📅 2017-yil 29-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2017 г. · Постановления Президента
Официальный текст. Официальный документ. Редакционные примечания не включены.
📅 29 December 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ПАРАМЕТРЛАР
Хусусий тиббиёт ташкилотларини ривожлантириш бўйича қўшимча шарт-шароитларни яратиш тўғрисида
Ўзбекистон Республикаси Президентининг 2017 йил 1 апрелдаги «Соғлиқни сақлаш соҳасида хусусий секторни янада ривожлантириш чора-тадбирлари тўғрисида»ги ПҚ-2863-сон қарорига мувофиқ, соғлиқни сақлашнинг хусусий секторини янада ривожлантириш бўйича хусусий тиббиёт ташкилотларининг фаолияти учун қулай шарт-шароитлар яратиш, улар фаолиятини тартибга солиш ва лицензиялаш тизимини такомиллаштириш, кўрсатилаётган хизматлар ҳажми ва турларини оширишни рағбатлантиришга қаратилган кенг кўламли ишлар амалга оширилди.
Ўтган давр мобайнида соғлиқни сақлашнинг хусусий сектори томонидан кўрсатилаётган тиббий хизматлар турлари 50 тадан 126 тага кўпайди. Стоматология ва косметология ташкилотларидан ташқари хусусий тиббиёт ташкилотлари 2022 йилнинг 1 январигача барча турдаги солиқлар ва мажбурий ажратмаларни тўлашдан, шунингдек олиб келинадиган янги тиббиёт асбоб-ускуналар, бутловчи буюмлар, уларнинг эҳтиёт қисмлари ва зарур материаллар учун божхона тўловларини тўлашдан озод этилди.
Қишлоқ жойларда тиббий хизматлар кўрсатиш соҳасида янги ташкил этиладиган микрофирмалар ва кичик корхоналар давлат рўйхатига олинган кундан бошлаб 10 йил муддатга ягона солиқ тўловини тўлашдан озод этилиши қишлоқ ва олис туманларда хусусий тиббиётни жадал ривожлантириш имконини берди.
Натижада, хусусий тиббиёт муассасаларининг сони 440 тага кўпайиб, уларнинг умумий сони 4 мингга етди.
Шу билан бирга, давлат тиббиёт муассасаларининг айрим функцияларини соғлиқни сақлашнинг хусусий секторига ўтказиш, мазкур соҳада давлат-хусусий шерикчилигини ривожлантириш, шунингдек республикада ва чет элда тиббий кадрларнинг малакасини ошириш, тиббиёт ташкилотларини аккредитациялаш тизимини жорий этиш масалалари долзарблигича қолмоқда.
Соғлиқни сақлашнинг хусусий секторини ривожлантиришни янада рағбатлантириш, кадрларни тайёрлаш, қайта тайёрлаш ва малакасини ошириш учун шарт-шароитларни яхшилаш, шунингдек кўрсатилаётган тиббий хизматлар ҳажмларини янада кенгайтириш, хусусий тиббиёт соҳасига инвестицияларни жалб қилиш мақсадида:
1. Ўзбекистон Республикаси Соғлиқни сақлаш вазирлиги (Шодмонов) ва Ўзбекистон Республикаси Молия вазирлиги (Қўчқоров)нинг давлат тиббиёт ташкилотлари функцияларини давлат-хусусий шерикчилиги асосида тадбиркорлик субъектларига ўтказиш юзасидан чора-тадбирларни босқичма-босқич амалга ошириш:
ёрдамчи бўлинмалар (озиқ-овқат блоклари, кир ювиш хоналари ва бошқалар) фаолиятини таъминлаш;
рўйхати Ўзбекистон Республикаси Соғлиқни сақлаш вазирлиги томонидан аниқланадиган айрим тиббий хизматларни кўрсатиш юзасидан таклифлари маъқуллансин.
