📅 2017-yil 28-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 28 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2017 г. · Постановления Президента
Официальный текст. Официальный документ. Редакционные примечания не включены.
📅 28 December 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ислом Каримов номидаги «Тошкент» халқаро аэропортида йўловчиларга кўрсатилаётган божхона хизматларининг сифати ва самарадорлигини янада оширишга оид қўшимча чора-тадбирлар тўғрисида
Халқаро туризмни янада ривожлантириш, замонавий талаблар ва халқаро стандартларга мувофиқ йўловчиларга кўрсатилаётган хизматларнинг сифатини тубдан яхшилаш, Ислом Каримов номидаги «Тошкент» халқаро аэропортида йўловчиларнинг божхонадан ўтишдаги тартиб-таомиллари вақтини қисқартириш мақсадида:
1. Ўзбекистон Республикасининг халқаро аэропортларида 2018 йилнинг 1 январидан бошлаб икки йўлакли тизим киритилгани муносабати билан «Ислом Каримов номидаги «Тошкент» халқаро аэропорти»нинг чегара божхона пости учун Ўзбекистон Республикаси Давлат божхона қўмитасининг ихтисослаштирилган «Тошкент-АЭРО» божхона комплексига қўшимча 111 штат бирлиги ажратилсин.
Ўзбекистон Республикаси Давлат божхона қўмитаси (М. Тохирий) ажратилаётган штат бирликларини юқори малакали кадрлар билан тўлдиришни таъминласин.
2. Белгилансинки, мазкур қарор билан боғлик пул маблағлари, Ўзбекистон Республикаси Молия вазирлиги томонидан Ўзбекистон Республикаси Давлат божхона қўмитасининг асосланган ҳисоб-китоблари бўйича республика бюджетидан ажратилади.
3. Ўзбекистон Республикаси Президентининг 2014 йил 14 июлдаги «Ўзбекистон Республикаси Президентининг «Давлат божхона хизмати органлари фаолиятини янада такомиллаштириш ва самарадорлигини ошириш чора-тадбирлари тўғрисида» 2011 йил 10 августдаги ПП-1595-сонли қарорига ўзгартишлар ва қўшимча киритиш тўғрисида»ги ПҚ-2208-сонли қарорига иловага мувофиқ ўзгартишлар киритилсин.
4. Ўзбекистон Республикаси Давлат божхона қўмитаси Ўзбекистон Республикаси Молия вазирлиги ва Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
5. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Бош вазирининг ўринбосари — «Ўзагротехсаноатхолдинг» АЖ бошқаруви раиси Н.С. Отажонов ва Ўзбекистон Республикаси Давлат божхона қўмитаси раиси М.В. Тохирий зиммасига юклансин.
Ўзбекистон Республикаси Президентининг 2017 йил 28 декабрдаги ПҚ-3447-сон қарорига ИЛОВА
Ўзбекистон Республикаси Президентининг 2014 йил 14 июлдаги «Ўзбекистон Республикаси Президентининг «Давлат божхона хизмати органлари фаолиятини янада такомиллаштириш ва самарадорлигини ошириш чора-тадбирлари тўғрисида»ги 2011 йил 10 августдаги ПҚ-1595-сон қарорига ўзгартиришлар ва қўшимча киритиш ҳақидаги»ги ПҚ-2208-сон қарорига киритиладиган ўзгартиришлар
1-илованинг:
1-позицияси қуйидаги таҳрирда баён этилсин:
« 1. «Ислом Каримов номидаги «Тошкент» халқаро аэропорти» чегара пости 261 »;
«Жами» графасидаги «1 738» рақами «1 849» рақамига алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 28 декабрь,
ПҚ-3447-сон
Oʻzbekiston Respublikasi Prezidentining
Qarori
Islom Karimov nomidagi “Toshkent” xalqaro aeroportida yoʻlovchilarga koʻrsatilayotgan bojxona xizmatlarining sifati va samaradorligini yanada oshirishga oid qoʻshimcha chora-tadbirlar toʻgʻrisida
Xalqaro turizmni yanada rivojlantirish, zamonaviy talablar va xalqaro standartlarga muvofiq yoʻlovchilarga koʻrsatilayotgan xizmatlarning sifatini tubdan yaxshilash, Islom Karimov nomidagi “Toshkent” xalqaro aeroportida yoʻlovchilarning bojxonadan oʻtishdagi tartib-taomillari vaqtini qisqartirish maqsadida:
1. Oʻzbekiston Respublikasining xalqaro aeroportlarida 2018-yilning 1-yanvaridan boshlab ikki yoʻlakli tizim kiritilgani munosabati bilan “Islom Karimov nomidagi “Toshkent” xalqaro aeroporti”ning chegara bojxona posti uchun Oʻzbekiston Respublikasi Davlat bojxona qoʻmitasining ixtisoslashtirilgan “Toshkent-AERO” bojxona kompleksiga qoʻshimcha 111 shtat birligi ajratilsin.
Oʻzbekiston Respublikasi Davlat bojxona qoʻmitasi (M. Toxiriy) ajratilayotgan shtat birliklarini yuqori malakali kadrlar bilan toʻldirishni taʼminlasin.
