📅 2017-yil 14-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 ноября 2017 г. · Постановления Президента
Официальный текст. Официальный документ. Редакционные примечания не включены.
📅 14 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Ёқилғи-энергетика ресурслари ҳамда бошқа юқори ликвидли маҳсулотлар билан таъминлаш борасида рақобат муҳитини такомиллаштириш, суиистеъмолчиликлар ва талон-торожликлар шароитини тугатиш, тўлов интизомини мустаҳкамлаш, дебиторлик ва кредиторлик қарзларини камайтириш чора-тадбирлари тўғрисида
[Кўчирма]
Товарлар ва хизматлар бозорларида самарали рақобат муҳитини яратиш ҳамда монополияни босқичма-босқич камайтириш, тақсимлаш тизими элементларини тугатиш, хўжалик юритувчи барча субъектларнинг моддий-техника ресурслари билан таъминланишида тенг шарт-шароитларни вужудга келтириш, ёқилғи-энергетика ресурслари ҳамда юқори ликвидли маҳсулотлар билан таъминлаш соҳасида суиистеъмолчиликлар ва талон-торожликларнинг олдини олиш, таг-томири билан тугатиш ҳамда уларни профилактика қилиш, дебиторлик ва кредиторлик қарзларини камайтириш, шунингдек, валюта сиёсатини либераллаштириш шароитида қишлоқ хўжалиги ва саноат базавий тармоқларининг молиявий барқарорлигини таъминлаш мақсадида:
1. Ўзбекистон Республикаси Молия вазирлиги, Иқтисодиёт вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг:
а) 2018 йилнинг 1 январидан бошлаб давлат органлари, ташкилотлари ва ҳукумат комиссияларининг маҳсулот, хом ашё ва материалларнинг чегараланган нархлари даражасини, уларни тақсимлаш ҳажмлари ва дислокациясини тасдиқлаш бўйича ушбу қарор қоидаларига мос келмайдиган ваколатларини бекор қилиш тўғрисидаги (Вазирлар Маҳкамаси томонидан рўйхати белгиланадиган ижтимоий аҳамиятдаги маҳсулотлар ва уларнинг стратегик турлари бундан мустасно);
б) монополист корхоналар ва (ёки) устав фондида (капиталида) давлат улуши 50 фоиз ва ундан ортиқ бўлган юридик шахслар ёки устав фондининг (капиталининг) 50 фоизи ва ундан ортиғи 50 фоиз ва ундан ортиқ миқдорда давлат улушига эга юридик шахсга тегишли бўлган юридик шахслар томонидан ички бозорда фақат биржа савдолари орқали бозор тамойиллари асосида сотиладиган юқори ликвидли ва (ёки) монопол турдаги маҳсулотлар, хомашё ва материалларнинг рўйхатини иловага мувофиқ тасдиқлаш тўғрисидаги;
в) 2018 йилнинг 1 январидан бошлаб маҳсулотнинг айрим турлари, хом ашё ва материалларни ишлаб чиқариш ва истеъмол қилишнинг қисқа муддатли ҳамда ўрта муддатли прогнозларини таҳлил қилиш ва шакллантириш мақсадидагина улар бўйича тасдиқланадиган йириклаштирилган моддий балансларни шакллантиришга ўтиш тўғрисидаги таклифлари қабул қилинсин.
2. Ўзбекистон Республикаси Вазирлар Маҳкамаси ўн кун муддатда бозор нархларида нефть маҳсулотлари ва бошқа юқори ликвидли маҳсулот турлари, хом ашё ва материалларнинг моддий балансларига мувофиқ иқтисодиёт тармоқлари ва аҳолининг талаб-эҳтиёжларини узлуксиз ҳамда ўз вақтида қондиришни таъминлаш, шунингдек, бутун республика бўйича улар тақчиллигининг олдини олиш юзасидан Вазирлар Маҳкамаси тегишли комплекслари, идоралар ва хўжалик бирлашмалари раҳбарларининг шахсий жавобгарлигини белгиловчи ҳукумат қарорини қабул қилсин.
