📅 2017-yil 16-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 16 ноября 2017 г. · Указы Президента
Официальный текст. Официальный документ. Редакционные примечания не включены.
📅 16 November 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида
Мамлакат иқтисодиётини жадал ривожлантириш борасида амалга оширилаётган ислоҳотлар ва аҳоли сонининг ўсиб бориши ичимлик сувига юқори талабни, ундан оқилона фойдаланиш заруратини, шунингдек, республиканинг сув ресурслари чекланган шароитда замонавий сув тежамкор технологияларни жорий этишни тақозо қилади.
Шу билан бирга, тўпланиб қолган тизимли муаммо ва камчиликлар дебитор қарздорликни камайтиришга, тўлов интизомини мустаҳкамлашга ва тармоқнинг янада ривожланишига тўсиқ бўлмоқда. Жумладан:
биринчидан, сувни ишлаб чиқариш, етказиб бериш, сарфлаш ва истеъмол қилишни ҳисобга олиш тизимининг амалда мавжуд эмаслиги, оқибатда унинг етказиб берилиши, тўловлар ўтказилиши ва ўзаро ҳисоб-китоблар ҳолати ҳақидаги маълумотларнинг ишончлилиги таъминланмаяпти;
иккинчидан, водопровод-канализация хўжалиги ташкилотлари томонидан, жумладан менежмент ва дебитор қарздорлик ундирувини ташкил этиш масалаларининг самарасиз бошқарилиши тармоқнинг тўлиқ зарар билан ишлашига олиб келмоқда;
учинчидан, водопровод ва канализация тармоқлари, сув таъминоти объектларининг эскирганлиги, кўпчилигидан қирқ йилдан ортиқ фойдаланилиши, шунингдек, уларни янгилаш ва модернизация қилиш суръатининг пастлиги, айниқса, жойларда кўплаб исрофгарчилик ва аварияларга, сувни етказишда катта йўқотиш ҳамда узилишларга олиб келмоқда;
тўртинчидан, водопровод-канализация хўжалиги ташкилотларининг электр энергияси учун қарздорлиги юқори даражада;
бешинчидан, водопровод-канализация хўжалиги ташкилотлари ходимларининг касбга тайёргарлик даражаси паст, малакали кадрлар тизимдан чиқиб кетган, ушбу соҳадаги ходимлар томонидан ҳуқуқбузарлик содир этиш ҳолатлари мавжуд.
Мавжуд муаммоларни ҳал қилиш бўйича таъсирчан чораларнинг кўрилмаслиги аҳолини сув билан барқарор таъминлаш масаласини хавф остига қўяди, сув ресурсларидан ўта нооқилона фойдаланилишига олиб келади ва замонавий сув тежамкор технологияларни жорий этишга тўсқинлик қилади.
Сув таъминоти ва сув чиқариш хизмати кўрсатиш соҳасида бошқарув тизимини, назорат ва ҳисобга олиш механизмларини тубдан такомиллаштириш, тўлов интизомини мустаҳкамлаш мақсадида:
4. 2018 йил 1 январдан бошлаб қуйидаги тартиб жорий этилсин, унга мувофиқ:
барча гуруҳ истеъмолчиларига сув таъминоти ва сув чиқариш хизмати кўрсатиш 100 фоизлик олдиндан ҳақ тўлаш асосида амалга оширилади. Олдиндан ҳақ тўланмаган ҳолларда, мазкур истеъмолчиларга нисбатан белгиланган тартибда сув таъминоти ва сув чиқариш тизимидан тўлиқ узишгача бўлган чоралар кўрилади;
сув таъминоти ва сув чиқариш тизимидан илгари узиб қўйилган шахсларни қайта улашда I гуруҳ истеъмолчиларидан базавий ҳисоблаш миқдорининг икки баравари миқдорида, II ва III гуруҳ истеъмолчиларидан базавий ҳисоблаш миқдорининг ўн баравари миқдорида тўлов қайта улашни амалга оширган ташкилот ҳисобига маблағларни ўтказиш орқали ундирилади;
истеъмолчи сув истеъмолини ҳисобга олиш ускуналарининг лозим даражада эксплуатация қилиниши ва созлиги учун жавобгар бўлади.
