UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Ўзбекистон Республикаси Мактабгача таълим вазирлиги ва унинг тизимидаги муассасаларнинг моддий-техника базасини мустаҳкамлаш ҳамда нодавлат мактабгача таълим ташкилоти фаолиятини қўллаб-қувватлаш тўғрисида

Ўзбекистон Республикаси Мактабгача таълим вазирлиги ва унинг тизимидаги муассасаларнинг моддий-техника базасини мустаҳкамлаш, нодавлат мактабгача таълим ташкилоти фаолиятини қўллаб-қувватлаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Молия вазирлиги томонидан Мактабгача таълим вазирлиги ва унинг ҳудудий органларининг моддий-техника базасини мустаҳкамлаш учун Ўзбекистон Республикаси давлат бюджети маблағлари ҳисобидан 21,0 млрд сўм маблағ ажратилганлиги;

Таълим бўйича глобал ҳамкорлик гранти — беғараз техник кўмагидан фойдаланган ҳолда «Мактабгача ва умумий ўрта таълимни такомиллаштириш» лойиҳаси (кейинги ўринларда «Мактабгача ва умумий ўрта таълимни такомиллаштириш» лойиҳаси деб аталади) доирасида 2018 йилда мактабгача таълим муассасалари учун жами 2 453,0 минг АҚШ долларлик товар ва хизматлар етказиб берилиши маълумот учун қабул қилинсин.

2. Белгилаб қўйилсинки:

2021 йил 1 июлдан бошлаб давлат-хусусий шериклик асосидаги нодавлат мактабгача таълим ташкилотларига (оилавий нодавлат мактабгача таълим ташкилотлари бундан мустасно) фойдаланган электр энергияси ва табиий газ хизматлари нархининг 50 фоизи миқдорида Давлат бюджети маблағлари ҳисобидан ойлик компенсациялар тўлаб берилади;

Бунда табиий газ учун компенсация марказлашган табиий газ таъминоти мавжуд бўлмаган, лекин унинг муқобил турларидан (шу жумладан, суюлтирилган газ ёки кўмир маҳсулотларидан) фойдаланаётган давлат-хусусий шериклик асосидаги ва нодавлат мактабгача таълим ташкилотларига (оилавий нодавлат мактабгача таълим ташкилотлари бундан мустасно) ҳам тўланади;

«Мактабгача ва умумий ўрта таълимни такомиллаштириш» лойиҳаси доирасида мактабгача таълим ташкилоти учун товар ва хизматларни харид қилиш Ўзбекистон Республикаси Мактабгача таълим вазирлиги билан келишилган ҳолда амалга оширилади;

ушбу товар ва хизматларни мактабгача таълим ташкилотига тақсимлаш, улардан мақсадли фойдаланишни таъминлаш Ўзбекистон Республикаси Мактабгача таълим вазирлигига юклатилади.

3. Ўзбекистон Республикаси Мактабгача таълим вазирлиги бир ой муддатда:

Халқ таълими вазирлиги билан биргаликда «Мактабгача ва умумий ўрта таълимни такомиллаштириш» лойиҳаси доирасида 2018 йилда амалга ошириладиган ишлар бўйича «йўл харитаси»ни ишлаб чиқсин ва тасдиқласин;

Ўзбекистон Республикаси Давлат бюджети маблағлари ҳисобидан ажратилган 21,0 млрд сўм маблағдан самарали фойдаланиш бўйича харажатлар сметаси ишлаб чиқилишини ва белгиланган тартибда рўйхатдан ўтказиш учун Ўзбекистон Республикаси Молия вазирлиги ва унинг ҳудудий органларига тақдим этилишини таъминласин.

4. Ўзбекистон Республикаси Мактабгача таълим вазирлиги, Молия вазирлиги ва Иқтисодиёт вазирлигининг Қорақалпоғистон Республикаси ва вилоятлар марказлари, туманлар ва шаҳарларда (Тошкент шаҳри бундан мустасно) инвестиция мажбуриятларини бажариш шарти билан «ноль» қийматда бино бериш ҳамда хусусий инвесторларнинг ўзига мулк ҳуқуқи асосида тегишли бўлган биноларда ташкил этилган нодавлат мактабгача таълим ташкилотларининг 2023 йил 1 январгача фойдаланилган электр энергияси ва табиий газ хизматлари учун тўловнинг 50 фоизи ўз маблағлари ҳисобидан ҳамда қолган 50 фоизи Ўзбекистон Республикаси Давлат бюджети маблағлари ҳисобидан тўланиши тўғрисидаги таклифи маъқуллансин.

