📅 2017-yil 5-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 5 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 5 декабря 2017 г. · Указы Президента
Официальный текст. Официальный документ. Редакционные примечания не включены.
📅 5 December 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«ЧОРВОҚ» ТУРИСТИК-РЕКРЕАЦИОН ЗОНАСИНИ ТАШКИЛ ЭТИШ ТЎҒРИСИДА
Тошкент вилоятининг туристик салоҳиятини янада ривожлантириш ҳамда ундан фойдаланиш самарадорлигини ошириш, ҳудудга хорижий ва маҳаллий туристларни кенг жалб қилиш учун қулай шароитлар яратиш, замонавий инфратузилмани жадал ривожлантиришни таъминлаш, кўрсатилаётган туристик, меҳмонхона ва транспорт хизматларини кенгайтириш ва сифатини ошириш мақсадида:
1. Ўзбекистон Республикаси Вазирлар Маҳкамаси, Туризмни ривожлантириш давлат қўмитаси, Тошкент вилояти ҳокимлиги, Ўзбекистон Республикаси Ташқи иқтисодий фаолият миллий банкининг (кейинги ўринларда — Ўзмиллийбанк):
Тошкент вилоятининг Чимён-Чорвоқ курорт-рекреация зонаси чегараси доирасида «Чорвоқ» туристик-рекреацион зонасини (кейинги ўринларда — эркин туристик зона) ташкил этиш;
туристик-рекреацион зона ҳудудида замонавий меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектлар қуриш, шунингдек замонавий муҳандислик инфратузилмаси объектларини ташкил этиш тўғрисидаги таклифларига розилик берилсин.
2. Қуйидагилар туристик-рекреацион зонанинг асосий вазифалари ва фаолият йўналишлари этиб белгилансин:
туристик-рекреацион зонада замонавий туризм инфратузилмаси объектлари (меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектлар)ни, туристларга хизмат кўрсатиш учун зарур шароитларни таъминлаган ҳолда махсус функционал ва мавсумий рекреацион дам олиш зоналарини яратиш бўйича лойиҳаларни амалга ошириш учун хорижий ва маҳаллий инвесторларнинг инвестицияларини жалб қилиш;
ҳудуднинг экомуҳити имкониятларини ҳисобга олган ҳолда ўзига хос туристик йўналишларни ташкил этиш;
транспорт воситаларининг арзонлигини таъминлаш, ҳудудда транспорт ҳаракатининг янги (поезд, электропоезд, автобус), шу жумладан, муқобил энергия манбаларида ҳаракатланувчи турларини жорий этиш, йўловчи транспорти йўналишларини кенгайтириш, унинг тўхтовсиз ҳаракатини ташкил этиш, тегишли транспорт инфратузилмасини ривожлантириш;
туристлар хавфсизлигининг қўшимча шароитларини, шу жумладан туристик инфратузилма объектларини видеокузатув тизимлари билан жиҳозлаш, огоҳлантириш тизимларини ташкил этиш, минтақа ҳудудига келувчи туристлар ҳақида ягона маълумотлар базасини, фавқулодда ҳолатларда тез ёрдам бериш тизимини жорий этиш йўли билан яратиш;
туристик-рекреацион зона ҳудудида лойиҳаларни амалга ошираётган ва фаолият юритаётган тадбиркорлик субъектлари ҳамда инвесторлар (шу жумладан, хорижий инвесторлар) учун белгиланган алоҳида божхона ва солиқ режимларини таъминлаш;
энергиянинг муқобил ва қайта тикланадиган манбаларини қўллаган ҳолда янги замонавий энергия тежовчи тизимлар ва технологияларни синов тариқасида жорий қилиш асосида ўзига хос экологик тизимни яратиш бўйича лойиҳаларни амалга ошириш.
3. Белгилансинки:
туристик-рекреацион зона махсус иқтисодий зонанинг бир тури ҳисобланади;
туристик-рекреацион зона ва туристик-рекреацион зона иштирокчилари сифатида рўйхатга олинган тадбиркорлик субъектларига махсус иқтисодий зоналар тўғрисидаги қонун ҳужжатларининг қоидалари, шу жумладан, махсус иқтисодий зоналар ва улар иштирокчилари учун назарда тутилган барча имтиёз ва преференциялар татбиқ этилади;
туристик-рекреацион зонанинг фаолият кўрсатиш муддати кейинчалик узайтириш имконияти билан 30 йилни ташкил қилади.
