📅 2017-yil 13-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 ноября 2017 г. · Постановления Президента
Официальный текст. Официальный документ. Редакционные примечания не включены.
📅 13 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Электр энергияси ва табиий газ назорати ва ҳисобининг автоматлаштирилган тизимини жадал жорий этиш чора-тадбирлари тўғрисида
[Кўчирма]
Ўзбекистон Республикаси Президентининг 2017 йил 29 майдаги «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги ПФ-5059-сон Фармонига мувофиқ:
1. Ўзбекистон Республикаси Президентининг 2017 йил 27 июндаги Ф-4979-сон фармойиши билан ташкил этилган Электр энергияси ва табиий газ назорати ва ҳисобининг автоматлаштирилган тизимини янада жорий этиш юзасидан таклифлар тайёрлаш бўйича Ишчи комиссия (кейинги ўринларда Ишчи комиссия деб юритилади) томонидан «Sagemcom» (Франция Республикаси), «Elster GmbН» (Германия Федератив Республикаси), «Landis & Gyr» (Швейцария Конфедерацияси) компаниялари ва «Toshelectroapparat» МЧЖ ХК (Ўзбекистон Республикаси) билан Ўзбекистон Республикасида электр энергияси ва табиий газ назорати ва ҳисобининг автоматлаштирилган тизимини жорий этиш лойиҳасини (кейинги ўринларда Лойиҳа деб юритилади) амалга ошириш юзасидан тўғридан-тўғри музокаралар ўтказилганлиги маълумот учун қабул қилинсин.
2. Ишчи комиссиянинг Лойиҳа доирасида дастлаб 2 миллион дона электр энергиясини ҳисобга олиш ускуналари, шунингдек, дастурий таъминот, қўшимча асбоб-ускуна, бошқа зарур техник воситаларни (кейинги ўринларда ҳисобга олиш ускуналари ва қўшимча воситалар деб юритилади) «Toshelectroapparat» МЧЖ ХКдан истисно тариқасида тендер савдоларини ўтказмасдан харид қилиш тўғрисидаги таклифига розилик берилсин.
Белгилансинки, Ишчи комиссиясининг қарорига асосан «Ҳудудий электр тармоқлари» АЖ Лойиҳа доирасида ҳисобга олиш ускуналари ва қўшимча воситаларни мазкур қарорнинг 14-бандига мувофиқ уларни республикада ишлаб чиқариш йўлга қўйилгунга кадар ушбу бандда кўрсатилган ишлаб чиқарувчилардан қўшимча харид қилиши мумкин.
3. Ишчи комиссия (Ж.А. Қўчқоров) «Ҳудудий электр тармоқлари» АЖ билан биргаликда бир ой муддатда Лойиҳа бўйича «Toshelectroapparat» МЧЖ ХК билан якуний музокаралар ўтказилиши ва контрактлар (кейинги ўринларда контрактлар деб юритилади) тузилишини ташкил этсин.
«Ўзстандарт» агентлиги музокаралар якунига қадар Лойиҳа доирасида ўрнатиладиган ҳисобга олиш ускуналарининг турларига нисбатан техник талабларни тасдиқласин.
4. Ўзбекистон Республикаси Инвестициялар бўйича давлат қўмитаси тузиладиган контрактларни, шу жумладан ҳисобга олиш ускуналари ва қўшимча воситалар, хизматларнинг қийматини ишлаб чиқарувчиларнинг айнан шундай лойиҳаларни амалга ошириш бўйича тажрибаси ва ишчанлик обрў-эътиборига алоҳида эътибор қаратган ҳолда ҳар томонлама экспертизадан ўтказсин.
