UzbekAI

Ўзбекистон Республикаси Президентининг

Фармойиши

ТАРКИБИ

2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат дастури лойиҳасини ишлаб чиқишга доир ташкилий чора-тадбирлар тўғрисида

Ўзбекистон Республикаси Президентининг 2017 йил 22 декабрдаги Олий Мажлисга Мурожаатномасида баён қилинган ғоя ва кўрсатмаларни ҳаётга жорий этишнинг ҳар томонлама пухта ўйланган, асослантирилган ташкилий-ҳуқуқий ҳамда молиявий-иқтисодий механизмларини ишлаб чиқиш, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини (кейинги ўринларда Ҳаракатлар стратегияси деб юритилади) «Фаол тадбиркорлик, инновацион ғоялар ва технологияларни қўллаб-қувватлаш йили»да амалга ошириш бўйича аниқ чора-тадбирларни белгилаш мақсадида:

1. Ўзбекистон Республикаси Президентининг 2017 йил 7 февралдаги «Ўзбекистон Республикасини янада ривожлантириш бўйича Ҳаракатлар стратегияси тўғрисида»ги Фармони билан Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар зиммасига Ҳаракатлар стратегиясини 2018 — 2021 йилларда амалга ошириш бўйича йиллик давлат дастурлари лойиҳаларини тайёрлаш вазифаси юклатилганлиги маълумот учун қабул қилинсин.

2. «Фаол тадбиркорлик, инновацион ғоялар ва технологияларни қўллаб-қувватлаш йили»да Ҳаракатлар стратегиясини амалга ошириш бўйича Давлат дастури лойиҳасини ишлаб чиқиш бўйича иловага мувофиқ таркибда йиғма ишчи гуруҳ ташкил этилсин.

Йиғма ишчи гуруҳ (О. Муродов) Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар билан биргаликда:

2017 йилда Ҳаракатлар стратегиясини амалга оширилишини, йўл қўйилган камчиликлар ва хатоларни, жамоатчилик, миллий ҳамда халқаро экспертлар фикрларини ўрганиш натижаларини, шунингдек ўтказилган конференциялар, семинарлар, давра суҳбатлари якунларини танқидий таҳлилдан ўтказсин;

2018 йилнинг 5 январигача бўлган муддатда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат дастури лойиҳасини (кейинги ўринларда Давлат дастури деб юритилади) ишлаб чиқсин.

3. Давлат дастури лойиҳасини тайёрлашда қуйидаги муҳим, устувор вазифаларни амалга ошириш бўйича аниқ чора-тадбирлар ишлаб чиқилишига алоҳида эътибор қаратилсин:

Давлат дастури «Халқ давлат идораларига эмас, балки давлат идоралари халқимизга хизмат қилиши керак» деган эзгу ғояни ҳаётга сўзсиз жорий этишга қаратилган сиёсатнинг мантиқий давоми бўлиши керак;

Давлат дастурида «қонуннинг бирдан-бир манбаи ва муаллифи том маънода халқ бўлиши шарт», «мамлакат ҳаётига тааллуқли энг муҳим қарорлар халқ билан бевосита мулоқот асосида, жамоатчилик фикрини инобатга олган ҳолда қабул қилинади» деган тамойилларни рўёбга чиқариш бўйича амалий чора-тадбирларни акс эттириш зарур;

белгиланаётган тадбирлар халқ билан бевосита мулоқот натижаларига асосланиши, шунингдек аҳолининг кенг қатламини безовта қилаётган долзарб муаммоларнинг ечимини, жамият ва давлат ҳаётининг барча соҳаларидаги вазиятни тубдан яхшилаш бўйича амалий қадамларни кўзда тутиши керак;

кенг кўламли ислоҳотлар ва ўзгаришлар, биринчи навбатда, аҳоли фаровонлигини узоқ келажакда эмас, айнан бугун яхшилашга йўналтирилган бўлиши ҳамда уларнинг кундалик ҳаётида акс этиши керак;

янги шароитларда давлат хизматлари кўрсатиш тизимини тубдан такомиллаштириш ва кенг ривожлантириш фуқароларнинг эҳтиёжларини қондиришни таъминловчи устувор йўналиш бўлиши керак;

ўсиб бораётган глобал рақобат шароитида барқарор иқтисодий равнаққа эришиш инновацион ривожланиш моделига ўтиш, инновациялар, янги технологияларни ҳаётга фаол жорий этиш, шунингдек прогрессив, замонавий фикрлайдиган, ташаббускор фуқаролар ва тадбиркорларни қўллаб-қувватлаш орқали таъминланиши керак;

ишлаб чиқилаётган тадбирлар аниқ натижага йўналтирилган, равшан мақсад ва амалга ошириш механизмига эга бўлиши, шунингдек бошқа дастурлар доирасида бажарилаётган чора-тадбирлар билан ўзаро боғлиқ бўлиши керак.

