📅 2017-yil 8-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 8 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 ноября 2017 г. · Постановления Президента
Официальный текст. Официальный документ. Редакционные примечания не включены.
📅 8 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Энергия ресурсларидан оқилона фойдаланишни таъминлаш чора-тадбирлари тўғрисида
Мамлакатда электр ва газ таъминоти тизимини изчил модернизация қилиш ва технологик қайта жиҳозлаш, энергия тежамкорлик асослари ва етказиб берилган электр энергияси ва табиий газ учун ўзаро ҳисоб-китоблар механизмларини такомиллаштириш чоралари кўрилмоқда.
Амалга оширилаётган тадбирлар барқарор ижтимоий-иқтисодий ўсиш, ишчанлик фаоллиги ва мамлакатнинг инвестициявий жозибадорлигини, аҳолининг ҳаёт даражаси ва фаровонлигини оширишнинг муҳим омилларидан бири бўлган энергетика тармоғини ривожлантиришга қаратилган.
Шу билан бирга, истеъмолчилар тоифасини инобатга олган ҳолда етказиб берилаётган энергия ресурслари қийматини аниқлашда табақалаштирилган ёндашишнинг мавжуд эмаслиги улардан нооқилона фойдаланишга олиб келмоқда, энергия тежамкор технологиялар ва муқобил энергия манбаларини жорий этишни рағбатлантирмаяпти.
Шаҳарсозлик соҳасидаги амалдаги норма ва қоидалар объектларнинг энергия самарадорлигини таъминловчи замонавий талабларга жавоб бермайди. Шунингдек, бинолар ва иншоотларнинг қурилиши ва реконструкция қилинишида энергия тежамкор материаллар ва технологияларни кўллашга етарли эътиборнинг мавжуд эмаслиги ҳам энергия ресурсларининг ортиқча сарф қилинишига олиб келмоқда.
Электр ва газ таъминоти тизимини янада такомиллаштириш, бозор механизмларини кенг жорий қилиш орқали энергия ресурсларидан оқилона фойдаланишни таъминлаш, шунингдек, мазкур соҳада кўрсатилаётган хизматлар сифатини яхшилаш мақсадида:
1. «Ўздавэнергоназорат» ДИ, «Ўздавнефтгазинспекция» ДИ, «Ўзтрансгаз» АЖ ва «Ўзбекэнерго» АЖнинг фаолияти қониқарсиз деб топилсин.
2. Ўзбекистон Республикаси Молия вазирлиги, «Ўзбекэнерго» АЖ, «Ўзтрансгаз» АЖ, «Ўздавэнергоназорат» ДИ, «Ўздавнефтгазинспекция» ДИ ва «Энергия тежаш миллий компанияси» АЖнинг куйидаги тартибни белгилаш ҳақидаги таклифлари қабул қилинсин:
а) 2018 йил 1 январдан:
иловага мувофиқ рўйхат бўйича маҳсулот ишлаб чиқарувчи ва айрим хизматлар кўрсатувчи истеъмолчилар электр энергияси (750 кВАгача бўлган қувватга уланган) ва табиий газ учун тўловларни Ўзбекистон Республикаси Вазирлар Маҳкамасининг қарорлари билан ўрнатиладиган ўсиб борувчи коэффициентлар ва тарифларга мувофиқ амалга оширадилар;
750 кВА ва ундан юқори бўлган қувватга уланган (бюджет ташкилотлари, фермер хўжаликлари ва сув истеъмолчилари уюшмаларининг насос станциялари, шунингдек, Давлат бюджетидан молиялаштириладиган насос станциялари бундан мустасно) истеъмолчилар электр энергияси учун ҳисоб-китобларни иккинчи гуруҳ тарифлар бўйича тўловларни амалга оширадиган юридик шахслар учун тариф миқдорида белгиланадиган сутка вақтларининг табақалаштирилган тарифи бўйича амалга оширади.