5. Лойиҳа доирасида куйидагилар:
Ўзбекистон Республикаси Тикланиш ва тараққиёт жамғармасининг (кейинги ўринларда Жамғарма деб юритилади) «Ўзсаноаткурилишбанк» АТБ томонидан қайта молиялаштириладиган, 5 йиллик имтиёзли давр ва қайта молиялаштирувчи банкнинг 0,2 фоиз маржасини ўз ичига олган йиллик ставкаси 2 фоиз бўлган 10 йил муддатга ажратиладиган маблағлар — контрактлар бўйича ҳисобга олиш ускуналари ва қўшимча воситаларни, шунингдек, хизматларни сотиб олишга сарфланган харажатларнинг;
«Ҳудудий электр тармоқлари» АЖнинг маблағлари — қурилиш-монтаж ишларини, маҳаллий товарлар ва хизматларни харид қилишнинг молиялаштириш манбалари этиб белгилансин.
6. Белгилаб қўйилсинки:
Лойиҳа доирасида ҳисобга олиш ускуналарини ўрнатишда кейинчалик уларни давлат кўригидан ўтказган ҳолда сертификация ишларини олиб бориш белгиланган тартибда «Ўзстандарт» агентлиги томонидан амалга оширилади;
ҳисобга олиш ускуналарини ўрнатишда пломбалаш «Ҳудудий электр тармоқлари» АЖ ваколатли ходимлари томонидан амалга оширилади;
Лойиҳа доирасида ўрнатиладиган ҳисобга олиш ускуналарининг давлат кўриги «Ўзстандарт» агентлиги томонидан хар 10 йилда амалга оширилади. Бунда ҳисобга олиш ускуналарини давлат кўригига топшириш бўйича ишларни ташкил этиш «Ҳудудий электр тармоқлари» АЖ томонидан таъминланади;
истеъмолчидан давлат кўригидан, хизмат кўрсатиш ва бошқа ишларни ўтказиш учун ечиб олинган ҳисобга олиш ускунасининг ўрнига зудлик билан «Ҳудудий электр тармоқлари» АЖ маблағлари ҳисобидан бошқа кўрикдан ўтган ҳисобга олиш ускунаси ўрнатилади.
7. Ўзбекистон Республикаси молия вазирига «Ҳудудий электр тармоқлари» АЖнинг Лойиҳани амалга ошириш учун бериладиган Жамғарма кредитлари бўйича «Ўзсаноатқурилишбанк» АТБ олдидаги мажбуриятлари юзасидан белгиланган тартибда давлат кафолатларини бериш ваколати берилсин. Бунда давлат кафолатлари «Ҳудудий электр тармоқлари» АЖ томонидан кредитларни қоплаш даврида уларнинг пул маблағларини бошқариш ҳуқуқларини Ўзбекистон Республикаси Молия вазирлигига топшириш орқали берилади.
8. Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институти «Ҳудудий электр тармоқлари» АЖ билан биргаликда уч ой муддатда Вазирлар Маҳкамасига Лойиҳанинг техник-иқтисодий асосларини киритсин.
Жамғарма, «Ўзсаноаткурилишбанк» АТБ, «Ҳудудий электр тармоқлари» АЖга Лойиҳанинг техник-иқтисодий асослари тасдиқлангунига кадар контрактлар доирасида товарларнинг харидини ва бажариладиган ишларни 2018 йил 1 февралга кадар молиялаштиришга рухсат берилсин.
10. «Ҳудудий электр тармоқлари» АЖ Бюро билан биргаликда бир ой муддатда электр узатиш линиялари ва газ қувурларини модернизация қилиш бўйича давлат дастурлари амалга оширилишини, электр таъминоти инфратузилмасининг амалдаги ҳолатини, шаҳарлар ва вилоятлар марказларининг устуворлигини инобатга олган ҳолда ҳисобга олиш ускуналари ва қўшимча воситаларни ўрнатиш жадвалини тасдиқласин.
11. Республика ҳудудига Лойиҳанинг техник параметрларига мос келмайдиган ҳисобга олиш ускуналари ва қўшимча воситаларни олиб кириш ва ўрнатиш тақиқлансин.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги «Ҳудудий электр тармоқлари» АЖ билан биргаликда яратиладиган Коммунал хизматлар ягона биллинг тизимининг Лойиҳа доирасида ўрнатиладиган дастурий маҳсулотлар билан мослигини таъминласин.
