📅 2017-yil 6-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 6 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 ноября 2017 г. · Постановления Президента
Официальный текст. Официальный документ. Редакционные примечания не включены.
📅 6 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларни маҳаллий экспорт қилувчиларни қўллаб-қувватлаш бўйича қўшимча чора-тадбирлар тўғрисида
Ташқи иқтисодий фаолиятни янада либераллаштириш, экспорт қилинадиган янги мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларнинг (кейинги ўринларда мева-сабзавот маҳсулотлари деб юритилади) ҳажмини кўпайтириш ва турларини кенгайтириш учун қулай шарт-шароит яратиш, маҳаллий мева-сабзавот маҳсулотларининг жаҳон бозорларида рақобатбардошлигини ошириш мақсадида:
1. «Ўзбекозиқовқатхолдинг» ХК, Ўзбекистон Республикаси Иқтисодиёт вазирлиги ва Савдо-саноат палатасининг қуйидагилар тўғрисидаги таклифлари қабул қилинсин:
а) хўжалик юритувчи субъектларга экспорт контракти (шартномаси) тузмасдан қуйидаги шартларга риоя қилган ҳолда инвойс асосида мева-сабзавот маҳсулотларининг экспортини амалга ошириш ҳуқуқини бериш:
Ўзбекистон Республикасининг ваколатли тижорат банкларидаги ҳисобварақларга Ўзбекистон Республикаси норезидентларидан хорижий валютада, шу жумладан банк ўтказмалари, халқаро банк карталари орқали тўловлар, шунингдек, тижорат банкларининг айирбошлаш шохобчаларида сотиб олинган миллий валютадаги нақд пул маблағларини киритиш шаклида 100 фоизлик олдиндан тўлов олиш;
Ташқи савдо операцияларининг ягона электрон ахборот тизимига экспортга етказиб бериш ҳақидаги маълумотларни киритиш;
б) экспорт қилинган мева-сабзавот маҳсулотларининг фактура қийматига уларни сақлашда, ташишда ва сотишда қонун ҳужжатларида белгиланган табиий йўқотиш нормативлари доирасида тузатишлар киритиш.
Ўзбекистон Республикаси Қишлоқ ва сув хўжалиги вазирлиги Молия вазирлиги, Давлат божхона қўмитаси ва «Ўзстандарт» агентлиги билан биргаликда ўн кун муддатда экспорт қилинган мева-сабзавот маҳсулотларининг табиий йўқотиш нормативлари ва уларнинг фактура қийматига тузатишлар киритиш тартибини белгилайдиган Ҳукумат қарори лойиҳасини Вазирлар Маҳкамасига киритсин.
2. Белгилаб қўйилсинки:
тадбиркорлик субъектлари томонидан мева-сабзавот маҳсулотлари кейинчалик экспорт қилиш учун жисмоний шахслардан сотиб олинганда, жисмоний шахслардан олинадиган даромад солиғи бўйича имтиёзлар жисмоний шахслар томонидан сотилган маҳсулотлар уларга ёки уларнинг оила аъзоларига ажратилган ер участкаларида етиштирилганлигини тасдиқловчи ҳужжатни тақдим қилмасдан қўлланилади;
божхона ҳақидаги қонунчилик ҳужжатлари бузилганлиги белгилари аниқланган тақдирда, мева-сабзавот маҳсулотлари экспортига юк-божхона декларацияси кўрик ҳужжати тузилганидан кейин ҳамда узум, вино ва коньяк маҳсулотлари экспортига юк-божхона декларацияси товарларни экспортга расмийлаштириш рухсат этилганидан сўнг 3 соатдан кўп бўлмаган муддатда расмийлаштирилади.
3. Ўзбекистон Республикаси Давлат божхона қўмитаси Марказий банк, Давлат солиқ қўмитаси, Ахборот технологиялари ва коммуникацияларини ривожлантириш вазирлиги ҳамда «Ўзбекозиқовқатхолдинг» ХК билан биргаликда 2017 йил 15 ноябрга қадар муддатда мазкур қарорнинг 1-банди талабларини ҳисобга олган ҳолда Ташқи савдо операцияларининг ягона электрон ахборот тизимини такомиллаштирилишини таъминласин.
