📅 2017-yil 20-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 20 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 ноября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 20 November 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Муддатли ҳарбий хизматни ўтаётган ҳарбий хизматчилар ва резервчиларнинг ҳарбий йиғинларда қатнашиш даврида хатларни жўнатиш ҳаражатларини молиялаштиришни тартибга солиш чора-тадбирлари тўғрисида
Муддатли ҳарбий хизматни ўтаётган ҳарбий хизматчилар ва резервчиларнинг хатларини ҳарбий йиғинларда қатнашиш даврида жўнатиш харажатларини молиялаштиришни тартибга солиш, шунингдек, почта алоқаси соҳасининг ишлаш самарадорлигини ошириш мақсадида Вазирлар Маҳкамаси қарор қилади:
1. Ўзбекистон Республикасининг « Умумий ҳарбий мажбурият ва ҳарбий хизмат тўғрисида »ги ва « Ўзбекистон Республикаси Қуролли Кучлари резервидаги хизмат тўғрисида »ги қонунларига, Ўзбекистон Республикаси Президентининг «Ўзбекистон Республикаси фуқароларининг ҳарбий хизматни ўташ тартиби тўғрисида низомни тасдиқлаш тўғрисида» 2006 йил 14 январдаги ПҚ-257-сон қарорига мувофиқ муддатли ҳарбий хизматни ўтаётган ҳарбий хизматчилар ва резервчиларнинг ҳарбий йиғинларда қатнашиш даврида ҳарбий қисмлар томонидан жўнатиладиган хатларини бепул юбориш ҳуқуқига эга эканликлари маълумот учун қабул қилинсин.
2. Муддатли ҳарбий хизматни ўтаётган ҳарбий хизматчилар ва резервчилар ҳарбий йиғинларда қатнашиш даврида махсус маркаланган почта конвертлари билан таъминлаш тартиби тўғрисидаги Низом иловага мувофиқ тасдиқлансин.
3. Белгилаб қўйилсинки, муддатли ҳарбий хизматни ўтаётган ҳарбий хизматчилар ва резервчиларнинг ҳарбий йиғинларда қатнашиш давридаги оддий хатлари ҳарбий қисмлар томонидан почта алоқаси соҳасидаги махсус ваколатли орган томонидан ўрнатилган тартибда муомалага киритилган белгиланган намунадаги махсус маркаланган почта конвертларида жўнатилади.
4. Ўзбекистон Республикаси Молия вазирлиги 2018 йил 1 январдан бошлаб, ҳар йили келгуси йил учун Ўзбекистон Республикаси Давлат бюджети параметрларини шакллантиришда Ўзбекистон Республикаси Миллий гвардияси, Мудофаа вазирлиги, Ички ишлар вазирлиги, Давлат хавфсизлик хизмати, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлиги ҳарбий қисмларининг муддатли ҳарбий хизматни ўтаётган ҳарбий хизматчилар ва резервчиларнинг ҳарбий йиғинларда қатнашиш даврида жўнатиладиган оддий хатларини махсус маркаланган почта конвертларида жўнатиш харажатларини қоплашни назарда тутсин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
6. Мазкур қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири вазифасини бажарувчи Ш.Х. Шерматов зиммасига ва Ўзбекистон Республикаси Вазирлар Маҳкамасининг Ахборот тизимлари ва телекоммуникацияларни ривожлантириш масалалари ахборот-таҳлил департаментига юклансин.
Вазирлар Маҳкамасининг 2017 йил 20 ноябрдаги 923-сон қарорига ИЛОВА
Муддатли ҳарбий хизматни ўтаётган ҳарбий хизматчилар ва резервчиларни ҳарбий йиғинларда қатнашиш даврида махсус маркаланган почта конвертлари билан таъминлаш тартиби тўғрисида
1-боб. Умумий қоидалар
1. Мазкур Низом муддатли ҳарбий хизматни ўтаётган ҳарбий хизматчиларни ва резервчиларни ҳарбий йиғинларда қатнашишга чақирилган даврида махсус маркаланган почта конвертлари билан таъминлаш, шунингдек уларни сотиб олиш харажатларини молиялаштириш тартибини белгилайди.