14. «Ҳудудий электр тармоқлари» АЖ «Ўзэлтехсаноат» АК, Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда икки ой муддатда хорижий компания иштирокида, шу жумладан «Ўзэлтехсаноат» АК корхоналарини кооперация асосида жалб этган ҳолда ҳисобга олиш ускуналари ва қўшимча воситаларни ишлаб чиқаришни, шунингдек, Лойиҳани техник кўллаб-қувватлаш бўйича хизмат кўрсатиш марказларини ташкил этиш юзасидан таклифларни Вазирлар Маҳкамасига киритсин.
15. Ўзбекистон Республикаси Президенти ҳузуридаги Лойиҳа бошқаруви миллий агентлиги Лойиҳа ва контрактларнинг амалга оширилиши устидан тизимли мониторинг ўрнатсин.
16. «Ҳудудий электр тармоқлари» АЖ буюртмалари бўйича:
Ўзбекистон Республикаси Ташки ишлар вазирлиги Лойиҳани амалга оширишда иштирок этувчи хорижий мутахассисларга кириш визаларини расмийлаштиришни;
Ўзбекистон Республикаси Ички ишлар вазирлиги Лойиҳани амалга оширишда иштирок этувчи хорижий мутахассисларга кўп марталик кириш визалари берилиши ва муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини таъминласин.
17. Лойиҳанинг тўлиқ ва ўз муддатида амалга оширилиши, шу жумладан тасдиқланадиган лойиҳа параметрларига эришиш юзасидан шахсий жавобгарлик Ўзбекистон Республикаси энергетика вазири А.С. Султанов ва «Ҳудудий электр тармоқлари» АЖ раҳбари У.М. Мустафоев зиммасига юклансин.
18. Қуйидагилар:
Ўзбекистон Республикаси Президентининг 2017 йил 20 апрелдаги «Газ таъминоти тизимида бозор механизмларини кенг жорий этиш чора-тадбирлари тўғрисида»ги ПҚ-2907-сон қарори ;
Ўзбекистон Республикаси Президентининг 2017 йил 15 июндаги «Мажбурий ижро бюросини ривожлантириш жамғармаси фаолиятини ташкил этиш тўғрисида»ги ПҚ-3060-сон қарорининг 6-банди ўз кучини йўқотган деб ҳисоблансин.
19. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 ноябрь,
ПҚ-3384-сон
Oʻzbekiston Respublikasi Prezidentining
Qarori
Elektr energiyasi va tabiiy gaz nazorati va hisobining avtomatlashtirilgan tizimini jadal joriy etish chora-tadbirlari toʻgʻrisida
[Koʻchirma]
Oʻzbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi PF-5059-son Farmoniga muvofiq:
1. Oʻzbekiston Respublikasi Prezidentining 2017-yil 27-iyundagi F-4979-son farmoyishi bilan tashkil etilgan Elektr energiyasi va tabiiy gaz nazorati va hisobining avtomatlashtirilgan tizimini yanada joriy etish yuzasidan takliflar tayyorlash boʻyicha Ishchi komissiya (keyingi oʻrinlarda Ishchi komissiya deb yuritiladi) tomonidan “Sagemcom” (Fransiya Respublikasi), “Elster GmbN” (Germaniya Federativ Respublikasi), “Landis & Gyr” (Shveysariya Konfederatsiyasi) kompaniyalari va “Toshelectroapparat” MCHJ XK (Oʻzbekiston Respublikasi) bilan Oʻzbekiston Respublikasida elektr energiyasi va tabiiy gaz nazorati va hisobining avtomatlashtirilgan tizimini joriy etish loyihasini (keyingi oʻrinlarda Loyiha deb yuritiladi) amalga oshirish yuzasidan toʻgʻridan-toʻgʻri muzokaralar oʻtkazilganligi maʼlumot uchun qabul qilinsin.
