📅 2017-yil 30-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 30 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 ноября 2017 г. · Постановления Президента
Официальный текст. Официальный документ. Редакционные примечания не включены.
📅 30 November 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Инновацион ривожланиш вазирлиги фаолиятини ташкил этиш тўғрисида
Ўзбекистон Республикаси Президентининг 2017 йил 29 ноябрдаги «Ўзбекистон Республикаси Инновацион ривожланиш вазирлигини ташкил этиш тўғрисида»ги ПФ-5264-сон Фармонини ижро этиш юзасидан:
2. Ўзбекистон Республикаси инновацион ривожланиш вазирига:
зарур ҳолларда, бошқарув ходимларининг белгиланган сони ва меҳнатга ҳақ тўлаш фонди доирасида Ўзбекистон Республикаси Инновацион ривожланиш вазирлиги (кейинги ўринларда Вазирлик деб юритилади) марказий аппаратининг тузилмасига ўзгартиришлар киритиш;
Инновацион ривожланиш ва новаторлик ғояларини қўллаб-қувватлаш жамғармасининг (кейинги ўринларда Жамғарма деб юритилади) маблағлари ҳисобидан Вазирлик ходимларининг қўшимча штат бирликларини жорий этиш;
Вазирликка юклатилган вазифаларни бажариш доирасида давлат органлари ва бошқа ташкилотлар, етакчи лойиҳа институтлари, илмий-таълим муассасаларининг юқори малакали мутахассислари, шунингдек, халқаро ташкилотлар, чет эл компаниялари ва мутахассисларини маслаҳатчи сифатида жалб қилиш;
юқори малакали чет эл мутахассисларини ишга қабул қилиш, шунингдек, уларга Жамғарма маблағлари ҳисобидан иш ҳақи ва бошқа тўловларни белгилаш ҳуқуқи берилсин.
3. Белгилаб қўйилсинки:
Вазирлик Ўзбекистон Республикасини инновацион ва илмий-техник ривожлантириш соҳасида жамият ва давлат ҳаётини ҳар томонлама ривожлантиришга, мамлакатнинг интеллектуал ва технологик салоҳиятини оширишга қаратилган ягона давлат сиёсатини амалга оширувчи давлат бошқаруви органи ҳисобланади;
Вазирлик Ўзбекистон Республикаси Вазирлар Маҳкамасига, қонун ҳужжатларида назарда тутилган фаолиятнинг алоҳида масалалари бўйича — бевосита Ўзбекистон Республикаси Президентига бўйсунади.
Вазирлик ҳуқуқ ва мажбуриятлар бўйича Ўзбекистон Республикаси Фан ва технологиялар агентлигининг ҳуқуқий вориси ҳисобланади;
Жамғарма ҳуқуқ ва мажбуриятлар бўйича тугатилаётган Фан ва технологиялар бўйича Давлат комиссияси ҳузуридаги Илмий-техник фаолиятни қўллаб-қувватлаш ва ривожлантириш жамғармасининг ҳуқуқий вориси ҳисобланади;
Ўзбекистон Республикаси инновацион ривожланиш вазири, шунингдек, унинг ўринбосарлари Ўзбекистон Республикаси Бош вазирининг тақдимномасига биноан Ўзбекистон Республикаси Президенти томонидан лавозимга тайинланади ва лавозимдан озод қилинади.
3 1. Вазирликка қуйидаги мақсадлар учун шартнома асосида, жумладан хорижий консультантлар ва экспертларни, шунингдек техник кўмак ва грантларини жалб қилишга рухсат этилсин:
инновацион ривожланиш стратегияларини ишлаб чиқиш ва илм-фан соҳасида илғор халқаро тажрибани ўрганиш ва татбиқ этиш, шунингдек вазирликка юклатилган бошқа вазифалар ва топшириқларни бажариш;
вазирлик ва унинг таркибий бўлинмалари ходимларини қайта тайёрлаш ва малакасини ошириш, шунингдек илмий-инновацион ривожлантиришнинг долзарб масалалари бўйича тадқиқотлар ўтказиш, инвестиция сиёсати стратегиясини ишлаб чиқиш;
хорижий мамлакатларнинг тегишли вазирликлари ва идоралари билан самарали ва ўзаро манфаатли ҳамкорлик ўрнатиш.
