📅 2017-yil 26-oktabr · Vazirlik va idoralar hujjatlari · Jismoniy tarbiya va sport Davlat qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 26 октябрь · Вазирлик ва идоралар ҳужжатлари · Жисмоний тарбия ва спорт Давлат қўмитаси
Расмий матн. Расмий ҳужжат. Таҳририй изоҳлар киритилмаган.
📅 26 октября 2017 г. · Документы министерств и ведомств · Государственного комитета по физической культуре и спорту
Официальный текст. Официальный документ. Редакционные примечания не включены.
📅 26 October 2017 · Ministry and agency documents · Jismoniy tarbiya va sport Davlat qoʻmitasi
Official text. Official document. Editorial notes are not included.
Ўзбекистон Республикаси жисмоний тарбия ва спорт Давлат қўмитасининг
Қарори
НИЗОМ
МЕЗОНЛАРИ
Ўзбекистон Республикасининг спорт терма жамоаларига номзодлар рўйхатларини шакллантиришнинг умумий принциплари ва мезонлари, ушбу рўйхатларни тасдиқлаш тартиби тўғрисидаги низомни тасдиқлаш ҳақида
Ўзбекистон Республикасининг «Жисмоний тарбия ва спорт тўғрисида»ги Қонуни , Ўзбекистон Республикаси Вазирлар Маҳкамасининг 2012 йил 14 июндаги 173-сонли «Спорт терма жамоалари тўғрисидаги низомни ҳамда Спорт ва оммавий жисмоний тарбия тадбирларининг календарь режасини шакллантириш тартиби тўғрисидаги низомни тасдиқлаш ҳақида»ги қарорига мувофиқ Ўзбекистон Республикаси Жисмоний тарбия ва спорт давлат қўмитаси қарор қилади:
1. Ўзбекистон Республикасининг спорт терма жамоаларига номзодлар рўйхатларини шакллантиришнинг умумий принциплари ва мезонлари, ушбу рўйхатларни тасдиқлаш тартиби тўғрисида»ги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Жисмоний тарбия ва спорт давлат қўмитасининг 2017 йил 26 октябрдаги 13-мҳ-сон қарорига ИЛОВА
Ўзбекистон Республикасининг спорт терма жамоаларига номзодлар рўйхатларини шакллантиришнинг умумий принциплари ва мезонлари, ушбу рўйхатларни тасдиқлаш тартиби тўғрисидаги
Мазкур Низом Ўзбекистон Республикасининг спорт терма жамоаларига номзодлар рўйхатларини шакллантиришнинг умумий принциплари ва мезонлари, ушбу рўйхатларни тасдиқлаш тартибини белгилайди.
1-боб. Умумий қоидалар
1. Мазкур Низом Ўзбекистон Республикаси ҳудудида ўз фаолиятини амалга оширувчи жисмоний тарбия-спорт ташкилотларига нисбатан татбиқ этилади.
2. Мазкур Низомда қуйидаги асосий тушунчалардан фойдаланилади:
Ўзбекистон Республикасининг спорт терма жамоалари — халқаро спорт мусобақаларига тайёргарлик кўриш ҳамда уларда Ўзбекистон Республикаси номидан иштирок этиш учун турли ёш гуруҳларига тегишли спортчилар, тренерлар, жисмоний тарбия ва спорт соҳасидаги олимлар ва бошқа мутахассислар, тиббиёт мутахассислари ҳамда бошқа мутахассислар жамоалари ;
тренерлар кенгаши — спорт турлари бўйича бош (катта) тренерлар ва тренерлар, бошқа етакчи ва нуфузли тренерлар, врачлар, комплекс илмий гуруҳлар раҳбарлари ва бошқа мутахассисларидан иборат бўлган, спорт турлари бўйича республика федерацияларида (уюшмаларида) ёки улар бўлмаган тақдирда, Спорт турларини ривожлантириш республика марказларида ташкил этиладиган спортчиларнинг спорт, педагогик ва тарбиявий фаолиятини тартибга солиб борувчи жамоа ;
расмий республика ёки халқаро спорт мусобақалари — Спорт ва оммавий жисмоний тарбия тадбирларининг календарь режасига киритилган расмий республика ёки халқаро спорт мусобақалари.
