📅 2017-yil 13-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 декабря 2017 г. · Указы Президента
Официальный текст. Официальный документ. Редакционные примечания не включены.
📅 13 December 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Маҳаллий давлат ҳокимияти органларининг молиявий эркинлигини ошириш, маҳаллий бюджетларга тушумларнинг тўлиқлигини таъминлаш бўйича солиқ ва молия органлари жавобгарлигини кучайтиришга оид қўшимча чора-тадбирлар тўғрисида
Маҳаллий бюджетларнинг даромад базасини тубдан мустаҳкамлаш ва номарказлаштириш асосида ҳудудларни комплекс ривожлантиришни барқарор молиялаштириш, бюджетлараро муносабатларни янада такомиллаштириш, маҳаллий давлат ҳокимияти органларининг молиявий эркинлигини кучайтириш, кичик бизнес ва хусусий тадбиркорликни ривожлантиришга кўмаклашиш, янги иш жойлари яратиш ҳамда аҳоли бандлигини таъминлаш, муҳандислик-коммуникация, йўл-транспорт ва ижтимоий инфратузилмани жадал ривожлантириш ҳисобига солиқ салоҳиятини кенгайтириш бўйича аниқ мақсадга йўналтирилган чора-тадбирларни амалга оширишда уларнинг масъулиятини оширишни таъминлаш мақсадида:
1. Қуйидагилар маҳаллий бюджетлар даражасида солиқ-бюджет сиёсатининг устувор вазифалари этиб белгилансин:
биринчи, солиқлар ва бошқа мажбурий тўловларнинг аниқ турларини уларга бириктириб қўйиш орқали маҳаллий бюджетларнинг даромад базасини тубдан мустаҳкамлаш;
иккинчи, вилоятлар, шаҳар ва туман бюджетларини субвенциядан чиқариш, уларнинг юқори турувчи бюджетлар ажратмаларига бўлган қарамлигини босқичма-босқич қисқартириш, бунинг асосида ҳудудларни ижтимоий-иқтисодий ривожлантириш масалаларини ҳал этишда маҳаллий давлат ҳокимияти органлари эркинлиги ва масъулиятини ошириш;
учинчи, маҳаллий бюджетларнинг даромадларини ошириш учун тизимли асосда қўшимча резервларни аниқлаб бориш;
тўртинчи, депутатлик ва жамоат назоратини кенг жалб қилган ҳолда, маҳаллий бюджетларни шакллантиришнинг шаффофлигини ва унинг бажарилиши устидан назоратни таъминлаш;
бешинчи, маҳаллий бюджетлар даромадлар базасини мустаҳкамлаш ҳамда харажатларининг тасдиқланган параметрларини ўз вақтида, мақсадли молиялаштириш, ижтимоий соҳа объектлари ва инфратузилмани янада ривожлантириш ва тегишли даражада сақлаб туришни таъминлаш устидан маҳаллий давлат ҳокимияти органлари, молия ва солиқ органларининг жавобгарлигини кучайтириш.
