📅 2017-yil 17-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 17 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 ноября 2017 г. · Постановления Президента
Официальный текст. Официальный документ. Редакционные примечания не включены.
📅 17 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАШКИЛИЙ ТУЗИЛМАСИ
ТУЗИЛМАСИ
НАМУНАВИЙ ТУЗИЛМАСИ
НАМУНАВИЙ ТУЗИЛМАСИ
«Ҳунарманд» уюшмаси фаолиятини янада такомиллаштириш чора-тадбирлари тўғрисида
Ўзбекистон Республикаси Президентининг 2017 йил 17 ноябрдаги «Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида» ПФ-5242-сон Фармонининг ижросини таъминлаш ҳамда «Ҳунарманд» уюшмаси ташкилий тузилмасини оптималлаштириш асосида унинг фаолиятини такомиллаштириш ва самарадорлигини ошириш мақсадида:
1. Қуйидагилар «Ҳунарманд» уюшмаси фаолиятининг устувор йўналишлари этиб белгилансин:
биринчидан, ҳунармандчиликни янада ривожлантириш, халқ ҳунармандчилиги ва амалий санъатнинг анъанавий турларини сақлаш ва қайта тиклаш, ҳунармандчилик маҳсулотларининг рақобатдошлигини ва сифатини ошириш бўйича тизимли ва мақсадли чора-тадбирларни амалга ошириш;
иккинчидан, аҳолини ҳунармандчилик фаолиятига кенг жалб этиш, ҳунармандчилик соҳасида бандликни кенгайтириш учун қулай шарт-шароитлар яратиш, ҳунармандларни давлат рўйхатига олишда кўмаклашиш, ҳунармандчилик фаолияти билан шуғулланувчи шахсларнинг ягона реестрини юритиш;
учинчидан, ҳунармандчилик соҳасидаги қонунчилик ва меъёрий-ҳуқуқий базани такомиллаштириш, ҳунармандларнинг ҳуқуқлари, эркинликлари ва қонуний манфаатларини ҳимоя қилишда иштирок этиш, шу жумладан Ўзбекистон Республикаси Савдо-саноат палатаси билан ҳамкорликда давлат органларида ҳунармандларнинг манфаатларини ифодалаш бўйича таклифлар ишлаб чиқиш;
тўртинчидан, ҳунармандчиликни ривожлантириш бўйича лойиҳаларни амалга оширишда иштирок этиш, ҳунармандчиликни ривожлантириш марказларини ташкил этиш ва такомиллаштириш, сайёҳлар учун жозибадор бўлган ҳунармандчилик объектлари яратиш;
бешинчидан, ҳунармандчилик маҳсулотларини кенг жамоатчилик орасида оммалаштириш, истеъмолчиларга ҳунармандчилик маҳсулотларини истеъмолчиларга сотиш, жумладан уларни экспорт қилишни рағбатлантириш учун қулай шарт-шароит ва зарур инфратузилмани яратиш;
олтинчидан, ҳунармандчилик соҳасида авлодлар ворислигини таъминлаш, ҳунармандларнинг ёшларни меҳнатсеварлик, инсонпарварлик ва миллий қадриятларга садоқат руҳида тарбиялашда фаол иштирокини рағбатлантириш, «Уста-шогирд» мактабларини такомиллаштириш ва фаолияти самарадорлигини ошириш.
2. Қуйидаги янгиланган:
«Ҳунарманд» уюшмасининг ташкилий тузилмаси 1-иловага мувофиқ;
«Ҳунарманд» уюшмасининг 33 нафар бошқарув ходимларидан иборат ижро аппарати тузилмаси 2-иловага мувофиқ;
«Ҳунарманд» уюшмасининг Қорақалпоғистон Республикаси, вилоятлар ва Тошкент шаҳридаги бошқармалари намунавий тузилмаси 3-иловага мувофиқ;
«Ҳунарманд» уюшмасининг туманлар (шаҳарлар)даги бўлими намунавий тузилмаси 4-иловага мувофиқ маъқуллансин.