4. Ўзбекистон Республикаси Ташқи савдо вазирлиги Ташқи ишлар вазирлиги, Иқтисодиёт вазирлиги, Қишлоқ ва сув хўжалиги вазирлиги, Савдо-саноат палатаси, бошқа манфаатдор вазирлик ва идоралар билан биргаликда икки ҳафта муддатда:
Ўзбекистон Республикасининг мева-сабзавот маҳсулотлари савдоси ва экспорти соҳасидаги халқаро шартномаларини инвентаризациядан ўтказишни;
амалдаги импорт божхона божлари, акциз солиғи ва йиғимлар ставкаларини, шунингдек, мева-сабзавот маҳсулотларини сақлаш, ташиш ҳамда мева-сабзавот маҳсулотларининг потенциал импорт қилувчи хорижий мамлакатларда сотишда санитария норма ва қоидаларини танқидий ўрганишни таъминласин.
5. Ташқи савдо вазирлиги инвентаризация ва танқидий ўрганиш якунлари бўйича 2017 йил 1 декабрга қадар муддатда:
Ўзбекистон Республикасининг мева-сабзавот маҳсулотларининг савдоси ва экспорти соҳасида янги халқаро шартномалар тузиш ҳамда амалдагиларига ўзгартиш ва қўшимчалар киритиш бўйича таклифларни;
амалдаги норматив ҳужжатлар, санитария норма ва қоидалари, фитосанитария талабларини халқаро стандартлар, шунингдек, маҳаллий мева-сабзавот маҳсулотларининг потенциал импорт қилувчи хорижий мамлакатлар талабларини ҳисобга олган ҳолда қайта кўриб чиқиш бўйича чора-тадбирлар дастури лойиҳасини Ўзбекистон Республикаси Вазирлар Маҳкамасига киритсин.
6. «Ўзстандарт» агентлиги:
Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, бошқа манфаатдор вазирлик ва идоралар билан биргаликда йигирма кун муддатда республикада халқаро стандартларни, шу жумладан «ISO 22000», «Ҳалол» стандартларини жорий этиш ва кейинчалик қўллаш бўйича чора-тадбирлар дастурини Вазирлар Маҳкамасига киритсин;
Ўзбекистон Республикасида берилган мувофиқлик сертификатларини маҳаллий мева-сабзавот маҳсулотларини асосий истеъмол қилувчи давлатларда, шу жумладан икки томонлама ва кўп томонлама битимларни тузиш, шунингдек, лабораторияларни модернизация қилиш орқали тан олинишини таъминлаш чораларини кўрсин.
7. Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги манфаатдор вазирлик ва идоралар билан биргаликда экспорт қилувчи томонидан зарур ҳужжатлар тақдим қилинган вақтдан кўпи билан бир иш куни давомида мева-сабзавот ҳамда тез бузиладиган маҳсулотларнинг экспорти учун сертификатлар беришни таъминласин.
8. Ўзбекистон Республикаси Ташқи савдо вазирлиги, Ташқи ишлар вазирлиги ва «Ўзбекозиқовқатхолдинг» ХК:
мева-сабзавот маҳсулотларини экспортга етказиб беришнинг асосий номенклатураси бўйича ташқи бозорларнинг жорий ва истиқболдаги конъюнктураларини доимий асосда чуқур ўрганишни;
мева-сабзавот маҳсулотлари экспортининг янги истиқболли йўналишларини аниқлаш ҳамда тури ва навига боғлиқ ҳолда маҳаллий мева-сабзавот маҳсулотларига бўлган талабни аниқлаш ҳисобига уларнинг номенклатурасини кенгайтиришни таъминласин.
9. «Ўзбекозиқовқатхолдинг» ХК Ўзбекистон Республикаси Инвестициялар бўйича давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ой муддатда ҳақиқий эҳтиёж ҳамда мева-сабзавот маҳсулотларини ташиш йўналишларини чуқур ўрганиш асосида Мева-сабзавот маҳсулотларини ишлаш, сақлаш ва ташиш бўйича логистика марказларини ташкил этиш дастурини ишлаб чиқсин ҳамда Вазирлар Маҳкамасига киритсин.
Бунда, лойиҳаларнинг аниқ рўйхати белгилансин, марказларни оптимал ва оқилона жойлаштириш, уларни ташкил этиш муддатлари, халқаро ва хорижий молия институтларининг маблағлари билан бирга чет эл инвестицияларини жалб этишга алоҳида эътибор қаратилсин.
10. Божхона тартиб-таомиллари ва экспорт-импорт операцияларини такомиллаштириш бўйича ишчи гуруҳ (кейинги ўринларда ишчи гуруҳ деб юритилади) иловага мувофиқ ташкил этилсин.