2. Мазкур Низомда қуйидаги асосий тушунчалар қўлланилади:
махсус маркаланган почта конверти (кейинги ўринларда махсус конверт деб аталади) — босмахона усулида махсус фарқловчи белги ва почта тўловининг давлат белгиси тасвири туширилган, муддатли ҳарбий хизматни ўтаётган ҳарбий хизматчилар ва резервчиларнинг ҳарбий йиғинларда қатнашиш даврида ҳарбий қисмлар томонидан жўнатиладиган оддий хатларини юбориш учун мўлжалланган стандарт почта конверти;
ҳарбий қисмлар — ҳарбий хизматчилар муддатли ҳарбий хизматни ўтайдиган, резервчилар ҳарбий йиғинларда қатнашадиган ҳарбий бошқарув идоралари, ҳарбий қисмлар, қўшилмалар, ташкилотлар, вазирликлар ва идораларнинг ҳарбий тузилмалари.
3. Ушбу Низом муддатли ҳарбий хизматни ўтаётган ҳарбий хизматчиларга, резервчиларнинг (кейинги ўринларда ҳарбий хизматчилар деб аталади) Ўзбекистон Республикаси Миллий гвардияси, Мудофаа вазирлиги, Ички ишлар вазирлиги, Давлат хавфсизлик хизмати, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлигининг ҳарбий қисмларида ҳарбий йиғинларда қатнашаётган даврида амал қилади.
4. Ҳарбий хизматчиларнинг хатлари ҳарбий қисмлар томонидан белгиланган намунадаги махсус конвертларда жўнатилади.
5. Махсус конвертлар 0ʻz DSt 1020:2002 «Почта конвертлари. Техник шартлар» давлат стандарти талабларига мувофиқ қимматли қоғозлар бланкаларини ишлаб чиқариш ҳуқуқига эга бўлган матбаа ташкилоти томонидан тайёрланади.
6. Ҳарбий қисмларни махсус конвертлар билан таъминлаш «Ўзбекистон почтаси» АЖ га ҳар йили 1 апрелдан кечиктирмай тақдим этиладиган буюртманомаларга мувофиқ «Ўзбекистон почтаси» АЖ томонидан, тўлов асосида амалга оширилади.
7. Махсус конвертлар ҳарбий қисмлар томонидан уларнинг харажатлар сметаларида ушбу мақсадда фойдаланиш учун назарда тутилган маблағлар ҳисобига сотиб олинади.
8. Ҳарбий хизматчиларнинг ҳарбий қисмлар томонидан юбориладиган оддий хатлари «Ўзбекистон почтаси» АЖ нинг почта алоқаси объектлари томонидан жўнатилади ва етказиб берилади.
Махсус конвертларда «Ўзбекистон почтаси» АЖ нинг почта алоқаси объектларига ҳарбий қисмлар томонидан топшириладиган оғирлиги 20 граммгача бўлган оддий хатлар жўнатилади.
2-боб. Махсус конвертларни олиш, ҳисобга олиш, сақлаш ва бериш
9. Ҳарбий қисм томонидан махсус конвертларни олиш, ҳисобга олиш, сақлаш ва бериш учун масъул шахс тайинланади.
10. Махсус конвертларни олиш, ҳисобга олиш, сақлаш ва беришни ташкил қилиш қонунчиликка мувофиқ амалга оширилади.
11. Ҳарбий хизматчиларга махсус конвертларни бериш муддатлари ва даврийлиги, шунингдек, бир нафар ҳарбий хизматчига (бир ой/йилда) бериладиган конвертлар сони ҳарбий қисмлар томонидан белгиланади.
12. Берилган махсус конвертлар махсус конвертларнинг мавжудлиги ва ишлатилганлиги тўғрисидаги ҳисоботга асосан ҳисобдан чиқарилади, уларнинг қолдиғи эса ҳисобот йилидан кейинги йилнинг 1 январдаги ҳолатига кўра чиқарилади.
13. Махсус конвертларнинг мавжудлиги ва ишлатилганлиги тўғрисидаги йиғма ҳисоботлар ҳарбий қисмлар томонидан ҳар йили ҳисобот йилидан кейинги йилнинг 15 январига қадар тузилади.
3-боб. Махсус конвертларни сотиб олиш харажатларини молиялаштириш тартиби
14. Навбатдаги молиявий йилга харажатлар сметасини тузиш учун Ўзбекистон Республикаси Миллий гвардияси, Мудофаа вазирлиги, Ички ишлар вазирлиги, Давлат хавфсизлик хизмати, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлиги ҳар йили 1 июлдан кечиктирмасдан ҳарбий қисмлардан олинган бюджет буюртманомалари асосида махсус конвертларни сотиб олиш харажатларини ҳисобга олган ҳолда, йиғма бюджет буюртманомасини тузадилар.
