📅 2017-yil 7-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 7 November 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида» 2017 йил 16 августдаги ПҚ-3217-сон қарори)
Ўзбекистон Республикаси Президентининг «2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида» 2017 йил 16 августдаги ПҚ-3217-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Ички ишлар вазири П.Р. Бобожонов, Ўзбекистон Республикаси Ташқи ишлар вазири А.Х. Комилов ва Ўзбекистон Республикаси Туризмни ривожлантириш давлат қўмитаси раиси А.А. Абдухакимов зиммасига юклансин.
Вазирлар Маҳкамасининг 2017 йил 7 ноябрдаги 894-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида» 1996 йил 21 ноябрдаги 408-сон қарорида :
а) Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари ва Ўзбекистон Республикасидан кетишлари тартибининг 12-бандига қуйидаги мазмундаги хатбоши қўшилсин:
«Хорижий фуқаролар Ўзбекистон Республикасининг туристик визасида кўрсатилган муддатдан олдин келган тақдирда туристик визаларга Ўзбекистон Республикаси Ташқи ишлар вазирлигининг консуллик бюролари томонидан Ўзбекистон Республикаси Давлат чегарасидан ўтиш пунктларида тегишли ўзгартиришлар киритишга рухсат этилади»;
б) Хорижий фуқароларнинг ва фуқаролиги бўлмаган шахсларнинг Ўзбекистон Республикасида бўлишлари қоидаларида :
3-банд қуйидаги таҳрирда баён қилинсин:
«3. Ўзбекистон Республикасида вақтинча бўлувчи хорижий фуқаролар ўзларини қабул қилувчи ташкилотлар (вазирликлар, идоралар, мулкчилик шакллари ва фаолият туридан қатъи назар, корхоналар ва ташкилотлар, хорижий давлатларнинг доимий ваколатхоналари, халқаро ҳукуматлараро ташкилотлар ва хорижий давлатларнинг ҳукумат ташкилотлари ваколатхоналари, халқаро ва хорижий нодавлат (ҳукуматга қарашли бўлмаган) нотижорат ташкилотларининг ваколатхоналари ва филиалларини (кейинги ўринларда ташкилотлар деб аталади), шунингдек, хусусий ишлар бўйича уларни Ўзбекистон Республикасига таклиф қилган шахсларни хабардор қилган ҳолда, хоҳишларига кўра меҳмонхона хизматлари — вақтинчалик яшаш бўйича хизматлар кўрсатиладиган жойлаштириш воситаларида (меҳмонхоналар, туризм базалари ва комплекслари, дам олиш уйлари ва зоналари, пансионатлар, кемпинглар, мотеллар, миллий меҳмонхона уйлари, ўтов ва палаткали лагерлар, санаторийлар ва бошқа объектларда, шунингдек, тунаш учун қайта жиҳозланган ер усти автотранспортида), бошқа турар жойларда, шунингдек, даволаш муассасаларида яшайдилар»;
13-бандда :
қуйидаги мазмундаги тўртинчи хатбоши қўшилсин:
«Жойлаштириш воситалари ва даволаш муассасаларининг масъул шахслари томонидан ушбу талабнинг бузилиши Ўзбекистон Республикаси қонунчилигига мувофиқ жавобгарликка сабаб бўлади»;
тўртинчи хатбоши бешинчи хатбоши деб ҳисоблансин;
16-бандга қуйидаги мазмундаги хатбоши қўшилсин:
«Хорижий фуқароларнинг амалда ҳисобга қўйилганлиги ички ишлар органлари томонидан автоматлаштирилган махсус электрон дастур ёрдамида текширилади»;
қуйидаги мазмундаги 17 1 -банд қўшилсин:
«17 1 . Қуйидагилар:
сайёҳлик оператори томонидан ташкил этиладиган тур доирасида экскурсовод, гид ва/ёки йўриқчи-йўл бошловчи ҳамроҳлигида аҳоли пунктлари ташқарисига саёҳат амалга оширилганда, агар бундай тур муддати ёки унинг бир қисми 10 кундан ошмаса;
хорижий фуқаролар томонидан сайёҳлик операторининг автотурини харид қилган ҳолда шахсий автомобилда, мотоциклда, велосипедда, пиёда ёки гуруҳ таркибида автобусда саёҳат амалга оширилганда, сайёҳлик операторлари томонидан ички ишлар органларига автоматлаштирилган махсус электрон дастур ёрдамида сайёҳларнинг паспорт маълумотлари, ҳаракатланиш йўналишлари схемаси, саёҳат пайтида тўхташ (тунаш) жойлари кўрсатилган электрон шаклдаги рўйхати тақдим этилиши вақтинчалик пропискага тенглаштирилади».