5. Нодавлат мактабгача таълим ташкилоти томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисидаги низом иловага мувофиқ тасдиқлансин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Қ.В. Акмалов ва Мактабгача таълим вазири А.В. Шин зиммасига юклансин.

Вазирлар Маҳкамасининг 2017 йил 18 декабрдаги 991-сон қарорига ИЛОВА

Нодавлат мактабгача таълим ташкилотлари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш тартиби тўғрисида

1-боб. Умумий қоидалар

1. Мазкур Низом нодавлат мактабгача таълим ташкилотлари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджети маблағларидан ойлик компенсация тўловини (кейинги ўринларда ойлик компенсация тўлови деб аталади) тўлаб бериш тартибини белгилайди.

2. Ойлик компенсация тўлови туманлар ва шаҳарларда (Тошкент шаҳрининг туманлари бундан мустасно) хусусий инвесторларга инвестиция мажбуриятларини бажариш шарти билан «ноль» қийматда берилган давлат кўчмас мулки биноларида ёки хусусий инвесторларнинг ўзига мулк ҳуқуқи асосида тегишли бўлган биноларда ташкил этилган нодавлат мактабгача таълим ташкилотлари (кейинги ўринларда таълим ташкилоти деб аталади) томонидан фойдаланилган электр энергияси ва табиий газ хизматлари учун тўловларнинг 50 фоиз миқдори Ўзбекистон Республикаси Давлат бюджети маблағлари ҳисобидан қоплаб берилади.

Давлат-хусусий шериклик асосидаги нодавлат мактабгача таълим ташкилотларига (оилавий нодавлат мактабгача таълим ташкилотлари бундан мустасно) фойдаланган электр энергияси ва табиий газ хизматлари нархининг 50 фоизи миқдорида Давлат бюджети маблағлари ҳисобидан ойлик компенсациялар тўлаб берилади;

Табиий газ учун компенсация марказлашган табиий газ таъминоти мавжуд бўлмаган, лекин унинг муқобил турларидан (шу жумладан, суюлтирилган газ ёки кўмир маҳсулотларидан) фойдаланаётган давлат-хусусий шериклик асосидаги ва нодавлат мактабгача таълим ташкилотларига (оилавий нодавлат мактабгача таълим ташкилотлари бундан мустасно) ҳам тўланади.

3. Ойлик компенсация тўлови таълим ташкилотининг фақат мактабгача таълим фаолиятини юритиш жараёнида фойдаланиладиган электр энергияси ва табиий газ хизматлари учун қоплаб берилади.

4. Нодавлат мактабгача таълим ташкилотлари томонидан фойдаланилган электр энергияси ва табиий газ хизматлари учун Ўзбекистон Республикаси Давлат бюджетидан ойлик компенсацияларни тўлаш мазкур низомга 1-иловадаги схемага асосан амалга оширилади.

2-боб. Ойлик компенсация тўловини ҳисоблаш ва тўлаб бериш тартиби

5. Таълим ташкилоти заруратдан келиб чиқиб, ойлик компенсация тўловини олиш учун тегишлилигича Қорақалпоғистон Республикаси Молия вазирлиги ёки вилоят молия бош бошқармасига (кейинги ўринларда молия органи деб аталади) ариза билан мурожаат қилади.

Аризага қуйидаги маълумотлар ва ҳужжатларни илова қилади:

таълим фаолияти билан шуғулланиш ҳуқуқини берувчи лицензия нусхаси;

таълим ташкилоти жойлашган бино тўғрисида маълумот (хусусий инвесторга бино «ноль» қийматда берилганини тасдиқловчи туман (шаҳар) ҳокимининг тегишли қарори ёки бино хусусий инвесторга мулк ҳуқуқи асосида тегишлилигини тасдиқловчи кадастр ва бошқа ҳужжатлар нусхалари);

таълим ташкилоти ҳамда электр энергияси ва табиий газ хизматларини етказиб берувчилар билан белгиланган тартибда тузилган шартномалар нусхаси (кейинги ўринларда шартномалар деб аталади).

6. Молия органи таълим ташкилотининг аризасини ариза тушган кундан бошлаб, уч иш куни мобайнида мазкур Низомда белгиланган талабларга мослигини ўрганиб чиқади ва аризани қаноатлантириш ёки уни рад этиш бўйича қарор қабул қилади.

7. Молия органи тегишли қарор қабул қилинган санадан эътиборан икки иш кунидан кечиктирмай таълим ташкилотини ойлик компенсация тўлаш ёки аризани рад этиш тўғрисида ёзма шаклда, шу жумладан электрон ахборот тизими орқали хабардор қилиши шарт.

