📅 2017-yil 20-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 20 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 ноября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 20 November 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси соғлиқни сақлаш давлат тизими ташкилотларини кадрлар билан таъминлашни яхшилашга доир қўшимча чора-тадбирлар тўғрисида
Соғлиқни сақлаш давлат тизими ташкилотлари тиббиёт ходимларини моддий рағбатлантириш, республика аҳолисига кўрсатилаётган тиббий ёрдам сифатини янада яхшилаш, шунингдек, ўриндошлик асосида ҳамда бир неча касбда ва лавозимда ишлаш тартибини такомиллаштириш мақсадида Вазирлар Маҳкамаси қарор қилади:
1. Белгилансинки, соғлиқни сақлаш давлат тизими ташкилотлари ходимлари бўш ўринлар ва тегишли малака мавжуд бўлган тақдирда амалда ишланган вақт учун меҳнатга ҳақ тўланган ҳолда ўриндошлик асосида ишлаш тўғрисида шартномалар тузишлари мумкин. Бунда ўриндошлик бўйича иш вақтининг давом этиши соғлиқни сақлаш давлат тизими ташкилотлари врач ходимлари учун — иш вақтининг бир ойлик нормасидан ва ходимларнинг бошқа тоифалари учун — ойлик норманинг ярмидан ортиқ бўлмаслиги керак.
2. Вазирлар Маҳкамасининг 2012 йил 18 октябрдаги 297-сон қарори (Ўзбекистон Республикаси ҚТ, 2012, 10-сон, 75-модда) билан тасдиқланган Ўриндошлик асосида ҳамда бир неча касбда ва лавозимда ишлаш тартиби тўғрисидаги низомга иловага мувофиқ ўзгартириш ва қўшимчалар киритилсин.
3. Ўзбекистон Республикаси Соғлиқни сақлаш вазирлиги Бандлик ва меҳнат муносабатлари вазирлиги ҳамда Молия вазирлиги билан биргаликда ушбу қарорнинг моҳияти ва мазмунини тушунтириш бўйича тадбирлар ўтказсин.
4. Мазкур қарорнинг бажарилишини назорат қилиш Ўзбекистон Республикаси Молия вазири Б.А. Хўжаев ва Ўзбекистон Республикаси Соғлиқни сақлаш вазири А.К. Шадманов зиммасига юклансин.
Вазирлар Маҳкамасининг 2017 йил 20 ноябрдаги 920-сон қарорига ИЛОВА
Вазирлар Маҳкамасининг 2012 йил 18 октябрдаги 297-сон қарори билан тасдиқланган Ўриндошлик асосида ҳамда бир неча касбда ва лавозимда ишлаш тартиби тўғрисидаги низомга киритилаётган ўзгартириш ва қўшимчалар
1. 4-банднинг учинчи хатбошига «шундай шарт-шароитдаги ишларда ишлаш» сўзларидан кейин «(соғлиқни сақлаш тизими ташкилотлари ходимлари бундан мустасно)» сўзлари қўшилсин.
2. 7-банднинг биринчи хатбошига «ярмидан ортиқ бўлиши мумкин эмас» сўзларидан кейин «(соғлиқни сақлаш тизими врач ходимлари бундан мустасно)» сўзлари қўшилсин.
3. 20-банд қуйидаги таҳрирда баён қилинсин:
«20. Ходим томонидан меҳнат шартномасида кўрсатилган ўзининг асосий иши билан бир қаторда айни шу ташкилотда асосий касб ва лавозим бўйича қонун ҳужжатларида белгиланган иш вақти давомида бошқа касб ва лавозимдаги қўшимча ишни бажариш бир неча касбда ва лавозимда ишлаш ҳисобланади.
Ходим томонидан меҳнат шартномасида кўрсатилган ўзининг асосий иши билан бир қаторда айни шу ташкилотда асосий касб ва лавозим бўйича қонун ҳужжатларида белгиланган иш вақти давомида ўша касб ва лавозимдаги қўшимча ишларни бажариш хизмат кўрсатиш зонасини кенгайтириш, ишлар ҳажмини кўпайтириш ҳисобланади.