Ўзбекистон Республикасининг Бош вазири А. АРИПОВ
Тошкент ш.,
2017 йил 7 ноябрь,
894-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “2018-2019-yillarda turizm sohasini rivojlantirish boʻyicha birinchi navbatdagi chora-tadbirlar toʻgʻrisida” 2017-yil 16-avgustdagi PQ-3217-son qarori)
Oʻzbekiston Respublikasi Prezidentining “2018-2019-yillarda turizm sohasini rivojlantirish boʻyicha birinchi navbatdagi chora-tadbirlar toʻgʻrisida” 2017-yil 16-avgustdagi PQ-3217-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Ichki ishlar vaziri P.R. Bobojonov, Oʻzbekiston Respublikasi Tashqi ishlar vaziri A.X. Komilov va Oʻzbekiston Respublikasi Turizmni rivojlantirish davlat qoʻmitasi raisi A.A. Abduxakimov zimmasiga yuklansin.
Vazirlar Mahkamasining 2017-yil 7-noyabrdagi 894-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu erda boʻlishlari va tranzit oʻtishlari tartibi toʻgʻrisida” 1996-yil 21-noyabrdagi 408-son qarorida :
a) Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibining 12-bandiga quyidagi mazmundagi xatboshi qoʻshilsin:
“Xorijiy fuqarolar Oʻzbekiston Respublikasining turistik vizasida koʻrsatilgan muddatdan oldin kelgan taqdirda turistik vizalarga Oʻzbekiston Respublikasi Tashqi ishlar vazirligining konsullik byurolari tomonidan Oʻzbekiston Respublikasi Davlat chegarasidan oʻtish punktlarida tegishli oʻzgartirishlar kiritishga ruxsat etiladi”;
b) Xorijiy fuqarolarning va fuqaroligi boʻlmagan shaxslarning Oʻzbekiston Respublikasida boʻlishlari qoidalarida :
3-band quyidagi tahrirda bayon qilinsin:
“3. Oʻzbekiston Respublikasida vaqtincha boʻluvchi xorijiy fuqarolar oʻzlarini qabul qiluvchi tashkilotlar (vazirliklar, idoralar, mulkchilik shakllari va faoliyat turidan qatʼi nazar, korxonalar va tashkilotlar, xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalari, xalqaro va xorijiy nodavlat (hukumatga qarashli boʻlmagan) notijorat tashkilotlarining vakolatxonalari va filiallarini (keyingi oʻrinlarda tashkilotlar deb ataladi), shuningdek, xususiy ishlar boʻyicha ularni Oʻzbekiston Respublikasiga taklif qilgan shaxslarni xabardor qilgan holda, xohishlariga koʻra mehmonxona xizmatlari — vaqtinchalik yashash boʻyicha xizmatlar koʻrsatiladigan joylashtirish vositalarida (mehmonxonalar, turizm bazalari va komplekslari, dam olish uylari va zonalari, pansionatlar, kempinglar, motellar, milliy mehmonxona uylari, oʻtov va palatkali lagerlar, sanatoriylar va boshqa obyektlarda, shuningdek, tunash uchun qayta jihozlangan yer usti avtotransportida), boshqa turar joylarda, shuningdek, davolash muassasalarida yashaydilar”;
13-bandda :
quyidagi mazmundagi toʻrtinchi xatboshi qoʻshilsin:
“Joylashtirish vositalari va davolash muassasalarining masʼul shaxslari tomonidan ushbu talabning buzilishi Oʻzbekiston Respublikasi qonunchiligiga muvofiq javobgarlikka sabab boʻladi”;
toʻrtinchi xatboshi beshinchi xatboshi deb hisoblansin;
16-bandga quyidagi mazmundagi xatboshi qoʻshilsin:
“Xorijiy fuqarolarning amalda hisobga qoʻyilganligi ichki ishlar organlari tomonidan avtomatlashtirilgan maxsus elektron dastur yordamida tekshiriladi”;
quyidagi mazmundagi 17 1 -band qoʻshilsin:
“17 1 . Quyidagilar:
sayyohlik operatori tomonidan tashkil etiladigan tur doirasida ekskursovod, gid va/yoki yoʻriqchi-yoʻl boshlovchi hamrohligida aholi punktlari tashqarisiga sayohat amalga oshirilganda, agar bunday tur muddati yoki uning bir qismi 10 kundan oshmasa;
xorijiy fuqarolar tomonidan sayyohlik operatorining avtoturini xarid qilgan holda shaxsiy avtomobilda, mototsiklda, velosipedda, piyoda yoki guruh tarkibida avtobusda sayohat amalga oshirilganda, sayyohlik operatorlari tomonidan ichki ishlar organlariga avtomatlashtirilgan maxsus elektron dastur yordamida sayyohlarning pasport maʼlumotlari, harakatlanish yoʻnalishlari sxemasi, sayohat paytida toʻxtash (tunash) joylari koʻrsatilgan elektron shakldagi roʻyxati taqdim etilishi vaqtinchalik propiskaga tenglashtiriladi”.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 7-noyabr,
894-son
Кабинета Министров Республики Узбекистан
Постановление
О внесении изменений и дополнений в некоторые решения Правительства Республики Узбекистан (Постановление Президента Республики Узбекистан от 16 августа 2017 года № ПП-3217 «О первоочередных мерах по развитию сферы туризма на 2018-2019 годы»)
В соответствии с постановлением Президента Республики Узбекистан от 16 августа 2017 года № ПП-3217 «О первоочередных мерах по развитию сферы туризма на 2018-2019 годы» Кабинет Министров постановляет:
1. Внести изменения и дополнения в некоторые решения Правительства Республики Узбекистан согласно приложению .
