📅 2017-yil 16-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 ноября 2017 г. · Постановления Президента
Официальный текст. Официальный документ. Редакционные примечания не включены.
📅 16 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида
Республика олий таълим муассасаларида ўқув жараёнларини такомиллаштириш, ёшларга замонавий талаблар асосида таълим бериш бугунги куннинг асосий масалаларидан биридир. Бу борада олий таълим муассасаларига кириш тест синовларини адолатли, холис ва шаффоф ўтказиш орқали пухта билимли ёшларнинг ўқишга қабул қилинишини таъминлаш муҳим аҳамият касб этади.
Лекин бугунги кунда тест синовлари орқали олий таълим муассасалари бакалавриатига талабаларни қабул қилишда бир қатор камчиликлар мавжуд. Жумладан, кейинги йилларда тест синовларини ўтказиш тартиб-қоидалари, тест синовлари натижаларини эълон қилиш ва уни такомиллаштириш борасидаги олиб борилаётган ишлар бугунги кун талабларига тўлиқ жавоб бера олмаяпти. Бу ҳол манфаатдор жамоатчиликнинг, айниқса, ота-оналарнинг тест синовларини ўтказиш жараёнларига ҳақли равишдаги эътирозларини келтириб чиқармоқда ва ҳар йили уларнинг ушбу масала юзасидан қарийб 4 мингдан зиёд асосли мурожаатлари келиб тушмоқда.
Таъкидлаш жоизки, кириш тест синовлари топшириқлари ва уни ўтказиш талаблари қобилиятли ёшларни олий таълимга қабул қилиш мезонларига тўла жавоб бермайди. Айниқса, ижодкорлик ва индивидуал маҳоратни талаб этадиган маданият, санъат, дизайн, тасвирий ва амалий санъат, санъатшунослик, мусиқий таълим, спорт ва жисмоний тарбия соҳасидаги таълим йўналишларига иқтидорли ёшлар ўрнига, ушбу соҳаларда етарли иқтидорга эга бўлмаган ёшлар тест синовлари орқали ўқишга қабул қилинмоқда.
Республика олий таълим муассасаларига кириш учун тест синовларини ўтказишнинг моддий-техник таъминоти билан боғлиқ масалаларни ҳам бутунлай қайтадан кўриб чиқиш тақозо этилмоқда. Зеро, бугунги кунда тест синовлари натижалари 2000 йилда харид қилинган 4 та оптик сканер орқали чиқарилиши, тест материалларини чоп этишга мўлжалланган офис техникаси (принтер ва компьютерлар) маънавий ва жисмоний жиҳатдан эскириб кетганлиги оқибатида тест синовлари натижалари қарийб 15 — 20 кунга чўзилиб эълон қилиниши бугунги кун талабларига жавоб бермайди.
Мамлакатимизда кадрлар тайёрлаш тизимини янада такомиллаштириш, иқтисодиёт ва ижтимоий соҳа тармоқларини юқори малакали мутахассислар билан таъминлаш учун олий таълим муассасаларининг бакалавриатига қабул қилиш бўйича ўтказиладиган кириш тест синовларини такомиллаштириш, унинг адолатли, холис ва шаффоф ўтказилишини ташкил этиш мақсадида:
1. Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Иқтисодиёт вазирлиги, Молия вазирлиги ва Ўзбекистон Республикаси Вазирлар Маҳкамаси ҳузуридаги Давлат тест маркази (кейинги ўринларда Давлат тест маркази деб аталади) нинг олий таълим муассасалари бакалавриатига ўқишга қабул қилиш (кейинги ўринларда олий таълим муассасасига қабул қилиш деб аталади) бўйича кириш тест синовларини ўтказиш тизимини такомиллаштириш юзасидан қуйидагиларни назарда тутувчи таклифлари маъқуллансин:
