📅 2017-yil 1-dekabr · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 1 декабрь · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 1 декабря 2017 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 1 December 2017 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
«Автомототранспорт воситаларини қайта рўйхатдан ўтказишни (қайд этишни) ташкил этиш ва амалга ошириш тартиби тўғрисидаги Йўриқномани тасдиқлаш ҳақида»ги буйруққа ўзгартириш ва қўшимчалар киритиш тўғрисида
Ўзбекистон Республикаси Вазирлар Маҳкамасининг 2017 йил 31 августдаги 683-сон «Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида»ги қарорига мувофиқ буюраман:
1. Ўзбекистон Республикаси Ички ишлар вазирининг 2009 йил 13 октябрдаги 107-сон «Автомототранспорт воситаларини қайта рўйхатдан ўтказишни (қайд этишни) ташкил этиш ва амалга ошириш тартиби тўғрисидаги Йўриқномани тасдиқлаш ҳақида»ги буйруғига (рўйхат рақами 2050, 2009 йил 30 ноябрь) (Ўзбекистон Республикаси қонун ҳужжатлари тўплами, 2009 й., 50-51-сон, 545-модда) иловага мувофиқ ўзгартириш ва қўшимчалар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси ички ишлар вазирининг 2017 йил 1 декабрдаги 259-сон буйруғига ИЛОВА
«Автомототранспорт воситаларини қайта рўйхатдан ўтказишни (қайд этишни) ташкил этиш ва амалга ошириш тартиби тўғрисидаги Йўриқномани тасдиқлаш ҳақида»ги буйруққа киритилаётган ўзгартириш ва қўшимчалар
1. Буйруқ муқаддимасидаги «Ўзбекистон Республикаси Вазирлар Маҳкамасининг 1997 йил 26 майдаги 256-сон «Автомототранспорт воситаларини рўйхатидан ўтказиш, қайта рўйхатдан ўтказиш ва уларнинг ҳисобини олиб бориш, миллий давлат рақами белгиларини бериш ва уларни алмаштириш ишларини тартибга солиш ҳақида» (Ўзбекистон Республикаси Ҳукуматининг қарорлар тўплами, 1997 й., 5-сон, 18-модда)» деган сўзлар «Ўзбекистон Республикаси Вазирлар Маҳкамасининг 2017 йил 31 августдаги 683-сон «Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида» деган сўзлар билан алмаштирилсин.
2. Йўриқномада :
а) муқаддимадаги «Ўзбекистон Республикаси Вазирлар Маҳкамасининг 1997 йил 26 майдаги 256-сонли «Автомототранспорт воситаларини рўйхатидан ўтказиш, қайта рўйхатдан ўтказиш ва уларнинг ҳисобини олиб бориш, миллий давлат рақами белгиларини бериш ва уларни алмаштириш ишларини тартибга солиш ҳақида» (Ўзбекистон Республикаси Ҳукуматининг қарорлар тўплами, 1997 й., 5-сон, 18-модда)» деган сўзлар «Ўзбекистон Республикаси Вазирлар Маҳкамасининг 2017 йил 31 августдаги 683-сон «Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида» деган сўзлар билан алмаштирилсин;
б) 3-банд қуйидаги таҳрирда баён этилсин:
«3. Автомототранспорт воситаларини қайта рўйхатдан ўтказиш қуйидаги ҳолларда амалга оширилади:
мулкдор-жисмоний шахснинг фамилияси, исми, отасининг исми ўзгарганда, шунингдек мулкдор-юридик шахс қайта ташкил этилганда ёки номланиши ўзгарганда;
автомототранспорт воситаларини рўйхатдан ўтказиш жойини ўзгартиришни талаб қилмаган ҳолда автомототранспорт воситаси эгасининг яшаш (турар) жойи ёки жойлашган жойи (почта манзили) ўзгарганда;