5. Ўзбекистон Республикаси Уй-жой коммунал хизмат кўрсатиш вазирлиги:
2017 йил 1 декабрга қадар муддатда туман (шаҳар)лар кесимида 2017 йил 1 ноябрь ҳолатига сув таъминоти ва сув чиқариш хизматидан қарздорлиги мавжуд бўлган истеъмолчиларнинг шахсий рўйхатини, шу жумладан истеъмолчи — юридик шахслар билан қарздорликни таққослаш бўйича мавжуд далолатномаларни Бюрога тақдим этсин;
2017 йил 1 декабрга қадар муддатда Ўзбекистон Республикаси Марказий банки билан биргаликда тушумларнинг ҳаққоний ҳисобини юритиш ва пул маблағларининг ҳаракатини Бюро томонидан мониторинг қилишни таъминловчи, сув таъминоти ва сув чиқариш хизматидан тушган маблағларни ягона банк ҳисобрақамларида жамлаш тизимини жорий этсин;
икки ой муддатда тегишли функцияларнинг Бюрога ўтказилишини ҳисобга олган ҳолда «Сувоқова» ва «Сувсоз» давлат унитар корхоналарининг назоратчи штат бирликлари қисқартирилишини таъминласин;
бир ҳафта муддатда Ўзбекистон Республикаси Молия вазирлиги ва Бюро билан биргаликда Бюро томонидан сув истеъмолчиларидан ундириладиган пул маблағларидан Мажбурий ижро бюросини ривожлантириш жамғармасига ўтказиладиган ажратмалар миқдорларини назарда тутувчи Ҳукумат қарори лойиҳасини Вазирлар Маҳкамасига киритсин;
2017 йил 10 декабрга қадар муддатда Истеъмолчиларга сув таъминоти ва сув чиқариш хизматлари кўрсатиш қоидаларига ушбу Фармон талабларини инобатга олган ҳолда ўзгартиш ва қўшимчалар киритиш бўйича Ўзбекистон Республикаси Вазирлар Маҳкамасига таклифлар киритсин;
бир ой муддатда Ўзбекистон Республикаси Иқтисодиёт вазирлиги, Молия вазирлиги, Адлия вазирлиги ва Вазирлар Маҳкамаси ҳузуридаги Ичимлик сувидан фойдаланишни назорат қилиш давлат инспекцияси билан биргаликда илғор хорижий тажрибани ўрганган ҳолда сувни ишлаб чиқариш, етказиб бериш ва тақсимлашда йўқотишларни аниқлаш тартибини тасдиқласин;
2018 йил 1 январга қадар муддатда Ўзбекистон Республикаси Ахборот технологиялари ва коммуникацияларини ривожлантириш вазирлиги, Молия вазирлиги, Инвестициялар бўйича давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда сувни ишлаб чиқариш, етказиб бериш ва тақсимлашни назорат қилиш ва ҳисобга олишнинг ягона автоматлаштирилган тизимини яратиш ҳамда жорий этишни, шу жумладан сув тақсимлаш тармоқларида ҳисобга олиш ускуналарини ўрнатишни назарда тутувчи комплекс чора-тадбирларни Вазирлар Маҳкамасига киритсин;
2018 йил 1 январга қадар муддатда Ўзбекистон Республикаси Вазирлар Маҳкамаси ҳузуридаги Ичимлик сувидан фойдаланишни назорат қилиш давлат инспекцияси, Ички ишлар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда сув таъминоти ва сув чиқариш тизими объектларини муҳофаза қилишни кучайтириш бўйича комплекс чора-тадбирларни Вазирлар Маҳкамасига киритсин;
2018 йил 1 апрелга қадар муддатда Ўзбекистон Республикаси Вазирлар Маҳкамаси ҳузуридаги Ичимлик сувидан фойдаланишни назорат қилиш давлат инспекцияси, Бюро, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда сув таъминоти ва сув чиқариш хизматларининг барча гуруҳ истеъмолчиларини инвентаризация қилсин, шунингдек, истеъмолчилар ҳақида ягона электрон маълумотлар базасини яратиш ва кўрсатилган хизматлар учун тўловларга тузатишлар киритиш билан бир вақтда сув таъминоти ва канализация тизими объектларини технологик аудитдан ўтказсин;
2019 йил 1 январга қадар муддатда Ўзбекистон Республикаси Ер ресурслари, геодезия, картография ва давлат кадастри давлат қўмитаси, Бюро, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда водопровод-канализация хўжалиги объектлари ва иншоотларига кадастр ҳужжатларини расмийлаштирган ҳолда уларни инвентаризациядан ўтказсин.
6. Ўзбекистон Республикаси Молия вазирлиги Уй-жой коммунал хизмат кўрсатиш вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда:
бир ой муддатда водопровод-канализация хўжалиги ташкилотларининг рентабеллигини таъминловчи қулай тарифларни белгилаш механизмларини назарда тутган ҳолда Сув таъминоти ва сув чиқариш хизматлари учун тарифларни белгилаш тартиби тўғрисидаги низомни тасдиқласин;
2018 йил 1 январдан бошлаб сув таъминоти ва сув чиқариш хизматлари учун янгиланган тарифларни жорий қилишни таъминласин.
7. Ўзбекистон Республикаси Вазирлар Маҳкамаси икки ой муддатда Сув истеъмолчилари — бюджет ташкилотларини замонавий сув истеъмолини ҳисобга олиш ускуналари билан босқичма-босқич жиҳозлаш бўйича чора-тадбирлар дастурини тасдиқласин.
