📅 2018-yil 8-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 8 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 января 2018 г. · Постановления Президента
Официальный текст. Официальный документ. Редакционные примечания не включены.
📅 8 January 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикасининг ривожланиш давлат дастурларини шакллантириш ва рўёбга чиқариш, давлат харидларини амалга ошириш доирасида ҳужжатларни комплекс экспертиза қилишнинг самарали тизимини яратиш тўғрисида
Ўзбекистон Республикасининг ривожланиш давлат дастурларини шакллантириш ва рўёбга чиқариш, давлат харидларини амалга ошириш доирасида лойиҳаларни, уларнинг лойиҳаолди, лойиҳа ва тендер ҳужжатларини, техник топшириқларини комплекс экспертиза қилишнинг самарали тизимини яратиш мақсадида, шунингдек, Ўзбекистон Республикаси Президентининг 2017 йил 18 декабрдаги «Ўзбекистон Республикасининг ривожланиш давлат дастурларини шакллантириш ва молиялаштиришнинг янги тартибини жорий этиш тўғрисида»ги ПҚ-3437-сон қарорига мувофиқ:
1. Ўзбекистон Республикаси Президенти ҳузуридаги Лойиҳа бошқаруви миллий агентлиги (кейинги ўринларда Агентлик деб юритилади), Инвестициялар бўйича давлат қўмитаси, Иқтисодиёт вазирлиги ва Молия вазирлигининг Агентлик ҳузурида давлат унитар корхонаси шаклида Лойиҳалар ва импорт контрактларини комплекс экспертиза қилиш марказини (кейинги ўринларда Марказ деб юритилади) ташкил этиш ҳақидаги таклифи маъқуллансин.
2. Белгилаб қўйилсинки, Марказ қуйидагиларни амалга оширади:
Ўзбекистон Республикасининг ривожланиш давлат дастурларига киритиладиган лойиҳаларни комплекс экспертиза қилишни ташкил этиш;
Ўзбекистон Республикасининг ривожланиш давлат дастурларини шакллантириш ва рўёбга чиқариш доирасида, шунингдек, давлат харидларини амалга оширишда ишлаб чиқиладиган лойиҳаолди, лойиҳа ва тендер ҳужжатларини, техник топшириқларни комплекс экспертиза қилиш;
Ўзбекистон Республикасининг ривожланиш давлат дастурларини рўёбга чиқариш доирасида, шунингдек, давлат харидларини амалга оширишда тузиладиган импорт контрактларини экспертиза қилиш ва рўйхатдан ўтказиш;
ресурсларнинг ягона миллий маълумотномасини шакллантириш ва янгилаш.
3. Белгилансинки:
Ўзбекистон Республикаси Иқтисодиёт ва саноат вазирлиги Марказнинг муассиси (мулкдори) ҳисобланади;
Марказ фаолиятини тўлиқ ўзини ўзи молиялаштириш асосида олиб боради ҳамда Қорақалпоғистон Республикаси, вилоятлар ва Тошкент шаҳрида филиаллар ташкил этиш ҳуқуқига эга;
Марказнинг фаолият соҳаси барча давлат органларига, хўжалик бошқаруви органларига, устав фондида давлат улуши 50 фоиз ва ундан ортиқ бўлган хўжалик юритувчи субъектларга, давлат улуши 50 фоиз ва ундан ортиқ бўлган юридик шахсларга устав фондининг 50 фоизи ва ундан ортиғи тегишли хўжалик юритувчи субъектларга, шунингдек, Ўзбекистон Республикасининг ривожланиш давлат дастурлари доирасида амалга ошириладиган барча лойиҳаларга татбиқ этилади;
Марказ ўзига юклатилган вазифаларни бажаришда давлат ва нодавлат ташкилотлар, шу жумладан лойиҳа институтлари, инжиниринг ва консалтинг компаниялари, илмий-таълим муассасалари, шунингдек, халқаро ташкилотлар, чет эл ва маҳаллий компаниялар билан ҳамкорлик қилади.
4. Марказга юклатилган вазифаларни сифатли бажариш мақсадида Марказ директорига Ўзбекистон Республикаси Иқтисодиёт ва саноат вазирлиги билан келишган ҳолда қўшимча равишда мустақил чет эллик, маҳаллий маслаҳатчилар ва экспертларни шартнома асосида жалб қилиш ҳуқуқи берилсин.
