📅 2017-yil 21-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 21 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2017 г. · Постановления Президента
Официальный текст. Официальный документ. Редакционные примечания не включены.
📅 21 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
НИЗОМ
ТАВСИФИ
«Мард ўғлон» давлат мукофотини таъсис этиш чора-тадбирлари тўғрисида
Ўзбекистон Республикаси Президентининг 2017 йил 5 июлдаги «Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида»ги ПФ-5106-сонли Фармонига мувофиқ «Мард ўғлон» давлат мукофоти таъсис этилганлиги муносабати билан мамлакатимизда буюк аждодларимизга муносиб бўлган, мардлик ва жасорат, қатъиятлилик, ҳалоллик, ватанпарварлик каби фазилатларга эга мард ўғлонларимизни тарбиялаш ҳамда жамиятимиз ҳаётининг турли соҳаларида юқори натижаларга эришиб келаётган билимли, ташаббускор, ишбилармон, шижоатли ва фидойи йигитларни рағбатлантириш мақсадида:
1. Ўзбекистон ёшлар иттифоқи Марказий Кенгашининг «Мард ўғлон» давлат мукофотини Қорақалпоғистон Республикаси, вилоятлар ва Тошкент шаҳрининг 2 нафардан вакилларига ҳар йили «Ёшлар куни» арафасида топшириш ҳақидаги таклифи маъқуллансин.
2. Белгилаб қўйилсинки:
«Мард ўғлон» давлат мукофоти ўқишдаги муваффақиятлари, ижтимоий фаоллиги ва истеъдоди билан тенгдошларига ўрнак бўлиб келаётган иқтидорли йигитларга фан, таълим, тиббиёт, маданият, адабиёт, санъат, спорт, ишлаб чиқариш, ҳарбий хизмат соҳаларида ҳамда ҳуқуқни муҳофаза қилиш органларидаги фаолиятида эришган алоҳида ютуқлари учун берилади;
«Мард ўғлон» давлат мукофотига талабгорлар Ўзбекистон Республикаси Президенти ҳузуридаги Давлат мукофотлари ва геральдика бўйича Комиссия (кейинги ўринларда — Комиссия) томонидан кўриб чиқилади. Унинг натижаларига кўра Комиссия томонидан Ўзбекистон Республикаси Президентига таклифлар киритилади;
«Мард ўғлон» давлат мукофоти билан тақдирлаш Ўзбекистон Республикаси Президентининг қарори билан амалга оширилади;
«Мард ўғлон» давлат мукофоти базавий ҳисоблаш миқдорининг 50 баравари миқдорида белгиланади;
«Мард ўғлон» давлат мукофоти соҳиблари бўлган умумтаълим ва ўрта махсус, касб-ҳунар таълими муассасаларининг ўқувчилари олий таълим муассасаларининг бакалавриат босқичига, олий ўқув юртлари талабалари ёки бакалавр даражасига эга ёшлар эса магистратура босқичига тегишли йўналиш бўйича кириш имтиҳонларисиз давлат грантлари асосида қабул қилинадилар.
3. «Мард ўғлон» давлат мукофоти тўғрисидаги низом 1-иловага мувофиқ тасдиқлансин.
4. «Мард ўғлон» давлат мукофоти кўкрак нишонининг тавсифи 2-иловага мувофиқ тасдиқлансин.
5. Ўзбекистон Республикаси Иқтисодиёт ва молия вазирлиги «Мард ўғлон» давлат мукофотини бериш, унинг кўкрак нишонлари ва дипломларини тайёрлаш билан боғлиқ сарф-харажатлар учун Ўзбекистон Республикаси Ёшлар ишлари агентлигига Ўзбекистон Республикасининг Давлат бюджетидан тегишли маблағларни ажратсин.
6. Комиссия бир ой муддатда «Мард ўғлон» давлат мукофотига талабгорларни танлаш ва уларнинг ҳужжатларини тақдим этиш тартиби тўғрисида йўриқнома ишлаб чиқсин ва тасдиқласин.
