📅 2017-yil 7-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 7 November 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Халқаро ва республика олимпиадалари, танловлари, мусобақалари ғолиблари бўлган академик лицейлар, касб-ҳунар коллежлари ва умумтаълим мактаблари ўқувчиларини тақдирлаш тартиби тўғрисидаги низомга ўзгартириш ва қўшимчалар киритиш ҳақида
Ўзбекистон Республикаси Президентининг «Кураш» миллий спорт турини янада ривожлантириш чора-тадбирлари тўғрисида» 2017 йил 2 октябрдаги ПҚ-3306-сон қарорини ижро этиш юзасидан Вазирлар Маҳкамаси қарор қилади:
1. Вазирлар Маҳкамасининг 2008 йил 13 октябрдаги 226-сон қарори (Ўзбекистон Республикаси ҚҲТ, 2008 й., 42-сон, 422-модда) билан тасдиқланган Халқаро ва республика олимпиадалари, танловлари, мусобақалари ғолиблари бўлган академик лицейлар, касб-ҳунар коллежлари ва умумтаълим мактаблари ўқувчиларини тақдирлаш тартиби тўғрисидаги низомга иловага мувофиқ ўзгартириш ва қўшимчалар киритилсин.
2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Жисмоний тарбия ва спорт давлат қўмитаси раиси Р.Ж. Қурбонов зиммасига ва Ўзбекистон Республикаси Вазирлар Маҳкамасининг Соғлиқни сақлаш, экология, атроф-муҳитни муҳофаза қилиш, жисмоний тарбия ва спорт масалалари ахборот-таҳлил департаментига юклансин.
Вазирлар Маҳкамасининг 2017 йил 7 ноябрдаги 892-сон қарорига ИЛОВА
Халқаро ва республика олимпиадалари, танловлари, мусобақалари ғолиблари бўлган академик лицейлар, касб-ҳунар коллежлари ва умумтаълим мактаблари ўқувчиларини тақдирлаш тартиби тўғрисидаги низомга киритилаётган ўзгартириш ва қўшимчалар
1. 1-бандда «спортнинг олимпия турлари» сўзларидан кейин «Кураш» миллий спорт тури» сўзлари қўшилсин;
2. 2 ва 3-бандлар қуйидаги таҳрирда баён қилинсин:
«2. Республика (1-ўрин) ва халқаро танловлар ва мусобақаларнинг (Олимпия ўйинларида, Осиё ўйинларида, жаҳон чемпионатида ва Осиё чемпионатида 1 — 3-ўринлар) индивидуал турларида ғолиб чиққан академик лицейлар, касб-ҳунар коллежлари ва умумтаълим мактабларининг битирувчилари олий таълим муассасасига тест синовларисиз ва қўшимча имтиҳонсиз қабул қилинадилар.
3. Республика (1-ўрин) ва халқаро танловлар ва мусобақаларнинг (Олимпия ўйинларида, Осиё ўйинларида, жаҳон чемпионатида ва Осиё чемпионатида 1 — 3-ўринлар) жамоа турлари ғолиблари ўз командалари таркибидан — академик лицейлар, касб-ҳунар коллежлари ва умумтаълим мактаблари битирувчиларидан олий таълим муассасасига тест синовларисиз ва қўшимча имтиҳонсиз қабул қилиш учун уч номзодни белгилайдилар».
Ўзбекистон Республикасининг Бош вазири А. АРИПОВ
Тошкент ш.,
2017 йил 7 ноябрь,
892-сон
Oʻzbekiston Respublikasi Vazirlar Mahkamasining
qarori
Xalqaro va respublika olimpiadalari, tanlovlari, musobaqalari gʻoliblari boʻlgan akademik litseylar, kasb-hunar kollejlari va umumtaʼlim maktablari oʻquvchilarini taqdirlash tartibi toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasi Prezidentining “Kurash” milliy sport turini yanada rivojlantirish chora-tadbirlari toʻgʻrisida” 2017-yil 2-oktabrdagi PQ-3306-son qarorini ijro etish yuzasidan Vazirlar Mahkamasi qaror qiladi:
1. Vazirlar Mahkamasining 2008-yil 13-oktabrdagi 226-son qarori (Oʻzbekiston Respublikasi QHT, 2008-y., 42-son, 422-modda) bilan tasdiqlangan Xalqaro va respublika olimpiadalari, tanlovlari, musobaqalari gʻoliblari boʻlgan akademik litseylar, kasb-hunar kollejlari va umumtaʼlim maktablari oʻquvchilarini taqdirlash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Jismoniy tarbiya va sport davlat qoʻmitasi raisi R.J. Qurbonov zimmasiga va Oʻzbekiston Respublikasi Vazirlar Mahkamasining Sogʻliqni saqlash, ekologiya, atrof-muhitni muhofaza qilish, jismoniy tarbiya va sport masalalari axborot-tahlil departamentiga yuklansin.