Бунда ягона электр энергетика тизимининг энг катта юкламали соатларида (тиғиз пайт — белгиланган тартибда ўрнатилган эрталабки ва кечки «энг катта миқдор») фойдаланилган электр энергияси учун тўловлар белгиланган тарифга нисбатан 1,5 баравар миқдорда ўсувчи коэффициентни кўллаш орқали, энг кам юкламали соатларда эса (тунги пайт — сутканинг қоронғи вақти) белгиланган тарифга нисбатан 1,5 баравар миқдорда камаювчи коэффициентни кўллаш орқали ва ярим тиғиз пайтда (сутканинг ёруғ вақти) ўрнатилган тариф бўйича амалга оширилади;
давлат органлари ва муассасаларининг бино ва иншоотлари, шунингдек, кўп квартирали уй-жой фондини лойиҳалаштириш, реконструкция қилиш, қуриш ва фойдаланишга топширишда уларда энергия самарадор ва энергия тежамкор технологиялардан фойдаланилганлиги юзасидан шаҳарсозлик нормалари ва қоидаларига мувофиқлиги текширилади;
якка тартибдаги уй-жой қурилишидан ташқари, барча бино ва иншоотларни лойиҳалаштириш, реконструкция қилиш ва қуришда, иссиқ сув таъминоти учун сертификатланган қуёш сув иситгич қурилмаларини, шунингдек, энергия тежамкор лампаларни мажбурий тартибда ўрнатиш кўзда тутилади;
3. «Энергия тежаш миллий компанияси» АЖ:
а) Ўзбекистон Республикаси Уй-жой коммунал хизмат кўрсатиш вазирлиги, «Ўзбекэнерго» АЖ ва бошқа идоралар билан биргаликда уч ой муддатда давлат органлари ва ташкилотлари бино ва иншоотларида қуёш сув иситгич қурилмалари ва маҳаллийлаштириладиган маҳсулотлар асосида мамлакатимизда ишлаб чиқарилган энергия тежамкор лампаларни ўрнатиш босқичларини, шунингдек, маҳаллийлаштириладиган маҳсулотлар асосида иссиқлик ва электр энергия истеъмоли ҳажмини инобатга олган ҳолда мазкур маҳсулотни аниқ етказиб берувчиларини белгилаш бўйича таклифларни Ўзбекистон Республикаси Вазирлар Маҳкамасига киритсин.
Давлат органлари ва ташкилотлари икки ҳафта муддатда қуёш сув иситгич қурилмалари ва энергия тежамкор лампаларни жорий қилиш ҳолатлари, иссиқлик ва электр энергияси истеъмоли ҳажми, кадастр ҳужжатларини илова қилган ҳолда улар томонидан эгаллаб турилган майдонлар ўлчами ҳақидаги техник маълумотларни ва ҳудуднинг муҳандислик коммуникациялари акс этган режасини «Энергия тежаш миллий компанияси» АЖга тақдим этилишини таъминласин;
б) «Ўзбекэнерго» АЖ, «Ўзтрансгаз» АЖ, бошқа манфаатдор вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, иссиқлик ва электр энергияси, шунингдек, биогаз ишлаб чиқариш билан шуғулланувчи хусусий корхоналар билан биргаликда уч ой муддатда:
иссиқлик ва электр энергияси, шунингдек, биогаз ишлаб чиқариш ва истеъмолчиларга тўғридан-тўғри етказиб бериш билан шуғулланувчи корхоналар томонидан «Ўзбекэнерго» АЖнинг электр тармоқлари ва «Ўзтрансгаз» АЖнинг газ тақсимлаш тармоқларидан фойдаланмаган ҳолда иссиқлик ва электр энергияси ҳамда биогазни реализация қилиш тартибини ишлаб чиқсин;
иссиқлик ва электр энергияси, шунингдек, биогаз ишлаб чиқариш билан шуғулланувчи хусусий корхоналар томонидан реализация қилинадиган иссиқлик ва электр энергияси ҳамда биогазга тижорат нархларини белгилаш бўйича таклифларни Ўзбекистон Республикаси Вазирлар Маҳкамасига киритсин.
5. Ўзбекистон Республикаси Давлат архитектура ва қурилиш қўмитаси Адлия вазирлиги, Молия вазирлиги, «Энергия тежаш миллий компанияси» АЖ ҳамда бошқа манфаатдор вазирлик ва идоралар билан биргаликда:
икки ой муддатда бино ва иншоотларни энергетик аудитдан ўтказиш, белгиланган шаҳарсозлик нормалари ва қоидаларига мувофиқлик паспортини ёки тегишли нормалардан ортиб кетганлик ҳолатини бартараф этиш зарурлиги тўғрисида хулоса бериш, шунингдек, уларнинг энергия самарадорлиги тоифасини аниқлаш тартибини ишлаб чиқсин ва тасдиқлаш учун Ўзбекистон Республикаси Вазирлар Маҳкамасига киритсин;
2018 йил 1 мартга кадар муддатда амалдаги шаҳарсозлик нормалари ва қоидаларини уларнинг қайта кўриб чиқилиши ва давлат рўйхатидан ўтказилишини таъминлаган ҳолда танқидий ўрганиб чиқсин.
6. Ўзбекистон Республикаси Иқтисодиёт вазирлиги «Ўзэлтехсаноат» АЖ, «Энергия тежаш миллий компанияси» АЖ, «Ўзбекэнерго» АЖ, Давлат солиқ қўмитаси, Савдо-саноат палатаси ҳамда бошқа манфаатдор вазирлик ва идоралар билан биргаликда икки ой муддатда энергия тежамкор лампалар ишлаб чиқарилишининг маҳаллийлаштирилишини кенгайтириш ҳамда уларни турар ва нотурар жойларда босқичма-босқич жорий этиш бўйича комплекс дастур лойиҳасини Вазирлар Маҳкамасига киритсин.