4. Эркин туристик зона маъмурий кенгаши (кейинги ўринларда — маъмурий кенгаш) зиммасига эркин туристик-рекреацион зона бўйича маъмуриятчилик функциялари юклансин.
5. Тошкент вилояти ҳокимлиги маъмурий кенгаш, Ўзбекистон Республикаси Ер ресурслари, геодезия, картография ва давлат кадастри давлат қўмитаси ҳамда Давлат архитектура ва қурилиш қўмитаси билан биргаликда бир ой муддатда ташкил этилаётган туристик-рекреацион зонанинг аниқ чегараларини белгиласин.
Белгилансинки, туристик-рекреацион зона Чимён-Чорвоқ курорт-рекреация зонаси доирасида яхлит ҳудуд кўринишида, шунингдек, алоҳида ҳудудлар кўринишида белгиланиши мумкин.
6. Вазирлар Маҳкамаси икки ой муддатда эркин туристик зонага кирувчи ҳудудлар чегараларини белгилаш, шунингдек «Чорвоқ» эркин туристик зонаси Дирекциясини тузиш ва унинг фаолиятини ташкил этиш тўғрисида қарор қабул қилсин.
7. Қуйидагилар:
эркин туристик зонанинг бош режасини ишлаб чиқиш, шунингдек, йўл-транспорт ва муҳандислик-коммуникация инфратузилмаларини қуриш ва реконструкция қилиш бўйича буюртмачи этиб — Тошкент вилояти ҳокимлиги ҳузуридаги «Ягона буюртмачи хизмати» инжиниринг компанияси;
энергиянинг қайта тикланадиган манбаларидан (қуёш, шамол, геотермал) фойдаланган ҳолда муҳандислик инфратузилмаси объектларини ташкил этиш, шунингдек, эркин туристик зонанинг экологиясини сақлаш учун замонавий тозалаш иншоотлари ва иссиқлик билан таъминлаш объектларини қуриш бўйича бош лойиҳа, бош пудратчи ва фойдаланувчи ташкилот этиб — «Энергия тежаш миллий компанияси» АЖ;
эркин туристик зонанинг бош режаси ва ҳудуднинг батафсил режалаштириш лойиҳасини ишлаб чиқиш бўйича бош лойиҳа ташкилоти этиб — «ТошкентбошпланЛИТИ» ДУК белгилансин.
8. «ТошкентбошпланЛИТИ» ДУК олти ой муддатда халқаро маслаҳатчиларини жалб қилган ҳолда эркин туристик зонанинг бош режаси ва ҳудуднинг батафсил режалаштириш лойиҳасини ишлаб чиқсин ҳамда маъмурий кенгаш билан келишилган ҳолда қонун ҳужжатларида белгиланган тартибда тасдиқлаш учун киритсин.
9. Ўзбекистон Республикаси Иқтисодий тараққиёт ва камбағалликни қисқартириш вазирлиги:
Ўзбекистон Республикаси Инвестициялар ва ташқи савдо вазирлиги, Туризмни ривожлантириш давлат қўмитаси, Тошкент вилояти ҳокимлиги, «Энергия тежаш миллий компанияси» АЖ ҳамда бошқа манфаатдор вазирлик ва идоралар билан биргаликда уч ой муддатда Вазирлар Маҳкамасига Эркин туристик зона ҳудудида йўл-транспорт, муҳандислик-коммуникация ва ишлаб чиқариш инфратузилмаларини ривожлантириш дастурини тасдиқлаш учун киритсин;
Ўзбекистон Республикаси Молия вазирлиги билан биргаликда ҳар йили Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури параметрларини шакллантиришда туристик-рекреацион зонанинг бош режаси ва ҳудуднинг батафсил режалаштириш лойиҳасини ишлаб чиқиш учун ҳақ тўлаш, туристик-рекреацион зонанинг ишлаб чиқилган ва белгиланган тартибда тасдиқланган бош режаси асосида туристик-рекреацион зонанинг транспорт, ишлаб чиқариш ва муҳандислик-коммуникация инфратузилмасини ривожлантириш учун капитал қўйилмалар лимитларини ҳамда зарур марказлаштирилган инвестициялар ажратилишини назарда тутсин;
Ўзбекистон Республикаси Инвестициялар бўйича давлат қўмитаси, Туризмни ривожлантириш давлат қўмитаси, маъмурий кенгаш билан биргаликда бир ой муддатда Вазирлар Маҳкамасига эркин туристик зонада амалга ошириш ва жойлаштириш учун лойиҳаларни танлаш мезонлари бўйича таклифлар киритсин.