2018/2019 ўқув йилидан бошлаб олий таълим муассасасига қабул қилиш бўйича кириш тест синовларини июль-август ойларида бўлган даврда ўтказиш;
абитуриентнинг тест синовидан тўплаган баллари ҳақидаги маълумотни тест синови ўтказилган куннинг эртасига, унинг талабаликка тавсия этилгани ёки этилмагани бўйича белгиланган тартибда тасдиқланган танлов натижасини тест синовларини ўтказиш жараёни тўлиқ якунлангандан кейин бир ҳафта муддат ичида Давлат тест марказининг расмий веб-сайтида эълон қилиш;
2. Олий таълим, фан ва инновациялар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳамда тасарруфида олий таълим муассасалари бўлган вазирликлар ва идоралар 2018/2019 ўқув йилидан бошлаб, олий таълим муассасасига ўқишга қабул қилиш бўйича кириш тест синовлари Тошкент шаҳрида «Ўзэкспомарказ» Миллий кўргазмалар мажмуаси павильонлари ҳамда унинг ҳудудида ўрнатиладиган қўшимча йиғма павильонларда, шунингдек, катта сиғимдаги бошқа биноларда ёки бошқа ташкилотларнинг катта сиғимдаги биноларида ўтказилишини, тест жараёнининг максимал даражада ошкора ва шаффофлигини таъминлаб, видеокузатувлар орқали жамоатчилик, шу жумладан абитуриентлар ота-оналарининг кириш тест синовларини онлайн режимида кузатиб боришларига имконият яратилишини таъминласинлар.
3. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари:
тест синовлари ўтказиладиган бино ва павильонларни зарур мебеллар (стол, стул, доска ва бошқа зарур воситалар) билан жиҳозланишини;
Билим ва малакаларни баҳолаш агентлигининг ҳудудий вакиллари учун зарур моддий-техник воситалар билан тўлиқ жиҳозланган алоҳида хона ажратилишини;
Ўзбекистон Республикаси Рақамли технологиялар вазирлиги билан биргаликда катта сиғимдаги биноларни тест синови жараёнини видеокузатувлар орқали онлайн тизимида кўрсатиб ўтказиш учун зарур моддий-техник воситалар билан тўлиқ жиҳозланишини таъминласинлар.
4. Ўзбекистон Республикаси Иқтисодиёт ва молия вазирлиги:
тест материалларини тайёрлаш ва тест синовлари натижалари ўз вақтида эълон қилинишини таъминлаш мақсадида Олий таълим, фан ва инновациялар вазирлигига замонавий моддий-техник воситалар ва жиҳозлар харид қилиш учун 2018 йилдан бошлаб Ўзбекистон Республикаси Давлат бюджетидан зарур маблағлар ажратилишини назарда тутсин;
Давлат тест марказининг бюджетдан ташқари маблағлари ҳисобига бир ой муддатда Давлат тест маркази ҳузурида Давлат тест маркази фаолиятини ривожлантириш жамғармасини ташкил этсин.
5. Давлат тест маркази Ўзбекистон Республикаси Молия вазирлиги билан биргаликда Ўзбекистон Республикаси Давлат тест маркази ҳузуридаги Давлат тест маркази фаолиятини ривожлантириш жамғармаси тўғрисидаги Низомни бир ой муддатда ишлаб чиқсин ва унинг Ўзбекистон Республикаси Адлия вазирлигида давлат рўйхатидан ўтказилишини таъминласин.
7. Давлат тест маркази Ўзбекистон Республикаси Олий ва ўрта махсус таълим вазирлиги, Халқ таълими вазирлиги ҳамда Адлия вазирлиги билан биргаликда тест синовларини ўтказиш жараёни иштирокчиларининг масъулиятини янада ошириш ва уларнинг жавобгарлигини белгилаш бўйича қонунчиликка тегишли ўзгартириш ва қўшимчалар киритиш юзасидан бир ой муддатда Ўзбекистон Республикаси Вазирлар Маҳкамасига таклиф киритсин.