8. Таълим ташкилотига қоплаб бериладиган ойлик компенсация тўлови ушбу таълим ташкилоти томонидан ҳисобот ойида фойдаланилган электр энергияси ва табиий газ хизматлари учун тўловлар суммасидан келиб чиққан ҳолда, ушбу хизматларни етказиб берувчи ташкилотлар билан тузилган шартнома суммалари доирасида ҳисобланади.

Компенсация тўлови суммаси қопланиши лозим бўлган ҳисобот ойидан бошлаб, ўн икки ой давомида мазкур Низомда белгиланган тартибда тўлаб берилиши мумкин.

9. Молия органи таълим ташкилоти томонидан тақдим этилган солиштириш далолатномаларидаги электр энергияси ва табиий газ хизматлари ҳажмини уларнинг шартномада кўрсатилган ҳажмлари билан солиштиради.

10. Ойлик компенсация тўлови электр энергияси ва табиий газ хизматларини етказиб берувчи ташкилотлар ва таълим ташкилоти ўртасида тузилган солиштириш далолатномаларида кўрсатилган ҳақиқатда фойдаланилган электр энергияси ва табиий газ хизматлари учун тўланган сумманинг 50 фоизи миқдорида қоплаб берилади.

11. Таълим ташкилоти томонидан шартномаларда белгиланган меъёрдан ортиқча фойдаланилган электр энергияси ва табиий газ хизматлари учун тўловларни, шунингдек, пеня ва жарималарни Ўзбекистон Республикаси Давлат бюджети маблағлари ҳисобидан қоплаб бериш тақиқланади.

12. Ойлик компенсация тўлови тегишли молия йили учун Қорақалпоғистон Республикаси республика бюджети ва вилоятлар вилоят бюджетларининг параметрларида иқтисодиёт харажатлари учун назарда тутилган маблағлар ҳисобидан белгиланган тартибда режалаштирилади.

13. Таълим ташкилоти ҳисобот ойидан кейинги ойнинг 15 санасигача ойлик компенсацияларни олиш учун молия органига электр энергияси ва табиий газ хизматларини етказиб берувчи ташкилотлар билан белгиланган тартибда тузилган солиштириш далолатномаларини ҳамда ҳисобот давригача бўлган охирги 12 ой давомида таълим ташкилотига тўлаб берилган компенсация тўловлари тўғрисида маълумотни мазкур Низомга 2-иловага мувофиқ тақдим этади.

14. Молия органи ҳудуддаги таълим ташкилотлари томонидан тақдим этилган далолатномаларни умумлаштириб, ойлик компенсация тўловини тўлаш учун мазкур Низомга 3-иловага мувофиқ шаклда электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган нодавлат мактабгача таълим ташкилотининг реестрини тузади ва ҳисобот ойидан кейинги ойнинг 20 санасигача тегишли ғазначилик бўлинмасига тўловни амалга ошириш учун тақдим этади.

15. Ғазначилик бўлинмаси ойлик компенсацияларни ҳисобот ойидан кейинги ойнинг 22 санасигача молия органи томонидан тақдим этилган реестр асосида тегишли таълим ташкилотининг тижорат банклардаги ҳисобрақамларига белгиланган тартибда ўтказиб беради.

3-боб. Якуний қоидалар

16. Таълим ташкилотларига қоплаб бериладиган ойлик компенсацияларни тўлаш учун тақдим этилган маълумотларнинг асослилиги ва тўғрилигига таълим ташкилотининг директори шахсан жавоб беради.

17. Таълим ташкилоти томонидан ойлик компенсация тўловларини қоплаш учун молия органига тақдим этилган маълумотлар ва ҳужжатларнинг сохталиги аниқланганда, таълим ташкилотининг директори ва тегишли ходимлари қонунчиликда белгиланган тартибда жавобгарликка тортилади ҳамда ушбу муассаса электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган нодавлат мактабгача таълим ташкилотларининг реестридан чиқарилади.

18. Ойлик компенсация тўловларининг мақсадли сарфланиши юзасидан назорат Ўзбекистон Республикаси Мактабгача таълим вазирлигининг ички аудит ва молиявий назорат хизмати ҳамда Ўзбекистон Республикаси Молия вазирлигининг Давлат молия назорати органларига юкланади.