3. Ўзбекистон Республикаси Молия вазирлиги:
2017 йилнинг охирига кадар «Ўзнефтмаҳсулот» АЖнинг нефтни қайта ишлаш заводларига 2,0 триллион сўм миқдорида фоизсиз бюджет ссудалари, шулардан 600 миллиард сўми углеводород хом ашёси ва тайёр нефть маҳсулотларини импорт қилишга мақсадли йўналтирилган ҳолда уч кун мобайнида ажратиб берилишини таъминласин;
Тошкент шаҳрида транспорт ташувларининг тарифлари кескин ўсишига йўл қўймаслик мақсадида 2017-2018 йилларда «Тошшаҳартрансхизмат» АЖга Ўзбекистон Республикаси Давлат бюджети маблағлари ҳисобидан субсидиялар ажратилишини таъминласин;
нефть маҳсулотларига бозор нархлари белгиланишига ўтилиши муносабати билан 2017 йилда Ўзбекистон Республикаси Давлат бюджети харажатларининг тегишли моддаларини ва Инвестиция дастури параметрларини оширсин;
2018 йилдан бошлаб Ўзбекистон Республикасининг Давлат бюджети ва ривожланиш давлат дастурлари параметрларида бюджетдан маблағ олувчилар томонидан юқори ликвидли товарларнинг асосий турларини бозор нархларида харид қилишга зарур маблағларни назарда тутсин.
5. 2020 йилнинг 1 январига кадар муддатда:
мулкчилик шаклидан ва фойдаланиш мақсадларидан қатъи назар, республика корхоналари томонидан импорт қилинадиган углеводород хом ашёси — божхона тўловлари (қўшилган қиймат солиғи ва божхона расмийлаштирувчи учун йиғимлардан ташқари) тўлашдан;
«Ўзбекнефтгаз» АЖнинг нефтни қайта ишлаш корхоналари — фойда солиғини тўлашдан озод қилинсин, бўшаётган маблағлар ишлаб чиқариш қувватларини янгилаш, модернизация қилиш, техник ва технологик қайта жиҳозлашга, шунингдек, ана шу қувватларни оширишга мақсадли йўналтирилсин.
7. 2018 йилнинг 1 январидан бошлаб:
«Юқори ликвидли маҳсулот турларини, хом ашё ва метариалларни сотишнинг бозор механизмларини янада жорий этиш тўғрисида» Вазирлар Маҳкамасининг 2004 йил 5 февралдаги 57-сонли қарори 3-иловаси билан тасдиқланган моддий-техника ресурслари стратегик турларини сотишнинг махсус тартиби ;
марказлаштирилган манбалар ҳисобига сотиб олинадиган маҳсулотлар, хом ашё ва материалларни истисно қилганда, биржа савдоларида харид қилинган маҳсулотни қайтадан сотишга қўйилган тақиқ бекор қилинсин.
8. Ўзбекистон Республикаси Молия вазирлиги Иқтисодиёт вазирлиги ҳамда Қишлоқ хўжалиги вазирлиги билан биргаликда 2018 йил ҳосилидан бошлаб:
пахта хом ашёси ва ғаллани қайта ишлаш натижасида ҳосил бўладиган техник уруғлик, ўсимлик ёғи, шрот, шулха ва бошқа маҳсулотлар бозор нархларини шакллантиришнинг янги механизмини жорий этган ҳолда фермер хўжаликларининг пировард натижаларга эришишдан моддий манфаатдорлиги ошишига имкон берувчи рентабеллик таъминланишини ҳисобга олиб, пахта хом ашёси ва ғалланинг харид нархлари оширилишини;
қишлоқ хўжалиги маҳсулотлари давлат харидини молиялаштиришнинг амалдаги тартиби ва механизми қайта кўриб чиқилишини назарда тутсин.
9. Ўзбекистон Республикаси Вазирлар Маҳкамаси бир ой муддатда электрон савдо майдончалари кенгайтирилишини ҳамда барча тадбиркорлик субъектларининг биржа бозорида тенг иштирок этишини таъминлаш, биржа савдоларини шаффоф тарзда амалга ошириб, бозор нархи белгиланишини шакллантиришни ҳисобга олган ҳолда «Ўзбекистон Республика Товар-хом ашё биржаси» АЖ фаолияти такомиллаштирилишини назарда тутувчи ҳукумат қарорини қабул қилсин.
10. Ўзбекистон Республикаси Ҳисоб палатаси ушбу қарорга мувофиқ биржа савдоларида нархлар шакллантирилиши ва Ўзбекистон Республикаси Давлат бюджетидан ажратилаётган маблағлардан мақсадли фойдаланилиши устидан доимий мониторингни таъминласин.
