📅 2017-yil 28-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 28 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2017 г. · Указы Президента
Официальный текст. Официальный документ. Редакционные примечания не включены.
📅 28 December 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Меҳнат фаолиятини олиб бораётган пенсионерларнинг алоҳида тоифаларига қулай шароитлар яратишга доир қўшимча чора-тадбирлар тўғрисида
[Кўчирма]
Республиканинг ижтимоий-иқтисодий ривожланишига салмоқли ҳисса қўшган пенсионерларни, жумладан, ижодий фаолият билан банд бўлган шахсларни давлат томонидан ва ижтимоий қўллаб-қувватлашни янада кучайтириш, кекса одамлар тўғрисида ҳар томонлама ғамхўрлик қилиш, шунингдек, фуқароларнинг давлат пенсия таъминоти тизимини изчил такомиллаштириб бориш мақсадида:
2. Пенсияларни тўлиқ миқдорда тўлаш билан боғлиқ бўлган қўшимча харажатлар Ўзбекистон Республикаси Давлат бюджети ва Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси маблағлари ҳисобидан амалга оширилсин.
3. 2018 йилнинг 1 январь ҳолатига кўра:
тайинланган пенсия ва нафақалар ҳисобланиши тўғрилигини текшириш натижасида аниқланган ортиқча тўланган пенсия ва нафақаларнинг қолдиқ суммаси — 65 ёшга тўлган ва ундан катта ёшдаги фуқаролардан, шунингдек, 2010 йилгача бўлган даврда тайинланган пенсия ва нафақаларнинг ортиқча тўланган пули қолдиқ суммалари ҳисобдан чиқарилсин;
4. Шундай тартиб жорий этилсинки, унга мувофиқ пенсионер Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармаси туман (шаҳар) бўлимининг ортиқча тўланган пенсия суммасини ушлаб қолиш тўғрисидаги қароридан норози бўлган тақдирда, аниқланган қарздорлик у аниқланган санадан бошлаб кўпи билан уч йил учун суд орқали ундирилади.
5. Ўзбекистон Республикаси Молия вазирлигининг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг ҳудудий бўлинмалари томонидан фуқароларга иш стажини тасдиқлаш учун қонунчиликда назарда тутилган асос мавжуд бўлган тақдирда судларга даъволар тайёрлашда кўмаклашиш тўғрисидаги таклифига розилик берилсин.
Судларга ишнинг юридик фактини белгилаш қисмида шахсларнинг иш стажини тасдиқлаш тўғрисидаги даъволарини кўриб чиқиш тавсия қилинсин.
6. Ўзбекистон Республикаси Молия вазирлиги манфаатдор вазирликлар ва идоралар билан биргаликда бир ой муддатда:
қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
илгари қабул қилинган идоравий норматив-ҳуқуқий ҳужжатларини ушбу Фармонга мувофиқлаштиришни таъминласин.
7. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчкоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 28 декабрь,
ПФ-5291-сон
Oʻzbekiston Respublikasi Prezidentining
Farmoni
Mehnat faoliyatini olib borayotgan pensionerlarning alohida toifalariga qulay sharoitlar yaratishga doir qoʻshimcha chora-tadbirlar toʻgʻrisida
[Koʻchirma]
Respublikaning ijtimoiy-iqtisodiy rivojlanishiga salmoqli hissa qoʻshgan pensionerlarni, jumladan, ijodiy faoliyat bilan band boʻlgan shaxslarni davlat tomonidan va ijtimoiy qoʻllab-quvvatlashni yanada kuchaytirish, keksa odamlar toʻgʻrisida har tomonlama gʻamxoʻrlik qilish, shuningdek, fuqarolarning davlat pensiya taʼminoti tizimini izchil takomillashtirib borish maqsadida:
2. Pensiyalarni toʻliq miqdorda toʻlash bilan bogʻliq boʻlgan qoʻshimcha xarajatlar Oʻzbekiston Respublikasi Davlat budjeti va Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi mablagʻlari hisobidan amalga oshirilsin.