2. 2018-2019 йилларда ҳудудларда хусусий тиббиёт ташкилотларини ташкил этиш ва фаолиятини кенгайтириш бўйича параметрлар иловага мувофиқ тасдиқлансин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
бир ҳафталик муддатда 2018-2019 йилларда хусусий тиббиёт ташкилотларини ташкил этиш ва фаолиятини кенгайтириш бўйича лойиҳаларнинг манзилли рўйхати (кейинги ўринларда манзилли рўйхат деб аталади) ва унинг «Йўл харитаси»ни мазкур қарор иловасига мувофиқ тасдиқласин.
Ўзбекистон Республикаси Ер ресурслари, геодезия, картография ва давлат кадастри Давлат қўмитаси билан биргаликда манзилли рўйхат лойиҳалари ташаббускорларига улар белгиланган тартибда зарур ҳужжатларни тақдим этганда қурилишни амалга ошириш учун ер майдонлари ажратсин;
4. Ўзбекистон Республикаси Соғлиқни сақлаш вазирлиги, Ўзбекистон Республикаси Олий ва ўрта махсус таълим вазирлиги ва «AKFA MEDLINE» масъулияти чекланган жамиятининг:
Тошкент шаҳрида Корея Республикаси етакчи олий тиббий таълим муассасаларидан бирининг фаолиятини ташкил этиш;
Корея Республикасининг тиббиёт марказлари ва олий таълим муассасалари билан ҳамкорликда «АКFА MEDLINE» МЧЖ хусусий клиникаси негизида хусусий тиббиёт муассасаларини ривожлантириш ва маҳаллий тиббиёт кадрлари малакасини ошириш Марказини ташкил этиш;
Корея Республикасининг илғор клиникалари ва тиббиёт марказларининг диагностика, даволаш, сервис ва менежмент масалалари бўйича тиббий хизмат кўрсатиш бўйича тажрибасини ўрганиш ва мамлакатимиз тиббиётига жорий этиш учун улар билан ҳамкорликни йўлга қўйиш;
«АКFА MEDLINE» масъулияти чекланган жамиятининг ҳудудий филиалларини ташкил этиш бўйича таклифлари маъқуллансин.
5. Ўзбекистон Республикаси Соғлиқни сақлаш вазирлиги (Юсупалиев) Олий ва ўрта махсус таълим вазирлиги (Набиев) ҳамда «АКFА MEDLINE» МЧЖ (Нигманов) билан биргаликда бир ой муддатда мазкур қарорнинг 4-бандида назарда тутилган таклифларни амалга ошириш бўйича дастур лойиҳасини (Йўл харитасини) Ўзбекистон Республикаси Вазирлар Маҳкамасига тасдиқлаш учун киритсин.
7. «Асака» акциядорлик-тижорат банки (Муллажонов) Ўзбекистон Республикаси Соғлиқни сақлаш вазирлиги (Юсупалиев) билан биргаликда бир ой муддатда «Асака» акциядорлик-тижорат банки қошидаги нодавлат тиббиёт муассасаларини ривожлантириш жамғармаси маблағларининг қуйидаги харажатлар нисбатини назарда тутадиган фойдаланиш тартибини тасдиқласин:
беш фоиз — юқори малакали хорижий мутахассисларни жалб қилиш ва хусусий тиббиёт ташкилотлари шифокорларини хорижий мамлакатларга малака ошириш учун юборишга;
тўқсон беш фоиз — хусусий тиббиёт ташкилотларини замонавий тиббий асбоб-ускуналар билан жиҳозлашга.
8. Ўзбекистон Республикаси Вазирлар Маҳкамаси бир ой муддатда республиканинг ҳар бир ҳудуди учун 1 миллион АҚШ доллари миқдорида ресурслар ҳажмини назарда тутган ҳолда, «Асака» акциядорлик-тижорат банки қошидаги нодавлат тиббиёт муассасаларини ривожлантириш жамғармасининг 14 миллион АҚШ доллари миқдоридаги маблағларини шакллантириш манбаларини аниқласин.
