📅 2017-yil 20-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 20 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 декабря 2017 г. · Постановления Президента
Официальный текст. Официальный документ. Редакционные примечания не включены.
📅 20 December 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро ва хорижий молия институтлари билан ҳамкорликнинг самарадорлигини янада ошириш чора-тадбирлари тўғрисида
Мамлакатни жадал ижтимоий-иқтисодий ривожлантиришга қаратилган лойиҳаларни амалга ошириш бўйича халқаро ва хорижий молия институтлари (кейинги ўринларда молия институтлари деб юритилади) билан ҳамкорлик изчил ривожланмоқда.
Шу билан бирга, мазкур соҳада айрим давлат бошқаруви органлари ваколатларининг аниқ белгилаб қўйилмаганлиги ва функцияларининг такрорланиши молия институтлари билан ҳамкорликни янада фаоллаштиришга тўсқинлик қилмоқда.
Ўзбекистон Республикаси Вазирлар Маҳкамаси ҳузуридаги Халқаро молия институтлари, ташкилотлари ва донор мамлакатлар билан ҳамкорлик қилиш, йирик ва стратегик муҳим инвестиция лойиҳаларини амалга ошириш масалалари бўйича идоралараро кенгаш томонидан қарз, кредит ва грант маблағларини жалб қилиш ва улардан фойдаланиш борасидаги ишларнинг ташкил этилиши ваколатли давлат органларининг масъулияти ва ташаббускорлигини пасайтиради, ортиқча бюрократик тартиб-таомиллар ва харажатларга олиб келади.
Қарз, кредит ва грант маблағларини жалб этиш, етакчи молия институтлари билан ҳамкорлик қилиш учун кулай шарт-шароитларни шакллантириш борасидаги фаолиятни мувофиқлаштиришнинг самарали ва замонавий талабларга жавоб берадиган тизимини яратиш мақсадида:
1. Ўзбекистон Республикасидан қуйидагилар:
Инвестициялар, саноат ва савдо вазирлиги — халқаро молия институтлари (Халқаро валюта жамғармаси бундан мустасно) билан марказлаштирилган ҳамкорлик бўйича ваколатли орган (бошқарувчи идораси);
Марказий банк — Халқаро валюта жамғармаси билан марказлаштирилган ҳамкорлик бўйича ваколатли орган (бошқарувчи идораси);
Ўзбекистон Республикаси Президенти Администрацияси раҳбари С.У. Умурзаков — Европа тикланиш ва тараққиёт банки билан марказлаштирилган ҳамкорлик бўйича бошқарувчи;
Ўзбекистон Республикаси Бош вазирининг ўринбосари Ж.А. Ходжаев — Осиё тараққиёт банки ва Қишлоқ хўжалигини ривожлантириш халқаро жамғармаси билан марказлаштирилган ҳамкорлик бўйича бошқарувчи;
Ўзбекистон Республикаси Бош вазирининг ўринбосари Ж.А. Қўчқоров — Жаҳон банки гуруҳи ва Халқаро валюта жамғармаси билан марказлаштирилган ҳамкорлик бўйича бошқарувчи;
инвестициялар, саноат ва савдо вазири Л.Ш. Кудратов — Ислом тараққиёт банки гуруҳи ва Осиё инфратузилма инвестициялари банки билан марказлаштирилган ҳамкорлик бўйича бошқарувчи;
Ўзбекистон Республикаси Президенти ҳузуридаги Стратегик ислоҳотлар агентлиги бош директори Ш.А. Вафаев — Европа тикланиш ва тараққиёт банки ҳамда Жаҳон банки гуруҳи билан марказлаштирилган ҳамкорлик бўйича бошқарувчи ўринбосари;
Марказий банк раиси М.Б. Нурмуратов — Халқаро валюта жамғармаси билан марказлаштирилган ҳамкорлик бўйича бошқарувчи ўринбосари;
инвестициялар, саноат ва савдо вазирининг ўринбосари С.И. Хамидов — Осиё тараққиёт банки, Осиё инфратузилма инвестициялари банки, Ислом тараққиёт банки гуруҳи ва Қишлоқ хўжалигини ривожлантириш халқаро жамғармаси билан марказлаштирилган ҳамкорлик бўйича бошқарувчи ўринбосари этиб белгилансин.