3. 2018-yilning 1-yanvar holatiga koʻra:
tayinlangan pensiya va nafaqalar hisoblanishi toʻgʻriligini tekshirish natijasida aniqlangan ortiqcha toʻlangan pensiya va nafaqalarning qoldiq summasi — 65 yoshga toʻlgan va undan katta yoshdagi fuqarolardan, shuningdek, 2010-yilgacha boʻlgan davrda tayinlangan pensiya va nafaqalarning ortiqcha toʻlangan puli qoldiq summalari hisobdan chiqarilsin;
4. Shunday tartib joriy etilsinki, unga muvofiq pensioner Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi tuman (shahar) boʻlimining ortiqcha toʻlangan pensiya summasini ushlab qolish toʻgʻrisidagi qaroridan norozi boʻlgan taqdirda, aniqlangan qarzdorlik u aniqlangan sanadan boshlab koʻpi bilan uch yil uchun sud orqali undiriladi.
5. Oʻzbekiston Respublikasi Moliya vazirligining Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining hududiy boʻlinmalari tomonidan fuqarolarga ish stajini tasdiqlash uchun qonunchilikda nazarda tutilgan asos mavjud boʻlgan taqdirda sudlarga daʼvolar tayyorlashda koʻmaklashish toʻgʻrisidagi taklifiga rozilik berilsin.
Sudlarga ishning yuridik faktini belgilash qismida shaxslarning ish stajini tasdiqlash toʻgʻrisidagi daʼvolarini koʻrib chiqish tavsiya qilinsin.
6. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda bir oy muddatda:
qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
ilgari qabul qilingan idoraviy normativ-huquqiy hujjatlarini ushbu Farmonga muvofiqlashtirishni taʼminlasin.
7. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchkorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 28-dekabr,
PF-5291-son
Президента Республики Узбекистан
Указ
О дополнительных мерах по созданию благоприятных условий отдельным категориям пенсионеров, осуществляющих трудовую деятельность
[Извлечение]
В целях дальнейшего усиления государственной и социальной поддержки пенсионеров, внесших значительный вклад в социально-экономическое развитие республики, включая лиц, занятых творческой деятельностью, всемерной заботы о престарелых людях, а также последовательного совершенствования системы государственного пенсионного обеспечения граждан:
2. Дополнительные расходы, связанные с выплатой пенсий в полном размере, производить за счет средств Государственного бюджета Республики Узбекистан и внебюджетного Пенсионного фонда при Министерстве финансов Республики Узбекистан.
3. Списать суммы остатков по состоянию на 1 января 2018 года излишне выплаченных пенсий и пособий:
выявленных по результатам проверок правильности начисления назначенных пенсий и пособий, — с граждан, достигших возраста 65 лет и более, а также назначенных за период до 2010 года;
4. Ввести порядок, согласно которому в случае несогласия пенсионера с решением районного (городского) отдела внебюджетного Пенсионного фонда при Министерстве экономики и финансов Республики Узбекистан об удержании излишне выплаченных сумм пенсий, выявленная задолженность взыскивается в судебном порядке, но не более чем за три года с даты ее выявления.
5. Согласиться с предложением Министерства финансов Республики Узбекистан об оказании территориальными подразделениями внебюджетного Пенсионного фонда при Министерстве финансов Республики Узбекистан гражданам содействия в подготовке исков в суды для подтверждения стажа работы при наличии оснований, предусмотренных законодательством.
Рекомендовать судам рассматривать иски лиц о подтверждении стажа работы в части установления юридического факта работы.
6. Министерству финансов Республики Узбекистан совместно с заинтересованными министерствами и ведомствами в месячный срок:
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа;
обеспечить приведение принятых ими ведомственных нормативно-правовых актов в соответствие с настоящим Указом.
7. Контроль за исполнением настоящего Указа возложить на заместителя Премьер-министра Республики Узбекистан — министра финансов Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
28 декабря 2017 г.,
№ УП-5291