2. Шундай тартиб ўрнатилсинки, унга мувофиқ, Қорақалпоғистон Республикаси Жўқорғи Кенгесида, вилоятлар, Тошкент шаҳри ва республика туманлари (шаҳарлари) халқ депутатлари Кенгашлари сессияларида:
а) қуйидагилар йил чораклари кесимида атрофлича кўриб чиқилади ва тасдиқланади:
даромадлар манбалари ва харажатлар турлари кесимида, Қорақалпоғистон Республикаси бюджети, вилоятлар, Тошкент шаҳри ва республика туманларининг (шаҳарларининг) маҳаллий бюджетлари параметрлари;
маҳаллий бюджетларнинг даромадларини ошириш резервларини аниқлаш бўйича ҳисоб-китоб кўрсаткичлари;
ҳудудларни ижтимоий-иқтисодий ривожлантириш дастурлари, бюджетнинг даромадлар базасини ошириш ва янги иш жойлари барпо этиш бўйича чора-тадбирлар;
қўшимча манбалар, шу жумладан, маҳаллий бюджетларнинг даромадларини ошириш резервларини аниқлаш ҳисобидан молиялаштириладиган харажатлар ҳудудларни ижтимоий-иқтисодий ривожлантириш дастурлари билан боғлаган ҳолда;
б) Қорақалпоғистон Республикаси, вилоятлар ва Тошкент шаҳри, шунингдек, республиканинг тегишли туманларида (шаҳарларида) депутатлик ва жамоат назоратини амалга ошириш учун юқори турувчи бюджетлар ва давлатнинг мақсадли жамғармалари маблағлари ҳисобидан амалга оширилаётган чора-тадбирлар ва лойиҳалар маъқулланади;
в) ҳар чоракда:
ҳокимнинг тегишли ҳудуд ижтимоий-иқтисодий ривожланишининг энг муҳим ва долзарб масалалари, бюджетнинг даромадлар базасини ошириш ва янги иш ўринлари барпо этиш, шунингдек инвестициялар жалб қилиш ва инвестиция лойиҳаларини амалга ошириш бўйича;
молия бошқармалари (бўлимлари) раҳбарларининг Қорақалпоғистон Республикаси, вилоятлар, Тошкент шаҳри, туманлари (шаҳарлари) бюджетлари ижроси тўғрисида, шунингдек, ҳудудларнинг салоҳиятидан келиб чиққан ҳолда маҳаллий бюджетларнинг даромадларининг қўшимча манбаларини шакллантириш ҳамда қўшимча манбалардан фойдаланиш йўналишлари, жумладан, маҳаллий бюджетлар даромадларини оширишнинг аниқланган резервлари тўғрисида;
давлат солиқ бошқармаси (инспекцияси) раҳбарининг Қорақалпоғистон Республикаси бюджети ва маҳаллий бюджетлар даромадлари бажарилиши ҳолати, улар томонидан қўшимча резервларни аниқлаш бўйича қилинган ишлар, шунингдек, солиқлар ва бошқа мажбурий тўловлар кесимида бюджетга ҳисобланган ва амалда тўланганлиги, улар бўйича солиқ қарздорлиги тўғрисида ҳисоботлари тингланади.
3. 2018 йилнинг 1 январидан бошлаб молия органлари ва давлат солиқ хизмати органлари раҳбарларига жавобгарлик ва рағбатлантириш чоралари кўрилсин, у қуйидагиларни назарда тутади:
а) солиқ ва молия органлари раҳбарларини уларнинг лавозим маошларидан 50 фоизгача бўлган миқдорда мукофотлаш, шу жумладан:
маҳаллий бюджет даромадларининг тасдиқланган прогнозининг ижро этилгани учун 10 фоиз миқдорда;
бюджетга тўловлар бўйича солиқ қарздорлиги қисқартирилгани учун 20 фоиз миқдорда;
маҳаллий бюджет даромадларини ошириш резервларини аниқлаш бўйича ҳисоб-китоб кўрсаткичлари бажарилгани учун 20 фоиз миқдорда;
б) юқорида кўрсатилган мезонларнинг ижроси таъминланмагани учун уларнинг лавозим маошларидан 30 фоиз миқдорида жарима санкцияларини қўллаш, шу жумладан:
маҳаллий бюджет прогнози бажарилмаганлиги учун 10 фоиз миқдорда;
маҳаллий бюджетга тўловлар бўйича солиқ қарздорлиги оширилгани учун 10 фоиз миқдорда;
маҳаллий бюджет даромадларини ошириш резервларини аниқлаш бўйича ҳисоб-китоб кўрсаткичлари бажарилмаганлиги учун 10 фоиз миқдорда.
