📅 2017-yil 23-noyabr · Vazirlik va idoralar hujjatlari · Moliya vazirligi Bosh prokuraturasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 23 ноябрь · Вазирлик ва идоралар ҳужжатлари · Молия вазирлиги Бош прокуратураси
Расмий матн. Расмий ҳужжат. Таҳририй изоҳлар киритилмаган.
📅 23 ноября 2017 г. · Документы министерств и ведомств · Министерства финансов Генеральной прокуратуры
Официальный текст. Официальный документ. Редакционные примечания не включены.
📅 23 November 2017 · Ministry and agency documents · Moliya vazirligi Bosh prokuraturasi
Official text. Official document. Editorial notes are not included.
Ўзбекистон Республикаси Молия вазирлиги Ўзбекистон Республикаси Бош прокуратурасининг
Қарори
НИЗОМ
Ижро йиғимини қайтариш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2017 йил 29 майдаги ПФ-5059-сон «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги Фармонига мувофиқ, Ўзбекистон Республикаси Молия вазирлиги ва Бош прокуратураси қарор қилади:
1. Ижро йиғимини қайтариш тартиби тўғрисидаги низом иловага мувофиқ тасдиқлансин.
2. Ўзбекистон Республикаси Молия вазирлиги ва Адлия вазирлигининг 2010 йил 7 сентябрдаги 75, 14-сон «Ижро йиғимини қайтариш тартиби тўғрисидаги низомни тасдиқлаш ҳақида»ги қарори (рўйхат рақами 2142, 2010 йил 21 сентябрь) (Ўзбекистон Республикаси қонун ҳужжатлар тўплами, 2010 й., 38-сон, 336-модда) ўз кучини йўқотган деб топилсин.
3. Мазкур қарор расмий эълон қилинган кундан эътиборан кучга қиради.
Ўзбекистон Республикаси Молия вазирлиги ва Бош прокуратурасининг 2017 йил 23 ноябрдаги 168, 36-сон қарорига ИЛОВА
Ижро йиғимини қайтариш тартиби тўғрисида
Мазкур Низом Ўзбекистон Республикаси Президентининг 2017 йил 29 майдаги ПФ-5059-сон «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги Фармонига мувофиқ давлат ижрочилари томонидан ижро ҳужжати бўйича ундирилган ижро йиғимини қонунчиликда белгиланган ҳолатларда қайтариш тартибини белгилайди.
1-боб. Умумий қоидалар
1. Мазкур Низом давлат ижрочиси томонидан ундирилган ижро йиғимини қайтаришда қўлланилади.
2. Ижро йиғимининг қайтарилиши лозим бўлган суммасига фоизлар ҳисобланмайди.
2-боб. Ижро йиғимини қайтариш
3. Ижро йиғимини қайтаришга мажбурий ижро ҳаракатини амалга оширган Ўзбекистон Республикаси Бош прокуратураси ҳузуридаги Мажбурий ижро бюроси марказий аппаратининг ёки тегишли ҳудудий бўлинмасининг (кейинги ўринларда Бюро деб аталади) ижро йиғимини қайтариш тўғрисидаги қарори асос бўлиб ҳисобланади.
4. Ижро йиғимини қайтариш тўғрисидаги қарорда қуйидагилар кўрсатилади:
а) ижро йиғимини қайтаришга қуйидаги асослар:
қарздорнинг аризасига асосан, асос сифатида ижро ҳужжати берилган суд қарори ёки бошқа орган қарорининг ёхуд қонун бўйича ижро ҳужжати ҳисобланадиган бошқа ҳужжатнинг бекор қилиниши;
қарздор ёки ундирувчининг аризасига асосан, асос сифатида ижро ҳужжати берилган суд ҳужжати ёки бошқа орган ҳужжатларининг ўзгартирилиши, агар ушбу ўзгартириш натижасида тўланган ижро йиғими миқдорини қайтадан кўриб чиқиш лозим бўлса;
қарздор ёки ижро йиғими ундирилган бошқа шахснинг аризасига ёхуд суд ижрочисининг ташаббусига асосан, ижро йиғими миқдорини нотўғри ёки ортиқча ўтказилганлиги;
қонунчилик ҳужжатларида назарда тутилган бошқа ҳолларда.