Ишчи гуруҳ 2018 йил 1 февралга қадар муддатда божхона тартиб-таомиллари ва экспорт-импорт операцияларини тартибга солувчи қонун ҳужжатларини халқаро амалиётни ҳисобга олган ҳолда такомиллаштириш бўйича таклифларни Ўзбекистон Республикаси Вазирлар Маҳкамасига киритсин.
11. Тижорат банкларига мева-сабзавот маҳсулотларини экспорт қилувчи хўжалик юритувчи субъектлар ва тайёрлов ташкилотларининг депозит ҳисобварақларидан уларнинг буюртмалари бўйича мева-сабзавот маҳсулотлари сотиб олиш учун нақд пул маблағлари беришни таъминлаш тавсия этилсин.
12. «Ўзбекозиқовқатхолдинг» ХК импорт ва экспорт қилувчилар учун, шу жумладан маҳаллий ишлаб чиқарувчилар томонидан ишлаб чиқариладиган маҳсулотлар, уларнинг нави ва нархлари, шунингдек, чет эл харидорлари томонидан мева-сабзавот маҳсулотларини сотиб олишга бўлган талаблар тўғрисидаги маълумотларни ўз ичига олган ягона ахборот порталини юритишни таъминласин.
13. «Ўзбекозиқовқатхолдинг» ХК Ўзбекистон Республикаси Адлия вазирлиги, Ташқи савдо вазирлиги ва бошқа манфаатдор идоралар билан биргаликда ўн кун муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклиф киритсин.
14. Ўзбекистон Республикаси Бош вазирининг ўринбосари Н.С. Отажонов икки кун муддатда мазкур қарор талаблари бажарилишининг бориши устидан таъсирчан назорат қилиш, мева-сабзавот маҳсулотлари экспортининг тасдиқланган параметрларига эришишни тизимли мониторинг қилиш ҳамда аниқланган муаммоли масалаларни тезкорлик билан ҳал қилишни таъминлаш бўйича тегишли вазирлик ва идораларнинг раҳбарлари ва мутахассисларидан махсус гуруҳни шакллантирсин, зарур ҳолларда Ўзбекистон Республикаси Президенти ва Вазирлар Маҳкамаси томонидан қарор қабул қилиш учун асослантирилган таклифларни киритсин.
15. Ушбу қарорнинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров, Н.С. Отажонов ва З.Т. Мирзаев, Ўзбекистон Республикаси Марказий банкининг раиси М.Б. Нурмуратов, «Ўзбекозиқовқатхолдинг» ХК раиси Т.А. Жалилов зиммасига юклансин.
Ўзбекистон Республикаси Президентининг 2017 йил 6 ноябрдаги ПҚ-3377-сон қарорига ИЛОВА
Божхона тартиб-таомиллари ва экспорт-импорт операцияларини такомиллаштириш бўйича ишчи гуруҳ
1. Қўчқоров Ж.А. — Ўзбекистон Республикаси Бош вазири ўринбосари, ишчи гуруҳ раҳбари 2. Ғаниев Э.М. — Ўзбекистон Республикаси ташқи савдо вазири 3. Ходжаев Б.А. — Ўзбекистон Республикаси молия вазири 4. Саидова Г.К. — Ўзбекистон Республикаси иқтисодиёт вазири 5. Шерматов Ш.Х. — Ўзбекистон Республикаси ахборот технологиялари ва коммуникацияларини ривожлантириш вазири в.б. 6. Тохирий М.В. — Ўзбекистон Республикаси Давлат божхона қўмитаси раиси 7. Парпиев Б.Р. — Ўзбекистон Республикаси Давлат солиқ қўмитаси раиси 8. Ишметов Т.А. — Ўзбекистон Республикаси Марказий банки раисининг биринчи ўринбосари 9. Икрамов А.И. — Ўзбекистон Республикаси Савдо-саноат палатаси раиси 10. Сотиболдиев Ж.К. — Ўзбекистон Республикаси Бош прокуратураси бошқарма бошлиғи 11. Кадыров Ф.А. — Ўзбекистон Республикаси Вазирлар Маҳкамаси АТД мудири, ишчи гуруҳ котиби
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 6 ноябрь,
ПҚ-3377-сон
Oʻzbekiston Respublikasi Prezidentining
Qarori
TARKIBI
