UzbekAI

Ўзбекистон Республикаси Президентининг

Фармони

РЎЙХАТИ

Махсус турдаги товарлар экспорти ва импортини лицензиялаш, шунингдек экспорт контрактларини рўйхатга олиш ва импорт контрактларини экспертизадан ўтказишни тартибга солиш чора-тадбирлари тўғрисида

Ўзбекистон Республикаси Президентининг « Ташқи савдо соҳасида бошқарув тизимини такомиллаштириш чора-тадбирлари тўғрисида » 2017 йил 13 апрелдаги ПФ-5012-сон ва « Ўзбекистон Республикаси Инвестициялар бўйича давлат қўмитасини ташкил этиш тўғрисида » 2017 йил 31 мартдаги ПФ-4996-сон фармонларига, Ўзбекистон Республикаси Президентининг «Ўзбекистон Республикаси Ташқи савдо вазирлиги фаолиятини ташкил этиш чора-тадбирлари тўғрисида» 2017 йил 13 апрелдаги ПҚ-2887-сон қарорига мувофиқ, шунингдек экспорт-импорт операцияларини бошқариш механизмларини янада такомиллаштириш мақсадида:

1. Белгилаб қўйилсинки, 2017 йил 10 ноябрдан бошлаб:

ушбу Фармонга 1-иловага киритилган махсус турдаги товарлар экспорти ва импортини лицензиялаш Ўзбекистон Республикаси Президенти ёки Ўзбекистон Республикаси Вазирлар Маҳкамасининг қарорлари асосида Ўзбекистон Республикаси Вазирлар Маҳкамасининг Ташқи савдо фаолиятини, иқтисодиёт тармоқлари ва республика ҳудудларининг экспорт салоҳиятини ривожлантириш масалалари ахборот-таҳлил департаменти томонидан амалга оширилади;

импорт контрактларини экспертизадан ўтказиш ва рўйхатга олиш, шунингдек тендер ҳужжатлари ва техник вазифаларни экспертизадан ўтказиш Ўзбекистон Республикаси Иқтисодиёт ва саноат вазирлиги ҳузуридаги Лойиҳаларни ва импорт контрактларини комплекс экспертиза қилиш маркази томонидан қонун ҳужжатларига мувофиқ амалга оширилади.

3. Ўзбекистон Республикаси Вазирлар Маҳкамаси Махсус турдаги товарларни экспорт ва импорт қилишга лицензиялар бериш тартиби тўғрисидаги низомни бир ой муддатда ишлаб чиқсин ва тасдиқласин.

4. Ўзбекистон Республикаси Инвестициялар бўйича давлат қўмитаси Молия вазирлиги, Иқтисодиёт вазирлиги ва Давлат божхона қўмитаси билан биргаликда Импорт контрактларини ва тендер (танлов) ҳужжатларини экспертизадан ўтказиш, шунингдек тендер (танлов) таклифларини баҳолаш тартиби тўғрисидаги низом лойиҳасини бир ой муддатда ишлаб чиқсин ва тасдиқлаш учун Ўзбекистон Республикаси Вазирлар Маҳкамасига белгиланган тартибда киритсин.

6. Ўзбекистон Республикаси Президентининг айрим ҳужжатларига ва Ўзбекистон Республикаси Вазирлар Маҳкамасининг қарорларига 3-иловага мувофиқ ўзгартиришлар киритилсин.

7. Ўзбекистон Республикаси Инвестициялар бўйича давлат қўмитаси Ўзбекистон Республикаси Ташки савдо вазирлиги, Адлия вазирлиги ҳамда бошқа манфаатдор вазирликлар ва идоралар билан биргаликда қонун ҳужжатларига ушбу Фармондан келиб чиқадиган ўзгартиришлар ва қўшимчалар тўғрисида бир ой муддатда Ўзбекистон Республикаси Вазирлар Маҳкамасига таклифлар киритсин.

8. Мазкур Фармоннинг бажарилишини назорат қилиш Ўзбекистон Республикаси Бош вазирининг ўринбосари — «Ўзагротехсаноатхолдинг» АЖ бошқаруви раиси Н.С. Отажонов, Ўзбекистон Республикаси ташқи савдо вазири Э.М. Ғаниев, Ўзбекистон Республикаси Инвестициялар бўйича давлат қўмитаси раиси А.И. Ахмедхаджаев зиммасига юклансин.