Бир неча касбда ва лавозимда ишлашга, хизмат кўрсатиш зонасини кенгайтиришга, ишлар ҳажмини кўпайтиришга шундай касб ва лавозим бўйича бўш иш ўрни мавжуд бўлганда ёхуд қонун ҳужжатларида назарда тутилган ҳолларда ходим томонидан вақтинчалик йўқ бўлган ходимнинг вазифаларини бажаришда йўл қўйилади».
4. 21 , 23 , 24-бандлардаги ва 26-банднинг биринчи хатбошидаги «ўриндошлик» сўзи «бир неча касб ва лавозим» сўзлари билан алмаштирилсин.
5. 25-бандда :
а) биринчи хатбоши қуйидаги таҳрирда баён қилинсин:
«Бюджет ташкилотларида бир неча касб ва лавозимда ишлаганлик, хизмат кўрсатиш зонасини кенгайтирганлик, ишлар ҳажмини кўпайтирганлик учун қўшимча ҳақ тўлаш миқдори бир неча касб ва лавозимда ишланаётган лавозим бўйича маошнинг (тариф ставкасининг) 50 фоизидан ортиқ бўлиши мумкин эмас (Ўзбекистон Республикаси Вазирлар Маҳкамаси томонидан белгиланган ҳолатлар бундан мустасно) ва бюджет ташкилотларининг меҳнатга ҳақ тўлаш фондида назарда тутилган маблағлар доирасида тўланади»;
б) иккинчи ва учинчи хатбошилар қуйидаги таҳрирда баён қилинсин:
«Бюджет ташкилотларида бир неча касбда ва лавозимда ишлаётганлик учун қўшимча ҳақ шундай касб ва лавозимдаги иш асосий иш бўйича меҳнат мажбуриятларига киритилган ҳолларда белгиланмайди.
Касб (лавозим) бўйича бир неча касб ва лавозим асосида бажариладиган ишларни бир неча ходим ўртасида тақсимлашга йўл қўйилади».
6. Илованинг 6-банди қуйидаги таҳрирда баён қилинсин:
«6. Умумтаълим мактаблари, ихтисослаштирилган ўқув-тарбия муассасалари, мактабдан ташқари таълим муассасалари ўқитувчилари ва бошқа педагог ходимлари (раҳбарларидан ташқари) ўрта махсус, касб-ҳунар таълими муассасалари ҳамда меҳнат ҳақи тўлаш бўйича уларга тенглаштирилган бошқа таълим муассасаларининг ўқитувчилари ва мастерлари, таълим муассасаларидаги концертмейстерлар ва аккомпаниаторлар, мактабгача таълим муассасалари ва «Меҳрибонлик» уйлари педагог ходимларининг (раҳбарларидан ташқари) айнан шу муассасада белгиланган меҳнат нормасидан ортиқ бўлган, лекин ушбу иш тури бўйича иш вақти нормал давомийлигининг 50 фоизидан кўп бўлмаган иши».
Ўзбекистон Республикасининг Бош вазири А. АРИПОВ
Тошкент ш.,
2017 йил 20 ноябрь,
920-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi sogʻliqni saqlash davlat tizimi tashkilotlarini kadrlar bilan taʼminlashni yaxshilashga doir qoʻshimcha chora-tadbirlar toʻgʻrisida
Sogʻliqni saqlash davlat tizimi tashkilotlari tibbiyot xodimlarini moddiy ragʻbatlantirish, respublika aholisiga koʻrsatilayotgan tibbiy yordam sifatini yanada yaxshilash, shuningdek, oʻrindoshlik asosida hamda bir necha kasbda va lavozimda ishlash tartibini takomillashtirish maqsadida Vazirlar Mahkamasi qaror qiladi:
1. Belgilansinki, sogʻliqni saqlash davlat tizimi tashkilotlari xodimlari boʻsh oʻrinlar va tegishli malaka mavjud boʻlgan taqdirda amalda ishlangan vaqt uchun mehnatga haq toʻlangan holda oʻrindoshlik asosida ishlash toʻgʻrisida shartnomalar tuzishlari mumkin. Bunda oʻrindoshlik boʻyicha ish vaqtining davom etishi sogʻliqni saqlash davlat tizimi tashkilotlari vrach xodimlari uchun — ish vaqtining bir oylik normasidan va xodimlarning boshqa toifalari uchun — oylik normaning yarmidan ortiq boʻlmasligi kerak.
