📅 2017-yil 13-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 ноября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 13 November 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
ТУЗИЛМАСИ
Ўзбекистон Республикаси Олий ва ўрта махсус таълим вазирлиги ҳузурида Афғонистон фуқароларини ўқитиш таълим маркази фаолиятини ташкил этиш тўғрисида
Афғонистон Ислом Республикаси билан таълим соҳасида халқаро ҳамкорликни кенгайтириш, шунингдек, ўзаро аҳдлашувлар асосида Афғонистон Ислом Республикасидан юбориладиган шахсларни малакали мутахассислар этиб тайёрлашга кўмаклашиш учун шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Олий ва ўрта махсус таълим вазирлиги ҳузурида Афғонистон фуқароларини ўқитиш таълим маркази (кейинги ўринларда Марказ деб аталади) ташкил этилсин ва уни Сурхондарё вилоятининг Термиз туманида жойлаштириш назарда тутилсин.
2. Белгилаб қўйилсинки:
Марказ юридик шахс мақомига эга бўлган давлат таълим муассасаси ҳисобланади ва бу ерда олий, ўрта махсус, касб-ҳунар таълими дастурлари бўйича кадрлар тайёрланади, шунингдек, қайта тайёрланиб малакаси оширилади, Марказ Ўзбекистон Республикасининг Давлат герби тасвири туширилган ва ўз номи давлат тилида ёзилган муҳрга, мустақил балансга, Ўзбекистон Республикаси Молия вазирлиги Ғазначилигида ғазна ҳисобварақларига, миллий ва хорижий валютада банк ҳисобварақларига эга бўлади;
Марказда Афғонистон томони буюртманомаларига мувофиқ гуманитар, педагогика ва муҳандис-техник таълим йўналишлари бўйича кадрлар тайёрланади.
Ўзбекистон Республикаси Олий ва ўрта махсус таълим вазирлигига зарурат бўлганда, таълим йўналишларига Афғонистон томони буюртманомаларига биноан ўзгартириш ва қўшимчалар киритишига рухсат берилсин.
3. Қуйидагилар Марказнинг асосий вазифалари ҳисоблансин:
ўзаро келишилган олий, ўрта махсус, касб-ҳунар таълими дастурларига мувофиқ малакали кадрларни тайёрлаш, қайта тайёрлаш ҳамда уларнинг малакасини ошириш;
ижодий, байналмилал, бағрикенглик таълими муҳитини шакллантириш;
педагогик салоҳиятни ривожлантиришни қўллаб-қувватлаш, педагогика технологиялари ва ўқитиш услубларини такомиллаштириш;
Ўзбекистон Республикасининг етакчи таълим муассасалари, илмий-тадқиқот марказлари ва тегишли тармоқ идоралари ҳамда ташкилотлари билан муносабатларни ривожлантириш ва мустаҳкамлаш.
4. Қуйидагилар:
Ўзбекистон Республикаси Олий ва ўрта махсус таълим вазирлиги ҳузурида Афғонистон фуқароларини ўқитиш таълим марказини ташкил этиш бўйича ташкилий комиссия таркиби 1-иловага мувофиқ;
Ўзбекистон Республикаси Олий ва ўрта махсус таълим вазирлиги ҳузуридаги Афғонистон фуқароларини ўқитиш таълим маркази тузилмаси 2-иловага мувофиқ тасдиқлансин.
Ўзбекистон Республикаси Олий ва ўрта махсус таълим вазирига зарурат бўлганда, Марказ тузилмасига ходимларнинг белгиланган умумий сони доирасида ўзгартиришлар киритиш ҳуқуқи берилсин.
5. Белгилансинки:
Ўзбекистон Республикаси Олий ва ўрта махсус таълим вазирлиги Афғонистон томони билан келишган ҳолда, Марказ фаолиятига ўқув-услубий раҳбарликни амалга оширади;
Ўзбекистон Республикаси Олий ва ўрта махсус таълим вазирлиги ҳамда Афғонистон томони билан келишув асосида Марказ белгилайдиган тартиб ҳамда муддатларда ўқувчилар ва талабалар ўқишга қабул қилинади ҳамда битирувчилар аттестациядан ўтказилади;
Марказда ўқитиш Ўзбекистон Республикаси таълим тизимида қабул қилинган нормаларга, Ўзбекистон Республикаси Олий ва ўрта махсус таълим вазирлиги томонидан тасдиқланадиган ўқув режалари ва дастурларига мувофиқ кундузги ҳамда сиртқи таълим шакллари бўйича амалга оширилади.
Марказ ходимларига олий таълим муассасалари филиалларининг тегишли лавозимлари учун белгиланган меҳнатга ҳақ тўлаш миқдори ва шартлари татбиқ этилади;
Марказга республика таълим муассасаларидан ўқитувчилар ва мутахассислар меҳнатга соатбай ҳақ тўлаш шартлари асосида жалб этилади;
республика таълим муассасаларидан жалб этиладиган ўқитувчиларнинг Марказга келиб-кетиши ва яшаши билан боғлиқ харажатлар Марказ томонидан қопланади.
6. Қуйидагиларга:
а) Ўзбекистон Республикаси Олий ва ўрта махсус таълим вазирлигига:
истисно тариқасида, Афғонистон томони ва Ўзбекистон Республикаси Вазирлар Маҳкамаси билан келишилган ҳолда Марказда кадрларни олий, ўрта махсус, касб-ҳунар таълими дастурлари асосида ўқитиш, қайта тайёрлаш ва уларнинг малакасини ошириш бўйича қисқартирилган таълим муддатларини белгилаш;
ўқув жараёнини ташкил этишнинг модул тузилмасига эга ўқув режалари ва дастурларини тасдиқлаш;
б) Марказга белгиланган мақсадли кўрсатмалар, миллий-маданий хусусиятлар, ўқитиш тилига кўра академик гуруҳлар ташкил этиш ҳуқуқи берилсин.