15. Махсус конвертларни сотиб олиш учун бюджетдан ажратиладиган маблағларга эҳтиёжни аниқлаш режалаштирилаётган ҳарбий хизматчилар сонига, шунингдек, махсус конверт қийматига кўра амалга оширилади.
16. Махсус конвертларни сотиб олиш харажатлари ҳарбий қисмларнинг тегишли молиявий йил учун тасдиқланган харажатлар сметалари доирасида Ўзбекистон Республикаси Давлат бюджети маблағлари ҳисобидан молиялаштирилади.
4-боб. Якунловчи қоида
17. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2017 йил 20 ноябрь,
923-сон
Oʻzbekiston Respublikasi Vazirlar Mahkamasining
qarori
NIZOM
Muddatli harbiy xizmatni oʻtayotgan harbiy xizmatchilar va rezervchilarning harbiy yigʻinlarda qatnashish davrida xatlarni joʻnatish harajatlarini moliyalashtirishni tartibga solish chora-tadbirlari toʻgʻrisida
Muddatli harbiy xizmatni oʻtayotgan harbiy xizmatchilar va rezervchilarning xatlarini harbiy yigʻinlarda qatnashish davrida joʻnatish xarajatlarini moliyalashtirishni tartibga solish, shuningdek, pochta aloqasi sohasining ishlash samaradorligini oshirish maqsadida Vazirlar Mahkamasi qaror qiladi:
1. Oʻzbekiston Respublikasining “ Umumiy harbiy majburiyat va harbiy xizmat toʻgʻrisida ”gi va “ Oʻzbekiston Respublikasi Qurolli Kuchlari rezervidagi xizmat toʻgʻrisida ”gi qonunlariga, Oʻzbekiston Respublikasi Prezidentining “Oʻzbekiston Respublikasi fuqarolarining harbiy xizmatni oʻtash tartibi toʻgʻrisida nizomni tasdiqlash toʻgʻrisida” 2006-yil 14-yanvardagi PQ-257-son qaroriga muvofiq muddatli harbiy xizmatni oʻtayotgan harbiy xizmatchilar va rezervchilarning harbiy yigʻinlarda qatnashish davrida harbiy qismlar tomonidan joʻnatiladigan xatlarini bepul yuborish huquqiga ega ekanliklari maʼlumot uchun qabul qilinsin.
2. Muddatli harbiy xizmatni oʻtayotgan harbiy xizmatchilar va rezervchilar harbiy yigʻinlarda qatnashish davrida maxsus markalangan pochta konvertlari bilan taʼminlash tartibi toʻgʻrisidagi Nizom ilovaga muvofiq tasdiqlansin.
3. Belgilab qoʻyilsinki, muddatli harbiy xizmatni oʻtayotgan harbiy xizmatchilar va rezervchilarning harbiy yigʻinlarda qatnashish davridagi oddiy xatlari harbiy qismlar tomonidan pochta aloqasi sohasidagi maxsus vakolatli organ tomonidan oʻrnatilgan tartibda muomalaga kiritilgan belgilangan namunadagi maxsus markalangan pochta konvertlarida joʻnatiladi.
4. Oʻzbekiston Respublikasi Moliya vazirligi 2018-yil 1-yanvardan boshlab, har yili kelgusi yil uchun Oʻzbekiston Respublikasi Davlat budjeti parametrlarini shakllantirishda Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi, Davlat xavfsizlik xizmati, Favqulodda vaziyatlar vazirligi, Axborot texnologiyalari va kommunikatsiyalarini rivojlantirish vazirligi harbiy qismlarining muddatli harbiy xizmatni oʻtayotgan harbiy xizmatchilar va rezervchilarning harbiy yigʻinlarda qatnashish davrida joʻnatiladigan oddiy xatlarini maxsus markalangan pochta konvertlarida joʻnatish xarajatlarini qoplashni nazarda tutsin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri vazifasini bajaruvchi Sh.X. Shermatov zimmasiga va Oʻzbekiston Respublikasi Vazirlar Mahkamasining Axborot tizimlari va telekommunikatsiyalarni rivojlantirish masalalari axborot-tahlil departamentiga yuklansin.