Босқичлар Субъект Тадбирлар Бажариш муддати 1- босқич Таълим ташкилоти Ойлик компенсация тўловини олиш учун молия органларига ариза билан мурожаат қилиш. заруратдан келиб чиқиб 2- босқич Молия органи Мурожаатни белгиланган талабларга мослигини ўрганиб чиқиш ва мурожаатни қаноатлантириш ёки уни рад этиш бўйича қарор қабул қилиш. 3 иш куни давомида Таълим ташкилотини ойлик компенсация тўлаш ёки мурожаатни рад этиш тўғрисидаги қарор ҳақида ёзма шаклда, шу жумладан электрон ахборот тизими орқали хабардор қилиш. 2 иш куни давомида 3- босқич Таълим муассасаси Ойлик компенсацияларни олиш учун молия органига электр энергияси ва табиий газ хизматларини етказиб берувчи ташкилотлар билан белгиланган тартибда тузилган солиштириш далолатномаларини тақдим этиш. ҳисобот ойидан кейинги ойнинг 15 санасигача 4- босқич Молия органи Электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган нодавлат мактабгача таълим муассасаларининг реестрини тузиш ва ғазначилик бўлинмасига тўловни амалга ошириш учун тақдим этиш. ҳисобот ойидан кейинги ойнинг 20 санасигача 5- босқич Ғазначилик бўлинмаси Тақдим этилган реестр асосида тегишли таълим ташкилотининг тижорат банклардаги ҳисобрақамларига ойлик компенсацияларни белгиланган тартибда ўтказиб бериш. ҳисобот ойидан кейинги ойнинг 22 санасигача

20___ йилда нодавлат мактабгача таълим ташкилотига тўлаб берилган компенсация тўловлари тўғрисида маълумот

№ Ҳисобот даври Сана Тўловга тақдим этилган сумма Ҳақиқатда тўланган сумма 1. 2. 3. 4. Таълим ташкилоти директори _____________________________ (Ф.И.О) Таълим ташкилоти бош бухгалтери _____________________________ (Ф.И.О)

Электр энергияси ва табиий газ хизматлари учун Ўзбекистон Республикаси Давлат бюджети ҳисобидан ойлик компенсация тўловлари қоплаб бериладиган __________________ даги нодавлат мактабгача таълим ташкилотларининг РЕЕСТРИ 20__ йил _______ ойи учун минг сўм № Нодавлат мактабгача таълим ташкилоти номи (тўлиқ кўрсатилади) Юридик манзили СТИР Банк реквизитлари Табиий газ Электр энергияси Жами қоплаб бериладиган сумма Тўланган сумма Қоплаб бериладиган сумма Тўланган сумма Қоплаб бериладиган сумма Жами: х х Молия бош бошқармаси бошлиғи ўринбосари (Ф.И.О) Бўлим бошлиғи (Ф.И.О) Ғазначилик бўлинмаси масъул ходими (Ф.И.О) «___» __________ 20__ йил

Ўзбекистон Республикасининг Бош вазири А. АРИПОВ

Тошкент ш.,

2017 йил 18 декабрь,

991-сон

(Қонун ҳужжатлари маълумотлари миллий базаси, 18.12.2017 й., 09/17/991/0422-сон; Қонунчилик маълумотлари миллий базаси, 21.05.2021 й., 09/21/320/0482-сон, 12.08.2021 й., 09/21/510/0784-сон, 27.12.2021 й., 09/21/774/1198-сон; 03.08.2022 й., 09/22/426/0707-сон )

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Oʻzbekiston Respublikasi Maktabgacha taʼlim vazirligi va uning tizimidagi muassasalarning moddiy-texnika bazasini mustahkamlash hamda nodavlat maktabgacha taʼlim tashkiloti faoliyatini qoʻllab-quvvatlash toʻgʻrisida

Oʻzbekiston Respublikasi Maktabgacha taʼlim vazirligi va uning tizimidagi muassasalarning moddiy-texnika bazasini mustahkamlash, nodavlat maktabgacha taʼlim tashkiloti faoliyatini qoʻllab-quvvatlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Moliya vazirligi tomonidan Maktabgacha taʼlim vazirligi va uning hududiy organlarining moddiy-texnika bazasini mustahkamlash uchun Oʻzbekiston Respublikasi davlat budjeti mablagʻlari hisobidan 21,0 mlrd soʻm mablagʻ ajratilganligi;

Taʼlim boʻyicha global hamkorlik granti — begʻaraz texnik koʻmagidan foydalangan holda “Maktabgacha va umumiy oʻrta taʼlimni takomillashtirish” loyihasi (keyingi oʻrinlarda “Maktabgacha va umumiy oʻrta taʼlimni takomillashtirish” loyihasi deb ataladi) doirasida 2018-yilda maktabgacha taʼlim muassasalari uchun jami 2 453,0 ming AQSH dollarlik tovar va xizmatlar yetkazib berilishi maʼlumot uchun qabul qilinsin.