3. Ўзбекистон Республикасининг спорт терма жамоаларини шакллантириш Вазирлар Маҳкамасининг 2012 йил 14 июндаги 173-сон қарори билан тасдиқланган Спорт терма жамоалари тўғрисидаги низомга мувофиқ амалга оширилади.
2-боб. Ўзбекистон Республикасининг спорт терма жамоаларига номзодлар рўйхатларини шакллантиришнинг умумий принциплари ва мезонлари
4. Ўзбекистон Республикасининг спорт терма жамоаларига номзодлар рўйхатларини шакллантиришда қонунийлик, тенглик, объективлик, адолатлилик ҳамда ошкоралик принципларига асосланади.
5. Ўзбекистон Республикасининг спорт терма жамоаларига номзодлар рўйхатлари спортчиларнинг ўтган спорт мавсумида расмий республика ёки халқаро спорт мусобақаларидаги иштироки якунларига кўра шакллантирилади .
6. Ўзбекистон Республикасининг спорт терма жамоаларига номзодлар рўйхатларига:
мазкур Низомнинг 1-иловасида назарда тутилган мезонларга мувофиқ расмий республика ёки халқаро спорт мусобақаларида юқори кўрсаткичларга эришган барча ёш тоифалари ва жинсий мансублиги бўйича спортчилар;
спортчиларни тайёрлашда бевосита қатнашган тренерлар ҳамда хизмат кўрсатувчи ва маъмурий ходимлар киритилади.
3-боб. Ўзбекистон Республикасининг спорт терма жамоаларига номзодлар рўйхатларини тасдиқлаш
7. Спорт турлари бўйича республика спорт федерациялари (уюшмалари) келгуси йил учун тасдиқланадиган Ўзбекистон Республикасининг спорт терма жамоалари номзодлари рўйхатига киритиш учун Вазирлар Маҳкамасининг 2012 йил 14 июндаги 173-сон қарори билан тасдиқланган Спорт терма жамоалари тўғрисидаги низомга ҳамда мазкур Низомда белгиланган мезонларга мувофиқ спортчилар, шунингдек тренерлар ва хизмат кўрсатувчи ҳамда маъмурий ходимлар рўйхатини (бундан буён матнда рўйхат деб юритилади) шакллантиради.
8. Рўйхат тренерлар кенгашида муҳокама қилинади ва унинг натижаси бўйича кенгаш баённомаси расмийлаштирилади.
9. Рўйхат Вазирлар Маҳкамасининг 2012 йил 14 июндаги 173-сон қарори билан тасдиқланган Спорт терма жамоалари тўғрисидаги низомнинг 1-иловасига мувофиқ шаклда 3 та нусхада расмийлаштирилади ва мажбурий равишда:
спорт федерацияси (уюшмаси) раҳбари томонидан имзоланади ва спорт федерациясининг (уюшмасининг) муҳри (муҳр мавжуд бўлганда) билан тасдиқланади;
тегишли спорт тури бўйича бош (катта) тренер томонидан имзоланади;
тегишли спорт тури бўйича Спорт турларини ривожлантириш республика маркази мавжуд бўлганда, ушбу марказ раҳбари томонидан имзоланади ва марказнинг муҳри билан тасдиқланади.
10. Рўйхат (3 та нусхада) спорт федерацияси (уюшмаси) раҳбари томонидан имзоланган тақдимномага илова қилган ҳолда ҳар йили 31 декабрга қадар Ўзбекистон Республикаси Спорт вазирлигига (бундан буён матнда Спорт вазирлиги деб юритилади) тақдим этилади.
Тегишли спорт тури бўйича Спорт турларини ривожлантириш республика маркази мавжуд бўлганда, тақдимнома ушбу марказ раҳбари билан келишилган ҳолда марказ томонидан тақдим этилади.
Тақдимномага қўшимча равишда тренерлар кенгашининг рўйхатни муҳокама қилганлиги ҳақидаги баённомаси илова қилинади.
