📅 2017-yil 27-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 27 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 ноября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 27 November 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Фуқароларнинг ўзини ўзи бошқариш органларида меҳнат муносабатларини тартибга солиш тўғрисидаги низомни тасдиқлаш ҳақида
Ўзбекистон Республикаси Президентининг «Маҳалла институтини янада такомиллаштириш чора-тадбирлари тўғрисида» 2017 йил 3 февралдаги ПФ-4944-сон Фармони билан тасдиқланган Фуқароларнинг ўзини ўзи бошқариш органлари фаолиятини янада такомиллаштиришга доир комплекс чора-тадбирлар дастурини бажариш юзасидан Вазирлар Маҳкамаси қарор қилади:
1. Фуқароларнинг ўзини ўзи бошқариш органларида меҳнат муносабатларини тартибга солиш тўғрисидаги низом иловага мувофиқ тасдиқлансин.
2. Вазирликлар ва идоралар ўзлари қабул қилган норматив-ҳуқуқий ҳужжатларни икки ҳафта муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Таълим, илм-фан ва ёшлар сиёсати масалалари ахборот-таҳлил департаментига юклансин.
Вазирлар Маҳкамасининг 2017 йил 27 ноябрдаги 944-сон қарорига ИЛОВА
Фуқароларнинг ўзини ўзи бошқариш органларида меҳнат муносабатларини тартибга солиш тўғрисида
1-боб. Умумий қоидалар
1. Ушбу Низом Ўзбекистон Республикаси Президентининг «Маҳалла институтини янада такомиллаштириш чора-тадбирлари тўғрисида» 2017 йил 3 февралдаги ПФ-4944-сон Фармонига мувофиқ фуқароларнинг ўзини ўзи бошқариш органларида меҳнат муносабатларини тартибга солиш тартибини белгилайди.
2-боб. Фуқаролар йиғини раиси ва ходимлари билан меҳнат муносабатларини тартибга солиш тартиби
2. Фуқаролар йиғини раиси ва ходимлари (масъул котиб ва бошқалар) ўз фаолиятини қонунчиликка мувофиқ амалга оширадилар.
3. Фуқаролар йиғини раиси ва ходимларининг меҳнат мажбуриятлари ва ҳуқуқлари, шунингдек, улар ўртасидаги ўзаро муносабат масалалари меҳнат муносабатларини тартибга соладиган норматив ҳужжатларни ҳисобга олган ҳолда, фуқароларнинг ўзини ўзи бошқариш органлари томонидан қабул қилинадиган ва фуқаролар йиғини раиси тасдиқлайдиган ички ҳужжатларда аниқлаштирилади.
4. Фуқаролар йиғини раиси фуқаролар йиғини ваколатларини амалга ошириш мақсадида Фуқаролар йиғини кенгашининг қарорига кўра, фуқаролар йиғини аҳолисини хизматлар кўрсатиш бўйича фуқаролик-ҳуқуқий шартнома асосида айрим ишларни бажаришга жалб қилиш ҳуқуқига эга.
5. Фуқаролар йиғини раиси маҳаллалар ҳудудида яшайдиган ишсиз шахсларни жамоат ишларига жалб қилиш учун улар билан меҳнат шартномалари тузиш ҳуқуқига эга ва уларнинг меҳнатига Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси маблағлари ҳисобидан ҳақ тўланади.
3-боб. Фуқароларнинг ўзини ўзи бошқариш органлари ходимлари меҳнатига ҳақ тўлаш
6. Фуқаролар йиғини штатига кирадиган фуқаролар йиғини раиси ва ходимлари меҳнатига меҳнатга ҳақ тўлаш бўйича Ягона тариф сеткаси асосида лавозим маоши шаклида ҳақ тўланади. Ушбу тоифадаги ходимлар меҳнатига ҳақ тўлаш разрядлари Вазирлар Маҳкамасининг «Фуқаролар йиғинлари ходимлари меҳнатига Ягона тариф сеткаси бўйича ҳақ тўлашнинг разрядларини белгилаш тўғрисида» 2017 йил 17 июлдаги 500-сон қарори билан белгиланади.
