📅 2018-yil 3-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 3 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 января 2018 г. · Постановления Президента
Официальный текст. Официальный документ. Редакционные примечания не включены.
📅 3 January 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Миллий антидопинг агентлиги фаолиятини ташкил этиш чора-тадбирлари тўғрисида
Ўзбекистон Республикаси Президентининг 2017 йил 9 мартдаги «Ўзбекистон спортчиларини 2020 йил Токио шаҳри (Япония)да бўлиб ўтадиган XXXII ёзги Олимпия ва XVI Паралимпия ўйинларига тайёрлаш тўғрисида»ги ПҚ-2821-сонли қарорига мувофиқ ҳамда ЮНЕСКОнинг Спортда допингга қарши кураш тўғрисидаги халқаро конвенциясини қўллаш тадбирларини амалга ошириш мақсадида:
1. Ўзбекистон Миллий олимпия қўмитаси, Ўзбекистон Республикаси Жисмоний тарбия ва спорт давлат қўмитаси, Соғлиқни сақлаш вазирлигининг Ўзбекистон Республикаси Миллий антидопинг агентлигини (кейинги ўринларда Агентлик деб аталади) ташкил этиш тўғрисидаги таклифига розилик берилсин.
3. Белгилаб қўйилсинки, Агентлик Ўзбекистон Республикаси Давлат бюджети маблағлари, юридик ва жисмоний шахсларнинг хайрия маблағлари, халқаро молия институтларининг грантлари, шунингдек, қонун ҳужжатларида тақиқланмаган бошқа манбалар ҳисобидан молиялаштирилади.
6. Ўзбекистон Миллий олимпия қўмитаси Ўзбекистон Республикаси Жисмоний тарбия ва спорт давлат қўмитаси билан биргаликда бир ой муддатда Ўзбекистон Республикаси Вазирлар Маҳкамаси ҳузуридаги Миллий антидопинг агентлиги низомини тасдиқлаш учун Вазирлар Маҳкамасига киритсин.
7. Ўзбекистон Республикаси Миллий олимпия қўмитаси ҳузуридаги Республика спорт тиббиёти илмий-амалий марказининг «Миллий антидопинг хизмати»ни тугатиш ҳисобидан Ўзбекистон Республикаси Миллий олимпия қўмитаси ҳузуридаги Республика спорт тиббиёти илмий-амалий маркази тизимида «Спорт психологияси бўлими» ташкил этилсин.
8. Ўзбекистон Республикаси Молия вазирлиги ҳар йили Ўзбекистон Республикасининг Давлат бюджетини шакллантиришда Агентликни сақлаш ва унинг фаолият кўрсатиши, шу жумладан, антидопинг тадқиқотларини ташкил этиш билан боғлиқ харажатлар учун зарур маблағларни назарда тутсин.
9. Ўзбекистон Республикаси Ташқи ишлар вазирлиги Агентлик буюртманомалари бўйича Агентлик фаолиятини ташкил этиш ва унинг фаолият кўрсатиши учун жалб этиладиган чет эллик мутахассисларнинг кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
10. Ўзбекистон Республикаси Ички ишлар вазирлиги Агентлик буюртманомалари бўйича Агентлик фаолиятини ташкил этиш ва унинг фаолият кўрсатиши учун жалб этиладиган чет эллик мутахассисларга кўп марталик визалар белгиланган тартибда берилиши ва муддати узайтирилишини, шунингдек, уларни давлат божлари ундирилмасдан турган жойи бўйича рўйхатдан ўтказиш ва унинг муддати узайтирилишини таъминласин.
11. Агентликка биологик намуналарни тўплаш учун махсус мосламалар ва бошқа товарларни харид қилиш учун тўғридан-тўғри импорт шартномалари, шунингдек, тадқиқотлар (допинг-тестлар) ўтказиш бўйича хизматлар кўрсатиш шартномаларини тендер савдолари ўтказмасдан тузиш ҳуқуқи берилсин.
13. Ўзбекистон Республикаси Президентининг айрим қарорларига ўзгартириш ва қўшимчалар 2-иловага мувофиқ киритилсин.