10. Ўзбекистон Республикаси Соғлиқни сақлаш вазирлиги (Юсупалиев):
а) икки ой муддатда:
хусусий тиббиёт ташкилотлари мутахассисларини қайта тайёрлаш ва уларнинг малакасини ошириш учун хорижга юбориш, шунингдек хориждан юқори малакали мутахассисларни жалб қилиш тартибини;
Ўзбекистон Республикаси Молия вазирлиги (Ҳайдаров) билан биргаликда давлат тиббиёт ташкилотлари томонидан кўрсатиладиган хизмат турларини тадбиркорлик субъектларига бериш тартибини;
Ўзбекистон Республикаси Олий ва ўрта махсус таълим вазирлиги (Набиев) билан биргаликда етакчи хусусий тиббиёт ташкилотлари инфратузилмасини шартнома асосида тиббий касб-ҳунар коллежлари ва олий таълим муассасалари талабалари, малакасини ошираётган амалиётчи шифокорлар учун ўқув база сифатида фойдаланиш тартибини тасдиқласин ҳамда 2018-2019 ўқув йилидан бошлаб жорий этсин;
б) манфаатдор вазирликлар ва идоралар билан биргаликда уч ой муддатда:
тиббиёт ташкилотлари фаолиятининг шаффофлигини таъминлаш ҳамда кўрсатилаётган тиббий хизматлар сифатини ошириш мақсадида тиббиёт ташкилотларини аккредитациядан ўтказиш тизимини босқичма-босқич жорий этиш концепциясини;
ҳуқуқий тартибга солиш механизмларини, тегишли инфратузилмага эга бўлган замонавий тиббиёт мажмуаларини барпо этишни, мижозларнинг мамлакатда бўлиш даврида уларга ташкилий-маслаҳат кўмагини кўрсатган ҳолда мамлакатга кириш ва чиқишнинг соддалаштирилган тартибини назарда тутувчи тиббий туризмни ривожлантириш концепциясини;
хусусий тиббиёт ташкилотлари ахборот тизимларини «Соғлиқни сақлаш» ахборот тизимлари комплексига ва кейинчалик Ягона интерактив давлат хизматлари порталига интеграциялаш бўйича таклифларни ишлаб чиқсин ва Ўзбекистон Республикаси Вазирлар Маҳкамасига киритсин.
в) манфаатдор вазирликлар ва идоралар билан биргаликда уч ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг бажарилишини назорат қилиш Ўзбекистон Республикаси Президентининг Давлат маслаҳатчиси Р. Касимов ва Ўзбекистон Республикаси Бош вазири ўринбосари Қ. Акмалов зиммасига юклансин.
Ўзбекистон Республикаси Президентининг 2017 йил 29 декабрдаги ПҚ-3450-сон қарорига ИЛОВА
2018-2019 йилларда ҳудудларда хусусий тиббиёт ташкилотларини ташкил этиш ва фаолиятини кенгайтириш бўйича
№ Ҳудудлар Жами Хориж инвестицияси иштирокида шу жумладан: янги ташкил этиладиганлар фаолияти кенгаядиганлар 2018 йил 2019 йил 2018 йил 2019 йил 1 . Қорақалпоғистон Республикаси 39 5 10 9 10 10 2 . Андижон вилояти 46 5 13 11 11 11 3 . Бухоро вилояти 52 5 13 23 13 3 4 . Жиззах вилояти 23 4 9 3 7 4 5 . Қашқадарё вилояти 33 6 10 5 9 9 6 . Навоий вилояти 22 3 5 4 8 5 7 . Наманган вилояти 34 5 14 4 8 8 8 . Самарқанд вилояти 36 6 11 7 8 10 9 . Сурхондарё вилояти 43 5 20 7 10 6 10 . Сирдарё вилояти 24 3 6 7 6 5 11 . Тошкент вилояти 40 6 21 2 11 6 12 . Фарғона вилояти 33 6 7 1 13 12 13 . Хоразм вилояти 20 5 5 5 5 5 14 . Тошкент шаҳри 91 10 16 26 17 32 Жами 536 74 160 114 136 126
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 29 декабрь,
ПҚ-3450-сон
Oʻzbekiston Respublikasi Prezidentining
Qarori
PARAMETRLAR
Xususiy tibbiyot tashkilotlarini rivojlantirish boʻyicha qoʻshimcha shart-sharoitlarni yaratish toʻgʻrisida
Oʻzbekiston Respublikasi Prezidentining 2017-yil 1-apreldagi “Sogʻliqni saqlash sohasida xususiy sektorni yanada rivojlantirish chora-tadbirlari toʻgʻrisida”gi PQ-2863-son qaroriga muvofiq, sogʻliqni saqlashning xususiy sektorini yanada rivojlantirish boʻyicha xususiy tibbiyot tashkilotlarining faoliyati uchun qulay shart-sharoitlar yaratish, ular faoliyatini tartibga solish va litsenziyalash tizimini takomillashtirish, koʻrsatilayotgan xizmatlar hajmi va turlarini oshirishni ragʻbatlantirishga qaratilgan keng koʻlamli ishlar amalga oshirildi.