7. Ўзбекистон Республикаси Уй-жой коммунал хизмат кўрсатиш вазирлиги Иқтисодиёт вазирлиги, Молия вазирлиги, Давлат архитектура ва қурилиш қўмитаси, «Энергия тежаш миллий компанияси» АЖ, бошқа манфаатдор вазирлик ва идоралар, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2018 йил 1 январга кадар муддатда давлат органлари ва муассасаларининг бино ҳамда иншоотлари, шунингдек, кўп квартирали уй-жой фондини энергетик аудитдан ўтказиш дастури лойиҳасини Вазирлар Маҳкамасига киритсин.
8. Ўзбекистон Республикаси Қишлоқ ва сув хўжалиги вазирлиги Қорақалпоғистон Республикаси Вазирлар Кенгаши, вилоятлар ҳокимликлари, «Ўзбекэнерго» АЖ ва бошқа манфаатдор идоралар билан биргаликда 2018 йил 1 февралга кадар муддатда фермер хўжаликлари ва сув истеъмолчилари уюшмаларининг мавжуд насос станцияларини уларнинг техник ҳолати, қуввати, балансда сақловчисини аниқлаш, фермер хўжаликлари ер участкаларида электр энергияси ва сув сарфи самарадорлиги нуқтаи назаридан, шунингдек, қишлоқ хўжалиги маҳсулотлари турлари ва республика туманлари кесимида насос станциялари билан суғориладиган ер майдонлари, паст самарали ва энергия кўп сарфлайдиган насосларнинг мавжудлиги, электр энергиясини ҳисоблаш ускуналари, қишлоқ хўжалиги маҳсулотлари ишлаб чиқарувчилари билан шартномаларнинг мавжудлигини инвентаризациядан ўтказсин.
Инвентаризация якунига кўра, Ўзбекистон Республикаси Молия вазирлиги ҳамда Қишлоқ ва сув хўжалиги вазирлиги «Ўзбекэнерго» АЖ, Вазирлар Маҳкамаси ҳузуридаги Қишлоқ хўжалиги маҳсулотлари давлат хариди ва қишлоқ хўжалигини техника билан жиҳозлашни мақсадли молиялаштириш жамғармаси билан биргаликда 2018 йил 1 мартга кадар муддатда насос станцияларидан фойдаланиш билан боғлиқ эксплуатация қилувчи ташкилотларни, молиялаштиришнинг аниқ манбаларини аниқлаш бўйича таклифларни Вазирлар Маҳкамасига киритсин.
9. «Ўзбекэнерго» АЖ ва «Ўзтрансгаз» АЖ:
Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда 2018 йил 1 июлга қадар муддатда бухгалтерлик, молиявий, ишлаб чиқариш ва бошқарув ҳисобини автоматлаштириш бўйича дастурий комплексларни ўз ичига олган бошқарувнинг ягона ахборот тизимини ишлаб чиқсин ва идоравий бўйсунувидаги корхоналарда жорий этсин;
Ўзбекистон Миллий телерадиокомпанияси, Ўзбекистон матбуот ва ахборот агентлиги, Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари билан биргаликда мазкур қарорнинг мазмун-моҳияти оммавий ахборот воситаларида кенг ёритилишини ташкил қилсин.
10. Ўзбекистон Республикаси Адлия вазирлиги бошқа манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2017 йил 8 ноябрдаги ПҚ-3379-сон қарорига ИЛОВА
Электр энергияси ва табиий газни реализация қилишда нархни шакллантиришнинг алоҳида тартиби белгиланадиган ташкилотлар
1. Пишган ғишт ишлаб чиқарувчи корхоналар.
2. Оҳактош ва гипс қазиб олувчи, қайта ишловчи ва ишлаб чиқарувчи корхоналар.
3. Цемент ишлаб чиқарувчи корхоналар.
4. Асфальт, бетон, темир бетон маҳсулотларини ишлаб чиқарувчи корхоналар.
5. Иссиқхоналар ва иссиқхона-парник хўжаликлари.
6. Фарфор ва фаянс маҳсулотлари ишлаб чиқарувчи корхоналар.
7. Ресторанлар, кафелар, тантаналар ўтказиш объектлари ва бошқа умумий овқатланиш объектлари (меҳмонхоналар ва уларга тегишли бўлган ҳудудда жойлашган объектлар бундан мустасно).