5. Қуйидагилар Марказ фаолиятини молиялаштириш манбалари этиб белгилансин:
кўрсатилган хизматлардан олинган даромадлар;
Ўзбекистон Республикаси Давлат бюджети маблағлари, шунингдек, Марказни таъминлаш учун Ўзбекистон Республикаси Иқтисодиёт ва саноат вазирлигига бериладиган мулк;
Марказнинг бўш маблағларини тижорат банклари депозитларига жойлаштиришдан олинган даромадлар;
Ўзбекистон Республикаси қонун ҳужжатлари билан тақиқланмаган бошқа манбалар.
6. Белгилансинки, Хизматчиларнинг асосий лавозимлари ва ишчилар касблари классификатори ишга қабул қилишда ходимлар маълумотининг энг паст даражаси, ишчилар касблари бўйича малака разрядларини белгилаш юзасидан тегишли йўналишда хорижий олий таълим муассасаларини тамомлаган мутахассисларга нисбатан Марказда қўлланилиши, истисно тариқасида, тавсиявий характерга эга.
7. Белгилаб қўйилсинки:
Марказ импорт контрактларини, Ўзбекистон Республикасининг ривожланиш давлат дастурларига киритиладиган лойиҳаларнинг лойиҳаолди ҳужжатлари, техник топшириқлари, тендер ҳужжатларини комплекс экспертизадан ўтказиш бўйича ишлар ва хизматларни субпудрат шартида топширишга, шунингдек, лойиҳа институтлари, инжиниринг ва консалтинг компанияларини танлаш тўғрисида тавсиялар беришга ҳақли эмас;
Ўзбекистон Республикаси Иқтисодиёт ва саноат вазирлиги ва Марказнинг мансабдор шахслари Ўзбекистон Республикасининг ривожланиш давлат дастурларига киритиладиган лойиҳаларнинг лойиҳаолди ҳужжатлари, техник топшириқлари, тендер ҳужжатлари ҳамда импорт контрактларининг комплекс экспертизаси натижаларининг ишончлилиги ва холислиги учун жавобгардир.
8. Агентлик Марказ билан биргаликда қурилиш тармоғини лицензиялаш ва техник жиҳатдан тартибга солишнинг амалдаги тартибини танқидий ўргансин ҳамда уч ой муддатда қурилиш тармоғини лицензиялаш ва техник жиҳатдан тартибга солишнинг замонавий механизмларини жорий этиш, шу жумладан қуйидагиларда Агентликнинг мажбурий иштирок этишини назарда тутувчи Ўзбекистон Республикаси Президентининг қарори лойиҳасини белгиланган тартибда киритсин:
архитектура-шаҳарсозлик ҳужжатларини ишлаб чиқиш фаолиятини лицензиялашда;
қурилиш лойиҳаларини экспертизадан ўтказиш фаолиятини лицензиялашда;
шаҳарсозлик фаолияти объектлари бўйича лойиҳалаш ишларини ва комплекс муҳандислик қидирувларини мувофиқлаштиришда, лойиҳалаш хизмати бозорини ривожлантиришга кўмаклашишда.
10. Ўзбекистон Республикаси Давлат архитектура ва қурилиш қўмитаси икки ҳафта муддатда марказлаштирилган маълумотлар базасини ва архитектура-шаҳарсозлик ҳужжатларини ишлаб чиқиш, қурилиш лойиҳаларини экспертизадан ўтказиш, кўприклар ва тоннелларни лойиҳалаштириш, қуриш, улардан фойдаланиш ва таъмирлаш, хавфи юқори бўлган объектлар ҳамда потенциал хавфли ишлаб чиқаришларни лойиҳалаштириш, қуриш ва улардан фойдаланиш, баландликларда саноат альпинизми усуллари орқали таъмирлаш, қурилиш-монтаж ишларини бажариш фаолиятига илгари берилган лицензиялар тўғрисидаги материалларни Агентликка топширсин.