14. Ўзбекистон Республикаси Жисмоний тарбия ва спорт давлат қўмитаси Ўзбекистон Миллий олимпия қўмитаси, вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2018 йил 3 январдаги ПҚ-3457-сонли қарорига 2-ИЛОВА
Ўзбекистон Республикаси Президентининг айрим қарорларига киритиладиган ўзгартириш ва қўшимчалар
1. Ўзбекистон Республикаси Президентининг «Ўзбекистон Республикаси Миллий олимпия қўмитаси ҳузуридаги Республика спорт тиббиёти илмий-амалий марказини ташкил этиш тўғрисида» 2013 йил 3 июлдаги ПҚ-1994-сонли қарори :
а) 1-бандининг иккинчи хатбоши қуйидаги таҳрирда баён этилсин:
«Белгилансинки, Спорт тиббиёти маркази спортчиларнинг — мамлакат терма жамоалари аъзоларини мусобақаларга тиббий-биологик ва тиббий-психологик тайёргарлигини таъминловчи бош тиббиёт муассасаси ҳисобланади.»;
б) 2-бандининг :
бешинчи хатбоши чиқариб ташлансин;
олтинчи — ўн биринчи хатбошилар тегишли равишда бешинчи — ўнинчи хатбошилар деб ҳисоблансин;
в) 1-иловадаги «Миллий антидопинг хизмати» сўзлари «Спорт психологияси бўлими» сўзлари билан алмаштирилсин.
2. Ўзбекистон Республикаси Президентининг «Ўзбекистон Республикаси Вазирлар Маҳкамаси фаолиятини такомиллаштиришга доир қўшимча чора-тадбирлар тўғрисида» 2017 йил 27 ноябрдаги ПҚ-3403-сонли қарорининг 9-иловасидаги «Мутасадди вазирликлар, идоралар, хўжалик бирлашмалари ва бошқа ташкилотлар» бўлими қўшимча 9 1 банди билан қуйидаги мазмунда тўлдирилсин:
«9 1 . Ўзбекистон Республикаси Вазирлар Маҳкамаси ҳузуридаги Миллий антидопинг агентлиги».
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 3 январь,
ПҚ-3457-сон
Oʻzbekiston Respublikasi Prezidentining
Qarori
Oʻzbekiston Respublikasi Milliy antidoping agentligi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2017-yil 9-martdagi “Oʻzbekiston sportchilarini 2020-yil Tokio shahri (Yaponiya)da boʻlib oʻtadigan XXXII yozgi Olimpiya va XVI Paralimpiya oʻyinlariga tayyorlash toʻgʻrisida”gi PQ-2821-sonli qaroriga muvofiq hamda YUNESKOning Sportda dopingga qarshi kurash toʻgʻrisidagi xalqaro konvensiyasini qoʻllash tadbirlarini amalga oshirish maqsadida:
1. Oʻzbekiston Milliy olimpiya qoʻmitasi, Oʻzbekiston Respublikasi Jismoniy tarbiya va sport davlat qoʻmitasi, Sogʻliqni saqlash vazirligining Oʻzbekiston Respublikasi Milliy antidoping agentligini (keyingi oʻrinlarda Agentlik deb ataladi) tashkil etish toʻgʻrisidagi taklifiga rozilik berilsin.
3. Belgilab qoʻyilsinki, Agentlik Oʻzbekiston Respublikasi Davlat budjeti mablagʻlari, yuridik va jismoniy shaxslarning xayriya mablagʻlari, xalqaro moliya institutlarining grantlari, shuningdek, qonun hujjatlarida taqiqlanmagan boshqa manbalar hisobidan moliyalashtiriladi.
6. Oʻzbekiston Milliy olimpiya qoʻmitasi Oʻzbekiston Respublikasi Jismoniy tarbiya va sport davlat qoʻmitasi bilan birgalikda bir oy muddatda Oʻzbekiston Respublikasi Vazirlar Mahkamasi huzuridagi Milliy antidoping agentligi nizomini tasdiqlash uchun Vazirlar Mahkamasiga kiritsin.
7. Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazining “Milliy antidoping xizmati”ni tugatish hisobidan Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi tizimida “Sport psixologiyasi boʻlimi” tashkil etilsin.