4. Ўзбекистон Республикаси Ташқи ишлар вазирлиги Вазирлик буюртмалари бўйича юклатилган вазифалар доирасида жалб қилинаётган чет эл мутахассисларига кириш визаларини расмийлаштиришни таъминласин.
5. Ўзбекистон Республикаси Ички ишлар вазирлиги Вазирликнинг буюртмалари бўйича юклатилган вазифалар доирасида жалб қилинаётган чет эл мутахассисларига давлат божи ундирилмасдан кўп марталик визалар расмийлаштирилиши, берилиши ва муддати узайтирилишини, шунингдек, уларни турган жойи бўйича рўйхатдан ўтказиш ва унинг муддати узайтирилишини таъминласин.
6. Ўзбекистон Республикаси Бандлик ва меҳнат муносабатлари вазирлиги Вазирликнинг буюртмалари бўйича юклатилган вазифаларни амалга ошириш учун республикага чет эл мутахассисларини жалб қилишга рухсатномалар берилишини (узайтирилишини), шунингдек, жалб қилинаётган чет эл мутахассисларига Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) таъминласин.
7. Ўзбекистон Республикаси Ахборот технологиялари ва коммуникацияларини ривожлантириш вазирлиги белгиланган тартибда Вазирликни зарур алоқа воситалари, жумладан ҳукумат алоқаси билан таъминласин.
7 1. Вазирлик Ўзбекистон Республикаси Молия вазирлиги, Инвестициялар ва ташқи савдо вазирлиги, Бандлик ва меҳнат муносабатлари вазирлиги, Давлат статистика қўмитаси, Давлат солиқ қўмитаси, Давлат божхона қўмитаси, Давлат активларини бошқариш агентлиги бошқа вазирлик ва идоралар статистик ахборот бюллетенларини мажбурий тарқатиш рўйхатига киритилсин.
8. Жамғарма қуйидагилардан:
ягона ижтимоий тўлов ва тўлов манбаидаги юридик шахслардан олинадиган фойда солиғидан ташқари барча турдаги солиқлардан;
белгиланган тартибда тасдиқланган рўйхат бўйича республикада ишлаб чиқарилмайдиган ва Жамғарма маблағлари ҳисобидан Ўзбекистон Республикаси ҳудудига олиб кириладиган илмий-лаборатория асбоб-ускуналари божхона тўловларидан (божхона расмийлаштируви учун йиғимлар бундан мустасно) озод қилинсин.
9. Ўзбекистон миллий телерадиокомпанияси ва Миллий ахборот агентлиги Вазирлик фаолияти оммавий ахборот воситаларида тизимли равишда кенг ёритилишини ташкил этсин.