Oʻtgan davr mobaynida sogʻliqni saqlashning xususiy sektori tomonidan koʻrsatilayotgan tibbiy xizmatlar turlari 50 tadan 126 taga koʻpaydi. Stomatologiya va kosmetologiya tashkilotlaridan tashqari xususiy tibbiyot tashkilotlari 2022-yilning 1-yanvarigacha barcha turdagi soliqlar va majburiy ajratmalarni toʻlashdan, shuningdek olib kelinadigan yangi tibbiyot asbob-uskunalar, butlovchi buyumlar, ularning ehtiyot qismlari va zarur materiallar uchun bojxona toʻlovlarini toʻlashdan ozod etildi.
Qishloq joylarda tibbiy xizmatlar koʻrsatish sohasida yangi tashkil etiladigan mikrofirmalar va kichik korxonalar davlat roʻyxatiga olingan kundan boshlab 10 yil muddatga yagona soliq toʻlovini toʻlashdan ozod etilishi qishloq va olis tumanlarda xususiy tibbiyotni jadal rivojlantirish imkonini berdi.
Natijada, xususiy tibbiyot muassasalarining soni 440 taga koʻpayib, ularning umumiy soni 4 mingga yetdi.
Shu bilan birga, davlat tibbiyot muassasalarining ayrim funksiyalarini sogʻliqni saqlashning xususiy sektoriga oʻtkazish, mazkur sohada davlat-xususiy sherikchiligini rivojlantirish, shuningdek respublikada va chet elda tibbiy kadrlarning malakasini oshirish, tibbiyot tashkilotlarini akkreditatsiyalash tizimini joriy etish masalalari dolzarbligicha qolmoqda.
Sogʻliqni saqlashning xususiy sektorini rivojlantirishni yanada ragʻbatlantirish, kadrlarni tayyorlash, qayta tayyorlash va malakasini oshirish uchun shart-sharoitlarni yaxshilash, shuningdek koʻrsatilayotgan tibbiy xizmatlar hajmlarini yanada kengaytirish, xususiy tibbiyot sohasiga investitsiyalarni jalb qilish maqsadida:
1. Oʻzbekiston Respublikasi Sogʻliqni saqlash vazirligi (Shodmonov) va Oʻzbekiston Respublikasi Moliya vazirligi (Qoʻchqorov)ning davlat tibbiyot tashkilotlari funksiyalarini davlat-xususiy sherikchiligi asosida tadbirkorlik subyektlariga oʻtkazish yuzasidan chora-tadbirlarni bosqichma-bosqich amalga oshirish:
yordamchi boʻlinmalar (oziq-ovqat bloklari, kir yuvish xonalari va boshqalar) faoliyatini taʼminlash;
roʻyxati Oʻzbekiston Respublikasi Sogʻliqni saqlash vazirligi tomonidan aniqlanadigan ayrim tibbiy xizmatlarni koʻrsatish yuzasidan takliflari maʼqullansin.
2. 2018-2019-yillarda hududlarda xususiy tibbiyot tashkilotlarini tashkil etish va faoliyatini kengaytirish boʻyicha parametrlar ilovaga muvofiq tasdiqlansin.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
bir haftalik muddatda 2018-2019-yillarda xususiy tibbiyot tashkilotlarini tashkil etish va faoliyatini kengaytirish boʻyicha loyihalarning manzilli roʻyxati (keyingi oʻrinlarda manzilli roʻyxat deb ataladi) va uning “Yoʻl xaritasi”ni mazkur qaror ilovasiga muvofiq tasdiqlasin.