11. Тақдимнома ва унга илова қилинган ҳужжатлар Спорт вазирлиги томонидан ҳар йили 10 январга қадар кўриб чиқилади. Бунда Рўйхат Вазирлар Маҳкамасининг 2012 йил 14 июндаги 173-сон қарори билан тасдиқланган Спорт терма жамоалари тўғрисидаги низомга ҳамда мазкур Низомда белгиланган мезонларга мувофиқ шакллантирилганлиги ўрганиб чиқилади.
12. Рўйхатда камчиликлар аниқланган тақдирда, Спорт вазирлиги асослантирилган (камчиликлар кўрсатилган) хати билан рўйхатни уни тақдим этган ташкилотга қайтаради.
13. Республика спорт федерацияси (уюшмаси) (Спорт турларини ривожлантириш республика маркази) Спорт вазирлигининг хатида рўйхат бўйича билдирилган камчиликларни бартараф этиб, рўйхатни мазкур Низомда белгиланган тартибда шакллантиради ва тасдиқлайди ҳамда тақдимномага (келишилган тақдимномага) илова қилган ҳолда 15 январга қадар Спорт вазирлигига қайта тақдим этади.
14. Спорт вазирлиги Республика спорт федерацияси (уюшмаси) (Спорт турларини ривожлантириш республика маркази) томонидан тақдим этилган рўйхатларни умумлаштиради ва 31 январга қадар Ўзбекистон Республикасининг спорт терма жамоаларига номзодлар рўйхатини тасдиқлайди.
15. Йил давомида Ўзбекистон Республикасининг спорт терма жамоаларига номзодлар рўйхатини Вазирлар Маҳкамасининг 2012 йил 14 июндаги 173-сон қарори билан тасдиқланган Спорт терма жамоалари тўғрисидаги низомда кўрсатилган асосларга мувофиқ қайта кўриб чиқиш зарурати бўлганда, Республика спорт федерацияси (уюшмаси) (Спорт турларини ривожлантириш республика маркази) тақдимнома (келишилган тақдимнома) билан Спорт вазирлигига мурожаат қилади.
Бунда тақдимномага тренерлар кенгаши томонидан рўйхатни қайта кўриб чиқиш ва унга ўзгартириш киритиш масаласи муҳокама қилганлиги ҳақидаги тренерлар кенгаши баённомаси илова қилинади.
16. Спорт вазирлиги Ўзбекистон Республикасининг спорт терма жамоаларига номзодлар рўйхатига ўзгартириш киритиш тўғрисидаги тақдимномани 30 кун ичида кўриб чиқади.
17. Ўзбекистон Республикасининг спорт терма жамоаларига номзодлар рўйхатига ўзгартиришлар Спорт вазирлигининг буйруғига асосан киритилади.
18. Спортнинг техник ва амалий турлари бўйича келгуси йил учун Ўзбекистон Республикасининг спорт терма жамоаларига номзодлар рўйхати Ўзбекистон Мудофаасига кўмаклашувчи «Ватанпарвар» ташкилоти Марказий кенгаши томонидан шакллантирилади ва ҳар йили 31 январга қадар тасдиқланади.
4-боб. Якуний қоидалар
19. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавобгар бўладилар.
20. Мазкур Низом Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши билан келишилган.