2. Belgilansinki, mazkur qaror bilan bogʻlik pul mablagʻlari, Oʻzbekiston Respublikasi Moliya vazirligi tomonidan Oʻzbekiston Respublikasi Davlat bojxona qoʻmitasining asoslangan hisob-kitoblari boʻyicha respublika budjetidan ajratiladi.
3. Oʻzbekiston Respublikasi Prezidentining 2014-yil 14-iyuldagi “Oʻzbekiston Respublikasi Prezidentining “Davlat bojxona xizmati organlari faoliyatini yanada takomillashtirish va samaradorligini oshirish chora-tadbirlari toʻgʻrisida” 2011-yil 10-avgustdagi PP-1595-sonli qaroriga oʻzgartishlar va qoʻshimcha kiritish toʻgʻrisida”gi PQ-2208-sonli qaroriga ilovaga muvofiq oʻzgartishlar kiritilsin.
4. Oʻzbekiston Respublikasi Davlat bojxona qoʻmitasi Oʻzbekiston Respublikasi Moliya vazirligi va Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov va Oʻzbekiston Respublikasi Davlat bojxona qoʻmitasi raisi M.V. Toxiriy zimmasiga yuklansin.
Oʻzbekiston Respublikasi Prezidentining 2017-yil 28-dekabrdagi PQ-3447-son qaroriga ILOVA
Oʻzbekiston Respublikasi Prezidentining 2014-yil 14-iyuldagi “Oʻzbekiston Respublikasi Prezidentining “Davlat bojxona xizmati organlari faoliyatini yanada takomillashtirish va samaradorligini oshirish chora-tadbirlari toʻgʻrisida”gi 2011-yil 10-avgustdagi PQ-1595-son qaroriga oʻzgartirishlar va qoʻshimcha kiritish haqidagi”gi PQ-2208-son qaroriga kiritiladigan oʻzgartirishlar
1-ilovaning:
1-pozitsiyasi quyidagi tahrirda bayon etilsin:
“ 1. “Islom Karimov nomidagi “Toshkent” xalqaro aeroporti” chegara posti 261 ”;
“Jami” grafasidagi “1 738” raqami “1 849” raqamiga almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 28-dekabr,
PQ-3447-son
Президента Республики Узбекистан
Постановление
О дополнительных мерах по дальнейшему повышению качества и эффективности таможенных услуг, оказываемых пассажирам в международном аэропорту «Ташкент» имени Ислама Каримова
В целях дальнейшего развития международного туризма, кардинального улучшения качества оказываемых пассажирам услуг в соответствии с современными требованиями и международными стандартами, сокращения времени прохождения пассажирами таможенных процедур в международном аэропорту «Ташкент» имени Ислама Каримова:
1. В связи с введением с 1 января 2018 года системы двойного коридора в международных аэропортах Республики Узбекистан выделить дополнительно 111 штатных единиц для приграничного таможенного поста «Международный аэропорт «Ташкент» имени Ислама Каримова» специализированного таможенного комплекса «Ташкент-АЭРО» Государственного таможенного комитета Республики Узбекистан.
Государственному таможенному комитету Республики Узбекистан (М. Тохирий) обеспечить укомплектование выделяемых штатных единиц высококвалифицированными кадрами.
2. Установить, что денежные средства, связанные с реализацией настоящего постановления, выделяются Министерством финансов Республики Узбекистан из республиканского бюджета по обоснованным расчетам Государственного таможенного комитета Республики Узбекистан.
3. Внести изменения в постановление Президента Республики Узбекистан от 14 июля 2014 года № ПП-2208 «О внесении изменений и дополнения в постановление Президента Республики Узбекистан от 10 августа 2011 года № ПП-1595 «О мерах по дальнейшему совершенствованию и повышению эффективности деятельности органов государственной таможенной службы» согласно приложению .
4. Государственному таможенному комитету Республики Узбекистан совместно с Министерством финансов и Министерством юстиции Республики Узбекистан в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
5. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова, заместителя Премьер-министра Республики Узбекистан — председателя правления АО «Узагротехсаноатхолдинг» Н.С. Отажонова и председателя Государственного таможенного комитета Республики Узбекистан М.В. Тохирий.
ПРИЛОЖЕНИЕ к постановлению Президента Республики Узбекистан от 28 декабря 2017 года № ПП-3447
Изменения, вносимые в постановление Президента Республики Узбекистан от 14 июля 2014 года № ПП-2208 «О внесении изменений и дополнения в постановление Президента Республики Узбекистан от 10 августа 2011 года № ПП-1595 «О мерах по дальнейшему совершенствованию и повышению эффективности деятельности органов государственной таможенной службы»
В приложении № 1 :
позицию 1 изложить в следующей редакции:
« 1. Приграничный пост «Международный аэропорт «Ташкент» имени Ислама Каримова» 261 »;
В графе «Всего» цифру «1 738» заменить цифрой «1 849».
Президент Республики Узбекистан Ш. МИРЗИЁЕВ
г. Ташкент,
28 декабря 2017 г.,
№ ПП-3447