11. Ўзбекистон Республикаси Инвестициялар бўйича давлат қўмитаси икки ҳафта муддатда импорт контрактлари ва тендер ҳужжатларининг илгари экспертизадан ҳамда рўйхатдан ўтказилганлиги тўғрисидаги маълумотлар базаси ва материалларни Агентликка топширсин.
12. Ўзбекистон Республикаси Миллий статистика қўмитаси Марказни даврий статистик ҳисобот, шунингдек, инвестициявий ва иифратузилмавий лойиҳаларни амалга ошириш, капитал қўйилмаларни ўзлаштириш, қувватларни ишга тушириш ва номолиявий активларга инвестицияларни йўналтиришни амалга ошириш қисмида ҳар чораклик ва йиллик жўнатмалар рўйхатига киритсин.
13. Ўзбекистон Республикаси Ахборот технологиялари ва коммуникацияларини ривожлантириш вазирлиги Агентлик, Ташқи савдо вазирлиги, Инвестициялар бўйича давлат қўмитаси, Давлат божхона қўмитаси ва Давлат солиқ қўмитаси билан биргаликда икки ой муддатда:
Ташқи савдо операцияларининг ягона электрон ахборот тизимида (кейинги ўринларда ТСОЯЭАТ деб юритилади) импорт контракти рўйхатдан ўтказилганлиги, шу жумладан импорт контрактлари бўйича мўлжалланган юкни ортишдан олдинги инспекция тўғрисидаги маълумотларни киритиш имконини берувчи тизимли маҳсулотларни ишлаб чиқсин;
Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг тизимли маҳсулотларининг ТСОЯЭАТга уланиши ва ундан узлуксиз фойдаланиш имкониятини таъминласин;
ТСОЯЭАТда контрактларни тузишда, шу жумладан бир товар туркуми бўйича бир қанча контрактларни тузиш орқали йўл қўйилиши мумкин бўлган суиистеъмолчиликларни аниқлаш юзасидан функция жорий этсин.
14. Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти, Давлат солиқ қўмитаси Марказий банк ва бошқа манфаатдор идоралар билан биргаликда 2018 йил 1 мартга кадар муддатда 2015 — 2017 йилларда белгиланган тартибда рўйхатдан ўтказилган, шу жумладан баҳолаш экспертизаси ва импорт қилинаётган товарларнинг юкни ортишдан олдинги инспекцияси ўтказилган экспорт ва импорт контрактларини танқидий ўргансин.
Ўрганиш натижасига кўра контрактларни экспертиза ва рўйхатдан ўтказиш бўйича фаолиятни такомиллаштириш, тақдим қилинган ҳужжатларнинг ҳаққонийлиги бўйича мажбурий текшириш ва ваколатли шахсларнинг имзоларига қўйилган талабларни белгилаш, манфаатлар тўқнашувини истисно қилиш, шунингдек, товарлар (хизматлар) нархининг, шу жумладан божхона органларининг маълумотлар базалари асосида ягона маълумотлар базасини яратишга йўналтирилган норматив-ҳуқуқий ҳужжат лойиҳаси киритилсин.
Экспорт ва импорт контрактларини ўрганиш давомида Ўзбекистон Республикаси Ташқи савдо вазирлиги, Инвестициялар бўйича давлат қўмитаси ва «Ўзстандарт» агентлиги зарур маълумот ва материалларнинг тақдим этилишини таъминласин.
15. Агентлик бошқа манфаатдор идоралар билан биргаликда икки ой муддатда:
Марказнинг Уставини тасдиқласин ва белгиланган тартибда унинг давлат рўйхатидан ўтказилишини таъминласин;
Марказни Марказ фаолиятини юқори ва профессионал даражада самарали ташкил этишни таъминлай оладиган малакали кадрлар билан тўлдирсин;
юклатилган вазифаларни самарали бажариш учун Марказни мебель, компьютер техникаси, алоқа воситалари ва бошқа зарурий моддий-техника ресурслари билан жиҳозлашни таъминласин;
қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Вазирлар Маҳкамасига киритсин.