8. Ўзбекистон Республикаси Сув хўжалиги вазирлиги хўжалик-ичимлик сув таъминотини таъминлаш учун ер усти сувлари чиқарилишининг ўз вақтида амалга оширилиши устидан назоратни таъминласин.
9. Ўзбекистон Республикаси Бош прокуратураси бир ой муддатда мазкур Фармон талабларини ҳисобга олган ҳолда Ўзбекистон Республикаси Бош прокуратураси ҳузуридаги Мажбурий ижро бюросининг ташкилий-штат тузилмаси ва Низомига ўзгартиш ва қўшимчалар бўйича таклифларни киритсин.
10. Бюро ва Ўзбекистон Республикаси Уй-жой коммунал хизмат кўрсатиш вазирлиги бир ой муддатда:
Ўзбекистон Республикаси Бош прокуратураси ҳузуридаги Мажбурий ижро бюросининг водопровод-канализация хўжалиги ташкилотлари билан ўзаро ҳамкорлик қилиш тартиби тўғрисидаги низом;
Истеъмолчиларни сув қувурлари, водопровод ва канализация тармоқларидан узиб қўйиш тартиби тўғрисидаги низом лойиҳаларини Вазирлар Маҳкамасига киритсин.
11. Ўзбекистон Республикаси Ҳисоб палатаси Молия вазирлигининг Давлат молия назорати бош бошқармаси, Инвестициялар бўйича давлат қўмитаси, Марказий банк ва бошқа манфаатдор идоралар билан биргаликда икки ой муддатда водопровод-канализация хўжалиги ташкилотлари фаолиятини:
бошқарув ва назорат тизимининг самарадорлиги, ташкилий-штат тузилмаси ҳамда ходимлар сонининг асослилигига;
сувни ишлаб чиқариш, етказиб бериш ҳамда хавфсизлиги ва сифатини таъминлаш бўйича амалдаги техник регламентларга;
амалдаги ишлаб чиқариш-техника инфратузилмаси ва қувватларининг ҳолатига;
сув водопровод-канализация хўжалиги ташкилотларининг рентабеллиги, замонавий сув ва энергия тежамкор технологияларни жорий этиш даражасига;
сув таъминоти ва сув чиқариш хизматлари учун нарх-навони шакллантириш ва тарифларнинг асослилиги, ўзаро ҳисоб-китобларнинг ҳолатига;
сув таъминоти ва сув чиқариш хизматлари кўрсатишдан келиб тушадиган пул маблағларидан мақсадли фойдаланилганлигига;
дастурлар, инвестиция ва бошқа лойиҳаларни рўёбга чиқариш ҳолати, амалга оширилаётган молиявий қўйилмалар ва жалб этилаётган, биринчи навбатда, хорижий инвестицияларнинг самарадорлигига;
кредит маблағларидан мақсадли фойдаланилишига;
молия-хўжалик фаолияти натижалари, дебитор ва кредитор қарздорлик ҳолати, уларни камайтириш бўйича кўрилаётган чораларга алоҳида эътибор қаратган ҳолда танқидий ўргансин.
Ўрганиш натижалари бўйича 2018 йил 10 январга қадар муддатда сув таъминоти ва сув чиқаришни бошқариш тизимини тубдан такомиллаштириш юзасидан норматив-ҳуқуқий ҳужжатлар лойиҳаларини Ўзбекистон Республикаси Президенти девонига киритсин.
12. Ўзбекистон Республикаси Халқ таълими вазирлиги, Олий ва ўрта махсус таълим вазирлиги ёш авлодда сувга нисбатан тежамкорона муносабатда бўлиш ва ундан оқилона фойдаланиш маданиятини шакллантиришга қаратилган комплекс чора-тадбирлар кўрсин.
13. Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Республикаси Уй-жой коммунал хизмат кўрсатиш вазирлиги, Бош прокуратураси бошқа манфаатдор вазирлик ва идоралар билан биргаликда мазкур Фармоннинг мазмун-моҳияти, шу жумладан сув таъминоти ва сув чиқариш хизматлари учун тўловларни ўз вақтида тўлаш зарурлиги, шунингдек, ушбу соҳадаги ҳуқуқбузарликлар учун жавобгарлик чоралари оммавий ахборот воситаларида кенг ёритилишини ташкил этсин.
14. Ўзбекистон Республикаси Адлия вазирлиги Уй-жой коммунал хизмат кўрсатиш вазирлиги, Бюро ва бошқа манфаатдор идоралар билан биргаликда бир ой муддатда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисидаги таклифларни Вазирлар Маҳкамасига киритсин.
15. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 16 ноябрь,
ПФ-5241-сон
Oʻzbekiston Respublikasi Prezidentining
Farmoni
Suv taʼminoti va suv chiqarish xizmati koʻrsatish sohasida toʻlov intizomini tubdan takomillashtirish chora-tadbirlari toʻgʻrisida
Mamlakat iqtisodiyotini jadal rivojlantirish borasida amalga oshirilayotgan islohotlar va aholi sonining oʻsib borishi ichimlik suviga yuqori talabni, undan oqilona foydalanish zaruratini, shuningdek, respublikaning suv resurslari cheklangan sharoitda zamonaviy suv tejamkor texnologiyalarni joriy etishni taqozo qiladi.
Shu bilan birga, toʻplanib qolgan tizimli muammo va kamchiliklar debitor qarzdorlikni kamaytirishga, toʻlov intizomini mustahkamlashga va tarmoqning yanada rivojlanishiga toʻsiq boʻlmoqda. Jumladan:
birinchidan, suvni ishlab chiqarish, yetkazib berish, sarflash va isteʼmol qilishni hisobga olish tizimining amalda mavjud emasligi, oqibatda uning yetkazib berilishi, toʻlovlar oʻtkazilishi va oʻzaro hisob-kitoblar holati haqidagi maʼlumotlarning ishonchliligi taʼminlanmayapti;
ikkinchidan, vodoprovod-kanalizatsiya xoʻjaligi tashkilotlari tomonidan, jumladan menejment va debitor qarzdorlik undiruvini tashkil etish masalalarining samarasiz boshqarilishi tarmoqning toʻliq zarar bilan ishlashiga olib kelmoqda;
uchinchidan, vodoprovod va kanalizatsiya tarmoqlari, suv taʼminoti obyektlarining eskirganligi, koʻpchiligidan qirq yildan ortiq foydalanilishi, shuningdek, ularni yangilash va modernizatsiya qilish surʼatining pastligi, ayniqsa, joylarda koʻplab isrofgarchilik va avariyalarga, suvni yetkazishda katta yoʻqotish hamda uzilishlarga olib kelmoqda;
toʻrtinchidan, vodoprovod-kanalizatsiya xoʻjaligi tashkilotlarining elektr energiyasi uchun qarzdorligi yuqori darajada;
beshinchidan, vodoprovod-kanalizatsiya xoʻjaligi tashkilotlari xodimlarining kasbga tayyorgarlik darajasi past, malakali kadrlar tizimdan chiqib ketgan, ushbu sohadagi xodimlar tomonidan huquqbuzarlik sodir etish holatlari mavjud.
Mavjud muammolarni hal qilish boʻyicha taʼsirchan choralarning koʻrilmasligi aholini suv bilan barqaror taʼminlash masalasini xavf ostiga qoʻyadi, suv resurslaridan oʻta nooqilona foydalanilishiga olib keladi va zamonaviy suv tejamkor texnologiyalarni joriy etishga toʻsqinlik qiladi.
Suv taʼminoti va suv chiqarish xizmati koʻrsatish sohasida boshqaruv tizimini, nazorat va hisobga olish mexanizmlarini tubdan takomillashtirish, toʻlov intizomini mustahkamlash maqsadida:
4. 2018-yil 1-yanvardan boshlab quyidagi tartib joriy etilsin, unga muvofiq:
barcha guruh isteʼmolchilariga suv taʼminoti va suv chiqarish xizmati koʻrsatish 100 foizlik oldindan haq toʻlash asosida amalga oshiriladi. Oldindan haq toʻlanmagan hollarda, mazkur isteʼmolchilarga nisbatan belgilangan tartibda suv taʼminoti va suv chiqarish tizimidan toʻliq uzishgacha boʻlgan choralar koʻriladi;
suv taʼminoti va suv chiqarish tizimidan ilgari uzib qoʻyilgan shaxslarni qayta ulashda I guruh isteʼmolchilaridan bazaviy hisoblash miqdorining ikki baravari miqdorida, II va III guruh isteʼmolchilaridan bazaviy hisoblash miqdorining oʻn baravari miqdorida toʻlov qayta ulashni amalga oshirgan tashkilot hisobiga mablagʻlarni oʻtkazish orqali undiriladi;
isteʼmolchi suv isteʼmolini hisobga olish uskunalarining lozim darajada ekspluatatsiya qilinishi va sozligi uchun javobgar boʻladi.