11. Ўзбекистон Республикаси Молия вазирлиги, Иқтисодиёт вазирлиги, Хусусийлаштирилган корхоналарга кўмаклашиши ва рақобатни ривожлантириш давлат қўмитаси манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров, Ўзбекистон Республикаси Бош вазирининг ўринбосари — «Ўзбекнефтгаз» АЖ бошқаруви раиси А.С. Султонов, Ўзбекистон Республикаси Президентининг Давлат маслаҳатчиси В.А. Голишев ва Ўзбекистон Республикаси Ҳисоб палатаси раиси М.М. Икромов зиммасига юклансин.
Ўзбекистон Республикаси Президентининг 2017 йил 14 ноябрдаги ПҚ-3386-сон қарорига ИЛОВА
Монополист корхоналар ва (ёки) устав фондида (капиталида) давлат улуши 50 фоиз ва ундан ортиқ бўлган юридик шахслар ёки устав фондининг (капиталининг) 50 фоизи ва ундан ортиғи 50 фоиз ва ундан ортиқ миқдорда давлат улушига эга юридик шахсга тегишли бўлган юридик шахслар томонидан ички бозорда фақат биржа савдолари орқали бозор тамойиллари асосида сотиладиган юқори ликвидли ва (ёки) монопол турдаги маҳсулотлар, хомашё ва материалларнинг
1. Автомобиль бензини
2. Экстракцион бензин
3. Дизель ёқилғиси
4. Полипропилен
5. Полиэтилен
6. Поливинилхлорид (ПВХ)
7. Техник олтингугурт
8. Кўмир
9. Минерал ўғитлар
10. Катодли мис
11. Мисли катанка
12. Иккиламчи алюминий
14. Метал рух
15. Цемент
16. Цементли клинкер
17. Шакар
18. Этил спирти
19. Буғдой
20. Арпа (Ячмень)
21. Пахта-толаси
22. Пахта линти
23. Ўсимлик ёғи (пахта) *
24. Экстракция ёғи (пахта) *
25. Пахта чигити шелухаси *
26. Пахта чигити шроти *
27. Техник чигит *
28. Техник мойлар
29. Ўчоқ мойи
30. Буғдой уни
31. Омухта ем
32. Ёқилғи мазути
33. Суюлтирилган газ
34. Хўжалик совуни
35. Нефть эриткичи
36. Нефть битуми
37. Мис купороси
38. Кумуш **
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 14 ноябрь,
ПҚ-3386-сон
Oʻzbekiston Respublikasi Prezidentining
Qarori
ROʻYXATI
Yoqilgʻi-energetika resurslari hamda boshqa yuqori likvidli mahsulotlar bilan taʼminlash borasida raqobat muhitini takomillashtirish, suiisteʼmolchiliklar va talon-torojliklar sharoitini tugatish, toʻlov intizomini mustahkamlash, debitorlik va kreditorlik qarzlarini kamaytirish chora-tadbirlari toʻgʻrisida
[Koʻchirma]
Tovarlar va xizmatlar bozorlarida samarali raqobat muhitini yaratish hamda monopoliyani bosqichma-bosqich kamaytirish, taqsimlash tizimi elementlarini tugatish, xoʻjalik yurituvchi barcha subyektlarning moddiy-texnika resurslari bilan taʼminlanishida teng shart-sharoitlarni vujudga keltirish, yoqilgʻi-energetika resurslari hamda yuqori likvidli mahsulotlar bilan taʼminlash sohasida suiisteʼmolchiliklar va talon-torojliklarning oldini olish, tag-tomiri bilan tugatish hamda ularni profilaktika qilish, debitorlik va kreditorlik qarzlarini kamaytirish, shuningdek, valyuta siyosatini liberallashtirish sharoitida qishloq xoʻjaligi va sanoat bazaviy tarmoqlarining moliyaviy barqarorligini taʼminlash maqsadida:
1. Oʻzbekiston Respublikasi Moliya vazirligi, Iqtisodiyot vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
a) 2018-yilning 1-yanvaridan boshlab davlat organlari, tashkilotlari va hukumat komissiyalarining mahsulot, xom ashyo va materiallarning chegaralangan narxlari darajasini, ularni taqsimlash hajmlari va dislokatsiyasini tasdiqlash boʻyicha ushbu qaror qoidalariga mos kelmaydigan vakolatlarini bekor qilish toʻgʻrisidagi (Vazirlar Mahkamasi tomonidan roʻyxati belgilanadigan ijtimoiy ahamiyatdagi mahsulotlar va ularning strategik turlari bundan mustasno);