8. Гипсокартон, тротуар ва керамик плита, брусчатка, керамик ва цемент-қумли черепица, қуруқ қурилиш қоришмалари, шунингдек, труба маҳсулотлари ишлаб чиқарувчи корхоналар.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 8 ноябрь,
ПҚ-3379-сон
Oʻzbekiston Respublikasi Prezidentining
Qarori
ROʻYXATI
Energiya resurslaridan oqilona foydalanishni taʼminlash chora-tadbirlari toʻgʻrisida
Mamlakatda elektr va gaz taʼminoti tizimini izchil modernizatsiya qilish va texnologik qayta jihozlash, energiya tejamkorlik asoslari va yetkazib berilgan elektr energiyasi va tabiiy gaz uchun oʻzaro hisob-kitoblar mexanizmlarini takomillashtirish choralari koʻrilmoqda.
Amalga oshirilayotgan tadbirlar barqaror ijtimoiy-iqtisodiy oʻsish, ishchanlik faolligi va mamlakatning investitsiyaviy jozibadorligini, aholining hayot darajasi va farovonligini oshirishning muhim omillaridan biri boʻlgan energetika tarmogʻini rivojlantirishga qaratilgan.
Shu bilan birga, isteʼmolchilar toifasini inobatga olgan holda yetkazib berilayotgan energiya resurslari qiymatini aniqlashda tabaqalashtirilgan yondashishning mavjud emasligi ulardan nooqilona foydalanishga olib kelmoqda, energiya tejamkor texnologiyalar va muqobil energiya manbalarini joriy etishni ragʻbatlantirmayapti.
Shaharsozlik sohasidagi amaldagi norma va qoidalar obyektlarning energiya samaradorligini taʼminlovchi zamonaviy talablarga javob bermaydi. Shuningdek, binolar va inshootlarning qurilishi va rekonstruksiya qilinishida energiya tejamkor materiallar va texnologiyalarni koʻllashga yetarli eʼtiborning mavjud emasligi ham energiya resurslarining ortiqcha sarf qilinishiga olib kelmoqda.
Elektr va gaz taʼminoti tizimini yanada takomillashtirish, bozor mexanizmlarini keng joriy qilish orqali energiya resurslaridan oqilona foydalanishni taʼminlash, shuningdek, mazkur sohada koʻrsatilayotgan xizmatlar sifatini yaxshilash maqsadida:
1. “Oʻzdavenergonazorat” DI, “Oʻzdavneftgazinspeksiya” DI, “Oʻztransgaz” AJ va “Oʻzbekenergo” AJning faoliyati qoniqarsiz deb topilsin.
2. Oʻzbekiston Respublikasi Moliya vazirligi, “Oʻzbekenergo” AJ, “Oʻztransgaz” AJ, “Oʻzdavenergonazorat” DI, “Oʻzdavneftgazinspeksiya” DI va “Energiya tejash milliy kompaniyasi” AJning kuyidagi tartibni belgilash haqidagi takliflari qabul qilinsin:
a) 2018-yil 1-yanvardan:
ilovaga muvofiq roʻyxat boʻyicha mahsulot ishlab chiqaruvchi va ayrim xizmatlar koʻrsatuvchi isteʼmolchilar elektr energiyasi (750 kVAgacha boʻlgan quvvatga ulangan) va tabiiy gaz uchun toʻlovlarni Oʻzbekiston Respublikasi Vazirlar Mahkamasining qarorlari bilan oʻrnatiladigan oʻsib boruvchi koeffitsiyentlar va tariflarga muvofiq amalga oshiradilar;
750 kVA va undan yuqori boʻlgan quvvatga ulangan (budjet tashkilotlari, fermer xoʻjaliklari va suv isteʼmolchilari uyushmalarining nasos stansiyalari, shuningdek, Davlat budjetidan moliyalashtiriladigan nasos stansiyalari bundan mustasno) isteʼmolchilar elektr energiyasi uchun hisob-kitoblarni ikkinchi guruh tariflar boʻyicha toʻlovlarni amalga oshiradigan yuridik shaxslar uchun tarif miqdorida belgilanadigan sutka vaqtlarining tabaqalashtirilgan tarifi boʻyicha amalga oshiradi.