5. Oʻzbekiston Respublikasi Uy-joy kommunal xizmat koʻrsatish vazirligi:
2017-yil 1-dekabrga qadar muddatda tuman (shahar)lar kesimida 2017-yil 1-noyabr holatiga suv taʼminoti va suv chiqarish xizmatidan qarzdorligi mavjud boʻlgan isteʼmolchilarning shaxsiy roʻyxatini, shu jumladan isteʼmolchi — yuridik shaxslar bilan qarzdorlikni taqqoslash boʻyicha mavjud dalolatnomalarni Byuroga taqdim etsin;
2017-yil 1-dekabrga qadar muddatda Oʻzbekiston Respublikasi Markaziy banki bilan birgalikda tushumlarning haqqoniy hisobini yuritish va pul mablagʻlarining harakatini Byuro tomonidan monitoring qilishni taʼminlovchi, suv taʼminoti va suv chiqarish xizmatidan tushgan mablagʻlarni yagona bank hisobraqamlarida jamlash tizimini joriy etsin;
ikki oy muddatda tegishli funksiyalarning Byuroga oʻtkazilishini hisobga olgan holda “Suvoqova” va “Suvsoz” davlat unitar korxonalarining nazoratchi shtat birliklari qisqartirilishini taʼminlasin;
bir hafta muddatda Oʻzbekiston Respublikasi Moliya vazirligi va Byuro bilan birgalikda Byuro tomonidan suv isteʼmolchilaridan undiriladigan pul mablagʻlaridan Majburiy ijro byurosini rivojlantirish jamgʻarmasiga oʻtkaziladigan ajratmalar miqdorlarini nazarda tutuvchi Hukumat qarori loyihasini Vazirlar Mahkamasiga kiritsin;
2017-yil 10-dekabrga qadar muddatda Isteʼmolchilarga suv taʼminoti va suv chiqarish xizmatlari koʻrsatish qoidalariga ushbu Farmon talablarini inobatga olgan holda oʻzgartish va qoʻshimchalar kiritish boʻyicha Oʻzbekiston Respublikasi Vazirlar Mahkamasiga takliflar kiritsin;
bir oy muddatda Oʻzbekiston Respublikasi Iqtisodiyot vazirligi, Moliya vazirligi, Adliya vazirligi va Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasi bilan birgalikda ilgʻor xorijiy tajribani oʻrgangan holda suvni ishlab chiqarish, yetkazib berish va taqsimlashda yoʻqotishlarni aniqlash tartibini tasdiqlasin;
2018-yil 1-yanvarga qadar muddatda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Moliya vazirligi, Investitsiyalar boʻyicha davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda suvni ishlab chiqarish, yetkazib berish va taqsimlashni nazorat qilish va hisobga olishning yagona avtomatlashtirilgan tizimini yaratish hamda joriy etishni, shu jumladan suv taqsimlash tarmoqlarida hisobga olish uskunalarini oʻrnatishni nazarda tutuvchi kompleks chora-tadbirlarni Vazirlar Mahkamasiga kiritsin;
2018-yil 1-yanvarga qadar muddatda Oʻzbekiston Respublikasi Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasi, Ichki ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda suv taʼminoti va suv chiqarish tizimi obyektlarini muhofaza qilishni kuchaytirish boʻyicha kompleks chora-tadbirlarni Vazirlar Mahkamasiga kiritsin;
2018-yil 1-aprelga qadar muddatda Oʻzbekiston Respublikasi Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasi, Byuro, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda suv taʼminoti va suv chiqarish xizmatlarining barcha guruh isteʼmolchilarini inventarizatsiya qilsin, shuningdek, isteʼmolchilar haqida yagona elektron maʼlumotlar bazasini yaratish va koʻrsatilgan xizmatlar uchun toʻlovlarga tuzatishlar kiritish bilan bir vaqtda suv taʼminoti va kanalizatsiya tizimi obyektlarini texnologik auditdan oʻtkazsin;
2019-yil 1-yanvarga qadar muddatda Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Byuro, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda vodoprovod-kanalizatsiya xoʻjaligi obyektlari va inshootlariga kadastr hujjatlarini rasmiylashtirgan holda ularni inventarizatsiyadan oʻtkazsin.
6. Oʻzbekiston Respublikasi Moliya vazirligi Uy-joy kommunal xizmat koʻrsatish vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda:
bir oy muddatda vodoprovod-kanalizatsiya xoʻjaligi tashkilotlarining rentabelligini taʼminlovchi qulay tariflarni belgilash mexanizmlarini nazarda tutgan holda Suv taʼminoti va suv chiqarish xizmatlari uchun tariflarni belgilash tartibi toʻgʻrisidagi nizomni tasdiqlasin;
2018-yil 1-yanvardan boshlab suv taʼminoti va suv chiqarish xizmatlari uchun yangilangan tariflarni joriy qilishni taʼminlasin.
7. Oʻzbekiston Respublikasi Vazirlar Mahkamasi ikki oy muddatda Suv isteʼmolchilari — budjet tashkilotlarini zamonaviy suv isteʼmolini hisobga olish uskunalari bilan bosqichma-bosqich jihozlash boʻyicha chora-tadbirlar dasturini tasdiqlasin.
8. Oʻzbekiston Respublikasi Suv xoʻjaligi vazirligi xoʻjalik-ichimlik suv taʼminotini taʼminlash uchun yer usti suvlari chiqarilishining oʻz vaqtida amalga oshirilishi ustidan nazoratni taʼminlasin.