2. Бошқарувчилар идораларига куйидагилар юклатилсин:
тегишли молия институтлари билан ҳамкорликни амалга ошириш;
молия институтлари билан ҳамкорликнинг устувор йўналишлари, «йўл харита»лари ва дастурлари, шунингдек, иқтисодиёт тармоқлари, республика ҳудудларини ривожлантириш учун молия институтларининг жалб этиладиган қарз, кредит ва грант маблағларидан янада самаралироқ фойдаланиш бўйича таклифлар ишлаб чиқиш;
молия институтлари иштирокидаги лойиҳаларни рўёбга чиқариш учун масъул бўлган вазирлик ва идоралар, лойиҳаларни амалга ошириш гуруҳлари, экспертиза органларининг фаолиятини мувофиқлаштириш, шу жумладан лойиҳа, тендер ва контрактга оид ҳужжатлар бўйича эксперт хулосаларининг ўз вақтида тақдим этилишини назорат қилиш;
молия институтларининг жалб этиладиган қарз, кредит ва грант маблағларидан самарали фойдаланиш бўйича тавсиялар ишлаб чиқиш;
чет эл инвестициялари иштирокидаги лойиҳаларни амалга оширишнинг бориши устидан мониторинг ўтказиш;
Ўзбекистон Республикаси Вазирлар Маҳкамасига ҳар чоракда молия институтлари билан ҳамкорлик дастурларининг амалга оширилиши ҳолати ҳақида ҳисобот тақдим этиш;
молия институтлари билан инвестицион ҳамкорлик масалалари бўйича Ўзбекистон Республикасининг халқаро шартномаларини тайёрлаш, келишиш ва имзолашда ўрнатилган тартибда иштирок этиш;
молия институтлари миссияларининг ишчи учрашувлари жадвалини ишлаб чиқиш ва тасдиқлаш;
Ўзбекистон Республикасида ва хорижда молия институтлари вакиллари иштирокида халқаро конференциялар, семинарлар, инвестицион форумлар ўтказилишини ташкил этиш.
3. Бошқарувчилар идораларига куйидаги ҳуқуқлар берилсин:
вазирлик ва идоралар томонидан риоя этилиши мажбурий бўлган молия институтлари миссияларининг ишчи учрашувлари жадвалини тасдиқлаш;
молия институтлари билан ўзаро ҳамкорлик жараёнида юклатилган вазифаларни бажариш учун зарур бўлган хат-хабарлар, меморандумлар, баённомалар ва бошқа ҳужжатларни Ўзбекистон Республикаси номидан имзолаш;
давлат ва хўжалик бошқаруви органларидан ўрнатилган тартибда бошқарувчи идораси ваколатига тааллуқли ахборотларни сўраб олиш;
заруратга кўра, танлов ўтказиш жараёнлари, лойиҳа ва тендер ҳужжатларини экспертизадан ўтказиш муддатларини унинг юқори сифатини таъминлаган ҳолда тезлаштириш, шунингдек, молия институтлари билан келишув бўйича уларнинг маблағларини тегишли лойиҳалар компонентлари ўртасида қайта тақсимлаш ҳақида Ўзбекистон Республикаси Вазирлар Маҳкамасига таклифлар киритиш;
Ўзбекистон Республикаси Вазирлар Маҳкамаси билан келишган ҳолда молия институтларидаги Ўзбекистон Республикасининг доимий вакилларини тасдиқлаш ва уларни лавозимдан озод этиш;
молия институтлари иштирокида лойиҳаларни рўёбга чиқариш учун масъул бўлган вазирликлар, идоралар ва лойиҳаларни амалга ошириш гуруҳлари мансабдор шахслари ҳисоботларини эшитиш, лойиҳалар ижрочиларини таклиф этган ҳолда уларнинг ўз вақтида ва самарали амалга оширилишини таъминлаш бўйича чора-тадбирларни ишлаб чиқиш.