2. Belgilab qoʻyilsinki:

2021-yil 1-iyuldan boshlab davlat-xususiy sheriklik asosidagi nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlari bundan mustasno) foydalangan elektr energiyasi va tabiiy gaz xizmatlari narxining 50 foizi miqdorida Davlat budjeti mablagʻlari hisobidan oylik kompensatsiyalar toʻlab beriladi;

Bunda tabiiy gaz uchun kompensatsiya markazlashgan tabiiy gaz taʼminoti mavjud boʻlmagan, lekin uning muqobil turlaridan (shu jumladan, suyultirilgan gaz yoki koʻmir mahsulotlaridan) foydalanayotgan davlat-xususiy sheriklik asosidagi va nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlari bundan mustasno) ham toʻlanadi;

“Maktabgacha va umumiy oʻrta taʼlimni takomillashtirish” loyihasi doirasida maktabgacha taʼlim tashkiloti uchun tovar va xizmatlarni xarid qilish Oʻzbekiston Respublikasi Maktabgacha taʼlim vazirligi bilan kelishilgan holda amalga oshiriladi;

ushbu tovar va xizmatlarni maktabgacha taʼlim tashkilotiga taqsimlash, ulardan maqsadli foydalanishni taʼminlash Oʻzbekiston Respublikasi Maktabgacha taʼlim vazirligiga yuklatiladi.

3. Oʻzbekiston Respublikasi Maktabgacha taʼlim vazirligi bir oy muddatda:

Xalq taʼlimi vazirligi bilan birgalikda “Maktabgacha va umumiy oʻrta taʼlimni takomillashtirish” loyihasi doirasida 2018-yilda amalga oshiriladigan ishlar boʻyicha “yoʻl xaritasi”ni ishlab chiqsin va tasdiqlasin;

Oʻzbekiston Respublikasi Davlat budjeti mablagʻlari hisobidan ajratilgan 21,0 mlrd soʻm mablagʻdan samarali foydalanish boʻyicha xarajatlar smetasi ishlab chiqilishini va belgilangan tartibda roʻyxatdan oʻtkazish uchun Oʻzbekiston Respublikasi Moliya vazirligi va uning hududiy organlariga taqdim etilishini taʼminlasin.

4. Oʻzbekiston Respublikasi Maktabgacha taʼlim vazirligi, Moliya vazirligi va Iqtisodiyot vazirligining Qoraqalpogʻiston Respublikasi va viloyatlar markazlari, tumanlar va shaharlarda (Toshkent shahri bundan mustasno) investitsiya majburiyatlarini bajarish sharti bilan “nol” qiymatda bino berish hamda xususiy investorlarning oʻziga mulk huquqi asosida tegishli boʻlgan binolarda tashkil etilgan nodavlat maktabgacha taʼlim tashkilotlarining 2023-yil 1-yanvargacha foydalanilgan elektr energiyasi va tabiiy gaz xizmatlari uchun toʻlovning 50 foizi oʻz mablagʻlari hisobidan hamda qolgan 50 foizi Oʻzbekiston Respublikasi Davlat budjeti mablagʻlari hisobidan toʻlanishi toʻgʻrisidagi taklifi maʼqullansin.

5. Nodavlat maktabgacha taʼlim tashkiloti tomonidan foydalanilgan elektr energiyasi va tabiiy gaz xizmatlari uchun Oʻzbekiston Respublikasi Davlat budjetidan oylik kompensatsiyalarni toʻlash tartibi toʻgʻrisidagi nizom ilovaga muvofiq tasdiqlansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Q.V. Akmalov va Maktabgacha taʼlim vaziri A.V. Shin zimmasiga yuklansin.

Vazirlar Mahkamasining 2017-yil 18-dekabrdagi 991-son qaroriga ILOVA

Nodavlat maktabgacha taʼlim tashkilotlari tomonidan foydalanilgan elektr energiyasi va tabiiy gaz xizmatlari uchun Oʻzbekiston Respublikasi Davlat budjetidan oylik kompensatsiyalarni toʻlash tartibi toʻgʻrisida

1-bob. Umumiy qoidalar

1. Mazkur Nizom nodavlat maktabgacha taʼlim tashkilotlari tomonidan foydalanilgan elektr energiyasi va tabiiy gaz xizmatlari uchun Oʻzbekiston Respublikasi Davlat budjeti mablagʻlaridan oylik kompensatsiya toʻlovini (keyingi oʻrinlarda oylik kompensatsiya toʻlovi deb ataladi) toʻlab berish tartibini belgilaydi.