2. Ishchi komissiyaning Loyiha doirasida dastlab 2 million dona elektr energiyasini hisobga olish uskunalari, shuningdek, dasturiy taʼminot, qoʻshimcha asbob-uskuna, boshqa zarur texnik vositalarni (keyingi oʻrinlarda hisobga olish uskunalari va qoʻshimcha vositalar deb yuritiladi) “Toshelectroapparat” MCHJ XKdan istisno tariqasida tender savdolarini oʻtkazmasdan xarid qilish toʻgʻrisidagi taklifiga rozilik berilsin.
Belgilansinki, Ishchi komissiyasining qaroriga asosan “Hududiy elektr tarmoqlari” AJ Loyiha doirasida hisobga olish uskunalari va qoʻshimcha vositalarni mazkur qarorning 14-bandiga muvofiq ularni respublikada ishlab chiqarish yoʻlga qoʻyilgunga kadar ushbu bandda koʻrsatilgan ishlab chiqaruvchilardan qoʻshimcha xarid qilishi mumkin.
3. Ishchi komissiya (J.A. Qoʻchqorov) “Hududiy elektr tarmoqlari” AJ bilan birgalikda bir oy muddatda Loyiha boʻyicha “Toshelectroapparat” MCHJ XK bilan yakuniy muzokaralar oʻtkazilishi va kontraktlar (keyingi oʻrinlarda kontraktlar deb yuritiladi) tuzilishini tashkil etsin.
“Oʻzstandart” agentligi muzokaralar yakuniga qadar Loyiha doirasida oʻrnatiladigan hisobga olish uskunalarining turlariga nisbatan texnik talablarni tasdiqlasin.
4. Oʻzbekiston Respublikasi Investitsiyalar boʻyicha davlat qoʻmitasi tuziladigan kontraktlarni, shu jumladan hisobga olish uskunalari va qoʻshimcha vositalar, xizmatlarning qiymatini ishlab chiqaruvchilarning aynan shunday loyihalarni amalga oshirish boʻyicha tajribasi va ishchanlik obroʻ-eʼtiboriga alohida eʼtibor qaratgan holda har tomonlama ekspertizadan oʻtkazsin.
5. Loyiha doirasida kuyidagilar:
Oʻzbekiston Respublikasi Tiklanish va taraqqiyot jamgʻarmasining (keyingi oʻrinlarda Jamgʻarma deb yuritiladi) “Oʻzsanoatkurilishbank” ATB tomonidan qayta moliyalashtiriladigan, 5 yillik imtiyozli davr va qayta moliyalashtiruvchi bankning 0,2 foiz marjasini oʻz ichiga olgan yillik stavkasi 2 foiz boʻlgan 10 yil muddatga ajratiladigan mablagʻlar — kontraktlar boʻyicha hisobga olish uskunalari va qoʻshimcha vositalarni, shuningdek, xizmatlarni sotib olishga sarflangan xarajatlarning;
“Hududiy elektr tarmoqlari” AJning mablagʻlari — qurilish-montaj ishlarini, mahalliy tovarlar va xizmatlarni xarid qilishning moliyalashtirish manbalari etib belgilansin.
6. Belgilab qoʻyilsinki:
Loyiha doirasida hisobga olish uskunalarini oʻrnatishda keyinchalik ularni davlat koʻrigidan oʻtkazgan holda sertifikatsiya ishlarini olib borish belgilangan tartibda “Oʻzstandart” agentligi tomonidan amalga oshiriladi;
hisobga olish uskunalarini oʻrnatishda plombalash “Hududiy elektr tarmoqlari” AJ vakolatli xodimlari tomonidan amalga oshiriladi;
Loyiha doirasida oʻrnatiladigan hisobga olish uskunalarining davlat koʻrigi “Oʻzstandart” agentligi tomonidan xar 10 yilda amalga oshiriladi. Bunda hisobga olish uskunalarini davlat koʻrigiga topshirish boʻyicha ishlarni tashkil etish “Hududiy elektr tarmoqlari” AJ tomonidan taʼminlanadi;
isteʼmolchidan davlat koʻrigidan, xizmat koʻrsatish va boshqa ishlarni oʻtkazish uchun yechib olingan hisobga olish uskunasining oʻrniga zudlik bilan “Hududiy elektr tarmoqlari” AJ mablagʻlari hisobidan boshqa koʻrikdan oʻtgan hisobga olish uskunasi oʻrnatiladi.