Bunda yagona elektr energetika tizimining eng katta yuklamali soatlarida (tigʻiz payt — belgilangan tartibda oʻrnatilgan ertalabki va kechki “eng katta miqdor”) foydalanilgan elektr energiyasi uchun toʻlovlar belgilangan tarifga nisbatan 1,5 baravar miqdorda oʻsuvchi koeffitsiyentni koʻllash orqali, eng kam yuklamali soatlarda esa (tungi payt — sutkaning qorongʻi vaqti) belgilangan tarifga nisbatan 1,5 baravar miqdorda kamayuvchi koeffitsiyentni koʻllash orqali va yarim tigʻiz paytda (sutkaning yorugʻ vaqti) oʻrnatilgan tarif boʻyicha amalga oshiriladi;
davlat organlari va muassasalarining bino va inshootlari, shuningdek, koʻp kvartirali uy-joy fondini loyihalashtirish, rekonstruksiya qilish, qurish va foydalanishga topshirishda ularda energiya samarador va energiya tejamkor texnologiyalardan foydalanilganligi yuzasidan shaharsozlik normalari va qoidalariga muvofiqligi tekshiriladi;
yakka tartibdagi uy-joy qurilishidan tashqari, barcha bino va inshootlarni loyihalashtirish, rekonstruksiya qilish va qurishda, issiq suv taʼminoti uchun sertifikatlangan quyosh suv isitgich qurilmalarini, shuningdek, energiya tejamkor lampalarni majburiy tartibda oʻrnatish koʻzda tutiladi;
3. “Energiya tejash milliy kompaniyasi” AJ:
a) Oʻzbekiston Respublikasi Uy-joy kommunal xizmat koʻrsatish vazirligi, “Oʻzbekenergo” AJ va boshqa idoralar bilan birgalikda uch oy muddatda davlat organlari va tashkilotlari bino va inshootlarida quyosh suv isitgich qurilmalari va mahalliylashtiriladigan mahsulotlar asosida mamlakatimizda ishlab chiqarilgan energiya tejamkor lampalarni oʻrnatish bosqichlarini, shuningdek, mahalliylashtiriladigan mahsulotlar asosida issiqlik va elektr energiya isteʼmoli hajmini inobatga olgan holda mazkur mahsulotni aniq yetkazib beruvchilarini belgilash boʻyicha takliflarni Oʻzbekiston Respublikasi Vazirlar Mahkamasiga kiritsin.
Davlat organlari va tashkilotlari ikki hafta muddatda quyosh suv isitgich qurilmalari va energiya tejamkor lampalarni joriy qilish holatlari, issiqlik va elektr energiyasi isteʼmoli hajmi, kadastr hujjatlarini ilova qilgan holda ular tomonidan egallab turilgan maydonlar oʻlchami haqidagi texnik maʼlumotlarni va hududning muhandislik kommunikatsiyalari aks etgan rejasini “Energiya tejash milliy kompaniyasi” AJga taqdim etilishini taʼminlasin;
b) “Oʻzbekenergo” AJ, “Oʻztransgaz” AJ, boshqa manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, issiqlik va elektr energiyasi, shuningdek, biogaz ishlab chiqarish bilan shugʻullanuvchi xususiy korxonalar bilan birgalikda uch oy muddatda:
issiqlik va elektr energiyasi, shuningdek, biogaz ishlab chiqarish va isteʼmolchilarga toʻgʻridan-toʻgʻri yetkazib berish bilan shugʻullanuvchi korxonalar tomonidan “Oʻzbekenergo” AJning elektr tarmoqlari va “Oʻztransgaz” AJning gaz taqsimlash tarmoqlaridan foydalanmagan holda issiqlik va elektr energiyasi hamda biogazni realizatsiya qilish tartibini ishlab chiqsin;
issiqlik va elektr energiyasi, shuningdek, biogaz ishlab chiqarish bilan shugʻullanuvchi xususiy korxonalar tomonidan realizatsiya qilinadigan issiqlik va elektr energiyasi hamda biogazga tijorat narxlarini belgilash boʻyicha takliflarni Oʻzbekiston Respublikasi Vazirlar Mahkamasiga kiritsin.
5. Oʻzbekiston Respublikasi Davlat arxitektura va qurilish qoʻmitasi Adliya vazirligi, Moliya vazirligi, “Energiya tejash milliy kompaniyasi” AJ hamda boshqa manfaatdor vazirlik va idoralar bilan birgalikda:
ikki oy muddatda bino va inshootlarni energetik auditdan oʻtkazish, belgilangan shaharsozlik normalari va qoidalariga muvofiqlik pasportini yoki tegishli normalardan ortib ketganlik holatini bartaraf etish zarurligi toʻgʻrisida xulosa berish, shuningdek, ularning energiya samaradorligi toifasini aniqlash tartibini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin;
2018-yil 1-martga kadar muddatda amaldagi shaharsozlik normalari va qoidalarini ularning qayta koʻrib chiqilishi va davlat roʻyxatidan oʻtkazilishini taʼminlagan holda tanqidiy oʻrganib chiqsin.
6. Oʻzbekiston Respublikasi Iqtisodiyot vazirligi “Oʻzeltexsanoat” AJ, “Energiya tejash milliy kompaniyasi” AJ, “Oʻzbekenergo” AJ, Davlat soliq qoʻmitasi, Savdo-sanoat palatasi hamda boshqa manfaatdor vazirlik va idoralar bilan birgalikda ikki oy muddatda energiya tejamkor lampalar ishlab chiqarilishining mahalliylashtirilishini kengaytirish hamda ularni turar va noturar joylarda bosqichma-bosqich joriy etish boʻyicha kompleks dastur loyihasini Vazirlar Mahkamasiga kiritsin.