10. Ўзбекистон Республикаси Тикланиш ва тараққиёт жамғармаси (кейинги ўринларда — Жамғарма) туристик-рекреацион зонада амалга ошириладиган инвестиция лойиҳаларини биргаликда молиялаштириш учун 100 млн. АҚШ доллари миқдорида имтиёзли кредит линияси очилишини таъминласин.
Белгилансинки:
Жамғарма томонидан ажратиладиган кредит линияси маблағларини қайта молиялаштириш тижорат банклари томонидан амалга оширилади;
кредит линияси доирасида хорижий валютадаги кредитлар 2 йиллик имтиёзли давр, йиллик 2 фоиз қўшилган 6 ойлик ЛИБОР ва банкнинг йиллик 0,5 фоиз миқдоридаги маржасига тенг бўлган фоиз ставкаси билан 7 йилгача муддатга тақдим этилади;
Жамғарма кредит линияси маблағлари замонавий импорт жиҳозлари ва технологияларини харид қилиш учун инвестиция лойиҳаси қийматининг 50 фоизидан ортиқ бўлмаган суммада ажратилади.
11. Тижорат банкларига:
туристик-рекреацион зона ҳудудида амалга ошириладиган инвестиция лойиҳаларида 100 фоизгача банк улуши билан, шу жумладан банкларнинг тегишли инвестиция компаниялари орқали иштирок этиш;
амалга оширилаётган инвестиция лойиҳаларини молиялаштириш учун Ўзбекистон Республикаси Инвестициялар ва ташқи савдо вазирлиги билан биргаликда халқаро молиявий институтлар, хорижий банклар ва бошқа инвесторлар — юридик ва жисмоний шахслар (шу жумладан, хорижий), давлат ва нодавлат жамғармалар, корхона ва ташкилотларнинг грантлари, кредит линиялари ва инвестицияларини, беғараз молиявий ёрдамларини ҳамда тижорат банкларининг кредитларини жалб қилиш ҳуқуқи берилсин.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги Ички ишлар вазирлиги ҳамда бошқа манфаатдор вазирлик ва идоралар билан биргаликда икки ой муддатда эркин туристик зона ҳудудида интеллектуал транспорт, геоинформация тизими ва бошқа шу кабиларни назарда тутувчи хавфсиз туризмни таъминлаш концепциясини жорий этиш бўйича таклифлар киритсин.
13. Ўзбекистон Республикаси Соғлиқни сақлаш вазирлиги икки ой муддатда туристларга сифатли тиббий хизмат кўрсатиш, шу жумладан, тез ва шошилинч тиббий ёрдам кўрсатиш бўйича комплекс чора-тадбирларни ишлаб чиқсин, бунда эркин туристик зонанинг тиббиёт муассасалари, хусусан соғлиқни сақлаш тизимининг бирламчи бўғини муассасалари билан таъминланишига, уларнинг замонавий жиҳозлар ва юқори малакали кадрлар билан тўлдирилишига алоҳида эътибор қаратсин.
14. Ўзбекистон автомобиль ва дарё транспорти агентлиги «Ўзбекистон темир йўллари» АЖ ҳамда бошқа манфаатдор вазирлик ва идоралар билан биргаликда бир ой муддатда Вазирлар Маҳкамасига Тошкент — Чимён-Чорвоқ курорт-рекреация зонаси (ва ортга) йўналиши бўйича, зарур ҳолда янги қулай йўналишларни жорий этган ҳолда, комбинациялашган йўловчи ташиш тизимини янада ривожлантириш бўйича таклифлар киритсин.