Oʻzbekiston Respublikasi Yer resurslari, geodeziya, kartografiya va davlat kadastri Davlat qoʻmitasi bilan birgalikda manzilli roʻyxat loyihalari tashabbuskorlariga ular belgilangan tartibda zarur hujjatlarni taqdim etganda qurilishni amalga oshirish uchun yer maydonlari ajratsin;
4. Oʻzbekiston Respublikasi Sogʻliqni saqlash vazirligi, Oʻzbekiston Respublikasi Oliy va oʻrta maxsus taʼlim vazirligi va “AKFA MEDLINE” masʼuliyati cheklangan jamiyatining:
Toshkent shahrida Koreya Respublikasi yetakchi oliy tibbiy taʼlim muassasalaridan birining faoliyatini tashkil etish;
Koreya Respublikasining tibbiyot markazlari va oliy taʼlim muassasalari bilan hamkorlikda “AKFA MEDLINE” MCHJ xususiy klinikasi negizida xususiy tibbiyot muassasalarini rivojlantirish va mahalliy tibbiyot kadrlari malakasini oshirish Markazini tashkil etish;
Koreya Respublikasining ilgʻor klinikalari va tibbiyot markazlarining diagnostika, davolash, servis va menejment masalalari boʻyicha tibbiy xizmat koʻrsatish boʻyicha tajribasini oʻrganish va mamlakatimiz tibbiyotiga joriy etish uchun ular bilan hamkorlikni yoʻlga qoʻyish;
“AKFA MEDLINE” masʼuliyati cheklangan jamiyatining hududiy filiallarini tashkil etish boʻyicha takliflari maʼqullansin.
5. Oʻzbekiston Respublikasi Sogʻliqni saqlash vazirligi (Yusupaliyev) Oliy va oʻrta maxsus taʼlim vazirligi (Nabiyev) hamda “AKFA MEDLINE” MCHJ (Nigmanov) bilan birgalikda bir oy muddatda mazkur qarorning 4-bandida nazarda tutilgan takliflarni amalga oshirish boʻyicha dastur loyihasini (Yoʻl xaritasini) Oʻzbekiston Respublikasi Vazirlar Mahkamasiga tasdiqlash uchun kiritsin.
7. “Asaka” aksiyadorlik-tijorat banki (Mullajonov) Oʻzbekiston Respublikasi Sogʻliqni saqlash vazirligi (Yusupaliyev) bilan birgalikda bir oy muddatda “Asaka” aksiyadorlik-tijorat banki qoshidagi nodavlat tibbiyot muassasalarini rivojlantirish jamgʻarmasi mablagʻlarining quyidagi xarajatlar nisbatini nazarda tutadigan foydalanish tartibini tasdiqlasin:
besh foiz — yuqori malakali xorijiy mutaxassislarni jalb qilish va xususiy tibbiyot tashkilotlari shifokorlarini xorijiy mamlakatlarga malaka oshirish uchun yuborishga;
toʻqson besh foiz — xususiy tibbiyot tashkilotlarini zamonaviy tibbiy asbob-uskunalar bilan jihozlashga.
8. Oʻzbekiston Respublikasi Vazirlar Mahkamasi bir oy muddatda respublikaning har bir hududi uchun 1 million AQSH dollari miqdorida resurslar hajmini nazarda tutgan holda, “Asaka” aksiyadorlik-tijorat banki qoshidagi nodavlat tibbiyot muassasalarini rivojlantirish jamgʻarmasining 14 million AQSH dollari miqdoridagi mablagʻlarini shakllantirish manbalarini aniqlasin.