7. Сурхондарё вилояти ҳокимлиги, Ўзбекистон Республикаси Олий ва ўрта махсус таълим вазирлиги, Қишлоқ ва сув хўжалиги вазирлигининг Ўзбекистон Республикаси Олий ва ўрта махсус таълим вазирлигига тезкор бошқариш ҳуқуқи асосида Сурхондарё вилоятининг Термиз туманида жойлашган Янгиариқ қишлоқ хўжалиги коллежининг (кейинги ўринларда коллеж деб аталади) бино ҳамда иншоотларини Марказни жойлаштириш учун бепул бериш тўғрисидаги таклифига розилик берилсин ва бир ой муддатда топшириш-қабул қилиш далолатномаси расмийлаштирилсин.
8. Ўзбекистон Республикаси Олий ва ўрта махсус таълим вазирлиги Сурхондарё вилояти ҳокимлиги билан биргаликда юқорида қайд этилган коллежни белгиланган тартибда тугатиш, коллеж ўқувчиларининг яшаш жойларини ҳисобга олган ҳолда, улар контингентини тақсимлаш йўли билан бошқа касб-ҳунар коллежларида тегишли таълим йўналишлари бўйича ўқишни давом эттиришини таъминлаш, шунингдек, коллежнинг тугатилиши сабабли унинг бўшаб қоладиган ходимларини белгиланган тартибда ишга жойлаштириш чораларини кўрсин.
9. Белгилаб қўйилсинки:
Марказда тўлов-контракт асосида ўқитилади, зарурат бўлганда Марказни таъминлаш харажатларининг етишмайдиган қисми Ўзбекистон Республикаси Олий ва ўрта махсус таълим вазирлигининг асосланган буюртманомалари бўйича бюджет маблағлари ҳисобидан қопланади;
Марказ битирувчиларига Ўзбекистон Республикасининг кадрлар тайёрланадиган олий ёки ўрта махсус, касб-ҳунар таълими муассасаларининг йўналишлари ҳамда мутахассисликлари дастурлари бўйича ўқишни тамомлаганлиги тўғрисида давлат намунасидаги тегишли ҳужжат берилади;
Кадрлар малакасини ошириш ва уларни қайта тайёрлаш курслари тингловчиларига ўқишни тугатганидан сўнг Ўзбекистон Республикаси Олий ва ўрта махсус таълим вазирлиги томонидан белгиланган шаклдаги сертификатлар берилади;
Марказда тегишли ўқув йили учун кадрлар тайёрлаш кўрсаткичлари ва шартлари Афғонистон томони ҳамда Ўзбекистон Республикаси Вазирлар Маҳкамаси белгилайдиган Ўзбекистон Республикаси ваколатли органининг ўзаро келишувига мувофиқ, Ўзбекистон Республикаси Олий ва ўрта махсус таълим вазирлиги томонидан Вазирлар Маҳкамаси билан келишган ҳолда белгиланади.
10. Белгилансинки, Афғонистон Ислом Республикасининг фуқаролари ўқиш учун тўловни Ўзбекистон Республикаси таълим муассасаларида ўқиётган чет эл фуқаролари учун назарда тутилган таълим қийматининг 50 фоизи миқдорида юбораётган томон маблағлари ҳисобидан тўлайди, тўловнинг қолган қисми «Ўзбекистон темир йўллари» АЖ маблағлари ҳисобидан қопланади.
11. Ўзбекистон Республикаси Олий ва ўрта махсус таълим вазирлиги бир ой муддатда:
Марказнинг белгиланган тартибда давлат рўйхатидан ўтказилишини таъминласин;
Марказ Уставини ишлаб чиқсин ва тасдиқласин.
12. Сурхондарё вилояти ҳокимлиги Марказнинг талабалар шаҳарчасини ташкил этсин ва унинг инфратузилмасида талабаларнинг алоҳида яшаш жойлари, тиббий хизмат пунктлари, ошхоналар, кир ювиш хоналари, кундалик фойдаланиш учун товарлар чакана савдо дўконлари, тегишли муҳандислик коммуникациялари ва бошқаларни назарда тутсин.
13. Ўзбекистон Республикаси Инвестициялар бўйича давлат қўмитаси, Иқтисодиёт вазирлиги ва Молия вазирлиги 2018 йил ва келгуси йиллар учун Ўзбекистон Республикасининг ривожланиш давлат дастурлари параметрларини шакллантиришда Марказ ўқув корпусларида қурилиш-тиклаш ишларини молиялаштириш ва талабалар шаҳарчасининг тўлиқ фаолият кўрсатишини таъминлаш учун Сурхондарё вилояти ҳокимлигининг асосланган ҳисоб-китоблари асосида Ўзбекистон Республикаси Давлат бюджетидан капитал маблағлар ҳисобидан тегишли маблағлар ажратилишини назарда тутсин.
14. Марказнинг тегишли бино ва иншоотларини ҳамда унинг талабалар шаҳарчасини қуриш ва реконструкция қилиш бўйича:
Сурхондарё вилояти ҳокимлигининг «Ягона буюртмачи хизмати» инжиниринг компанияси — буюртмачи этиб;
«Уйжойсаноатсув-қурилиш» хусусий лойиҳа корхонаси — бош лойиҳачи ташкилот этиб;
«Сантехмонтаж» хусусий корхонаси бош пудрат ташкилоти этиб белгилансин.
15. Белгилансинки, Марказнинг бино ва иншоотлари асосий турдаги компьютер ва мультимедиа техникаси, синхрон таржима аппаратураси, видеокузатув ускуналари, инвентарь ва мебель билан қурилиш-реконструкция ишларининг тегишли босқичлари якунланишига кўра (фойдаланишга «тайёр ҳолда» топшириш шарти билан), уларни харид қилиш харажатларини лойиҳа-смета ҳужжатига киритиш орқали белгиланган нормативларга мувофиқ жиҳозланади.