16. Ўзбекистон Республикаси Туризмни ривожлантириш давлат қўмитаси Тошкент вилояти ҳокимлиги, Ўзмиллийбанк билан биргаликда икки ой муддатда:
Чорвоқ эркин туристик зонасини янада ривожлантириш концепцияси лойиҳасини ва уни амалга ошириш бўйича чора-тадбирлар режасини ишлаб чиқсин ҳамда уларни маъмурий кенгаш ва бошқа манфаатдор вазирликлар ва идоралар билан келишилган ҳолда Вазирлар Маҳкамасига киритсин;
қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
17. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари А.А. Абдухакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 5 декабрь,
ПФ-5273-сон
Oʻzbekiston Respublikasi Prezidentining
Farmoni
“CHORVOQ” TURISTIK-REKREATSION ZONASINI TASHKIL ETISH TOʻGʻRISIDA
Toshkent viloyatining turistik salohiyatini yanada rivojlantirish hamda undan foydalanish samaradorligini oshirish, hududga xorijiy va mahalliy turistlarni keng jalb qilish uchun qulay sharoitlar yaratish, zamonaviy infratuzilmani jadal rivojlantirishni taʼminlash, koʻrsatilayotgan turistik, mehmonxona va transport xizmatlarini kengaytirish va sifatini oshirish maqsadida:
1. Oʻzbekiston Respublikasi Vazirlar Mahkamasi, Turizmni rivojlantirish davlat qoʻmitasi, Toshkent viloyati hokimligi, Oʻzbekiston Respublikasi Tashqi iqtisodiy faoliyat milliy bankining (keyingi oʻrinlarda — Oʻzmilliybank):
Toshkent viloyatining Chimyon-Chorvoq kurort-rekreatsiya zonasi chegarasi doirasida “Chorvoq” turistik-rekreatsion zonasini (keyingi oʻrinlarda — erkin turistik zona) tashkil etish;
turistik-rekreatsion zona hududida zamonaviy mehmonxona majmualari, madaniy-sogʻlomlashtirish, savdo-koʻngilochar va turistik ahamiyatdagi boshqa obyektlar qurish, shuningdek zamonaviy muhandislik infratuzilmasi obyektlarini tashkil etish toʻgʻrisidagi takliflariga rozilik berilsin.
2. Quyidagilar turistik-rekreatsion zonaning asosiy vazifalari va faoliyat yoʻnalishlari etib belgilansin:
turistik-rekreatsion zonada zamonaviy turizm infratuzilmasi obyektlari (mehmonxona majmualari, madaniy-sogʻlomlashtirish, savdo-koʻngilochar va turistik ahamiyatdagi boshqa obyektlar)ni, turistlarga xizmat koʻrsatish uchun zarur sharoitlarni taʼminlagan holda maxsus funksional va mavsumiy rekreatsion dam olish zonalarini yaratish boʻyicha loyihalarni amalga oshirish uchun xorijiy va mahalliy investorlarning investitsiyalarini jalb qilish;
hududning ekomuhiti imkoniyatlarini hisobga olgan holda oʻziga xos turistik yoʻnalishlarni tashkil etish;
transport vositalarining arzonligini taʼminlash, hududda transport harakatining yangi (poyezd, elektropoyezd, avtobus), shu jumladan, muqobil energiya manbalarida harakatlanuvchi turlarini joriy etish, yoʻlovchi transporti yoʻnalishlarini kengaytirish, uning toʻxtovsiz harakatini tashkil etish, tegishli transport infratuzilmasini rivojlantirish;
turistlar xavfsizligining qoʻshimcha sharoitlarini, shu jumladan turistik infratuzilma obyektlarini videokuzatuv tizimlari bilan jihozlash, ogohlantirish tizimlarini tashkil etish, mintaqa hududiga keluvchi turistlar haqida yagona maʼlumotlar bazasini, favqulodda holatlarda tez yordam berish tizimini joriy etish yoʻli bilan yaratish;
turistik-rekreatsion zona hududida loyihalarni amalga oshirayotgan va faoliyat yuritayotgan tadbirkorlik subyektlari hamda investorlar (shu jumladan, xorijiy investorlar) uchun belgilangan alohida bojxona va soliq rejimlarini taʼminlash;
energiyaning muqobil va qayta tiklanadigan manbalarini qoʻllagan holda yangi zamonaviy energiya tejovchi tizimlar va texnologiyalarni sinov tariqasida joriy qilish asosida oʻziga xos ekologik tizimni yaratish boʻyicha loyihalarni amalga oshirish.
3. Belgilansinki:
turistik-rekreatsion zona maxsus iqtisodiy zonaning bir turi hisoblanadi;
turistik-rekreatsion zona va turistik-rekreatsion zona ishtirokchilari sifatida roʻyxatga olingan tadbirkorlik subyektlariga maxsus iqtisodiy zonalar toʻgʻrisidagi qonun hujjatlarining qoidalari, shu jumladan, maxsus iqtisodiy zonalar va ular ishtirokchilari uchun nazarda tutilgan barcha imtiyoz va preferensiyalar tatbiq etiladi;
turistik-rekreatsion zonaning faoliyat koʻrsatish muddati keyinchalik uzaytirish imkoniyati bilan 30 yilni tashkil qiladi.