Meva-sabzavot mahsulotlari, uzum, poliz, dukkakli ekinlar, shuningdek, quritilgan sabzavot va mevalarni mahalliy eksport qiluvchilarni qoʻllab-quvvatlash boʻyicha qoʻshimcha chora-tadbirlar toʻgʻrisida
Tashqi iqtisodiy faoliyatni yanada liberallashtirish, eksport qilinadigan yangi meva-sabzavot mahsulotlari, uzum, poliz, dukkakli ekinlar, shuningdek, quritilgan sabzavot va mevalarning (keyingi oʻrinlarda meva-sabzavot mahsulotlari deb yuritiladi) hajmini koʻpaytirish va turlarini kengaytirish uchun qulay shart-sharoit yaratish, mahalliy meva-sabzavot mahsulotlarining jahon bozorlarida raqobatbardoshligini oshirish maqsadida:
1. “Oʻzbekoziqovqatxolding” XK, Oʻzbekiston Respublikasi Iqtisodiyot vazirligi va Savdo-sanoat palatasining quyidagilar toʻgʻrisidagi takliflari qabul qilinsin:
a) xoʻjalik yurituvchi subyektlarga eksport kontrakti (shartnomasi) tuzmasdan quyidagi shartlarga rioya qilgan holda invoys asosida meva-sabzavot mahsulotlarining eksportini amalga oshirish huquqini berish:
Oʻzbekiston Respublikasining vakolatli tijorat banklaridagi hisobvaraqlarga Oʻzbekiston Respublikasi norezidentlaridan xorijiy valyutada, shu jumladan bank oʻtkazmalari, xalqaro bank kartalari orqali toʻlovlar, shuningdek, tijorat banklarining ayirboshlash shoxobchalarida sotib olingan milliy valyutadagi naqd pul mablagʻlarini kiritish shaklida 100 foizlik oldindan toʻlov olish;
Tashqi savdo operatsiyalarining yagona elektron axborot tizimiga eksportga yetkazib berish haqidagi maʼlumotlarni kiritish;
b) eksport qilingan meva-sabzavot mahsulotlarining faktura qiymatiga ularni saqlashda, tashishda va sotishda qonun hujjatlarida belgilangan tabiiy yoʻqotish normativlari doirasida tuzatishlar kiritish.
Oʻzbekiston Respublikasi Qishloq va suv xoʻjaligi vazirligi Moliya vazirligi, Davlat bojxona qoʻmitasi va “Oʻzstandart” agentligi bilan birgalikda oʻn kun muddatda eksport qilingan meva-sabzavot mahsulotlarining tabiiy yoʻqotish normativlari va ularning faktura qiymatiga tuzatishlar kiritish tartibini belgilaydigan Hukumat qarori loyihasini Vazirlar Mahkamasiga kiritsin.
2. Belgilab qoʻyilsinki:
tadbirkorlik subyektlari tomonidan meva-sabzavot mahsulotlari keyinchalik eksport qilish uchun jismoniy shaxslardan sotib olinganda, jismoniy shaxslardan olinadigan daromad soligʻi boʻyicha imtiyozlar jismoniy shaxslar tomonidan sotilgan mahsulotlar ularga yoki ularning oila aʼzolariga ajratilgan yer uchastkalarida yetishtirilganligini tasdiqlovchi hujjatni taqdim qilmasdan qoʻllaniladi;
bojxona haqidagi qonunchilik hujjatlari buzilganligi belgilari aniqlangan taqdirda, meva-sabzavot mahsulotlari eksportiga yuk-bojxona deklaratsiyasi koʻrik hujjati tuzilganidan keyin hamda uzum, vino va konyak mahsulotlari eksportiga yuk-bojxona deklaratsiyasi tovarlarni eksportga rasmiylashtirish ruxsat etilganidan soʻng 3 soatdan koʻp boʻlmagan muddatda rasmiylashtiriladi.
3. Oʻzbekiston Respublikasi Davlat bojxona qoʻmitasi Markaziy bank, Davlat soliq qoʻmitasi, Axborot texnologiyalari va kommunikatsiyalarini rivojlantirish vazirligi hamda “Oʻzbekoziqovqatxolding” XK bilan birgalikda 2017-yil 15-noyabrga qadar muddatda mazkur qarorning 1-bandi talablarini hisobga olgan holda Tashqi savdo operatsiyalarining yagona elektron axborot tizimini takomillashtirilishini taʼminlasin.