Ўзбекистон Республикасининг спорт терма жамоаларига номзодлар рўйхатларини шакллантиришнинг умумий принциплари ва мезонлари, ушбу рўйхатларни тасдиқлаш тартиби тўғрисидаги низомга ИЛОВА
Расмий республика ёки халқаро спорт мусобақаларида (ўтган спорт мавсумида) эришилган кўрсаткичларга (эгаллаган ўринларига) кўра спортчиларни Ўзбекистон Республикасининг спорт терма жамоаларига номзодлар рўйхатларига киритиш
Спорт турлари, спорт турлари йўналишлари Спорт терма жамоаси таркиби Олимпия (паралимпия) ўйинлари, жаҳон чемпионатлари Осиё чемпионати, Осиё ўйинлари Жаҳон кубоги (босқичлар йиғиндиси ёки финал) Осиё кубоги (босқичлар йиғиндиси ёки финал) «А» тоифасидаги Халқаро мусобақалар Ўзбекистон чемпионати Ўзбекистон кубоги (босқичлар йиғиндиси ёки финал) шахсий (жамоавий) мусобақалар, жамоавий спорт ўйинлари бўйича мусобақалар жамоавий мусобақалар, эстафеталар шахсий (жамоавий) мусобақалар, жамоавий спорт ўйинлари бўйича мусобақалар жамоавий мусобақалар, эстафеталар шахсий (жамоавий) мусобақалар, жамоавий спорт ўйинлари бўйича мусобақалар жамоавий мусобақалар, эстафеталар шахсий (жамоавий) мусобақалар, жамоавий спорт ўйинлари бўйича мусобақалар жамоавий мусобақалар, эстафеталар шахсий (жамоавий) мусобақалар, жамоавий спорт ўйинлари бўйича мусобақалар жамоавий мусобақалар, эстафеталар шахсий (жамоавий) мусобақалар, жамоавий спорт ўйинлари бўйича мусобақалар жамоавий мусобақалар, эстафеталар Спорт яккакурашлари, жумладан теннис, стол тенниси, бадминтон, оғир атлетика асосий 1 — 8 - 1 — 6 - 1 — 8 - 1 — 4 - 1-2 1 — 3 - 1 — 3 - захира 9 — 16 - 7 — 12 - 9 — 16 - 5 — 8 - 3-4 4 — 6 - 4 — 6 - Жамоавий спорт ўйинлари асосий иштирок этиш - 1 — 4 - 1 — 4 - 1 — 3 - 1-2 1-2 - 1-2 - захира 5 — 8 - 5 — 8 - 4 — 6 - 3-4 3-4 - 3-4 - Спортнинг қишки турлари асосий иштирок этиш иштирок этиш 1 — 6 1 — 4 1 — 6 1 — 4 1 — 3 1-2 1-2 1-3 1 — 3 1-2 1-2 захира 7 — 12 5 — 8 7 — 12 5 — 8 4 — 6 3-4 3-4 4-5 4-5 3-4 3-4 Бошқа спорт турлари асосий 1 — 10 1 — 8 1 — 4 1 — 3 1 — 3 1-2 1 — 3 1-2 1-2 1 — 3 1 — 3 1-2 1-2 захира 11 — 20 9 — 16 5 — 8 4 — 6 4 — 6 3-4 4 — 6 3-4 3-4 4-5 4-5 3-4 3-4
Раис Р. КУРБАНОВ
Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши раиси Р. НИЯЗОВ
Тошкент ш.,
2017 йил 26 октябрь,
2017 йил 26 октябрь
13-мҳ-сон
Oʻzbekiston Respublikasi jismoniy tarbiya va sport Davlat qoʻmitasining
Qarori
NIZOM
MEZONLARI
Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari, ushbu roʻyxatlarni tasdiqlash tartibi toʻgʻrisidagi nizomni tasdiqlash haqida
Oʻzbekiston Respublikasining “Jismoniy tarbiya va sport toʻgʻrisida”gi Qonuni , Oʻzbekiston Respublikasi Vazirlar Mahkamasining 2012-yil 14-iyundagi 173-sonli “Sport terma jamoalari toʻgʻrisidagi nizomni hamda Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisidagi nizomni tasdiqlash haqida”gi qaroriga muvofiq Oʻzbekiston Respublikasi Jismoniy tarbiya va sport davlat qoʻmitasi qaror qiladi:
1. Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari, ushbu roʻyxatlarni tasdiqlash tartibi toʻgʻrisida”gi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Jismoniy tarbiya va sport davlat qoʻmitasining 2017-yil 26-oktabrdagi 13-mh-son qaroriga ILOVA
Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari, ushbu roʻyxatlarni tasdiqlash tartibi toʻgʻrisidagi
Mazkur Nizom Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari, ushbu roʻyxatlarni tasdiqlash tartibini belgilaydi.
1-bob. Umumiy qoidalar
1. Mazkur Nizom Oʻzbekiston Respublikasi hududida oʻz faoliyatini amalga oshiruvchi jismoniy tarbiya-sport tashkilotlariga nisbatan tatbiq etiladi.
