tasdiqlovchi hujjati). ‎ ‎‎Murojaat qiluvchining imzosi:_________________ ‎ ‎ ‎ ‎ ‎ ‎‎Sana: 20___ yil “___” _________________________ ‎ ‎ ‎ ‎ ‎ ‎ ‎ ‎ ‎ ‎ ‎‎Arizani roʻyxatdan oʻtkazuvchi ________________________________________________ ‎ ‎ ‎ ‎ ‎ ‎‎(arizani qabul qilgan shaxsning F.I.O., lavozimi) ‎ ‎ ‎ ‎ ‎ ‎‎Sana: 20__ yil “___” _______________________________

Olimpiya va Paralimpiya oʻyinlari gʻolib va sovrindorlarining salomatligini sanatoriy-sogʻlomlashtirish muassasalarida mustahkamlash tartibi toʻgʻrisidagi nizomga 3-ILOVA

Yoʻllanma soʻrab yozilgan arizalarni roʻyxatga olish

T/r Sportchining F.I.O. Doimiy yashash yoki vaqtincha turgan joyi Tibbiy maʼlumotnomaning tartib raqami va sanasi, shuningdek tibbiy maʼlumotnomani bergan muassasasining nomi Tibbiy maʼlumotnomada koʻrsatilgan sanatoriy-sogʻlomlashtirish muassasasi nomi Sanatoriy-sogʻlomlashtirish muassasasi nomi, yoʻllanmaning tartib raqami, muddati Yoʻllanmani bergan masʼul xodimning F.I.O. va imzosi Yoʻllanmani olgan gʻolib va sovrindor sportchining imzosi Sanatoriy-sogʻlomlashtirish muassasasiga kelish kuni Sanatoriy-sogʻlomlashtirish muassasasidan ketish kuni

Oʻzbekiston Respublikasining Bosh vaziri A. ARIPOV

Toshkent sh.,

2017-yil 30-oktabr,

878-son

(Qonun hujjatlari maʼlumotlari milliy bazasi, 31.10.2017-y., 09/17/878/0191-son, 09.07.2018-y., 09/18/508/1477-son; 29.12.2019-y., 09/19/1046/4242-son; 08.07.2020-y., 09/20/429/1039-son, 29.09.2020-y., 09/20/593/1340-son; 06.08.2022-y., 09/22/431/0716-son; 03.03.2025-y., 09/25/135/0208-son)

lex.uz