Ўзбекистон Республикаси Президентининг 2017 йил 3 ноябрдаги ПФ-5215-сон Фармонига 1-ИЛОВА

Ўзбекистон Республикаси Президентининг ҳужжатлари ёки Ўзбекистон Республикаси Вазирлар Маҳкамасининг қарорлари асосида бериладиган лицензиялар бўйича экспорт-импорт қилинадиган махсус товарлар

Т/р Товар номи ТИФ ТН бўйича товар коди 1. Қурол-яроғ ва ҳарбий техника, уларни ишлаб чиқариш учун махсус бутловчи буюмлар 8526 (фақат ҳарбий мақсадлар учун), 8710, 8802 (фуқаро вертолётлари, фуқаро самолётларидан ташқари), 8803 (фуқаро авиацияси учиш аппаратлари қисмларидан ташқари), 8805 (фуқаро тоифасига тегишли бўлмаган) 8906 10 000 0,9013 10 000 0,9013 20 000 0,9013 80,9014,9301, 9302 00 000 0,9305 (фақат жанговар қуролларга тегишли), 9306 (фақат ҳарбий мақсадлар учун) 2. Уран ва бошқа радиоактив моддалар, улардан тайёрланган буюмлар радиоактив моддаларининг чиқиндилари 2612 (фақат уран концентратлари), 2844, 2845 3. Радиоактив моддалардан фойдаланилган приборлар ва асбоб-ускуналар 8401 4. Қимматбаҳо металлар ва улардан тайёрланган бошқа буюмлар * 7106, 7107 — 7111 00 000 0, 7112, 7115

Ўзбекистон Республикаси Президентининг 2017 йил 3 ноябрдаги ПФ-5215-сон Фармонига 3-ИЛОВА

Ўзбекистон Республикаси Президентининг айрим ҳужжатларига ҳамда Ўзбекистон Республикаси Вазирлар Маҳкамасининг қарорларига киритилаётган ўзгартиришлар

2. Ўзбекистон Республикаси Президентининг «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисидаги 2017 йил 17 августдаги ПФ-5158-сон Фармонига илованинг 2-банди ўз кучини йўқотган деб ҳисоблансин.

3. Ўзбекистон Республикаси Президентининг «Ўзбекистон Республикаси Инвестициялар бўйича давлат қўмитасини ташкил қилиш тўғрисида» 2017 йил 31 мартдаги ПФ-4996-сон Фармонида :

а) 2-бандда :

ўн иккинчи ва ўн учинчи хатбошилар қуйидаги таҳрирда баён қилинсин:

«тендер (танлов) савдоларини ўтказишда, тендер (танлов) савдолари ҳужжатларини ишлаб чиқиш ва экспертизадан ўтказишда иштирок этиш ва тендер (танлов) таклифларини баҳолаш, тендер (танлов) савдолари натижаларини мувофиқлаштириш, келишиш ҳамда уларга риоя этилишини назорат қилиш, зарур холларда. ўтказилган тендер (танлов) савдолари натижаларини ҳақиқий эмас деб эътироф этиш бўйича таклиф киритиш;

тўғридан-тўғри музокаралар якунлари бўйича тузилган импорт контрактларини тизимли асосда пухта экспертизадан ўтказиш»;

б) 6 ва 7-бандлар ўз кучини йўқотган деб ҳисоблансин.

4. Ўзбекистон Республикаси Президентининг «Товарлар (ишлар, хизматлар) экспортини рағбатлантиришга доир қўшимча чора-тадбирлар тўғрисида» 1997 йил 10 октябрдаги ПФ-1871-сон Фармонида:

а) 1-банднинг учинчи хатбошидаги «1-иловага мувофиқ махсус товарлар бундан мустасно» сўзлари «қонун ҳужжатларида назарда тутилган махсус товарлар бундан мустасно» сўзлари билан алмаштирилсин;

б) 1-илова ўз кучини йўқотган деб ҳисоблансин.