16. Ўзбекистон Республикаси Ташқи ишлар вазирлиги Ўзбекистон Республикаси Олий ва ўрта махсус таълим вазирлигининг буюртманомаларига биноан Марказнинг ушбу қарорни амалга ошириш доирасида ўқиш учун келадиган чет эллик талабаларнинг кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
17. Ўзбекистон Республикаси Ички ишлар вазирлиги:
Марказнинг чет эллик талабаларига кўп марталик визалар Ўзбекистон Республикаси Олий ва ўрта махсус таълим вазирлигининг буюртманомаларига биноан белгиланган тартибда берилиши ва муддати узайтирилишини, шунингдек, уларни давлат божлари ундирмасдан вақтинча турган жойи бўйича рўйхатга олишни ва муддати узайтирилишини таъминласин;
Марказ ҳудудида таълим олувчилар хавфсизлигини ва жамоат тартибини таъминлаш мақсадида уларнинг ўқиш ва яшаш жойларини видеокузатув воситалари билан жиҳозлаш ҳамда тегишли ходимлар ажратиш, шунингдек, ўқув жараёнини пухта ташкил этиш учун барча зарур шарт-шароитлар яратишни назарда тутган ҳолда Марказнинг қўриқлаш комплексини шакллантирсин.
18. Ўзбекистон Республикаси Олий ва ўрта махсус таълим вазирлиги Ташқи ишлар вазирлиги билан биргаликда тегишли хорижий тилларга ихтисослашган малакали синхрон таржимонларнинг Марказ ўқув жараёнига жалб этилишини таъминласин.
19. Марказга иккита автотранспорт воситасини, жумладан, битта енгил хизмат автомобили ва битта автобусни сақлаш учун лимит ажратилсин.
20. Белгилаб қўйилсинки, 2017 йилда Марказни сақлаш ва унинг фаолиятини молиялаштириш учун зарур харажатлар Ўзбекистон Республикаси Давлат бюджетининг «Маориф» соҳаси учун маблағлари ҳисобидан ва тасдиқланган параметрлари доирасида, 2018 йилдан бошлаб эса — ушбу соҳага ҳар йили ажратиладиган маблағлар ҳисобидан амалга оширилади.
21. Қуйидагилар Марказ фаолиятини молиялаштириш манбалари этиб белгилансин:
Ўзбекистон Республикаси Давлат бюджетидан ажратиладиган маблағлар;
Марказда пулли-контракт асосида ўқитишдан тушадиган маблағлар;
шартномалар асосида хизматлар кўрсатишдан ва хўжалик фаолиятини юритишдан тушадиган пул маблағлари;
юридик ва жисмоний шахсларнинг хайрия маблағлари ва мақсадли бадаллари;
халқаро молия институтларининг грантлари;
қонун ҳужжатларида тақиқланмаган бошқа манбалар.
22. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда бир ой муддатда:
қонун ҳужжатларига ушбу қарордан келиб чиқадиган ўзгартириш ва қўшимчалар ҳақида Вазирлар Маҳкамасига таклифлар киритсин;
ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.
23. Мазкур қарорнинг бажарилишини назорат қилиш Сурхондарё вилояти ҳокими Э.О. Турдимов, Ўзбекистон Республикаси Олий ва ўрта махсус таълим вазири И.У. Маджидов зиммасига ҳамда Вазирлар Маҳкамасининг Таълим, илм-фан ва ёшлар сиёсати масалалари ахборот-таҳлил департаментига юклансин.
Вазирлар Маҳкамасининг 2017 йил 13 ноябрдаги 911-сон қарорига 1-ИЛОВА
Ўзбекистон Республикаси Олий ва ўрта махсус таълим вазирлиги ҳузуридаги Афғонистон фуқароларини ўқитиш таълим марказини ташкил этиш бўйича ташкилий комиссия
Раматов А.Ж. — Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси, комиссия раиси Қўчқоров Ж.А. — Ўзбекистон Республикаси Бош вазирининг ўринбосари, комиссия раисининг ўринбосари Турдимов Э.О. — Сурхондарё вилояти ҳокими Маджидов И.У. — Олий ва ўрта махсус таълим вазири Бекенов С.Х. — Иқтисодиёт вазирининг биринчи ўринбосари Хайдаров А.Я. — Молия вазирининг биринчи ўринбосари Хошимов Ш.Р. — Давлат архитектура ва қурилиш қўмитаси раисининг биринчи ўринбосари Назармухамедов Д.А. — Ички ишлар вазирининг биринчи ўринбосари Раимов Б.Я. — Давлат божхона қўмитаси раисининг биринчи ўринбосари Фазилов Г.Г. — Ташқи ишлар вазирининг ўринбосари
Вазирлар Маҳкамасининг 2017 йил 13 ноябрдаги 911-сон қарорига 2-ИЛОВА
Ўзбекистон Республикаси Олий ва ўрта махсус таълим вазирлиги ҳузуридаги Афғонистон фуқароларини ўқитиш таълим марказининг
Ўзбекистон Республикасининг Бош вазири А. АРИПОВ
Тошкент ш.,
2017 йил 13 ноябрь,
911-сон
Oʻzbekiston Respublikasi Vazirlar Mahkamasining
qarori
TARKIBI
TUZILMASI
Oʻzbekiston Respublikasi Oliy va oʻrta maxsus taʼlim vazirligi huzurida Afgʻoniston fuqarolarini oʻqitish taʼlim markazi faoliyatini tashkil etish toʻgʻrisida
Afgʻoniston Islom Respublikasi bilan taʼlim sohasida xalqaro hamkorlikni kengaytirish, shuningdek, oʻzaro ahdlashuvlar asosida Afgʻoniston Islom Respublikasidan yuboriladigan shaxslarni malakali mutaxassislar etib tayyorlashga koʻmaklashish uchun sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Oliy va oʻrta maxsus taʼlim vazirligi huzurida Afgʻoniston fuqarolarini oʻqitish taʼlim markazi (keyingi oʻrinlarda Markaz deb ataladi) tashkil etilsin va uni Surxondaryo viloyatining Termiz tumanida joylashtirish nazarda tutilsin.