4. Молия институтлари билан реализация қилинаётган лойиҳаларни амалга ошириш гуруҳларининг раҳбарларини лойиҳанинг рўёбга чиқарилиши бўйича масъул бўлган вазирликлар ва идоралар раҳбарлари томонидан бошқарувчи идораси билан келишган ҳолда лавозимга тайинлаш ва озод этиш тартиби белгилансин.
6. Ўзбекистон Республикасининг Бош вазири А.Н. Ариповга Ўзбекистон Республикаси номидан молия институтларига тасдиқланган бошқарувчилар ва бошқарувчиларнинг ўринбосарлари хусусида ваколат-хати юбориш ваколати берилсин.
7. Ўзбекистон Республикаси Инвестициялар ва ташқи савдо вазирлиги ва Марказий банки:
икки ой муддатда бошқарувчи идораларининг регламентини ишлаб чиқишни ва тўлиқ фаолият кўрсатишини;
молия институтларининг молиявий ва техник кўмагидаги лойиҳалар рўйхатининг расмий веб-сайтда ўз вақтида чоп этилишини, молия институтларининг қарзлари, кредитлари ва грантларини жалб қилиш бўйича тизимли ишларни амалга оширишни;
молиялаштириш манбаларини ўрганиш ҳамда кредитлар, қарзлар ва грантларни жалб қилиш бўйича давлат ва хўжалик бошқаруви органлари, маҳаллий давлат ҳокимияти органлари, шунингдек, Ўзбекистон Республикасининг хориждаги дипломатик ваколатхоналари фаолиятининг самарадорлиги ва натижадорлигини мунтазам равишда баҳолашни;
молия институтлари иштирокидаги лойиҳаларни жалб этиш ва амалга оширилишини мониторинг қилиш соҳасида бажарилган ишлар тўғрисидаги маълумотларнинг ҳар чоракда Ўзбекистон Республикаси Вазирлар Маҳкамасига тақдим этилишини таъминласин.
9. Ўзбекистон Республикаси Вазирлар Маҳкамасининг 2009 йил 12 августдаги «Халқаро молиявий институтлар, хорижий ҳукумат молиявий ташкилотлар ва донор мамлакатлар маблағларини жалб қилиш ва улардан самарали фойдаланиш тизимини такомиллаштириш чора-тадбирлари тўғрисида»ги 229-сон қарори ўз кучини йўқотган деб ҳисоблансин.
10. Ўзбекистон Республикаси Инвестициялар бўйича давлат қўмитаси манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосарлари С.Р. Холмуродов, Ж.А. Кучкаров ва Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М. Садиков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 20 декабрь,
ПҚ-3439-сон
Oʻzbekiston Respublikasi Prezidentining
Qarori
Xalqaro va xorijiy moliya institutlari bilan hamkorlikning samaradorligini yanada oshirish chora-tadbirlari toʻgʻrisida
Mamlakatni jadal ijtimoiy-iqtisodiy rivojlantirishga qaratilgan loyihalarni amalga oshirish boʻyicha xalqaro va xorijiy moliya institutlari (keyingi oʻrinlarda moliya institutlari deb yuritiladi) bilan hamkorlik izchil rivojlanmoqda.
Shu bilan birga, mazkur sohada ayrim davlat boshqaruvi organlari vakolatlarining aniq belgilab qoʻyilmaganligi va funksiyalarining takrorlanishi moliya institutlari bilan hamkorlikni yanada faollashtirishga toʻsqinlik qilmoqda.
Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengash tomonidan qarz, kredit va grant mablagʻlarini jalb qilish va ulardan foydalanish borasidagi ishlarning tashkil etilishi vakolatli davlat organlarining masʼuliyati va tashabbuskorligini pasaytiradi, ortiqcha byurokratik tartib-taomillar va xarajatlarga olib keladi.