2. Vazirlar Mahkamasining 2012-yil 18-oktabrdagi 297-son qarori (Oʻzbekiston Respublikasi QT, 2012, 10-son, 75-modda) bilan tasdiqlangan Oʻrindoshlik asosida hamda bir necha kasbda va lavozimda ishlash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
3. Oʻzbekiston Respublikasi Sogʻliqni saqlash vazirligi Bandlik va mehnat munosabatlari vazirligi hamda Moliya vazirligi bilan birgalikda ushbu qarorning mohiyati va mazmunini tushuntirish boʻyicha tadbirlar oʻtkazsin.
4. Mazkur qarorning bajarilishini nazorat qilish Oʻzbekiston Respublikasi Moliya vaziri B.A. Xoʻjayev va Oʻzbekiston Respublikasi Sogʻliqni saqlash vaziri A.K. Shadmanov zimmasiga yuklansin.
Vazirlar Mahkamasining 2017-yil 20-noyabrdagi 920-son qaroriga ILOVA
Vazirlar Mahkamasining 2012-yil 18-oktabrdagi 297-son qarori bilan tasdiqlangan Oʻrindoshlik asosida hamda bir necha kasbda va lavozimda ishlash tartibi toʻgʻrisidagi nizomga kiritilayotgan oʻzgartirish va qoʻshimchalar
1. 4-bandning uchinchi xatboshiga “shunday shart-sharoitdagi ishlarda ishlash” soʻzlaridan keyin “(sogʻliqni saqlash tizimi tashkilotlari xodimlari bundan mustasno)” soʻzlari qoʻshilsin.
2. 7-bandning birinchi xatboshiga “yarmidan ortiq boʻlishi mumkin emas” soʻzlaridan keyin “(sogʻliqni saqlash tizimi vrach xodimlari bundan mustasno)” soʻzlari qoʻshilsin.
3. 20-band quyidagi tahrirda bayon qilinsin:
“20. Xodim tomonidan mehnat shartnomasida koʻrsatilgan oʻzining asosiy ishi bilan bir qatorda ayni shu tashkilotda asosiy kasb va lavozim boʻyicha qonun hujjatlarida belgilangan ish vaqti davomida boshqa kasb va lavozimdagi qoʻshimcha ishni bajarish bir necha kasbda va lavozimda ishlash hisoblanadi.
Xodim tomonidan mehnat shartnomasida koʻrsatilgan oʻzining asosiy ishi bilan bir qatorda ayni shu tashkilotda asosiy kasb va lavozim boʻyicha qonun hujjatlarida belgilangan ish vaqti davomida oʻsha kasb va lavozimdagi qoʻshimcha ishlarni bajarish xizmat koʻrsatish zonasini kengaytirish, ishlar hajmini koʻpaytirish hisoblanadi.
Bir necha kasbda va lavozimda ishlashga, xizmat koʻrsatish zonasini kengaytirishga, ishlar hajmini koʻpaytirishga shunday kasb va lavozim boʻyicha boʻsh ish oʻrni mavjud boʻlganda yoxud qonun hujjatlarida nazarda tutilgan hollarda xodim tomonidan vaqtinchalik yoʻq boʻlgan xodimning vazifalarini bajarishda yoʻl qoʻyiladi”.
