📅 2017-yil 28-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 28 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2017 г. · Постановления Президента
Официальный текст. Официальный документ. Редакционные примечания не включены.
📅 28 December 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Қурилиш бирлашмаси» акциядорлик жамиятини давлат унитар корхонаси этиб қайта ташкил этиш тўғрисида
Бошқарув тизимини такомиллаштириш, қурилиш ишларини ташкил этиш самарадорлигини ошириш, ўта муҳим объектларни ўз вақтида ва сифатли фойдаланишга топширишни таъминлаш мақсадида:
1. Ўзбекистон Республикаси Президенти девони Ишлар бошқармаси, Ўзбекистон Республикаси Архитектура ва қурилиш давлат қўмитаси, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Қурилиш бирлашмаси» акциядорлик жамияти акциядорларининг (кейинги ўринларда — «Қурилиш бирлашмаси» АЖ) «Қурилиш бирлашмаси» акциядорлик жамиятини Ўзбекистон Республикаси Президенти девони Ишлар бошқармасининг «Қурилиш бирлашмаси» давлат унитар корхонаси (кейинги ўринларда — «Қурилиш бирлашмаси» ДУК) этиб қайта ташкил этиш тўғрисидаги таклифига розилик берилсин.
2. Белгилансинки, «Қурилиш бирлашмаси» ДУК «Қурилиш бирлашмаси» АЖнинг шартномалари ва мажбуриятлари бўйича ҳуқуқий ворис ҳисобланади.
3. «Қурилиш бирлашмаси» АЖ:
белгиланган тартибда акциядорлардан акцияларни сотиб олиш мақсадида «Қурилиш бирлашмаси» АЖнинг акциялари бозор нархини баҳолашни;
давлат улуши акциялари бўйича дивидендларни «Қурилиш бирлашмаси» ДУКни ривожлантириш ва моддий-техник базасини мустаҳкамлашга йўналтирилишини;
акциядорлар бўлмаган ҳолда — Ўзбекистон Республикаси Фуқаролик кодексининг 249-моддасига мувофиқ пул маблағларини нотариал идоранинг депозитига ўтказилишини таъминласин.
4. Ўзбекистон Республикаси Президентининг «Ўзбекистон Республикаси Президенти девони Ишлар бошқармасининг «Қурилиш бирлашмаси» давлат унитар корхонасини акциядорлик жамияти этиб қайта ташкил этиш тўғрисида» 2014 йил 18 апрелдаги ПҚ-2165-сонли қарори ўз кучини йўқотган деб ҳисоблансин.
5. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси О.Ж. Раматов ва Ўзбекистон Республикаси Президенти девони ишлар бошқарувчиси З.Ҳ. Ҳайдаров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 28 декабрь,
ПҚ-3449-сон
Oʻzbekiston Respublikasi Prezidentining
Qarori
“Qurilish birlashmasi” aksiyadorlik jamiyatini davlat unitar korxonasi etib qayta tashkil etish toʻgʻrisida
Boshqaruv tizimini takomillashtirish, qurilish ishlarini tashkil etish samaradorligini oshirish, oʻta muhim obyektlarni oʻz vaqtida va sifatli foydalanishga topshirishni taʼminlash maqsadida:
1. Oʻzbekiston Respublikasi Prezidenti devoni Ishlar boshqarmasi, Oʻzbekiston Respublikasi Arxitektura va qurilish davlat qoʻmitasi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Qurilish birlashmasi” aksiyadorlik jamiyati aksiyadorlarining (keyingi oʻrinlarda — “Qurilish birlashmasi” AJ) “Qurilish birlashmasi” aksiyadorlik jamiyatini Oʻzbekiston Respublikasi Prezidenti devoni Ishlar boshqarmasining “Qurilish birlashmasi” davlat unitar korxonasi (keyingi oʻrinlarda — “Qurilish birlashmasi” DUK) etib qayta tashkil etish toʻgʻrisidagi taklifiga rozilik berilsin.
2. Belgilansinki, “Qurilish birlashmasi” DUK “Qurilish birlashmasi” AJning shartnomalari va majburiyatlari boʻyicha huquqiy voris hisoblanadi.
3. “Qurilish birlashmasi” AJ:
belgilangan tartibda aksiyadorlardan aksiyalarni sotib olish maqsadida “Qurilish birlashmasi” AJning aksiyalari bozor narxini baholashni;
davlat ulushi aksiyalari boʻyicha dividendlarni “Qurilish birlashmasi” DUKni rivojlantirish va moddiy-texnik bazasini mustahkamlashga yoʻnaltirilishini;
aksiyadorlar boʻlmagan holda — Oʻzbekiston Respublikasi Fuqarolik kodeksining 249-moddasiga muvofiq pul mablagʻlarini notarial idoraning depozitiga oʻtkazilishini taʼminlasin.
4. Oʻzbekiston Respublikasi Prezidentining “Oʻzbekiston Respublikasi Prezidenti devoni Ishlar boshqarmasining “Qurilish birlashmasi” davlat unitar korxonasini aksiyadorlik jamiyati etib qayta tashkil etish toʻgʻrisida” 2014-yil 18-apreldagi PQ-2165-sonli qarori oʻz kuchini yoʻqotgan deb hisoblansin.
5. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi O.J. Ramatov va Oʻzbekiston Respublikasi Prezidenti devoni ishlar boshqaruvchisi Z.H. Haydarov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 28-dekabr,
PQ-3449-son
Президента Республики Узбекистан
Постановление
О преобразовании акционерного общества «Курилиш бирлашмаси» в государственное унитарное предприятие
В целях совершенствования системы управления, повышения эффективности организации строительных работ, обеспечения своевременного и качественного ввода в эксплуатацию особо важных объектов:
1. Согласиться с предложением Управления делами Аппарата Президента Республики Узбекистан, Государственного комитета Республики Узбекистан по архитектуре и строительству, Государственного комитета Республики Узбекистан по содействию приватизированным предприятиям и развитию конкуренции и акционеров акционерного общества «Курилиш бирлашмаси» (далее — АО «Курилиш бирлашмаси») о преобразовании АО «Курилиш бирлашмаси» в государственное унитарное предприятие «Строительное объединение» Управления делами Аппарата Президента Республики Узбекистан (далее — ГУП «Строительное объединение»).
2. Определить, что ГУП «Строительное объединение» является правопреемником по договорам и обязательствам АО «Курилиш бирлашмаси».
3. АО «Курилиш бирлашмаси» обеспечить:
проведение оценки рыночной стоимости акций АО «Курилиш бирлашмаси» в целях выкупа акций у акционеров в установленном порядке;
направление дивидендов по акциям государственной доли на развитие и укрепление материально-технической базы ГУП «Строительное объединение»;
в соответствии со статьей 249 Гражданского кодекса Республики Узбекистан перечисление денежных средств в депозит нотариальной конторы — при отсутствии акционеров.
4. Признать утратившим силу постановление Президента Республики Узбекистан от 18 апреля 2014 года № ПП-2165 «О преобразовании государственного унитарного предприятия «Строительное объединение Управления делами Аппарата Президента Республики Узбекистан» в акционерное общество».
5. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и управляющего делами Аппарата Президента Республики Узбекистан З.Х. Хайдарова.
Президент Республики Узбекистан Ш. МИРЗИЁЕВ
г. Ташкент,
28 декабря 2017 г.,
№ ПП-3449