2. Mazkur Nizomda quyidagi asosiy tushunchalardan foydalaniladi:
Oʻzbekiston Respublikasining sport terma jamoalari — xalqaro sport musobaqalariga tayyorgarlik koʻrish hamda ularda Oʻzbekiston Respublikasi nomidan ishtirok etish uchun turli yosh guruhlariga tegishli sportchilar, trenerlar, jismoniy tarbiya va sport sohasidagi olimlar va boshqa mutaxassislar, tibbiyot mutaxassislari hamda boshqa mutaxassislar jamoalari ;
trenerlar kengashi — sport turlari boʻyicha bosh (katta) trenerlar va trenerlar, boshqa yetakchi va nufuzli trenerlar, vrachlar, kompleks ilmiy guruhlar rahbarlari va boshqa mutaxassislaridan iborat boʻlgan, sport turlari boʻyicha respublika federatsiyalarida (uyushmalarida) yoki ular boʻlmagan taqdirda, Sport turlarini rivojlantirish respublika markazlarida tashkil etiladigan sportchilarning sport, pedagogik va tarbiyaviy faoliyatini tartibga solib boruvchi jamoa ;
rasmiy respublika yoki xalqaro sport musobaqalari — Sport va ommaviy jismoniy tarbiya tadbirlarining kalendar rejasiga kiritilgan rasmiy respublika yoki xalqaro sport musobaqalari.
3. Oʻzbekiston Respublikasining sport terma jamoalarini shakllantirish Vazirlar Mahkamasining 2012-yil 14-iyundagi 173-son qarori bilan tasdiqlangan Sport terma jamoalari toʻgʻrisidagi nizomga muvofiq amalga oshiriladi.
2-bob. Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari
4. Oʻzbekiston Respublikasining sport terma jamoalariga nomzodlar roʻyxatlarini shakllantirishda qonuniylik, tenglik, obyektivlik, adolatlilik hamda oshkoralik prinsiplariga asoslanadi.
5. Oʻzbekiston Respublikasining sport terma jamoalariga nomzodlar roʻyxatlari sportchilarning oʻtgan sport mavsumida rasmiy respublika yoki xalqaro sport musobaqalaridagi ishtiroki yakunlariga koʻra shakllantiriladi .
6. Oʻzbekiston Respublikasining sport terma jamoalariga nomzodlar roʻyxatlariga:
mazkur Nizomning 1-ilovasida nazarda tutilgan mezonlarga muvofiq rasmiy respublika yoki xalqaro sport musobaqalarida yuqori koʻrsatkichlarga erishgan barcha yosh toifalari va jinsiy mansubligi boʻyicha sportchilar;
sportchilarni tayyorlashda bevosita qatnashgan trenerlar hamda xizmat koʻrsatuvchi va maʼmuriy xodimlar kiritiladi.
3-bob. Oʻzbekiston Respublikasining sport terma jamoalariga nomzodlar roʻyxatlarini tasdiqlash
7. Sport turlari boʻyicha respublika sport federatsiyalari (uyushmalari) kelgusi yil uchun tasdiqlanadigan Oʻzbekiston Respublikasining sport terma jamoalari nomzodlari roʻyxatiga kiritish uchun Vazirlar Mahkamasining 2012-yil 14-iyundagi 173-son qarori bilan tasdiqlangan Sport terma jamoalari toʻgʻrisidagi nizomga hamda mazkur Nizomda belgilangan mezonlarga muvofiq sportchilar, shuningdek trenerlar va xizmat koʻrsatuvchi hamda maʼmuriy xodimlar roʻyxatini (bundan buyon matnda roʻyxat deb yuritiladi) shakllantiradi.
8. Roʻyxat trenerlar kengashida muhokama qilinadi va uning natijasi boʻyicha kengash bayonnomasi rasmiylashtiriladi.
9. Roʻyxat Vazirlar Mahkamasining 2012-yil 14-iyundagi 173-son qarori bilan tasdiqlangan Sport terma jamoalari toʻgʻrisidagi nizomning 1-ilovasiga muvofiq shaklda 3 ta nusxada rasmiylashtiriladi va majburiy ravishda:
sport federatsiyasi (uyushmasi) rahbari tomonidan imzolanadi va sport federatsiyasining (uyushmasining) muhri (muhr mavjud boʻlganda) bilan tasdiqlanadi;
tegishli sport turi boʻyicha bosh (katta) trener tomonidan imzolanadi;
tegishli sport turi boʻyicha Sport turlarini rivojlantirish respublika markazi mavjud boʻlganda, ushbu markaz rahbari tomonidan imzolanadi va markazning muhri bilan tasdiqlanadi.