16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Лойиҳа бошқаруви миллий агентлигининг директори Ш.М. Садиқов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 8 январь,
ПҚ-3464-сон
Oʻzbekiston Respublikasi Prezidentining
Qarori
Oʻzbekiston Respublikasining rivojlanish davlat dasturlarini shakllantirish va roʻyobga chiqarish, davlat xaridlarini amalga oshirish doirasida hujjatlarni kompleks ekspertiza qilishning samarali tizimini yaratish toʻgʻrisida
Oʻzbekiston Respublikasining rivojlanish davlat dasturlarini shakllantirish va roʻyobga chiqarish, davlat xaridlarini amalga oshirish doirasida loyihalarni, ularning loyihaoldi, loyiha va tender hujjatlarini, texnik topshiriqlarini kompleks ekspertiza qilishning samarali tizimini yaratish maqsadida, shuningdek, Oʻzbekiston Respublikasi Prezidentining 2017-yil 18-dekabrdagi “Oʻzbekiston Respublikasining rivojlanish davlat dasturlarini shakllantirish va moliyalashtirishning yangi tartibini joriy etish toʻgʻrisida”gi PQ-3437-son qaroriga muvofiq:
1. Oʻzbekiston Respublikasi Prezidenti huzuridagi Loyiha boshqaruvi milliy agentligi (keyingi oʻrinlarda Agentlik deb yuritiladi), Investitsiyalar boʻyicha davlat qoʻmitasi, Iqtisodiyot vazirligi va Moliya vazirligining Agentlik huzurida davlat unitar korxonasi shaklida Loyihalar va import kontraktlarini kompleks ekspertiza qilish markazini (keyingi oʻrinlarda Markaz deb yuritiladi) tashkil etish haqidagi taklifi maʼqullansin.
2. Belgilab qoʻyilsinki, Markaz quyidagilarni amalga oshiradi:
Oʻzbekiston Respublikasining rivojlanish davlat dasturlariga kiritiladigan loyihalarni kompleks ekspertiza qilishni tashkil etish;
Oʻzbekiston Respublikasining rivojlanish davlat dasturlarini shakllantirish va roʻyobga chiqarish doirasida, shuningdek, davlat xaridlarini amalga oshirishda ishlab chiqiladigan loyihaoldi, loyiha va tender hujjatlarini, texnik topshiriqlarni kompleks ekspertiza qilish;
Oʻzbekiston Respublikasining rivojlanish davlat dasturlarini roʻyobga chiqarish doirasida, shuningdek, davlat xaridlarini amalga oshirishda tuziladigan import kontraktlarini ekspertiza qilish va roʻyxatdan oʻtkazish;
resurslarning yagona milliy maʼlumotnomasini shakllantirish va yangilash.
3. Belgilansinki:
Oʻzbekiston Respublikasi Iqtisodiyot va sanoat vazirligi Markazning muassisi (mulkdori) hisoblanadi;
Markaz faoliyatini toʻliq oʻzini oʻzi moliyalashtirish asosida olib boradi hamda Qoraqalpogʻiston Respublikasi, viloyatlar va Toshkent shahrida filiallar tashkil etish huquqiga ega;
Markazning faoliyat sohasi barcha davlat organlariga, xoʻjalik boshqaruvi organlariga, ustav fondida davlat ulushi 50 foiz va undan ortiq boʻlgan xoʻjalik yurituvchi subyektlarga, davlat ulushi 50 foiz va undan ortiq boʻlgan yuridik shaxslarga ustav fondining 50 foizi va undan ortigʻi tegishli xoʻjalik yurituvchi subyektlarga, shuningdek, Oʻzbekiston Respublikasining rivojlanish davlat dasturlari doirasida amalga oshiriladigan barcha loyihalarga tatbiq etiladi;
Markaz oʻziga yuklatilgan vazifalarni bajarishda davlat va nodavlat tashkilotlar, shu jumladan loyiha institutlari, injiniring va konsalting kompaniyalari, ilmiy-taʼlim muassasalari, shuningdek, xalqaro tashkilotlar, chet el va mahalliy kompaniyalar bilan hamkorlik qiladi.
4. Markazga yuklatilgan vazifalarni sifatli bajarish maqsadida Markaz direktoriga Oʻzbekiston Respublikasi Iqtisodiyot va sanoat vazirligi bilan kelishgan holda qoʻshimcha ravishda mustaqil chet ellik, mahalliy maslahatchilar va ekspertlarni shartnoma asosida jalb qilish huquqi berilsin.