4. Oʻzbekiston Respublikasi Tashqi savdo vazirligi Tashqi ishlar vazirligi, Iqtisodiyot vazirligi, Qishloq va suv xoʻjaligi vazirligi, Savdo-sanoat palatasi, boshqa manfaatdor vazirlik va idoralar bilan birgalikda ikki hafta muddatda:
Oʻzbekiston Respublikasining meva-sabzavot mahsulotlari savdosi va eksporti sohasidagi xalqaro shartnomalarini inventarizatsiyadan oʻtkazishni;
amaldagi import bojxona bojlari, aksiz soligʻi va yigʻimlar stavkalarini, shuningdek, meva-sabzavot mahsulotlarini saqlash, tashish hamda meva-sabzavot mahsulotlarining potensial import qiluvchi xorijiy mamlakatlarda sotishda sanitariya norma va qoidalarini tanqidiy oʻrganishni taʼminlasin.
5. Tashqi savdo vazirligi inventarizatsiya va tanqidiy oʻrganish yakunlari boʻyicha 2017-yil 1-dekabrga qadar muddatda:
Oʻzbekiston Respublikasining meva-sabzavot mahsulotlarining savdosi va eksporti sohasida yangi xalqaro shartnomalar tuzish hamda amaldagilariga oʻzgartish va qoʻshimchalar kiritish boʻyicha takliflarni;
amaldagi normativ hujjatlar, sanitariya norma va qoidalari, fitosanitariya talablarini xalqaro standartlar, shuningdek, mahalliy meva-sabzavot mahsulotlarining potensial import qiluvchi xorijiy mamlakatlar talablarini hisobga olgan holda qayta koʻrib chiqish boʻyicha chora-tadbirlar dasturi loyihasini Oʻzbekiston Respublikasi Vazirlar Mahkamasiga kiritsin.
6. “Oʻzstandart” agentligi:
Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita, boshqa manfaatdor vazirlik va idoralar bilan birgalikda yigirma kun muddatda respublikada xalqaro standartlarni, shu jumladan “ISO 22000”, “Halol” standartlarini joriy etish va keyinchalik qoʻllash boʻyicha chora-tadbirlar dasturini Vazirlar Mahkamasiga kiritsin;
Oʻzbekiston Respublikasida berilgan muvofiqlik sertifikatlarini mahalliy meva-sabzavot mahsulotlarini asosiy isteʼmol qiluvchi davlatlarda, shu jumladan ikki tomonlama va koʻp tomonlama bitimlarni tuzish, shuningdek, laboratoriyalarni modernizatsiya qilish orqali tan olinishini taʼminlash choralarini koʻrsin.
7. Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi manfaatdor vazirlik va idoralar bilan birgalikda eksport qiluvchi tomonidan zarur hujjatlar taqdim qilingan vaqtdan koʻpi bilan bir ish kuni davomida meva-sabzavot hamda tez buziladigan mahsulotlarning eksporti uchun sertifikatlar berishni taʼminlasin.
8. Oʻzbekiston Respublikasi Tashqi savdo vazirligi, Tashqi ishlar vazirligi va “Oʻzbekoziqovqatxolding” XK:
meva-sabzavot mahsulotlarini eksportga yetkazib berishning asosiy nomenklaturasi boʻyicha tashqi bozorlarning joriy va istiqboldagi konyunkturalarini doimiy asosda chuqur oʻrganishni;
meva-sabzavot mahsulotlari eksportining yangi istiqbolli yoʻnalishlarini aniqlash hamda turi va naviga bogʻliq holda mahalliy meva-sabzavot mahsulotlariga boʻlgan talabni aniqlash hisobiga ularning nomenklaturasini kengaytirishni taʼminlasin.
9. “Oʻzbekoziqovqatxolding” XK Oʻzbekiston Respublikasi Investitsiyalar boʻyicha davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda haqiqiy ehtiyoj hamda meva-sabzavot mahsulotlarini tashish yoʻnalishlarini chuqur oʻrganish asosida Meva-sabzavot mahsulotlarini ishlash, saqlash va tashish boʻyicha logistika markazlarini tashkil etish dasturini ishlab chiqsin hamda Vazirlar Mahkamasiga kiritsin.
Bunda, loyihalarning aniq roʻyxati belgilansin, markazlarni optimal va oqilona joylashtirish, ularni tashkil etish muddatlari, xalqaro va xorijiy moliya institutlarining mablagʻlari bilan birga chet el investitsiyalarini jalb etishga alohida eʼtibor qaratilsin.
10. Bojxona tartib-taomillari va eksport-import operatsiyalarini takomillashtirish boʻyicha ishchi guruh (keyingi oʻrinlarda ishchi guruh deb yuritiladi) ilovaga muvofiq tashkil etilsin.