9. Oʻzbekiston Respublikasi Bosh prokuraturasi bir oy muddatda mazkur Farmon talablarini hisobga olgan holda Oʻzbekiston Respublikasi Bosh prokuraturasi huzuridagi Majburiy ijro byurosining tashkiliy-shtat tuzilmasi va Nizomiga oʻzgartish va qoʻshimchalar boʻyicha takliflarni kiritsin.
10. Byuro va Oʻzbekiston Respublikasi Uy-joy kommunal xizmat koʻrsatish vazirligi bir oy muddatda:
Oʻzbekiston Respublikasi Bosh prokuraturasi huzuridagi Majburiy ijro byurosining vodoprovod-kanalizatsiya xoʻjaligi tashkilotlari bilan oʻzaro hamkorlik qilish tartibi toʻgʻrisidagi nizom;
Isteʼmolchilarni suv quvurlari, vodoprovod va kanalizatsiya tarmoqlaridan uzib qoʻyish tartibi toʻgʻrisidagi nizom loyihalarini Vazirlar Mahkamasiga kiritsin.
11. Oʻzbekiston Respublikasi Hisob palatasi Moliya vazirligining Davlat moliya nazorati bosh boshqarmasi, Investitsiyalar boʻyicha davlat qoʻmitasi, Markaziy bank va boshqa manfaatdor idoralar bilan birgalikda ikki oy muddatda vodoprovod-kanalizatsiya xoʻjaligi tashkilotlari faoliyatini:
boshqaruv va nazorat tizimining samaradorligi, tashkiliy-shtat tuzilmasi hamda xodimlar sonining asosliligiga;
suvni ishlab chiqarish, yetkazib berish hamda xavfsizligi va sifatini taʼminlash boʻyicha amaldagi texnik reglamentlarga;
amaldagi ishlab chiqarish-texnika infratuzilmasi va quvvatlarining holatiga;
suv vodoprovod-kanalizatsiya xoʻjaligi tashkilotlarining rentabelligi, zamonaviy suv va energiya tejamkor texnologiyalarni joriy etish darajasiga;
suv taʼminoti va suv chiqarish xizmatlari uchun narx-navoni shakllantirish va tariflarning asosliligi, oʻzaro hisob-kitoblarning holatiga;
suv taʼminoti va suv chiqarish xizmatlari koʻrsatishdan kelib tushadigan pul mablagʻlaridan maqsadli foydalanilganligiga;
dasturlar, investitsiya va boshqa loyihalarni roʻyobga chiqarish holati, amalga oshirilayotgan moliyaviy qoʻyilmalar va jalb etilayotgan, birinchi navbatda, xorijiy investitsiyalarning samaradorligiga;
kredit mablagʻlaridan maqsadli foydalanilishiga;
moliya-xoʻjalik faoliyati natijalari, debitor va kreditor qarzdorlik holati, ularni kamaytirish boʻyicha koʻrilayotgan choralarga alohida eʼtibor qaratgan holda tanqidiy oʻrgansin.
Oʻrganish natijalari boʻyicha 2018-yil 10-yanvarga qadar muddatda suv taʼminoti va suv chiqarishni boshqarish tizimini tubdan takomillashtirish yuzasidan normativ-huquqiy hujjatlar loyihalarini Oʻzbekiston Respublikasi Prezidenti devoniga kiritsin.
12. Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi yosh avlodda suvga nisbatan tejamkorona munosabatda boʻlish va undan oqilona foydalanish madaniyatini shakllantirishga qaratilgan kompleks chora-tadbirlar koʻrsin.
13. Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Respublikasi Uy-joy kommunal xizmat koʻrsatish vazirligi, Bosh prokuraturasi boshqa manfaatdor vazirlik va idoralar bilan birgalikda mazkur Farmonning mazmun-mohiyati, shu jumladan suv taʼminoti va suv chiqarish xizmatlari uchun toʻlovlarni oʻz vaqtida toʻlash zarurligi, shuningdek, ushbu sohadagi huquqbuzarliklar uchun javobgarlik choralari ommaviy axborot vositalarida keng yoritilishini tashkil etsin.
14. Oʻzbekiston Respublikasi Adliya vazirligi Uy-joy kommunal xizmat koʻrsatish vazirligi, Byuro va boshqa manfaatdor idoralar bilan birgalikda bir oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.
15. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 16-noyabr,
PF-5241-son
Президента Республики Узбекистан
Указ
О мерах по кардинальному совершенствованию платежной дисциплины в сфере оказания услуг водоснабжения и водоотведения
Проводимые реформы по ускоренному развитию экономики страны и рост населения обуславливают повышенный спрос на питьевую воду, необходимость ее рационального использования, а также внедрения современных водосберегающих технологий в условиях ограниченности водных ресурсов республики.