10. Oʻzbekiston Respublikasi Sogʻliqni saqlash vazirligi (Yusupaliyev):
a) ikki oy muddatda:
xususiy tibbiyot tashkilotlari mutaxassislarini qayta tayyorlash va ularning malakasini oshirish uchun xorijga yuborish, shuningdek xorijdan yuqori malakali mutaxassislarni jalb qilish tartibini;
Oʻzbekiston Respublikasi Moliya vazirligi (Haydarov) bilan birgalikda davlat tibbiyot tashkilotlari tomonidan koʻrsatiladigan xizmat turlarini tadbirkorlik subyektlariga berish tartibini;
Oʻzbekiston Respublikasi Oliy va oʻrta maxsus taʼlim vazirligi (Nabiyev) bilan birgalikda yetakchi xususiy tibbiyot tashkilotlari infratuzilmasini shartnoma asosida tibbiy kasb-hunar kollejlari va oliy taʼlim muassasalari talabalari, malakasini oshirayotgan amaliyotchi shifokorlar uchun oʻquv baza sifatida foydalanish tartibini tasdiqlasin hamda 2018-2019 oʻquv yilidan boshlab joriy etsin;
b) manfaatdor vazirliklar va idoralar bilan birgalikda uch oy muddatda:
tibbiyot tashkilotlari faoliyatining shaffofligini taʼminlash hamda koʻrsatilayotgan tibbiy xizmatlar sifatini oshirish maqsadida tibbiyot tashkilotlarini akkreditatsiyadan oʻtkazish tizimini bosqichma-bosqich joriy etish konsepsiyasini;
huquqiy tartibga solish mexanizmlarini, tegishli infratuzilmaga ega boʻlgan zamonaviy tibbiyot majmualarini barpo etishni, mijozlarning mamlakatda boʻlish davrida ularga tashkiliy-maslahat koʻmagini koʻrsatgan holda mamlakatga kirish va chiqishning soddalashtirilgan tartibini nazarda tutuvchi tibbiy turizmni rivojlantirish konsepsiyasini;
xususiy tibbiyot tashkilotlari axborot tizimlarini “Sogʻliqni saqlash” axborot tizimlari kompleksiga va keyinchalik Yagona interaktiv davlat xizmatlari portaliga integratsiyalash boʻyicha takliflarni ishlab chiqsin va Oʻzbekiston Respublikasi Vazirlar Mahkamasiga kiritsin.
v) manfaatdor vazirliklar va idoralar bilan birgalikda uch oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning bajarilishini nazorat qilish Oʻzbekiston Respublikasi Prezidentining Davlat maslahatchisi R. Kasimov va Oʻzbekiston Respublikasi Bosh vaziri oʻrinbosari Q. Akmalov zimmasiga yuklansin.
Oʻzbekiston Respublikasi Prezidentining 2017-yil 29-dekabrdagi PQ-3450-son qaroriga ILOVA
2018-2019-yillarda hududlarda xususiy tibbiyot tashkilotlarini tashkil etish va faoliyatini kengaytirish boʻyicha
№ Hududlar Jami Xorij investitsiyasi ishtirokida shu jumladan: yangi tashkil etiladiganlar faoliyati kengayadiganlar 2018-yil 2019-yil 2018-yil 2019-yil 1 . Qoraqalpogʻiston Respublikasi 39 5 10 9 10 10 2 . Andijon viloyati 46 5 13 11 11 11 3 . Buxoro viloyati 52 5 13 23 13 3 4 . Jizzax viloyati 23 4 9 3 7 4 5 . Qashqadaryo viloyati 33 6 10 5 9 9 6 . Navoiy viloyati 22 3 5 4 8 5 7 . Namangan viloyati 34 5 14 4 8 8 8 . Samarqand viloyati 36 6 11 7 8 10 9 . Surxondaryo viloyati 43 5 20 7 10 6 10 . Sirdaryo viloyati 24 3 6 7 6 5 11 . Toshkent viloyati 40 6 21 2 11 6 12 . Fargʻona viloyati 33 6 7 1 13 12 13 . Xorazm viloyati 20 5 5 5 5 5 14 . Toshkent shahri 91 10 16 26 17 32 Jami 536 74 160 114 136 126
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 29-dekabr,
PQ-3450-son
Президента Республики Узбекистан
Постановление
ПАРАМЕТРЫ
О создании дополнительных условий по дальнейшему развитию частных медицинских организаций
В соответствии с постановлением Президента Республики Узбекистан от 1 апреля 2017 года № ПП-2863 «О мерах по дальнейшему развитию частного сектора здравоохранения» проведена широкомасштабная работа по дальнейшему развитию частного сектора здравоохранения, направленная на создание благоприятных условий для деятельности частных медицинских организаций, совершенствование системы регулирования и лицензирования их деятельности, стимулирование увеличения объемов и видов оказываемых услуг.