10. Ўзбекистон Республикаси Адлия вазирлиги бошқа манфаатдор вазирлик ва идоралар билан биргаликда икки ой муддатда:
қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
идоравий норматив-ҳуқуқий ҳужжатларнинг ушбу қарорга мувофиқлаштирилишини таъминласин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг давлат маслаҳатчилари У.С. Исмаилов, О.Б. Муродов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 30 ноябрь,
ПҚ-3416-сон
Oʻzbekiston Respublikasi Prezidentining
Qarori
Oʻzbekiston Respublikasi Innovatsion rivojlanish vazirligi faoliyatini tashkil etish toʻgʻrisida
Oʻzbekiston Respublikasi Prezidentining 2017-yil 29-noyabrdagi “Oʻzbekiston Respublikasi Innovatsion rivojlanish vazirligini tashkil etish toʻgʻrisida”gi PF-5264-son Farmonini ijro etish yuzasidan:
2. Oʻzbekiston Respublikasi innovatsion rivojlanish vaziriga:
zarur hollarda, boshqaruv xodimlarining belgilangan soni va mehnatga haq toʻlash fondi doirasida Oʻzbekiston Respublikasi Innovatsion rivojlanish vazirligi (keyingi oʻrinlarda Vazirlik deb yuritiladi) markaziy apparatining tuzilmasiga oʻzgartirishlar kiritish;
Innovatsion rivojlanish va novatorlik gʻoyalarini qoʻllab-quvvatlash jamgʻarmasining (keyingi oʻrinlarda Jamgʻarma deb yuritiladi) mablagʻlari hisobidan Vazirlik xodimlarining qoʻshimcha shtat birliklarini joriy etish;
Vazirlikka yuklatilgan vazifalarni bajarish doirasida davlat organlari va boshqa tashkilotlar, yetakchi loyiha institutlari, ilmiy-taʼlim muassasalarining yuqori malakali mutaxassislari, shuningdek, xalqaro tashkilotlar, chet el kompaniyalari va mutaxassislarini maslahatchi sifatida jalb qilish;
yuqori malakali chet el mutaxassislarini ishga qabul qilish, shuningdek, ularga Jamgʻarma mablagʻlari hisobidan ish haqi va boshqa toʻlovlarni belgilash huquqi berilsin.
3. Belgilab qoʻyilsinki:
Vazirlik Oʻzbekiston Respublikasini innovatsion va ilmiy-texnik rivojlantirish sohasida jamiyat va davlat hayotini har tomonlama rivojlantirishga, mamlakatning intellektual va texnologik salohiyatini oshirishga qaratilgan yagona davlat siyosatini amalga oshiruvchi davlat boshqaruvi organi hisoblanadi;
Vazirlik Oʻzbekiston Respublikasi Vazirlar Mahkamasiga, qonun hujjatlarida nazarda tutilgan faoliyatning alohida masalalari boʻyicha — bevosita Oʻzbekiston Respublikasi Prezidentiga boʻysunadi.
Vazirlik huquq va majburiyatlar boʻyicha Oʻzbekiston Respublikasi Fan va texnologiyalar agentligining huquqiy vorisi hisoblanadi;
Jamgʻarma huquq va majburiyatlar boʻyicha tugatilayotgan Fan va texnologiyalar boʻyicha Davlat komissiyasi huzuridagi Ilmiy-texnik faoliyatni qoʻllab-quvvatlash va rivojlantirish jamgʻarmasining huquqiy vorisi hisoblanadi;
Oʻzbekiston Respublikasi innovatsion rivojlanish vaziri, shuningdek, uning oʻrinbosarlari Oʻzbekiston Respublikasi Bosh vazirining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi.
3 1. Vazirlikka quyidagi maqsadlar uchun shartnoma asosida, jumladan xorijiy konsultantlar va ekspertlarni, shuningdek texnik koʻmak va grantlarini jalb qilishga ruxsat etilsin:
innovatsion rivojlanish strategiyalarini ishlab chiqish va ilm-fan sohasida ilgʻor xalqaro tajribani oʻrganish va tatbiq etish, shuningdek vazirlikka yuklatilgan boshqa vazifalar va topshiriqlarni bajarish;
vazirlik va uning tarkibiy boʻlinmalari xodimlarini qayta tayyorlash va malakasini oshirish, shuningdek ilmiy-innovatsion rivojlantirishning dolzarb masalalari boʻyicha tadqiqotlar oʻtkazish, investitsiya siyosati strategiyasini ishlab chiqish;
xorijiy mamlakatlarning tegishli vazirliklari va idoralari bilan samarali va oʻzaro manfaatli hamkorlik oʻrnatish.