Уюшма раисига, зарурат бўлганда, уюшманинг ташкилий тузилмаси, ижро аппарати, ҳудудий бошқармалари ва туман (шаҳар) бўлинмаларининг тузилмаларига ўзгартиришлар киритиш ҳуқуқи берилсин.
3. Ўзбекистон Республикаси Президентининг 2017 йил 19 июндаги «Ўзбекистон Республикаси Савдо-саноат палатаси фаолиятини ташкил этишни такомиллаштириш тўғрисида»ги ПҚ-3068-сон қарорининг 1-иловасига мазкур қарорнинг 5-иловасига мувофиқ ўзгартириш киритилсин.
4. Қуйидагилар «Ҳунарманд» уюшмасининг даромадларини шакллантириш манбалари этиб белгилансин:
«Ҳунарманд» уюшмаси аъзоларининг аъзолик бадаллари;
халқаро донорларнинг грантлари, ҳомий ташкилотларнинг маблағлари;
вақтинча бўш турган маблағларни тижорат банкларининг депозитларига ва бошқа молиявий воситаларга жойлаштиришдан тушадиган даромадлар;
пуллик хизматлар кўрсатишдан олинган даромадлар;
қонунчиликда тақиқланмаган бошқа тушумлар.
Белгилансинки, мазкур бандда назарда тутилган маблағлар Савдо-саноат палатасининг Тармоқларни қўллаб-қувватлаш жамғармасида жамланади ва ушбу жамғарма орқали сарфланади.
5. Ўзбекистон Республикаси Савдо-саноат палатаси, «Ҳунарманд» уюшмаси ҳунармандчилик маҳсулотларини узоқдаги туманлар (шаҳарлар)дан сотиб олиш ва келгусида йирик шаҳарларда сотиш ҳамда экспорт қилиш учун «Ҳунарманд» уюшмаси ҳузурида савдо-харид қилиш корхоналари ташкил этилишини икки ой муддатда таъминласин.
6. «Ҳунарманд» уюшмасига касаначилик маҳсулотлар (ишлар ва хизматлар) ишлаб чиқариш функциясига эга бўлган таркибий бўлинмалар ташкил этиш, шунингдек, пудратчи корхоналар сифатида, айниқса республиканинг қишлоқ ва узоқ туманларида, касаначилар билан ҳунармандчилик маҳсулотлари ишлаб чиқариш бўйича шартномалар тузиш ҳуқуқи берилсин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Ер ресурслари, геодезия, картография ва давлат кадастри давлат қўмитаси, Ўзбекистон Республикаси уй-жой коммунал хизмат кўрсатиш вазирлиги, «Ҳунарманд» уюшмаси билан биргаликда икки ой муддатда:
«Ҳунарманд» уюшмасининг вилоят бошқармалари, туман ва шаҳарлар бўлимларини жойлаштириш учун бино ва иншоотларга бўлган эҳтиёжини ўргансин;
ўрганиш натижаларига кўра, «Ҳунарманд» уюшмасининг вилоят бошқармаларини, туман ва шаҳарлар бўлимларини фойдаланилмаётган давлат мулки бинолари ва хоналарига жойлаштириш учун уларни «Ҳунарманд» уюшмасига бепул фойдаланиш учун топшириш чораларини кўрсин.
8. Тошкент шаҳар ҳокимлиги Республика ҳунармандчилик марказини ташкил этиш ҳамда ҳунармандчилик маҳсулотлари ва миллий либослари кўргазма-ярмаркаларини доимий равишда ўтказиш мақсадида Олмазор тумани, Зарқайнар кўчаси, 1-уй манзилида жойлашган «Зарқайнар» миллий либослар галереясини «Ҳунарманд» уюшмасига бириктирсин.