4. 21 , 23 , 24-bandlardagi va 26-bandning birinchi xatboshidagi “oʻrindoshlik” soʻzi “bir necha kasb va lavozim” soʻzlari bilan almashtirilsin.
5. 25-bandda :
a) birinchi xatboshi quyidagi tahrirda bayon qilinsin:
“Budjet tashkilotlarida bir necha kasb va lavozimda ishlaganlik, xizmat koʻrsatish zonasini kengaytirganlik, ishlar hajmini koʻpaytirganlik uchun qoʻshimcha haq toʻlash miqdori bir necha kasb va lavozimda ishlanayotgan lavozim boʻyicha maoshning (tarif stavkasining) 50 foizidan ortiq boʻlishi mumkin emas (Oʻzbekiston Respublikasi Vazirlar Mahkamasi tomonidan belgilangan holatlar bundan mustasno) va budjet tashkilotlarining mehnatga haq toʻlash fondida nazarda tutilgan mablagʻlar doirasida toʻlanadi”;
b) ikkinchi va uchinchi xatboshilar quyidagi tahrirda bayon qilinsin:
“Budjet tashkilotlarida bir necha kasbda va lavozimda ishlayotganlik uchun qoʻshimcha haq shunday kasb va lavozimdagi ish asosiy ish boʻyicha mehnat majburiyatlariga kiritilgan hollarda belgilanmaydi.
Kasb (lavozim) boʻyicha bir necha kasb va lavozim asosida bajariladigan ishlarni bir necha xodim oʻrtasida taqsimlashga yoʻl qoʻyiladi”.
6. Ilovaning 6-bandi quyidagi tahrirda bayon qilinsin:
“6. Umumtaʼlim maktablari, ixtisoslashtirilgan oʻquv-tarbiya muassasalari, maktabdan tashqari taʼlim muassasalari oʻqituvchilari va boshqa pedagog xodimlari (rahbarlaridan tashqari) oʻrta maxsus, kasb-hunar taʼlimi muassasalari hamda mehnat haqi toʻlash boʻyicha ularga tenglashtirilgan boshqa taʼlim muassasalarining oʻqituvchilari va masterlari, taʼlim muassasalaridagi konsertmeysterlar va akkompaniatorlar, maktabgacha taʼlim muassasalari va “Mehribonlik” uylari pedagog xodimlarining (rahbarlaridan tashqari) aynan shu muassasada belgilangan mehnat normasidan ortiq boʻlgan, lekin ushbu ish turi boʻyicha ish vaqti normal davomiyligining 50 foizidan koʻp boʻlmagan ishi”.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 20-noyabr,
920-son
Кабинета Министров Республики Узбекистан
Постановление
О дополнительных мерах по улучшению кадрового обеспечения организаций государственной системы здравоохранения Республики Узбекистан
В целях создания дополнительных условий для материального стимулирования медицинских работников организаций государственной системы здравоохранения, дальнейшего улучшения качества оказываемой медицинской помощи населению республики, а также совершенствования порядка работы по совместительству и совмещения профессий и должностей Кабинет Министров постановляет:
1. Установить, что работники организаций государственной системы здравоохранения, при наличии вакантных мест и соответствующей квалификации, могут заключать договоры о работе по совместительству с оплатой труда за фактически отработанное время. При этом продолжительность рабочего времени работы по совместительству не должна превышать одной месячной нормы рабочего времени — для врачебного персонала и половины месячной нормы — для других категорий работников организаций государственной системы здравоохранения.
2. Внести изменения и дополнения в Положение о порядке работы по совместительству и совмещения профессий и должностей, утвержденное постановлением Кабинета Министров от 18 октября 2012 г. № 297 (СП Республики Узбекистан, 2012 г., № 10, ст. 75), согласно приложению .
3. Министерству здравоохранения совместно с Министерством занятости и трудовых отношений и Министерством финансов Республики Узбекистан провести мероприятия по разъяснению сути и значения настоящего постановления.