Фуқаролар йиғини раиси ва ходимларига қўшимча ҳақ ва устамалар меҳнат шартномалари, шунингдек, иш берувчи томонидан касаба уюшмаси қўмитаси ёки ходимларнинг бошқа ваколатли органи билан келишган ҳолда қабул қилинадиган бошқа маҳаллий ҳужжатларга мувофиқ белгиланади.
7. Бюджетдан ташқари манбалар ҳисобидан мукофотлар ва қўшимча ҳақ:
фуқаролар йиғини раисларига — тегишли туманлар (шаҳарлар) ҳокимлари — Туман (шаҳар) фуқароларнинг ўзини ўзи бошқариш органлари фаолиятини мувофиқлаштириш бўйича кенгаш раиси қарори билан;
фуқаролар йиғинининг бошқа ходимларига — фуқаролар йиғини раисининг тақдимномаси асосида тегишли туманлар (шаҳарлар) ҳокимлари қарори билан тўланади.
8. Фуқаролар йиғини ходимлари ҳисобланмаган фуқаролар меҳнатига ҳақ тўлаш шартлари ва миқдори Фуқаролар йиғини кенгаши томонидан белгиланади.
Фуқаролар йиғини ваколатларини амалга ошириш учун жалб қилинадиган фуқароларга пул мукофоти қонунчиликда назарда тутилган бюджетдан ташқари манбалар ҳисобидан тўланади.
4-боб. Фуқаролар йиғини раиси ва ходимларининг иш тартиби
9. Фуқаролар йиғини раиси ва ходимларининг иш тартиби қирқ соатлик ва олти кунлик иш ҳафтасидан келиб чиққан ҳолда Фуқаролар йиғини кенгаши томонидан тасдиқланадиган ички тартиб қоидаларига кўра белгиланади.
10. Фуқароларнинг ўзини ўзи бошқариш органида қонунчиликда белгиланган ваколатларни амалга ошириш бўйича фуқаролар йиғини фаолиятини ташкил этишнинг ўзига хос хусусиятлари инобатга олиниб, иш вақтининг жамланган ҳисоби юритилади ва иш куни соат 7-00 дан 22-00 гача тақсимланади.
Фуқаролар йиғини ходимларининг мослаштирилган иш вақти шароитидаги иш жадвали ходимларнинг лавозим мажбуриятларини бажаришини оптималлаштиришни ҳисобга олган ҳолда фуқаролар йиғини раиси томонидан, фуқаролар йиғини раисининг иш вақти жадвали — Фуқаролар йиғини кенгаши томонидан белгиланади.
Фуқаролар йиғини раиси ва ходимларининг иш жадвали уларнинг бевосита фуқаролар йиғини биносида бўлиш вақти кўрсатилган ҳолда умумий кўринадиган жойда осиб қўйилади.
11. Фуқаролар йиғини раиси ва ходимларига ҳар йили 24 кунлик ҳақ тўланадиган меҳнат таътили берилади.
5-боб. Якунловчи қоидалар
12. Фуқаролар йиғини раиси ва ходимларининг ваколатлари «Фуқароларнинг ўзини ўзи бошқариш органлари тўғрисида»ги Қонун ва фуқаролар йиғини раиси ҳамда ходимларининг меҳнат муносабатларини тартибга соладиган норматив ҳужжатларда назарда тутилган тартибда тугатилади.
13. Фуқаролар йиғини раиси ва ходимларининг меҳнат муносабатларини тартибга солиш соҳасидаги низолар қонунчиликда назарда тутилган тартибда ҳал этилади.