2. Belgilab qoʻyilsinki:
Markaz yuridik shaxs maqomiga ega boʻlgan davlat taʼlim muassasasi hisoblanadi va bu yerda oliy, oʻrta maxsus, kasb-hunar taʼlimi dasturlari boʻyicha kadrlar tayyorlanadi, shuningdek, qayta tayyorlanib malakasi oshiriladi, Markaz Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga, mustaqil balansga, Oʻzbekiston Respublikasi Moliya vazirligi Gʻaznachiligida gʻazna hisobvaraqlariga, milliy va xorijiy valyutada bank hisobvaraqlariga ega boʻladi;
Markazda Afgʻoniston tomoni buyurtmanomalariga muvofiq gumanitar, pedagogika va muhandis-texnik taʼlim yoʻnalishlari boʻyicha kadrlar tayyorlanadi.
Oʻzbekiston Respublikasi Oliy va oʻrta maxsus taʼlim vazirligiga zarurat boʻlganda, taʼlim yoʻnalishlariga Afgʻoniston tomoni buyurtmanomalariga binoan oʻzgartirish va qoʻshimchalar kiritishiga ruxsat berilsin.
3. Quyidagilar Markazning asosiy vazifalari hisoblansin:
oʻzaro kelishilgan oliy, oʻrta maxsus, kasb-hunar taʼlimi dasturlariga muvofiq malakali kadrlarni tayyorlash, qayta tayyorlash hamda ularning malakasini oshirish;
ijodiy, baynalmilal, bagʻrikenglik taʼlimi muhitini shakllantirish;
pedagogik salohiyatni rivojlantirishni qoʻllab-quvvatlash, pedagogika texnologiyalari va oʻqitish uslublarini takomillashtirish;
Oʻzbekiston Respublikasining yetakchi taʼlim muassasalari, ilmiy-tadqiqot markazlari va tegishli tarmoq idoralari hamda tashkilotlari bilan munosabatlarni rivojlantirish va mustahkamlash.
4. Quyidagilar:
Oʻzbekiston Respublikasi Oliy va oʻrta maxsus taʼlim vazirligi huzurida Afgʻoniston fuqarolarini oʻqitish taʼlim markazini tashkil etish boʻyicha tashkiliy komissiya tarkibi 1-ilovaga muvofiq;
Oʻzbekiston Respublikasi Oliy va oʻrta maxsus taʼlim vazirligi huzuridagi Afgʻoniston fuqarolarini oʻqitish taʼlim markazi tuzilmasi 2-ilovaga muvofiq tasdiqlansin.
Oʻzbekiston Respublikasi Oliy va oʻrta maxsus taʼlim vaziriga zarurat boʻlganda, Markaz tuzilmasiga xodimlarning belgilangan umumiy soni doirasida oʻzgartirishlar kiritish huquqi berilsin.
5. Belgilansinki:
Oʻzbekiston Respublikasi Oliy va oʻrta maxsus taʼlim vazirligi Afgʻoniston tomoni bilan kelishgan holda, Markaz faoliyatiga oʻquv-uslubiy rahbarlikni amalga oshiradi;
Oʻzbekiston Respublikasi Oliy va oʻrta maxsus taʼlim vazirligi hamda Afgʻoniston tomoni bilan kelishuv asosida Markaz belgilaydigan tartib hamda muddatlarda oʻquvchilar va talabalar oʻqishga qabul qilinadi hamda bitiruvchilar attestatsiyadan oʻtkaziladi;
Markazda oʻqitish Oʻzbekiston Respublikasi taʼlim tizimida qabul qilingan normalarga, Oʻzbekiston Respublikasi Oliy va oʻrta maxsus taʼlim vazirligi tomonidan tasdiqlanadigan oʻquv rejalari va dasturlariga muvofiq kunduzgi hamda sirtqi taʼlim shakllari boʻyicha amalga oshiriladi.
Markaz xodimlariga oliy taʼlim muassasalari filiallarining tegishli lavozimlari uchun belgilangan mehnatga haq toʻlash miqdori va shartlari tatbiq etiladi;
Markazga respublika taʼlim muassasalaridan oʻqituvchilar va mutaxassislar mehnatga soatbay haq toʻlash shartlari asosida jalb etiladi;
respublika taʼlim muassasalaridan jalb etiladigan oʻqituvchilarning Markazga kelib-ketishi va yashashi bilan bogʻliq xarajatlar Markaz tomonidan qoplanadi.
6. Quyidagilarga:
a) Oʻzbekiston Respublikasi Oliy va oʻrta maxsus taʼlim vazirligiga:
istisno tariqasida, Afgʻoniston tomoni va Oʻzbekiston Respublikasi Vazirlar Mahkamasi bilan kelishilgan holda Markazda kadrlarni oliy, oʻrta maxsus, kasb-hunar taʼlimi dasturlari asosida oʻqitish, qayta tayyorlash va ularning malakasini oshirish boʻyicha qisqartirilgan taʼlim muddatlarini belgilash;
oʻquv jarayonini tashkil etishning modul tuzilmasiga ega oʻquv rejalari va dasturlarini tasdiqlash;
b) Markazga belgilangan maqsadli koʻrsatmalar, milliy-madaniy xususiyatlar, oʻqitish tiliga koʻra akademik guruhlar tashkil etish huquqi berilsin.
