📅 2018-yil 4-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 января 2018 г. · Постановления Президента
Официальный текст. Официальный документ. Редакционные примечания не включены.
📅 4 January 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномани тасдиқлаш тўғрисида
Халқаро молия институтлари билан ҳамкорликни янада мустаҳкамлаш, мамлакат иқтисодиётига хорижий инвестициялар ва техник кўмак воситаларини жалб этишни кенгайтириш мақсадида:
1. Ўзбекистон Республикаси ва Европа инвестиция банки (кейинги ўринларда — ЕИБ) ўртасида Ўзбекистон Республикаси ҳудудида ЕИБнинг фаолият олиб бориши тўғрисида 2017 йил 13 октябрь куни Вашингтон шаҳрида (АҚШ) имзоланган Ҳадли битим тасдиқлансин.
2. Ўзбекистон Республикаси Инвестициялар ва ташқи савдо вазирлиги Европа инвестиция банки билан ўзаро ҳамкорлик қилиш ва мазкур халқаро шартномани амалга оширишда масъул орган этиб белгилансин.
3. Ўзбекистон Республикаси Адлия вазирлиги белгиланган тартибда Ўзбекистон Республикаси билан Европа инвестиция банки ўртасидаги Ҳадли битимнинг қонуний кучи хусусида Европа инвестиция банкига уларга мақбул бўлган юридик хулоса берсин.
4. Ўзбекистон Республикаси Ташқи ишлар вазирлиги Ўзбекистон Республикаси томони мазкур халқаро шартнома кучга кириши учун зарур ички давлат тартиб-таомилларини бажарганлиги тўғрисида тегишли билдиришнома юборсин.
5. Ўзбекистон Республикаси Вазирлар Маҳкамаси, Ўзбекистон Республикаси Инвестициялар ва ташқи савдо вазирлиги ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин белгиланган тартибда Ўзбекистон Республикасининг мажбуриятлари бажарилиши устидан назоратни таъминласинлар.
6. Мазкур қарорнинг ижросини назорат қилиш Ўзбекистон Республикасининг Бош вазири А. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 4 январь,
ПҚ-3458-сон
Oʻzbekiston Respublikasi Prezidentining
Qarori
Xalqaro shartnomani tasdiqlash toʻgʻrisida
Xalqaro moliya institutlari bilan hamkorlikni yanada mustahkamlash, mamlakat iqtisodiyotiga xorijiy investitsiyalar va texnik koʻmak vositalarini jalb etishni kengaytirish maqsadida:
1. Oʻzbekiston Respublikasi va Yevropa investitsiya banki (keyingi oʻrinlarda — YEIB) oʻrtasida Oʻzbekiston Respublikasi hududida YEIBning faoliyat olib borishi toʻgʻrisida 2017-yil 13-oktabr kuni Vashington shahrida (AQSH) imzolangan Hadli bitim tasdiqlansin.
2. Oʻzbekiston Respublikasi Investitsiyalar va tashqi savdo vazirligi Yevropa investitsiya banki bilan oʻzaro hamkorlik qilish va mazkur xalqaro shartnomani amalga oshirishda masʼul organ etib belgilansin.
3. Oʻzbekiston Respublikasi Adliya vazirligi belgilangan tartibda Oʻzbekiston Respublikasi bilan Yevropa investitsiya banki oʻrtasidagi Hadli bitimning qonuniy kuchi xususida Yevropa investitsiya bankiga ularga maqbul boʻlgan yuridik xulosa bersin.
4. Oʻzbekiston Respublikasi Tashqi ishlar vazirligi Oʻzbekiston Respublikasi tomoni mazkur xalqaro shartnoma kuchga kirishi uchun zarur ichki davlat tartib-taomillarini bajarganligi toʻgʻrisida tegishli bildirishnoma yuborsin.
5. Oʻzbekiston Respublikasi Vazirlar Mahkamasi, Oʻzbekiston Respublikasi Investitsiyalar va tashqi savdo vazirligi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.
6. Mazkur qarorning ijrosini nazorat qilish Oʻzbekiston Respublikasining Bosh vaziri A. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 4-yanvar,
PQ-3458-son
Президента Республики Узбекистан
Постановление
Об утверждении международного договора
В целях дальнейшего укрепления сотрудничества с международными финансовыми институтами, расширения привлечения иностранных инвестиций и средств технического содействия в экономику страны:
1. Утвердить Рамочное соглашение между Республикой Узбекистан и Европейским инвестиционным банком (далее — ЕИБ) о деятельности ЕИБ на территории Республики Узбекистан, подписанное 13 октября 2017 года в г. Вашингтоне (США).
2. Определить Министерство инвестиций и внешней торговли Республики Узбекистан ответственным органом за взаимодействие с Европейским инвестиционным банком и реализацию указанного международного договора.
3. Министерству юстиции Республики Узбекистан выдать в установленном порядке приемлемое для Европейского инвестиционного банка юридическое заключение относительно законной силы Рамочного соглашения между Республикой Узбекистан и Европейским инвестиционным банком.
4. Министерству иностранных дел Республики Узбекистан направить соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора.
5. Кабинету Министров Республики Узбекистан, руководителям Министерства инвестиций и внешней торговли Республики Узбекистан и соответствующим министерствам и ведомствам после вступления в силу данного международного договора обеспечить контроль за выполнением обязательств Республики Узбекистан в установленном порядке.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
4 января 2018 г.,
№ ПП-3458