b) monopolist korxonalar va (yoki) ustav fondida (kapitalida) davlat ulushi 50 foiz va undan ortiq boʻlgan yuridik shaxslar yoki ustav fondining (kapitalining) 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan yuridik shaxslar tomonidan ichki bozorda faqat birja savdolari orqali bozor tamoyillari asosida sotiladigan yuqori likvidli va (yoki) monopol turdagi mahsulotlar, xomashyo va materiallarning roʻyxatini ilovaga muvofiq tasdiqlash toʻgʻrisidagi;
v) 2018-yilning 1-yanvaridan boshlab mahsulotning ayrim turlari, xom ashyo va materiallarni ishlab chiqarish va isteʼmol qilishning qisqa muddatli hamda oʻrta muddatli prognozlarini tahlil qilish va shakllantirish maqsadidagina ular boʻyicha tasdiqlanadigan yiriklashtirilgan moddiy balanslarni shakllantirishga oʻtish toʻgʻrisidagi takliflari qabul qilinsin.
2. Oʻzbekiston Respublikasi Vazirlar Mahkamasi oʻn kun muddatda bozor narxlarida neft mahsulotlari va boshqa yuqori likvidli mahsulot turlari, xom ashyo va materiallarning moddiy balanslariga muvofiq iqtisodiyot tarmoqlari va aholining talab-ehtiyojlarini uzluksiz hamda oʻz vaqtida qondirishni taʼminlash, shuningdek, butun respublika boʻyicha ular taqchilligining oldini olish yuzasidan Vazirlar Mahkamasi tegishli komplekslari, idoralar va xoʻjalik birlashmalari rahbarlarining shaxsiy javobgarligini belgilovchi hukumat qarorini qabul qilsin.
3. Oʻzbekiston Respublikasi Moliya vazirligi:
2017-yilning oxiriga kadar “Oʻzneftmahsulot” AJning neftni qayta ishlash zavodlariga 2,0 trillion soʻm miqdorida foizsiz budjet ssudalari, shulardan 600 milliard soʻmi uglevodorod xom ashyosi va tayyor neft mahsulotlarini import qilishga maqsadli yoʻnaltirilgan holda uch kun mobaynida ajratib berilishini taʼminlasin;
Toshkent shahrida transport tashuvlarining tariflari keskin oʻsishiga yoʻl qoʻymaslik maqsadida 2017-2018-yillarda “Toshshahartransxizmat” AJga Oʻzbekiston Respublikasi Davlat budjeti mablagʻlari hisobidan subsidiyalar ajratilishini taʼminlasin;
neft mahsulotlariga bozor narxlari belgilanishiga oʻtilishi munosabati bilan 2017-yilda Oʻzbekiston Respublikasi Davlat budjeti xarajatlarining tegishli moddalarini va Investitsiya dasturi parametrlarini oshirsin;
2018-yildan boshlab Oʻzbekiston Respublikasining Davlat budjeti va rivojlanish davlat dasturlari parametrlarida budjetdan mablagʻ oluvchilar tomonidan yuqori likvidli tovarlarning asosiy turlarini bozor narxlarida xarid qilishga zarur mablagʻlarni nazarda tutsin.
5. 2020-yilning 1-yanvariga kadar muddatda:
mulkchilik shaklidan va foydalanish maqsadlaridan qatʼi nazar, respublika korxonalari tomonidan import qilinadigan uglevodorod xom ashyosi — bojxona toʻlovlari (qoʻshilgan qiymat soligʻi va bojxona rasmiylashtiruvchi uchun yigʻimlardan tashqari) toʻlashdan;
“Oʻzbekneftgaz” AJning neftni qayta ishlash korxonalari — foyda soligʻini toʻlashdan ozod qilinsin, boʻshayotgan mablagʻlar ishlab chiqarish quvvatlarini yangilash, modernizatsiya qilish, texnik va texnologik qayta jihozlashga, shuningdek, ana shu quvvatlarni oshirishga maqsadli yoʻnaltirilsin.