б) Мажбурий ижро бюросини ривожлантириш жамғармаси (бундан кейинги ўринларда Жамғарма деб юритилади) ва Ўзбекистон Республикаси республика бюджети ҳисобидан қопланадиган улушини алоҳида кўрсатган ҳолда, қайтарилиши лозим бўлган жами маблағлар суммаси;
в) ижро йиғимини тўлаган ва ушбу кўрсатилган маблағлар қайтарилаётган шахснинг банк реквизитлари.
Ижро йиғимини қайтариш ҳақидаги ариза ушбу бандда кўрсатилган ҳолатлар юзага келганидан кейин уч йилдан кечиктирмасдан берилади.
5. Ундирилган ижро йиғими суммаларини Ўзбекистон Республикасининг тегишли тижорат банкида очилган махсус транзит ҳисоб рақамига ва мазкур ҳисоб рақамдан Ўзбекистон Республикасининг республика бюджети даромадига ва Жамғармага ўтказилганлигини тасдиқловчи тегишли ҳужжатлар нусхаларини илова қилган ҳолда, ижро йиғимини қайтариш тўғрисидаги қарор қабул қилинган кундан бошлаб икки кун муддатдан кечиктирилмаган ҳолда ижро йиғимини тўлаган шахсга қайтариш учун Жамғармага юборилади.
6. Ижро йиғимининг қайтарилиши Жамғарма томонидан ижро йиғимини қайтариш тўғрисидаги қарор олинган кундан бошлаб беш банк иш куни мобайнида Жамғарма маблағлари ҳисобидан, кейинчалик Ўзбекистон Республикаси республика бюджети маблағлари ҳисобидан қайтарилиши лозим бўлган ижро йиғими улушини Жамғармага қоплаб берилиши билан амалга оширилади.
Ижро йиғимининг Ўзбекистон Республикаси республика бюджети маблағлари ҳисобидан қайтарилиши лозим бўлган тегишли улушини Жамғарманинг ҳисоб рақамига қоплаб бериш учун, Жамғарма жами қайтарилиши лозим бўлган ижро йиғими суммасини қайтаргандан сўнг мажбурий ижро ҳаракатларини амалга оширган Бюронинг ҳудудий бўлинмалари жойлашган жойдаги тегишли туман (шаҳар) давлат солиқ хизмати органига (бундан кейинги ўринларда давлат солиқ хизмати органи деб юритилади) ижро йиғимини қайтариш тўғрисидаги қарор нусхасига Жамғарманинг банк реквизитлари тўғрисидаги маълумотларни ва қуйидагиларни:
Ўзбекистон Республикасининг тегишли тижорат банкида очилган махсус транзит ҳисоб рақамига ундирилган ва мазкур ҳисоб рақамдан Ўзбекистон Республикаси республика бюджети даромадига ижро йиғими ўтказилганлиги;
ижро йиғимини тўлаган шахсга ундирилган маблағнинг қайтарилганлиги фактини тасдиқловчи тегишли ҳужжатларнинг нусхаларини илова қилган ҳолда юборади.
7. Давлат солиқ хизмати органи Жамғармадан ижро йиғимини қайтариш тўғрисидаги қарор нусхасини иловалари билан олган кундан бошлаб беш банк иш куни мобайнида тегишли молия органига ундирилган ижро йиғимининг тегишли улуши Ўзбекистон Республикаси республика бюджетига келиб тушганлигини тасдиқловчи хулосани, келиб тушиши, ҳақиқатда келиб тушган ва қайтарилиши лозим бўлган маблағларни кўрсатган ҳолда ва Жамғармадан олинган ҳужжатларнинг нусхаларини илова қилган ҳолда юборади, бунда хулосанинг нусхаси Жамғармага юборилади. Агарда ундирилган ижро йиғимининг тегишли улуши Ўзбекистон Республикаси республика бюджети даромадига ҳақиқатда келиб тушганлиги тасдиқланмаган ҳолатда, давлат солиқ хизмати органининг тегишли хулосаси Жамғармага юборилади.
8. Тегишли молия органи давлат солиқ хизмати органининг ундирилган ижро йиғими улушининг Ўзбекистон Республикаси республика бюджети даромадига ҳақиқатда тушганлигини тасдиқловчи хулосасига асосан, хулоса олингандан сўнг икки банк иш кунидан кечикмаган ҳолда ўрнатилган тартибда тегишли маблағларни Жамғарманинг ҳисоб рақамига қоплаб беради.