Ishchi guruh 2018-yil 1-fevralga qadar muddatda bojxona tartib-taomillari va eksport-import operatsiyalarini tartibga soluvchi qonun hujjatlarini xalqaro amaliyotni hisobga olgan holda takomillashtirish boʻyicha takliflarni Oʻzbekiston Respublikasi Vazirlar Mahkamasiga kiritsin.
11. Tijorat banklariga meva-sabzavot mahsulotlarini eksport qiluvchi xoʻjalik yurituvchi subyektlar va tayyorlov tashkilotlarining depozit hisobvaraqlaridan ularning buyurtmalari boʻyicha meva-sabzavot mahsulotlari sotib olish uchun naqd pul mablagʻlari berishni taʼminlash tavsiya etilsin.
12. “Oʻzbekoziqovqatxolding” XK import va eksport qiluvchilar uchun, shu jumladan mahalliy ishlab chiqaruvchilar tomonidan ishlab chiqariladigan mahsulotlar, ularning navi va narxlari, shuningdek, chet el xaridorlari tomonidan meva-sabzavot mahsulotlarini sotib olishga boʻlgan talablar toʻgʻrisidagi maʼlumotlarni oʻz ichiga olgan yagona axborot portalini yuritishni taʼminlasin.
13. “Oʻzbekoziqovqatxolding” XK Oʻzbekiston Respublikasi Adliya vazirligi, Tashqi savdo vazirligi va boshqa manfaatdor idoralar bilan birgalikda oʻn kun muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga taklif kiritsin.
14. Oʻzbekiston Respublikasi Bosh vazirining oʻrinbosari N.S. Otajonov ikki kun muddatda mazkur qaror talablari bajarilishining borishi ustidan taʼsirchan nazorat qilish, meva-sabzavot mahsulotlari eksportining tasdiqlangan parametrlariga erishishni tizimli monitoring qilish hamda aniqlangan muammoli masalalarni tezkorlik bilan hal qilishni taʼminlash boʻyicha tegishli vazirlik va idoralarning rahbarlari va mutaxassislaridan maxsus guruhni shakllantirsin, zarur hollarda Oʻzbekiston Respublikasi Prezidenti va Vazirlar Mahkamasi tomonidan qaror qabul qilish uchun asoslantirilgan takliflarni kiritsin.
15. Ushbu qarorning ijrosini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov, N.S. Otajonov va Z.T. Mirzayev, Oʻzbekiston Respublikasi Markaziy bankining raisi M.B. Nurmuratov, “Oʻzbekoziqovqatxolding” XK raisi T.A. Jalilov zimmasiga yuklansin.
Oʻzbekiston Respublikasi Prezidentining 2017-yil 6-noyabrdagi PQ-3377-son qaroriga ILOVA
Bojxona tartib-taomillari va eksport-import operatsiyalarini takomillashtirish boʻyicha ishchi guruh
1. Qoʻchqorov J.A. — Oʻzbekiston Respublikasi Bosh vaziri oʻrinbosari, ishchi guruh rahbari 2. Gʻaniyev E.M. — Oʻzbekiston Respublikasi tashqi savdo vaziri 3. Xodjayev B.A. — Oʻzbekiston Respublikasi moliya vaziri 4. Saidova G.K. — Oʻzbekiston Respublikasi iqtisodiyot vaziri 5. Shermatov Sh.X. — Oʻzbekiston Respublikasi axborot texnologiyalari va kommunikatsiyalarini rivojlantirish vaziri v.b. 6. Toxiriy M.V. — Oʻzbekiston Respublikasi Davlat bojxona qoʻmitasi raisi 7. Parpiyev B.R. — Oʻzbekiston Respublikasi Davlat soliq qoʻmitasi raisi 8. Ishmetov T.A. — Oʻzbekiston Respublikasi Markaziy banki raisining birinchi oʻrinbosari 9. Ikramov A.I. — Oʻzbekiston Respublikasi Savdo-sanoat palatasi raisi 10. Sotiboldiyev J.K. — Oʻzbekiston Respublikasi Bosh prokuraturasi boshqarma boshligʻi 11. Kadirov F.A. — Oʻzbekiston Respublikasi Vazirlar Mahkamasi ATD mudiri, ishchi guruh kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 6-noyabr,
PQ-3377-son
Президента Республики Узбекистан
Постановление
СОСТАВ
О дополнительных мерах по поддержке отечественных экспортеров плодоовощной продукции, винограда, бахчевых культур, бобовых, а также сушеных овощей и фруктов
В целях дальнейшей либерализации внешнеэкономической деятельности, создания благоприятных условий для увеличения объемов и расширения ассортимента экспортируемой свежей плодоовощной продукции, винограда, бахчевых культур, бобовых, а также сушеных овощей и фруктов (далее — плодоовощная продукция), повышения конкурентоспособности отечественной плодоовощной продукции на внешних рынках:
1. Принять предложения ХК «Узбекозиковкатхолдинг», Министерства экономики и Торгово-промышленной палаты Республики Узбекистан о:
а) предоставлении права хозяйствующим субъектам осуществлять экспорт плодоовощной продукции без заключения экспортного контракта (договора) на основании инвойса при соблюдении следующих условий:
получение 100-процентной предварительной оплаты в иностранной валюте от нерезидентов Республики Узбекистан на счета в уполномоченных коммерческих банках Республики Узбекистан, в том числе в форме банковского перевода, оплаты по международным банковским картам, а также внесения наличных средств в национальной валюте, приобретенных в обменных пунктах коммерческих банков;
внесение данных об экспортной поставке в Единую электронную информационную систему внешнеторговых операций;
б) проведении корректировки фактурной стоимости экспортированной плодоовощной продукции в пределах установленных законодательством нормативов естественной убыли при ее хранении, транспортировке и реализации.