Qarz, kredit va grant mablagʻlarini jalb etish, yetakchi moliya institutlari bilan hamkorlik qilish uchun kulay shart-sharoitlarni shakllantirish borasidagi faoliyatni muvofiqlashtirishning samarali va zamonaviy talablarga javob beradigan tizimini yaratish maqsadida:
1. Oʻzbekiston Respublikasidan quyidagilar:
Investitsiyalar, sanoat va savdo vazirligi — xalqaro moliya institutlari (Xalqaro valyuta jamgʻarmasi bundan mustasno) bilan markazlashtirilgan hamkorlik boʻyicha vakolatli organ (boshqaruvchi idorasi);
Markaziy bank — Xalqaro valyuta jamgʻarmasi bilan markazlashtirilgan hamkorlik boʻyicha vakolatli organ (boshqaruvchi idorasi);
Oʻzbekiston Respublikasi Prezidenti Administratsiyasi rahbari S.U. Umurzakov — Yevropa tiklanish va taraqqiyot banki bilan markazlashtirilgan hamkorlik boʻyicha boshqaruvchi;
Oʻzbekiston Respublikasi Bosh vazirining oʻrinbosari J.A. Xodjayev — Osiyo taraqqiyot banki va Qishloq xoʻjaligini rivojlantirish xalqaro jamgʻarmasi bilan markazlashtirilgan hamkorlik boʻyicha boshqaruvchi;
Oʻzbekiston Respublikasi Bosh vazirining oʻrinbosari J.A. Qoʻchqorov — Jahon banki guruhi va Xalqaro valyuta jamgʻarmasi bilan markazlashtirilgan hamkorlik boʻyicha boshqaruvchi;
investitsiyalar, sanoat va savdo vaziri L.Sh. Kudratov — Islom taraqqiyot banki guruhi va Osiyo infratuzilma investitsiyalari banki bilan markazlashtirilgan hamkorlik boʻyicha boshqaruvchi;
Oʻzbekiston Respublikasi Prezidenti huzuridagi Strategik islohotlar agentligi bosh direktori Sh.A. Vafayev — Yevropa tiklanish va taraqqiyot banki hamda Jahon banki guruhi bilan markazlashtirilgan hamkorlik boʻyicha boshqaruvchi oʻrinbosari;
Markaziy bank raisi M.B. Nurmuratov — Xalqaro valyuta jamgʻarmasi bilan markazlashtirilgan hamkorlik boʻyicha boshqaruvchi oʻrinbosari;
investitsiyalar, sanoat va savdo vazirining oʻrinbosari S.I. Xamidov — Osiyo taraqqiyot banki, Osiyo infratuzilma investitsiyalari banki, Islom taraqqiyot banki guruhi va Qishloq xoʻjaligini rivojlantirish xalqaro jamgʻarmasi bilan markazlashtirilgan hamkorlik boʻyicha boshqaruvchi oʻrinbosari etib belgilansin.
2. Boshqaruvchilar idoralariga kuyidagilar yuklatilsin:
tegishli moliya institutlari bilan hamkorlikni amalga oshirish;
moliya institutlari bilan hamkorlikning ustuvor yoʻnalishlari, “yoʻl xarita”lari va dasturlari, shuningdek, iqtisodiyot tarmoqlari, respublika hududlarini rivojlantirish uchun moliya institutlarining jalb etiladigan qarz, kredit va grant mablagʻlaridan yanada samaraliroq foydalanish boʻyicha takliflar ishlab chiqish;
moliya institutlari ishtirokidagi loyihalarni roʻyobga chiqarish uchun masʼul boʻlgan vazirlik va idoralar, loyihalarni amalga oshirish guruhlari, ekspertiza organlarining faoliyatini muvofiqlashtirish, shu jumladan loyiha, tender va kontraktga oid hujjatlar boʻyicha ekspert xulosalarining oʻz vaqtida taqdim etilishini nazorat qilish;
moliya institutlarining jalb etiladigan qarz, kredit va grant mablagʻlaridan samarali foydalanish boʻyicha tavsiyalar ishlab chiqish;
chet el investitsiyalari ishtirokidagi loyihalarni amalga oshirishning borishi ustidan monitoring oʻtkazish;
Oʻzbekiston Respublikasi Vazirlar Mahkamasiga har chorakda moliya institutlari bilan hamkorlik dasturlarining amalga oshirilishi holati haqida hisobot taqdim etish;
moliya institutlari bilan investitsion hamkorlik masalalari boʻyicha Oʻzbekiston Respublikasining xalqaro shartnomalarini tayyorlash, kelishish va imzolashda oʻrnatilgan tartibda ishtirok etish;
moliya institutlari missiyalarining ishchi uchrashuvlari jadvalini ishlab chiqish va tasdiqlash;
Oʻzbekiston Respublikasida va xorijda moliya institutlari vakillari ishtirokida xalqaro konferensiyalar, seminarlar, investitsion forumlar oʻtkazilishini tashkil etish.