Маблағларни қоплаб бериш, Ўзбекистон Республикаси республика бюджетига, Қорақалпоғистон Республикаси бюджетига ва маҳаллий бюджетларга ажратмалар амалга оширилгунга қадар даромадларнинг тегишли турлари бўйича тегишли шартли ҳисоб рақамлар (ШҲР) билан 23402-сон баланс ҳисобварағидан бюджетга жорий ҳар кунлик тушумлар ҳисобидан амалга оширилади.
3-боб. Якунловчи қоидалар
9. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгарликка тортилади.
10. Мазкур Низом Ўзбекистон Республикаси Давлат солиқ қўмитаси билан келишилган.
Молия вазири Б. ХОДЖАЕВ
Бош прокурор И. АБДУЛЛАЕВ
Давлат солиқ қўмитаси раиси Б. ПАРПИЕВ
Тошкент ш.,
2017 йил 23 ноябрь,
Тошкент ш.,
2017 йил 23 ноябрь,
2017 йил 23 ноябрь
168-сон
36-сон
Oʻzbekiston Respublikasi Moliya vazirligi Oʻzbekiston Respublikasi Bosh prokuraturasining
Qarori
NIZOM
Ijro yigʻimini qaytarish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2017-yil 29-maydagi PF-5059-son “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi Farmoniga muvofiq, Oʻzbekiston Respublikasi Moliya vazirligi va Bosh prokuraturasi qaror qiladi:
1. Ijro yigʻimini qaytarish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Moliya vazirligi va Adliya vazirligining 2010-yil 7-sentabrdagi 75, 14-son “Ijro yigʻimini qaytarish tartibi toʻgʻrisidagi nizomni tasdiqlash haqida”gi qarori (roʻyxat raqami 2142, 2010-yil 21-sentabr) (Oʻzbekiston Respublikasi qonun hujjatlar toʻplami, 2010-y., 38-son, 336-modda) oʻz kuchini yoʻqotgan deb topilsin.
3. Mazkur qaror rasmiy eʼlon qilingan kundan eʼtiboran kuchga qiradi.
Oʻzbekiston Respublikasi Moliya vazirligi va Bosh prokuraturasining 2017-yil 23-noyabrdagi 168, 36-son qaroriga ILOVA
Ijro yigʻimini qaytarish tartibi toʻgʻrisida
Mazkur Nizom Oʻzbekiston Respublikasi Prezidentining 2017-yil 29-maydagi PF-5059-son “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi Farmoniga muvofiq davlat ijrochilari tomonidan ijro hujjati boʻyicha undirilgan ijro yigʻimini qonunchilikda belgilangan holatlarda qaytarish tartibini belgilaydi.
1-bob. Umumiy qoidalar
1. Mazkur Nizom davlat ijrochisi tomonidan undirilgan ijro yigʻimini qaytarishda qoʻllaniladi.
2. Ijro yigʻimining qaytarilishi lozim boʻlgan summasiga foizlar hisoblanmaydi.
2-bob. Ijro yigʻimini qaytarish
3. Ijro yigʻimini qaytarishga majburiy ijro harakatini amalga oshirgan Oʻzbekiston Respublikasi Bosh prokuraturasi huzuridagi Majburiy ijro byurosi markaziy apparatining yoki tegishli hududiy boʻlinmasining (keyingi oʻrinlarda Byuro deb ataladi) ijro yigʻimini qaytarish toʻgʻrisidagi qarori asos boʻlib hisoblanadi.
4. Ijro yigʻimini qaytarish toʻgʻrisidagi qarorda quyidagilar koʻrsatiladi:
a) ijro yigʻimini qaytarishga quyidagi asoslar:
qarzdorning arizasiga asosan, asos sifatida ijro hujjati berilgan sud qarori yoki boshqa organ qarorining yoxud qonun boʻyicha ijro hujjati hisoblanadigan boshqa hujjatning bekor qilinishi;
qarzdor yoki undiruvchining arizasiga asosan, asos sifatida ijro hujjati berilgan sud hujjati yoki boshqa organ hujjatlarining oʻzgartirilishi, agar ushbu oʻzgartirish natijasida toʻlangan ijro yigʻimi miqdorini qaytadan koʻrib chiqish lozim boʻlsa;
qarzdor yoki ijro yigʻimi undirilgan boshqa shaxsning arizasiga yoxud sud ijrochisining tashabbusiga asosan, ijro yigʻimi miqdorini notoʻgʻri yoki ortiqcha oʻtkazilganligi;
qonunchilik hujjatlarida nazarda tutilgan boshqa hollarda.
