📅 2017-yil 9-noyabr · Vazirlik va idoralar hujjatlari · Sudyalar oliy kengashi Sogʻliqni saqlash vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 9 ноябрь · Вазирлик ва идоралар ҳужжатлари · Судьялар олий кенгаши Соғлиқни сақлаш вазирлиги
Расмий матн. Расмий ҳужжат. Таҳририй изоҳлар киритилмаган.
📅 9 ноября 2017 г. · Документы министерств и ведомств · Высшего судейского совета Министерства здравоохранения
Официальный текст. Официальный документ. Редакционные примечания не включены.
📅 9 November 2017 · Ministry and agency documents · Sudyalar oliy kengashi Sogʻliqni saqlash vazirligi
Official text. Official document. Editorial notes are not included.
Ўзбекистон Республикаси Судьялар олий кенгаши Ўзбекистон Республикаси Соғлиқни сақлаш вазирлигининг
Қарори
РЎЙХАТИ
Одил судловни амалга оширишга тўсқинлик қиладиган касалликларнинг ва жисмоний нуқсонларнинг рўйхатини тасдиқлаш тўғрисида
Ўзбекистон Республикасининг «Ўзбекистон Республикаси Судьялар олий кенгаши тўғрисида»ги Қонунига мувофиқ Ўзбекистон Республикаси Судьялар олий кенгаши ҳамда Соғлиқни сақлаш вазирлиги қарор қилади:
1. Одил судловни амалга оширишга тўсқинлик қиладиган касалликларнинг ва жисмоний нуқсонларнинг рўйхати иловага мувофиқ тасдиқлансин .
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Судьялар олий кенгаши ва Соғлиқни сақлаш вазирлигининг 2017 йил 9 ноябрдаги СОКҚ-374, 123-сон қарорига ИЛОВА
Одил судловни амалга оширишга тўсқинлик қиладиган касалликларнинг ва жисмоний нуқсонларнинг
Т/р Касалликлар ва нуқсонлар номи 1. Қўпол ҳаракат бузилишлари билан кечадиган асаб тизими касалликлари: инсульт ва унинг асоратлари; оғир бош мия жароҳати ва унинг асоратлари; турғун ҳаракат нуқсонлар билан кечадиган ўткир энцефалит, миелит, энцефаломиелит, Гийен-Барре-Ландри полирадикулоневритлар; наслий мияча атаксиялар (Пьер-Мари, Фридрейх касалликлари); экстрапирамида тузилмасининг зарарланиши билан кечадиган асаб тизими касалликлари (Паркинсон касаллиги, Гентингтон хореяси, гепатоцеребрал дистрофияси); демиелинувчи касалликлар (тарқоқ склероз, ёнланма амиотрофик склероз, Шильдер лейкоэнцефалити) 2. Тутқаноқ талвасалар билан кечадиган касалликлар (эпилепсия ва тутқаноқ синдромлари). 3. Когнитив (ақлий) фаолияти бузилиши билан кечадиган нерв тизимининг дегенератив касалликлари (Альцгеймер, Пик касалликлари ва бошқалар). 4. Марказий нерв тизими фаолиятининг яққол бузилиши билан кечадиган ҳажмли ҳосилалар. 5. Шизофрения, шизотипик ва алаҳлашли бузилишлар (шизоферения барча турлари ва бошқалар). 6. Ўпка ва бошқа аъзолар сил касалликлари фаол даври. 7. Мохов касаллиги. 8. Сурункали алкоголизм. 9. Гиёҳвандлик, токсикомания. 