9. Ўзбекистон миллий телерадиокомпанияси, «Ҳунарманд» уюшмаси, Ўзбекистон Республикаси Савдо-саноат палатаси, Ўзбекистон Бадиий академияси, шунингдек бошқа манфаатдор вазирликлар ва идоралар:
икки ҳафта муддатда ҳунармандчиликни ривожлантириш ва ҳунармандларни ҳар томонлама қўллаб-қувватлаш чора-тадбирлари натижаларининг оммавий ахборот воситаларида кенг ёритилишини таъминлайдиган медиа-режани ишлаб чиқсин ва тасдиқласин;
медиа-режада тасдиқланган тадбирлар ёритиладиган телевидение ва радиоканалларни бир ой муддатда белгиласин;
белгиланган телевидение ва радиоканалларда медиа-режанинг тасдиқланган мавзули ва кўчма дастурлари, ток-шоулар, интервьюлар ва бошқа ҳунармандчиликни ривожлантириш масалаларини намойиш этиш учун эфир вақтининг, жумладан энг тиғиз вақтларда, бепул ажратилишини таъминласин.
10. «Ҳунарманд» уюшмаси Тошкент шаҳар, Дўмбробод кўчаси, 74-уй манзилига жойлаштирилсин.
11. Ўзбекистон Республикаси Адлия вазирлиги «Ҳунарманд» уюшмасига янги талаб ва вазифалар ҳисобга олинган янги таҳрирдаги Уставини тайёрлашга ва давлат рўйхатидан ўтказишга кўмаклашсин.
12. Ўзбекистон Республикаси Савдо-саноат палатаси «Ҳунарманд» уюшмаси, Ўзбекистон Республикаси Адлия вазирлиги ва бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
13. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров, Ўзбекистон Республикаси Савдо-саноат палатаси раиси А.И. Икрамов ҳамда Бандлик ва меҳнат муносабатлари вазири А.А. Хаитов зиммасига юклансин.
Ўзбекистон Республикаси Президентининг 2017 йил 17 ноябрдаги ПҚ-3393-сон қарорига 1-ИЛОВА
«Ҳунарманд» уюшмаси
Ўзбекистон Республикаси Президентининг 2017 йил 17 ноябрдаги ПҚ-3393-сон қарорига 2-ИЛОВА
«Ҳунарманд» уюшмаси ижро этувчи аппарати
Ўзбекистон Республикаси Президентининг 2017 йил 17 ноябрдаги ПҚ-3393-сон қарорига 3-ИЛОВА
Қорақалпоғистон Республикаси ва вилоятлардаги «Ҳунарманд» уюшмаси бошқармаларининг
Ўзбекистон Республикаси Президентининг 2017 йил 17 ноябрдаги ПҚ-3393-сон қарорига 4-ИЛОВА
«Ҳунарманд» уюшмасининг ҳунармандлар сони 100 нафардан ортиқ бўлган туман (шаҳар) бўлимларининг
Ўзбекистон Республикаси Президентининг 2017 йил 17 ноябрдаги ПҚ-3393-сон қарорига 5-ИЛОВА
Ўзбекистон Республикаси Президентининг «Ўзбекистон Республикаси Савдо-саноат палатаси фаолиятини ташкил этишни такомиллаштириш тўғрисида» 2017 йил 19 июндаги ПҚ-3068-сон қарорига киритилаётган ўзгартириш
Ўзбекистон Республикаси Президентининг «Ўзбекистон Республикаси Савдо-саноат палатаси фаолиятини ташкил этишни такомиллаштириш тўғрисида» 2017 йил 19 июндаги ПҚ-3068-сон қарорига 1-илова куйидаги таҳрирда баён этилсин:
«Ўзбекистон Республикаси Савдо-саноат палатасининг ТАШКИЛИЙ ТУЗИЛМАСИ
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 17 ноябрь,
ПҚ-3393-сон
Oʻzbekiston Respublikasi Prezidentining
Qarori
TASHKILIY TUZILMASI
TUZILMASI
NAMUNAVIY TUZILMASI
NAMUNAVIY TUZILMASI