8. Oʻzbekiston Respublikasi Moliya vazirligi har yili Oʻzbekiston Respublikasining Davlat budjetini shakllantirishda Agentlikni saqlash va uning faoliyat koʻrsatishi, shu jumladan, antidoping tadqiqotlarini tashkil etish bilan bogʻliq xarajatlar uchun zarur mablagʻlarni nazarda tutsin.
9. Oʻzbekiston Respublikasi Tashqi ishlar vazirligi Agentlik buyurtmanomalari boʻyicha Agentlik faoliyatini tashkil etish va uning faoliyat koʻrsatishi uchun jalb etiladigan chet ellik mutaxassislarning kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.
10. Oʻzbekiston Respublikasi Ichki ishlar vazirligi Agentlik buyurtmanomalari boʻyicha Agentlik faoliyatini tashkil etish va uning faoliyat koʻrsatishi uchun jalb etiladigan chet ellik mutaxassislarga koʻp martalik vizalar belgilangan tartibda berilishi va muddati uzaytirilishini, shuningdek, ularni davlat bojlari undirilmasdan turgan joyi boʻyicha roʻyxatdan oʻtkazish va uning muddati uzaytirilishini taʼminlasin.
11. Agentlikka biologik namunalarni toʻplash uchun maxsus moslamalar va boshqa tovarlarni xarid qilish uchun toʻgʻridan-toʻgʻri import shartnomalari, shuningdek, tadqiqotlar (doping-testlar) oʻtkazish boʻyicha xizmatlar koʻrsatish shartnomalarini tender savdolari oʻtkazmasdan tuzish huquqi berilsin.
13. Oʻzbekiston Respublikasi Prezidentining ayrim qarorlariga oʻzgartirish va qoʻshimchalar 2-ilovaga muvofiq kiritilsin.
14. Oʻzbekiston Respublikasi Jismoniy tarbiya va sport davlat qoʻmitasi Oʻzbekiston Milliy olimpiya qoʻmitasi, vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2018-yil 3-yanvardagi PQ-3457-sonli qaroriga 2-ILOVA
Oʻzbekiston Respublikasi Prezidentining ayrim qarorlariga kiritiladigan oʻzgartirish va qoʻshimchalar
1. Oʻzbekiston Respublikasi Prezidentining “Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazini tashkil etish toʻgʻrisida” 2013-yil 3-iyuldagi PQ-1994-sonli qarori :
a) 1-bandining ikkinchi xatboshi quyidagi tahrirda bayon etilsin:
“Belgilansinki, Sport tibbiyoti markazi sportchilarning — mamlakat terma jamoalari aʼzolarini musobaqalarga tibbiy-biologik va tibbiy-psixologik tayyorgarligini taʼminlovchi bosh tibbiyot muassasasi hisoblanadi.”;
b) 2-bandining :
beshinchi xatboshi chiqarib tashlansin;
oltinchi — oʻn birinchi xatboshilar tegishli ravishda beshinchi — oʻninchi xatboshilar deb hisoblansin;
v) 1-ilovadagi “Milliy antidoping xizmati” soʻzlari “Sport psixologiyasi boʻlimi” soʻzlari bilan almashtirilsin.
2. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi faoliyatini takomillashtirishga doir qoʻshimcha chora-tadbirlar toʻgʻrisida” 2017-yil 27-noyabrdagi PQ-3403-sonli qarorining 9-ilovasidagi “Mutasaddi vazirliklar, idoralar, xoʻjalik birlashmalari va boshqa tashkilotlar” boʻlimi qoʻshimcha 9 1 bandi bilan quyidagi mazmunda toʻldirilsin:
“9 1 . Oʻzbekiston Respublikasi Vazirlar Mahkamasi huzuridagi Milliy antidoping agentligi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 3-yanvar,
PQ-3457-son
Президента Республики Узбекистан
Постановление
О мерах по организации деятельности Национального антидопингового агентства Республики Узбекистан
В соответствии с постановлением Президента Республики Узбекистан от 9 марта 2017 года № ПП-2821 «О подготовке спортсменов Узбекистана к XXXII летним Олимпийским и XVI Паралимпийским играм 2020 года в городе Токио (Япония)», в целях реализации мероприятий в соответствии с Международной Конвенцией ЮНЕСКО о борьбе с допингом в спорте:
1. Принять предложение Национального олимпийского комитета Узбекистана, Государственного комитета Республики Узбекистан по физической культуре и спорту и Министерства здравоохранения Республики Узбекистан о создании Национального антидопингового агентства Республики Узбекистан (далее — Агентство).