10. Фаолиятнинг турғун бузилиши билан кечувчи эндокрин тизим касалликлари: туғма йод танқислиги синдроми; буқоқсиз туғма гипотериоз; диффуз буқоқли тиреотоксикоз, III-IV даража офтальмопатия билан кечувчи декомпенсация ҳолатида, оғир шакли; инсулинга муҳтож бўлган 1 тур қандли диабет касаллиги, оғир шакли, лабил кечиши ва декомпенсация ҳолати; оғир кечувчи иккиламчи қандли диабет ва кўп сонли суяк синишлари билан кузатиладиган остеопорозга олиб келувчи Иценко-Кушинг касаллиги; пангипопитуитаризм ва иккиламчи қандли диабетнинг оғир асоратлари билан кечадиган акромегалия касаллиги; гипофизар нанизм; фаолиятнинг турғун бузилиши билан кечадиган эндокрин аъзоларининг ўсмалари. 11. Гемобластозлар: сурункали миелолейкоз бластли криз даври; лимфогрануломатоз (ремиссиядан ташқари) ўткир оқ қон (ремиссиядан ташқари). 12. Сурункали юрак етишмовчилиги III босқич. 13. Юрак ишемик касаллиги: зўриқиш стенокардияси ФС (функционал синф) IV. 14. Гипертония касаллиги III босқич, тез-тез кризли кечиши. 15. Юрак касалликлари ритм ва ўтказувчанлик бузилишлари билан: синус тугуни заифлиги, АВ блокада II-III даража, юрак уриши сонининг 1 минутига 40 тадан пасайиши ёки хушдан кетиш билан кечадиган ҳолатлар; пароксизмал қоринчалар тахикардияси, қоринчалар экстрасистолияси (Лаун бўйича IV а, б градация); пароксизмал қоринчалар усти тахикардияси (WPW синдром, бўлмачалар фибрилляцияси, тугунли тахикардия ва бошқалар) номуқим гемодинамика билан — артериал қон босимининг кескин пасайиши, бош мия қон айланишининг бузилиши, ўпка шиши. 16. Аорта ва артериялар аневризмалари ва қатламланиши. 17. Жигар циррози портал гипертензия билан. 18. Сурункали буйрак етишмовчилиги II-III даража. 19. Мувозанат (вестибуляр) анализатор фаолиятининг бузилиши, шунингдек, Меньер касаллиги оғир шакли. 20. Асаб тизими ривожланишининг туғма нуқсонлари (сирингомиелия ва сирингобульбия). 21. Эшитишнинг бир ёки икки томонлама турғун пасайиши (шивирлашда товуш эшитилиши камида 3 метр) электроакустик мосламаларда эшитиш ўзгармаслиги (эшитиш мосламаси билан товушнинг эшитилиши камида 6 метр). 22. Иккала кўзда кўрликга олиб келган кўз ёки умумий касалликлар. 23. Иккала қўл ёки иккала оёқнинг йўқлиги. 24. Нутқнинг йўқлиги.
Судьялар олий кенгаши раиси М. УСМОНОВ
Соғлиқни сақлаш вазири А. ШАДМАНОВ
Тошкент ш.,
2017 йил 9 ноябрь,
Тошкент ш.,
2017 йил 9 ноябрь,
СОКҚ-374-сон
123-сон
Oʻzbekiston Respublikasi Sudyalar oliy kengashi Oʻzbekiston Respublikasi Sogʻliqni saqlash vazirligining
Qarori
ROʻYXATI
Odil sudlovni amalga oshirishga toʻsqinlik qiladigan kasalliklarning va jismoniy nuqsonlarning roʻyxatini tasdiqlash toʻgʻrisida
Oʻzbekiston Respublikasining “Oʻzbekiston Respublikasi Sudyalar oliy kengashi toʻgʻrisida”gi Qonuniga muvofiq Oʻzbekiston Respublikasi Sudyalar oliy kengashi hamda Sogʻliqni saqlash vazirligi qaror qiladi:
1. Odil sudlovni amalga oshirishga toʻsqinlik qiladigan kasalliklarning va jismoniy nuqsonlarning roʻyxati ilovaga muvofiq tasdiqlansin .