b) Majburiy ijro byurosini rivojlantirish jamgʻarmasi (bundan keyingi oʻrinlarda Jamgʻarma deb yuritiladi) va Oʻzbekiston Respublikasi respublika budjeti hisobidan qoplanadigan ulushini alohida koʻrsatgan holda, qaytarilishi lozim boʻlgan jami mablagʻlar summasi;
v) ijro yigʻimini toʻlagan va ushbu koʻrsatilgan mablagʻlar qaytarilayotgan shaxsning bank rekvizitlari.
Ijro yigʻimini qaytarish haqidagi ariza ushbu bandda koʻrsatilgan holatlar yuzaga kelganidan keyin uch yildan kechiktirmasdan beriladi.
5. Undirilgan ijro yigʻimi summalarini Oʻzbekiston Respublikasining tegishli tijorat bankida ochilgan maxsus tranzit hisob raqamiga va mazkur hisob raqamdan Oʻzbekiston Respublikasining respublika budjeti daromadiga va Jamgʻarmaga oʻtkazilganligini tasdiqlovchi tegishli hujjatlar nusxalarini ilova qilgan holda, ijro yigʻimini qaytarish toʻgʻrisidagi qaror qabul qilingan kundan boshlab ikki kun muddatdan kechiktirilmagan holda ijro yigʻimini toʻlagan shaxsga qaytarish uchun Jamgʻarmaga yuboriladi.
6. Ijro yigʻimining qaytarilishi Jamgʻarma tomonidan ijro yigʻimini qaytarish toʻgʻrisidagi qaror olingan kundan boshlab besh bank ish kuni mobaynida Jamgʻarma mablagʻlari hisobidan, keyinchalik Oʻzbekiston Respublikasi respublika budjeti mablagʻlari hisobidan qaytarilishi lozim boʻlgan ijro yigʻimi ulushini Jamgʻarmaga qoplab berilishi bilan amalga oshiriladi.
Ijro yigʻimining Oʻzbekiston Respublikasi respublika budjeti mablagʻlari hisobidan qaytarilishi lozim boʻlgan tegishli ulushini Jamgʻarmaning hisob raqamiga qoplab berish uchun, Jamgʻarma jami qaytarilishi lozim boʻlgan ijro yigʻimi summasini qaytargandan soʻng majburiy ijro harakatlarini amalga oshirgan Byuroning hududiy boʻlinmalari joylashgan joydagi tegishli tuman (shahar) davlat soliq xizmati organiga (bundan keyingi oʻrinlarda davlat soliq xizmati organi deb yuritiladi) ijro yigʻimini qaytarish toʻgʻrisidagi qaror nusxasiga Jamgʻarmaning bank rekvizitlari toʻgʻrisidagi maʼlumotlarni va quyidagilarni:
Oʻzbekiston Respublikasining tegishli tijorat bankida ochilgan maxsus tranzit hisob raqamiga undirilgan va mazkur hisob raqamdan Oʻzbekiston Respublikasi respublika budjeti daromadiga ijro yigʻimi oʻtkazilganligi;
ijro yigʻimini toʻlagan shaxsga undirilgan mablagʻning qaytarilganligi faktini tasdiqlovchi tegishli hujjatlarning nusxalarini ilova qilgan holda yuboradi.
7. Davlat soliq xizmati organi Jamgʻarmadan ijro yigʻimini qaytarish toʻgʻrisidagi qaror nusxasini ilovalari bilan olgan kundan boshlab besh bank ish kuni mobaynida tegishli moliya organiga undirilgan ijro yigʻimining tegishli ulushi Oʻzbekiston Respublikasi respublika budjetiga kelib tushganligini tasdiqlovchi xulosani, kelib tushishi, haqiqatda kelib tushgan va qaytarilishi lozim boʻlgan mablagʻlarni koʻrsatgan holda va Jamgʻarmadan olingan hujjatlarning nusxalarini ilova qilgan holda yuboradi, bunda xulosaning nusxasi Jamgʻarmaga yuboriladi. Agarda undirilgan ijro yigʻimining tegishli ulushi Oʻzbekiston Respublikasi respublika budjeti daromadiga haqiqatda kelib tushganligi tasdiqlanmagan holatda, davlat soliq xizmati organining tegishli xulosasi Jamgʻarmaga yuboriladi.