7. Ўзбекистон Республикаси Адлия вазирлиги манфаатдор вазирлик ва идоралар билан биргаликда бир ой муддатда норматив-ҳуқуқий ҳужжатларга ушбу қарордан келиб чиқадиган ўзгартиш ва қўшимчалар тўғрисидаги таклифларни киритсин.
8. Мазкур қарорнинг бажарилишини назорат қилиш Ўзбекистон Республикаси Президентининг ёшлар сиёсати масалалари бўйича Давлат маслаҳатчиси — Ўзбекистон ёшлар иттифоқи Марказий Кенгаши раиси Қ. Куранбаев зиммасига юклансин.
Ўзбекистон Республикаси Президентининг 2017 йил 21 ноябрдаги ПҚ-3402-сонли қарорига 1-ИЛОВА
«Мард ўғлон» давлат мукофоти тўғрисидаги
1. «Мард ўғлон» давлат мукофоти (кейинги ўринларда — Давлат мукофоти) ўқишдаги муваффақиятлари, ижтимоий фаоллиги ва истеъдоди билан тенгдошларига ўрнак бўлиб келаётган 14 ёшга тўлган ва 30 ёшдан ошмаган иқтидорли йигитларга фан, таълим, тиббиёт, маданият, адабиёт, санъат, спорт, ишлаб чиқариш, ҳарбий хизмат соҳаларида ҳамда ҳуқуқни муҳофаза қилиш органларидаги фаолиятида эришган алоҳида ютуқлари учун берилади.
2. Давлат мукофоти ҳар йили Қорақалпоғистон Республикаси, вилоятлар ва Тошкент шаҳрининг 2 нафардан вакилларига — жами 28 та берилади.
Давлат мукофоти билан тақдирлаш ҳар йили «Ёшлар куни» арафасида амалга оширилади.
3. Давлат мукофотига талабгорлар бўйича таклифлар Ўзбекистон Республикаси Президенти ҳузуридаги Давлат мукофотлари ва геральдика бўйича Комиссияга (кейинги ўринларда — Комиссия) Ўзбекистон Республикаси Ёшлар ишлари агентлиги томонидан, шунингдек, давлат ва хўжалик бошқаруви органлари, нодавлат нотижорат ташкилотлари, таълим, соғлиқни сақлаш, маданият, спорт муассасалари ва бошқа ташкилотларнинг таклифларига кўра Қорақалпоғистон Республикаси, вилоятлар ва Тошкент шаҳар ёшлар ишлари бошқармалари бошлиқлари билан келишилган ҳолда Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимларининг тақдимномалари асосида киритилади.
4. Талабгорларнинг ҳужжатларини расмийлаштириш, тақдим этиш ва уларни танлаш Комиссия томонидан тасдиқланадиган йўриқнома асосида амалга оширилади.
5. Давлат мукофотига сазовор бўлганларга кўкрак нишонлари ва белгиланган намунадаги дипломлар тантанали вазиятда топширилади.
6. Давлат мукофоти базавий ҳисоблаш миқдорининг 50 баравари миқдорида белгиланади.
Давлат мукофоти соҳиблари бўлган умумтаълим ва ўрта махсус, касб-ҳунар таълими муассасаларининг ўқувчилари олий таълим муассасаларининг бакалавриат босқичига, олий ўқув юртлари талабалари ёки бакалавр даражасига эга ёшлар эса магистратура босқичига тегишли йўналиш бўйича кириш имтиҳонларисиз давлат грантлари асосида қабул қилинади.
Давлат мукофоти соҳиблари қонун ҳужжатларида белгилаб қўйиладиган бошқа имтиёзлардан фойдаланади.
7. Давлат мукофотининг кўкрак нишони кўкракнинг ўнг томонига тақилади.
8. Давлат мукофоти такроран берилмайди.