8. Ўзбекистон Республикаси Вазирлар Маҳкамаси мазкур қарорда белгиланган вазифалардан келиб чиққан ҳолда Давлат тест марказининг ходимларнинг чекланган сони 150 нафар бўлган янгиланган тузилмасини тасдиқлаш ва унинг фаолиятини янада такомиллаштириш тўғрисидаги Ҳукумат қарорини бир ой муддатда қабул қилсин.
9. Давлат тест маркази манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда Вазирлар Маҳкамасига таклиф киритсин.
10. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг Давлат маслаҳатчиси А.Н. Юнусходжаев ва Ўзбекистон Республикаси Вазирлар Маҳкамаси ҳузуридаги Давлат тест маркази директори М.М. Каримов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 16 ноябрь,
ПҚ-3389-сон
Oʻzbekiston Respublikasi Prezidentining
Qarori
Respublika oliy taʼlim muassasalari bakalavriatiga kirish test sinovlarini oʻtkazish tartibini takomillashtirish toʻgʻrisida
Respublika oliy taʼlim muassasalarida oʻquv jarayonlarini takomillashtirish, yoshlarga zamonaviy talablar asosida taʼlim berish bugungi kunning asosiy masalalaridan biridir. Bu borada oliy taʼlim muassasalariga kirish test sinovlarini adolatli, xolis va shaffof oʻtkazish orqali puxta bilimli yoshlarning oʻqishga qabul qilinishini taʼminlash muhim ahamiyat kasb etadi.
Lekin bugungi kunda test sinovlari orqali oliy taʼlim muassasalari bakalavriatiga talabalarni qabul qilishda bir qator kamchiliklar mavjud. Jumladan, keyingi yillarda test sinovlarini oʻtkazish tartib-qoidalari, test sinovlari natijalarini eʼlon qilish va uni takomillashtirish borasidagi olib borilayotgan ishlar bugungi kun talablariga toʻliq javob bera olmayapti. Bu hol manfaatdor jamoatchilikning, ayniqsa, ota-onalarning test sinovlarini oʻtkazish jarayonlariga haqli ravishdagi eʼtirozlarini keltirib chiqarmoqda va har yili ularning ushbu masala yuzasidan qariyb 4 mingdan ziyod asosli murojaatlari kelib tushmoqda.
Taʼkidlash joizki, kirish test sinovlari topshiriqlari va uni oʻtkazish talablari qobiliyatli yoshlarni oliy taʼlimga qabul qilish mezonlariga toʻla javob bermaydi. Ayniqsa, ijodkorlik va individual mahoratni talab etadigan madaniyat, sanʼat, dizayn, tasviriy va amaliy sanʼat, sanʼatshunoslik, musiqiy taʼlim, sport va jismoniy tarbiya sohasidagi taʼlim yoʻnalishlariga iqtidorli yoshlar oʻrniga, ushbu sohalarda yetarli iqtidorga ega boʻlmagan yoshlar test sinovlari orqali oʻqishga qabul qilinmoqda.
Respublika oliy taʼlim muassasalariga kirish uchun test sinovlarini oʻtkazishning moddiy-texnik taʼminoti bilan bogʻliq masalalarni ham butunlay qaytadan koʻrib chiqish taqozo etilmoqda. Zero, bugungi kunda test sinovlari natijalari 2000-yilda xarid qilingan 4 ta optik skaner orqali chiqarilishi, test materiallarini chop etishga moʻljallangan ofis texnikasi (printer va kompyuterlar) maʼnaviy va jismoniy jihatdan eskirib ketganligi oqibatida test sinovlari natijalari qariyb 15 — 20 kunga choʻzilib eʼlon qilinishi bugungi kun talablariga javob bermaydi.