5. Ўзбекистон Республикаси Президентининг «2017 — 2019 йилларда тўқимачилик ва тикув-трикотаж саноатини янада ривожлантириш чора-тадбирлари дастури тўғрисида» 2016 йил 21 декабрдаги ПҚ-2687-сон қарори 6-бандининг бешинчи хатбошидаги «уларни амалга ошириш доирасида тузиладиган импорт шартномалари эса — Ўзбекистон Республикаси Инвестициялар бўйича давлат қўмитасида» сўзлари чиқариб ташлансин.

6. Ўзбекистон Республикаси Президентининг «Озиқ-овқат, чарм-пойабзал ва фармацевтика саноатидаги инвестиция лойиҳаларини молиялаштириш манбаларини кенгайтиришга доир чора-тадбирлар тўғрисида» 2017 йил 6 январдаги ПҚ-2718-сон қарори 3-бандининг тўртинчи хатбошидаги «уларни амалга ошириш доирасида замонавий импорт асбоб-ускуналарни ва технологияларни харид қилиш бўйича тузиладиган импорт контрактлари эса — Ўзбекистон Республикаси Инвестициялар бўйича давлат қўмитасида» сўзлари чиқариб ташлансин.

7. Ўзбекистон Республикаси Президентининг «2017 — 2021 йилларда электротехника саноатини бошқаришни янада такомиллаштириш, жадал ривожлантириш ва диверсификация қилиш чора-тадбирлари тўғрисида» 2017 йил 13 февралдаги ПҚ-2772-сон қарори 9-бандидаги «уларни амалга ошириш доирасида замонавий импорт асбоб-ускуналарни ва технологияларни харид қилиш бўйича тузиладиган импорт контрактлари эса — Ўзбекистон Республикаси Инвестициялар бўйича давлат қўмитасида» сўзлари чиқариб ташлансин.

8. Вазирлар Маҳкамасининг «Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида» 1998 йил 31 мартдаги 137-сон қарори 7-бандининг иккинчи хатбоши ва қарорга 1-илова ўз кучини йўқотган деб ҳисоблансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 3 ноябрь,

ПФ-5215-сон

lex.uz

Oʻzbekiston Respublikasi Prezidentining

Farmoni

ROʻYXATI

Maxsus turdagi tovarlar eksporti va importini litsenziyalash, shuningdek eksport kontraktlarini roʻyxatga olish va import kontraktlarini ekspertizadan oʻtkazishni tartibga solish chora-tadbirlari toʻgʻrisida

Oʻzbekiston Respublikasi Prezidentining “ Tashqi savdo sohasida boshqaruv tizimini takomillashtirish chora-tadbirlari toʻgʻrisida ” 2017-yil 13-apreldagi PF-5012-son va “ Oʻzbekiston Respublikasi Investitsiyalar boʻyicha davlat qoʻmitasini tashkil etish toʻgʻrisida ” 2017-yil 31-martdagi PF-4996-son farmonlariga, Oʻzbekiston Respublikasi Prezidentining “Oʻzbekiston Respublikasi Tashqi savdo vazirligi faoliyatini tashkil etish chora-tadbirlari toʻgʻrisida” 2017-yil 13-apreldagi PQ-2887-son qaroriga muvofiq, shuningdek eksport-import operatsiyalarini boshqarish mexanizmlarini yanada takomillashtirish maqsadida:

1. Belgilab qoʻyilsinki, 2017-yil 10-noyabrdan boshlab:

ushbu Farmonga 1-ilovaga kiritilgan maxsus turdagi tovarlar eksporti va importini litsenziyalash Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari asosida Oʻzbekiston Respublikasi Vazirlar Mahkamasining Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti tomonidan amalga oshiriladi;

import kontraktlarini ekspertizadan oʻtkazish va roʻyxatga olish, shuningdek tender hujjatlari va texnik vazifalarni ekspertizadan oʻtkazish Oʻzbekiston Respublikasi Iqtisodiyot va sanoat vazirligi huzuridagi Loyihalarni va import kontraktlarini kompleks ekspertiza qilish markazi tomonidan qonun hujjatlariga muvofiq amalga oshiriladi.