Ўзбекистон Республикаси Президентининг 2017 йил 21 ноябрдаги ПҚ-3402-сонли қарорига 2-ИЛОВА
«Мард ўғлон» давлат мукофоти кўкрак нишонининг
«Мард ўғлон» давлат мукофотининг кўкрак нишони 0,25 микрон қалинликдаги олтин билан қопланган мис қотишмасидан тайёрланади ва саккиз қиррали бўртма юлдуз шаклида бўлади. Юлдузнинг ҳар бир қирраси олтита бўртма нурлардан ташкил топган бўлиб, нурларнинг қарама-қарши учлари оралиғи — 38 миллиметр.
Кўкрак нишонининг ўрта қисми диаметри 25 миллиметр бўлган доира шаклидаги бўртма гардиш билан ўралган. Доиранинг марказида, кўтарилаётган қуёш нурлари фонида ватанпарварлик ва жасорат тимсоли сифатида тулпор устидаги мард ўғлон тасвири ҳамда юртимизнинг гўзал ва бетакрор табиатини ифодаловчи улуғвор тоғлар, икки дарё ва кўркам водийлар акс эттирилган. Суворий тасвирининг юқори қисмида Ўзбекистон Республикаси Давлат байроғининг ҳилпираб турган, рангли эмалдан ишланган тасвири мавжуд.
Кўкрак нишонининг пастки қисмида айлана бўйлаб иккита саккиз қиррали юлдуз оралиғида «MARD OʻGʻLON» ёзуви жойлашган. Ҳарфларнинг баландлиги 1,8 миллиметр.
Кўкрак нишонининг орқа томонида Ўзбекистон Республикасининг Давлат герби тасвирланган.
Тасвирлар ва ёзувлар қабариқдир.
Кўкрак нишони илгакчалар ва ҳалқача ёрдамида тўғри тўртбурчак шаклидаги қадағичга уланган. Қадағичнинг бўйи — 16 миллиметр, эни — 25 миллиметрдан иборат.
Қадағич эни 22 миллиметрли кўк рангли шойи лента билан қопланган бўлиб, лентанинг четларидан 1 миллиметр масофада эни 2 миллиметр бўлган иккита оқ рангли вертикал йўл ўтган. Оқ рангли йўллар ўртасидаги оралиқ 1 миллиметрни ташкил этади.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
«Мард ўғлон» давлат мукофоти
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 21 ноябрь,
ПҚ-3402-сон
Oʻzbekiston Respublikasi Prezidentining
Qarori
NIZOM
TAVSIFI
“Mard oʻgʻlon” davlat mukofotini taʼsis etish chora-tadbirlari toʻgʻrisida
Oʻzbekiston Respublikasi Prezidentining 2017-yil 5-iyuldagi “Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisida”gi PF-5106-sonli Farmoniga muvofiq “Mard oʻgʻlon” davlat mukofoti taʼsis etilganligi munosabati bilan mamlakatimizda buyuk ajdodlarimizga munosib boʻlgan, mardlik va jasorat, qatʼiyatlilik, halollik, vatanparvarlik kabi fazilatlarga ega mard oʻgʻlonlarimizni tarbiyalash hamda jamiyatimiz hayotining turli sohalarida yuqori natijalarga erishib kelayotgan bilimli, tashabbuskor, ishbilarmon, shijoatli va fidoyi yigitlarni ragʻbatlantirish maqsadida:
1. Oʻzbekiston yoshlar ittifoqi Markaziy Kengashining “Mard oʻgʻlon” davlat mukofotini Qoraqalpogʻiston Respublikasi, viloyatlar va Toshkent shahrining 2 nafardan vakillariga har yili “Yoshlar kuni” arafasida topshirish haqidagi taklifi maʼqullansin.