7. Surxondaryo viloyati hokimligi, Oʻzbekiston Respublikasi Oliy va oʻrta maxsus taʼlim vazirligi, Qishloq va suv xoʻjaligi vazirligining Oʻzbekiston Respublikasi Oliy va oʻrta maxsus taʼlim vazirligiga tezkor boshqarish huquqi asosida Surxondaryo viloyatining Termiz tumanida joylashgan Yangiariq qishloq xoʻjaligi kollejining (keyingi oʻrinlarda kollej deb ataladi) bino hamda inshootlarini Markazni joylashtirish uchun bepul berish toʻgʻrisidagi taklifiga rozilik berilsin va bir oy muddatda topshirish-qabul qilish dalolatnomasi rasmiylashtirilsin.
8. Oʻzbekiston Respublikasi Oliy va oʻrta maxsus taʼlim vazirligi Surxondaryo viloyati hokimligi bilan birgalikda yuqorida qayd etilgan kollejni belgilangan tartibda tugatish, kollej oʻquvchilarining yashash joylarini hisobga olgan holda, ular kontingentini taqsimlash yoʻli bilan boshqa kasb-hunar kollejlarida tegishli taʼlim yoʻnalishlari boʻyicha oʻqishni davom ettirishini taʼminlash, shuningdek, kollejning tugatilishi sababli uning boʻshab qoladigan xodimlarini belgilangan tartibda ishga joylashtirish choralarini koʻrsin.
9. Belgilab qoʻyilsinki:
Markazda toʻlov-kontrakt asosida oʻqitiladi, zarurat boʻlganda Markazni taʼminlash xarajatlarining yetishmaydigan qismi Oʻzbekiston Respublikasi Oliy va oʻrta maxsus taʼlim vazirligining asoslangan buyurtmanomalari boʻyicha budjet mablagʻlari hisobidan qoplanadi;
Markaz bitiruvchilariga Oʻzbekiston Respublikasining kadrlar tayyorlanadigan oliy yoki oʻrta maxsus, kasb-hunar taʼlimi muassasalarining yoʻnalishlari hamda mutaxassisliklari dasturlari boʻyicha oʻqishni tamomlaganligi toʻgʻrisida davlat namunasidagi tegishli hujjat beriladi;
Kadrlar malakasini oshirish va ularni qayta tayyorlash kurslari tinglovchilariga oʻqishni tugatganidan soʻng Oʻzbekiston Respublikasi Oliy va oʻrta maxsus taʼlim vazirligi tomonidan belgilangan shakldagi sertifikatlar beriladi;
Markazda tegishli oʻquv yili uchun kadrlar tayyorlash koʻrsatkichlari va shartlari Afgʻoniston tomoni hamda Oʻzbekiston Respublikasi Vazirlar Mahkamasi belgilaydigan Oʻzbekiston Respublikasi vakolatli organining oʻzaro kelishuviga muvofiq, Oʻzbekiston Respublikasi Oliy va oʻrta maxsus taʼlim vazirligi tomonidan Vazirlar Mahkamasi bilan kelishgan holda belgilanadi.
10. Belgilansinki, Afgʻoniston Islom Respublikasining fuqarolari oʻqish uchun toʻlovni Oʻzbekiston Respublikasi taʼlim muassasalarida oʻqiyotgan chet el fuqarolari uchun nazarda tutilgan taʼlim qiymatining 50 foizi miqdorida yuborayotgan tomon mablagʻlari hisobidan toʻlaydi, toʻlovning qolgan qismi “Oʻzbekiston temir yoʻllari” AJ mablagʻlari hisobidan qoplanadi.
11. Oʻzbekiston Respublikasi Oliy va oʻrta maxsus taʼlim vazirligi bir oy muddatda:
Markazning belgilangan tartibda davlat roʻyxatidan oʻtkazilishini taʼminlasin;
Markaz Ustavini ishlab chiqsin va tasdiqlasin.
12. Surxondaryo viloyati hokimligi Markazning talabalar shaharchasini tashkil etsin va uning infratuzilmasida talabalarning alohida yashash joylari, tibbiy xizmat punktlari, oshxonalar, kir yuvish xonalari, kundalik foydalanish uchun tovarlar chakana savdo doʻkonlari, tegishli muhandislik kommunikatsiyalari va boshqalarni nazarda tutsin.
13. Oʻzbekiston Respublikasi Investitsiyalar boʻyicha davlat qoʻmitasi, Iqtisodiyot vazirligi va Moliya vazirligi 2018-yil va kelgusi yillar uchun Oʻzbekiston Respublikasining rivojlanish davlat dasturlari parametrlarini shakllantirishda Markaz oʻquv korpuslarida qurilish-tiklash ishlarini moliyalashtirish va talabalar shaharchasining toʻliq faoliyat koʻrsatishini taʼminlash uchun Surxondaryo viloyati hokimligining asoslangan hisob-kitoblari asosida Oʻzbekiston Respublikasi Davlat budjetidan kapital mablagʻlar hisobidan tegishli mablagʻlar ajratilishini nazarda tutsin.
14. Markazning tegishli bino va inshootlarini hamda uning talabalar shaharchasini qurish va rekonstruksiya qilish boʻyicha:
Surxondaryo viloyati hokimligining “Yagona buyurtmachi xizmati” injiniring kompaniyasi — buyurtmachi etib;
“Uyjoysanoatsuv-qurilish” xususiy loyiha korxonasi — bosh loyihachi tashkilot etib;
“Santexmontaj” xususiy korxonasi bosh pudrat tashkiloti etib belgilansin.
15. Belgilansinki, Markazning bino va inshootlari asosiy turdagi kompyuter va multimedia texnikasi, sinxron tarjima apparaturasi, videokuzatuv uskunalari, inventar va mebel bilan qurilish-rekonstruksiya ishlarining tegishli bosqichlari yakunlanishiga koʻra (foydalanishga “tayyor holda” topshirish sharti bilan), ularni xarid qilish xarajatlarini loyiha-smeta hujjatiga kiritish orqali belgilangan normativlarga muvofiq jihozlanadi.