Министерству сельского и водного хозяйства совместно с Министерством финансов, Государственным таможенным комитетом и Агентством «Узстандарт» в десятидневный срок внести в Кабинет Министров Республики Узбекистан проект правительственного решения, определяющего нормативы естественной убыли экспортированной плодоовощной продукции и порядок корректировки ее фактурной стоимости.
2. Определить, что:
при приобретении субъектами предпринимательства у физических лиц плодоовощной продукции для дальнейшего экспорта льгота по налогу на доходы физических лиц применяется без представления физическими лицами документа, подтверждающего, что реализованная продукция произведена на выделенных им или членам их семей земельных участках;
в случае выявления признаков нарушения актов законодательства о таможне оформление грузовой таможенной декларации на экспорт плодоовощной продукции осуществляется после составления акта досмотра, а также оформление грузовой таможенной декларации на экспорт виноградной, винной и коньячной продукции осуществляется после предоставления разрешения на оформление товаров на экспорт — в срок не более 3 часов.
3. Государственному таможенному комитету совместно с Центральным банком, Государственным налоговым комитетом, Министерством по развитию информационных технологий и коммуникаций Республики Узбекистан и ХК «Узбекозиковкатхолдинг» в срок до 15 ноября 2017 года обеспечить совершенствование Единой электронной информационной системы внешнеторговых операций с учетом требований пункта 1 настоящего постановления.
4. Министерству внешней торговли совместно с Министерством иностранных дел, Министерством экономики, Министерством сельского и водного хозяйства, Торгово-промышленной палатой Республики Узбекистан, другими заинтересованными министерствами и ведомствами в двухнедельный срок обеспечить:
проведение инвентаризации международных договоров Республики Узбекистан в сфере торговли и экспорта плодоовощной продукции;
критическое изучение действующих ставок импортных таможенных пошлин, акцизов и сборов, а также санитарных норм и правил при хранении, транспортировке и реализации плодоовощной продукции в зарубежных странах — потенциальных импортерах плодоовощной продукции.
5. Министерству внешней торговли по итогам инвентаризации и критического изучения в срок до 1 декабря 2017 года внести в Кабинет Министров Республики Узбекистан:
предложения по заключению новых и внесению изменений и дополнений в действующие международные договора Республики Узбекистан в сфере торговли и экспорта плодоовощной продукции;
проект программы мер по пересмотру действующих нормативных документов, санитарных норм и правил, фитосанитарных требований с учетом международных стандартов, а также требований зарубежных стран — потенциальных импортеров отечественной плодоовощной продукции.
6. Агентству «Узстандарт»:
совместно с Комитетом по делам религий при Кабинете Министров, иными заинтересованными министерствами и ведомствами в двадцатидневный срок внести в Кабинет Министров Республики Узбекистан Программу мер по внедрению и дальнейшему применению в республике международных стандартов, в том числе «ISO 22000», «Халяль»;
принять меры по обеспечению признания сертификатов соответствия, выданных в Республике Узбекистан, в государствах — основных потребителях отечественной плодоовощной продукции, в том числе посредством заключения двусторонних и многосторонних соглашений, а также модернизации лабораторий.
7. Агентству по карантину и защите растений при Министерстве сельского хозяйства Республики Узбекистан совместно с заинтересованными министерствами и ведомствами обеспечить выдачу сертификатов для экспорта плодоовощной и скоропортящейся продукции в течение не более одного рабочего дня с момента предоставления экспортером необходимых документов.