2. Belgilab qoʻyilsinki:
“Mard oʻgʻlon” davlat mukofoti oʻqishdagi muvaffaqiyatlari, ijtimoiy faolligi va isteʼdodi bilan tengdoshlariga oʻrnak boʻlib kelayotgan iqtidorli yigitlarga fan, taʼlim, tibbiyot, madaniyat, adabiyot, sanʼat, sport, ishlab chiqarish, harbiy xizmat sohalarida hamda huquqni muhofaza qilish organlaridagi faoliyatida erishgan alohida yutuqlari uchun beriladi;
“Mard oʻgʻlon” davlat mukofotiga talabgorlar Oʻzbekiston Respublikasi Prezidenti huzuridagi Davlat mukofotlari va geraldika boʻyicha Komissiya (keyingi oʻrinlarda — Komissiya) tomonidan koʻrib chiqiladi. Uning natijalariga koʻra Komissiya tomonidan Oʻzbekiston Respublikasi Prezidentiga takliflar kiritiladi;
“Mard oʻgʻlon” davlat mukofoti bilan taqdirlash Oʻzbekiston Respublikasi Prezidentining qarori bilan amalga oshiriladi;
“Mard oʻgʻlon” davlat mukofoti bazaviy hisoblash miqdorining 50 baravari miqdorida belgilanadi;
“Mard oʻgʻlon” davlat mukofoti sohiblari boʻlgan umumtaʼlim va oʻrta maxsus, kasb-hunar taʼlimi muassasalarining oʻquvchilari oliy taʼlim muassasalarining bakalavriat bosqichiga, oliy oʻquv yurtlari talabalari yoki bakalavr darajasiga ega yoshlar esa magistratura bosqichiga tegishli yoʻnalish boʻyicha kirish imtihonlarisiz davlat grantlari asosida qabul qilinadilar.
3. “Mard oʻgʻlon” davlat mukofoti toʻgʻrisidagi nizom 1-ilovaga muvofiq tasdiqlansin.
4. “Mard oʻgʻlon” davlat mukofoti koʻkrak nishonining tavsifi 2-ilovaga muvofiq tasdiqlansin.
5. Oʻzbekiston Respublikasi Iqtisodiyot va moliya vazirligi “Mard oʻgʻlon” davlat mukofotini berish, uning koʻkrak nishonlari va diplomlarini tayyorlash bilan bogʻliq sarf-xarajatlar uchun Oʻzbekiston Respublikasi Yoshlar ishlari agentligiga Oʻzbekiston Respublikasining Davlat budjetidan tegishli mablagʻlarni ajratsin.
6. Komissiya bir oy muddatda “Mard oʻgʻlon” davlat mukofotiga talabgorlarni tanlash va ularning hujjatlarini taqdim etish tartibi toʻgʻrisida yoʻriqnoma ishlab chiqsin va tasdiqlasin.
7. Oʻzbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda normativ-huquqiy hujjatlarga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni kiritsin.
8. Mazkur qarorning bajarilishini nazorat qilish Oʻzbekiston Respublikasi Prezidentining yoshlar siyosati masalalari boʻyicha Davlat maslahatchisi — Oʻzbekiston yoshlar ittifoqi Markaziy Kengashi raisi Q. Kuranbayev zimmasiga yuklansin.
Oʻzbekiston Respublikasi Prezidentining 2017-yil 21-noyabrdagi PQ-3402-sonli qaroriga 1-ILOVA
“Mard oʻgʻlon” davlat mukofoti toʻgʻrisidagi
1. “Mard oʻgʻlon” davlat mukofoti (keyingi oʻrinlarda — Davlat mukofoti) oʻqishdagi muvaffaqiyatlari, ijtimoiy faolligi va isteʼdodi bilan tengdoshlariga oʻrnak boʻlib kelayotgan 14 yoshga toʻlgan va 30 yoshdan oshmagan iqtidorli yigitlarga fan, taʼlim, tibbiyot, madaniyat, adabiyot, sanʼat, sport, ishlab chiqarish, harbiy xizmat sohalarida hamda huquqni muhofaza qilish organlaridagi faoliyatida erishgan alohida yutuqlari uchun beriladi.
2. Davlat mukofoti har yili Qoraqalpogʻiston Respublikasi, viloyatlar va Toshkent shahrining 2 nafardan vakillariga — jami 28 ta beriladi.
Davlat mukofoti bilan taqdirlash har yili “Yoshlar kuni” arafasida amalga oshiriladi.