юридик шахсларга тегишли юк автомототранспорт воситаларининг, автобус ва микроавтобусларнинг сақлаб туриладиган жойи ўзгарганда;
автомототранспорт воситаларининг ранги ва (ёки) рақамли агрегати ўзгарганда;
автомототранспорт воситаси қайта жиҳозланганда;
автомототранспорт воситасини рўйхатдан ўтказиш гувоҳномаси ёки рўйхатдан ўтказиш давлат рақам белгиси яроқсиз ҳолга келганда, шикастланганда ёки йўқолганда.»;
в) 9-банддаги «Тошкент шаҳар Ички ишлар бош бошқармасининг Йўл ҳаракати хавфсизлиги бошқармасига» деган сўзлар «Ички ишлар вазирлиги Йўл ҳаракати хавфсизлиги бош бошқармасига (бундан кейинги ўринларда ИИВ ЙҲХББ деб юритилади)» деган сўзлар билан алмаштирилсин;
г) 11-бандда :
«Тошкент шаҳар Ички ишлар бош бошқармасининг Йўл ҳаракати хавфсизлиги бошқармасининг Ихтисослаштирилган монтаж қилиш ва фойдаланиш бошқармаси ҳузуридаги «Ўзавтомотобелги» шуъба корхонасида (бундан кейинги ўринларда шуъба корхона деб юритилади)» деган сўзлар «ИИВ ЙҲХББ қошидаги «Uzavtomotobelgi» Давлат унитар корхонасида (бундан кейинги ўринларда Давлат унитар корхона деб юритилади)» деган сўзлар билан алмаштирилсин;
«шуъба корхонасига» деган сўзлар «Давлат унитар корхонага» деган сўзлар билан алмаштирилсин;
д) 12-банддаги «Шуъба корхона» деган сўзлар «Давлат унитар корхона» деган сўзлар билан алмаштирилсин;
е) 14-банд қуйидаги таҳрирда баён этилсин:
«14. Автомототранспорт воситаларининг ҳар бир қайта тикланган рўйхатдан ўтказиш давлат рақами белгилари ҳақидаги маълумот ИИВ ЙҲХББ ва Ахборот маркази электрон ҳисоб базасига киритилади.»;
ж) қуйидаги мазмундаги 17 1 ва 17 2 -бандлар билан тўлдирилсин:
«17 1 . Рўйхатдан ўтказиш давлат рақами белгисини қисқа муддатда қайта тиклаш зарурияти пайдо бўлганда жисмоний ва юридик шахслар ИИВ ЙҲХББга ариза билан мурожаат этишлари мумкин.
Аризага қуйидагилар илова қилинади:
автомототранспорт воситаси эгаси ёки унинг вакилининг шахсини тасдиқловчи ҳужжат;
тегишли тўловни тасдиқловчи ҳужжат;
транспорт воситасининг рўйхатга олинганлиги тўғрисидаги қайд этиш гувоҳномасининг нусхаси.
17 2 . ИИВ ЙҲХББ томонидан уч иш куни ичида ариза ва унга илова қилинган ҳужжатлар ўрганилиб, транспорт воситаси кўрикдан ўтказилади. Ҳужжатларда камчиликлар аниқланмаган тақдирда Тошкент шаҳар Ички ишлар бош бошқармаси Йўл ҳаракати хавфсизлиги бошқармасига ҳамда Давлат унитар корхонасига тегишли топшириқ юборилади.
Тошкент шаҳар Ички ишлар бош бошқармаси Йўл ҳаракати хавфсизлиги бошқармаси шу куннинг ўзида яроқсиз ёки шикастланган рўйхатдан ўтказиш давлат рақами белгиларини қабул қилади ҳамда қайта тиклаш даврида илгари фойдаланишда бўлган рўйхатдан ўтказиш давлат рақами белгиларини вақтинча фойдаланишга беради.
Қайта тикланган рўйхатдан ўтказиш давлат рақами белгилари беш иш куни ичида Тошкент шаҳар Ички ишлар бош бошқармаси Йўл ҳаракати хавфсизлиги бошқармаси томонидан берилади.».