“Hunarmand” uyushmasi faoliyatini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining 2017-yil 17-noyabrdagi “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida” PF-5242-son Farmonining ijrosini taʼminlash hamda “Hunarmand” uyushmasi tashkiliy tuzilmasini optimallashtirish asosida uning faoliyatini takomillashtirish va samaradorligini oshirish maqsadida:
1. Quyidagilar “Hunarmand” uyushmasi faoliyatining ustuvor yoʻnalishlari etib belgilansin:
birinchidan, hunarmandchilikni yanada rivojlantirish, xalq hunarmandchiligi va amaliy sanʼatning anʼanaviy turlarini saqlash va qayta tiklash, hunarmandchilik mahsulotlarining raqobatdoshligini va sifatini oshirish boʻyicha tizimli va maqsadli chora-tadbirlarni amalga oshirish;
ikkinchidan, aholini hunarmandchilik faoliyatiga keng jalb etish, hunarmandchilik sohasida bandlikni kengaytirish uchun qulay shart-sharoitlar yaratish, hunarmandlarni davlat roʻyxatiga olishda koʻmaklashish, hunarmandchilik faoliyati bilan shugʻullanuvchi shaxslarning yagona reyestrini yuritish;
uchinchidan, hunarmandchilik sohasidagi qonunchilik va meʼyoriy-huquqiy bazani takomillashtirish, hunarmandlarning huquqlari, erkinliklari va qonuniy manfaatlarini himoya qilishda ishtirok etish, shu jumladan Oʻzbekiston Respublikasi Savdo-sanoat palatasi bilan hamkorlikda davlat organlarida hunarmandlarning manfaatlarini ifodalash boʻyicha takliflar ishlab chiqish;
toʻrtinchidan, hunarmandchilikni rivojlantirish boʻyicha loyihalarni amalga oshirishda ishtirok etish, hunarmandchilikni rivojlantirish markazlarini tashkil etish va takomillashtirish, sayyohlar uchun jozibador boʻlgan hunarmandchilik obyektlari yaratish;
beshinchidan, hunarmandchilik mahsulotlarini keng jamoatchilik orasida ommalashtirish, isteʼmolchilarga hunarmandchilik mahsulotlarini isteʼmolchilarga sotish, jumladan ularni eksport qilishni ragʻbatlantirish uchun qulay shart-sharoit va zarur infratuzilmani yaratish;
oltinchidan, hunarmandchilik sohasida avlodlar vorisligini taʼminlash, hunarmandlarning yoshlarni mehnatsevarlik, insonparvarlik va milliy qadriyatlarga sadoqat ruhida tarbiyalashda faol ishtirokini ragʻbatlantirish, “Usta-shogird” maktablarini takomillashtirish va faoliyati samaradorligini oshirish.
2. Quyidagi yangilangan:
“Hunarmand” uyushmasining tashkiliy tuzilmasi 1-ilovaga muvofiq;
“Hunarmand” uyushmasining 33 nafar boshqaruv xodimlaridan iborat ijro apparati tuzilmasi 2-ilovaga muvofiq;
“Hunarmand” uyushmasining Qoraqalpogʻiston Respublikasi, viloyatlar va Toshkent shahridagi boshqarmalari namunaviy tuzilmasi 3-ilovaga muvofiq;
“Hunarmand” uyushmasining tumanlar (shaharlar)dagi boʻlimi namunaviy tuzilmasi 4-ilovaga muvofiq maʼqullansin.
Uyushma raisiga, zarurat boʻlganda, uyushmaning tashkiliy tuzilmasi, ijro apparati, hududiy boshqarmalari va tuman (shahar) boʻlinmalarining tuzilmalariga oʻzgartirishlar kiritish huquqi berilsin.