16. Oʻzbekiston Respublikasi Tashqi ishlar vazirligi Oʻzbekiston Respublikasi Oliy va oʻrta maxsus taʼlim vazirligining buyurtmanomalariga binoan Markazning ushbu qarorni amalga oshirish doirasida oʻqish uchun keladigan chet ellik talabalarning kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.
17. Oʻzbekiston Respublikasi Ichki ishlar vazirligi:
Markazning chet ellik talabalariga koʻp martalik vizalar Oʻzbekiston Respublikasi Oliy va oʻrta maxsus taʼlim vazirligining buyurtmanomalariga binoan belgilangan tartibda berilishi va muddati uzaytirilishini, shuningdek, ularni davlat bojlari undirmasdan vaqtincha turgan joyi boʻyicha roʻyxatga olishni va muddati uzaytirilishini taʼminlasin;
Markaz hududida taʼlim oluvchilar xavfsizligini va jamoat tartibini taʼminlash maqsadida ularning oʻqish va yashash joylarini videokuzatuv vositalari bilan jihozlash hamda tegishli xodimlar ajratish, shuningdek, oʻquv jarayonini puxta tashkil etish uchun barcha zarur shart-sharoitlar yaratishni nazarda tutgan holda Markazning qoʻriqlash kompleksini shakllantirsin.
18. Oʻzbekiston Respublikasi Oliy va oʻrta maxsus taʼlim vazirligi Tashqi ishlar vazirligi bilan birgalikda tegishli xorijiy tillarga ixtisoslashgan malakali sinxron tarjimonlarning Markaz oʻquv jarayoniga jalb etilishini taʼminlasin.
19. Markazga ikkita avtotransport vositasini, jumladan, bitta yengil xizmat avtomobili va bitta avtobusni saqlash uchun limit ajratilsin.
20. Belgilab qoʻyilsinki, 2017-yilda Markazni saqlash va uning faoliyatini moliyalashtirish uchun zarur xarajatlar Oʻzbekiston Respublikasi Davlat budjetining “Maorif” sohasi uchun mablagʻlari hisobidan va tasdiqlangan parametrlari doirasida, 2018-yildan boshlab esa — ushbu sohaga har yili ajratiladigan mablagʻlar hisobidan amalga oshiriladi.
21. Quyidagilar Markaz faoliyatini moliyalashtirish manbalari etib belgilansin:
Oʻzbekiston Respublikasi Davlat budjetidan ajratiladigan mablagʻlar;
Markazda pulli-kontrakt asosida oʻqitishdan tushadigan mablagʻlar;
shartnomalar asosida xizmatlar koʻrsatishdan va xoʻjalik faoliyatini yuritishdan tushadigan pul mablagʻlari;
yuridik va jismoniy shaxslarning xayriya mablagʻlari va maqsadli badallari;
xalqaro moliya institutlarining grantlari;
qonun hujjatlarida taqiqlanmagan boshqa manbalar.
22. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan oʻzgartirish va qoʻshimchalar haqida Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
23. Mazkur qarorning bajarilishini nazorat qilish Surxondaryo viloyati hokimi E.O. Turdimov, Oʻzbekiston Respublikasi Oliy va oʻrta maxsus taʼlim vaziri I.U. Madjidov zimmasiga hamda Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.
Vazirlar Mahkamasining 2017-yil 13-noyabrdagi 911-son qaroriga 1-ILOVA
Oʻzbekiston Respublikasi Oliy va oʻrta maxsus taʼlim vazirligi huzuridagi Afgʻoniston fuqarolarini oʻqitish taʼlim markazini tashkil etish boʻyicha tashkiliy komissiya
Ramatov A.J. — Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi, komissiya raisi Qoʻchqorov J.A. — Oʻzbekiston Respublikasi Bosh vazirining oʻrinbosari, komissiya raisining oʻrinbosari Turdimov E.O. — Surxondaryo viloyati hokimi Madjidov I.U. — Oliy va oʻrta maxsus taʼlim vaziri Bekenov S.X. — Iqtisodiyot vazirining birinchi oʻrinbosari Xaydarov A.Ya. — Moliya vazirining birinchi oʻrinbosari Xoshimov Sh.R. — Davlat arxitektura va qurilish qoʻmitasi raisining birinchi oʻrinbosari Nazarmuxamedov D.A. — Ichki ishlar vazirining birinchi oʻrinbosari Raimov B.Ya. — Davlat bojxona qoʻmitasi raisining birinchi oʻrinbosari Fazilov G.G. — Tashqi ishlar vazirining oʻrinbosari
Vazirlar Mahkamasining 2017-yil 13-noyabrdagi 911-son qaroriga 2-ILOVA
Oʻzbekiston Respublikasi Oliy va oʻrta maxsus taʼlim vazirligi huzuridagi Afgʻoniston fuqarolarini oʻqitish taʼlim markazining
Oʻzbekiston Respublikasining Bosh vaziri A. ARIPOV
Toshkent sh.,
2017-yil 13-noyabr,
911-son
Кабинета Министров Республики Узбекистан
Постановление
СОСТАВ
СТРУКТУРА
Об организации деятельности Образовательного центра по обучению афганских граждан при Министерстве высшего и среднего специального образования Республики Узбекистан
В целях расширения международного сотрудничества в сфере образования с Исламской Республикой Афганистан, а также создания условий для содействия в подготовке квалифицированных специалистов, направляемых Исламской Республикой Афганистан на основе взаимных договоренностей, Кабинет Министров постановляет:
1. Создать Образовательный центр по обучению афганских граждан при Министерстве высшего и среднего специального образования Республики Узбекистан (далее — Центр), предусмотрев местом его размещения Термезский район Сурхандарьинской области.
