📅 2018-yil 12-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 января 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 12 January 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Илмий-инновацион ишланма ва технологияларни ишлаб чиқаришга татбиқ этишнинг самарали механизмларини яратиш чора-тадбирлари тўғрисида
Инновация фаолиятини давлат томонидан тартибга солиш механизмларини такомиллаштириш, илмий ишланма ва илмий ҳажмдор технологияларни ишлаб чиқаришга татбиқ этиш учун инновацион муҳитни яхшилаш, илмий-тадқиқот фаолиятининг самарадорлиги ва сифатини ошириш, илмий ҳажмдор маҳсулотларнинг ички ва ташқи бозорларида рақобатбардош илмий-амалий натижалар олиш учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Инновацион ривожланиш вазирлиги, Молия вазирлиги, Иқтисодиёт вазирлиги ва Ўзбекистон Республикаси Фанлар академиясининг илмий-тадқиқотлар натижаларини ва инновацион ишланмаларни ишлаб чиқаришга самарали татбиқ этишни таъминлайдиган механизмларни яратиш тўғрисида қуйидагиларни назарда тутувчи таклифлари маъқуллансин:
иқтисодиёт тармоқларининг инновацион технологияларни яратиш ва маҳсулотларнинг тажриба партияларини ишлаб чиқариш билан боғлиқ тадбирларни молиялаштиришдаги иштирокини янада кенгайтириш;
Ўзбекистон Республикаси Фанлар академияси илмий-тадқиқот муассасаларининг молиялаштириш механизмларини такомиллаштириш;
хўжалик бошқаруви органлари ва йирик давлат корхоналарида махсус бўлинмалар — зарур тажриба-экспериментал ва конструкторлик-технологик инфратузилмалари ташкил этиш.
2. Белгилаб қўйилсинки, 2018 йил 1 январдан бошлаб Фанлар академиясининг илмий-тадқиқот муассасалари:
бино ва иншоотларини сақлаш, шунингдек, ходимлар (илмий ходимлардан ташқари) меҳнатига ҳақ тўлаш бўйича харажатларни молиялаштириш Ўзбекистон Республикаси Давлат бюджети маблағлари ҳисобига базавий молиялаштириш асосида амалга оширилади;
раҳбар ва илмий ходимларнинг иш ҳақи бюджет маблағлари ҳисобига фундаментал, амалий тадқиқотлар ва инновацион ишларнинг илмий-техника дастурларини амалга оширишда қатнашувчи илмий ташкилотлар раҳбар ва илмий ходимларининг базавий лавозим маошларига тенглаштирилади.
3. Хўжалик бошқаруви органлари ва йирик давлат корхоналарига 2018 йил январдан бошлаб илмий тадқиқотлар натижаларини ва инновацион ишланмаларни амалиётга татбиқ этиш учун энг қулай шарт-шароитлар яратилишини таъминлашга қаратилган ва қуйидагиларни назарда тутувчи таъсирчан чора-тадбирлар комплексини амалга ошириш тавсия этилсин:
а) тасдиқланган штат бирликлари доирасида ўзларининг штат жадвалларига илм-фан ва инновациялар бўйича раҳбар ўринбосари лавозимини киритиш;
б) ўз тузилмаларида инновацияларга буюртмалар портфелини шакллантириш ва яратилган технологияларнинг тажриба-саноат синовини ўтказиш ишларини мувофиқлаштириш, маҳсулотнинг тажриба партияларини ишлаб чиқариш ва сериялаб ишлаб чиқаришни йўлга қўйишни ташкил қилишга масъул бўлимларни тузиш;
в) йирик давлат корхоналарида мос йўналишдаги илмий-тадқиқот ва олий таълим муассасаларининг малакали етук мутахассислари ва илмий ходимларини жалб этган ҳолда янги техника ва технологияларни ишлаб чиқиш, зарур тажриба-саноат синовларини ўтказиш, маҳсулотларнинг тажриба партияларини ишлаб чиқариш ва сериялаб ишлаб чиқаришни йўлга қўйишга тайёрлаш чора-тадбирларини амалга оширишга ихтисослашган муаммовий тармоқ лабораторияларини ташкил этиш;
г) хўжалик бошқаруви органлари ва йирик давлат корхоналарида Инновацион фаолиятни қўллаб-қувватлаш жамғармасини (юридик шахс ташкил этмаган ҳолда) ташкил қилиш, мазкур субъектлар соф фойдасининг 10 фоизи миқдоридаги ажратмаларни унинг маблағларини шакллантириш манбаи этиб белгилаш, ушбу жамғарма маблағларини фақат қуйидаги мақсадларга йўналтириш:
янги техника ва технологияларни ишлаб чиқиш, зарур тажриба-саноат синовларини ўтказиш, маҳсулотларнинг тажриба партияларини ишлаб чиқариш ва сериялаб ишлаб чиқаришни йўлга қўйишга тайёрлаш чора-тадбирларини амалга ошириш билан боғлиқ тадбирларни молиялаштириш;
мос йўналишдаги илмий-тадқиқот ва олий таълим муассасалари билан илмий-тадқиқот ишларини бажариш бўйича тузилган шартномаларни молиялаштириш;
мос йўналишдаги илмий-тадқиқот ва олий таълим муассасаларининг моддий-техник ва илмий-лаборатория базасини мустаҳкамлаш, уларни экспериментал тадқиқотлар ўтказиш, илмий ишланмаларни жорий этиш, илмий-техник ходимларни моддий рағбатлантириш ва малакасини оширишда молиявий қўллаб-қувватлаш.