3. Oʻzbekiston Respublikasi Prezidentining 2017-yil 19-iyundagi “Oʻzbekiston Respublikasi Savdo-sanoat palatasi faoliyatini tashkil etishni takomillashtirish toʻgʻrisida”gi PQ-3068-son qarorining 1-ilovasiga mazkur qarorning 5-ilovasiga muvofiq oʻzgartirish kiritilsin.
4. Quyidagilar “Hunarmand” uyushmasining daromadlarini shakllantirish manbalari etib belgilansin:
“Hunarmand” uyushmasi aʼzolarining aʼzolik badallari;
xalqaro donorlarning grantlari, homiy tashkilotlarning mablagʻlari;
vaqtincha boʻsh turgan mablagʻlarni tijorat banklarining depozitlariga va boshqa moliyaviy vositalarga joylashtirishdan tushadigan daromadlar;
pullik xizmatlar koʻrsatishdan olingan daromadlar;
qonunchilikda taqiqlanmagan boshqa tushumlar.
Belgilansinki, mazkur bandda nazarda tutilgan mablagʻlar Savdo-sanoat palatasining Tarmoqlarni qoʻllab-quvvatlash jamgʻarmasida jamlanadi va ushbu jamgʻarma orqali sarflanadi.
5. Oʻzbekiston Respublikasi Savdo-sanoat palatasi, “Hunarmand” uyushmasi hunarmandchilik mahsulotlarini uzoqdagi tumanlar (shaharlar)dan sotib olish va kelgusida yirik shaharlarda sotish hamda eksport qilish uchun “Hunarmand” uyushmasi huzurida savdo-xarid qilish korxonalari tashkil etilishini ikki oy muddatda taʼminlasin.
6. “Hunarmand” uyushmasiga kasanachilik mahsulotlar (ishlar va xizmatlar) ishlab chiqarish funksiyasiga ega boʻlgan tarkibiy boʻlinmalar tashkil etish, shuningdek, pudratchi korxonalar sifatida, ayniqsa respublikaning qishloq va uzoq tumanlarida, kasanachilar bilan hunarmandchilik mahsulotlari ishlab chiqarish boʻyicha shartnomalar tuzish huquqi berilsin.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Oʻzbekiston Respublikasi uy-joy kommunal xizmat koʻrsatish vazirligi, “Hunarmand” uyushmasi bilan birgalikda ikki oy muddatda:
“Hunarmand” uyushmasining viloyat boshqarmalari, tuman va shaharlar boʻlimlarini joylashtirish uchun bino va inshootlarga boʻlgan ehtiyojini oʻrgansin;
oʻrganish natijalariga koʻra, “Hunarmand” uyushmasining viloyat boshqarmalarini, tuman va shaharlar boʻlimlarini foydalanilmayotgan davlat mulki binolari va xonalariga joylashtirish uchun ularni “Hunarmand” uyushmasiga bepul foydalanish uchun topshirish choralarini koʻrsin.
8. Toshkent shahar hokimligi Respublika hunarmandchilik markazini tashkil etish hamda hunarmandchilik mahsulotlari va milliy liboslari koʻrgazma-yarmarkalarini doimiy ravishda oʻtkazish maqsadida Olmazor tumani, Zarqaynar koʻchasi, 1-uy manzilida joylashgan “Zarqaynar” milliy liboslar galereyasini “Hunarmand” uyushmasiga biriktirsin.
9. Oʻzbekiston milliy teleradiokompaniyasi, “Hunarmand” uyushmasi, Oʻzbekiston Respublikasi Savdo-sanoat palatasi, Oʻzbekiston Badiiy akademiyasi, shuningdek boshqa manfaatdor vazirliklar va idoralar:
ikki hafta muddatda hunarmandchilikni rivojlantirish va hunarmandlarni har tomonlama qoʻllab-quvvatlash chora-tadbirlari natijalarining ommaviy axborot vositalarida keng yoritilishini taʼminlaydigan media-rejani ishlab chiqsin va tasdiqlasin;
media-rejada tasdiqlangan tadbirlar yoritiladigan televideniye va radiokanallarni bir oy muddatda belgilasin;
belgilangan televideniye va radiokanallarda media-rejaning tasdiqlangan mavzuli va koʻchma dasturlari, tok-shoular, intervyular va boshqa hunarmandchilikni rivojlantirish masalalarini namoyish etish uchun efir vaqtining, jumladan eng tigʻiz vaqtlarda, bepul ajratilishini taʼminlasin.