5. Quyidagilar Markaz faoliyatini moliyalashtirish manbalari etib belgilansin:
koʻrsatilgan xizmatlardan olingan daromadlar;
Oʻzbekiston Respublikasi Davlat budjeti mablagʻlari, shuningdek, Markazni taʼminlash uchun Oʻzbekiston Respublikasi Iqtisodiyot va sanoat vazirligiga beriladigan mulk;
Markazning boʻsh mablagʻlarini tijorat banklari depozitlariga joylashtirishdan olingan daromadlar;
Oʻzbekiston Respublikasi qonun hujjatlari bilan taqiqlanmagan boshqa manbalar.
6. Belgilansinki, Xizmatchilarning asosiy lavozimlari va ishchilar kasblari klassifikatori ishga qabul qilishda xodimlar maʼlumotining eng past darajasi, ishchilar kasblari boʻyicha malaka razryadlarini belgilash yuzasidan tegishli yoʻnalishda xorijiy oliy taʼlim muassasalarini tamomlagan mutaxassislarga nisbatan Markazda qoʻllanilishi, istisno tariqasida, tavsiyaviy xarakterga ega.
7. Belgilab qoʻyilsinki:
Markaz import kontraktlarini, Oʻzbekiston Respublikasining rivojlanish davlat dasturlariga kiritiladigan loyihalarning loyihaoldi hujjatlari, texnik topshiriqlari, tender hujjatlarini kompleks ekspertizadan oʻtkazish boʻyicha ishlar va xizmatlarni subpudrat shartida topshirishga, shuningdek, loyiha institutlari, injiniring va konsalting kompaniyalarini tanlash toʻgʻrisida tavsiyalar berishga haqli emas;
Oʻzbekiston Respublikasi Iqtisodiyot va sanoat vazirligi va Markazning mansabdor shaxslari Oʻzbekiston Respublikasining rivojlanish davlat dasturlariga kiritiladigan loyihalarning loyihaoldi hujjatlari, texnik topshiriqlari, tender hujjatlari hamda import kontraktlarining kompleks ekspertizasi natijalarining ishonchliligi va xolisligi uchun javobgardir.
8. Agentlik Markaz bilan birgalikda qurilish tarmogʻini litsenziyalash va texnik jihatdan tartibga solishning amaldagi tartibini tanqidiy oʻrgansin hamda uch oy muddatda qurilish tarmogʻini litsenziyalash va texnik jihatdan tartibga solishning zamonaviy mexanizmlarini joriy etish, shu jumladan quyidagilarda Agentlikning majburiy ishtirok etishini nazarda tutuvchi Oʻzbekiston Respublikasi Prezidentining qarori loyihasini belgilangan tartibda kiritsin:
arxitektura-shaharsozlik hujjatlarini ishlab chiqish faoliyatini litsenziyalashda;
qurilish loyihalarini ekspertizadan oʻtkazish faoliyatini litsenziyalashda;
shaharsozlik faoliyati obyektlari boʻyicha loyihalash ishlarini va kompleks muhandislik qidiruvlarini muvofiqlashtirishda, loyihalash xizmati bozorini rivojlantirishga koʻmaklashishda.
10. Oʻzbekiston Respublikasi Davlat arxitektura va qurilish qoʻmitasi ikki hafta muddatda markazlashtirilgan maʼlumotlar bazasini va arxitektura-shaharsozlik hujjatlarini ishlab chiqish, qurilish loyihalarini ekspertizadan oʻtkazish, koʻpriklar va tonnellarni loyihalashtirish, qurish, ulardan foydalanish va taʼmirlash, xavfi yuqori boʻlgan obyektlar hamda potensial xavfli ishlab chiqarishlarni loyihalashtirish, qurish va ulardan foydalanish, balandliklarda sanoat alpinizmi usullari orqali taʼmirlash, qurilish-montaj ishlarini bajarish faoliyatiga ilgari berilgan litsenziyalar toʻgʻrisidagi materiallarni Agentlikka topshirsin.