2. Контроль за исполнением настоящего постановления возложить на министра внутренних дел Республики Узбекистан П.Р. Бобожонова, министра иностранных дел Республики Узбекистан А.Х. Камилова и председателя Государственного комитета Республики Узбекистан по развитию туризма А.А. Абдухакимова.
ПРИЛОЖЕНИЕ к постановлению Кабинета Министров от 7 ноября 2017 года № 894
Изменения и дополнения, вносимые в некоторые решения Правительства Республики Узбекистан
1. В постановлении Кабинета Министров от 21 ноября 1996 г. № 408 «О порядке въезда, выезда, пребывания и транзитного проезда иностранных граждан и лиц без гражданства в Республике Узбекистан»:
а) пункт 12 Порядка въезда в Республику Узбекистан и выезда из Республики Узбекистан иностранных граждан и лиц без гражданства дополнить абзацем следующего содержания:
«В случае прибытия в Республику Узбекистан иностранных граждан раньше срока, указанного в туристической визе Республики Узбекистан, допускается внесение соответствующих изменений в туристические визы консульскими бюро Министерства иностранных дел Республики Узбекистан в пунктах пропуска через Государственную границу Республики Узбекистан»;
б) в Правилах пребывания иностранных граждан и лиц без гражданства в Республике Узбекистан:
пункт 3 изложить в следующей редакции:
«3. Иностранные граждане, временно пребывающие в Республике Узбекистан, проживают в средствах размещения (гостиницы, туристские базы и комплексы, дома и зоны отдыха, пансионаты, кемпинги, мотели, национальные гостевые дома, юртовые и палаточные лагеря, санатории и другие объекты, в которых оказываются гостиничные услуги, — услуги по временному проживанию, а также наземный транспорт, преобразованный под средства размещения для ночлега), иной жилой площади, а также лечебных учреждениях по своему выбору, с уведомлением принимающих организаций (министерств, ведомств, предприятий и организаций независимо от форм собственности и вида деятельности, постоянных представительств иностранных государств, представительств международных межправительственных организаций и правительственных организаций иностранных государств, представительств и филиалов международных и иностранных негосударственных (неправительственных) некоммерческих организаций) (далее по тексту — «организации»), а также лиц, пригласивших их в Республику Узбекистан по частным делам»;
в пункте 13 :
дополнить абзацем четвертым следующего содержания:
«Нарушение настоящего требования ответственными лицами средств размещения и лечебных учреждений влечет ответственность в соответствии с законодательством Республики Узбекистан»;
абзац четвертый считать абзацем пятым;
пункт 16 дополнить абзацем следующего содержания:
«Проверка фактического учета иностранных граждан осуществляется органами внутренних дел при помощи специализированной электронной автоматизированной программы»;
дополнить пунктом 17 1 следующего содержания:
«17 1 . К временной прописке приравнивается предоставление туристскими операторами органам внутренних дел в электронной форме с помощью специализированной электронной автоматизированной программы списка туристов с указанием их паспортных данных, схем маршрутов движения, мест остановок (ночевок) при совершении поездок:
в сопровождении экскурсовода, гида и/или инструктора-проводника в рамках тура, организуемого туристским оператором за пределами населенных пунктов, если срок такого тура или его части не превышает 10 суток;
иностранными гражданами на личном автомобиле, мотоцикле, велосипеде, пешком или в составе группы на автобусе с приобретением автотура туристского оператора».
Премьер-министр Республики Узбекистан А. АРИПОВ
г. Ташкент,
7 ноября 2017 г.,
№ 894