8. Министерству внешней торговли, Министерству иностранных дел Республики Узбекистан и ХК «Узбекозиковкатхолдинг» обеспечить:
на постоянной основе глубокое изучение текущей и перспективной конъюнктуры внешних рынков по основной номенклатуре экспортных поставок плодоовощной продукции;
определение новых перспективных направлений экспорта плодоовощной продукции и расширение ее номенклатуры за счет выявления спроса на отечественную плодоовощную продукцию в зависимости от вида и сортности.
9. ХК «Узбекозиковкатхолдинг» совместно с Государственным комитетом Республики Узбекистан по инвестициям, Советом Министров Республики Каракалпакстан, хокимиятами областей и г. Ташкента в двухмесячный срок на основе тщательного изучения реальных потребностей и маршрутов транспортировки плодоовощной продукции подготовить и внести в Кабинет Министров Программу создания центров логистики по обработке, хранению и транспортировке плодоовощной продукции.
При этом определить конкретный перечень проектов, особое внимание уделить оптимальному и рациональному размещению центров, срокам их создания и привлечению иностранных инвестиций, включая средства международных и зарубежных финансовых институтов.
10. Образовать рабочую группу по совершенствованию таможенных процедур и экспортно-импортных операций (далее — рабочая группа) согласно приложению .
Рабочей группе в срок до 1 февраля 2018 года внести в Кабинет Министров Республики Узбекистан предложения по совершенствованию с учетом международной практики актов законодательства, регламентирующих таможенные процедуры и экспортно-импортные операции.
11. Рекомендовать коммерческим банкам обеспечивать выдачу наличных денежных средств с депозитных счетов хозяйствующих субъектов — экспортеров плодоовощной продукции и заготовительных организаций по их заявкам для закупа плодоовощной продукции.
12. ХК «Узбекозиковкатхолдинг» обеспечить ведение единого информационного портала для импортеров и экспортеров, в том числе содержащего сведения о производимой отечественными производителями продукции, их сортности и ценах, а также запросах на приобретение плодоовощной продукции иностранными покупателями.
13. ХК «Узбекозиковкатхолдинг» совместно с Министерством юстиции, Министерством внешней торговли и другими заинтересованными ведомствами в десятидневный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
14. Заместителю Премьер-министра Республики Узбекистан Н.С. Отажонову в двухдневный срок сформировать специальную группу из числа руководителей и специалистов соответствующих министерств и ведомств по обеспечению действенного контроля за ходом выполнения требований настоящего постановления, системного мониторинга достижения утвержденных параметров экспорта плодоовощной продукции и оперативному решению выявленных проблемных вопросов, при необходимости вносить обоснованные предложения для принятия решения Кабинетом Министров и Президентом Республики Узбекистан.
15. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова, Н.С. Отажонова и З.Т. Мирзаева, председателя Центрального банка Республики Узбекистан М.Б. Нурмуратова, председателя ХК «Узбекозиковкатхолдинг» Т.А. Жалилова.
ПРИЛОЖЕНИЕ к постановлению Президента Республики Узбекистан от 6 ноября 2017 года № ПП-3377
рабочей группы по совершенствованию таможенных процедур и экспортно-импортных операций
1. Кучкаров Д.А. — заместитель Премьер-министра Республики Узбекистан, руководитель рабочей группы 2. Ганиев Э.М. — министр внешней торговли Республики Узбекистан 3. Ходжаев Б.А. — министр финансов Республики Узбекистан 4. Саидова Г.К. — министр экономики Республики Узбекистан 5. Шерматов Ш.Х. — и.о. министра по развитию информационных технологий и коммуникаций Республики Узбекистан 6. Тохирий М.В. — председатель Государственного таможенного комитета Республики Узбекистан 7. Парпиев Б.Р. — председатель Государственного налогового комитета Республики Узбекистан 8. Ишметов Т.А. — первый заместитель председателя Центрального банка Республики Узбекистан 9. Икрамов А.И. — председатель Торгово-промышленной палаты Республики Узбекистан 10. Сотиболдиев Ж.К. — начальник управления Генеральной прокуратуры Республики Узбекистан 11. Кадыров Ф.А. — заведующий ИАД Кабинета Министров Республики Узбекистан, секретарь рабочей группы
Президент Республики Узбекистан Ш. МИРЗИЁЕВ
г. Ташкент,
6 ноября 2017 г.,
№ ПП-3377