4. Йиғма ишчи гуруҳ (О. Муродов):

2018 йилнинг 5 январидан 18 январигача бўлган даврда Давлат дастури лойиҳасини кенг жамоатчилик муҳокамасини, шу жумладан Интернет тармоғига жойлаштириш орқали ташкил этсин;

2018 йилнинг 20 январигача бўлган муддатда жамоатчилик муҳокамаси натижалари ва келиб тушган таклифларни таҳлил қилган ҳолда қайта ишланган Давлат дастури лойиҳасини тасдиқлаш учун киритсин.

5. Мазкур фармойишнинг ижросини назорат қилиш Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар раҳбарлари зиммасига юклансин.

Ўзбекистон Республикаси Президентининг 2017 йил 28 декабрдаги Ф-5155-сон фармойишига ИЛОВА

«Фаол тадбиркорлик, инновацион ғоялар ва технологияларни қўллаб-қувватлаш йили»да Ҳаракатлар стратегиясини амалга ошириш бўйича Давлат дастури лойиҳасини ишлаб чиқиш бўйича йиғма ишчи гуруҳ

1. Муродов О.Б. — Ўзбекистон Республикаси Президентининг Давлат маслаҳатчиси, гуруҳ раҳбари 2. Мавлонов Б.М. — Ўзбекистон Республикаси Бош прокурорининг ўринбосари, гуруҳ раҳбари ўринбосари 3. Хидоятов Г.Б. — Ўзбекистон Республикаси Президентининг Давлат маслаҳатчиси ўринбосари 4. Мухамедов Ф.Э. — Ўзбекистон Республикаси Президенти ҳузуридаги Амалдаги қонун ҳужжатлари мониторинги институти директори 5. Тойчиев Н.Д. — Ўзбекистон Республикаси Вазирлар Маҳкамаси аппарати бошқарувчисининг ўринбосари 6. Жўраев Н.С. — Ўзбекистон Республикаси адлия вазирининг биринчи ўринбосари 7. Каньязов Е.С. — Ўзбекистон Республикаси адлия вазирининг ўринбосари — Тошкент давлат юридик университетининг ректори 8. лавозими бўйича — Ўзбекистон Республикаси инновацион ривожланиш вазирининг ўринбосари 9. Ханаев У.У. — Ўзбекистон Республикаси Президенти девонининг бош инспектори 10. Ачилов Ж.А. — Ўзбекистон Республикаси Президенти девонининг бош инспектори 11. Хакимов Р.Р. — Ўзбекистон Республикаси Олий Мажлиси Қонунчилик палатаси депутати 12. Бурханов А.Э. — Ўзбекистон Республикаси Олий Мажлиси Қонунчилик палатаси депутати, «Тараққиёт стратегияси» Маркази ижрочи директори 13. Рустамбеков Н.М. — Ўзбекистон Республикаси Бош прокуратураси бошқарма бошлиғи 14. Сотиболдиев Ж.К. — Ўзбекистон Республикаси Бош прокуратураси бошқарма бошлиғи

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 28 декабрь,

Ф-5155-сон

(Қонун ҳужжатлари маълумотлари миллий базаси, 28.12.2017 й., 08/17/5155/0472-сон)

Oʻzbekiston Respublikasi Prezidentining

Farmoyishi

TARKIBI

2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid davlat dasturi loyihasini ishlab chiqishga doir tashkiliy chora-tadbirlar toʻgʻrisida

Oʻzbekiston Respublikasi Prezidentining 2017-yil 22-dekabrdagi Oliy Majlisga Murojaatnomasida bayon qilingan gʻoya va koʻrsatmalarni hayotga joriy etishning har tomonlama puxta oʻylangan, asoslantirilgan tashkiliy-huquqiy hamda moliyaviy-iqtisodiy mexanizmlarini ishlab chiqish, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini (keyingi oʻrinlarda Harakatlar strategiyasi deb yuritiladi) “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirish boʻyicha aniq chora-tadbirlarni belgilash maqsadida:

1. Oʻzbekiston Respublikasi Prezidentining 2017-yil 7-fevraldagi “Oʻzbekiston Respublikasini yanada rivojlantirish boʻyicha Harakatlar strategiyasi toʻgʻrisida”gi Farmoni bilan Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar zimmasiga Harakatlar strategiyasini 2018 — 2021-yillarda amalga oshirish boʻyicha yillik davlat dasturlari loyihalarini tayyorlash vazifasi yuklatilganligi maʼlumot uchun qabul qilinsin.

2. “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da Harakatlar strategiyasini amalga oshirish boʻyicha Davlat dasturi loyihasini ishlab chiqish boʻyicha ilovaga muvofiq tarkibda yigʻma ishchi guruh tashkil etilsin.

Yigʻma ishchi guruh (O. Murodov) Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar bilan birgalikda:

2017-yilda Harakatlar strategiyasini amalga oshirilishini, yoʻl qoʻyilgan kamchiliklar va xatolarni, jamoatchilik, milliy hamda xalqaro ekspertlar fikrlarini oʻrganish natijalarini, shuningdek oʻtkazilgan konferensiyalar, seminarlar, davra suhbatlari yakunlarini tanqidiy tahlildan oʻtkazsin;

2018-yilning 5-yanvarigacha boʻlgan muddatda 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid davlat dasturi loyihasini (keyingi oʻrinlarda Davlat dasturi deb yuritiladi) ishlab chiqsin.

3. Davlat dasturi loyihasini tayyorlashda quyidagi muhim, ustuvor vazifalarni amalga oshirish boʻyicha aniq chora-tadbirlar ishlab chiqilishiga alohida eʼtibor qaratilsin:

Davlat dasturi “Xalq davlat idoralariga emas, balki davlat idoralari xalqimizga xizmat qilishi kerak” degan ezgu gʻoyani hayotga soʻzsiz joriy etishga qaratilgan siyosatning mantiqiy davomi boʻlishi kerak;

Davlat dasturida “qonunning birdan-bir manbai va muallifi tom maʼnoda xalq boʻlishi shart”, “mamlakat hayotiga taalluqli eng muhim qarorlar xalq bilan bevosita muloqot asosida, jamoatchilik fikrini inobatga olgan holda qabul qilinadi” degan tamoyillarni roʻyobga chiqarish boʻyicha amaliy chora-tadbirlarni aks ettirish zarur;

belgilanayotgan tadbirlar xalq bilan bevosita muloqot natijalariga asoslanishi, shuningdek aholining keng qatlamini bezovta qilayotgan dolzarb muammolarning yechimini, jamiyat va davlat hayotining barcha sohalaridagi vaziyatni tubdan yaxshilash boʻyicha amaliy qadamlarni koʻzda tutishi kerak;

keng koʻlamli islohotlar va oʻzgarishlar, birinchi navbatda, aholi farovonligini uzoq kelajakda emas, aynan bugun yaxshilashga yoʻnaltirilgan boʻlishi hamda ularning kundalik hayotida aks etishi kerak;

yangi sharoitlarda davlat xizmatlari koʻrsatish tizimini tubdan takomillashtirish va keng rivojlantirish fuqarolarning ehtiyojlarini qondirishni taʼminlovchi ustuvor yoʻnalish boʻlishi kerak;

oʻsib borayotgan global raqobat sharoitida barqaror iqtisodiy ravnaqqa erishish innovatsion rivojlanish modeliga oʻtish, innovatsiyalar, yangi texnologiyalarni hayotga faol joriy etish, shuningdek progressiv, zamonaviy fikrlaydigan, tashabbuskor fuqarolar va tadbirkorlarni qoʻllab-quvvatlash orqali taʼminlanishi kerak;

ishlab chiqilayotgan tadbirlar aniq natijaga yoʻnaltirilgan, ravshan maqsad va amalga oshirish mexanizmiga ega boʻlishi, shuningdek boshqa dasturlar doirasida bajarilayotgan chora-tadbirlar bilan oʻzaro bogʻliq boʻlishi kerak.