3. Davlat mukofotiga talabgorlar boʻyicha takliflar Oʻzbekiston Respublikasi Prezidenti huzuridagi Davlat mukofotlari va geraldika boʻyicha Komissiyaga (keyingi oʻrinlarda — Komissiya) Oʻzbekiston Respublikasi Yoshlar ishlari agentligi tomonidan, shuningdek, davlat va xoʻjalik boshqaruvi organlari, nodavlat notijorat tashkilotlari, taʼlim, sogʻliqni saqlash, madaniyat, sport muassasalari va boshqa tashkilotlarning takliflariga koʻra Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari boshliqlari bilan kelishilgan holda Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlarining taqdimnomalari asosida kiritiladi.
4. Talabgorlarning hujjatlarini rasmiylashtirish, taqdim etish va ularni tanlash Komissiya tomonidan tasdiqlanadigan yoʻriqnoma asosida amalga oshiriladi.
5. Davlat mukofotiga sazovor boʻlganlarga koʻkrak nishonlari va belgilangan namunadagi diplomlar tantanali vaziyatda topshiriladi.
6. Davlat mukofoti bazaviy hisoblash miqdorining 50 baravari miqdorida belgilanadi.
Davlat mukofoti sohiblari boʻlgan umumtaʼlim va oʻrta maxsus, kasb-hunar taʼlimi muassasalarining oʻquvchilari oliy taʼlim muassasalarining bakalavriat bosqichiga, oliy oʻquv yurtlari talabalari yoki bakalavr darajasiga ega yoshlar esa magistratura bosqichiga tegishli yoʻnalish boʻyicha kirish imtihonlarisiz davlat grantlari asosida qabul qilinadi.
Davlat mukofoti sohiblari qonun hujjatlarida belgilab qoʻyiladigan boshqa imtiyozlardan foydalanadi.
7. Davlat mukofotining koʻkrak nishoni koʻkrakning oʻng tomoniga taqiladi.
8. Davlat mukofoti takroran berilmaydi.
Oʻzbekiston Respublikasi Prezidentining 2017-yil 21-noyabrdagi PQ-3402-sonli qaroriga 2-ILOVA
“Mard oʻgʻlon” davlat mukofoti koʻkrak nishonining
“Mard oʻgʻlon” davlat mukofotining koʻkrak nishoni 0,25 mikron qalinlikdagi oltin bilan qoplangan mis qotishmasidan tayyorlanadi va sakkiz qirrali boʻrtma yulduz shaklida boʻladi. Yulduzning har bir qirrasi oltita boʻrtma nurlardan tashkil topgan boʻlib, nurlarning qarama-qarshi uchlari oraligʻi — 38 millimetr.
Koʻkrak nishonining oʻrta qismi diametri 25 millimetr boʻlgan doira shaklidagi boʻrtma gardish bilan oʻralgan. Doiraning markazida, koʻtarilayotgan quyosh nurlari fonida vatanparvarlik va jasorat timsoli sifatida tulpor ustidagi mard oʻgʻlon tasviri hamda yurtimizning goʻzal va betakror tabiatini ifodalovchi ulugʻvor togʻlar, ikki daryo va koʻrkam vodiylar aks ettirilgan. Suvoriy tasvirining yuqori qismida Oʻzbekiston Respublikasi Davlat bayrogʻining hilpirab turgan, rangli emaldan ishlangan tasviri mavjud.
Koʻkrak nishonining pastki qismida aylana boʻylab ikkita sakkiz qirrali yulduz oraligʻida “MARD OʻGʻLON” yozuvi joylashgan. Harflarning balandligi 1,8 millimetr.
Koʻkrak nishonining orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuvlar qabariqdir.
Koʻkrak nishoni ilgakchalar va halqacha yordamida toʻgʻri toʻrtburchak shaklidagi qadagʻichga ulangan. Qadagʻichning boʻyi — 16 millimetr, eni — 25 millimetrdan iborat.