Mamlakatimizda kadrlar tayyorlash tizimini yanada takomillashtirish, iqtisodiyot va ijtimoiy soha tarmoqlarini yuqori malakali mutaxassislar bilan taʼminlash uchun oliy taʼlim muassasalarining bakalavriatiga qabul qilish boʻyicha oʻtkaziladigan kirish test sinovlarini takomillashtirish, uning adolatli, xolis va shaffof oʻtkazilishini tashkil etish maqsadida:
1. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Iqtisodiyot vazirligi, Moliya vazirligi va Oʻzbekiston Respublikasi Vazirlar Mahkamasi huzuridagi Davlat test markazi (keyingi oʻrinlarda Davlat test markazi deb ataladi) ning oliy taʼlim muassasalari bakalavriatiga oʻqishga qabul qilish (keyingi oʻrinlarda oliy taʼlim muassasasiga qabul qilish deb ataladi) boʻyicha kirish test sinovlarini oʻtkazish tizimini takomillashtirish yuzasidan quyidagilarni nazarda tutuvchi takliflari maʼqullansin:
2018/2019 oʻquv yilidan boshlab oliy taʼlim muassasasiga qabul qilish boʻyicha kirish test sinovlarini iyul-avgust oylarida boʻlgan davrda oʻtkazish;
abituriyentning test sinovidan toʻplagan ballari haqidagi maʼlumotni test sinovi oʻtkazilgan kunning ertasiga, uning talabalikka tavsiya etilgani yoki etilmagani boʻyicha belgilangan tartibda tasdiqlangan tanlov natijasini test sinovlarini oʻtkazish jarayoni toʻliq yakunlangandan keyin bir hafta muddat ichida Davlat test markazining rasmiy veb-saytida eʼlon qilish;
2. Oliy taʼlim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda tasarrufida oliy taʼlim muassasalari boʻlgan vazirliklar va idoralar 2018/2019 oʻquv yilidan boshlab, oliy taʼlim muassasasiga oʻqishga qabul qilish boʻyicha kirish test sinovlari Toshkent shahrida “Oʻzekspomarkaz” Milliy koʻrgazmalar majmuasi pavilyonlari hamda uning hududida oʻrnatiladigan qoʻshimcha yigʻma pavilyonlarda, shuningdek, katta sigʻimdagi boshqa binolarda yoki boshqa tashkilotlarning katta sigʻimdagi binolarida oʻtkazilishini, test jarayonining maksimal darajada oshkora va shaffofligini taʼminlab, videokuzatuvlar orqali jamoatchilik, shu jumladan abituriyentlar ota-onalarining kirish test sinovlarini onlayn rejimida kuzatib borishlariga imkoniyat yaratilishini taʼminlasinlar.
3. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:
test sinovlari oʻtkaziladigan bino va pavilyonlarni zarur mebellar (stol, stul, doska va boshqa zarur vositalar) bilan jihozlanishini;
Bilim va malakalarni baholash agentligining hududiy vakillari uchun zarur moddiy-texnik vositalar bilan toʻliq jihozlangan alohida xona ajratilishini;
Oʻzbekiston Respublikasi Raqamli texnologiyalar vazirligi bilan birgalikda katta sigʻimdagi binolarni test sinovi jarayonini videokuzatuvlar orqali onlayn tizimida koʻrsatib oʻtkazish uchun zarur moddiy-texnik vositalar bilan toʻliq jihozlanishini taʼminlasinlar.
4. Oʻzbekiston Respublikasi Iqtisodiyot va moliya vazirligi:
test materiallarini tayyorlash va test sinovlari natijalari oʻz vaqtida eʼlon qilinishini taʼminlash maqsadida Oliy taʼlim, fan va innovatsiyalar vazirligiga zamonaviy moddiy-texnik vositalar va jihozlar xarid qilish uchun 2018-yildan boshlab Oʻzbekiston Respublikasi Davlat budjetidan zarur mablagʻlar ajratilishini nazarda tutsin;
Davlat test markazining budjetdan tashqari mablagʻlari hisobiga bir oy muddatda Davlat test markazi huzurida Davlat test markazi faoliyatini rivojlantirish jamgʻarmasini tashkil etsin.
5. Davlat test markazi Oʻzbekiston Respublikasi Moliya vazirligi bilan birgalikda Oʻzbekiston Respublikasi Davlat test markazi huzuridagi Davlat test markazi faoliyatini rivojlantirish jamgʻarmasi toʻgʻrisidagi Nizomni bir oy muddatda ishlab chiqsin va uning Oʻzbekiston Respublikasi Adliya vazirligida davlat roʻyxatidan oʻtkazilishini taʼminlasin.