За текущий период виды медицинских услуг, оказываемых частным сектором здравоохранения, увеличились с 50 до 126. Частные медицинские организации, кроме стоматологических и косметологических, освобождены сроком до 1 января 2022 года от уплаты всех видов налогов и обязательных отчислений, а также от таможенных платежей за ввозимые новые медицинские оборудования, комплектующие изделия, запасные части и расходные материалы к оборудованию.
Освобождение от уплаты единого налогового платежа сроком на 10 лет с момента государственной регистрации вновь создаваемых микрофирм и малых предприятий в сфере оказания медицинских услуг, расположенных в сельской местности, позволило ускорить развитие частной медицины в сельских и отдаленных районах.
В результате количество частных медицинских организаций увеличилось на 440 организаций, общее количество которых достигло 4 тысяч.
Вместе с тем, актуальными остаются вопросы передачи отдельных функций государственных медицинских организаций частному сектору здравоохранения, развития государственно-частного партнерства в данной сфере, а также повышения квалификации медицинских кадров в республике и за рубежом, внедрение системы аккредитации медицинских организаций.
В целях дальнейшего стимулирования развития частного сектора здравоохранения, улучшения условий для подготовки, переподготовки и повышения квалификации медицинских кадров, а также дальнейшего расширения объемов оказываемых медицинских услуг, привлечения инвестиций в сферу частной медицины:
1. Одобрить предложение Министерства здравоохранения Республики Узбекистан (Шадманов) и Министерства финансов Республики Узбекистан (Кучкаров) о поэтапной реализации мер по передаче субъектам предпринимательства на основе государственно-частного партнерства функций государственных медицинских организаций по:
обеспечению деятельности вспомогательных подразделений (пищеблоки, прачечные и другие);
оказанию отдельных медицинских услуг, перечень которых определяется Министерством здравоохранения Республики Узбекистан.
2. Утвердить параметры создания и расширения деятельности частных медицинских организаций в регионах в 2018-2019 годах согласно приложению .
3. Совету Министров Республики Каракалпакстан, хокимиятам областей и г. Ташкента:
в недельный срок утвердить, согласно приложению данного постановления, адресный список проектов по созданию и расширению деятельности действующих частных медицинских организаций в 2018-2019 годах (далее — адресный список) и дорожную карту к нему;
выделить инициаторам проектов адресного списка земельные участки для осуществления строительства при предоставлении ими необходимых документов совместно с Государственным комитетом Республики Узбекистан по земельным ресурсам, геодезии, картографии и государственному кадастру в установленном порядке;
4. Одобрить предложения Министерства здравоохранения Республики Узбекистан, Министерства высшего и среднего специального образования Республики Узбекистан и ООО «АКFА MEDLINE» по организации:
в городе Ташкенте деятельности одного из ведущих высших медицинских образовательных учреждений Республики Корея;
на базе частной клиники ООО «AKFA MEDLINE» Центра по развитию частных медицинских учреждений и повышения квалификации местных медицинских кадров в сотрудничестве с медицинскими центрами и высшими образовательными учреждениями Республики Корея;
сотрудничества с ведущими клиниками и медицинскими центрами Республики Корея для изучения и внедрения в отечественную медицину их опыта оказания медицинских услуг по вопросам диагностики, лечения, сервиса и менеджмента;
региональных филиалов ООО «AKFA MEDLINE».
5. Министерству здравоохранения (Юсупалиев), совместно с Министерством высшего и среднего специального образования (Набиев) и ООО «AKFA MEDLINE» (Нигманов) в месячный срок внести для утверждения в Кабинет Министров Республики Узбекистан проект программы (Дорожная карта) по реализации предложений, предусмотренных пунктом 4 настоящего постановления.