4. Erkin turistik zona maʼmuriy kengashi (keyingi oʻrinlarda — maʼmuriy kengash) zimmasiga erkin turistik-rekreatsion zona boʻyicha maʼmuriyatchilik funksiyalari yuklansin.
5. Toshkent viloyati hokimligi maʼmuriy kengash, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda Davlat arxitektura va qurilish qoʻmitasi bilan birgalikda bir oy muddatda tashkil etilayotgan turistik-rekreatsion zonaning aniq chegaralarini belgilasin.
Belgilansinki, turistik-rekreatsion zona Chimyon-Chorvoq kurort-rekreatsiya zonasi doirasida yaxlit hudud koʻrinishida, shuningdek, alohida hududlar koʻrinishida belgilanishi mumkin.
6. Vazirlar Mahkamasi ikki oy muddatda erkin turistik zonaga kiruvchi hududlar chegaralarini belgilash, shuningdek “Chorvoq” erkin turistik zonasi Direksiyasini tuzish va uning faoliyatini tashkil etish toʻgʻrisida qaror qabul qilsin.
7. Quyidagilar:
erkin turistik zonaning bosh rejasini ishlab chiqish, shuningdek, yoʻl-transport va muhandislik-kommunikatsiya infratuzilmalarini qurish va rekonstruksiya qilish boʻyicha buyurtmachi etib — Toshkent viloyati hokimligi huzuridagi “Yagona buyurtmachi xizmati” injiniring kompaniyasi;
energiyaning qayta tiklanadigan manbalaridan (quyosh, shamol, geotermal) foydalangan holda muhandislik infratuzilmasi obyektlarini tashkil etish, shuningdek, erkin turistik zonaning ekologiyasini saqlash uchun zamonaviy tozalash inshootlari va issiqlik bilan taʼminlash obyektlarini qurish boʻyicha bosh loyiha, bosh pudratchi va foydalanuvchi tashkilot etib — “Energiya tejash milliy kompaniyasi” AJ;
erkin turistik zonaning bosh rejasi va hududning batafsil rejalashtirish loyihasini ishlab chiqish boʻyicha bosh loyiha tashkiloti etib — “ToshkentboshplanLITI” DUK belgilansin.
8. “ToshkentboshplanLITI” DUK olti oy muddatda xalqaro maslahatchilarini jalb qilgan holda erkin turistik zonaning bosh rejasi va hududning batafsil rejalashtirish loyihasini ishlab chiqsin hamda maʼmuriy kengash bilan kelishilgan holda qonun hujjatlarida belgilangan tartibda tasdiqlash uchun kiritsin.
9. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi:
Oʻzbekiston Respublikasi Investitsiyalar va tashqi savdo vazirligi, Turizmni rivojlantirish davlat qoʻmitasi, Toshkent viloyati hokimligi, “Energiya tejash milliy kompaniyasi” AJ hamda boshqa manfaatdor vazirlik va idoralar bilan birgalikda uch oy muddatda Vazirlar Mahkamasiga Erkin turistik zona hududida yoʻl-transport, muhandislik-kommunikatsiya va ishlab chiqarish infratuzilmalarini rivojlantirish dasturini tasdiqlash uchun kiritsin;
Oʻzbekiston Respublikasi Moliya vazirligi bilan birgalikda har yili Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi parametrlarini shakllantirishda turistik-rekreatsion zonaning bosh rejasi va hududning batafsil rejalashtirish loyihasini ishlab chiqish uchun haq toʻlash, turistik-rekreatsion zonaning ishlab chiqilgan va belgilangan tartibda tasdiqlangan bosh rejasi asosida turistik-rekreatsion zonaning transport, ishlab chiqarish va muhandislik-kommunikatsiya infratuzilmasini rivojlantirish uchun kapital qoʻyilmalar limitlarini hamda zarur markazlashtirilgan investitsiyalar ajratilishini nazarda tutsin;
Oʻzbekiston Respublikasi Investitsiyalar boʻyicha davlat qoʻmitasi, Turizmni rivojlantirish davlat qoʻmitasi, maʼmuriy kengash bilan birgalikda bir oy muddatda Vazirlar Mahkamasiga erkin turistik zonada amalga oshirish va joylashtirish uchun loyihalarni tanlash mezonlari boʻyicha takliflar kiritsin.
10. Oʻzbekiston Respublikasi Tiklanish va taraqqiyot jamgʻarmasi (keyingi oʻrinlarda — Jamgʻarma) turistik-rekreatsion zonada amalga oshiriladigan investitsiya loyihalarini birgalikda moliyalashtirish uchun 100 mln. AQSh dollari miqdorida imtiyozli kredit liniyasi ochilishini taʼminlasin.