3. Установить, что Агентство финансируется за счет средств Государственного бюджета Республики Узбекистан, благотворительных пожертвований юридических и физических лиц, грантов международных финансовых организаций, а также других источников, не запрещенных актами законодательства.
6. Национальному олимпийскому комитету Узбекистана совместно с Государственным комитетом Республики Узбекистан по физической культуре и спорту в месячный срок внести на утверждение в Кабинет Министров Положение о Национальном антидопинговом агентстве Республики Узбекистан при Кабинете Министров Республики Узбекистан.
7. Создать в структуре Республиканского научно-практического центра спортивной медицины при Национальном олимпийском комитете Узбекистана «Отдел спортивной психологии» за счет упразднения «Национальной антидопинговой службы» в структуре Республиканского научно-практического центра спортивной медицины при Национальном олимпийском комитете Узбекистана.
8. Министерству финансов Республики Узбекистан ежегодно при формировании Государственного бюджета Республики Узбекистан предусматривать необходимые ассигнования на содержание и функционирование Агентства, в том числе на расходы, связанные с организацией антидопинговых исследований.
9. Министерству иностранных дел Республики Узбекистан по заявкам Агентства обеспечить оформление в установленном порядке въездных виз иностранным специалистам, привлекаемым для организации деятельности и функционирования Агентства, без взимания консульских и иных сборов.
10. Министерству внутренних дел Республики Узбекистан по заявкам Агентства обеспечить в установленном порядке выдачу и продление многократных въездных виз, а также регистрацию по месту пребывания и продление ее срока иностранных специалистов, привлекаемых для организации деятельности и функционирования Агентства, без уплаты государственной пошлины.
11. Предоставить Агентству право заключать прямые импортные контракты на поставку специализированной фурнитуры и других товаров для сбора биологических проб, а также контракты на оказание услуг по осуществлению исследований (допинг-тестирование) без проведения тендерных торгов.
13. Внести изменения и дополнение в некоторые постановления Президента Республики Узбекистан согласно приложению № 2 .
14. Государственному комитету Республики Узбекистан по физической культуре и спорту совместно с Национальным олимпийским комитетом Узбекистана, министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 2 к постановлению Президента Республики Узбекистан от 3 января 2018 года № ПП-3457
Изменения и дополнение, вносимые в некоторые постановления Президента Республики Узбекистан
1. В постановлении Президента Республики Узбекистан от 3 июля 2013 года № ПП-1994 «О создании Республиканского научно-практического центра спортивной медицины при Национальном олимпийском комитете Республики Узбекистан»:
а) абзац второй пункта 1 изложить в следующей редакции:
«Установить, что Центр спортивной медицины является головным специализированным медицинским учреждением, обеспечивающим медико-биологическую и медико-психологическую подготовку спортсменов — членов сборных команд страны к соревнованиям.»;
б) в пункте 2 :
абзац пятый исключить;
абзацы шестой — одиннадцатый считать соответственно абзацами пятым — десятым;
в) в приложении № 1 слова «Национальная антидопинговая служба» заменить словами «Отдел спортивной психологии».
2. Раздел «Курируемые министерства, ведомства, хозяйственные объединения и другие организации» приложения № 9 к постановлению Президента Республики Узбекистан от 27 ноября 2017 года № ПП-3403 «О дополнительных мерах по совершенствованию деятельности Кабинета Министров Республики Узбекистан» дополнить пунктом 9 1 следующего содержания:
«9 1 . Национальное антидопинговое агентство при Кабинете Министров Республики Узбекистан».
Президент Республики Узбекистан Ш. МИРЗИЁЕВ
г. Ташкент,
3 января 2018 г.,
№ ПП-3457