10. “Hunarmand” uyushmasi Toshkent shahar, Doʻmbrobod koʻchasi, 74-uy manziliga joylashtirilsin.
11. Oʻzbekiston Respublikasi Adliya vazirligi “Hunarmand” uyushmasiga yangi talab va vazifalar hisobga olingan yangi tahrirdagi Ustavini tayyorlashga va davlat roʻyxatidan oʻtkazishga koʻmaklashsin.
12. Oʻzbekiston Respublikasi Savdo-sanoat palatasi “Hunarmand” uyushmasi, Oʻzbekiston Respublikasi Adliya vazirligi va boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov, Oʻzbekiston Respublikasi Savdo-sanoat palatasi raisi A.I. Ikramov hamda Bandlik va mehnat munosabatlari vaziri A.A. Xaitov zimmasiga yuklansin.
Oʻzbekiston Respublikasi Prezidentining 2017-yil 17-noyabrdagi PQ-3393-son qaroriga 1-ILOVA
“Hunarmand” uyushmasi
Oʻzbekiston Respublikasi Prezidentining 2017-yil 17-noyabrdagi PQ-3393-son qaroriga 2-ILOVA
“Hunarmand” uyushmasi ijro etuvchi apparati
Oʻzbekiston Respublikasi Prezidentining 2017-yil 17-noyabrdagi PQ-3393-son qaroriga 3-ILOVA
Qoraqalpogʻiston Respublikasi va viloyatlardagi “Hunarmand” uyushmasi boshqarmalarining
Oʻzbekiston Respublikasi Prezidentining 2017-yil 17-noyabrdagi PQ-3393-son qaroriga 4-ILOVA
“Hunarmand” uyushmasining hunarmandlar soni 100 nafardan ortiq boʻlgan tuman (shahar) boʻlimlarining
Oʻzbekiston Respublikasi Prezidentining 2017-yil 17-noyabrdagi PQ-3393-son qaroriga 5-ILOVA
Oʻzbekiston Respublikasi Prezidentining “Oʻzbekiston Respublikasi Savdo-sanoat palatasi faoliyatini tashkil etishni takomillashtirish toʻgʻrisida” 2017-yil 19-iyundagi PQ-3068-son qaroriga kiritilayotgan oʻzgartirish
Oʻzbekiston Respublikasi Prezidentining “Oʻzbekiston Respublikasi Savdo-sanoat palatasi faoliyatini tashkil etishni takomillashtirish toʻgʻrisida” 2017-yil 19-iyundagi PQ-3068-son qaroriga 1-ilova kuyidagi tahrirda bayon etilsin:
“Oʻzbekiston Respublikasi Savdo-sanoat palatasining TASHKILIY TUZILMASI
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 17-noyabr,
PQ-3393-son
Президента Республики Узбекистан
Постановление
ОРГАНИЗАЦИОННАЯ СТРУКТУРА
СТРУКТУРА
ТИПОВАЯ СТРУКТУРА
ТИПОВАЯ СТРУКТУРА
О мерах по дальнейшему совершенствованию деятельности ассоциации «Хунарманд»
Во исполнение Указа Президента Республики Узбекистан от 17 ноября 2017 года № УП-5242 «О мерах по дальнейшему развитию ремесленничества и всесторонней поддержке ремесленников» и в целях совершенствования и повышения эффективности деятельности ассоциации «Хунарманд» на основе оптимизации ее организационной структуры:
1. Определить приоритетными задачами и направлениями деятельности ассоциации «Хунарманд»:
первое, осуществление системных и целенаправленных мер по дальнейшему развитию ремесленничества, сохранению и восстановлению традиционных видов народных художественных промыслов и прикладного искусства, повышению конкурентоспособности и качества производимой продукции ремесленничества;
второе, широкое вовлечение населения в ремесленническую деятельность, создание благоприятных условий для расширения занятости в сфере ремесленничества, оказание содействия субъектам ремесленничества в государственной регистрации, ведение Единого регистра лиц, занимающихся ремесленнической деятельностью;