Belgilansinki:
Jamgʻarma tomonidan ajratiladigan kredit liniyasi mablagʻlarini qayta moliyalashtirish tijorat banklari tomonidan amalga oshiriladi;
kredit liniyasi doirasida xorijiy valyutadagi kreditlar 2 yillik imtiyozli davr, yillik 2 foiz qoʻshilgan 6 oylik LIBOR va bankning yillik 0,5 foiz miqdoridagi marjasiga teng boʻlgan foiz stavkasi bilan 7 yilgacha muddatga taqdim etiladi;
Jamgʻarma kredit liniyasi mablagʻlari zamonaviy import jihozlari va texnologiyalarini xarid qilish uchun investitsiya loyihasi qiymatining 50 foizidan ortiq boʻlmagan summada ajratiladi.
11. Tijorat banklariga:
turistik-rekreatsion zona hududida amalga oshiriladigan investitsiya loyihalarida 100 foizgacha bank ulushi bilan, shu jumladan banklarning tegishli investitsiya kompaniyalari orqali ishtirok etish;
amalga oshirilayotgan investitsiya loyihalarini moliyalashtirish uchun Oʻzbekiston Respublikasi Investitsiyalar va tashqi savdo vazirligi bilan birgalikda xalqaro moliyaviy institutlar, xorijiy banklar va boshqa investorlar — yuridik va jismoniy shaxslar (shu jumladan, xorijiy), davlat va nodavlat jamgʻarmalar, korxona va tashkilotlarning grantlari, kredit liniyalari va investitsiyalarini, begʻaraz moliyaviy yordamlarini hamda tijorat banklarining kreditlarini jalb qilish huquqi berilsin.
12. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Ichki ishlar vazirligi hamda boshqa manfaatdor vazirlik va idoralar bilan birgalikda ikki oy muddatda erkin turistik zona hududida intellektual transport, geoinformatsiya tizimi va boshqa shu kabilarni nazarda tutuvchi xavfsiz turizmni taʼminlash konsepsiyasini joriy etish boʻyicha takliflar kiritsin.
13. Oʻzbekiston Respublikasi Sogʻliqni saqlash vazirligi ikki oy muddatda turistlarga sifatli tibbiy xizmat koʻrsatish, shu jumladan, tez va shoshilinch tibbiy yordam koʻrsatish boʻyicha kompleks chora-tadbirlarni ishlab chiqsin, bunda erkin turistik zonaning tibbiyot muassasalari, xususan sogʻliqni saqlash tizimining birlamchi boʻgʻini muassasalari bilan taʼminlanishiga, ularning zamonaviy jihozlar va yuqori malakali kadrlar bilan toʻldirilishiga alohida eʼtibor qaratsin.
14. Oʻzbekiston avtomobil va daryo transporti agentligi “Oʻzbekiston temir yoʻllari” AJ hamda boshqa manfaatdor vazirlik va idoralar bilan birgalikda bir oy muddatda Vazirlar Mahkamasiga Toshkent — Chimyon-Chorvoq kurort-rekreatsiya zonasi (va ortga) yoʻnalishi boʻyicha, zarur holda yangi qulay yoʻnalishlarni joriy etgan holda, kombinatsiyalashgan yoʻlovchi tashish tizimini yanada rivojlantirish boʻyicha takliflar kiritsin.
16. Oʻzbekiston Respublikasi Turizmni rivojlantirish davlat qoʻmitasi Toshkent viloyati hokimligi, Oʻzmilliybank bilan birgalikda ikki oy muddatda:
Chorvoq erkin turistik zonasini yanada rivojlantirish konsepsiyasi loyihasini va uni amalga oshirish boʻyicha chora-tadbirlar rejasini ishlab chiqsin hamda ularni maʼmuriy kengash va boshqa manfaatdor vazirliklar va idoralar bilan kelishilgan holda Vazirlar Mahkamasiga kiritsin;
qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 5-dekabr,
PF-5273-son
Президента Республики Узбекистан
Указ
О создании туристско-рекреационной зоны «Чарвак»
В целях дальнейшего развития и повышения эффективности использования туристского потенциала Ташкентской области, создания благоприятных условий для широкого привлечения в регион иностранных и местных туристов, обеспечения динамичного развития современной инфраструктуры, расширения и улучшения качества предоставляемых туристских, гостиничных и транспортных услуг:
1. Согласиться с предложениями Кабинета Министров Республики Узбекистан, Государственного комитета Республики Узбекистан по развитию туризма, хокимията Ташкентской области, Национального банка внешнеэкономической деятельности Республики Узбекистан (далее — Узнацбанк) о:
создании туристско-рекреационной зоны «Чарвак» в пределах Чимган-Чарвакской курортно-рекреационной зоны Ташкентской области (далее — свободная туристская зона);
строительстве на территории туристско-рекреационной зоны современных гостиничных комплексов, культурно-оздоровительных, торгово-развлекательных и других объектов туристского назначения, а также создании объектов современной инженерной инфраструктуры.