Ўзбекистон Республикасининг Бош вазири А. АРИПОВ
Тошкент ш.,
2017 йил 27 ноябрь,
944-сон
Oʻzbekiston Respublikasi Vazirlar Mahkamasining
qarori
NIZOM
Fuqarolarning oʻzini oʻzi boshqarish organlarida mehnat munosabatlarini tartibga solish toʻgʻrisidagi nizomni tasdiqlash haqida
Oʻzbekiston Respublikasi Prezidentining “Mahalla institutini yanada takomillashtirish chora-tadbirlari toʻgʻrisida” 2017-yil 3-fevraldagi PF-4944-son Farmoni bilan tasdiqlangan Fuqarolarning oʻzini oʻzi boshqarish organlari faoliyatini yanada takomillashtirishga doir kompleks chora-tadbirlar dasturini bajarish yuzasidan Vazirlar Mahkamasi qaror qiladi:
1. Fuqarolarning oʻzini oʻzi boshqarish organlarida mehnat munosabatlarini tartibga solish toʻgʻrisidagi nizom ilovaga muvofiq tasdiqlansin.
2. Vazirliklar va idoralar oʻzlari qabul qilgan normativ-huquqiy hujjatlarni ikki hafta muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.
Vazirlar Mahkamasining 2017-yil 27-noyabrdagi 944-son qaroriga ILOVA
Fuqarolarning oʻzini oʻzi boshqarish organlarida mehnat munosabatlarini tartibga solish toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Prezidentining “Mahalla institutini yanada takomillashtirish chora-tadbirlari toʻgʻrisida” 2017-yil 3-fevraldagi PF-4944-son Farmoniga muvofiq fuqarolarning oʻzini oʻzi boshqarish organlarida mehnat munosabatlarini tartibga solish tartibini belgilaydi.
2-bob. Fuqarolar yigʻini raisi va xodimlari bilan mehnat munosabatlarini tartibga solish tartibi
2. Fuqarolar yigʻini raisi va xodimlari (masʼul kotib va boshqalar) oʻz faoliyatini qonunchilikka muvofiq amalga oshiradilar.
3. Fuqarolar yigʻini raisi va xodimlarining mehnat majburiyatlari va huquqlari, shuningdek, ular oʻrtasidagi oʻzaro munosabat masalalari mehnat munosabatlarini tartibga soladigan normativ hujjatlarni hisobga olgan holda, fuqarolarning oʻzini oʻzi boshqarish organlari tomonidan qabul qilinadigan va fuqarolar yigʻini raisi tasdiqlaydigan ichki hujjatlarda aniqlashtiriladi.
4. Fuqarolar yigʻini raisi fuqarolar yigʻini vakolatlarini amalga oshirish maqsadida Fuqarolar yigʻini kengashining qaroriga koʻra, fuqarolar yigʻini aholisini xizmatlar koʻrsatish boʻyicha fuqarolik-huquqiy shartnoma asosida ayrim ishlarni bajarishga jalb qilish huquqiga ega.
5. Fuqarolar yigʻini raisi mahallalar hududida yashaydigan ishsiz shaxslarni jamoat ishlariga jalb qilish uchun ular bilan mehnat shartnomalari tuzish huquqiga ega va ularning mehnatiga Oʻzbekiston Respublikasi Bandlik va mehnat munosabatlari vazirligi huzuridagi Jamoat ishlari jamgʻarmasi mablagʻlari hisobidan haq toʻlanadi.
3-bob. Fuqarolarning oʻzini oʻzi boshqarish organlari xodimlari mehnatiga haq toʻlash
6. Fuqarolar yigʻini shtatiga kiradigan fuqarolar yigʻini raisi va xodimlari mehnatiga mehnatga haq toʻlash boʻyicha Yagona tarif setkasi asosida lavozim maoshi shaklida haq toʻlanadi. Ushbu toifadagi xodimlar mehnatiga haq toʻlash razryadlari Vazirlar Mahkamasining “Fuqarolar yigʻinlari xodimlari mehnatiga Yagona tarif setkasi boʻyicha haq toʻlashning razryadlarini belgilash toʻgʻrisida” 2017-yil 17-iyuldagi 500-son qarori bilan belgilanadi.
Fuqarolar yigʻini raisi va xodimlariga qoʻshimcha haq va ustamalar mehnat shartnomalari, shuningdek, ish beruvchi tomonidan kasaba uyushmasi qoʻmitasi yoki xodimlarning boshqa vakolatli organi bilan kelishgan holda qabul qilinadigan boshqa mahalliy hujjatlarga muvofiq belgilanadi.