3. Oʻzbekiston Respublikasi Vazirlar Mahkamasi Maxsus turdagi tovarlarni eksport va import qilishga litsenziyalar berish tartibi toʻgʻrisidagi nizomni bir oy muddatda ishlab chiqsin va tasdiqlasin.

4. Oʻzbekiston Respublikasi Investitsiyalar boʻyicha davlat qoʻmitasi Moliya vazirligi, Iqtisodiyot vazirligi va Davlat bojxona qoʻmitasi bilan birgalikda Import kontraktlarini va tender (tanlov) hujjatlarini ekspertizadan oʻtkazish, shuningdek tender (tanlov) takliflarini baholash tartibi toʻgʻrisidagi nizom loyihasini bir oy muddatda ishlab chiqsin va tasdiqlash uchun Oʻzbekiston Respublikasi Vazirlar Mahkamasiga belgilangan tartibda kiritsin.

6. Oʻzbekiston Respublikasi Prezidentining ayrim hujjatlariga va Oʻzbekiston Respublikasi Vazirlar Mahkamasining qarorlariga 3-ilovaga muvofiq oʻzgartirishlar kiritilsin.

7. Oʻzbekiston Respublikasi Investitsiyalar boʻyicha davlat qoʻmitasi Oʻzbekiston Respublikasi Tashki savdo vazirligi, Adliya vazirligi hamda boshqa manfaatdor vazirliklar va idoralar bilan birgalikda qonun hujjatlariga ushbu Farmondan kelib chiqadigan oʻzgartirishlar va qoʻshimchalar toʻgʻrisida bir oy muddatda Oʻzbekiston Respublikasi Vazirlar Mahkamasiga takliflar kiritsin.

8. Mazkur Farmonning bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov, Oʻzbekiston Respublikasi tashqi savdo vaziri E.M. Gʻaniyev, Oʻzbekiston Respublikasi Investitsiyalar boʻyicha davlat qoʻmitasi raisi A.I. Axmedxadjayev zimmasiga yuklansin.

Oʻzbekiston Respublikasi Prezidentining 2017-yil 3-noyabrdagi PF-5215-son Farmoniga 1-ILOVA

Oʻzbekiston Respublikasi Prezidentining hujjatlari yoki Oʻzbekiston Respublikasi Vazirlar Mahkamasining qarorlari asosida beriladigan litsenziyalar boʻyicha eksport-import qilinadigan maxsus tovarlar

T/r Tovar nomi TIF TN boʻyicha tovar kodi 1. Qurol-yarogʻ va harbiy texnika, ularni ishlab chiqarish uchun maxsus butlovchi buyumlar 8526 (faqat harbiy maqsadlar uchun), 8710, 8802 (fuqaro vertolyotlari, fuqaro samolyotlaridan tashqari), 8803 (fuqaro aviatsiyasi uchish apparatlari qismlaridan tashqari), 8805 (fuqaro toifasiga tegishli boʻlmagan) 8906 10 000 0,9013 10 000 0,9013 20 000 0,9013 80,9014,9301, 9302 00 000 0,9305 (faqat jangovar qurollarga tegishli), 9306 (faqat harbiy maqsadlar uchun) 2. Uran va boshqa radioaktiv moddalar, ulardan tayyorlangan buyumlar radioaktiv moddalarining chiqindilari 2612 (faqat uran konsentratlari), 2844, 2845 3. Radioaktiv moddalardan foydalanilgan priborlar va asbob-uskunalar 8401 4. Qimmatbaho metallar va ulardan tayyorlangan boshqa buyumlar * 7106, 7107 — 7111 00 000 0, 7112, 7115

Oʻzbekiston Respublikasi Prezidentining 2017-yil 3-noyabrdagi PF-5215-son Farmoniga 3-ILOVA

Oʻzbekiston Respublikasi Prezidentining ayrim hujjatlariga hamda Oʻzbekiston Respublikasi Vazirlar Mahkamasining qarorlariga kiritilayotgan oʻzgartirishlar

2. Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisidagi 2017-yil 17-avgustdagi PF-5158-son Farmoniga ilovaning 2-bandi oʻz kuchini yoʻqotgan deb hisoblansin.