4. Yigʻma ishchi guruh (O. Murodov):

2018-yilning 5-yanvaridan 18-yanvarigacha boʻlgan davrda Davlat dasturi loyihasini keng jamoatchilik muhokamasini, shu jumladan Internet tarmogʻiga joylashtirish orqali tashkil etsin;

2018-yilning 20-yanvarigacha boʻlgan muddatda jamoatchilik muhokamasi natijalari va kelib tushgan takliflarni tahlil qilgan holda qayta ishlangan Davlat dasturi loyihasini tasdiqlash uchun kiritsin.

5. Mazkur farmoyishning ijrosini nazorat qilish Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar rahbarlari zimmasiga yuklansin.

Oʻzbekiston Respublikasi Prezidentining 2017-yil 28-dekabrdagi F-5155-son farmoyishiga ILOVA

“Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da Harakatlar strategiyasini amalga oshirish boʻyicha Davlat dasturi loyihasini ishlab chiqish boʻyicha yigʻma ishchi guruh

1. Murodov O.B. — Oʻzbekiston Respublikasi Prezidentining Davlat maslahatchisi, guruh rahbari 2. Mavlonov B.M. — Oʻzbekiston Respublikasi Bosh prokurorining oʻrinbosari, guruh rahbari oʻrinbosari 3. Xidoyatov G.B. — Oʻzbekiston Respublikasi Prezidentining Davlat maslahatchisi oʻrinbosari 4. Muxamedov F.E. — Oʻzbekiston Respublikasi Prezidenti huzuridagi Amaldagi qonun hujjatlari monitoringi instituti direktori 5. Toychiyev N.D. — Oʻzbekiston Respublikasi Vazirlar Mahkamasi apparati boshqaruvchisining oʻrinbosari 6. Joʻrayev N.S. — Oʻzbekiston Respublikasi adliya vazirining birinchi oʻrinbosari 7. Kanyazov E.S. — Oʻzbekiston Respublikasi adliya vazirining oʻrinbosari — Toshkent davlat yuridik universitetining rektori 8. lavozimi boʻyicha — Oʻzbekiston Respublikasi innovatsion rivojlanish vazirining oʻrinbosari 9. Xanayev U.U. — Oʻzbekiston Respublikasi Prezidenti devonining bosh inspektori 10. Achilov J.A. — Oʻzbekiston Respublikasi Prezidenti devonining bosh inspektori 11. Xakimov R.R. — Oʻzbekiston Respublikasi Oliy Majlisi Qonunchilik palatasi deputati 12. Burxanov A.E. — Oʻzbekiston Respublikasi Oliy Majlisi Qonunchilik palatasi deputati, “Taraqqiyot strategiyasi” Markazi ijrochi direktori 13. Rustambekov N.M. — Oʻzbekiston Respublikasi Bosh prokuraturasi boshqarma boshligʻi 14. Sotiboldiyev J.K. — Oʻzbekiston Respublikasi Bosh prokuraturasi boshqarma boshligʻi

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 28-dekabr,

F-5155-son

(Qonun hujjatlari maʼlumotlari milliy bazasi, 28.12.2017-y., 08/17/5155/0472-son)

Президента Республики Узбекистан

Распоряжение

СОСТАВ

Об организационных мерах по разработке проекта Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий»

В целях выработки всесторонне продуманных, обоснованных организационно-правовых и финансово-экономических механизмов воплощения в жизнь идей и установок, озвученных 22 декабря 2017 года в Послании Президента Республики Узбекистан Олий Мажлису, а также определения конкретных мер по реализации Стратегии действий по пяти приоритетным направлениям развития Республики Узбекистан в 2017 — 2021 годах (далее — Стратегия действий) в «Год поддержки активного предпринимательства, инновационных идей и технологий»:

1. Принять к сведению, что Указом Президента Республики Узбекистан от 7 февраля 2017 года «О Стратегии действий по дальнейшему развитию Республики Узбекистан» на комиссии по реализации приоритетных направлений развития Республики Узбекистан, предусмотренных Стратегией действий, возложена подготовка проектов ежегодных государственных программ по реализации Стратегии действий в 2018 — 2021 годах.

2. Создать Сводную рабочую группу по подготовке проекта Государственной программы по реализации Стратегии действий в «Год поддержки активного предпринимательства, инновационных идей и технологий» в составе согласно приложению .