7. Oʻzbekiston Respublikasi Uy-joy kommunal xizmat koʻrsatish vazirligi Iqtisodiyot vazirligi, Moliya vazirligi, Davlat arxitektura va qurilish qoʻmitasi, “Energiya tejash milliy kompaniyasi” AJ, boshqa manfaatdor vazirlik va idoralar, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2018-yil 1-yanvarga kadar muddatda davlat organlari va muassasalarining bino hamda inshootlari, shuningdek, koʻp kvartirali uy-joy fondini energetik auditdan oʻtkazish dasturi loyihasini Vazirlar Mahkamasiga kiritsin.
8. Oʻzbekiston Respublikasi Qishloq va suv xoʻjaligi vazirligi Qoraqalpogʻiston Respublikasi Vazirlar Kengashi, viloyatlar hokimliklari, “Oʻzbekenergo” AJ va boshqa manfaatdor idoralar bilan birgalikda 2018-yil 1-fevralga kadar muddatda fermer xoʻjaliklari va suv isteʼmolchilari uyushmalarining mavjud nasos stansiyalarini ularning texnik holati, quvvati, balansda saqlovchisini aniqlash, fermer xoʻjaliklari yer uchastkalarida elektr energiyasi va suv sarfi samaradorligi nuqtai nazaridan, shuningdek, qishloq xoʻjaligi mahsulotlari turlari va respublika tumanlari kesimida nasos stansiyalari bilan sugʻoriladigan yer maydonlari, past samarali va energiya koʻp sarflaydigan nasoslarning mavjudligi, elektr energiyasini hisoblash uskunalari, qishloq xoʻjaligi mahsulotlari ishlab chiqaruvchilari bilan shartnomalarning mavjudligini inventarizatsiyadan oʻtkazsin.
Inventarizatsiya yakuniga koʻra, Oʻzbekiston Respublikasi Moliya vazirligi hamda Qishloq va suv xoʻjaligi vazirligi “Oʻzbekenergo” AJ, Vazirlar Mahkamasi huzuridagi Qishloq xoʻjaligi mahsulotlari davlat xaridi va qishloq xoʻjaligini texnika bilan jihozlashni maqsadli moliyalashtirish jamgʻarmasi bilan birgalikda 2018-yil 1-martga kadar muddatda nasos stansiyalaridan foydalanish bilan bogʻliq ekspluatatsiya qiluvchi tashkilotlarni, moliyalashtirishning aniq manbalarini aniqlash boʻyicha takliflarni Vazirlar Mahkamasiga kiritsin.
9. “Oʻzbekenergo” AJ va “Oʻztransgaz” AJ:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2018-yil 1-iyulga qadar muddatda buxgalterlik, moliyaviy, ishlab chiqarish va boshqaruv hisobini avtomatlashtirish boʻyicha dasturiy komplekslarni oʻz ichiga olgan boshqaruvning yagona axborot tizimini ishlab chiqsin va idoraviy boʻysunuvidagi korxonalarda joriy etsin;
Oʻzbekiston Milliy teleradiokompaniyasi, Oʻzbekiston matbuot va axborot agentligi, Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari bilan birgalikda mazkur qarorning mazmun-mohiyati ommaviy axborot vositalarida keng yoritilishini tashkil qilsin.
10. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2017-yil 8-noyabrdagi PQ-3379-son qaroriga ILOVA
Elektr energiyasi va tabiiy gazni realizatsiya qilishda narxni shakllantirishning alohida tartibi belgilanadigan tashkilotlar
1. Pishgan gʻisht ishlab chiqaruvchi korxonalar.
2. Ohaktosh va gips qazib oluvchi, qayta ishlovchi va ishlab chiqaruvchi korxonalar.
3. Sement ishlab chiqaruvchi korxonalar.
4. Asfalt, beton, temir beton mahsulotlarini ishlab chiqaruvchi korxonalar.
5. Issiqxonalar va issiqxona-parnik xoʻjaliklari.
6. Farfor va fayans mahsulotlari ishlab chiqaruvchi korxonalar.
7. Restoranlar, kafelar, tantanalar oʻtkazish obyektlari va boshqa umumiy ovqatlanish obyektlari (mehmonxonalar va ularga tegishli boʻlgan hududda joylashgan obyektlar bundan mustasno).
8. Gipsokarton, trotuar va keramik plita, bruschatka, keramik va sement-qumli cherepitsa, quruq qurilish qorishmalari, shuningdek, truba mahsulotlari ishlab chiqaruvchi korxonalar.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 8-noyabr,
PQ-3379-son
Президента Республики Узбекистан
Постановление
ПЕРЕЧЕНЬ
О мерах по обеспечению рационального использования энергоресурсов
В стране принимаются меры по последовательной модернизации и технологическому перевооружению системы электро- и газоснабжения, совершенствованию основ энергосбережения и механизмов взаиморасчетов за поставленные электрическую энергию и природный газ.