Вместе с тем накопившиеся системные проблемы и недостатки препятствуют сокращению дебиторской задолженности, укреплению платежной дисциплины и дальнейшему развитию отрасли. В их числе:
первое — фактическое отсутствие системы учета производства, транспортировки, расходования и потребления воды, вследствие чего не обеспечивается достоверность сведений о ее поставке, начислении платежей и состоянии взаиморасчетов;
второе — неэффективное управление организациями водопроводно-канализационного хозяйства, включая вопросы менеджмента и организации взыскания дебиторской задолженности, приведшее к полной убыточности отрасли;
третье — изношенность водопроводных и канализационных сетей, объектов водоснабжения, большинство из которых эксплуатируется свыше сорока лет, а также медленные темпы их обновления и модернизации приводят к многочисленным утечкам и авариям, большим потерям воды и перебоям в ее поставке, особенно на местах;
четвертое — высокий уровень задолженности организаций водопроводно-канализационного хозяйства за электрическую энергию;
пятое — низкий профессиональный уровень персонала организаций водопроводно-канализационного хозяйства, отток квалифицированных кадров, наличие фактов совершения правонарушений работниками данной сферы.
Непринятие действенных мер по решению имеющихся проблем ставит под угрозу вопросы стабильного обеспечения населения водой, приводит к крайне нерациональному использованию водных ресурсов и сдерживает внедрение современных водосберегающих технологий.
В целях дальнейшего совершенствования системы управления, механизмов контроля и учета, укрепления платежной дисциплины в сфере оказания услуг водоснабжения и водоотведения:
4. Ввести с 1 января 2018 года порядок, в соответствии с которым:
оказание услуг водоснабжения и водоотведения потребителям всех групп осуществляется на основе 100-процентной предоплаты. В случае неосуществления предоплаты, к данным потребителям применяются меры, вплоть до полного отключения от систем водоснабжения и водоотведения в установленном порядке;
при повторном подключении ранее отключенных от систем водоснабжения и водоотведения потребителей группы I взимается плата в размере двукратной базовой расчетной величины, потребителей групп II и III — десятикратной базовой расчетной величины с зачислением средств на счета организации, осуществившей повторное подключение;
потребитель несет ответственность за надлежащую эксплуатацию и исправность приборов учета потребления воды.
5. Министерству жилищно-коммунального обслуживания Республики Узбекистан:
в срок до 1 декабря 2017 года предоставить в Бюро персональный список всех потребителей, имеющих задолженность за услуги водоснабжения и водоотведения, в разрезе районов (городов), в том числе имеющиеся акты сверки задолженности с потребителями — юридическими лицами, по состоянию на 1 ноября 2017 года;
в срок до 1 декабря 2017 года совместно с Центральным банком Республики Узбекистан внедрить систему аккумулирования средств, поступающих от услуг водоснабжения и водоотведения, на единых банковских расчетных счетах, обеспечивающих ведение достоверного учета поступлений и осуществление Бюро мониторинга за движением денежных средств;
в двухмесячный срок обеспечить сокращение штатной численности контролеров государственных унитарных предприятий «Сувокава» и «Сувсоз» с учетом передачи соответствующих функций Бюро;
в недельный срок совместно с Министерством финансов и Бюро внести в Кабинет Министров Республики Узбекистан проект правительственного решения, предусматривающий размеры отчислений в Фонд развития Бюро принудительного исполнения от денежных средств, взыскиваемых Бюро с водопотребителей;
в срок до 10 декабря 2017 года внести в Кабинет Министров Республики Узбекистан предложения по внесению изменений и дополнений в Правила оказания услуг водоснабжения и водоотведения потребителям с учетом требований настоящего Указа;
в месячный срок совместно с Министерством экономики, Министерством финансов, Министерством юстиции и Государственной инспекцией по контролю за использованием питьевой воды при Кабинете Министров Республики Узбекистан с учетом изучения передового зарубежного опыта утвердить порядок определения потерь при производстве, транспортировке и распределении воды;
в срок до 1 января 2018 года совместно с Министерством по развитию информационных технологий и коммуникаций, Министерством финансов, Государственным комитетом по инвестициям, Советом Министров Республики Каракалпакстан, хокимиятами областей и г. Ташкента внести в Кабинет Министров Республики Узбекистан комплекс мер, предусматривающих создание и внедрение единой автоматизированной системы контроля и учета производства, транспортировки и распределения воды, в том числе установление приборов учета на узлах распределения воды;
в срок до 1 января 2018 года совместно с Государственной инспекцией по контролю за использованием питьевой воды при Кабинете Министров, Министерством внутренних дел Республики Узбекистан, Советом Министров Республики Каракалпакстан, хокимиятами областей и г. Ташкента внести в Кабинет Министров комплекс мер по усилению охраны объектов системы водоснабжения и водоотведения;
в срок до 1 апреля 2018 года совместно с Государственной инспекцией по контролю за использованием питьевой воды при Кабинете Министров Республики Узбекистан, Бюро, Советом Министров Республики Каракалпакстан, хокимиятами областей и г. Ташкента провести инвентаризацию всех групп потребителей услуг водоснабжения и водоотведения, а также технологический аудит объектов системы водоснабжения и канализации, с одновременным созданием единой электронной базы данных о потребителях и корректировкой платежей за оказанные услуги;
в срок до 1 января 2019 года совместно с Государственным комитетом Республики Узбекистан по земельным ресурсам, геодезии, картографии и государственному кадастру, Бюро, Советом Министров Республики Каракалпакстан, хокимиятами областей и г. Ташкента провести инвентаризацию объектов и сооружений водопроводно-канализационного хозяйства с оформлением кадастровых документов на них.