2. Oylik kompensatsiya toʻlovi tumanlar va shaharlarda (Toshkent shahrining tumanlari bundan mustasno) xususiy investorlarga investitsiya majburiyatlarini bajarish sharti bilan “nol” qiymatda berilgan davlat koʻchmas mulki binolarida yoki xususiy investorlarning oʻziga mulk huquqi asosida tegishli boʻlgan binolarda tashkil etilgan nodavlat maktabgacha taʼlim tashkilotlari (keyingi oʻrinlarda taʼlim tashkiloti deb ataladi) tomonidan foydalanilgan elektr energiyasi va tabiiy gaz xizmatlari uchun toʻlovlarning 50 foiz miqdori Oʻzbekiston Respublikasi Davlat budjeti mablagʻlari hisobidan qoplab beriladi.

Davlat-xususiy sheriklik asosidagi nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlari bundan mustasno) foydalangan elektr energiyasi va tabiiy gaz xizmatlari narxining 50 foizi miqdorida Davlat budjeti mablagʻlari hisobidan oylik kompensatsiyalar toʻlab beriladi;

Tabiiy gaz uchun kompensatsiya markazlashgan tabiiy gaz taʼminoti mavjud boʻlmagan, lekin uning muqobil turlaridan (shu jumladan, suyultirilgan gaz yoki koʻmir mahsulotlaridan) foydalanayotgan davlat-xususiy sheriklik asosidagi va nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlari bundan mustasno) ham toʻlanadi.

3. Oylik kompensatsiya toʻlovi taʼlim tashkilotining faqat maktabgacha taʼlim faoliyatini yuritish jarayonida foydalaniladigan elektr energiyasi va tabiiy gaz xizmatlari uchun qoplab beriladi.

4. Nodavlat maktabgacha taʼlim tashkilotlari tomonidan foydalanilgan elektr energiyasi va tabiiy gaz xizmatlari uchun Oʻzbekiston Respublikasi Davlat budjetidan oylik kompensatsiyalarni toʻlash mazkur nizomga 1-ilovadagi sxemaga asosan amalga oshiriladi.

2-bob. Oylik kompensatsiya toʻlovini hisoblash va toʻlab berish tartibi

5. Taʼlim tashkiloti zaruratdan kelib chiqib, oylik kompensatsiya toʻlovini olish uchun tegishliligicha Qoraqalpogʻiston Respublikasi Moliya vazirligi yoki viloyat moliya bosh boshqarmasiga (keyingi oʻrinlarda moliya organi deb ataladi) ariza bilan murojaat qiladi.

Arizaga quyidagi maʼlumotlar va hujjatlarni ilova qiladi:

taʼlim faoliyati bilan shugʻullanish huquqini beruvchi litsenziya nusxasi;

taʼlim tashkiloti joylashgan bino toʻgʻrisida maʼlumot (xususiy investorga bino “nol” qiymatda berilganini tasdiqlovchi tuman (shahar) hokimining tegishli qarori yoki bino xususiy investorga mulk huquqi asosida tegishliligini tasdiqlovchi kadastr va boshqa hujjatlar nusxalari);

taʼlim tashkiloti hamda elektr energiyasi va tabiiy gaz xizmatlarini yetkazib beruvchilar bilan belgilangan tartibda tuzilgan shartnomalar nusxasi (keyingi oʻrinlarda shartnomalar deb ataladi).

6. Moliya organi taʼlim tashkilotining arizasini ariza tushgan kundan boshlab, uch ish kuni mobaynida mazkur Nizomda belgilangan talablarga mosligini oʻrganib chiqadi va arizani qanoatlantirish yoki uni rad etish boʻyicha qaror qabul qiladi.

7. Moliya organi tegishli qaror qabul qilingan sanadan eʼtiboran ikki ish kunidan kechiktirmay taʼlim tashkilotini oylik kompensatsiya toʻlash yoki arizani rad etish toʻgʻrisida yozma shaklda, shu jumladan elektron axborot tizimi orqali xabardor qilishi shart.

8. Taʼlim tashkilotiga qoplab beriladigan oylik kompensatsiya toʻlovi ushbu taʼlim tashkiloti tomonidan hisobot oyida foydalanilgan elektr energiyasi va tabiiy gaz xizmatlari uchun toʻlovlar summasidan kelib chiqqan holda, ushbu xizmatlarni yetkazib beruvchi tashkilotlar bilan tuzilgan shartnoma summalari doirasida hisoblanadi.