10. Roʻyxat (3 ta nusxada) sport federatsiyasi (uyushmasi) rahbari tomonidan imzolangan taqdimnomaga ilova qilgan holda har yili 31-dekabrga qadar Oʻzbekiston Respublikasi Sport vazirligiga (bundan buyon matnda Sport vazirligi deb yuritiladi) taqdim etiladi.
Tegishli sport turi boʻyicha Sport turlarini rivojlantirish respublika markazi mavjud boʻlganda, taqdimnoma ushbu markaz rahbari bilan kelishilgan holda markaz tomonidan taqdim etiladi.
Taqdimnomaga qoʻshimcha ravishda trenerlar kengashining roʻyxatni muhokama qilganligi haqidagi bayonnomasi ilova qilinadi.
11. Taqdimnoma va unga ilova qilingan hujjatlar Sport vazirligi tomonidan har yili 10-yanvarga qadar koʻrib chiqiladi. Bunda Roʻyxat Vazirlar Mahkamasining 2012-yil 14-iyundagi 173-son qarori bilan tasdiqlangan Sport terma jamoalari toʻgʻrisidagi nizomga hamda mazkur Nizomda belgilangan mezonlarga muvofiq shakllantirilganligi oʻrganib chiqiladi.
12. Roʻyxatda kamchiliklar aniqlangan taqdirda, Sport vazirligi asoslantirilgan (kamchiliklar koʻrsatilgan) xati bilan roʻyxatni uni taqdim etgan tashkilotga qaytaradi.
13. Respublika sport federatsiyasi (uyushmasi) (Sport turlarini rivojlantirish respublika markazi) Sport vazirligining xatida roʻyxat boʻyicha bildirilgan kamchiliklarni bartaraf etib, roʻyxatni mazkur Nizomda belgilangan tartibda shakllantiradi va tasdiqlaydi hamda taqdimnomaga (kelishilgan taqdimnomaga) ilova qilgan holda 15-yanvarga qadar Sport vazirligiga qayta taqdim etadi.
14. Sport vazirligi Respublika sport federatsiyasi (uyushmasi) (Sport turlarini rivojlantirish respublika markazi) tomonidan taqdim etilgan roʻyxatlarni umumlashtiradi va 31-yanvarga qadar Oʻzbekiston Respublikasining sport terma jamoalariga nomzodlar roʻyxatini tasdiqlaydi.
15. Yil davomida Oʻzbekiston Respublikasining sport terma jamoalariga nomzodlar roʻyxatini Vazirlar Mahkamasining 2012-yil 14-iyundagi 173-son qarori bilan tasdiqlangan Sport terma jamoalari toʻgʻrisidagi nizomda koʻrsatilgan asoslarga muvofiq qayta koʻrib chiqish zarurati boʻlganda, Respublika sport federatsiyasi (uyushmasi) (Sport turlarini rivojlantirish respublika markazi) taqdimnoma (kelishilgan taqdimnoma) bilan Sport vazirligiga murojaat qiladi.
Bunda taqdimnomaga trenerlar kengashi tomonidan roʻyxatni qayta koʻrib chiqish va unga oʻzgartirish kiritish masalasi muhokama qilganligi haqidagi trenerlar kengashi bayonnomasi ilova qilinadi.
16. Sport vazirligi Oʻzbekiston Respublikasining sport terma jamoalariga nomzodlar roʻyxatiga oʻzgartirish kiritish toʻgʻrisidagi taqdimnomani 30 kun ichida koʻrib chiqadi.
17. Oʻzbekiston Respublikasining sport terma jamoalariga nomzodlar roʻyxatiga oʻzgartirishlar Sport vazirligining buyrugʻiga asosan kiritiladi.