7. Davlat test markazi Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi hamda Adliya vazirligi bilan birgalikda test sinovlarini oʻtkazish jarayoni ishtirokchilarining masʼuliyatini yanada oshirish va ularning javobgarligini belgilash boʻyicha qonunchilikka tegishli oʻzgartirish va qoʻshimchalar kiritish yuzasidan bir oy muddatda Oʻzbekiston Respublikasi Vazirlar Mahkamasiga taklif kiritsin.
8. Oʻzbekiston Respublikasi Vazirlar Mahkamasi mazkur qarorda belgilangan vazifalardan kelib chiqqan holda Davlat test markazining xodimlarning cheklangan soni 150 nafar boʻlgan yangilangan tuzilmasini tasdiqlash va uning faoliyatini yanada takomillashtirish toʻgʻrisidagi Hukumat qarorini bir oy muddatda qabul qilsin.
9. Davlat test markazi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Vazirlar Mahkamasiga taklif kiritsin.
10. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi A.N. Yunusxodjayev va Oʻzbekiston Respublikasi Vazirlar Mahkamasi huzuridagi Davlat test markazi direktori M.M. Karimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 16-noyabr,
PQ-3389-son
Президента Республики Узбекистан
Постановление
О совершенствовании порядка проведения вступительных тестовых испытаний в бакалавриат высших образовательных учреждений республики
Совершенствование процесса обучения в высших образовательных учреждениях республики на основе современных требований является одним из основных вопросов сегодняшнего дня. В связи с этим важное значение приобретает обеспечение приема в высшие образовательные учреждения посредством справедливого, объективного и прозрачного проведения вступительных тестовых испытаний.
Однако в настоящее время при приеме в бакалавриат высших образовательных учреждений посредством тестовых испытаний имеется ряд недостатков. В частности, в последнее время правила и порядок проведения тестовых испытаний, объявление их результатов и осуществляемые работы по усовершенствованию не полностью отвечают требованиям сегодняшнего дня. Это вызывает нарекания по поводу процесса проведения тестовых испытаний у заинтересованной общественности, особенно у родителей, от которых каждый год поступает более 4 тысяч обращений по данному вопросу.
Следует отметить, что задания вступительных тестовых испытаний и требования к их проведению не отвечают в достаточной степени критериям приема талантливой молодежи в высшие образовательные учреждения. Нередко вместо одаренной молодежи на направления образования, требующие творческих способностей, в таких сферах, как культура, искусство, дизайн, изобразительное и прикладное искусство, искусствоведение, музыкальное образование, спорт и физическое воспитание, через тестовые испытания проходят молодые люди, недостаточно одаренные в данных сферах.
Требуется кардинально пересмотреть вопросы, связанные с материально-техническим обеспечением проведения тестовых испытаний для поступления в высшие образовательные учреждения республики. В настоящее время итоги тестовых испытаний печатаются на 4 оптических сканерах, приобретенных еще в 2000 году, и из-за физического и морального износа офисной техники (принтеров и компьютеров), предназначенной для издания тестовых материалов, объявление результатов тестовых испытаний затягивается почти на 15 — 20 дней, что не отвечает требованиям сегодняшнего дня.