2. Установить, что:
Центр является государственным образовательным учреждением со статусом юридического лица, осуществляющим подготовку кадров по программам высшего, среднего специального, профессионального образования, а также переподготовку и повышение квалификации кадров, имеет печать и бланки с изображением Государственного герба и своим наименованием на государственном языке, самостоятельный баланс, казначейские лицевые счета в Казначействе Министерства финансов Республики Узбекистан, банковские счета в национальной и иностранной валютах;
подготовка кадров в Центре осуществляется по гуманитарным, педагогическим и инженерно-техническим направлениям образования в соответствии с заявками афганской стороны.
Разрешить Министерству высшего и среднего специального образования Республики Узбекистан вносить, при необходимости, изменения и дополнения в направления образования по заявкам афганской стороны.
3. Считать основными задачами Центра:
подготовку квалифицированных кадров в соответствии с взаимосогласованными образовательными программами высшего, среднего специального, профессионального образования, переподготовку и повышение квалификации кадров;
формирование творческой, толерантной интернациональной образовательной среды;
поддержку развития педагогического потенциала, усовершенствование педагогических технологий и методов обучения;
развитие и укрепление отношений с ведущими образовательными учреждениями, научно-исследовательскими центрами и соответствующими отраслевыми ведомствами и организациями Республики Узбекистан по вопросам образования.
4. Утвердить:
состав организационной комиссии по созданию Образовательного центра по обучению афганских граждан при Министерстве высшего и среднего специального образования Республики Узбекистан согласно приложению № 1 ;
структуру Образовательного центра по обучению афганских граждан при Министерстве высшего и среднего специального образования Республики Узбекистан согласно приложению № 2 .
Предоставить право министру высшего и среднего специального образования Республики Узбекистан вносить, при необходимости, изменения в структуру Центра в пределах установленной общей штатной численности работников.
5. Определить, что:
учебно-методическое руководство деятельностью Центра осуществляется Министерством высшего и среднего специального образования Республики Узбекистан по согласованию с афганской стороной;
прием учащихся, студентов и аттестация выпускников осуществляется в порядке и сроки, устанавливаемые Центром по согласованию с афганской стороной и Министерством высшего и среднего специального образования Республики Узбекистан;
обучение в Центре проводится по очной и заочной формам обучения, в соответствии с нормами, принятыми в системе образования Республики Узбекистан, учебными планами и программами, утверждаемыми Министерством высшего и среднего специального образования Республики Узбекистан;
на работников Центра распространяются размеры и условия оплаты труда, установленные для соответствующих должностей филиалов высших образовательных учреждений;
привлечение в Центр преподавателей и специалистов из образовательных учреждений республики для преподавания осуществляется на условиях почасовой оплаты труда;
покрытие расходов, связанных с проездом и проживанием привлекаемых из образовательных учреждений республики преподавателей, осуществляется Центром.
6. Предоставить право:
а) Министерству высшего и среднего специального образования Республики Узбекистан:
устанавливать, в порядке исключения, укороченные сроки продолжительности обучения по программам высшего, среднего специального, профессионального образования, переподготовки и повышения квалификации кадров в Центре, согласованные с афганской стороной и Кабинетом Министров;
утверждать учебные планы и программы с модульной структурой организации учебного процесса;
б) Центру формировать академические группы в зависимости от поставленных целевых установок, национально-культурных особенностей, языков обучения.
7. Согласиться с предложением хокимията Сурхандарьинской области, Министерства высшего и среднего специального образования и Министерства сельского и водного хозяйства Республики Узбекистан о безвозмездной передаче Министерству высшего и среднего специального образования Республики Узбекистан, на праве оперативного управления, зданий и сооружений Янгиарыкского сельскохозяйственного колледжа (далее — колледж), расположенного в Термезском районе Сурхандарьинской области, для размещения Центра, с оформлением в месячный срок акта приема-передачи.
8. Министерству высшего и среднего специального образования Республики Узбекистан совместно с хокимиятом Сурхандарьинской области принять меры по упразднению вышеуказанного колледжа в установленном порядке, обеспечению дальнейшего обучения учащихся колледжа путем распределения его контингента в других профессиональных колледжах по соответствующим направлениям обучения, с учетом их места жительства, а также трудоустройства высвобождаемых в связи упразднением колледжа работников в установленном порядке.
9. Определить, что:
обучение в Центре проводится на платно-контрактной основе, при необходимости, с возмещением в недостающей части расходов по содержанию Центра за счет бюджетного финансирования, по обоснованным заявкам Министерства высшего и среднего специального образования Республики Узбекистан;
выпускникам Центра выдается соответствующий документ об образовании государственного образца об окончании обучения по программам направлений и специальностей высших или средних специальных, профессиональных образовательных учреждений Республики Узбекистан, в которых осуществляется подготовка кадров;
слушателям курсов повышения квалификации и переподготовки кадров по завершении обучения выдаются сертификаты по форме, установленной Министерством высшего и среднего специального образования Республики Узбекистан;
показатели и условия подготовки кадров в Центре на соответствующий учебный год устанавливаются Министерством высшего и среднего специального образования Республики Узбекистан по согласованию с Кабинетом Министров в соответствии с взаимной договоренностью афганской стороны и уполномоченного органа Республики Узбекистан, определяемого Кабинетом Министров.
10. Установить, что оплата за обучение граждан Исламской Республики Афганистан осуществляется в размере 50 процентов от стоимости обучения, предусмотренной для иностранных граждан, обучающихся в образовательных учреждениях Республики Узбекистан, за счет средств направляющей стороны, остальная сумма покрывается за счет средств АО «Узбекистон темир йуллари».