Молия ва солиқ органлари раҳбарларини мукофотлаш ҳамда жавобгарлик чораларини қўллаш молия вазири ва Ўзбекистон Республикаси Давлат солиқ қўмитаси раиси томонидан Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари, туманлар (шаҳарлар) ҳокимларининг тавсияларига кўра амалга оширилади.
Ўзбекистон Республикаси Вазирлар Маҳкамаси 2018 йилнинг 1 январигача молия ва солиқ органлари раҳбарлари, мансабдор шахслари бюджетга тўловлар келиб тушишининг кўрсаткич прогнозлари бажарилгани ҳамда қўшимча даромадлар аниқлангани ва ундириб олингани учун рағбатлантириш ва моддий жавобгарлик тартиби тўғрисидаги Низомни ишлаб чиқсин ва тасдиқласин.
4. Ўзбекистон Республикаси Ҳисоб палатаси ва Ўзбекистон Республикаси Молия вазирлигининг Давлат молия назорати бош бошқармаси Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда:
маҳаллий бюджет параметрларини бажариш, маҳаллий бюджет даромадларини ошириш резервларини сафарбар қилиш, тасдиқланган инвестиция лойиҳаларини ўз вақтида амалга оширилиши, шунингдек, ахборотларни расмий веб-сайтларда ва маҳаллий оммавий ахборот воситаларида чоп этиш;
солиқ ва молия органлари ходимларини моддий рағбатлантириш ва жавобгарлигини кучайтириш бўйича мазкур Фармонда ўрнатилган талабларга қатъий риоя этилиши устидан тизимли асосда назоратни амалга оширсин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳри, туманлар (шаҳарлар) ҳокимликлари ҳар чоракда тегишли органлар раҳбарларининг ҳисоботларини оммавий ахборот воситаларида чоп этиш ва маълумотларни расмий веб-сайтларга жойлаштириш, шу жумладан, мазкур тадбирларни маҳаллий телевидение орқали ёритишни таъминласин.
6. Ўзбекистон Республикаси Президентининг 2017 йил 10 августдаги «Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида»ги ПФ-5147-сонли Фармонининг 7-банди ва унинг 4-иловаси 2018 йилнинг 1 январидан бошлаб ўз кучини йўқотган, деб ҳисоблансин.
7. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазири ўринбосари — молия вазири Ж.А. Қўчқоров ва Ўзбекистон Республикаси Ҳисоб палатаси раиси М.М. Икрамов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 декабрь,
ПФ-5283-сон
Oʻzbekiston Respublikasi Prezidentining
Farmoni
Mahalliy davlat hokimiyati organlarining moliyaviy erkinligini oshirish, mahalliy budjetlarga tushumlarning toʻliqligini taʼminlash boʻyicha soliq va moliya organlari javobgarligini kuchaytirishga oid qoʻshimcha chora-tadbirlar toʻgʻrisida
Mahalliy budjetlarning daromad bazasini tubdan mustahkamlash va nomarkazlashtirish asosida hududlarni kompleks rivojlantirishni barqaror moliyalashtirish, budjetlararo munosabatlarni yanada takomillashtirish, mahalliy davlat hokimiyati organlarining moliyaviy erkinligini kuchaytirish, kichik biznes va xususiy tadbirkorlikni rivojlantirishga koʻmaklashish, yangi ish joylari yaratish hamda aholi bandligini taʼminlash, muhandislik-kommunikatsiya, yoʻl-transport va ijtimoiy infratuzilmani jadal rivojlantirish hisobiga soliq salohiyatini kengaytirish boʻyicha aniq maqsadga yoʻnaltirilgan chora-tadbirlarni amalga oshirishda ularning masʼuliyatini oshirishni taʼminlash maqsadida:
1. Quyidagilar mahalliy budjetlar darajasida soliq-budjet siyosatining ustuvor vazifalari etib belgilansin:
birinchi, soliqlar va boshqa majburiy toʻlovlarning aniq turlarini ularga biriktirib qoʻyish orqali mahalliy budjetlarning daromad bazasini tubdan mustahkamlash;
