📅 2017-yil 29-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2017 г. · Постановления Президента
Официальный текст. Официальный документ. Редакционные примечания не включены.
📅 29 December 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Хорижий давлатларда кўргазма тадбирларини ўтказиш учун мўлжалланган товарларни олиб чиқиш тартибини соддалаштириш чора-тадбирлари тўғрисида
Мамлакатимиз экспорт салоҳиятини ва ишлаб чиқарилаётган маҳаллий маҳсулотларнинг ташқи бозорларда рақобатбардошлигини ошириш Ўзбекистон Республикаси иқтисодиётини барқарор ривожлантиришнинг муҳим омилларидан биридир.
Салоҳиятли чет эллик шерикларни топиш ва маҳаллий маҳсулотларни ташқи бозорларга чиқариш мақсадида 2017 йилда тадбиркорлик субъектлари 24 та хорижий давлатда ўтказилган 88 та халқаро кўргазма ва ярмаркада иштирок этди. Ушбу тадбирлар якунлари бўйича мамлакатимизда ишлаб чиқарилган маҳсулотларни етказиб бериш бўйича умумий қиймати 1,3 миллиард АҚШ долларидан ортиқ экспорт контрактлари тузилди.
Экспортга етказиб бериш ҳажмларини кўпайтириш ва кўламини кенгайтиришга доир амалга оширилаётган ишлар доирасида 2018 йилда мамлакатимиз экспорт қилувчиларининг 25 та хорижий давлатда ўтказиладиган 123 та халқаро кўргазма ва ярмаркада иштирок этиши режалаштирилган.
Шу билан бирга, бу борадаги ўрганишлар шундан далолат берадики, реклама-кўргазма маҳсулотларини расмийлаштириш ва олиб чиқиш бўйича амалдаги тартиб тадбиркорлик субъектларининг кенг кўламли имкониятларини чеклаб қўймоқда, уларнинг халқаро кўргазма ва ярмаркаларда иштирок этиш самарадорлигини пасайтирмоқда.
Хорижий давлатларда кўргазма тадбирларини ўтказиш учун мўлжалланган товарларни олиб чиқиш тартибини соддалаштириш, шунингдек, маҳаллий маҳсулотларни экспорт ҳажмларини кўпайтириш ва уларни кўламини кенгайтириш мақсадида:
2. Белгилаб қўйилсинки, ушбу қарорнинг 1-бандига мувофиқ олиб чиқиладиган товарларни сотишда тадбиркорлик субъектлари уларни сотишдан тушадиган маблағларни Ўзбекистон Республикаси тижорат банкларидаги ўз ҳисобрақамларига, шу жумладан банк ўтказмалари, шунингдек, хорижий валютадаги нақд пул шаклида киритиш ҳуқуқига эга.
3. Тадбиркорлик субъектлари хорижий давлатларда ўтказиладиган кўргазмаларда (ярмаркаларда) намойиш этиш учун мўлжалланган товарларни олиб чиқишда кесиб ўтиладиган чегара божхона постини хорижий давлатлардаги кўргазмада (ярмаркада) уларнинг иштирок этиш режалаштирилаётгани, тадбир ўтказиладиган жой, унинг муддати ва вақти, шунингдек, олиб чиқиладиган товарлар (номи, миқдори ва қиймати) тўғрисида хабардор қилади.
Божхона органига тақдим этиладиган маълумотларнинг ишончлилиги юзасидан тадбиркорлик субъектлари қонун ҳужжатларига мувофиқ жавоб беради.
3 1 . Тадбиркорлик субъектларига хорижий давлатларда ўтказиладиган кўргазма ва ярмаркаларда сотилмаган товарларнинг қайтариб олиш келиниши, шунингдек сотишдан тушган маблағларнинг тўлиқ келиб тушиши юзасидан жавобгарлик юклатилсин.