11. Министерству высшего и среднего специального образования Республики Узбекистан в месячный срок:
обеспечить государственную регистрацию Центра в установленном порядке;
разработать и утвердить Устав Центра.
12. Хокимияту Сурхандарьинской области организовать студенческий городок Центра, предусмотрев в его инфраструктуре места для раздельного проживания студентов, пункты медицинского обслуживания, столовые, прачечные, точки розничной торговли товаров повседневного пользования, соответствующие инженерные коммуникации и др.
13. Государственному комитету Республики Узбекистан по инвестициям, Министерству экономики и Министерству финансов Республики Узбекистан при формировании параметров государственных программ развития Республики Узбекистан на 2018 год и последующие годы предусматривать выделение соответствующих средств для финансирования строительно-восстановительных работ учебных корпусов и обеспечения полноценного функционирования студенческого городка Центра за счет капитальных вложений из Государственного бюджета Республики Узбекистан, по обоснованным расчетам хокимията Сурхандарьинской области.
14. Определить по строительству и реконструкции соответствующих зданий и сооружений Центра и его студенческого городка:
заказчиком — Инжиниринговую компанию «Служба единого заказчика» хокимията Сурхандарьинской области;
генеральной проектной организацией — Частное проектное предприятие «Уйжойсаноатсув-курилиш»;
генеральным подрядчиком — Частное предприятие «Сантехгазмонтаж».
15. Установить, что оснащение зданий и сооружений Центра основными видами компьютерной и мультимедийной техники, аппаратурой синхронного перевода, оборудованием видеонаблюдения, инвентаря и мебели осуществляется согласно установленным нормативам, по мере завершения соответствующих этапов строительно-реконструкционных работ (на условиях «под ключ»), путем включения расходов на их приобретение в проектно-сметную документацию.
16. Министерству иностранных дел по заявкам Министерства высшего и среднего специального образования Республики Узбекистан обеспечить в установленном порядке оформление въездных виз иностранным студентам Центра, прибывающим для обучения в рамках реализации настоящего постановления, без взимания консульских и иных сборов.
17. Министерству внутренних дел Республики Узбекистан обеспечить:
по заявкам Министерства высшего и среднего специального образования Республики Узбекистан в установленном порядке выдачу и продление многократных виз, а также регистрацию по месту временного пребывания и продление срока регистрации по месту временного пребывания иностранных студентов Центра, без взимания государственных пошлин;
формирование охранного комплекса Центра, имея в виду оснащение мест обучения и проживания контингента обучающихся средствами видеонаблюдения и выделение соответствующего персонала с целью обеспечения безопасности контингента и общественного порядка на территории Центра, а также создание всех необходимых условий для полноценной организации учебного процесса.
18. Министерству высшего и среднего специального образования совместно с Министерством иностранных дел Республики Узбекистан обеспечить привлечение профессиональных переводчиков-синхронистов, специализирующихся на соответствующих иностранных языках, в образовательный процесс Центра.
19. Выделить Центру лимит на содержание двух автотранспортных средств, в том числе одного служебного легкового автомобиля и одного автобуса.
20. Установить, что необходимые расходы на содержание и финансирование деятельности Центра в 2017 году осуществляются за счет и в пределах утвержденных параметров Государственного бюджета Республики Узбекистан на сферу «Просвещение», а начиная с 2018 года — в рамках ежегодно выделяемых средств на данную сферу.
21. Определить источниками финансирования деятельности Центра:
ассигнования, выделяемые из Государственного бюджета Республики Узбекистан;
средства поступлений за обучение в Центре на платно-контрактной основе;
денежные средства, поступающие от оказания услуг на основании договоров, и осуществляемой хозяйственной деятельности;
благотворительные пожертвования и целевые взносы юридических и физических лиц;
гранты международных финансовых институтов;
иные источники, не запрещенные законодательством.
22. Министерству высшего и среднего специального образования Республики Узбекистан совместно с заинтересованными министерствами и ведомствами в месячный срок:
внести в Кабинет Министров предложения об изменениях и дополнениях в законодательство, вытекающих из настоящего постановления;
привести принятые ими нормативно-правовые акты в соответствие с настоящим постановлением.
23. Контроль за исполнением настоящего постановления возложить на хокима Сурхандарьинской области Э.О. Турдимова, министра высшего и среднего специального образования Республики Узбекистан И.У. Маджидова и Информационно-аналитический департамент по вопросам образования, науки и молодежной политики Кабинета Министров.
ПРИЛОЖЕНИЕ № 1 к постановлению Кабинета Министров от 13 ноября 2017 года № 911
Организационной комиссии по созданию Образовательного центра по обучению афганских граждан при Министерстве высшего и среднего специального образования Республики Узбекистан
Раматов А.Ж. — Первый заместитель Премьер-министра Республики Узбекистан — председатель правления АО «Узбекистон темир йуллари», председатель комиссии Кучкаров Дж.А. — Заместитель Премьер-министра Республики Узбекистан, заместитель председателя комиссии Турдимов Э.О. — хоким Сурхандарьинской области Маджидов И.У. — министр высшего и среднего специального образования Бекенов С.Х. — первый заместитель министра экономики Хайдаров А.Я. — первый заместитель министра финансов Хашимов Ш.Р. — первый заместитель председателя Государственного комитета по архитектуре и строительству Назармухамедов Д.А. — первый заместитель министра внутренних дел Раимов Б.Я. — первый заместитель председателя Государственного таможенного комитета Фазилов Г.Г. — заместитель министра иностранных дел
ПРИЛОЖЕНИЕ № 2 к постановлению Кабинета Министров от 13 ноября 2017 года № 911
Образовательного центра по обучению афганских граждан при Министерстве высшего и среднего специального образования Республики Узбекистан
Премьер-министр Республики Узбекистан А. АРИПОВ
г. Ташкент,
13 ноября 2017 г.,
№ 911