2. Определить основными задачами и направлениями деятельности туристско-рекреационной зоны:
привлечение инвестиций иностранных и отечественных инвесторов для реализации проектов по созданию в туристско-рекреационной зоне современных объектов туристской инфраструктуры (гостиничные комплексы, культурно-оздоровительные, торгово-развлекательные и другие объекты туристского назначения), специальных функциональных и сезонных зон рекреационного отдыха с обеспечением необходимых условий для обслуживания туристов;
создание уникальных туристических маршрутов с учетом возможностей эко-среды региона;
обеспечение доступности транспортных средств, внедрение новых видов транспортного движения в регионе (поезд, электропоезд, автобус), в том числе на альтернативных источниках энергии, расширение маршрутов пассажирского транспорта, организацию его бесперебойного движения, развитие соответствующей транспортной инфраструктуры;
создание дополнительных условий безопасности пребывания туристов, в том числе путем оборудования объектов туристской инфраструктуры системами видеонаблюдения, организации систем предупреждения, внедрения единой информационной базы данных о туристах, прибывающих на территорию региона, системы предоставления экстренной помощи в чрезвычайных ситуациях;
обеспечение установленного особого таможенного и налогового режимов для субъектов предпринимательства и инвесторов (включая иностранных), реализующих проекты и осуществляющих деятельность на территории туристско-рекреационной зоны;
реализацию проектов по созданию уникальной экологической системы на основе внедрения, в порядке эксперимента, новых современных энергосберегающих систем и технологий с применением альтернативных и возобновляемых источников.
3. Установить, что:
туристско-рекреационная зона является свободной экономической зоной;
на туристско-рекреационную зону и субъектов предпринимательства, зарегистрированных в качестве участников свободной туристской зоны, распространяются положения законодательства о свободных экономических зонах, включая все льготы и преференции, предусмотренные для свободных экономических зон и их участников;
срок функционирования туристско-рекреационной зоны составляет 30 лет с возможностью его последующего продления.
4. Возложить на административный совет свободной туристской зоны (далее — административный совет) функции по администрированию свободной туристско-рекреационной зоны.
5. Хокимияту Ташкентской области совместно с административным советом, Государственным комитетом Республики Узбекистан по земельным ресурсам, геодезии, картографии и государственному кадастру и Государственным комитетом Республики Узбекистан по архитектуре и строительству в месячный срок определить четкие границы создаваемой туристско-рекреационной зоны.
Установить, что туристско-рекреационная зона может быть определена в виде единой территории, а также в виде раздельных территорий в пределах Чимган-Чарвакской курортно-рекреационной зоны.
6. Кабинету Министров в двухмесячный срок принять постановление об определении границ территорий, входящих в свободную туристскую зону, а также о создании и организации деятельности Дирекции свободной туристской зоны «Чарвак».
7. Определить:
заказчиком по разработке генерального плана, а также по строительству и реконструкции дорожно-транспортной и инженерно-коммуникационной инфраструктуры свободной туристской зоны — инжиниринговую компанию «Служба единого заказчика» при хокимияте Ташкентской области;
генеральной проектной, генеральной подрядной и эксплуатирующей организацией по созданию объектов инженерной инфраструктуры с использованием возобновляемых источников энергии (солнечные, ветровые, геотермальные), а также строительству современных очистных сооружений и объектов теплоснабжения для сохранения экологии свободной туристской зоны — АО «Национальная энергосберегающая компания»;
генеральной проектной организацией по разработке генерального плана и проекта детальной планировки территории свободной туристской зоны — ГУП «ТошкентбошпланЛИТИ».
8. ГУП «ТошкентбошпланЛИТИ» в шестимесячный срок разработать с привлечением международных консультантов генеральный план и проект детальной планировки территории свободной туристской зоны и, по согласованию с административным советом, внести на утверждение в установленном законодательством порядке.