Qadagʻich eni 22 millimetrli koʻk rangli shoyi lenta bilan qoplangan boʻlib, lentaning chetlaridan 1 millimetr masofada eni 2 millimetr boʻlgan ikkita oq rangli vertikal yoʻl oʻtgan. Oq rangli yoʻllar oʻrtasidagi oraliq 1 millimetrni tashkil etadi.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Mard oʻgʻlon” davlat mukofoti
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 21-noyabr,
PQ-3402-son
Президента Республики Узбекистан
Постановление
ПОЛОЖЕНИЕ
ОПИСАНИЕ
О мерах по учреждению Государственной премии «Мард ўғлон»
В связи с учреждением Государственной премии «Мард ўғлон» на основании Указа Президента Республики Узбекистан от 5 июля 2017 года № УП-5106 «О мерах по повышению эффективности государственной молодежной политики и поддержке деятельности Союза молодежи Узбекистана», в целях воспитания отважных сыновей Родины, достойных великих предков и обладающих такими качествами, как мужество, доблесть, решительность, честность и патриотизм, а также стимулирования образованных, инициативных, деловых, энергичных и самоотверженных юношей, достигших высоких результатов в различных сферах жизни общества:
1. Одобрить предложение Центрального Совета Союза молодежи Узбекистана о ежегодном вручении в канун Дня молодежи Государственной премии «Мард ўғлон» представителям Республики Каракалпакстан, областей и города Ташкента (по 2 представителя от каждого региона).
2. Установить, что:
Государственная премия «Мард ўғлон» присуждается одаренным юношам, являющимся примером для сверстников своими успехами в учебе, общественной активностью и талантом, за особые достижения в области науки, образования, медицины, культуры, литературы, искусства, спорта, производства, военной службы и в деятельности правоохранительных органов;
соискатели к Государственной премии «Мард ўғлон», рассматриваются Комиссией по государственным наградам и геральдике при Президенте Республики Узбекистан (далее — Комиссия). По результатам рассмотрения Комиссией вносятся предложения Президенту Республики Узбекистан;
присуждение Государственной премии «Мард ўғлон» осуществляется постановлением Президента Республики Узбекистан;
Государственная премия «Мард ўғлон» устанавливается в размере 50-кратной базовой расчетной величины;
учащиеся учреждений общеобразовательного и среднего специального, профессионального образования, ставшие лауреатами Государственной премии «Мард ўғлон», принимаются в высшие учебные заведения в бакалавриат, а студенты высших образовательных учреждений или молодежь, имеющие степень бакалавра, принимаются в магистратуру по соответствующему направлению без вступительных экзаменов на бюджетной основе.
3. Утвердить Положение о Государственной премии «Мард ўғлон» согласно приложению № 1 .
4. Утвердить описание нагрудного знака Государственной премии «Мард ўғлон» согласно приложению № 2 .
5. Министерству экономики и финансов Республики Узбекистан выделить Агентству по делам молодежи Республики Узбекистан соответствующие средства из Государственного бюджета Республики Узбекистан для расходов, связанных с присуждением Государственной премии «Мард ўғлон», изготовлением нагрудного знака и диплома.
6. Комиссии в месячный срок разработать и утвердить Инструкцию о порядке отбора соискателей и представления их документов на Государственную премию «Мард ўғлон».
7. Министерству юстиции Республики Узбекистан совместно с заинтересованными министерствами и ведомствами в месячный срок внести предложения об изменениях и дополнениях в нормативно-правовые документы, вытекающие из настоящего постановления.
8. Контроль за исполнением настоящего постановления возложить на Государственного советника по вопросам молодежной политики Президента Республики Узбекистан — председателя Центрального Совета Союза молодежи Узбекистана К. Куранбаева.