4. Контроль за исполнением настоящего постановления возложить на министра финансов Республики Узбекистан Б.А. Ходжаева и министра здравоохранения Республики Узбекистан А.К. Шадманова
ПРИЛОЖЕНИЕ к постановлению Кабинета Министров от 20 ноября 2017 года № 920
Изменения и дополнения, вносимые в Положение о порядке работы по совместительству и совмещения профессий и должностей, утвержденное постановлением Кабинета Министров от 18 октября 2012 г. № 297
1. Абзац третий пункта 4 после слов «такими же условиями» дополнить словами «(за исключением работников организаций системы здравоохранения)».
2. Абзац первый пункта 7 после слов «на работе по совместительству» дополнить словами «(за исключением врачебного персонала организаций системы здравоохранения)».
3. Пункт 20 текста на узбекском языке изложить в следующей редакции:
«20. Ходим томонидан меҳнат шартномасида кўрсатилган ўзининг асосий иши билан бир қаторда айни шу ташкилотда асосий касб ва лавозим бўйича қонун ҳужжатларида белгиланган иш вақти давомида бошқа касб ва лавозимдаги қўшимча ишни бажариш бир неча касбда ва лавозимда ишлаш ҳисобланади.
Ходим томонидан меҳнат шартномасида кўрсатилган ўзининг асосий иши билан бир қаторда айни шу ташкилотда асосий касб ва лавозим бўйича қонун ҳужжатларида белгиланган иш вақти давомида ўша касб ва лавозимдаги қўшимча ишларни бажариш хизмат кўрсатиш зонасини кенгайтириш, ишлар ҳажмини кўпайтириш ҳисобланади.
Бир неча касбда ва лавозимда ишлашга, хизмат кўрсатиш зонасини кенгайтиришга, ишлар ҳажмини кўпайтиришга шундай касб ва лавозим бўйича бўш иш ўрни мавжуд бўлганда ёхуд қонун ҳужжатларида назарда тутилган ҳолларда ходим томонидан вақтинчалик йўқ бўлган ходимнинг вазифаларини бажаришда йўл қўйилади».
4. В пунктах 21 , 23 , 24 и абзаце первом пункта 26 текста на узбекском языке слово «ўриндошлик» заменить словами «бир неча касб ва лавозим».
5. В пункте 25 :
а) абзац первый изложить в следующей редакции:
«Размер доплаты за совмещение профессий и должностей, расширение зон обслуживания, увеличение объема работ в бюджетных организациях не может превышать 50 процентов от должностного оклада (тарифной ставки) по совмещаемой профессии и должности, за исключением случаев, установленных Кабинетом Министров Республики Узбекистан, и выплачивается в пределах средств, предусмотренных в фонде оплаты труда бюджетных организаций»;
б) абзацы второй и третий текста на узбекском языке изложить в следующей редакции:
«Бюджет ташкилотларида бир неча касбда ва лавозимда ишлаётганлик учун қўшимча ҳақ шундай касб ва лавозимдаги иш асосий иш бўйича меҳнат мажбуриятларига киритилган ҳолларда белгиланмайди.
Касб (лавозим) бўйича бир неча касб ва лавозим асосида бажариладиган ишларни бир неча ходим ўртасида тақсимлашга йўл қўйилади».
6. Пункт 6 приложения изложить в следующей редакции:
«6. Работа учителей и других педагогических работников (кроме руководителей) общеобразовательных школ, специализированных учебно-воспитательных учреждений, внешкольных образовательных учреждений, преподавателей и мастеров средних специальных, профессиональных образовательных учреждений и других образовательных учреждений, приравненных к ним по оплате труда работников, концертмейстеров и аккомпаниаторов в образовательных учреждениях, педагогических работников (кроме руководителей) дошкольных образовательных учреждений и домов «Меҳрибонлик» сверх установленной нормы труда в том же учреждении, но не более 50 процентов от нормальной продолжительности рабочего времени по данному виду работы».
Премьер-министр Республики Узбекистан А. АРИПОВ
г. Ташкент,
20 ноября 2017 г.,
№ 920