11. Oʻzbekiston Respublikasi Investitsiyalar boʻyicha davlat qoʻmitasi ikki hafta muddatda import kontraktlari va tender hujjatlarining ilgari ekspertizadan hamda roʻyxatdan oʻtkazilganligi toʻgʻrisidagi maʼlumotlar bazasi va materiallarni Agentlikka topshirsin.
12. Oʻzbekiston Respublikasi Milliy statistika qoʻmitasi Markazni davriy statistik hisobot, shuningdek, investitsiyaviy va iifratuzilmaviy loyihalarni amalga oshirish, kapital qoʻyilmalarni oʻzlashtirish, quvvatlarni ishga tushirish va nomoliyaviy aktivlarga investitsiyalarni yoʻnaltirishni amalga oshirish qismida har choraklik va yillik joʻnatmalar roʻyxatiga kiritsin.
13. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Agentlik, Tashqi savdo vazirligi, Investitsiyalar boʻyicha davlat qoʻmitasi, Davlat bojxona qoʻmitasi va Davlat soliq qoʻmitasi bilan birgalikda ikki oy muddatda:
Tashqi savdo operatsiyalarining yagona elektron axborot tizimida (keyingi oʻrinlarda TSOYAEAT deb yuritiladi) import kontrakti roʻyxatdan oʻtkazilganligi, shu jumladan import kontraktlari boʻyicha moʻljallangan yukni ortishdan oldingi inspeksiya toʻgʻrisidagi maʼlumotlarni kiritish imkonini beruvchi tizimli mahsulotlarni ishlab chiqsin;
Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining tizimli mahsulotlarining TSOYAEATga ulanishi va undan uzluksiz foydalanish imkoniyatini taʼminlasin;
TSOYAEATda kontraktlarni tuzishda, shu jumladan bir tovar turkumi boʻyicha bir qancha kontraktlarni tuzish orqali yoʻl qoʻyilishi mumkin boʻlgan suiisteʼmolchiliklarni aniqlash yuzasidan funksiya joriy etsin.
14. Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti, Davlat soliq qoʻmitasi Markaziy bank va boshqa manfaatdor idoralar bilan birgalikda 2018-yil 1-martga kadar muddatda 2015 — 2017-yillarda belgilangan tartibda roʻyxatdan oʻtkazilgan, shu jumladan baholash ekspertizasi va import qilinayotgan tovarlarning yukni ortishdan oldingi inspeksiyasi oʻtkazilgan eksport va import kontraktlarini tanqidiy oʻrgansin.
Oʻrganish natijasiga koʻra kontraktlarni ekspertiza va roʻyxatdan oʻtkazish boʻyicha faoliyatni takomillashtirish, taqdim qilingan hujjatlarning haqqoniyligi boʻyicha majburiy tekshirish va vakolatli shaxslarning imzolariga qoʻyilgan talablarni belgilash, manfaatlar toʻqnashuvini istisno qilish, shuningdek, tovarlar (xizmatlar) narxining, shu jumladan bojxona organlarining maʼlumotlar bazalari asosida yagona maʼlumotlar bazasini yaratishga yoʻnaltirilgan normativ-huquqiy hujjat loyihasi kiritilsin.
Eksport va import kontraktlarini oʻrganish davomida Oʻzbekiston Respublikasi Tashqi savdo vazirligi, Investitsiyalar boʻyicha davlat qoʻmitasi va “Oʻzstandart” agentligi zarur maʼlumot va materiallarning taqdim etilishini taʼminlasin.
15. Agentlik boshqa manfaatdor idoralar bilan birgalikda ikki oy muddatda:
Markazning Ustavini tasdiqlasin va belgilangan tartibda uning davlat roʻyxatidan oʻtkazilishini taʼminlasin;
Markazni Markaz faoliyatini yuqori va professional darajada samarali tashkil etishni taʼminlay oladigan malakali kadrlar bilan toʻldirsin;
yuklatilgan vazifalarni samarali bajarish uchun Markazni mebel, kompyuter texnikasi, aloqa vositalari va boshqa zaruriy moddiy-texnika resurslari bilan jihozlashni taʼminlasin;
qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.