3. Boshqaruvchilar idoralariga kuyidagi huquqlar berilsin:
vazirlik va idoralar tomonidan rioya etilishi majburiy boʻlgan moliya institutlari missiyalarining ishchi uchrashuvlari jadvalini tasdiqlash;
moliya institutlari bilan oʻzaro hamkorlik jarayonida yuklatilgan vazifalarni bajarish uchun zarur boʻlgan xat-xabarlar, memorandumlar, bayonnomalar va boshqa hujjatlarni Oʻzbekiston Respublikasi nomidan imzolash;
davlat va xoʻjalik boshqaruvi organlaridan oʻrnatilgan tartibda boshqaruvchi idorasi vakolatiga taalluqli axborotlarni soʻrab olish;
zaruratga koʻra, tanlov oʻtkazish jarayonlari, loyiha va tender hujjatlarini ekspertizadan oʻtkazish muddatlarini uning yuqori sifatini taʼminlagan holda tezlashtirish, shuningdek, moliya institutlari bilan kelishuv boʻyicha ularning mablagʻlarini tegishli loyihalar komponentlari oʻrtasida qayta taqsimlash haqida Oʻzbekiston Respublikasi Vazirlar Mahkamasiga takliflar kiritish;
Oʻzbekiston Respublikasi Vazirlar Mahkamasi bilan kelishgan holda moliya institutlaridagi Oʻzbekiston Respublikasining doimiy vakillarini tasdiqlash va ularni lavozimdan ozod etish;
moliya institutlari ishtirokida loyihalarni roʻyobga chiqarish uchun masʼul boʻlgan vazirliklar, idoralar va loyihalarni amalga oshirish guruhlari mansabdor shaxslari hisobotlarini eshitish, loyihalar ijrochilarini taklif etgan holda ularning oʻz vaqtida va samarali amalga oshirilishini taʼminlash boʻyicha chora-tadbirlarni ishlab chiqish.
4. Moliya institutlari bilan realizatsiya qilinayotgan loyihalarni amalga oshirish guruhlarining rahbarlarini loyihaning roʻyobga chiqarilishi boʻyicha masʼul boʻlgan vazirliklar va idoralar rahbarlari tomonidan boshqaruvchi idorasi bilan kelishgan holda lavozimga tayinlash va ozod etish tartibi belgilansin.
6. Oʻzbekiston Respublikasining Bosh vaziri A.N. Aripovga Oʻzbekiston Respublikasi nomidan moliya institutlariga tasdiqlangan boshqaruvchilar va boshqaruvchilarning oʻrinbosarlari xususida vakolat-xati yuborish vakolati berilsin.
7. Oʻzbekiston Respublikasi Investitsiyalar va tashqi savdo vazirligi va Markaziy banki:
ikki oy muddatda boshqaruvchi idoralarining reglamentini ishlab chiqishni va toʻliq faoliyat koʻrsatishini;
moliya institutlarining moliyaviy va texnik koʻmagidagi loyihalar roʻyxatining rasmiy veb-saytda oʻz vaqtida chop etilishini, moliya institutlarining qarzlari, kreditlari va grantlarini jalb qilish boʻyicha tizimli ishlarni amalga oshirishni;
moliyalashtirish manbalarini oʻrganish hamda kreditlar, qarzlar va grantlarni jalb qilish boʻyicha davlat va xoʻjalik boshqaruvi organlari, mahalliy davlat hokimiyati organlari, shuningdek, Oʻzbekiston Respublikasining xorijdagi diplomatik vakolatxonalari faoliyatining samaradorligi va natijadorligini muntazam ravishda baholashni;
moliya institutlari ishtirokidagi loyihalarni jalb etish va amalga oshirilishini monitoring qilish sohasida bajarilgan ishlar toʻgʻrisidagi maʼlumotlarning har chorakda Oʻzbekiston Respublikasi Vazirlar Mahkamasiga taqdim etilishini taʼminlasin.