9. Министерству экономического развития и сокращения бедности Республики Узбекистан совместно с:
Министерством инвестиций и внешней торговли, Государственным комитетом Республики Узбекистан по развитию туризма, хокимиятом Ташкентской области, АО «Национальная энергосберегающая компания» и другими заинтересованными министерствами и ведомствами в трехмесячный срок внести на утверждение в Кабинет Министров Программу развития дорожно-транспортной, инженерно-коммуникационной и производственной инфраструктуры на территории свободной туристской зоны;
Министерством финансов ежегодно при формировании параметров Программы развития социальной и производственной инфраструктуры Республики Узбекистан предусматривать в них лимиты капитальных вложений и выделение необходимых централизованных инвестиций для оплаты разработки генерального плана и проекта детальной планировки территории туристско-рекреационной зоны, развития транспортной, производственной и инженерно-коммуникационной инфраструктуры туристско-рекреационной зоны на основании разработанного и утвержденного в установленном порядке генерального плана туристско-рекреационной зоны;
Государственным комитетом Республики Узбекистан по инвестициям, Государственным комитетом Республики Узбекистан по развитию туризма, административным советом в месячный срок внести в Кабинет Министров предложения по критериям отбора проектов для реализации и размещения в свободной туристской зоне.
10. Фонду реконструкции и развития Республики Узбекистан (далее — Фонд) обеспечить открытие льготной кредитной линии в размере 100 млн. долларов США для софинансирования инвестиционных проектов, реализуемых в туристско-рекреационной зоне.
Установить, что:
рефинансирование средств кредитной линии, выделяемой Фондом, осуществляется коммерческими банками;
кредиты в иностранной валюте в рамках кредитной линии предоставляются на срок до 7 лет, с льготным периодом 2 года, с процентной ставкой 6-месячный ЛИБОР плюс 2 процента годовых и маржой банка в размере 0,5 процента годовых;
средства кредитной линии Фонда выделяются на закупку современного импортного оборудования и технологий на сумму не более 50 процентов от стоимости инвестиционного проекта.
11. Предоставить коммерческим банкам право:
участия в реализуемых на территории туристско-рекреационной зоны инвестиционных проектах с долей банка до 100 процентов, в том числе через соответствующие инвестиционные компании банков;
совместно с Министерством инвестиций и внешней торговли Республики Узбекистан привлекать гранты, кредитные линии и инвестиции, безвозмездную финансовую помощь международных финансовых институтов, зарубежных банков и других инвесторов — юридических и физических лиц (включая иностранных), государственных и негосударственных фондов, предприятий и организаций, а также кредиты коммерческих банков для финансирования реализуемых инвестиционных проектов.
12. Министерству по развитию информационных технологий и коммуникаций совместно с Министерством внутренних дел Республики Узбекистан и другими заинтересованными министерствами и ведомствами в двухмесячный срок внести предложения по внедрению на территории свободной туристской зоны концепции обеспечения безопасного туризма, предусматривающей в том числе внедрение системы интеллектуального транспорта, геоинформационной системы и др.
13. Министерству здравоохранения Республики Узбекистан в двухмесячный срок разработать комплекс мер по качественному оказанию медицинских услуг туристам, в том числе скорой и неотложной медицинской помощи, обратив особое внимание на уровень обеспечения свободной туристской зоны медицинскими учреждениями, включая учреждения первичного звена системы здравоохранения, их оснащенность современным оборудованием и высококвалифицированными кадрами.
14. Узбекскому агентству автомобильного и речного транспорта совместно с АО «Узбекистон темир йуллари» и другими заинтересованными министерствами и ведомствами в месячный срок внести в Кабинет Министров предложения по дальнейшему развитию системы комбинированных пассажирских перевозок по маршруту Ташкент — Чимган-Чарвакская курортно-рекреационная зона и обратно, с внедрением, при необходимости, новых удобных маршрутов.
16. Государственному комитету Республики Узбекистан по развитию туризма совместно с хокимиятом Ташкентской области, Узнацбанком в двухмесячный срок:
разработать и по согласованию с административным советом и другими заинтересованными министерствами и ведомствами внести в Кабинет Министров проект Концепции дальнейшего развития свободной туристской зоны «Чарвак», а также плана мероприятий по ее реализации;
внести в Кабинет Министров предложения по изменениям и дополнениям в законодательство, вытекающим из настоящего Указа.
17. Контроль за исполнением настоящего Указа возложить на заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
5 декабря 2017 г.,
№ УП-5273