третье, разработку предложений по совершенствованию законодательной и нормативно-правовой базы в сфере ремесленничества, участие в защите прав, свобод и законных интересов ремесленников, представление интересов ремесленников в органах государственной власти, в том числе путем взаимодействия с Торгово-промышленной палатой Республики Узбекистан;
четвертое, участие в реализации проектов по развитию ремесленничества, создании и совершенствовании деятельности центров развития ремесленничества, организации объектов ремесленничества, привлекательных для туристов;
пятое, популяризацию продукции ремесленничества среди широких слоев населения, содействие в создании благоприятных условий и соответствующей инфраструктуры для реализации потребителям ремесленной продукции, в том числе путем всемерного стимулирования экспорта ремесленной продукции;
шестое, обеспечение преемственности поколений в сфере ремесленничества, стимулирование активного участия ремесленников в обучении и воспитании молодежи в духе трудолюбия, гуманности и верности национальным ценностям, совершенствование и повышение эффективности деятельности школ «Уста-шогирд».
2. Одобрить обновленные:
организационную структуру ассоциации «Хунарманд» согласно приложению № 1 ;
структуру исполнительного аппарата ассоциации «Хунарманд» с предельной численностью управленческого персонала в количестве 33 единиц согласно приложению № 2 ;
типовую структуру управления ассоциации «Хунарманд» в Республике Каракалпакстан и в областях согласно приложению № 3 ;
типовую структуру отдела ассоциации «Хунарманд» в районах (городах) согласно приложению № 4 .
Предоставить право Председателю ассоциации вносить, при необходимости, изменения в организационную структуру, структуру исполнительного аппарата ассоциации, ее территориальных и районных (городских) подразделений.
3. Внести изменение в приложение № 1 к постановлению Президента Республики Узбекистан от 19 июня 2017 года № ПП-3068 «О совершенствовании организации деятельности Торгово-промышленной палаты Республики Узбекистан» согласно приложению № 5 .
4. Определить, что источниками формирования доходов ассоциации «Хунарманд» являются:
членские взносы членов ассоциации «Хунарманд»;
гранты международных доноров, средства благотворительных организаций;
доходы от размещения временно свободных средств в депозиты коммерческих банков и другие финансовые инструменты;
доходы, полученные от предоставления платных услуг;
другие поступления, не запрещенные законодательством.
Установить, что средства, указанные в данном пункте, поступают в Фонд поддержки отраслей Торгово-промышленной палаты и расходуется посредством данного фонда.
5. Торгово-промышленной палате Узбекистана, ассоциации «Хунарманд» в двухмесячный срок обеспечить создание при ассоциации «Хунарманд» торгово-закупочных предприятий для приобретения изделий ремесленников из отдаленных районов (городов) в целях дальнейшей реализации в крупных городах и на экспорт.
6. Предоставить ассоциации «Хунарманд» право создавать структурные подразделения с функциями по организации производства надомной продукции (работ и услуг), а также заключать в качестве предприятий-заказчиков договоры на производство ремесленной продукции с надомниками, особенно в сельских и отдаленных районах республики.