9. Oʻzbekiston Respublikasi Vazirlar Mahkamasining 2009-yil 12-avgustdagi “Xalqaro moliyaviy institutlar, xorijiy hukumat moliyaviy tashkilotlar va donor mamlakatlar mablagʻlarini jalb qilish va ulardan samarali foydalanish tizimini takomillashtirish chora-tadbirlari toʻgʻrisida”gi 229-son qarori oʻz kuchini yoʻqotgan deb hisoblansin.
10. Oʻzbekiston Respublikasi Investitsiyalar boʻyicha davlat qoʻmitasi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosarlari S.R. Xolmurodov, J.A. Kuchkarov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 20-dekabr,
PQ-3439-son
Президента Республики Узбекистан
Постановление
О мерах по дальнейшему повышению эффективности сотрудничества с международными и зарубежными финансовыми институтами
В стране динамично развивается сотрудничество с международными и зарубежными финансовыми институтами (далее — финансовые институты) по реализации проектов, направленных на ускоренное социально- экономическое развитие страны.
Вместе с тем, дальнейшей активизации сотрудничества с финансовыми институтами препятствует отсутствие четкого разграничения полномочий и дублирование функций отдельных органов государственного управления в данной сфере.
Организация работы по привлечению и использованию заемных, кредитных и грантовых средств Межведомственным советом по вопросам сотрудничества с международными финансовыми институтами, организациями и странами-донорами, реализации крупных и стратегически важных инвестиционных проектов при Кабинете Министров Республики Узбекистан снижает ответственность и инициативность уполномоченных государственных органов, приводит к излишним бюрократическим процедурам и издержкам.
В целях создания эффективной и отвечающей современным требованиям системы координации деятельности по привлечению заемных, кредитных и грантовых средств, формированию благоприятных условий для сотрудничества с ведущими финансовыми институтами:
1. Назначить от Республики Узбекистан:
уполномоченным органом по централизованному взаимодействию с международными финансовыми институтами, за исключением Международного валютного фонда, (офис управляющего) — Министерство инвестиций, промышленности и торговли;
уполномоченным органом по централизованному взаимодействию с Международным валютным фондом (офис управляющего) — Центральный банк;
управляющим по централизованному взаимодействию с Европейским банком реконструкции и развития — руководителя Администрации Президента Республики Узбекистан С.У. Умурзакова;
управляющим по централизованному взаимодействию с Азиатским банком развития и Международным фондом сельскохозяйственного развития — заместителя Премьер-министра Республики Узбекистан Ж.А. Ходжаева;
управляющим по централизованному взаимодействию с Группой Всемирного банка и Международным валютным фондом — заместителя Премьер-министра Республики Узбекистан Д.А. Кучкарова;
управляющим по централизованному взаимодействию с Группой Исламского банка развития и Азиатским банком инфраструктурных инвестиций — министра инвестиций, промышленности и торговли Л.Ш. Кудратова;
заместителем управляющего по централизованному взаимодействию с Европейским банком реконструкции и развития и Группой Всемирного банка — генерального директора Агентства стратегических реформ при Президенте Республики Узбекистан Ш.А. Вафаева;
заместителем управляющего по централизованному взаимодействию с Международным валютным фондом — председателя Центрального банка М.Б. Нурмуратова;
заместителем управляющего по централизованному взаимодействию с Азиатским банком развития, Азиатским банком инфраструктурных инвестиций, Группой Исламского банка развития и Международным фондом сельскохозяйственного развития — заместителя министра инвестиций, промышленности и торговли С.А. Хамидова.