8. Tegishli moliya organi davlat soliq xizmati organining undirilgan ijro yigʻimi ulushining Oʻzbekiston Respublikasi respublika budjeti daromadiga haqiqatda tushganligini tasdiqlovchi xulosasiga asosan, xulosa olingandan soʻng ikki bank ish kunidan kechikmagan holda oʻrnatilgan tartibda tegishli mablagʻlarni Jamgʻarmaning hisob raqamiga qoplab beradi.
Mablagʻlarni qoplab berish, Oʻzbekiston Respublikasi respublika budjetiga, Qoraqalpogʻiston Respublikasi budjetiga va mahalliy budjetlarga ajratmalar amalga oshirilgunga qadar daromadlarning tegishli turlari boʻyicha tegishli shartli hisob raqamlar (SHHR) bilan 23402-son balans hisobvaragʻidan budjetga joriy har kunlik tushumlar hisobidan amalga oshiriladi.
3-bob. Yakunlovchi qoidalar
9. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgarlikka tortiladi.
10. Mazkur Nizom Oʻzbekiston Respublikasi Davlat soliq qoʻmitasi bilan kelishilgan.
Moliya vaziri B. XODJAYEV
Bosh prokuror I. ABDULLAYEV
Davlat soliq qoʻmitasi raisi B. PARPIYEV
Toshkent sh.,
2017-yil 23-noyabr,
Toshkent sh.,
2017-yil 23-noyabr,
2017-yil 23-noyabr
168-son
36-son
Министерства финансов Республики Узбекистан Генеральной прокуратуры Республики Узбекистан
Постановление
ПОЛОЖЕНИЕ
Об утверждении Положения о порядке возврата исполнительского сбора
В соответствии с Указом Президента Республики Узбекистан от 29 мая 2017 года № УП-5059 «О мерах по дальнейшему укреплению платежной дисциплины в сфере поставки и потребления электрической энергии и природного газа, а также коренному совершенствованию системы исполнительного производства», Министерство финансов и Генеральная прокуратура Республики Узбекистан постановляют:
1. Утвердить Положение о порядке возврата исполнительского сбора согласно приложению .
2. Признать утратившим силу постановление Министерства финансов и Министерства юстиции Республики Узбекистан от 7 сентября 2010 года №№ 75 и 14 «Об утверждении Положения о порядке возврата исполнительского сбора» (рег. № 2142 от 21 сентября 2010 года) (Собрание законодательства Республики Узбекистан, 2010 г., № 38, ст. 336).
3. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства финансов и Генеральной прокуратуры Республики Узбекистан от 23 ноября 2017 года №№ 168, 36
о порядке возврата исполнительского сбора
Настоящее Положение в соответствии с Указом Президента Республики Узбекистан от 29 мая 2017 года № УП-5059 «О мерах по дальнейшему укреплению платежной дисциплины в сфере поставки и потребления электрической энергии и природного газа, а также коренному совершенствованию системы исполнительного производства» определяет порядок возврата в установленных законодательством случаях исполнительского сбора, взысканного государственным исполнителем по исполнительному документу.
Глава 1. Общие положения
1. Настоящее Положение применяется при возврате исполнительского сбора, взысканного государственными исполнителями.
2. На причитающуюся к возврату сумму исполнительского сбора проценты не начисляются.
Глава 2. Возврат исполнительского сбора
3. Основанием для возврата исполнительского сбора является решение о возврате исполнительского сбора соответствующего территориального подразделения или центрального аппарата Бюро принудительного исполнения при Генеральной прокуратуре Республики Узбекистан (далее — Бюро), которым были совершены принудительные исполнительные действия.