Vazirlar Mahkamasining 2017-yil 7-noyabrdagi 892-son qaroriga ILOVA
Xalqaro va respublika olimpiadalari, tanlovlari, musobaqalari gʻoliblari boʻlgan akademik litseylar, kasb-hunar kollejlari va umumtaʼlim maktablari oʻquvchilarini taqdirlash tartibi toʻgʻrisidagi nizomga kiritilayotgan oʻzgartirish va qoʻshimchalar
1. 1-bandda “sportning olimpiya turlari” soʻzlaridan keyin “Kurash” milliy sport turi” soʻzlari qoʻshilsin;
2. 2 va 3-bandlar quyidagi tahrirda bayon qilinsin:
“2. Respublika (1-oʻrin) va xalqaro tanlovlar va musobaqalarning (Olimpiya oʻyinlarida, Osiyo oʻyinlarida, jahon chempionatida va Osiyo chempionatida 1 — 3-oʻrinlar) individual turlarida gʻolib chiqqan akademik litseylar, kasb-hunar kollejlari va umumtaʼlim maktablarining bitiruvchilari oliy taʼlim muassasasiga test sinovlarisiz va qoʻshimcha imtihonsiz qabul qilinadilar.
3. Respublika (1-oʻrin) va xalqaro tanlovlar va musobaqalarning (Olimpiya oʻyinlarida, Osiyo oʻyinlarida, jahon chempionatida va Osiyo chempionatida 1 — 3-oʻrinlar) jamoa turlari gʻoliblari oʻz komandalari tarkibidan — akademik litseylar, kasb-hunar kollejlari va umumtaʼlim maktablari bitiruvchilaridan oliy taʼlim muassasasiga test sinovlarisiz va qoʻshimcha imtihonsiz qabul qilish uchun uch nomzodni belgilaydilar”.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 7-noyabr,
892-son
Кабинета Министров Республики Узбекистан
Постановление
О внесении изменений и дополнения в Положение о порядке поощрения учащихся академических лицеев, профессиональных колледжей и общеобразовательных школ — победителей международных и республиканских олимпиад, конкурсов, соревнований
Во исполнение постановления Президента Республики Узбекистан от 2 октября 2017 года № ПП-3306 «О мерах по дальнейшему развитию национального вида спорта «Кураш» Кабинет Министров постановляет:
1. Внести изменения и дополнение в Положение о порядке поощрения учащихся академических лицеев, профессиональных колледжей и общеобразовательных школ — победителей международных и республиканских олимпиад, конкурсов, соревнований, утвержденное постановлением Кабинета Министров от 13 октября 2008 года № 226 (СЗ Республики Узбекистан, 2008 г., № 42, ст. 422) согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на председателя Государственного комитета Республики Узбекистан по физической культуре и спорту Р.Д. Курбанова и Информационно-аналитический департамент по вопросам здравоохранения, экологии, охраны окружающей среды, физической культуры и спорта Кабинета Министров Республики Узбекистан.
ПРИЛОЖЕНИЕ к постановлению Кабинета Министров от 7 ноября 2017 года № 892
Изменения и дополнение, вносимые в Положение о порядке поощрения учащихся академических лицеев, профессиональных колледжей и общеобразовательных школ — победителей международных и республиканских олимпиад, конкурсов, соревнований
1. Пункт 1 после слов «по олимпийским видам спорта» дополнить словами «национальному виду спорта «Кураш»;
2. Пункты 2 и 3 изложить в следующей редакции:
«2. Выпускники академических лицеев, профессиональных колледжей и общеобразовательных школ, занявшие 1-е место в республиканских и 1 — 3-е места в международных конкурсах и соревнованиях (Олимпийских играх, Азиатских играх, чемпионате мира и чемпионате Азии) индивидуальных видов, зачисляются в высшие образовательные учреждения без тестирования и дополнительного экзамена.
3. Выпускники академических лицеев, профессиональных колледжей и общеобразовательных школ, занявшие 1-е место в республиканских и 1 — 3-е места в международных конкурсах и соревнованиях (Олимпийских играх, Азиатских играх, чемпионате мира и чемпионате Азии) коллективных видов, определяют три кандидатуры из своего состава для поступления в высшие образовательные учреждения без тестирования и дополнительного экзамена».
Премьер-министр Республики Узбекистан А. АРИПОВ
г. Ташкент,
7 ноября 2017 г.,
№ 892