Сводной рабочей группе (Муродов О.) совместно с комиссиями по реализации приоритетных направлений развития Республики Узбекистан, предусмотренных Стратегией действий:

провести критический анализ реализации Стратегии действий в 2017 году, допущенных недостатков и упущений, результатов изучения мнений общественности, национальных и международных экспертов, а также итогов проведенных конференций, семинаров, «круглых столов»;

в срок до 5 января 2018 года подготовить проект Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий» (далее — Государственная программа).

3. При разработке проекта Государственной программы особое внимание обратить на выработку конкретных мер по реализации следующих важнейших приоритетных задач:

Государственная программа должна стать логическим продолжением политики, направленной на безусловное утверждение в жизни благородной идеи «Не народ служит государственным органам, а государственные органы должны служить народу»;

в Государственной программе необходимо отразить практические меры по реализации принципов «народ является единственным источником и автором законов», «важнейшие решения, касающиеся жизни страны, принимаются на основе непосредственного диалога с народом, с учетом мнений общественности»;

намечаемые мероприятия должны основываться на результатах прямого диалога с народом, а также предусматривать решение актуальных, волнующих широкие слои населения проблем, практичные шаги по коренному улучшению ситуации во всех сферах общественной и государственной жизни;

широкомасштабные реформы и преобразования, прежде всего, должны быть направлены на улучшение благосостояния людей не в далеком будущем, а в кратчайшие сроки и реально отражаться в их повседневной жизни;

коренное совершенствование и широкое развитие системы оказания государственных услуг в новых условиях должно стать приоритетным направлением, обеспечивающим удовлетворение потребностей граждан;

благополучное экономическое процветание в условиях возрастающей глобальной конкуренции должно обеспечиваться за счет перехода на модель инновационного развития, активного внедрения в жизнь инноваций, новых технологий, а также поддержки прогрессивных, современно мыслящих, инициативных граждан и предпринимателей;

разрабатываемые мероприятия должны быть ориентированы на конкретный результат, иметь четкие цели и механизмы реализации, а также взаимоувязаны с мерами, предпринимаемыми в рамках других программ.

4. Сводной рабочей группе (Муродов О.):

в период с 5 по 15 января 2018 года организовать широкое общественное обсуждение проекта Государственной программы, в том числе посредством его размещения в сети Интернет;

в срок до 20 января 2018 года на основе анализа результатов общественного обсуждения и поступивших предложений внести доработанный проект Государственной программы на утверждение.

5. Контроль за исполнением настоящего распоряжения возложить на руководителей комиссий по реализации приоритетных направлений развития Республики Узбекистан, предусмотренных Стратегией действий .

ПРИЛОЖЕНИЕ к распоряжению Президента Республики Узбекистан от 28 декабря 2017 года № Р-5155

Сводной рабочей группы по подготовке проекта Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий»

1. Муродов О.Б. — Государственный советник Президента Республики Узбекистан, руководитель группы 2. Мавлонов Б.М. — заместитель Генерального прокурора Республики Узбекистан, заместитель руководителя группы 3. Хидоятов Г.Б. — заместитель Государственного советника Президента Республики Узбекистан 4. Мухамедов Ф.Э. — директор Института мониторинга действующего законодательства при Президенте Республики Узбекистан 5. Тойчиев Н.Д. — заместитель Управляющего аппарата Кабинета Министров Республики Узбекистан 6. Жураев Н.С. — первый заместитель министра юстиции Республики Узбекистан 7. Каньязов Е.С. — заместитель министра юстиции Республики Узбекистан — ректор Ташкентского государственного юридического университета 8. по должности — заместитель министра инновационного развития Республики Узбекистан 9. Ханаев У.У. — главный инспектор аппарата Президента Республики Узбекистан 10. Ачилов Ж.А. — главный инспектор аппарата Президента Республики Узбекистан И. Хакимов Р.Р. — депутат Законодательной палаты Олий Мажлиса Республики Узбекистан 12. Бурханов А.Э. — депутат Законодательной палаты Олий Мажлиса Республики Узбекистан, исполнительный директор Центра «Стратегия развития» 13. Рустамбеков Н.М. — начальник управления Генеральной прокуратуры Республики Узбекистан 14. Сотиболдиев Ж.К. — начальник управления Генеральной прокуратуры Республики Узбекистан

Президент Республики Узбекистан Ш. МИРЗИЁЕВ

г. Ташкент,

28 декабря 2017 г.,

№ Р-5155

(Национальная база данных законодательства, 28.12.2017 г., № 08/17/5155/0472)