2. Возложить на офисы управляющих:
осуществление взаимодействия с соответствующими финансовыми институтами;
разработку предложений по приоритетным направлениям, «дорожным картам» и программам сотрудничества с финансовыми институтами, а также наиболее эффективному использованию привлекаемых заемных, кредитных и грантовых средств финансовых институтов для развития отраслей экономики, регионов республики;
координацию деятельности министерств и ведомств, ответственных за реализацию проектов с участием финансовых институтов, групп реализации проектов, органов экспертизы, включая осуществление контроля за своевременным предоставлением экспертных заключений по проектной, тендерной и контрактной документации;
выработку рекомендаций по эффективному использованию привлекаемых заемных, кредитных и грантовых средств финансовых институтов;
проведение мониторинга за ходом реализации проектов с участием иностранных инвестиций;
представление на ежеквартальной основе в Кабинет Министров Республики Узбекистан отчетов о состоянии реализации программ сотрудничества с финансовыми институтами;
участие в подготовке, согласовании и подписании в установленном порядке международных договоров Республики Узбекистан с финансовыми институтами по вопросам инвестиционного сотрудничества;
проработку и утверждение графиков рабочих встреч миссий финансовых институтов;
организацию проведения международных конференций, семинаров, инвестиционных форумов в Республике Узбекистан и за рубежом с участием представителей финансовых институтов.
3. Наделить офисы управляющих правом:
утверждать графики рабочих встреч миссий финансовых институтов, обязательные для соблюдения министерствами и ведомствами;
подписывать в процессе взаимодействия с финансовыми институтами от имени Республики Узбекистан корреспонденцию, меморандумы, протоколы и иные документы, необходимые для выполнения возложенных задач;
запрашивать и получать в установленном порядке от органов государственного и хозяйственного управления информацию, относящуюся к компетенции офиса управляющего;
вносить в Кабинет Министров Республики Узбекистан, при необходимости, предложения об ускорении проведения конкурсных процедур, сроков экспертизы проектной и тендерной документации, при обеспечении ее высокого качества, а также о перераспределении средств финансовых институтов по согласованию с ними, между компонентами соответствующих проектов;
по согласованию с Кабинетом Министров Республики Узбекистан утверждать постоянных представителей Республики Узбекистан в финансовых институтах и освобождать их от должности;
заслушивать отчеты должностных лиц министерств, ведомств и групп реализации проектов, ответственных за реализацию проектов с участием финансовых институтов, вырабатывать меры по обеспечению своевременной и эффективной их реализации с приглашением исполнителей проектов.
4. Установить порядок, в соответствии с которым руководители групп реализации проектов, реализуемых с финансовыми институтами, назначаются и освобождаются от должности руководителями министерств и ведомств, ответственных за реализацию проектов, по согласованию с офисом управляющего.
6. Уполномочить Премьер-министра Республики Узбекистан А.Н. Арипова направить от имени Республики Узбекистан письма-полномочия в финансовые институты относительно утвержденных управляющих и заместителей управляющих.
7. Министерству инвестиций и внешней торговли и Центральному банку Республики Узбекистан обеспечить:
в двухмесячный срок разработку регламента и полноценное функционирование офисов управляющего;
своевременное опубликование перечней проектов финансового и технического содействия финансовых институтов на официальном веб-сайте, проведение системной работы по привлечению займов, кредитов и грантов финансовых институтов;
проведение регулярной оценки эффективности и результативности деятельности органов государственного и хозяйственного управления, органов государственной власти на местах, а также дипломатических представительств Республики Узбекистан за рубежом по проработке источников финансирования и привлечению кредитов, займов и грантов;
представление на ежеквартальной основе в Кабинет Министров Республики Узбекистан информации о проделанной работе в сфере привлечения и мониторинга реализации проектов с участием финансовых институтов.
9. Признать утратившим силу постановление Кабинета Министров от 12 августа 2009 года № 229 «О мерах по совершенствованию системы привлечения и эффективного использования средств международных финансовых институтов, зарубежных правительственных финансовых организаций и стран-доноров».
10. Государственному комитету Республики Узбекистан по инвестициям совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителей Премьер-министра Республики Узбекистан С.Р. Холмуродова, Ж.А. Кучкарова и директора Национального агентства проектного управления при Президенте Республики Узбекистан Ш.М. Садикова.
Президент Республики Узбекистан Ш. МИРЗИЁЕВ
г. Ташкент,
20 декабря 2017 г.,
№ ПП-3439