В целях дальнейшего усовершенствования системы подготовки кадров, обеспечения отраслей экономики и социальной сферы страны высококвалифицированными специалистами, совершенствования проведения вступительных тестовых испытаний по приему в бакалавриат высших образовательных учреждений, организации проведения их на основе принципов справедливости, объективности и прозрачности:
1. Одобрить предложения Министерства высшего и среднего специального образования, Министерства народного образования, Министерства экономики, Министерства финансов Республики Узбекистан, Государственного центра тестирования при Кабинете Министров Республики Узбекистан (далее — Государственный центр тестирования) по совершенствованию системы проведения вступительных тестовых испытаний по приему в бакалавриат высших образовательных учреждений (далее — прием в высшее образовательное учреждение), предусматривающие:
проведение вступительных тестовых испытаний по приему в высшие образовательные учреждения, начиная с 2018/2019 учебного года, в период в июле-августе;
опубликование на официальном веб-сайте Государственного центра тестирования сведений о баллах, набранных абитуриентом в тестовых испытаниях, осуществляется на следующий день после их проведения, а утвержденных в установленном порядке результатах конкурса о его рекомендации либо отказе в рекомендации для зачисления в состав студентов — в недельный срок после полного завершения процесса проведения тестовых испытаний;
2. Министерству высшего образования, науки и инноваций, Совету Министров Республики Каракалпакстан, хокимиятам областей и города Ташкента, а также министерствам и ведомствам, имеющим в ведении высшие образовательные учреждения, начиная с 2018/2019 учебного года, обеспечить проведение вступительных тестовых испытаний по приему в высшие образовательные учреждения в стационарных и дополнительно сборных павильонах Национального выставочного комплекса «Узэкспомарказ», а также в зданиях других организаций с большой вместимостью, на основе максимальной открытости и прозрачности процесса тестирования, а также создания возможности видеонаблюдения представителями общественности, в том числе родителями абитуриентов, за процессом вступительных тестовых испытаний в режиме онлайн.
3. Совету Министров Республики Каракалпакстан, хокимиятам областей и города Ташкента обеспечить:
оснащение необходимой мебелью зданий и павильонов для проведения тестовых испытаний (столы, стулья, доски и другие необходимые средства);
выделение для региональных представителей Агентства по оценке знаний и квалификаций отдельных помещений, полностью оснащенных необходимыми материально-техническими средствами;
совместно с Министерством цифровых технологий Республики Узбекистан полное оснащение необходимыми материально-техническими средствами для видеонаблюдения в режиме онлайн за процессом тестовых испытаний в зданиях с большой вместимостью.
4. Министерству экономики и финансов Республики Узбекистан:
для обеспечения своевременной подготовки тестовых материалов и оперативного объявления результатов тестовых испытаний предусмотреть выделение, начиная с 2018 года, из Государственного бюджета Республики Узбекистан необходимых средств на приобретение современных материально-технических средств и оборудования для Министерства высшего образования, науки и инноваций;
образовать в месячный срок Фонд развития деятельности Государственного центра тестирования при Государственном центре тестирования за счет внебюджетных средств Государственного центра тестирования.
5. Государственному центру тестирования совместно с Министерством финансов Республики Узбекистан в месячный срок разработать Положение о Фонде развития деятельности Государственного центра тестирования при Государственном центре тестирования Республики Узбекистан и обеспечить его государственную регистрацию в Министерстве юстиции Республики Узбекистан.
7. Государственному центру тестирования совместно с Министерством высшего и среднего специального образования, Министерством народного образования и Министерством юстиции Республики Узбекистан внести в месячный срок в Кабинет Министров Республики Узбекистан предложения по изменениям и дополнениям в соответствующие законодательные акты, предусматривающим дальнейшее повышение ответственности участников процесса проведения тестовых испытаний и устанавливающим их компетенцию.
8. Кабинету Министров Республики Узбекистан исходя из задач, определенных настоящим постановлением, принять в месячный срок постановление правительства о мерах по совершенствованию деятельности Государственного центра тестирования и утвердить обновленную структуру с предельной численностью работников в количестве 150 штатных единиц.
9. Государственному центру тестирования совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением данного постановления возложить на Премьер-министра Республики Узбекистан А. Н. Арипова, Государственного советника Президента Республики Узбекистан А. Н. Юнусходжаева и директора Государственного центра тестирования при Кабинете Министров Республики Узбекистан М. М. Каримова
Президент Республики Узбекистан Ш. МИРЗИЁЕВ
г. Ташкент,
16 ноября 2017 г.,
№ ПП-3389