Вазир П. БОБОЖОНОВ
Тошкент ш.,
2017 йил 1 декабрь,
259-сон
Oʻzbekiston Respublikasi Ichki ishlar vazirining
buyrugʻi
“Avtomototransport vositalarini qayta roʻyxatdan oʻtkazishni (qayd etishni) tashkil etish va amalga oshirish tartibi toʻgʻrisidagi Yoʻriqnomani tasdiqlash haqida”gi buyruqqa oʻzgartirish va qoʻshimchalar kiritish toʻgʻrisida
Oʻzbekiston Respublikasi Vazirlar Mahkamasining 2017-yil 31-avgustdagi 683-son “Avtomototransport vositalarini davlat roʻyxatidan oʻtkazish va ularga roʻyxatdan oʻtkazish davlat raqami belgilarini berish tartibini takomillashtirish toʻgʻrisida”gi qaroriga muvofiq buyuraman:
1. Oʻzbekiston Respublikasi Ichki ishlar vazirining 2009-yil 13-oktabrdagi 107-son “Avtomototransport vositalarini qayta roʻyxatdan oʻtkazishni (qayd etishni) tashkil etish va amalga oshirish tartibi toʻgʻrisidagi Yoʻriqnomani tasdiqlash haqida”gi buyrugʻiga (roʻyxat raqami 2050, 2009-yil 30-noyabr) (Oʻzbekiston Respublikasi qonun hujjatlari toʻplami, 2009-y., 50-51-son, 545-modda) ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi ichki ishlar vazirining 2017-yil 1-dekabrdagi 259-son buyrugʻiga ILOVA
“Avtomototransport vositalarini qayta roʻyxatdan oʻtkazishni (qayd etishni) tashkil etish va amalga oshirish tartibi toʻgʻrisidagi Yoʻriqnomani tasdiqlash haqida”gi buyruqqa kiritilayotgan oʻzgartirish va qoʻshimchalar
1. Buyruq muqaddimasidagi “Oʻzbekiston Respublikasi Vazirlar Mahkamasining 1997-yil 26-maydagi 256-son “Avtomototransport vositalarini roʻyxatidan oʻtkazish, qayta roʻyxatdan oʻtkazish va ularning hisobini olib borish, milliy davlat raqami belgilarini berish va ularni almashtirish ishlarini tartibga solish haqida” (Oʻzbekiston Respublikasi Hukumatining qarorlar toʻplami, 1997-y., 5-son, 18-modda)” degan soʻzlar “Oʻzbekiston Respublikasi Vazirlar Mahkamasining 2017-yil 31-avgustdagi 683-son “Avtomototransport vositalarini davlat roʻyxatidan oʻtkazish va ularga roʻyxatdan oʻtkazish davlat raqami belgilarini berish tartibini takomillashtirish toʻgʻrisida” degan soʻzlar bilan almashtirilsin.
2. Yoʻriqnomada :
a) muqaddimadagi “Oʻzbekiston Respublikasi Vazirlar Mahkamasining 1997-yil 26-maydagi 256-sonli “Avtomototransport vositalarini roʻyxatidan oʻtkazish, qayta roʻyxatdan oʻtkazish va ularning hisobini olib borish, milliy davlat raqami belgilarini berish va ularni almashtirish ishlarini tartibga solish haqida” (Oʻzbekiston Respublikasi Hukumatining qarorlar toʻplami, 1997-y., 5-son, 18-modda)” degan soʻzlar “Oʻzbekiston Respublikasi Vazirlar Mahkamasining 2017-yil 31-avgustdagi 683-son “Avtomototransport vositalarini davlat roʻyxatidan oʻtkazish va ularga roʻyxatdan oʻtkazish davlat raqami belgilarini berish tartibini takomillashtirish toʻgʻrisida” degan soʻzlar bilan almashtirilsin;
b) 3-band quyidagi tahrirda bayon etilsin:
“3. Avtomototransport vositalarini qayta roʻyxatdan oʻtkazish quyidagi hollarda amalga oshiriladi:
mulkdor-jismoniy shaxsning familiyasi, ismi, otasining ismi oʻzgarganda, shuningdek mulkdor-yuridik shaxs qayta tashkil etilganda yoki nomlanishi oʻzgarganda;