4. Oʻzbekiston Respublikasi Tashqi ishlar vazirligi Vazirlik buyurtmalari boʻyicha yuklatilgan vazifalar doirasida jalb qilinayotgan chet el mutaxassislariga kirish vizalarini rasmiylashtirishni taʼminlasin.
5. Oʻzbekiston Respublikasi Ichki ishlar vazirligi Vazirlikning buyurtmalari boʻyicha yuklatilgan vazifalar doirasida jalb qilinayotgan chet el mutaxassislariga davlat boji undirilmasdan koʻp martalik vizalar rasmiylashtirilishi, berilishi va muddati uzaytirilishini, shuningdek, ularni turgan joyi boʻyicha roʻyxatdan oʻtkazish va uning muddati uzaytirilishini taʼminlasin.
6. Oʻzbekiston Respublikasi Bandlik va mehnat munosabatlari vazirligi Vazirlikning buyurtmalari boʻyicha yuklatilgan vazifalarni amalga oshirish uchun respublikaga chet el mutaxassislarini jalb qilishga ruxsatnomalar berilishini (uzaytirilishini), shuningdek, jalb qilinayotgan chet el mutaxassislariga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.
7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda Vazirlikni zarur aloqa vositalari, jumladan hukumat aloqasi bilan taʼminlasin.
7 1. Vazirlik Oʻzbekiston Respublikasi Moliya vazirligi, Investitsiyalar va tashqi savdo vazirligi, Bandlik va mehnat munosabatlari vazirligi, Davlat statistika qoʻmitasi, Davlat soliq qoʻmitasi, Davlat bojxona qoʻmitasi, Davlat aktivlarini boshqarish agentligi boshqa vazirlik va idoralar statistik axborot byulletenlarini majburiy tarqatish roʻyxatiga kiritilsin.
8. Jamgʻarma quyidagilardan:
yagona ijtimoiy toʻlov va toʻlov manbaidagi yuridik shaxslardan olinadigan foyda soligʻidan tashqari barcha turdagi soliqlardan;
belgilangan tartibda tasdiqlangan roʻyxat boʻyicha respublikada ishlab chiqarilmaydigan va Jamgʻarma mablagʻlari hisobidan Oʻzbekiston Respublikasi hududiga olib kiriladigan ilmiy-laboratoriya asbob-uskunalari bojxona toʻlovlaridan (bojxona rasmiylashtiruvi uchun yigʻimlar bundan mustasno) ozod qilinsin.
9. Oʻzbekiston milliy teleradiokompaniyasi va Milliy axborot agentligi Vazirlik faoliyati ommaviy axborot vositalarida tizimli ravishda keng yoritilishini tashkil etsin.
10. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda ikki oy muddatda:
qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
idoraviy normativ-huquqiy hujjatlarning ushbu qarorga muvofiqlashtirilishini taʼminlasin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining davlat maslahatchilari U.S. Ismailov, O.B. Murodov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 30-noyabr,
PQ-3416-son
Президента Республики Узбекистан
Постановление
Об организации деятельности Министерства инновационного развития Республики Узбекистан
Во исполнение Указа Президента Республики Узбекистан от 29 ноября 2017 года № УП-5264 «Об образовании Министерства инновационного развития Республики Узбекистан»:
2. Предоставить министру инновационного развития Республики Узбекистан право:
вносить, при необходимости, в пределах установленной численности управленческого персонала и фонда оплаты труда изменения в структуру центрального аппарата Министерства инновационного развития Республики Узбекистан (далее — Министерство);
вводить дополнительные штатные единицы работников Министерства за счет средств Фонда поддержки инновационного развития и новаторских идей (далее — Фонд);
привлекать в качестве консультантов в рамках выполнения возложенных на Министерство задач высококвалифицированных специалистов государственных органов и иных организаций, ведущих проектных институтов, научно-образовательных учреждений, а также международных организаций, иностранных компаний и специалистов;
принимать на работу высококвалифицированных иностранных специалистов, а также устанавливать им размеры заработной платы и иных выплат за счет средств Фонда.