7. 2018-yilning 1-yanvaridan boshlab:
“Yuqori likvidli mahsulot turlarini, xom ashyo va metariallarni sotishning bozor mexanizmlarini yanada joriy etish toʻgʻrisida” Vazirlar Mahkamasining 2004-yil 5-fevraldagi 57-sonli qarori 3-ilovasi bilan tasdiqlangan moddiy-texnika resurslari strategik turlarini sotishning maxsus tartibi ;
markazlashtirilgan manbalar hisobiga sotib olinadigan mahsulotlar, xom ashyo va materiallarni istisno qilganda, birja savdolarida xarid qilingan mahsulotni qaytadan sotishga qoʻyilgan taqiq bekor qilinsin.
8. Oʻzbekiston Respublikasi Moliya vazirligi Iqtisodiyot vazirligi hamda Qishloq xoʻjaligi vazirligi bilan birgalikda 2018-yil hosilidan boshlab:
paxta xom ashyosi va gʻallani qayta ishlash natijasida hosil boʻladigan texnik urugʻlik, oʻsimlik yogʻi, shrot, shulxa va boshqa mahsulotlar bozor narxlarini shakllantirishning yangi mexanizmini joriy etgan holda fermer xoʻjaliklarining pirovard natijalarga erishishdan moddiy manfaatdorligi oshishiga imkon beruvchi rentabellik taʼminlanishini hisobga olib, paxta xom ashyosi va gʻallaning xarid narxlari oshirilishini;
qishloq xoʻjaligi mahsulotlari davlat xaridini moliyalashtirishning amaldagi tartibi va mexanizmi qayta koʻrib chiqilishini nazarda tutsin.
9. Oʻzbekiston Respublikasi Vazirlar Mahkamasi bir oy muddatda elektron savdo maydonchalari kengaytirilishini hamda barcha tadbirkorlik subyektlarining birja bozorida teng ishtirok etishini taʼminlash, birja savdolarini shaffof tarzda amalga oshirib, bozor narxi belgilanishini shakllantirishni hisobga olgan holda “Oʻzbekiston Respublika Tovar-xom ashyo birjasi” AJ faoliyati takomillashtirilishini nazarda tutuvchi hukumat qarorini qabul qilsin.
10. Oʻzbekiston Respublikasi Hisob palatasi ushbu qarorga muvofiq birja savdolarida narxlar shakllantirilishi va Oʻzbekiston Respublikasi Davlat budjetidan ajratilayotgan mablagʻlardan maqsadli foydalanilishi ustidan doimiy monitoringni taʼminlasin.
11. Oʻzbekiston Respublikasi Moliya vazirligi, Iqtisodiyot vazirligi, Xususiylashtirilgan korxonalarga koʻmaklashishi va raqobatni rivojlantirish davlat qoʻmitasi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov, Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov, Oʻzbekiston Respublikasi Prezidentining Davlat maslahatchisi V.A. Golishev va Oʻzbekiston Respublikasi Hisob palatasi raisi M.M. Ikromov zimmasiga yuklansin.