ikkinchi, viloyatlar, shahar va tuman budjetlarini subvensiyadan chiqarish, ularning yuqori turuvchi budjetlar ajratmalariga boʻlgan qaramligini bosqichma-bosqich qisqartirish, buning asosida hududlarni ijtimoiy-iqtisodiy rivojlantirish masalalarini hal etishda mahalliy davlat hokimiyati organlari erkinligi va masʼuliyatini oshirish;
uchinchi, mahalliy budjetlarning daromadlarini oshirish uchun tizimli asosda qoʻshimcha rezervlarni aniqlab borish;
toʻrtinchi, deputatlik va jamoat nazoratini keng jalb qilgan holda, mahalliy budjetlarni shakllantirishning shaffofligini va uning bajarilishi ustidan nazoratni taʼminlash;
beshinchi, mahalliy budjetlar daromadlar bazasini mustahkamlash hamda xarajatlarining tasdiqlangan parametrlarini oʻz vaqtida, maqsadli moliyalashtirish, ijtimoiy soha obyektlari va infratuzilmani yanada rivojlantirish va tegishli darajada saqlab turishni taʼminlash ustidan mahalliy davlat hokimiyati organlari, moliya va soliq organlarining javobgarligini kuchaytirish.
2. Shunday tartib oʻrnatilsinki, unga muvofiq, Qoraqalpogʻiston Respublikasi Joʻqorgʻi Kengesida, viloyatlar, Toshkent shahri va respublika tumanlari (shaharlari) xalq deputatlari Kengashlari sessiyalarida:
a) quyidagilar yil choraklari kesimida atroflicha koʻrib chiqiladi va tasdiqlanadi:
daromadlar manbalari va xarajatlar turlari kesimida, Qoraqalpogʻiston Respublikasi budjeti, viloyatlar, Toshkent shahri va respublika tumanlarining (shaharlarining) mahalliy budjetlari parametrlari;
mahalliy budjetlarning daromadlarini oshirish rezervlarini aniqlash boʻyicha hisob-kitob koʻrsatkichlari;
hududlarni ijtimoiy-iqtisodiy rivojlantirish dasturlari, budjetning daromadlar bazasini oshirish va yangi ish joylari barpo etish boʻyicha chora-tadbirlar;
qoʻshimcha manbalar, shu jumladan, mahalliy budjetlarning daromadlarini oshirish rezervlarini aniqlash hisobidan moliyalashtiriladigan xarajatlar hududlarni ijtimoiy-iqtisodiy rivojlantirish dasturlari bilan bogʻlagan holda;
b) Qoraqalpogʻiston Respublikasi, viloyatlar va Toshkent shahri, shuningdek, respublikaning tegishli tumanlarida (shaharlarida) deputatlik va jamoat nazoratini amalga oshirish uchun yuqori turuvchi budjetlar va davlatning maqsadli jamgʻarmalari mablagʻlari hisobidan amalga oshirilayotgan chora-tadbirlar va loyihalar maʼqullanadi;
v) har chorakda:
hokimning tegishli hudud ijtimoiy-iqtisodiy rivojlanishining eng muhim va dolzarb masalalari, budjetning daromadlar bazasini oshirish va yangi ish oʻrinlari barpo etish, shuningdek investitsiyalar jalb qilish va investitsiya loyihalarini amalga oshirish boʻyicha;
moliya boshqarmalari (boʻlimlari) rahbarlarining Qoraqalpogʻiston Respublikasi, viloyatlar, Toshkent shahri, tumanlari (shaharlari) budjetlari ijrosi toʻgʻrisida, shuningdek, hududlarning salohiyatidan kelib chiqqan holda mahalliy budjetlarning daromadlarining qoʻshimcha manbalarini shakllantirish hamda qoʻshimcha manbalardan foydalanish yoʻnalishlari, jumladan, mahalliy budjetlar daromadlarini oshirishning aniqlangan rezervlari toʻgʻrisida;
davlat soliq boshqarmasi (inspeksiyasi) rahbarining Qoraqalpogʻiston Respublikasi budjeti va mahalliy budjetlar daromadlari bajarilishi holati, ular tomonidan qoʻshimcha rezervlarni aniqlash boʻyicha qilingan ishlar, shuningdek, soliqlar va boshqa majburiy toʻlovlar kesimida budjetga hisoblangan va amalda toʻlanganligi, ular boʻyicha soliq qarzdorligi toʻgʻrisida hisobotlari tinglanadi.