7. Oʻzbekiston Respublikasi moliya vaziriga “Hududiy elektr tarmoqlari” AJning Loyihani amalga oshirish uchun beriladigan Jamgʻarma kreditlari boʻyicha “Oʻzsanoatqurilishbank” ATB oldidagi majburiyatlari yuzasidan belgilangan tartibda davlat kafolatlarini berish vakolati berilsin. Bunda davlat kafolatlari “Hududiy elektr tarmoqlari” AJ tomonidan kreditlarni qoplash davrida ularning pul mablagʻlarini boshqarish huquqlarini Oʻzbekiston Respublikasi Moliya vazirligiga topshirish orqali beriladi.
8. Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti “Hududiy elektr tarmoqlari” AJ bilan birgalikda uch oy muddatda Vazirlar Mahkamasiga Loyihaning texnik-iqtisodiy asoslarini kiritsin.
Jamgʻarma, “Oʻzsanoatkurilishbank” ATB, “Hududiy elektr tarmoqlari” AJga Loyihaning texnik-iqtisodiy asoslari tasdiqlanguniga kadar kontraktlar doirasida tovarlarning xaridini va bajariladigan ishlarni 2018-yil 1-fevralga kadar moliyalashtirishga ruxsat berilsin.
10. “Hududiy elektr tarmoqlari” AJ Byuro bilan birgalikda bir oy muddatda elektr uzatish liniyalari va gaz quvurlarini modernizatsiya qilish boʻyicha davlat dasturlari amalga oshirilishini, elektr taʼminoti infratuzilmasining amaldagi holatini, shaharlar va viloyatlar markazlarining ustuvorligini inobatga olgan holda hisobga olish uskunalari va qoʻshimcha vositalarni oʻrnatish jadvalini tasdiqlasin.
11. Respublika hududiga Loyihaning texnik parametrlariga mos kelmaydigan hisobga olish uskunalari va qoʻshimcha vositalarni olib kirish va oʻrnatish taqiqlansin.
12. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Hududiy elektr tarmoqlari” AJ bilan birgalikda yaratiladigan Kommunal xizmatlar yagona billing tizimining Loyiha doirasida oʻrnatiladigan dasturiy mahsulotlar bilan mosligini taʼminlasin.
14. “Hududiy elektr tarmoqlari” AJ “Oʻzeltexsanoat” AK, Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda ikki oy muddatda xorijiy kompaniya ishtirokida, shu jumladan “Oʻzeltexsanoat” AK korxonalarini kooperatsiya asosida jalb etgan holda hisobga olish uskunalari va qoʻshimcha vositalarni ishlab chiqarishni, shuningdek, Loyihani texnik koʻllab-quvvatlash boʻyicha xizmat koʻrsatish markazlarini tashkil etish yuzasidan takliflarni Vazirlar Mahkamasiga kiritsin.
15. Oʻzbekiston Respublikasi Prezidenti huzuridagi Loyiha boshqaruvi milliy agentligi Loyiha va kontraktlarning amalga oshirilishi ustidan tizimli monitoring oʻrnatsin.
16. “Hududiy elektr tarmoqlari” AJ buyurtmalari boʻyicha:
Oʻzbekiston Respublikasi Tashki ishlar vazirligi Loyihani amalga oshirishda ishtirok etuvchi xorijiy mutaxassislarga kirish vizalarini rasmiylashtirishni;
Oʻzbekiston Respublikasi Ichki ishlar vazirligi Loyihani amalga oshirishda ishtirok etuvchi xorijiy mutaxassislarga koʻp martalik kirish vizalari berilishi va muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini taʼminlasin.