Vazirlar Mahkamasining 2017-yil 20-noyabrdagi 923-son qaroriga ILOVA
Muddatli harbiy xizmatni oʻtayotgan harbiy xizmatchilar va rezervchilarni harbiy yigʻinlarda qatnashish davrida maxsus markalangan pochta konvertlari bilan taʼminlash tartibi toʻgʻrisida
1-bob. Umumiy qoidalar
1. Mazkur Nizom muddatli harbiy xizmatni oʻtayotgan harbiy xizmatchilarni va rezervchilarni harbiy yigʻinlarda qatnashishga chaqirilgan davrida maxsus markalangan pochta konvertlari bilan taʼminlash, shuningdek ularni sotib olish xarajatlarini moliyalashtirish tartibini belgilaydi.
2. Mazkur Nizomda quyidagi asosiy tushunchalar qoʻllaniladi:
maxsus markalangan pochta konverti (keyingi oʻrinlarda maxsus konvert deb ataladi) — bosmaxona usulida maxsus farqlovchi belgi va pochta toʻlovining davlat belgisi tasviri tushirilgan, muddatli harbiy xizmatni oʻtayotgan harbiy xizmatchilar va rezervchilarning harbiy yigʻinlarda qatnashish davrida harbiy qismlar tomonidan joʻnatiladigan oddiy xatlarini yuborish uchun moʻljallangan standart pochta konverti;
harbiy qismlar — harbiy xizmatchilar muddatli harbiy xizmatni oʻtaydigan, rezervchilar harbiy yigʻinlarda qatnashadigan harbiy boshqaruv idoralari, harbiy qismlar, qoʻshilmalar, tashkilotlar, vazirliklar va idoralarning harbiy tuzilmalari.
3. Ushbu Nizom muddatli harbiy xizmatni oʻtayotgan harbiy xizmatchilarga, rezervchilarning (keyingi oʻrinlarda harbiy xizmatchilar deb ataladi) Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi, Davlat xavfsizlik xizmati, Favqulodda vaziyatlar vazirligi, Axborot texnologiyalari va kommunikatsiyalarini rivojlantirish vazirligining harbiy qismlarida harbiy yigʻinlarda qatnashayotgan davrida amal qiladi.
4. Harbiy xizmatchilarning xatlari harbiy qismlar tomonidan belgilangan namunadagi maxsus konvertlarda joʻnatiladi.
5. Maxsus konvertlar 0ʻz DSt 1020:2002 “Pochta konvertlari. Texnik shartlar” davlat standarti talablariga muvofiq qimmatli qogʻozlar blankalarini ishlab chiqarish huquqiga ega boʻlgan matbaa tashkiloti tomonidan tayyorlanadi.
6. Harbiy qismlarni maxsus konvertlar bilan taʼminlash “Oʻzbekiston pochtasi” AJ ga har yili 1-apreldan kechiktirmay taqdim etiladigan buyurtmanomalarga muvofiq “Oʻzbekiston pochtasi” AJ tomonidan, toʻlov asosida amalga oshiriladi.
7. Maxsus konvertlar harbiy qismlar tomonidan ularning xarajatlar smetalarida ushbu maqsadda foydalanish uchun nazarda tutilgan mablagʻlar hisobiga sotib olinadi.
8. Harbiy xizmatchilarning harbiy qismlar tomonidan yuboriladigan oddiy xatlari “Oʻzbekiston pochtasi” AJ ning pochta aloqasi obyektlari tomonidan joʻnatiladi va yetkazib beriladi.
Maxsus konvertlarda “Oʻzbekiston pochtasi” AJ ning pochta aloqasi obyektlariga harbiy qismlar tomonidan topshiriladigan ogʻirligi 20 grammgacha boʻlgan oddiy xatlar joʻnatiladi.
2-bob. Maxsus konvertlarni olish, hisobga olish, saqlash va berish
9. Harbiy qism tomonidan maxsus konvertlarni olish, hisobga olish, saqlash va berish uchun masʼul shaxs tayinlanadi.
10. Maxsus konvertlarni olish, hisobga olish, saqlash va berishni tashkil qilish qonunchilikka muvofiq amalga oshiriladi.
11. Harbiy xizmatchilarga maxsus konvertlarni berish muddatlari va davriyligi, shuningdek, bir nafar harbiy xizmatchiga (bir oy/yilda) beriladigan konvertlar soni harbiy qismlar tomonidan belgilanadi.