3. 2018-yilning 1-yanvaridan boshlab moliya organlari va davlat soliq xizmati organlari rahbarlariga javobgarlik va ragʻbatlantirish choralari koʻrilsin, u quyidagilarni nazarda tutadi:
a) soliq va moliya organlari rahbarlarini ularning lavozim maoshlaridan 50 foizgacha boʻlgan miqdorda mukofotlash, shu jumladan:
mahalliy budjet daromadlarining tasdiqlangan prognozining ijro etilgani uchun 10 foiz miqdorda;
budjetga toʻlovlar boʻyicha soliq qarzdorligi qisqartirilgani uchun 20 foiz miqdorda;
mahalliy budjet daromadlarini oshirish rezervlarini aniqlash boʻyicha hisob-kitob koʻrsatkichlari bajarilgani uchun 20 foiz miqdorda;
b) yuqorida koʻrsatilgan mezonlarning ijrosi taʼminlanmagani uchun ularning lavozim maoshlaridan 30 foiz miqdorida jarima sanksiyalarini qoʻllash, shu jumladan:
mahalliy budjet prognozi bajarilmaganligi uchun 10 foiz miqdorda;
mahalliy budjetga toʻlovlar boʻyicha soliq qarzdorligi oshirilgani uchun 10 foiz miqdorda;
mahalliy budjet daromadlarini oshirish rezervlarini aniqlash boʻyicha hisob-kitob koʻrsatkichlari bajarilmaganligi uchun 10 foiz miqdorda.
Moliya va soliq organlari rahbarlarini mukofotlash hamda javobgarlik choralarini qoʻllash moliya vaziri va Oʻzbekiston Respublikasi Davlat soliq qoʻmitasi raisi tomonidan Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari, tumanlar (shaharlar) hokimlarining tavsiyalariga koʻra amalga oshiriladi.
Oʻzbekiston Respublikasi Vazirlar Mahkamasi 2018-yilning 1-yanvarigacha moliya va soliq organlari rahbarlari, mansabdor shaxslari budjetga toʻlovlar kelib tushishining koʻrsatkich prognozlari bajarilgani hamda qoʻshimcha daromadlar aniqlangani va undirib olingani uchun ragʻbatlantirish va moddiy javobgarlik tartibi toʻgʻrisidagi Nizomni ishlab chiqsin va tasdiqlasin.
4. Oʻzbekiston Respublikasi Hisob palatasi va Oʻzbekiston Respublikasi Moliya vazirligining Davlat moliya nazorati bosh boshqarmasi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda:
mahalliy budjet parametrlarini bajarish, mahalliy budjet daromadlarini oshirish rezervlarini safarbar qilish, tasdiqlangan investitsiya loyihalarini oʻz vaqtida amalga oshirilishi, shuningdek, axborotlarni rasmiy veb-saytlarda va mahalliy ommaviy axborot vositalarida chop etish;
soliq va moliya organlari xodimlarini moddiy ragʻbatlantirish va javobgarligini kuchaytirish boʻyicha mazkur Farmonda oʻrnatilgan talablarga qatʼiy rioya etilishi ustidan tizimli asosda nazoratni amalga oshirsin.