Проводимые мероприятия направлены на развитие энергетической отрасли, являющейся одним из важнейших факторов устойчивого социально-экономического роста, повышения деловой активности и инвестиционной привлекательности страны, уровня жизни и благосостояния населения.
Вместе с тем, отсутствие дифференцированного подхода к определению стоимости поставляемых энергоресурсов с учетом категорий потребителей приводит к их нерациональному использованию, не стимулирует внедрение энергосберегающих технологий и альтернативных источников энергии.
Действующие нормы и правила в сфере градостроительства не отвечают современным требованиям обеспечения энергоэффективности объектов. Отсутствие должного внимания применению в ходе строительства и реконструкции зданий и сооружений энергосберегающих материалов и технологий также приводит к перерасходу энергоресурсов.
В целях дальнейшего совершенствования системы электро- и газоснабжения, обеспечения рационального использования энергоресурсов путем широкого внедрения рыночных механизмов, а также улучшения качества оказываемых услуг в данной сфере:
1. Признать неудовлетворительной деятельность ГИ «Узгосэнергонадзор», ГИ «Узгоснефтегазинспекция», АО «Узтрансгаз» и АО «Узбекэнерго».
2. Принять предложение Министерства финансов Республики Узбекистан, АО «Узбекэнерго», АО «Узтрансгаз», ГИ «Узгосэнергонадзор», ГИ «Узгоснефтегазинспекция» и АО «Национальная энергосберегающая компания» об установлении порядка, в соответствии с которым:
а) с 1 января 2018 года:
потребители, производящие продукцию и оказывающие отдельные услуги по перечню согласно приложению , осуществляют оплату за электрическую энергию (с присоединенной мощностью до 750 кВА) и природный газ в соответствии с повышающими коэффициентами и тарифами, устанавливаемыми постановлениями Кабинета Министров Республики Узбекистан;
потребители (за исключением бюджетных организаций, насосных станций фермерских хозяйств и ассоциаций водопотребителей, а также насосных станций, финансируемых из Государственного бюджета) с присоединенной мощностью 750 кВА и выше производят расчеты за электрическую энергию по дифференцированному по зонам времени суток тарифу, который устанавливается в размере тарифа для юридических лиц, осуществляющих оплату по второй группе тарифов.
При этом, оплата за электрическую энергию, использованную в часы максимума нагрузки единой электроэнергетической системы (пиковый период — утренний и вечерний максимумы, определенные в установленном порядке), осуществляется с применением повышающего коэффициента в размере 1,5 раза к установленному тарифу, а в часы минимальных нагрузок (ночной период — темное время суток) — с применением понижающего коэффициента в размере 1,5 раза к установленному тарифу и полупиковый период (светлое время суток) — по установленному тарифу;
при проектировании, реконструкции, строительстве и сдаче в эксплуатацию зданий и сооружений государственных органов и учреждений, а также многоквартирного жилищного фонда проводится их проверка на соответствие градостроительным нормам и правилам в части применения энергоэффективных и энергосберегающих технологий;
при проектировании, реконструкции и строительстве всех зданий и сооружений, кроме индивидуального жилищного строительства, предусматривается обязательная установка сертифицированных солнечных водонагревательных установок для горячего водоснабжения, а также энергосберегающих ламп;
3. АО «Национальная энергосберегающая компания» совместно с:
а) Министерством жилищно-коммунального обслуживания, АО «Узбекэнерго» и другими ведомствами в трехмесячный срок внести в Кабинет Министров Республики Узбекистан предложения по определению этапов установки в зданиях и сооружениях государственных органов и организаций солнечных водонагревательных установок и энергосберегающих ламп отечественного производства, в том числе на основе локализуемой продукции, определению конкретных поставщиков данной продукции с учетом объемов потребляемой тепло- и электрической энергии.
Государственным органам и организациям в двухнедельный срок обеспечить представление в АО «Национальная энергосберегающая компания» технической информации о состоянии внедрения солнечных водонагревательных установок и энергосберегающих ламп, объемах потребляемой тепло- и электрической энергии, размерах занимаемых ими площадей с приложением кадастровой документации и планов территорий с инженерными коммуникациями;
б) АО «Узбекэнерго», АО «Узтрансгаз», другими заинтересованными министерствами и ведомствами, Советом Министров Республики Каракалпакстан, хокимиятами областей и города Ташкента, частными предприятиями, занимающимися производством тепло- и электрической энергии, а также биогаза, в трехмесячный срок:
разработать порядок реализации тепло- и электрической энергии, а также биогаза предприятиями, занимающимися их производством и прямой поставкой потребителям, без использования электрических сетей АО «Узбекэнерго» и газораспределительных сетей АО «Узтрансгаз»;
внести предложения в Кабинет Министров Республики Узбекистан по установлению коммерческих цен на тепло- и электрическую энергию, а также биогаз, реализуемые частными предприятиями, занимающимися их производством.