12. Berilgan maxsus konvertlar maxsus konvertlarning mavjudligi va ishlatilganligi toʻgʻrisidagi hisobotga asosan hisobdan chiqariladi, ularning qoldigʻi esa hisobot yilidan keyingi yilning 1-yanvardagi holatiga koʻra chiqariladi.
13. Maxsus konvertlarning mavjudligi va ishlatilganligi toʻgʻrisidagi yigʻma hisobotlar harbiy qismlar tomonidan har yili hisobot yilidan keyingi yilning 15-yanvariga qadar tuziladi.
3-bob. Maxsus konvertlarni sotib olish xarajatlarini moliyalashtirish tartibi
14. Navbatdagi moliyaviy yilga xarajatlar smetasini tuzish uchun Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi, Davlat xavfsizlik xizmati, Favqulodda vaziyatlar vazirligi, Axborot texnologiyalari va kommunikatsiyalarini rivojlantirish vazirligi har yili 1-iyuldan kechiktirmasdan harbiy qismlardan olingan budjet buyurtmanomalari asosida maxsus konvertlarni sotib olish xarajatlarini hisobga olgan holda, yigʻma budjet buyurtmanomasini tuzadilar.
15. Maxsus konvertlarni sotib olish uchun budjetdan ajratiladigan mablagʻlarga ehtiyojni aniqlash rejalashtirilayotgan harbiy xizmatchilar soniga, shuningdek, maxsus konvert qiymatiga koʻra amalga oshiriladi.
16. Maxsus konvertlarni sotib olish xarajatlari harbiy qismlarning tegishli moliyaviy yil uchun tasdiqlangan xarajatlar smetalari doirasida Oʻzbekiston Respublikasi Davlat budjeti mablagʻlari hisobidan moliyalashtiriladi.
4-bob. Yakunlovchi qoida
17. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 20-noyabr,
923-son
Кабинета Министров Республики Узбекистан
Постановление
ПОЛОЖЕНИЕ
О мерах по упорядочению финансирования расходов по пересылке писем военнослужащих срочной военной службы и резервистов в период прохождения военных сборов
В целях упорядочения финансирования расходов по пересылке писем военнослужащих срочной военной службы и резервистов в период прохождения военных сборов, а также повышения эффективности функционирования сферы почтовой связи Кабинет Министров постановляет:
1. Принять к сведению, что в соответствии с законами Республики Узбекистан « О всеобщей воинской обязанности и военной службе » и « О службе в резерве Вооруженных Сил Республики Узбекистан », постановлением Президента Республики Узбекистан от 14 января 2006 года № ПП-257 «Об утверждении Положения о порядке прохождения военной службы гражданами Республики Узбекистан» военнослужащие срочной военной службы и резервисты в период прохождения военных сборов имеют право на бесплатную пересылку писем, отправляемых воинскими частями.
2. Утвердить Положение о порядке обеспечения военнослужащих срочной военной службы и резервистов в период прохождения военных сборов специальными маркированными почтовыми конвертами согласно приложению .
3. Установить, что пересылка воинскими частями простых писем военнослужащих срочной военной службы и резервистов в период прохождения ими военных сборов осуществляется в специальных маркированных почтовых конвертах установленного образца, введенных в обращение специально уполномоченным органом в сфере почтовой связи.
4. Министерству финансов Республики Узбекистан, начиная с 1 января 2018 года, ежегодно при формировании параметров Государственного бюджета Республики Узбекистан на предстоящий год предусматривать средства на покрытие расходов воинских частей Национальной гвардии, Министерства обороны, Министерства внутренних дел, Службы государственной безопасности, Министерства по чрезвычайным ситуациям, Министерства по развитию информационных технологий и коммуникаций Республики Узбекистан по пересылке простых писем военнослужащих срочной военной службы и резервистов в период прохождения ими военных сборов в специальных маркированных почтовых конвертах.
5. Министерству по развитию информационных технологий и коммуникаций Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
6. Контроль за исполнением настоящего постановления возложить на исполняющего обязанности министра по развитию информационных технологий и коммуникаций Республики Узбекистан Ш.Х. Шерматова и Информационно-аналитический департамент по вопросам развития информационных систем и телекоммуникаций Кабинета Министров Республики Узбекистан.