7. Акционерно-коммерческому банку «Асака» (Муллажонов) совместно с Министерством здравоохранения Республики Узбекистан (Юсупалиев) в месячный срок утвердить порядок использования средств Фонда развития негосударственных медицинских учреждений при Акционерно-коммерческом банке «Асака», предусматривающий следующую пропорцию расходов:
пять процентов — на привлечение высококвалифицированных зарубежных специалистов и направление врачей частных медицинских организаций на повышение квалификации в зарубежные страны;
девяносто пять процентов — на оснащение частных медицинских организаций современным медицинским оборудованием.
8. Кабинету Министров Республики Узбекистан в месячный срок определить источники формирования средств Фонда развития негосударственных медицинских учреждений при Акционерно-коммерческом банке «Асака» в размере 14,0 миллионов долларов США, предусмотрев объемы ресурсов по 1,0 миллиону долларов США для каждого региона республики.
10. Министерству здравоохранения Республики Узбекистан (Юсупалиев):
а) в двухмесячный срок утвердить:
порядок направления на переподготовку и повышение квалификации специалистов частных медицинских организаций за рубеж, а также привлечения высококвалифицированных зарубежных специалистов;
совместно с Министерством финансов Республики Узбекистан (Хайдаров) порядок передачи субъектам предпринимательства видов услуг, предоставляемых государственными медицинскими организациями;
совместно с Министерством высшего и среднего специального образования Республики Узбекистан (Набиев) порядок использования на договорной основе инфраструктуры ведущих частных медицинских организаций в качестве учебной базы для студентов медицинских профессиональных колледжей и высших медицинских образовательных учреждений, практикующих врачей, повышающих квалификацию, а также обеспечить внедрение данного порядка начиная с 2018/2019 учебного года;
б) совместно с заинтересованными министерствами и ведомствами в трехмесячный срок разработать и внести в Кабинет Министров Республики Узбекистан:
концепцию поэтапного внедрения системы аккредитации медицинских организаций с целью обеспечения прозрачности их деятельности и повышения качества оказываемых медицинских услуг;
концепцию развития медицинского туризма, предусматривающую механизмы правового регулирования, создание современных медицинских комплексов с соответствующей инфраструктурой, упрощенный порядок въезда и выезда пациентов с организационно-консультативным сопровождением в период их пребывания в стране;
предложения по интеграции информационных систем частных медицинских организаций с комплексной информационной системой «Здравоохранение» и в последующем с Единым порталом интерактивных государственных услуг;
в) совместно с заинтересованными министерствами и ведомствами в трехмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Государственного советника Президента Республики Узбекистан Р.С. Касимова и заместителя Премьер-министра Республики Узбекистан К.В. Акмалова.
ПРИЛОЖЕНИЕ к постановлению Президента Республики Узбекистан от 29 декабря 2017 года № ПП-3450
создания и расширения деятельности частных медицинских организаций в регионах на 2018-2019 гг.
№ Регионы Всего с участием иностранного капитала в том числе: вновь создаваемые расширяющие деятельность 2018 2019 2018 2019 1 . Республика Каракалпакстан 39 5 10 9 10 10 2 . Андижанская область 46 5 13 11 11 11 3 . Бухарская область 52 5 13 23 13 3 4 . Джизакская область 23 4 9 3 7 4 5 . Кашкадарьинекая область 33 6 10 5 9 9 6 . Навоийская область 22 3 5 4 8 5 7 . Наманганская область 34 5 14 4 8 8 8 . Самаркандская область 36 6 11 7 8 10 9 . Сурхандарьинекая область 43 5 20 7 10 6 10 . Сырдарьинская область 24 3 6 7 6 5 11 . Ташкентская область 40 6 21 2 11 6 12 . Ферганская область 33 6 7 1 13 12 13 . Хорезмская область 20 5 5 5 5 5 14 . г. Ташкент 91 10 16 26 17 32 Всего 536 74 160 114 136 126
Президент Республики Узбекистан Ш. МИРЗИЁЕВ
г. Ташкент,
29 декабря 2017 г.,
№ ПП-3450