3. Установить, что:
Министерство является органом государственного управления, осуществляющим единую государственную политику в сфере инновационного и научно-технического развития Республики Узбекистан, направленную на всестороннее развитие общественной и государственной жизни, повышение интеллектуального и технологического потенциала страны;
Министерство подчиняется Кабинету Министров Республики Узбекистан, а по отдельным вопросам деятельности, предусмотренным актами законодательства, — непосредственно Президенту Республики Узбекистан;
Министерство является правопреемником по правам и обязанностям Агентства по науке и технологиям Республики Узбекистан;
Фонд является правопреемником по правам и обязанностям упраздняемого Фонда поддержки и развития научно-технической деятельности при Государственной комиссии по науке и технологиям;
министр инновационного развития Республики Узбекистан, а также его заместители назначаются на должность и освобождаются от должности Президентом Республики Узбекистан по представлению Премьер-министра Республики Узбекистан.
3 1. Разрешить Министерству привлекать на контрактной основе зарубежных консультантов и экспертов, а также техническую помощь и гранты для следующих целей:
разработка стратегий инновационного развития, изучение и применение передового международного опыта в области науки, а также выполнение других задач и поручений, возложенных на Министерство;
переподготовка и повышение квалификации кадров Министерства и его структурных подразделений, а также проведение исследований по актуальным вопросам научного и инновационного развития, разработка стратегии инвестиционной политики;
налаживание эффективного и взаимовыгодного сотрудничества с соответствующими министерствами и ведомствами зарубежных стран.
4. Министерству иностранных дел Республики Узбекистан обеспечить по заявкам Министерства оформление въездных виз иностранным специалистам, привлекаемым в рамках возложенных задач.
5. Министерству внутренних дел Республики Узбекистан обеспечить по заявкам Министерства оформление, выдачу и продление многократных виз, а также регистрацию по месту пребывания и продление ее срока иностранным специалистам, привлекаемым в рамках возложенных задач, без взимания государственной пошлины.
6. Министерству занятости и трудовых отношений Республики Узбекистан обеспечить по заявкам Министерства выдачу (продление) разрешений на привлечение в республику иностранных специалистов для реализации возложенных задач, а также выдачу (продление) привлекаемым иностранным специалистам подтверждений на право трудовой деятельности на территории Республики Узбекистан.
7. Министерству по развитию информационных технологий и коммуникаций Республики Узбекистан в установленном порядке обеспечить Министерство необходимыми средствами связи, включая правительственную.
7 1. Включить Министерство в реестр обязательной рассылки бюллетеней статистической информации Министерства финансов, Министерства инвестиций и внешней торговли, Министерства занятости и трудовых отношений, Государственного комитета по статистике, Государственного налогового комитета, Государственного таможенного комитета, Агентства по управлению государственными активами и других министерств и ведомств.
8. Освободить:
Фонд от всех видов налогов и платежей, кроме единого социального платежа и налога на прибыль юридических лиц у источника выплаты;
от таможенных платежей (за исключением сборов за таможенное оформление) научно-лабораторное оборудование по утверждаемым перечням в установленном порядке, не производимое в республике и ввозимое на территорию Республики Узбекистан за счет средств Фонда.
9. Национальной телерадиокомпании и Национальному информационному агентству Узбекистана организовать систематическое широкое освещение в средствах массовой информации деятельности Министерства.
10. Министерству юстиции Республики Узбекистан совместно с другими заинтересованными министерствами и ведомствами в двухмесячный срок:
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления;
обеспечить приведение ведомственных нормативно-правовых актов в соответствие с настоящим постановлением.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, государственных советников Президента Республики Узбекистан У.С. Исмаилова, О.Б. Муродова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
30 ноября 2017 г.,
№ ПП-3416