4. Ўзбекистон Республикаси Ташқи савдо вазирлиги Ўзбекистон Республикаси Давлат божхона қўмитаси, Давлат солиқ қўмитаси, Марказий банки ва бошқа манфаатдор вазирлик ҳамда идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда Вазирлар Маҳкамасига таклифлар киритсин.
5. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — «Ўзагротехсаноатхолдинг» АЖ бошқаруви раиси Н.С. Отажонов, Ташқи савдо вазири Ж.А. Хўжаев ва Давлат божхона қўмитаси раиси М.В. Тоҳирий зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 29 декабрь,
ПҚ-3451-сон
Oʻzbekiston Respublikasi Prezidentining
Qarori
Xorijiy davlatlarda koʻrgazma tadbirlarini oʻtkazish uchun moʻljallangan tovarlarni olib chiqish tartibini soddalashtirish chora-tadbirlari toʻgʻrisida
Mamlakatimiz eksport salohiyatini va ishlab chiqarilayotgan mahalliy mahsulotlarning tashqi bozorlarda raqobatbardoshligini oshirish Oʻzbekiston Respublikasi iqtisodiyotini barqaror rivojlantirishning muhim omillaridan biridir.
Salohiyatli chet ellik sheriklarni topish va mahalliy mahsulotlarni tashqi bozorlarga chiqarish maqsadida 2017-yilda tadbirkorlik subyektlari 24 ta xorijiy davlatda oʻtkazilgan 88 ta xalqaro koʻrgazma va yarmarkada ishtirok etdi. Ushbu tadbirlar yakunlari boʻyicha mamlakatimizda ishlab chiqarilgan mahsulotlarni yetkazib berish boʻyicha umumiy qiymati 1,3 milliard AQSH dollaridan ortiq eksport kontraktlari tuzildi.
Eksportga yetkazib berish hajmlarini koʻpaytirish va koʻlamini kengaytirishga doir amalga oshirilayotgan ishlar doirasida 2018-yilda mamlakatimiz eksport qiluvchilarining 25 ta xorijiy davlatda oʻtkaziladigan 123 ta xalqaro koʻrgazma va yarmarkada ishtirok etishi rejalashtirilgan.
Shu bilan birga, bu boradagi oʻrganishlar shundan dalolat beradiki, reklama-koʻrgazma mahsulotlarini rasmiylashtirish va olib chiqish boʻyicha amaldagi tartib tadbirkorlik subyektlarining keng koʻlamli imkoniyatlarini cheklab qoʻymoqda, ularning xalqaro koʻrgazma va yarmarkalarda ishtirok etish samaradorligini pasaytirmoqda.
Xorijiy davlatlarda koʻrgazma tadbirlarini oʻtkazish uchun moʻljallangan tovarlarni olib chiqish tartibini soddalashtirish, shuningdek, mahalliy mahsulotlarni eksport hajmlarini koʻpaytirish va ularni koʻlamini kengaytirish maqsadida:
2. Belgilab qoʻyilsinki, ushbu qarorning 1-bandiga muvofiq olib chiqiladigan tovarlarni sotishda tadbirkorlik subyektlari ularni sotishdan tushadigan mablagʻlarni Oʻzbekiston Respublikasi tijorat banklaridagi oʻz hisobraqamlariga, shu jumladan bank oʻtkazmalari, shuningdek, xorijiy valyutadagi naqd pul shaklida kiritish huquqiga ega.
3. Tadbirkorlik subyektlari xorijiy davlatlarda oʻtkaziladigan koʻrgazmalarda (yarmarkalarda) namoyish etish uchun moʻljallangan tovarlarni olib chiqishda kesib oʻtiladigan chegara bojxona postini xorijiy davlatlardagi koʻrgazmada (yarmarkada) ularning ishtirok etish rejalashtirilayotgani, tadbir oʻtkaziladigan joy, uning muddati va vaqti, shuningdek, olib chiqiladigan tovarlar (nomi, miqdori va qiymati) toʻgʻrisida xabardor qiladi.