7. Budjetdan tashqari manbalar hisobidan mukofotlar va qoʻshimcha haq:
fuqarolar yigʻini raislariga — tegishli tumanlar (shaharlar) hokimlari — Tuman (shahar) fuqarolarning oʻzini oʻzi boshqarish organlari faoliyatini muvofiqlashtirish boʻyicha kengash raisi qarori bilan;
fuqarolar yigʻinining boshqa xodimlariga — fuqarolar yigʻini raisining taqdimnomasi asosida tegishli tumanlar (shaharlar) hokimlari qarori bilan toʻlanadi.
8. Fuqarolar yigʻini xodimlari hisoblanmagan fuqarolar mehnatiga haq toʻlash shartlari va miqdori Fuqarolar yigʻini kengashi tomonidan belgilanadi.
Fuqarolar yigʻini vakolatlarini amalga oshirish uchun jalb qilinadigan fuqarolarga pul mukofoti qonunchilikda nazarda tutilgan budjetdan tashqari manbalar hisobidan toʻlanadi.
4-bob. Fuqarolar yigʻini raisi va xodimlarining ish tartibi
9. Fuqarolar yigʻini raisi va xodimlarining ish tartibi qirq soatlik va olti kunlik ish haftasidan kelib chiqqan holda Fuqarolar yigʻini kengashi tomonidan tasdiqlanadigan ichki tartib qoidalariga koʻra belgilanadi.
10. Fuqarolarning oʻzini oʻzi boshqarish organida qonunchilikda belgilangan vakolatlarni amalga oshirish boʻyicha fuqarolar yigʻini faoliyatini tashkil etishning oʻziga xos xususiyatlari inobatga olinib, ish vaqtining jamlangan hisobi yuritiladi va ish kuni soat 7-00 dan 22-00 gacha taqsimlanadi.
Fuqarolar yigʻini xodimlarining moslashtirilgan ish vaqti sharoitidagi ish jadvali xodimlarning lavozim majburiyatlarini bajarishini optimallashtirishni hisobga olgan holda fuqarolar yigʻini raisi tomonidan, fuqarolar yigʻini raisining ish vaqti jadvali — Fuqarolar yigʻini kengashi tomonidan belgilanadi.
Fuqarolar yigʻini raisi va xodimlarining ish jadvali ularning bevosita fuqarolar yigʻini binosida boʻlish vaqti koʻrsatilgan holda umumiy koʻrinadigan joyda osib qoʻyiladi.
11. Fuqarolar yigʻini raisi va xodimlariga har yili 24 kunlik haq toʻlanadigan mehnat taʼtili beriladi.
5-bob. Yakunlovchi qoidalar
12. Fuqarolar yigʻini raisi va xodimlarining vakolatlari “Fuqarolarning oʻzini oʻzi boshqarish organlari toʻgʻrisida”gi Qonun va fuqarolar yigʻini raisi hamda xodimlarining mehnat munosabatlarini tartibga soladigan normativ hujjatlarda nazarda tutilgan tartibda tugatiladi.
13. Fuqarolar yigʻini raisi va xodimlarining mehnat munosabatlarini tartibga solish sohasidagi nizolar qonunchilikda nazarda tutilgan tartibda hal etiladi.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 27-noyabr,
944-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о регулировании трудовых отношений в органах самоуправления граждан
Во исполнение Программы комплексных мер по дальнейшему совершенствованию деятельности органов самоуправления граждан, утвержденной Указом Президента Республики Узбекистан от 3 февраля 2017 года № УП-4944 «О мерах по дальнейшему совершенствованию института махалли», Кабинет Министров постановляет:
1. Утвердить Положение о регулировании трудовых отношений в органах самоуправления граждан согласно приложению .
2. Министерствам и ведомствам в двухнедельный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на Информационно-аналитический департамент по вопросам образования, науки и молодежной политики Кабинета Министров Республики Узбекистан.