17. Loyihaning toʻliq va oʻz muddatida amalga oshirilishi, shu jumladan tasdiqlanadigan loyiha parametrlariga erishish yuzasidan shaxsiy javobgarlik Oʻzbekiston Respublikasi energetika vaziri A.S. Sultanov va “Hududiy elektr tarmoqlari” AJ rahbari U.M. Mustafoyev zimmasiga yuklansin.
18. Quyidagilar:
Oʻzbekiston Respublikasi Prezidentining 2017-yil 20-apreldagi “Gaz taʼminoti tizimida bozor mexanizmlarini keng joriy etish chora-tadbirlari toʻgʻrisida”gi PQ-2907-son qarori ;
Oʻzbekiston Respublikasi Prezidentining 2017-yil 15-iyundagi “Majburiy ijro byurosini rivojlantirish jamgʻarmasi faoliyatini tashkil etish toʻgʻrisida”gi PQ-3060-son qarorining 6-bandi oʻz kuchini yoʻqotgan deb hisoblansin.
19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-noyabr,
PQ-3384-son
Президента Республики Узбекистан
Постановление
О мерах по ускоренному внедрению автоматизированной системы контроля и учета электрической энергии и природного газа
[Извлечение]
В соответствии с Указом Президента Республики Узбекистан от 29 мая 2017 года № УП-5059 «О мерах по дальнейшему укреплению платежной дисциплины в сфере поставки и потребления электрической энергии и природного газа, а также коренному совершенствованию системы исполнительного производства»:
1. Принять к сведению, что Рабочей комиссией по подготовке предложений по дальнейшему внедрению автоматизированной системы контроля и учета электрической энергии и природного газа (далее — Рабочая комиссия), образованной распоряжением Президента Республики Узбекистан от 27 июня 2017 года № Р-4979, проведены прямые переговоры с компаниями «Sagemcom» (Французская Республика), «Elster GmbН» (Федеративная Республика Германия), «Landis & Gyr» (Швейцарская Конфедерация) и ИП ООО «Toshelectroapparat» (Республика Узбекистан) относительно реализации проекта по внедрению автоматизированных систем контроля и учета электрической энергии и природного газа в Республике Узбекистан (далее — Проект).
2. Одобрить предложение Рабочей комиссии о закупе в рамках Проекта первоначально 2 миллионов единиц приборов учета электрической энергии, а также программного обеспечения, сопутствующего оборудования, других необходимых технических средств (далее — приборы учета и сопутствующие средства) у ИП ООО «Toshelectroapparat», в порядке исключения, без проведения тендерных торгов.
Установить, что по решению Рабочей комиссии АО «Региональные электрические сети» в рамках Проекта могут осуществлять дополнительный закуп приборов учета и сопутствующих средств у производителей, указанных в настоящем пункте, до организации их производства в республике в соответствии с пунктом 14 настоящего постановления.
3. Рабочей комиссии (Д.А. Кучкаров) совместно с АО «Региональные электрические сети» в месячный срок организовать проведение по Проекту окончательных переговоров и заключение контрактов с ИП ООО «Toshelectroapparat» (далее ― контракты).
Агентству «Узстандарт» до завершения переговоров утвердить технические требования на типы приборов учета, устанавливаемых в рамках Проекта.
4. Государственному комитету Республики Узбекистан по инвестициям провести всестороннюю экспертизу заключаемых контрактов, включая стоимость приборов учета и сопутствующих средств, услуг, обратив особое внимание на опыт производителей по реализации аналогичных проектов и их деловую репутацию.
5. Определить источниками финансирования в рамках Проекта:
затрат по контрактам на приобретение приборов учета и сопутствующих средств, а также услуги — средства Фонда реконструкции и развития Республики Узбекистан (далее — Фонд), рефинансируемые АКБ «Узпромстройбанк» и выделяемые сроком на 10 лет с льготным периодом 5 лет и ставкой в размере 2 процента годовых, включая маржу рефинансирующего банка — 0,2 процента;
строительно-монтажных работ, закупки местных товаров и услуг — собственные средства АО «Региональные электрические сети».