Oʻzbekiston Respublikasi Prezidentining 2017-yil 14-noyabrdagi PQ-3386-son qaroriga ILOVA
Monopolist korxonalar va (yoki) ustav fondida (kapitalida) davlat ulushi 50 foiz va undan ortiq boʻlgan yuridik shaxslar yoki ustav fondining (kapitalining) 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan yuridik shaxslar tomonidan ichki bozorda faqat birja savdolari orqali bozor tamoyillari asosida sotiladigan yuqori likvidli va (yoki) monopol turdagi mahsulotlar, xomashyo va materiallarning
1. Avtomobil benzini
2. Ekstraksion benzin
3. Dizel yoqilgʻisi
4. Polipropilen
5. Polietilen
6. Polivinilxlorid (PVX)
7. Texnik oltingugurt
8. Koʻmir
9. Mineral oʻgʻitlar
10. Katodli mis
11. Misli katanka
12. Ikkilamchi aluminiy
14. Metal rux
15. Sement
16. Sementli klinker
17. Shakar
18. Etil spirti
19. Bugʻdoy
20. Arpa (Yachmen)
21. Paxta-tolasi
22. Paxta linti
23. Oʻsimlik yogʻi (paxta) *
24. Ekstraksiya yogʻi (paxta) *
25. Paxta chigiti sheluxasi *
26. Paxta chigiti shroti *
27. Texnik chigit *
28. Texnik moylar
29. Oʻchoq moyi
30. Bugʻdoy uni
31. Omuxta yem
32. Yoqilgʻi mazuti
33. Suyultirilgan gaz
34. Xoʻjalik sovuni
35. Neft eritkichi
36. Neft bitumi
37. Mis kuporosi
38. Kumush **
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 14-noyabr,
PQ-3386-son
Президента Республики Узбекистан
Постановление
ПЕРЕЧЕНЬ
О мерах по совершенствованию конкурентной среды, искоренению условий злоупотребления и хищений в сфере обеспечения топливно-энергетическими ресурсами и другой высоколиквидной продукцией, укреплению платежной дисциплины, сокращению дебиторской и кредиторской задолженности
[Извлечение]
В целях создания эффективной конкурентной среды и поэтапного снижения монополии на рынках товаров и услуг, ликвидации элементов распределительной системы, создания равных условий доступа всех хозяйствующих субъектов к материально-техническим ресурсам, предупреждения, искоренения и профилактики злоупотреблений и хищений в сфере обеспечения топливно-энергетическими ресурсами и другой высоколиквидной продукцией, сокращения дебиторской и кредиторской задолженности, а также обеспечения финансовой устойчивости сельского хозяйства и базовых отраслей промышленности в условиях либерализации валютной политики:
1. Принять предложения Министерства финансов, Министерства экономики Республики Узбекистан и Государственного комитета Республики Узбекистан по содействию приватизированным предприятиям и развитию конкуренции:
а) об отмене с 1 января 2018 года полномочий государственных органов, организаций и правительственных комиссий утверждать предельные уровни цен на продукцию, сырье и материалы, объемы и дислокацию их распределения, не соответствующие положениям настоящего постановления (за исключением социально значимых и стратегических видов продукции, перечень которых определяется Кабинетом Министров);
б) об утверждении Перечня высоколиквидных и (или) монопольных видов продукции, сырья и материалов, реализуемых на внутреннем рынке предприятиями-монополистами и (или) юридическими лицами с долей государства в уставном фонде (капитале) в размере 50 процентов и более или юридическими лицами, в уставном фонде (капитале) которых 50 процентов и более принадлежит юридическому лицу с долей государства 50 процентов и более, на основе рыночных принципов исключительно через биржевые торги согласно приложению ;
в) о переходе с 1 января 2018 года к формированию укрупненных материальных балансов, утверждаемых по отдельным видам продукции, сырья и материалов, исключительно в целях анализа и формирования краткосрочных, а также среднесрочных прогнозов их производства и потребления.
2. Кабинету Министров Республики Узбекистан в десятидневный срок принять правительственное решение, устанавливающее персональную ответственность руководителей соответствующих комплексов Кабинета Министров, ведомств и хозяйственных объединений за обеспечение бесперебойного и своевременного удовлетворения потребности отраслей экономики и населения, в соответствии с материальными балансами в нефтепродуктах и других высоколиквидных видах продукции, сырье и материалах по рыночным ценам, а также предотвращение их дефицита по всей республике.
3. Министерству финансов Республики Узбекистан:
обеспечить выделение до конца 2017 года нефтеперерабатывающим заводам АО «Узнефтепродукт» беспроцентных бюджетных ссуд в размере 2.0 трлн.сум, из них 600 млрд.сум — в течение трех дней, с целевым направлением на импорт углеводородного сырья и готовых нефтепродуктов;
обеспечить выделение за счет средств Государственного бюджета Республики Узбекистан субсидий АО «Тошшахартрансхизмат» на 2017-2018 годы в целях недопущения резкого роста тарифов на транспортные перевозки по г. Ташкенту;
увеличить в 2017 году, в связи с переходом на рыночное ценообразование на нефтепродукты, соответствующие статьи расходов Государственного бюджета и параметров Инвестиционной программы Республики Узбекистан;
предусмотреть, начиная с 2018 года, в параметрах Государственного бюджета и государственных программ развития Республики Узбекистан необходимые средства на приобретение бюджетополучателями основных видов высоколиквидных товаров по рыночным ценам.