ПРИЛОЖЕНИЕ к постановлению Кабинета Министров от 27 ноября 2017 года № 944
о регулировании трудовых отношений в органах самоуправления граждан
Глава 1. Общие положения
1. Настоящее Положение в соответствии с Указом Президента Республики Узбекистан от 3 февраля 2017 года № УП-4944 «О мерах по дальнейшему совершенствованию института махалли» определяет порядок регулирования трудовых отношений в органах самоуправления граждан.
Глава 2. Порядок регулирования трудовых отношений с председателем и работниками сходов граждан
2. Председатель и работники схода граждан (ответственный секретарь и другие) осуществляют свою деятельность в соответствии законодательством.
3. Трудовые обязанности и права председателя и работников сходов граждан, а также вопросы их взаимоотношения конкретизируются с учетом нормативных актов, регулирующих трудовые отношения, в локальных актах, принимаемых органами самоуправления граждан, утверждаемых председателем схода граждан.
4. В целях исполнения полномочий схода граждан председатель схода граждан по решению Кенгаша схода граждан вправе привлекать жителей схода граждан для выполнения отдельных работ на основе гражданско-правового договора на оказание услуг.
5. Председатель схода граждан вправе заключать трудовые договоры с незанятыми лицами, проживающими на территории махаллей, для их привлечения к общественным работам, с оплатой труда за счет средств Фонда общественных работ при Министерстве занятости и трудовых отношений Республики Узбекистан.
Глава 3. Оплата труда работников органа самоуправления граждан
6. Оплата труда председателя и работников схода граждан, входящих в штат схода граждан, осуществляется в форме должностного оклада на основе Единой тарифной сетки по оплате труда. Разряды по оплате труда данной категории работников устанавливаются постановлением Кабинета Министров от 17 июля 2017 г. № 500 «Об установлении разрядов по единой тарифной сетке работникам сходов граждан».
Доплаты и надбавки председателю и работникам схода граждан устанавливаются согласно коллективным договорам, а также иным локальным актам, принимаемым работодателем по согласованию с профсоюзным комитетом либо иным представительным органом работников.
7. Выплаты премии и доплат за счет внебюджетных источников осуществляются:
председателям схода граждан — решениями хокимов соответствующих районов (городов) — председателями Совета по координации деятельности органов самоуправления граждан района (города);
другим работникам схода граждан — решениями хокимов соответствующих районов (городов) на основании представления председателя схода граждан.
8. Условия и размер оплаты труда гражданам, не являющимся работниками схода граждан, устанавливаются Кенгашем схода граждан.
Оплата вознаграждения гражданам, привлекаемым для исполнения полномочий схода граждан, осуществляется за счет внебюджетных источников, предусмотренных законодательством.
Глава 4. Режим рабочего времени председателя и работников схода граждан
9. Режим рабочего времени председателя и работников схода граждан устанавливается правилами внутреннего распорядка, утвержденными Кенгашем схода граждан исходя из сорокачасовой шестидневной рабочей недели.
10. В органе самоуправления граждан с учетом особенностей организации деятельности схода граждан по исполнению установленных законодательством полномочий ведется суммированный учет рабочего времени, с разделением рабочего дня на части с 7-00 часов до 22-00 часов.
График работы в условиях гибкого рабочего времени работников схода граждан утверждается председателем схода граждан, с учетом оптимизации исполнения работниками должностных обязанностей, а график рабочего времени председателя схода граждан — Кенгашем схода граждан.
График работы председателя и работников схода граждан с указанием времени их нахождения непосредственно в помещении схода граждан вывешивается для всеобщего обозрения.
11. Председателю и работникам схода граждан предоставляется ежегодный оплачиваемый трудовой отпуск продолжительностью 24 рабочих дня.
Глава 5. Заключительные положения
12. Прекращение полномочий председателя и работников схода граждан осуществляется в порядке, предусмотренном Законом «Об органах самоуправления граждан» и нормативными актами, регулирующими трудовые отношения председателей и работников схода граждан.
13. Споры в области регулирования трудовых отношений председателей и работников схода граждан разрешаются в порядке, предусмотренном законодательством.
Премьер-министр Республики Узбекистан А. АРИПОВ
г. Ташкент,
27 ноября 2017 г.,
№ 944