6. Установить, что:
проведение сертификационных работ при установке приборов учета с последующей их государственной поверкой в рамках Проекта осуществляется Агентством «Узстандарт» в установленном порядке;
опломбирование при установке приборов учета осуществляется уполномоченными работниками АО «Региональные электрические сети»;
государственная поверка приборов учета, устанавливаемых в рамках Проекта, осуществляется Агентством «Узстандарт» каждые 10 лет. При этом организация работ по представлению на государственную поверку приборов учета обеспечивается со стороны АО «Региональные электрические сети»;
взамен прибора учета, снятого у потребителя для проведения государственной поверки, сервисного обслуживания и других работ, незамедлительно устанавливается другой поверенный прибор учета за счет средств АО «Региональные электрические сети».
7. Уполномочить министра финансов Республики Узбекистан выдать в установленном порядке государственные гарантии по обязательствам АО «Региональные электрические сети» перед АХБ «Узпромстройбанк» по кредитам Фонда, выдаваемым для реализации Проекта. При этом государственные гарантии предоставляются с уступкой прав со стороны АО «Региональные электрические сети» Министерству финансов Республики Узбекистан по управлению их денежными средствами на период погашения кредитов.
8. РПИ «УзИнжиниринг» при Кабинете Министров совместно с АО «Региональные электрические сети» в трехмесячный срок внести в Кабинет Министров Республики Узбекистан технико-экономические обоснования Проекта.
Разрешить Фонду, АКБ «Узпромстройбанк», АО «Региональные электрические сети» до утверждения технико-экономических обоснований Проекта осуществлять финансирование до 1 февраля 2018 года закупа товаров и выполняемых работ в рамках контрактов.
10. АО «Региональные электрические сети» совместно с Бюро в месячный срок утвердить график установки приборов учета и сопутствующих средств с учетом реализации государственных программ по модернизации линий электропередач и газопроводов, действующего состояния инфраструктуры электроснабжения, приоритетности городов и областных центров.
11. Запретить ввоз на территорию республики и установку приборов учета и сопутствующих средств, не совместимых с техническими параметрами Проекта.
12. Министерству по развитию информационных технологий и коммуникаций Республики Узбекистан совместно с АО «Региональные электрические сети» обеспечить совместимость создаваемой Единой биллинговой системы коммунальных услуг с программными продуктами, устанавливаемыми в рамках Проекта.
14. АО «Региональные электрические сети» совместно с АК «Узэлтехсаноат», Министерством экономики, Государственным комитетом по инвестициям, Государственным комитетом по содействию приватизированным предприятиям и развитию конкуренции в двухмесячный срок внести в Кабинет Министров Республики Узбекистан предложения по организации с участием иностранной компании производства приборов учета и сопутствующих средств, в том числе с привлечением предприятий АК «Узэлтехсаноат» на основе кооперации, а также сервисных центров по оказанию технической поддержки Проекта.
15. Национальному агентству проектного управления при Президенте Республики Узбекистан установить системный мониторинг за ходом реализации Проекта и контрактов.
16. По заявкам АО «Региональные электрические сети» обеспечить:
Министерству иностранных дел Республики Узбекистан — оформление въездных виз иностранным специалистам, участвующим в реализации Проекта;
Министерству внутренних дел Республики Узбекистан — выдачу и продление многократных въездных виз, а также оформление регистрации по месту пребывания и продление ее срока иностранным специалистам, участвующим в реализации Проекта.
17. Определить, что персональную ответственность за полную и своевременную реализацию Проекта, в том числе достижение утверждаемых проектных параметров, несут министр энергетики Республики Узбекистан А.С. Султанов и руководитель АО «Региональные электрические сети» У.М. Мустафоев.
18. Признать утратившими силу:
постановлени е Президента Республики Узбекистан от 20 апреля 2017 года № ПП-2907 «О мерах по дальнейшему внедрению рыночных механизмов в системе газоснабжения»;
пункт 6 постановления Президента Республики Узбекистан от 15 июня 2017 года № ПП-3060 «Об организации деятельности Фонда развития Бюро принудительного исполнения».
19. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
13 ноября 2017 г.,
№ ПП-3384