16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Loyiha boshqaruvi milliy agentligining direktori Sh.M. Sadiqov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 8-yanvar,
PQ-3464-son
Президента Республики Узбекистан
Постановление
О создании эффективной системы комплексной экспертизы документации в рамках формирования и реализации государственных программ развития Республики Узбекистан, осуществления государственных закупок
В целях создания эффективной системы комплексной экспертизы проектов, их предпроектной, проектной и тендерной документации, технических заданий в рамках формирования и реализации государственных программ развития Республики Узбекистан и осуществления государственных закупок, а также в соответствии с постановлением Президента Республики Узбекистан от 18 декабря 2017 года № ПП-3437 «О внедрении нового порядка формирования и финансирования государственных программ развития Республики Узбекистан»:
1. Одобрить предложение Национального агентства проектного управления при Президенте Республики Узбекистан (далее — Агентство), Государственного комитета по инвестициям, Министерства экономики и Министерства финансов о создании Центра комплексной экспертизы проектов и импортных контрактов при Агентстве (далее — Центр) в форме государственного унитарного предприятия.
2. Определить, что Центр осуществляет:
организацию комплексной экспертизы проектов, включаемых в государственные программы развития Республики Узбекистан;
комплексную экспертизу предпроектной, проектной и тендерной документации, технических заданий, разрабатываемых в рамках формирования и реализации государственных программ развития Республики Узбекистан, а также при осуществлении государственных закупок;
экспертизу и регистрацию импортных контрактов, заключаемых в рамках реализации государственных программ развития Республики Узбекистан, а также при осуществлении государственных закупок;
формирование и обновление единого национального справочника ресурсов.
3. Установить, что:
Министерство экономики и промышленности Республики Узбекистан является учредителем (собственником) Центра;
Центр осуществляет свою деятельность на основе полного самофинансирования и вправе создавать филиалы в Республике Каракалпакстан, областях и городе Ташкенте;
сфера деятельности Центра распространяется на все государственные органы, органы хозяйственного управления, хозяйствующие субъекты с долей государства в уставном фонде 50 процентов и более, хозяйствующие субъекты, в уставном фонде которых 50 процентов и более принадлежит юридическому лицу с долей государства 50 процентов и более, а также на все проекты, реализуемые в рамках государственных программ развития Республики Узбекистан;
при выполнении возложенных задач Центр взаимодействует с государственными и негосударственными организациями, в том числе проектными институтами, инжиниринговыми и консалтинговыми компаниями, научно-образовательными учреждениями, а также международными организациями, иностранными и национальными компаниями.
4. Предоставить директору Центра право по согласованию с Министерством экономики и промышленности Республики Узбекистан дополнительно привлекать независимых иностранных, национальных консультантов и экспертов на договорной основе в целях качественного выполнения задач, возложенных на Центр.
5. Определить источниками финансирования деятельности Центра:
доходы, полученные от оказываемых услуг;
средства Государственного бюджета Республики Узбекистан, а также имущество, передаваемое Министерством экономики и промышленности Республики Узбекистан на содержание Центра;
доходы от размещения свободных средств Центра на депозитах коммерческих банков;
другие источники, не запрещенные законодательством Республики Узбекистан.
6. Определить что Классификатор основных должностей служащих и профессий рабочих в части минимального уровня образования при приеме на работу, установления квалификационных разрядов по профессиям рабочих носит, в порядке исключения, рекомендательный характер для применения в Центре в отношении специалистов соответствующего направления, окончивших зарубежные высшие образовательные учреждения.
7. Определить, что:
Центр не вправе передавать на условиях субподряда работы и услуги по проведению комплексной экспертизы предпроектной документации, технических заданий, тендерной документации проектов, включаемых в государственные программы развития Республики Узбекистан, импортных контрактов, а также давать рекомендацию о выборе проектных институтов, инжиниринговых и консалтинговых компаний;
должностные лица Министерства экономики и промышленности Республики Узбекистан и Центра несут ответственность за достоверность и объективность результатов комплексной экспертизы предпроектной документации, технических заданий, тендерной документации проектов, включаемых в государственные программы развития Республики Узбекистан, а также импортных контрактов.