7. Совету Министров Республики Каракалпакстан, хокимиятам областей и г. Ташкента совместно с Государственным комитетом Республики Узбекистан по содействию приватизированным предприятиям и развитию конкуренции, Государственным комитетом Республики Узбекистан по земельным ресурсам, геодезии, картографии и государственному кадастру, Министерством жилищно-коммунального обслуживания Республики Узбекистан, ассоциацией «Хунарманд» в двухмесячный срок:
изучить потребность в зданиях и помещениях для размещения областных управлений, районных и городских отделов ассоциации «Хунарманд»;
по итогам изучения принять меры по размещению областных управлений, районных и городских отделов ассоциации «Хунарманд» в неиспользуемых зданиях и помещениях государственной собственности, передаваемых ассоциации «Хунарманд» в безвозмездное пользование.
8. Хокимияту города Ташкента закрепить за ассоциацией «Хунарманд» здание галереи национальной одежды «Заркайнар» по адресу Алмазарский район, ул. Заркайнар, № 1, в целях организации республиканского Центра развития ремесленничества и проведения на постоянной основе выставок и ярмарок продукции ремесленничества и национальной одежды.
9. Национальной телерадиокомпании Узбекистан, Ассоциации «Хунарманд». Торгово-промышленной палате Республики Узбекистан, Академии художеств Узбекистана, а также другим заинтересованным министерствам и ведомствам:
в двухнедельный срок разработать и утвердить медиа-план, предусматривающий широкое освещение в средствах массовой информации хода и результатов реализации мер по развитию ремесленничества и всесторонней поддержке ремесленников;
в месячный срок определить телерадиоканалы, посредством которых будет освещаться реализация указанного медиа-плана;
обеспечить показ на выделенных телерадиоканалах предусмотренных медиа-планом тематических и выездных передач, ток-шоу, интервью и другое по вопросам развития ремесленничества, на основе широкого использования эфирного времени, включая время «прайм тайм», на безвозмездной основе.
10. Разместить ассоциацию «Хунарманд» по адресу: г. Ташкент, ул. Домбрабад, дом 74.
11. Министерству юстиции Республики Узбекистан оказать содействие ассоциации «Хунарманд» в подготовке и государственной регистрации в новой редакции Устава ассоциации «Хунарманд» с учетом новых требований и задач, возложенных на нее.
12. Торгово-промышленной палате Республики Узбекистан совместно с ассоциацией «Хунарманд», Министерством юстиции Республики Узбекистан и другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова, председателя Торгово-промышленной палаты А.И. Икрамова и министра занятости и трудовых отношений Республики Узбекистан А.А. Хаитова.
ПРИЛОЖЕНИЕ № 1 к постановлению Президента Республики Узбекистан от 17 ноября 2017 года № ПП-3393
ассоциации «Хунарманд»
ПРИЛОЖЕНИЕ № 2 к постановлению Президента Республики Узбекистан от 17 ноября 2017 года № ПП-3393
исполнительного аппарата ассоциации «Хунарманд»
ПРИЛОЖЕНИЕ № 3 к постановлению Президента Республики Узбекистан от 17 ноября 2017 года № ПП-3393
управлений ассоциации «Хунарманд» в Республике Каракалпакстан и областях
ПРИЛОЖЕНИЕ № 4 к постановлению Президента Республики Узбекистан от 17 ноября 2017 года № ПП-3393
отдела ассоциации «Хунарманд» в районах (городах) с численностью ремесленников более 100 человек
ПРИЛОЖЕНИЕ № 5 к постановлению Президента Республики Узбекистан от 17 ноября 2017 года № ПП-3393
Изменение, вносимое в постановление Президента Республики Узбекистан от 19 июня 2017 года № ПП-3068 «О совершенствовании организации деятельности Торгово-промышленной палаты Республики Узбекистан»
Приложение № 1 к постановлению Президента Республики Узбекистан от 19 июня 2017 года № ПП-3068 «О совершенствовании организации деятельности Торгово-промышленной палаты Республики Узбекистан» изложить в следующей редакции:
«ОРГАНИЗАЦИОННАЯ СТРУКТУРА Торгово-промышленной палаты Республики Узбекистан
Президент Республики Узбекистан Ш. МИРЗИЁЕВ
г. Ташкент,
17 ноября 2017 г.,
№ ПП-3393