Kompensatsiya toʻlovi summasi qoplanishi lozim boʻlgan hisobot oyidan boshlab, oʻn ikki oy davomida mazkur Nizomda belgilangan tartibda toʻlab berilishi mumkin.

9. Moliya organi taʼlim tashkiloti tomonidan taqdim etilgan solishtirish dalolatnomalaridagi elektr energiyasi va tabiiy gaz xizmatlari hajmini ularning shartnomada koʻrsatilgan hajmlari bilan solishtiradi.

10. Oylik kompensatsiya toʻlovi elektr energiyasi va tabiiy gaz xizmatlarini yetkazib beruvchi tashkilotlar va taʼlim tashkiloti oʻrtasida tuzilgan solishtirish dalolatnomalarida koʻrsatilgan haqiqatda foydalanilgan elektr energiyasi va tabiiy gaz xizmatlari uchun toʻlangan summaning 50 foizi miqdorida qoplab beriladi.

11. Taʼlim tashkiloti tomonidan shartnomalarda belgilangan meʼyordan ortiqcha foydalanilgan elektr energiyasi va tabiiy gaz xizmatlari uchun toʻlovlarni, shuningdek, penya va jarimalarni Oʻzbekiston Respublikasi Davlat budjeti mablagʻlari hisobidan qoplab berish taqiqlanadi.

12. Oylik kompensatsiya toʻlovi tegishli moliya yili uchun Qoraqalpogʻiston Respublikasi respublika budjeti va viloyatlar viloyat budjetlarining parametrlarida iqtisodiyot xarajatlari uchun nazarda tutilgan mablagʻlar hisobidan belgilangan tartibda rejalashtiriladi.

13. Taʼlim tashkiloti hisobot oyidan keyingi oyning 15 sanasigacha oylik kompensatsiyalarni olish uchun moliya organiga elektr energiyasi va tabiiy gaz xizmatlarini yetkazib beruvchi tashkilotlar bilan belgilangan tartibda tuzilgan solishtirish dalolatnomalarini hamda hisobot davrigacha boʻlgan oxirgi 12 oy davomida taʼlim tashkilotiga toʻlab berilgan kompensatsiya toʻlovlari toʻgʻrisida maʼlumotni mazkur Nizomga 2-ilovaga muvofiq taqdim etadi.

14. Moliya organi hududdagi taʼlim tashkilotlari tomonidan taqdim etilgan dalolatnomalarni umumlashtirib, oylik kompensatsiya toʻlovini toʻlash uchun mazkur Nizomga 3-ilovaga muvofiq shaklda elektr energiyasi va tabiiy gaz xizmatlari uchun Oʻzbekiston Respublikasi Davlat budjeti hisobidan oylik kompensatsiya toʻlovlari qoplab beriladigan nodavlat maktabgacha taʼlim tashkilotining reyestrini tuzadi va hisobot oyidan keyingi oyning 20 sanasigacha tegishli gʻaznachilik boʻlinmasiga toʻlovni amalga oshirish uchun taqdim etadi.

15. Gʻaznachilik boʻlinmasi oylik kompensatsiyalarni hisobot oyidan keyingi oyning 22 sanasigacha moliya organi tomonidan taqdim etilgan reyestr asosida tegishli taʼlim tashkilotining tijorat banklardagi hisobraqamlariga belgilangan tartibda oʻtkazib beradi.

3-bob. Yakuniy qoidalar

16. Taʼlim tashkilotlariga qoplab beriladigan oylik kompensatsiyalarni toʻlash uchun taqdim etilgan maʼlumotlarning asosliligi va toʻgʻriligiga taʼlim tashkilotining direktori shaxsan javob beradi.

17. Taʼlim tashkiloti tomonidan oylik kompensatsiya toʻlovlarini qoplash uchun moliya organiga taqdim etilgan maʼlumotlar va hujjatlarning soxtaligi aniqlanganda, taʼlim tashkilotining direktori va tegishli xodimlari qonunchilikda belgilangan tartibda javobgarlikka tortiladi hamda ushbu muassasa elektr energiyasi va tabiiy gaz xizmatlari uchun Oʻzbekiston Respublikasi Davlat budjeti hisobidan oylik kompensatsiya toʻlovlari qoplab beriladigan nodavlat maktabgacha taʼlim tashkilotlarining reyestridan chiqariladi.