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Sudyalar oliy kengashi va Sogʻliqni saqlash vazirligining 2017-yil 9-noyabrdagi SOKQ-374, 123-son qaroriga ILOVA
Odil sudlovni amalga oshirishga toʻsqinlik qiladigan kasalliklarning va jismoniy nuqsonlarning
T/r Kasalliklar va nuqsonlar nomi 1. Qoʻpol harakat buzilishlari bilan kechadigan asab tizimi kasalliklari: insult va uning asoratlari; ogʻir bosh miya jarohati va uning asoratlari; turgʻun harakat nuqsonlar bilan kechadigan oʻtkir ensefalit, miyelit, ensefalomiyelit, Giyen-Barre-Landri poliradikulonevritlar; nasliy miyacha ataksiyalar (Pyer-Mari, Fridreyx kasalliklari); ekstrapiramida tuzilmasining zararlanishi bilan kechadigan asab tizimi kasalliklari (Parkinson kasalligi, Gentington xoreyasi, gepatotserebral distrofiyasi); demiyelinuvchi kasalliklar (tarqoq skleroz, yonlanma amiotrofik skleroz, Shilder leykoensefaliti) 2. Tutqanoq talvasalar bilan kechadigan kasalliklar (epilepsiya va tutqanoq sindromlari). 3. Kognitiv (aqliy) faoliyati buzilishi bilan kechadigan nerv tizimining degenerativ kasalliklari (Alsgeymer, Pik kasalliklari va boshqalar). 4. Markaziy nerv tizimi faoliyatining yaqqol buzilishi bilan kechadigan hajmli hosilalar. 5. Shizofreniya, shizotipik va alahlashli buzilishlar (shizofereniya barcha turlari va boshqalar). 6. Oʻpka va boshqa aʼzolar sil kasalliklari faol davri. 7. Moxov kasalligi. 8. Surunkali alkogolizm. 9. Giyohvandlik, toksikomaniya. 10. Faoliyatning turgʻun buzilishi bilan kechuvchi endokrin tizim kasalliklari: tugʻma yod tanqisligi sindromi; buqoqsiz tugʻma gipoterioz; diffuz buqoqli tireotoksikoz, III-IV daraja oftalmopatiya bilan kechuvchi dekompensatsiya holatida, ogʻir shakli; insulinga muhtoj boʻlgan 1 tur qandli diabet kasalligi, ogʻir shakli, labil kechishi va dekompensatsiya holati; ogʻir kechuvchi ikkilamchi qandli diabet va koʻp sonli suyak sinishlari bilan kuzatiladigan osteoporozga olib keluvchi Itsenko-Kushing kasalligi; pangipopituitarizm va ikkilamchi qandli diabetning ogʻir asoratlari bilan kechadigan akromegaliya kasalligi; gipofizar nanizm; faoliyatning turgʻun buzilishi bilan kechadigan endokrin aʼzolarining oʻsmalari. 11. Gemoblastozlar: surunkali miyeloleykoz blastli kriz davri; limfogranulomatoz (remissiyadan tashqari) oʻtkir oq qon (remissiyadan tashqari). 12. Surunkali yurak yetishmovchiligi III bosqich. 13. Yurak ishemik kasalligi: zoʻriqish stenokardiyasi FS (funksional sinf) IV. 14. Gipertoniya kasalligi III bosqich, tez-tez krizli kechishi. 15. Yurak kasalliklari ritm va oʻtkazuvchanlik buzilishlari bilan: sinus tuguni zaifligi, AV blokada II-III daraja, yurak urishi sonining 1 minutiga 40 tadan pasayishi yoki xushdan ketish bilan kechadigan holatlar; paroksizmal qorinchalar taxikardiyasi, qorinchalar ekstrasistoliyasi (Laun boʻyicha IV a, b gradatsiya); paroksizmal qorinchalar usti taxikardiyasi (WPW sindrom, boʻlmachalar fibrillyatsiyasi, tugunli taxikardiya va boshqalar) nomuqim gemodinamika bilan — arterial qon bosimining keskin pasayishi, bosh miya qon aylanishining buzilishi, oʻpka shishi. 16. Aorta va arteriyalar anevrizmalari va qatlamlanishi. 17. Jigar sirrozi portal gipertenziya bilan. 18. Surunkali buyrak yetishmovchiligi II-III daraja. 19. Muvozanat (vestibulyar) analizator faoliyatining buzilishi, shuningdek, Menyer kasalligi ogʻir shakli. 20. Asab tizimi rivojlanishining tugʻma nuqsonlari (siringomiyeliya va siringobulbiya). 21. Eshitishning bir yoki ikki tomonlama turgʻun pasayishi (shivirlashda tovush eshitilishi kamida 3 metr) elektroakustik moslamalarda eshitish oʻzgarmasligi (eshitish moslamasi bilan tovushning eshitilishi kamida 6 metr). 22. Ikkala koʻzda koʻrlikga olib kelgan koʻz yoki umumiy kasalliklar. 23. Ikkala qoʻl yoki ikkala oyoqning yoʻqligi. 24. Nutqning yoʻqligi.
Sudyalar oliy kengashi raisi M. USMONOV
Sogʻliqni saqlash vaziri A. SHADMANOV
Toshkent sh.,
2017-yil 9-noyabr,
Toshkent sh.,
2017-yil 9-noyabr,
SOKQ-374-son
123-son