ПРИЛОЖЕНИЕ к постановлению Кабинета Министров от 20 ноября 2017 года № 923
о порядке обеспечения военнослужащих срочной военной службы и резервистов в период прохождения военных сборов специальными маркированными почтовыми конвертами
Глава 1. Общие положения
1. Настоящее Положение определяет порядок обеспечения военнослужащих срочной военной службы и резервистов в период прохождения ими военных сборов специальными маркированными почтовыми конвертами, а также финансирования расходов на их приобретение.
2. В настоящем Положении применяются следующие основные понятия:
специальный маркированный почтовый конверт (далее — специальный конверт) — стандартный почтовый конверт с типографским изображением на нем специального знака отличия и государственного знака почтовой оплаты, предназначенный для пересылки простых писем военнослужащих срочной военной службы и резервистов в период прохождения ими военных сборов, отправляемых воинскими частями;
воинские части — органы военного управления, воинские части, соединения, организации, воинские формирования министерств и ведомств, в которых военнослужащие проходят срочную военную службу, резервисты — военные сборы.
3. Действие настоящего Положения распространяется на военнослужащих срочной военной службы, резервистов в период прохождения ими военных сборов в воинских частях Национальной гвардии, Министерства обороны, Министерства внутренних дел, Службы государственной безопасности, Министерства по чрезвычайным ситуациям, Министерства по развитию информационных технологий и коммуникаций Республики Узбекистан (далее — военнослужащие).
4. Пересылка писем военнослужащих, отправляемых воинскими частями, осуществляется в специальных конвертах установленного образца.
5. Специальные конверты изготавливаются полиграфической организацией, обладающей правом производства бланков ценных бумаг в соответствии с требованиями государственного стандарта 0ʻz DSt 1020:2002 «Конверты почтовые. Технические условия».
6. Обеспечение специальными конвертами воинских частей осуществляется АО «Узбекистон почтаси» на платной основе по заявкам воинских частей, которые подаются в АО «Узбекистон почтаси» ежегодно не позднее 1 апреля.
7. Приобретение специальных конвертов осуществляется воинскими частями за счет средств, предусматриваемых на эти цели в их сметах расходов.
8. Простые письма военнослужащих, отправленные воинскими частями, пересылаются и доставляются объектами почтовой связи АО «Узбекистон почтаси».
В специальных конвертах пересылке подлежат простые письма весом до 20 г, сдаваемые воинскими частями на объекты почтовой связи АО «Узбекистон почтаси».
Глава 2. Получение, учет, хранение и выдача специальных конвертов
9. Воинской частью назначается ответственное лицо за получение, учет, хранение и выдачу специальных конвертов.
10. Организация получения, учета, хранения и выдачи специальных конвертов в воинских частях осуществляется в соответствии с законодательством.
11. Сроки и периодичность выдачи специальных конвертов военнослужащим, а также количество конвертов, полагающееся одному военнослужащему (в месяц/год), устанавливаются воинскими частями.
12. Выданные специальные конверты списываются на основании отчета о наличии и использовании специальных конвертов, а их остаток выводится на 1 января года, следующего за отчетным.
13. Сводные отчеты о наличии и использовании специальных конвертов составляются воинскими частями ежегодно в срок до 15 января года, следующего за отчетным.
Глава 3. Порядок финансирования расходов на приобретение специальных конвертов
14. Для составления сметы расходов на очередной финансовый год Национальная гвардия, Министерство обороны, Министерство внутренних дел, Служба государственной безопасности, Министерство по чрезвычайным ситуациям, Министерство по развитию информационных технологий и коммуникаций Республики Узбекистан ежегодно не позднее 1 июля составляют на основании бюджетных заявок, полученных от воинских частей, сводную бюджетную заявку, с учетом расходов на приобретение специальных конвертов.
15. Определение потребности в бюджетных ассигнованиях на приобретение специальных конвертов осуществляется по планируемой списочной численности военнослужащих, а также стоимости специального конверта.
16. Средства Государственного бюджета Республики Узбекистан для финансирования расходов на приобретение специальных конвертов выделяются в пределах утверждаемых смет расходов воинских частей на соответствующий финансовый год.
Глава 4. Заключительное положение
17. Лица, виновные в нарушении требований настоящего Положения, несут ответственность в порядке, установленном законодательством.
Премьер-министр Республики Узбекистан А. АРИПОВ
г. Ташкент,
20 ноября 2017 г.,
№ 923