18. Oylik kompensatsiya toʻlovlarining maqsadli sarflanishi yuzasidan nazorat Oʻzbekiston Respublikasi Maktabgacha taʼlim vazirligining ichki audit va moliyaviy nazorat xizmati hamda Oʻzbekiston Respublikasi Moliya vazirligining Davlat moliya nazorati organlariga yuklanadi.

Nodavlat maktabgacha taʼlim tashkilotlari tomonidan foydalanilgan elektr energiyasi va tabiiy gaz xizmatlari uchun Oʻzbekiston Respublikasi Davlat budjetidan oylik kompensatsiyalarni toʻlash

Bosqichlar Subyekt Tadbirlar Bajarish muddati 1- bosqich Taʼlim tashkiloti Oylik kompensatsiya toʻlovini olish uchun moliya organlariga ariza bilan murojaat qilish. zaruratdan kelib chiqib 2- bosqich Moliya organi Murojaatni belgilangan talablarga mosligini oʻrganib chiqish va murojaatni qanoatlantirish yoki uni rad etish boʻyicha qaror qabul qilish. 3 ish kuni davomida Taʼlim tashkilotini oylik kompensatsiya toʻlash yoki murojaatni rad etish toʻgʻrisidagi qaror haqida yozma shaklda, shu jumladan elektron axborot tizimi orqali xabardor qilish. 2 ish kuni davomida 3- bosqich Taʼlim muassasasi Oylik kompensatsiyalarni olish uchun moliya organiga elektr energiyasi va tabiiy gaz xizmatlarini yetkazib beruvchi tashkilotlar bilan belgilangan tartibda tuzilgan solishtirish dalolatnomalarini taqdim etish. hisobot oyidan keyingi oyning 15 sanasigacha 4- bosqich Moliya organi Elektr energiyasi va tabiiy gaz xizmatlari uchun Oʻzbekiston Respublikasi Davlat budjeti hisobidan oylik kompensatsiya toʻlovlari qoplab beriladigan nodavlat maktabgacha taʼlim muassasalarining reyestrini tuzish va gʻaznachilik boʻlinmasiga toʻlovni amalga oshirish uchun taqdim etish. hisobot oyidan keyingi oyning 20 sanasigacha 5- bosqich Gʻaznachilik boʻlinmasi Taqdim etilgan reyestr asosida tegishli taʼlim tashkilotining tijorat banklardagi hisobraqamlariga oylik kompensatsiyalarni belgilangan tartibda oʻtkazib berish. hisobot oyidan keyingi oyning 22 sanasigacha

20___ yilda nodavlat maktabgacha taʼlim tashkilotiga toʻlab berilgan kompensatsiya toʻlovlari toʻgʻrisida maʼlumot

№ Hisobot davri Sana Toʻlovga taqdim etilgan summa Haqiqatda toʻlangan summa 1. 2. 3. 4. Taʼlim tashkiloti direktori _____________________________ (F.I.O) Taʼlim tashkiloti bosh buxgalteri _____________________________ (F.I.O)

Elektr energiyasi va tabiiy gaz xizmatlari uchun Oʻzbekiston Respublikasi Davlat budjeti hisobidan oylik kompensatsiya toʻlovlari qoplab beriladigan __________________ dagi nodavlat maktabgacha taʼlim tashkilotlarining REYESTRI 20__ yil _______ oyi uchun ming soʻm № Nodavlat maktabgacha taʼlim tashkiloti nomi (toʻliq koʻrsatiladi) Yuridik manzili STIR Bank rekvizitlari Tabiiy gaz Elektr energiyasi Jami qoplab beriladigan summa Toʻlangan summa Qoplab beriladigan summa Toʻlangan summa Qoplab beriladigan summa Jami: x x Moliya bosh boshqarmasi boshligʻi oʻrinbosari (F.I.O) Boʻlim boshligʻi (F.I.O) Gʻaznachilik boʻlinmasi masʼul xodimi (F.I.O) “___” __________ 20__ yil

Oʻzbekiston Respublikasining Bosh vaziri A. ARIPOV

Toshkent sh.,

2017-yil 18-dekabr,

991-son

(Qonun hujjatlari maʼlumotlari milliy bazasi, 18.12.2017-y., 09/17/991/0422-son; Qonunchilik maʼlumotlari milliy bazasi, 21.05.2021-y., 09/21/320/0482-son, 12.08.2021-y., 09/21/510/0784-son, 27.12.2021-y., 09/21/774/1198-son; 03.08.2022-y., 09/22/426/0707-son )

lex.uz