5. Qoraqalpogʻiston Respublikasi Vazirlar Kengashi, viloyatlar va Toshkent shahri, tumanlar (shaharlar) hokimliklari har chorakda tegishli organlar rahbarlarining hisobotlarini ommaviy axborot vositalarida chop etish va maʼlumotlarni rasmiy veb-saytlarga joylashtirish, shu jumladan, mazkur tadbirlarni mahalliy televideniye orqali yoritishni taʼminlasin.
6. Oʻzbekiston Respublikasi Prezidentining 2017-yil 10-avgustdagi “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida”gi PF-5147-sonli Farmonining 7-bandi va uning 4-ilovasi 2018-yilning 1-yanvaridan boshlab oʻz kuchini yoʻqotgan, deb hisoblansin.
7. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vaziri oʻrinbosari — moliya vaziri J.A. Qoʻchqorov va Oʻzbekiston Respublikasi Hisob palatasi raisi M.M. Ikramov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-dekabr,
PF-5283-son
Президента Республики Узбекистан
Указ
О дополнительных мерах по повышению финансовой самостоятельности органов государственной власти на местах, усилению ответственности налоговых и финансовых органов за полноту поступлений в местные бюджеты
В целях обеспечения устойчивого финансирования комплексного развития территорий на основе кардинального укрепления доходной базы и децентрализации местных бюджетов, дальнейшего совершенствования межбюджетных отношений, усиления финансовой самостоятельности органов государственной власти на местах и повышения их ответственности за реализацию конкретных целенаправленных мер по расширению налогового потенциала за счет содействия развитию малого бизнеса и частного предпринимательства, создания новых рабочих мест и обеспечения занятости населения, ускоренного развития инженерно-коммуникационной, дорожно-транспортной и социальной инфраструктуры:
1. Определить приоритетными задачами налогово-бюджетной политики на уровне местных бюджетов:
первое, кардинальное укрепление доходной базы местных бюджетов путем закрепления за ними конкретных видов налогов и других обязательных платежей;
второе, ликвидацию субвенционности областных, городских и районных бюджетов, последовательное сокращение их зависимости от отчислений из вышестоящих бюджетов, повышение на этой основе самостоятельности и ответственности органов государственной власти на местах за решение вопросов социально-экономического развития регионов;
третье, выявление на системной основе дополнительных резервов для увеличения доходов местных бюджетов;
четвертое, обеспечение прозрачности формирования и контроля за исполнением местных бюджетов с широким привлечением депутатского и общественного контроля;
пятое, усиление ответственности местных органов власти, финансовых и налоговых органов за укрепление доходной базы и своевременное, целевое финансирование утвержденных параметров расходов местных бюджетов, обеспечение дальнейшего развития и содержания на должном уровне объектов социальной сферы и инфраструктуры.
2. Установить порядок, в соответствии с которым на сессиях Жокаргы Кенеса Республики Каракалпакстан, Кенгашей народных депутатов областей, города Ташкента и районов (городов) республики:
а) подробно рассматриваются и утверждаются в разрезе кварталов:
параметры бюджета Республики Каракалпакстан, местных бюджетов областей, г. Ташкента и районов (городов) республики с детальной разбивкой по источникам доходов и видам расходов;
расчетные показатели по выявлению резервов увеличения доходов местных бюджетов;
программы социально-экономического развития территорий, меры по увеличению доходной базы бюджета и созданию новых рабочих мест;
расходы, финансируемые за счет дополнительных источников, в том числе выявленных резервов увеличения доходов местных бюджетов во взаимоувязке с программами социально-экономического развития территорий;
б) одобряются мероприятия и проекты, осуществляемые в Республике Каракалпакстан, областях и г. Ташкенте, а также в соответствующих районах (городах) республики за счет средств вышестоящих бюджетов и государственных целевых фондов для осуществления депутатского надзора и общественного контроля;
в) ежеквартально заслушиваются отчеты:
хокима — в части наиболее важных и актуальных вопросов социально-экономического развития соответствующей территории, повышения доходной базы бюджета и создания новых рабочих мест, а также привлечения инвестиций и реализации инвестиционных проектов;
руководителя финансового управления (отдела) — об исполнении бюджета Республики Каракалпакстан, областей, г. Ташкента, а также районов (городов) республики о формировании дополнительных источников доходов исходя из потенциала территорий и направлений использования дополнительных источников, в том числе выявленных резервов увеличения доходов местных бюджетов;
руководителя государственного налогового управления (инспекции) — о состоянии исполнения доходов Республики Каракалпакстан и местных бюджетов по доходам, проводимой ими работы по выявлению дополнительных резервов, а также начислении и фактической уплаты в бюджет в разрезе налогов и других обязательных платежей, налоговой задолженности по ним.