Bojxona organiga taqdim etiladigan maʼlumotlarning ishonchliligi yuzasidan tadbirkorlik subyektlari qonun hujjatlariga muvofiq javob beradi.
3 1 . Tadbirkorlik subyektlariga xorijiy davlatlarda oʻtkaziladigan koʻrgazma va yarmarkalarda sotilmagan tovarlarning qaytarib olish kelinishi, shuningdek sotishdan tushgan mablagʻlarning toʻliq kelib tushishi yuzasidan javobgarlik yuklatilsin.
4. Oʻzbekiston Respublikasi Tashqi savdo vazirligi Oʻzbekiston Respublikasi Davlat bojxona qoʻmitasi, Davlat soliq qoʻmitasi, Markaziy banki va boshqa manfaatdor vazirlik hamda idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov, Tashqi savdo vaziri J.A. Xoʻjayev va Davlat bojxona qoʻmitasi raisi M.V. Tohiriy zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 29-dekabr,
PQ-3451-son
Президента Республики Узбекистан
Постановление
О мерах по упрощению порядка вывоза товаров, предназначенных для проведения выставочных мероприятий за рубежом
Повышение экспортного потенциала страны и конкурентоспособности отечественной продукции на внешних рынках является одним из важнейших факторов устойчивого роста экономики Республики Узбекистан.
В целях поиска потенциальных иностранных партнеров и продвижения отечественной продукции на внешние рынки в 2017 году субъекты предпринимательства приняли участие в 88 международных выставках и ярмарках, прошедших в 24 зарубежных странах. По итогам заключены экспортные контракты и соглашения на поставку отечественной продукции на общую сумму более 1,3 млрд.долларов США.
В рамках проводимой работы по увеличению объемов и расширению географии экспортных поставок в 2018 году запланировано участие отечественных экспортеров в 123 международных выставках и ярмарках, проводимых в 25 странах мира.
Вместе с тем как показывает изучение действующий порядок оформления и вывоза рекламно-выставочной продукции ограничивает потенциальные возможности субъектов предпринимательства и снижает эффективность их участия на международных выставках и ярмарках.
В целях упрощения порядка вывоза товаров, предназначенных для проведения выставочных мероприятий за рубежом, а также дальнейшего увеличения объемов и расширения географии экспорта отечественной продукции:
2. Установить, что при реализации товаров, вывезенных в соответствии с пунктом 1 настоящего постановления, субъекты предпринимательства имеют право зачислять средства, полученные от реализации товаров, на свои счета в коммерческих банках Республики Узбекистан, в том числе в форме банковского перевода, а также внесения наличных средств в иностранной валюте.
3. Субъекты предпринимательства при вывозе товаров, предназначенных для экспонирования на выставках (ярмарках) за рубежом, информируют пересекаемый приграничный таможенный пост о планируемом участии в зарубежной выставке (ярмарке), месте, дате и времени ее проведения, а также вывозимых товарах (наименование, количество и стоимость).
За достоверность предоставляемых таможенному органу сведений субъекты предпринимательства несут ответственность в соответствии с законодательством.
3 1 . Субъекты предпринимательства несут ответственность за обратный ввоз нереализованных на выставках и ярмарках за рубежом товаров, а также за полное поступление средств, полученных от их реализации.
4. Министерству внешней торговли Республики Узбекистан совместно с Государственным таможенным комитетом. Государственным налоговым комитетом Республики Узбекистан, Центральным банком Республики Узбекистан и другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
5. Контроль за исполнением настоящего постановления возложить на заместителя Премьер-министра Республики Узбекистан — председателя правления АО «Узагротехсаноатхолдинг» Н.С. Отажонова, министра внешней торговли Ж.А. Ходжаева и председателя Государственного таможенного комитета М.В. Тохирий.
Президент Республики Узбекистан Ш. МИРЗИЁЕВ
г. Ташкент,
29 декабря 2017 г.,
№ ПП-3451