📅 2017-yil 11-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 11 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 декабря 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 11 December 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон давлат санъат ва маданият институтида актёрлик санъати таълим йўналишида махсус сиртқи бўлимни ташкил этиш тўғрисида
Республикадаги барча театрларни етук ва малакали мутахассислар билан таъминлаш, театрларнинг олий маълумотли кадрларга бўлган эҳтиёжларини қондириш ва уларни тайёрлаш тизимини сифатли ташкил этишни янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлиги ҳамда Олий ва ўрта махсус таълим вазирлигининг 2018/2019 ўқув йилидан бошлаб Ўзбекистон давлат санъат ва маданият институтида (кейинги ўринларда Институт деб аталади) актёрлик санъати таълим йўналишида махсус сиртқи бўлимни ташкил этиш тўғрисидаги таклифи маъқуллансин.
2. Ўзбекистон Республикаси Иқтисодиёт вазирлиги, Маданият вазирлиги, Олий ва ўрта махсус таълим вазирлиги, Молия вазирлиги Институтда 2018/2019 ўқув йилидан бошлаб актёрлик санъати таълим йўналишида махсус сиртқи бўлим учун қабул квоталарини белгиланган тартибда шакллантирсинлар.
3. Белгилаб қўйилсинки:
Ўзбекистон Республикаси Президентининг «Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида» 2017 йил 16 ноябрдаги ПҚ-3389-сон қарорига мувофиқ 2018/2019 ўқув йилидан бошлаб Институтнинг актёрлик санъати таълим йўналишидаги махсус сиртқи бўлимга ушбу ёки турдош таълим йўналишлари бўйича ўрта махсус, касб-ҳунар маълумотига, театр ва бошқа маданият муассасаларида таълим йўналишига мувофиқ камида уч йил амалий иш стажига ҳамда белгиланган тартибда тавсияномага эга бўлган иқтидорли абитуриентларни қабул қилиш кириш тест синовларисиз, ижодий имтиҳонлар орқали амалга оширилади;
Институтда махсус сиртқи таълим жараёнини ташкил этиш Вазирлар Маҳкамасининг 2017 йил 21 ноябрдаги 930-сон қарори билан тасдиқланган Олий таълим муассасасида сиртқи (махсус сиртқи) таълимни ташкил этиш тартиби тўғрисидаги низом асосида амалга оширилади;
махсус сиртқи таълим шаклида ўқиш тўлов-контракт асосида ташкил этилади.
4. Ўзбекистон Республикаси Маданият вазирлиги Олий ва ўрта махсус таълим вазирлиги билан биргаликда 2018/2019 ўқув йилидан бошлаб Институтнинг махсус сиртқи бўлимига талабаларни қабул қилиш жараёни юқори савияда ташкил этилишини таъминласин.
5. Ўзбекистон Республикаси Маданият вазирлиги ҳамда Олий ва ўрта махсус таълим вазирлиги 2018 йил 1 июнгача:
махсус сиртқи бўлим ўқув режаси ва фан дастурларини тасдиқлаш, шунингдек, уларга мувофиқ фанларни ўқув адабиётлари билан таъминлаш;
махсус сиртқи бўлимда дарс беришга юқори салоҳиятга эга бўлган етакчи мутахассислар ва профессор-ўқитувчиларни жалб этиш чораларини кўрсин.
6. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Қ.В. Акмалов, Ўзбекистон Республикаси маданият вазири Б.С. Сайфуллаев зиммаларига ҳамда Вазирлар Маҳкамасининг Маданият, санъат ва ёшлар сиёсати масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 11 декабрь,
977-сон
Oʻzbekiston Respublikasi Vazirlar Mahkamasining
qarori
Oʻzbekiston davlat sanʼat va madaniyat institutida aktyorlik sanʼati taʼlim yoʻnalishida maxsus sirtqi boʻlimni tashkil etish toʻgʻrisida
Respublikadagi barcha teatrlarni yetuk va malakali mutaxassislar bilan taʼminlash, teatrlarning oliy maʼlumotli kadrlarga boʻlgan ehtiyojlarini qondirish va ularni tayyorlash tizimini sifatli tashkil etishni yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligi hamda Oliy va oʻrta maxsus taʼlim vazirligining 2018/2019 oʻquv yilidan boshlab Oʻzbekiston davlat sanʼat va madaniyat institutida (keyingi oʻrinlarda Institut deb ataladi) aktyorlik sanʼati taʼlim yoʻnalishida maxsus sirtqi boʻlimni tashkil etish toʻgʻrisidagi taklifi maʼqullansin.
2. Oʻzbekiston Respublikasi Iqtisodiyot vazirligi, Madaniyat vazirligi, Oliy va oʻrta maxsus taʼlim vazirligi, Moliya vazirligi Institutda 2018/2019 oʻquv yilidan boshlab aktyorlik sanʼati taʼlim yoʻnalishida maxsus sirtqi boʻlim uchun qabul kvotalarini belgilangan tartibda shakllantirsinlar.
3. Belgilab qoʻyilsinki:
Oʻzbekiston Respublikasi Prezidentining “Respublika oliy taʼlim muassasalari bakalavriatiga kirish test sinovlarini oʻtkazish tartibini takomillashtirish toʻgʻrisida” 2017-yil 16-noyabrdagi PQ-3389-son qaroriga muvofiq 2018/2019 oʻquv yilidan boshlab Institutning aktyorlik sanʼati taʼlim yoʻnalishidagi maxsus sirtqi boʻlimga ushbu yoki turdosh taʼlim yoʻnalishlari boʻyicha oʻrta maxsus, kasb-hunar maʼlumotiga, teatr va boshqa madaniyat muassasalarida taʼlim yoʻnalishiga muvofiq kamida uch yil amaliy ish stajiga hamda belgilangan tartibda tavsiyanomaga ega boʻlgan iqtidorli abituriyentlarni qabul qilish kirish test sinovlarisiz, ijodiy imtihonlar orqali amalga oshiriladi;
Institutda maxsus sirtqi taʼlim jarayonini tashkil etish Vazirlar Mahkamasining 2017-yil 21-noyabrdagi 930-son qarori bilan tasdiqlangan Oliy taʼlim muassasasida sirtqi (maxsus sirtqi) taʼlimni tashkil etish tartibi toʻgʻrisidagi nizom asosida amalga oshiriladi;
maxsus sirtqi taʼlim shaklida oʻqish toʻlov-kontrakt asosida tashkil etiladi.
4. Oʻzbekiston Respublikasi Madaniyat vazirligi Oliy va oʻrta maxsus taʼlim vazirligi bilan birgalikda 2018/2019 oʻquv yilidan boshlab Institutning maxsus sirtqi boʻlimiga talabalarni qabul qilish jarayoni yuqori saviyada tashkil etilishini taʼminlasin.
5. Oʻzbekiston Respublikasi Madaniyat vazirligi hamda Oliy va oʻrta maxsus taʼlim vazirligi 2018-yil 1-iyungacha:
maxsus sirtqi boʻlim oʻquv rejasi va fan dasturlarini tasdiqlash, shuningdek, ularga muvofiq fanlarni oʻquv adabiyotlari bilan taʼminlash;
maxsus sirtqi boʻlimda dars berishga yuqori salohiyatga ega boʻlgan yetakchi mutaxassislar va professor-oʻqituvchilarni jalb etish choralarini koʻrsin.
6. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Q.V. Akmalov, Oʻzbekiston Respublikasi madaniyat vaziri B.S. Sayfullayev zimmalariga hamda Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 11-dekabr,
977-son