3. Oʻzbekiston Respublikasi Prezidentining “Oʻzbekiston Respublikasi Investitsiyalar boʻyicha davlat qoʻmitasini tashkil qilish toʻgʻrisida” 2017-yil 31-martdagi PF-4996-son Farmonida :

a) 2-bandda :

oʻn ikkinchi va oʻn uchinchi xatboshilar quyidagi tahrirda bayon qilinsin:

“tender (tanlov) savdolarini oʻtkazishda, tender (tanlov) savdolari hujjatlarini ishlab chiqish va ekspertizadan oʻtkazishda ishtirok etish va tender (tanlov) takliflarini baholash, tender (tanlov) savdolari natijalarini muvofiqlashtirish, kelishish hamda ularga rioya etilishini nazorat qilish, zarur xollarda. oʻtkazilgan tender (tanlov) savdolari natijalarini haqiqiy emas deb eʼtirof etish boʻyicha taklif kiritish;

toʻgʻridan-toʻgʻri muzokaralar yakunlari boʻyicha tuzilgan import kontraktlarini tizimli asosda puxta ekspertizadan oʻtkazish”;

b) 6 va 7-bandlar oʻz kuchini yoʻqotgan deb hisoblansin.

4. Oʻzbekiston Respublikasi Prezidentining “Tovarlar (ishlar, xizmatlar) eksportini ragʻbatlantirishga doir qoʻshimcha chora-tadbirlar toʻgʻrisida” 1997-yil 10-oktabrdagi PF-1871-son Farmonida:

a) 1-bandning uchinchi xatboshidagi “1-ilovaga muvofiq maxsus tovarlar bundan mustasno” soʻzlari “qonun hujjatlarida nazarda tutilgan maxsus tovarlar bundan mustasno” soʻzlari bilan almashtirilsin;

b) 1-ilova oʻz kuchini yoʻqotgan deb hisoblansin.

5. Oʻzbekiston Respublikasi Prezidentining “2017 — 2019-yillarda toʻqimachilik va tikuv-trikotaj sanoatini yanada rivojlantirish chora-tadbirlari dasturi toʻgʻrisida” 2016-yil 21-dekabrdagi PQ-2687-son qarori 6-bandining beshinchi xatboshidagi “ularni amalga oshirish doirasida tuziladigan import shartnomalari esa — Oʻzbekiston Respublikasi Investitsiyalar boʻyicha davlat qoʻmitasida” soʻzlari chiqarib tashlansin.

6. Oʻzbekiston Respublikasi Prezidentining “Oziq-ovqat, charm-poyabzal va farmatsevtika sanoatidagi investitsiya loyihalarini moliyalashtirish manbalarini kengaytirishga doir chora-tadbirlar toʻgʻrisida” 2017-yil 6-yanvardagi PQ-2718-son qarori 3-bandining toʻrtinchi xatboshidagi “ularni amalga oshirish doirasida zamonaviy import asbob-uskunalarni va texnologiyalarni xarid qilish boʻyicha tuziladigan import kontraktlari esa — Oʻzbekiston Respublikasi Investitsiyalar boʻyicha davlat qoʻmitasida” soʻzlari chiqarib tashlansin.

7. Oʻzbekiston Respublikasi Prezidentining “2017 — 2021-yillarda elektrotexnika sanoatini boshqarishni yanada takomillashtirish, jadal rivojlantirish va diversifikatsiya qilish chora-tadbirlari toʻgʻrisida” 2017-yil 13-fevraldagi PQ-2772-son qarori 9-bandidagi “ularni amalga oshirish doirasida zamonaviy import asbob-uskunalarni va texnologiyalarni xarid qilish boʻyicha tuziladigan import kontraktlari esa — Oʻzbekiston Respublikasi Investitsiyalar boʻyicha davlat qoʻmitasida” soʻzlari chiqarib tashlansin.

8. Vazirlar Mahkamasining “Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida” 1998-yil 31-martdagi 137-son qarori 7-bandining ikkinchi xatboshi va qarorga 1-ilova oʻz kuchini yoʻqotgan deb hisoblansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 3-noyabr,

PF-5215-son

lex.uz