3. Ввести с 1 января 2018 года меры ответственности и стимулирования руководителей финансовых органов и органов государственной налоговой службы, предусматривающие:
а) премирование руководителей налоговых и финансовых органов в размере до 50 процентов от их должностного оклада, в том числе за:
исполнение утвержденного прогноза доходов местных бюджетов — в размере 10 процентов;
сокращение налоговой задолженности по платежам в бюджет — в размере 20 процентов;
выполнение расчетных показателей по выявлению резервов увеличения доходов местных бюджетов — в размере 20 процентов.
б) применение штрафных санкций за необеспечение выполнения вышеуказанных критериев в размере до 30 процентов от их должностного оклада, в том числе за:
не исполнение прогноза доходов местных бюджетов — в размере 10 процентов;
превышение налоговой задолженности по платежам в местный бюджет — в размере 10 процентов;
не выполнение расчетных показателей по выявлению резервов увеличения доходов местных бюджетов — в размере 10 процентов.
Премирование и применение мер ответственности к руководителям финансовых и налоговых органов осуществляются министром финансов и председателем Государственного налогового комитета Республики Узбекистан по ходатайству председателя Совета Министров Республики Каракалпакстан, хокимов областей и г. Ташкента, хокимов районов (городов).
Кабинету Министров Республики Узбекистан в срок до 1 января 2018 года разработать и утвердить Положение о порядке стимулирования и материальной ответственности руководителей, должностных лиц финансовых и налоговых органов за выполнение прогнозных показателей поступления платежей в бюджет и выявление, взыскание дополнительных доходов.
4. Счетной палате Республики Узбекистан и Главному управлению государственного финансового контроля Министерства финансов Республики Узбекистан совместно с Министерством по развитию информационных технологий и коммуникаций Республики Узбекистан осуществлять на системной основе контроль за:
исполнением параметров местных бюджетов, мобилизацией резервов увеличения доходов местных бюджетов, своевременностью реализации утвержденных инвестиционных проектов, а также публикацией информации на официальных веб-сайтах и местных средствах массовой информации;
строгим соблюдением, установленных настоящим Указом требований усиления ответственности и материального стимулирования работников налоговых и финансовых органов.
5. Совету Министров Республики Каракалпакстан, хокимиятам областей и г. Ташкента. районов (городов) республики обеспечить на ежеквартальной основе публикацию в средствах массовой информации и размещение на официальных веб-сайтах информации по отчетам руководителей соответствующих органов, включая освещение данных мероприятий по местному телевидению.
6. Признать утратившими силу с 1 января 2018 года пункт 7 Указа Президента Республики Узбекистан от 10 августа 2017 года № УП-5147 «О мерах по коренному совершенствованию деятельности Счетной палаты Республики Узбекистан» и приложение № 4 к нему.
7. Контроль за исполнением настоящего Указа возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан — министра финансов Д.А. Кучкарова и председателя Счетной палаты Республики Узбекистан М.М. Икрамова.
Президент Республики Узбекистан Ш. МИРЗИЁЕВ
г. Ташкент,
13 декабря 2017 г.,
№ УП-5283