5. Освободить сроком до 1 января 2020 года:
от уплаты таможенных платежей (кроме налога на добавленную стоимость и сборов за таможенное оформление) — углеводородное сырье, импортируемое предприятиями республики, независимо от формы собственности и целей использования;
нефтеперерабатывающие предприятия АО «Узбекнефтегаз» — от уплаты налога на прибыль, с целевым направлением высвобождаемых средств на обновление, модернизацию, техническое и технологическое перевооружение, а также на увеличение производственных мощностей.
7. Отменить с 1 января 2018 года:
специальный порядок реализации стратегических видов материально-технических ресурсов, утвержденный приложением № 3 к постановлению Кабинета Министров от 5 февраля 2004 г. № 57 «О дальнейшем внедрении рыночных механизмов реализации высоколиквидных видов продукции, сырья и материалов»;
запрет на перепродажу продукции, приобретенной на биржевых торгах, за исключением продукции, сырья и материалов, приобретаемых за счет централизованных источников.
8. Министерству финансов совместно с Министерством экономики и Министерством сельского хозяйства Республики Узбекистан начиная с урожая 2018 года предусматривать:
повышение закупочных цен на хлопок-сырец и зерно с учетом обеспечения рентабельности, способствующее материальной заинтересованности фермерских хозяйств в достижении конечных результатов, с внедрением нового механизма формирования рыночных цен на технические семена, растительное масло, шрот, шелуху и другую продукцию, образовывающуюся в результате переработки хлопка-сырца и зерна;
пересмотр действующего порядка и механизма финансирования государственных закупок сельскохозяйственной продукции.
9. Кабинету Министров Республики Узбекистан в месячный срок принять правительственное решение, предусматривающее совершенствование деятельности АО «Узбекская Республиканская товарно-сырьевая биржа», с учетом расширения электронных торговых площадок и обеспечения равного доступа к биржевому рынку всех субъектов предпринимательства, формирования рыночного ценообразования с прозрачностью осуществления биржевых торгов.
10. Счетной палате Республики Узбекистан обеспечить постоянный мониторинг за формированием цен на биржевых торгах и целевым использованием средств, выделяемых из Государственного бюджета Республики Узбекистан в соответствии с настоящим постановлением.
11. Министерству финансов, Министерству экономики Республики Узбекистан, Государственному комитету Республики Узбекистан по содействию приватизированным предприятиям и развитию конкуренции совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова, заместителя Премьер-министра Республики Узбекистан — председателя правления АО «Узбекнефтегаз» А.С. Султанова, Государственного советника Республики Узбекистан В.А. Голышева и Председателя Счетной палаты Республики Узбекистан М.М. Икрамова.
ПРИЛОЖЕНИЕ к постановлению Президента Республики Узбекистан от 14 ноября 2017 года № ПП-3386
высоколиквидных и (или) монопольных видов продукции, сырья и материалов, реализуемых на внутреннем рынке предприятиями-монополистами и (или) юридическими лицами с долей государства в уставном фонде (капитале) в размере 50 процентов и более или юридическими лицами, в уставном фонде (капитале) которых 50 процентов и более принадлежит юридическому лицу с долей государства 50 процентов и более, на основе рыночных принципов, исключительно через биржевые торги
1. Бензин автомобильный
2. Бензин экстракционный
3. Дизельное топливо
4. Полипропилен
5. Полиэтилен
6. Поливинилхлорид (ПВХ)
7. Сера техническая
8. Уголь
9. Минеральные удобрения
10. Медь катодная
11. Медная катанка
12. Алюминий вторичный
14. Цинк металлический
15. Цемент
16. Цементный клинкер
17. Сахар
18. Спирт этиловый
19. Пшеница
20. Ячмень
21. Хлопок-волокно
22. Хлопковый линт
23. Масло растительное (хлопковое) *
24. Масло экстракционное (хлопковое) *
25. Шелуха хлопковых семян *
26. Шрот хлопковых семян *
27. Технические хлопковые семена *
28. Технические масла
29. Печное топливо
30. Мука пшеничная
31. Комбикорма
32. Топочный мазут
33. Сжиженный газ
34. Хозяйственное мыло
35. Нефтяной растворитель
36. Нефтяной битум
37. Медный купорос
38. Серебро **
Президент Республики Узбекистан Ш. МИРЗИЁЕВ
г. Ташкент,
14 ноября 2017 г.,
№ ПП-3386