6. Министерству финансов совместно с Министерством жилищно-коммунального обслуживания, Государственным комитетом Республики Узбекистан по содействию приватизированным предприятиям и развитию конкуренции, Советом Министров Республики Каракалпакстан, хокимиятами областей и г. Ташкента:
в месячный срок утвердить Положение о порядке установления тарифов на услуги водоснабжения и водоотведения, предусмотрев механизм установления гибких тарифов, обеспечивающих рентабельность организаций водопроводно-канализационного хозяйства;
обеспечить введение с 1 января 2018 года обновленных тарифов на услуги водоснабжения и водоотведения.
7. Кабинету Министров Республики Узбекистан в двухмесячный срок утвердить Программу мер по поэтапному оснащению потребителей воды — бюджетных организаций современными приборами учета потребления воды.
8. Министерству водного хозяйства Республики Узбекистан обеспечить контроль за своевременным осуществлением попусков поверхностных вод для обеспечения хозяйственно-питьевого водоснабжения.
9. Генеральной прокуратуре Республики Узбекистан в месячный срок внести предложения по изменениям и дополнениям в организационно-штатную структуру и Положение о Бюро принудительного исполнения при Генеральной прокуратуре Республики Узбекистан с учетом требований настоящего Указа.
10. Бюро и Министерству жилищно-коммунального обслуживания в месячный срок внести в Кабинет Министров Республики Узбекистан проекты:
Положения о порядке взаимодействия Бюро принудительного исполнения при Генеральной прокуратуре Республики Узбекистан с организациями водопроводно-канализационного хозяйства;
Положения о порядке отключения потребителей от водоводов, водопроводных и канализационных сетей.
11. Счетной палате совместно с Главным управлением государственного финансового контроля Министерства финансов, Государственным комитетом по инвестициям, Центральным банком Республики Узбекистан и другими заинтересованными ведомствами в двухмесячный срок критически изучить деятельность организаций водопроводно-канализационного хозяйства, обратив особое внимание на:
эффективность системы управления и контроля, обоснованность организационно-штатных структур и численности работников;
действующие технические регламенты по производству, транспортировке и обеспечению безопасности и качества воды;
состояние действующей производственно-технической инфраструктуры и мощностей;
рентабельность организаций водопроводно-канализационного хозяйства, уровень внедрения современных водо- и энергосберегающих технологий;
обоснованность ценообразования и тарифов на услуги водоснабжения и водоотведения, состояние взаиморасчетов;
целевое использование денежных средств, поступающих от оказания услуг водоснабжения и водоотведения;
состояние реализуемых программ, инвестиционных и других проектов, эффективность осуществляемых финансовых вложений и привлекаемых инвестиций, в первую очередь, зарубежных;
целевое использование кредитных средств;
результаты финансово-хозяйственной деятельности, состояние дебиторской и кредиторской задолженностей, принимаемые меры по их сокращению.
По результатам изучения в срок до 10 января 2018 года внести в аппарат Президента Республики Узбекистан проекты нормативно-правовых актов по коренному совершенствованию системы управления водоснабжением и водоотведением.
12. Министерству народного образования, Министерству высшего и среднего специального образования Республики Узбекистан принять комплекс мер, направленных на формирование у подрастающего поколения культуры бережного отношения и рационального использования воды.
13. Национальной телерадиокомпании Узбекистана, Агентству информации и массовых коммуникаций при Администрации Президента Республики Узбекистан, Министерству жилищно-коммунального обслуживания, Генеральной прокуратуре Республики Узбекистан совместно с другими заинтересованными министерствами и ведомствами организовать широкое освещение в средствах массовой информации сути и значения настоящего Указа, в том числе необходимости своевременной оплаты услуг водоснабжения и водоотведения, а также мер ответственности за правонарушения в данной сфере.
14. Министерству юстиции совместно с Министерством жилищно-коммунального обслуживания, Бюро и другими заинтересованными ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
15. Контроль за исполнением настоящего Указа возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
16 ноября 2017 г.,
№ УП-5241