ПРИЛОЖЕНИЕ № 1 к постановлению Президента Республики Узбекистан от 21 ноября 2017 года № ПП-3402
о Государственной премии «Мард ўғлон»
1. Государственная премия «Мард ўғлон» (далее — Государственная премия) присуждается одаренным юношам, достигшим 14 лет и не старше 30 лет, являющимся примером для сверстников своими успехами в учебе, общественной активностью и талантом, за особые достижения в области науки, образования, медицины, культуры, литературы, искусства, спорта, производства, военной службы и в деятельности правоохранительных органов.
2. Государственная премия присуждается ежегодно представителям Республики Каракалпакстан, областей и города Ташкента (по 2 представителя от каждого региона, всего 28).
Вручение Государственной премии производится ежегодно в канун Дня молодежи.
3. Предложения по соискателям на Государственную премию вносятся в Комиссию по государственным наградам и геральдике при Президенте Республики Узбекистан (далее — Комиссия) Агентством по делам молодежи Республики Узбекистан, а также по представлениям Председателя Жокаргы Кенеса Республики Каракалпакстан, хокимов областей и города Ташкента, согласованным с начальниками управлений по делам молодежи Республики Каракалпакстан, областей и города Ташкента, на основе предложений органов государственного и хозяйственного управления, негосударственных некоммерческих организаций, учреждений образования, здравоохранения, культуры, спорта и других организаций.
4. Оформление, представление документов и отбор соискателей осуществляются в соответствии с инструкцией, утверждаемой Комиссией.
5. Лауреатам Государственной премии вручаются нагрудные знаки и дипломы установленного образца в торжественной обстановке.
6. Государственная премия устанавливается в размере 50-кратной базовой расчетной величины.
Учащиеся учреждений общеобразовательного и среднего специального, профессионального образования, ставшие лауреатами Государственной премии, принимаются в высшие учебные заведения в бакалавриат, а студенты высших образовательных учреждений или молодежь, имеющие степень бакалавра, принимаются в магистратуру по соответствующему направлению без вступительных экзаменов на основе государственных грантов.
Лауреаты Государственной премии пользуются другими льготами, устанавливаемыми законодательством.
7. Нагрудный знак Государственной премии носится на правой стороне груди.
8. Государственная премия повторно не присуждается.
ПРИЛОЖЕНИЕ № 2 к постановлению Президента Республики Узбекистан от 21 ноября 2017 года № ПП-3402
нагрудного знака Государственной премии «Мард ўғлон»
Нагрудный знак Государственной премии «Мард ўғлон» изготавливается из медного сплава, покрытого золотом толщиной 0,25 микрона, и имеет форму выпуклой восьмигранной звезды. Каждая грань звезды состоит из шести выпуклых лучей, расстояние между вершинами противоположных лучей 38 миллиметров.
Середина нагрудного знака представляет собой круг диаметром 25 миллиметров, окаймленный выпуклым ободком. В центре круга на фоне восходящего солнца изображены всадник — отважный юноша, олицетворяющий доблесть и патриотизм, а также величественные горы, две реки и цветущая долина, символизирующие прекрасную и неповторимую природу нашей страны. Над всадником изображен развевающийся Государственный флаг Республики Узбекистан, выполненный цветной эмалью.
Вдоль нижней части окружности нагрудного знака между двумя восьмиконечными звездами расположена надпись «MARD OʻGʻLON». Высота букв 1,8 миллиметра.
На оборотной стороне нагрудного знака изображен Государственный герб Республики Узбекистан.
Изображения и надписи — выпуклые.
Нагрудный знак при помощи ушка и кольца соединяется с прямоугольной колодкой. Высота колодки — 16 миллиметров, ширина — 25 миллиметров.
Колодка обтянута шелковой синей лентой шириной 22 миллиметра. На расстоянии 1 миллиметра от края ленты две вертикальные белые полосы шириной 2 миллиметра. Расстояние между белыми полосами — 1 миллиметр.
На оборотной стороне колодки имеется приспособление в виде булавки для крепления нагрудного знака к одежде.
Нагрудный знак Государственной премии «Мард ўғлон»
Президент Республики Узбекистан Ш. МИРЗИЁЕВ
г. Ташкент,
21 ноября 2017 г.,
№ ПП-3402