4. В решении о возврате исполнительского сбора указываются:
а) следующие основания для возврата исполнительского сбора:
отмена судебного акта или акта иного органа, на основании которого выдан исполнительный документ, либо отмена документа, который в силу закона является исполнительным документом — на основании заявления должника;
изменение судебного акта или акта иного органа, на основании которого выдан исполнительный документ, вследствие которого подлежит пересмотру сумма уплаченного исполнительского сбора — на основании заявления должника или взыскателя;
ошибочное или излишнее перечисление суммы исполнительского сбора — на основании заявления должника или других лиц, у которых взыскан исполнительский сбор либо по инициативе государственного исполнителя;
другие случаи, установленные законодательством;
б) общая сумма средств, подлежащая возврату, с указанием отдельно долей, покрываемых за счет средств Фонда развития Бюро принудительного исполнения (далее — Фонд) и республиканского бюджета Республики Узбекистан;
в) банковские реквизиты лица, уплатившего исполнительский сбор, которому производится возврат указанных средств.
Заявление о возврате исполнительского сбора подается не позднее трех лет со дня возникновения указанных в настоящем пункте обстоятельств.
5. Решение о возврате исполнительского сбора, с приложением копий соответствующих документов, подтверждающих факт зачисления взысканных сумм исполнительского сбора на специальный транзитный счет, открытый в соответствующем коммерческом банке Республики Узбекистан, и с этого счета — в доход республиканского бюджета Республики Узбекистан и в Фонд, не позднее двух дней со дня его принятия направляется в Фонд для возврата исполнительского сбора уплатившему его лицу.
6. Возврат исполнительского сбора производится Фондом в течение пяти банковских дней со дня получения решения за счет средств Фонда, с последующим возмещением Фонду доли исполнительского сбора, подлежащей возврату за счет средств республиканского бюджета Республики Узбекистан.
Для возмещения на счет Фонда доли исполнительского сбора, подлежащей возврату за счет средств республиканского бюджета Республики Узбекистан, Фонд, после осуществления возврата всей подлежащей возврату суммы исполнительского сбора, направляет в соответствующий районный (городской) орган государственной налоговой службы по месту нахождения территориального подразделения Бюро, которым были совершены принудительные исполнительные действия (далее — орган государственной налоговой службы), копию решения о возврате исполнительского сбора, с приложением информации о банковских реквизитах Фонда и копий соответствующих документов, подтверждающих факт:
зачисления взысканных сумм исполнительского сбора на специальный транзитный счет, открытый в соответствующем коммерческом банке Республики Узбекистан, и с этого счета — в доход республиканского бюджета Республики Узбекистан;
возврата взысканных сумм исполнительского сбора уплатившему его лицу.
7. Орган государственной налоговой службы в течение пяти банковских дней со дня получения от Фонда копии решения о возврате исполнительского сбора с приложениями, направляет в соответствующий финансовый орган заключение, подтверждающее поступление причитающейся доли взысканного исполнительского сбора в доход республиканского бюджета Республики Узбекистан с указанием суммы, подлежавшей поступлению, фактически поступившей суммы и суммы, подлежащей возврату, и приложением копий документов, полученных от Фонда, при этом копия заключения направляется Фонд. В случае неподтверждения факта поступления причитающейся доли взысканного исполнительского сбора в доход республиканского бюджета Республики Узбекистан соответствующее заключение органа государственной налоговой службы направляется в Фонд.
8. Соответствующий финансовый орган на основании заключения органа государственной налоговой службы, подтверждающего факт поступления причитающейся доли взысканного исполнительского сбора в доход республиканского бюджета Республики Узбекистан, не позднее двух банковских дней после получения заключения, осуществляет в установленном порядке возмещение причитающихся средств на счет Фонда.
Возмещение осуществляется за счет текущих поступлений в бюджет с балансового счета 23402 с соответствующими условными номерами (УНС) по соответствующим видам доходов, до осуществления отчислений в республиканский бюджет Республики Узбекистан, бюджет Республики Каракалпакстан и местные бюджеты.
Глава 3. Заключительные положения
9. Лица, виновные в нарушении требований настоящего Положения, несут ответственность в установленном законодательством порядке.
10. Настоящее Положение согласовано с Государственным налоговым комитетом Республики Узбекистан.
Министр финансов Б. ХОДЖАЕВ
Генеральный прокурор И. АБДУЛЛАЕВ
Председатель Государственного налогового комитета Б. ПАРПИЕВ
г. Ташкент,
23 ноября 2017 г.,
г. Ташкент,
23 ноября 2017 г.,
23 ноября 2017 года
№ 168
№ 36