5. Государственному комитету по архитектуре и строительству совместно с Министерством юстиции, Министерством финансов Республики Узбекистан, АО «Национальная энергосберегающая компания» и другими заинтересованными министерствами и ведомствами:
в двухмесячный срок разработать и внести на утверждение в Кабинет Министров Республики Узбекистан порядок проведения энергетического аудита зданий и сооружений, выдачи паспорта соответствия установленным градостроительным нормам и правилам или заключения о необходимости устранения превышений соответствующих норм, а также определения класса их энергоэффективности;
в срок до 1 марта 2018 года провести критическое изучение действующих градостроительных норм и правил, обеспечив их пересмотр и государственную регистрацию.
6. Министерству экономики совместно с АК «Узэлтехсаноат», АО «Национальная энергосберегающая компания», АО «Узбекэнерго», Государственным налоговым комитетом, Торгово-промышленной палатой и другими заинтересованными министерствами и ведомствами в двухмесячный срок внести в Кабинет Министров Республики Узбекистан проект комплексной программы по расширению локализации производства и поэтапному внедрению в жилых и нежилых помещениях энергосберегающих ламп.
7. Министерству жилищно-коммунального обслуживания Республики Узбекистан совместно с Министерством экономики, Министерством финансов, Государственным комитетом по архитектуре и строительству, АО «Национальная энергосберегающая компания», другими заинтересованными министерствами и ведомствами, а также Советом Министров Республики Каракалпакстан, хокимиятами областей и города Ташкента в срок до 1 января 2018 года внести в Кабинет Министров Республики Узбекистан проект программы по проведению энергетического аудита зданий и сооружений государственных органов и учреждений, а также многоквартирного жилищного фонда.
8. Министерству сельского и водного хозяйства Республики Узбекистан совместно с Советом Министров Республики Каракалпакстан, хокимиятами областей, АО «Узбекэнерго» и другими заинтересованными ведомствами в срок до 1 февраля 2018 года провести инвентаризацию имеющихся насосных станций фермерских хозяйств и ассоциаций водопотребителей на предмет их технического состояния, мощности, определения балансодержателя, эффективности затрат электрической энергии и воды на земельных участках фермерских хозяйств, а также инвентаризацию земельных площадей, орошаемых насосными станциями, в разрезе видов сельскохозяйственной продукции и районов республики, наличия низкоэффективных и энергоемких насосов, приборов учета электрической энергии, договоров с производителями сельскохозяйственной продукции.
По итогам инвентаризации Министерству финансов и Министерству сельского и водного хозяйства совместно с АО «Узбекэнерго», Фондом целевого финансирования государственных закупок сельскохозяйственной продукции и оснащения техникой сельского хозяйства при Кабинете Министров в срок до 1 марта 2018 года внести в Кабинет Министров Республики Узбекистан предложения по определению эксплуатирующих организаций, конкретных источников финансирования, связанных с использованием насосных станций.
9. АО «Узбекэнерго» и АО «Узтрансгаз»:
совместно с Министерством по развитию информационных технологий и коммуникаций Республики Узбекистан в срок до 1 июля 2018 года разработать и внедрить на подведомственных предприятиях единую информационную систему управления, включающую программные комплексы по автоматизации бухгалтерского, финансового, производственного и управленческого учета;
совместно с Национальной телерадиокомпанией Узбекистана, Узбекским агентством по печати и информации, Советом Министров Республики Каракалпакстан, хокимиятами областей и города Ташкента организовать широкое освещение в средствах массовой информации содержания настоящего постановления.
10. Министерству юстиции совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 8 ноября 2017 года № ПП-3379
организаций, по которым устанавливается особый порядок ценообразования при реализации электрической энергии и природного газа
1. Предприятия по производству жженого кирпича.
2. Предприятия по добыче, переработке и производству известняка и гипса.
3. Предприятия по производству цемента.
4. Предприятия по производству асфальта, бетона, железобетонных изделий.
5. Теплицы и теплично-парниковые хозяйства.
6. Предприятия по производству изделий из фарфора и фаянса.
7. Рестораны, кафе, объекты для проведения торжеств и другие объекты общественного питания (за исключением объектов, находящихся на территории гостиниц и принадлежащих им).
8. Предприятия по производству гипсокартона, тротуарных и керамических плиток, брусчаток, керамических и цементно-песчаных черепиц, сухих строительных смесей, а также трубных изделий.
Президент Республики Узбекистан Ш. МИРЗИЁЕВ
г. Ташкент,
8 ноября 2017 г.,
№ ПП-3379