avtomototransport vositalarini roʻyxatdan oʻtkazish joyini oʻzgartirishni talab qilmagan holda avtomototransport vositasi egasining yashash (turar) joyi yoki joylashgan joyi (pochta manzili) oʻzgarganda;
yuridik shaxslarga tegishli yuk avtomototransport vositalarining, avtobus va mikroavtobuslarning saqlab turiladigan joyi oʻzgarganda;
avtomototransport vositalarining rangi va (yoki) raqamli agregati oʻzgarganda;
avtomototransport vositasi qayta jihozlanganda;
avtomototransport vositasini roʻyxatdan oʻtkazish guvohnomasi yoki roʻyxatdan oʻtkazish davlat raqam belgisi yaroqsiz holga kelganda, shikastlanganda yoki yoʻqolganda.”;
v) 9-banddagi “Toshkent shahar Ichki ishlar bosh boshqarmasining Yoʻl harakati xavfsizligi boshqarmasiga” degan soʻzlar “Ichki ishlar vazirligi Yoʻl harakati xavfsizligi bosh boshqarmasiga (bundan keyingi oʻrinlarda IIV YHXBB deb yuritiladi)” degan soʻzlar bilan almashtirilsin;
g) 11-bandda :
“Toshkent shahar Ichki ishlar bosh boshqarmasining Yoʻl harakati xavfsizligi boshqarmasining Ixtisoslashtirilgan montaj qilish va foydalanish boshqarmasi huzuridagi “Oʻzavtomotobelgi” shuʼba korxonasida (bundan keyingi oʻrinlarda shuʼba korxona deb yuritiladi)” degan soʻzlar “IIV YHXBB qoshidagi “Uzavtomotobelgi” Davlat unitar korxonasida (bundan keyingi oʻrinlarda Davlat unitar korxona deb yuritiladi)” degan soʻzlar bilan almashtirilsin;
“shuʼba korxonasiga” degan soʻzlar “Davlat unitar korxonaga” degan soʻzlar bilan almashtirilsin;
d) 12-banddagi “Shuʼba korxona” degan soʻzlar “Davlat unitar korxona” degan soʻzlar bilan almashtirilsin;
e) 14-band quyidagi tahrirda bayon etilsin:
“14. Avtomototransport vositalarining har bir qayta tiklangan roʻyxatdan oʻtkazish davlat raqami belgilari haqidagi maʼlumot IIV YHXBB va Axborot markazi elektron hisob bazasiga kiritiladi.”;
j) quyidagi mazmundagi 17 1 va 17 2 -bandlar bilan toʻldirilsin:
“17 1 . Roʻyxatdan oʻtkazish davlat raqami belgisini qisqa muddatda qayta tiklash zaruriyati paydo boʻlganda jismoniy va yuridik shaxslar IIV YHXBBga ariza bilan murojaat etishlari mumkin.
Arizaga quyidagilar ilova qilinadi:
avtomototransport vositasi egasi yoki uning vakilining shaxsini tasdiqlovchi hujjat;
tegishli toʻlovni tasdiqlovchi hujjat;
transport vositasining roʻyxatga olinganligi toʻgʻrisidagi qayd etish guvohnomasining nusxasi.
17 2 . IIV YHXBB tomonidan uch ish kuni ichida ariza va unga ilova qilingan hujjatlar oʻrganilib, transport vositasi koʻrikdan oʻtkaziladi. Hujjatlarda kamchiliklar aniqlanmagan taqdirda Toshkent shahar Ichki ishlar bosh boshqarmasi Yoʻl harakati xavfsizligi boshqarmasiga hamda Davlat unitar korxonasiga tegishli topshiriq yuboriladi.
Toshkent shahar Ichki ishlar bosh boshqarmasi Yoʻl harakati xavfsizligi boshqarmasi shu kunning oʻzida yaroqsiz yoki shikastlangan roʻyxatdan oʻtkazish davlat raqami belgilarini qabul qiladi hamda qayta tiklash davrida ilgari foydalanishda boʻlgan roʻyxatdan oʻtkazish davlat raqami belgilarini vaqtincha foydalanishga beradi.
Qayta tiklangan roʻyxatdan oʻtkazish davlat raqami belgilari besh ish kuni ichida Toshkent shahar Ichki ishlar bosh boshqarmasi Yoʻl harakati xavfsizligi boshqarmasi tomonidan beriladi.”.
Vazir P. BOBOJONOV
Toshkent sh.,
2017-yil 1-dekabr,
259-son