18. Sportning texnik va amaliy turlari boʻyicha kelgusi yil uchun Oʻzbekiston Respublikasining sport terma jamoalariga nomzodlar roʻyxati Oʻzbekiston Mudofaasiga koʻmaklashuvchi “Vatanparvar” tashkiloti Markaziy kengashi tomonidan shakllantiriladi va har yili 31-yanvarga qadar tasdiqlanadi.
4-bob. Yakuniy qoidalar
19. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladilar.
20. Mazkur Nizom Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi bilan kelishilgan.
Oʻzbekiston Respublikasining sport terma jamoalariga nomzodlar roʻyxatlarini shakllantirishning umumiy prinsiplari va mezonlari, ushbu roʻyxatlarni tasdiqlash tartibi toʻgʻrisidagi nizomga ILOVA
Rasmiy respublika yoki xalqaro sport musobaqalarida (oʻtgan sport mavsumida) erishilgan koʻrsatkichlarga (egallagan oʻrinlariga) koʻra sportchilarni Oʻzbekiston Respublikasining sport terma jamoalariga nomzodlar roʻyxatlariga kiritish
Sport turlari, sport turlari yoʻnalishlari Sport terma jamoasi tarkibi Olimpiya (paralimpiya) oʻyinlari, jahon chempionatlari Osiyo chempionati, Osiyo oʻyinlari Jahon kubogi (bosqichlar yigʻindisi yoki final) Osiyo kubogi (bosqichlar yigʻindisi yoki final) “A” toifasidagi Xalqaro musobaqalar Oʻzbekiston chempionati Oʻzbekiston kubogi (bosqichlar yigʻindisi yoki final) shaxsiy (jamoaviy) musobaqalar, jamoaviy sport oʻyinlari boʻyicha musobaqalar jamoaviy musobaqalar, estafetalar shaxsiy (jamoaviy) musobaqalar, jamoaviy sport oʻyinlari boʻyicha musobaqalar jamoaviy musobaqalar, estafetalar shaxsiy (jamoaviy) musobaqalar, jamoaviy sport oʻyinlari boʻyicha musobaqalar jamoaviy musobaqalar, estafetalar shaxsiy (jamoaviy) musobaqalar, jamoaviy sport oʻyinlari boʻyicha musobaqalar jamoaviy musobaqalar, estafetalar shaxsiy (jamoaviy) musobaqalar, jamoaviy sport oʻyinlari boʻyicha musobaqalar jamoaviy musobaqalar, estafetalar shaxsiy (jamoaviy) musobaqalar, jamoaviy sport oʻyinlari boʻyicha musobaqalar jamoaviy musobaqalar, estafetalar Sport yakkakurashlari, jumladan tennis, stol tennisi, badminton, ogʻir atletika asosiy 1 — 8 - 1 — 6 - 1 — 8 - 1 — 4 - 1-2 1 — 3 - 1 — 3 - zaxira 9 — 16 - 7 — 12 - 9 — 16 - 5 — 8 - 3-4 4 — 6 - 4 — 6 - Jamoaviy sport oʻyinlari asosiy ishtirok etish - 1 — 4 - 1 — 4 - 1 — 3 - 1-2 1-2 - 1-2 - zaxira 5 — 8 - 5 — 8 - 4 — 6 - 3-4 3-4 - 3-4 - Sportning qishki turlari asosiy ishtirok etish ishtirok etish 1 — 6 1 — 4 1 — 6 1 — 4 1 — 3 1-2 1-2 1-3 1 — 3 1-2 1-2 zaxira 7 — 12 5 — 8 7 — 12 5 — 8 4 — 6 3-4 3-4 4-5 4-5 3-4 3-4 Boshqa sport turlari asosiy 1 — 10 1 — 8 1 — 4 1 — 3 1 — 3 1-2 1 — 3 1-2 1-2 1 — 3 1 — 3 1-2 1-2 zaxira 11 — 20 9 — 16 5 — 8 4 — 6 4 — 6 3-4 4 — 6 3-4 3-4 4-5 4-5 3-4 3-4
Rais R. KURBANOV
Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi raisi R. NIYAZOV
Toshkent sh.,
2017-yil 26-oktabr,
2017-yil 26-oktabr
13-mh-son