8. Агентству совместно с Центром критически изучить действующий порядок лицензирования и технического регулирования строительной отрасли и в трехмесячный срок внести в установленном порядке проект постановления Президента Республики Узбекистан, предусматривающий внедрение современных механизмов лицензирования и технического регулирования строительной отрасли, в том числе обязательное участие Агентства при:
лицензировании деятельности по разработке архитектурно-градостроительной документации;
лицензировании деятельности по проведению экспертизы проектов строительства;
координации проектных работ и комплексных инженерных изысканий по объектам градостроительной деятельности, содействии развитию рынка проектных услуг.
10. Государственному комитету Республики Узбекистан по архитектуре и строительству в двухнедельный срок передать Агентству централизованную базу данных и материалы о выданных ранее лицензиях на деятельность по разработке архитектурно-градостроительной документации, проведению экспертизы проектов строительства, проектированию, строительству, эксплуатации и ремонту мостов и тоннелей, проектированию, строительству и эксплуатации объектов повышенного риска и потенциально опасных производств, производству ремонтных, строительно-монтажных работ на высотах методами промышленного альпинизма.
11. Государственному комитету Республики Узбекистан по инвестициям в двухнедельный срок передать Агентству базу данных и материалы о ранее проведенной экспертизе и регистрации импортных контрактов и тендерной документации.
12. Национальному комитету Республики Узбекистан по статистике включить Центр в список рассылок периодической статистической отчетности, а также ежеквартальных и годовых статистических бюллетеней в части реализации инвестиционных и инфраструктурных проектов, освоения капитальных вложений, ввода мощностей и направления инвестиций в нефинансовые активы.
13. Министерству по развитию информационных технологий и коммуникаций совместно с Агентством, Министерством внешней торговли, Государственным комитетом по инвестициям, Государственным таможенным комитетом и Государственным налоговым комитетом Республики Узбекистан в двухмесячный срок:
разработать системные продукты в Единой электронной информационной системе внешнеторговых операций (далее — ЕЭИСВО), позволяющие вносить сведения о проведенной регистрации импортного контракта, в том числе предполагаемой предотгрузочной инспекции товаров по импортным контрактам;
подключить системные продукты Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан к ЕЭИСВО и обеспечивать бесперебойный доступ к ней;
внедрить в ЕЭИСВО функцию по выявлению возможных злоупотреблений при составлении контрактов, в том числе посредством заключения нескольких контрактов на одну партию товаров.
14. Департаменту по борьбе с налоговыми, валютными преступлениями и легализацией преступных доходов при Генеральной прокуратуре, Государственному налоговому комитету совместно с Центральным банком Республики Узбекистан и другими заинтересованными ведомствами в срок до 1 марта 2018 года провести критическое изучение экспортных и импортных контрактов, зарегистрированных в 2015 — 2017 годах в установленном порядке, в том числе по которым проведена ценовая экспертиза и предотгрузочная инспекция импортируемых товаров.
По итогам изучения внести проект нормативно-правового акта, направленный на совершенствование деятельности по экспертизе, регистрации контрактов, установление порядка обязательной проверки представленных документов на достоверность и требований к подписям уполномоченных лиц, исключение конфликта интересов, а также создание единой базы данных стоимости товаров (услуг), в том числе на основе баз данных таможенных органов.
В ходе изучения экспортных и импортных контрактов Министерству внешней торговли, Государственному комитету Республики Узбекистан по инвестициям и Агентству «Узстандарт» обеспечить предоставление необходимой информации и материалов.
15. Агентству совместно с другими заинтересованными ведомствами в двухмесячный срок:
утвердить Устав Центра и обеспечить его государственную регистрацию в установленном порядке;
укомплектовать Центр квалифицированными кадрами, способными на высоком и профессиональном уровне обеспечить эффективную организацию деятельности Центра;
обеспечить оснащение Центра мебелью, компьютерной техникой, средствами связи и иными необходимыми материально-техническими ресурсами для эффективного выполнения возложенных задач;
внести в Кабинет Министров предложения об изменениях и дополнениях в законодательство, вытекающих из настоящего постановления.
16. Контроль за исполнением настоящего постановления возложить на Премьер-министра Республики Узбекистан А.Н. Арипова, директора Национального агентства проектного управления при Президенте Республики Узбекистан Ш.M. Садикова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
8 января 2018 г.,
№ ПП-3464