Белгилансинки, хўжалик бошқаруви органлари ва йирик давлат корхоналари раҳбарлари ушбу бандда назарда тутилган тадбирларнинг ўз муддатида ва тўлиқ бажарилиши юзасидан шахсан жавобгардир.
4. Ўзбекистон Республикаси Инновацион ривожланиш вазирлиги Хўжалик бошқаруви органлари ва йирик давлат корхоналарининг инновацион фаолиятни қўллаб-қувватлаш жамғармаси тўғрисидаги низомни бир ой муддатда ишлаб чиқсин ва тасдиқлаш учун Вазирлар Маҳкамасига киритсин.
5. Ўзбекистон Республикаси Президенти ҳузуридаги Давлат бошқаруви академияси Ўзбекистон Республикаси инновацион ривожланиш вазирлиги, Иқтисодиёт вазирлиги ҳамда бошқа манфаатдор вазирликлар ва идоралар билан биргаликда:
илмий ва олий таълим муассасалари, хўжалик бошқаруви органлари ва йирик давлат корхоналарининг масъул раҳбарлари ва мутахассислари учун инновацион менежмент бўйича қисқа муддатли махсус курслар дастурини бир ой муддатда ишлаб чиқсин ва тасдиқласин;
2018 йил февралдан бошлаб Ўзбекистон Республикаси Президенти ҳузуридаги Давлат бошқаруви академияси базасида илмий ва олий таълим муассасалари, хўжалик бошқаруви органлари ва йирик давлат корхоналари масъул раҳбарлари ва мутахассислари учун инновацион менежмент бўйича қисқа муддатли махсус курслар ташкил этилишини таъминласин.
Белгилаб қўйилсинки, инновацион менежмент бўйича қисқа муддатли махсус курсларда ўқиш билан боғлиқ сарф-харажатлар ходимлари курсларнинг тингловчилари бўлган илмий ва олий таълим муассасалари, хўжалик бошқаруви органлари ва йирик давлат корхоналарининг бюджетдан ташқари маблағлари ҳисобидан қопланади.
6. Шундай тартиб ўрнатилсинки, унга мувофиқ Ўзбекистон Республикаси Инновацион ривожланиш вазирлиги манфаатдор вазирликлар ва идоралар билан биргаликда илмий-тадқиқот ва олий таълим муассасаларида ўтказиладиган республика ва халқаро илмий анжуманлар, симпозиумлар, семинарлар ва бошқа илмий ва илмий-техник тадбирларнинг Ўзбекистон Республикаси Вазирлар Маҳкамаси томонидан тасдиқланадиган рўйхатини ҳар йили ишлаб чиқади.
7. Ўзбекистон Республикаси Инновацион ривожланиш вазирлиги бир ой муддатда манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.Р. Холмуродов, Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси инновацион ривожланиш вазири И.Ю. Абдурахмонов ва иқтисодиёт вазири Б.А. Ходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 12 январь,
24-сон
Oʻzbekiston Respublikasi Vazirlar Mahkamasining
qarori
Ilmiy-innovatsion ishlanma va texnologiyalarni ishlab chiqarishga tatbiq etishning samarali mexanizmlarini yaratish chora-tadbirlari toʻgʻrisida
Innovatsiya faoliyatini davlat tomonidan tartibga solish mexanizmlarini takomillashtirish, ilmiy ishlanma va ilmiy hajmdor texnologiyalarni ishlab chiqarishga tatbiq etish uchun innovatsion muhitni yaxshilash, ilmiy-tadqiqot faoliyatining samaradorligi va sifatini oshirish, ilmiy hajmdor mahsulotlarning ichki va tashqi bozorlarida raqobatbardosh ilmiy-amaliy natijalar olish uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Innovatsion rivojlanish vazirligi, Moliya vazirligi, Iqtisodiyot vazirligi va Oʻzbekiston Respublikasi Fanlar akademiyasining ilmiy-tadqiqotlar natijalarini va innovatsion ishlanmalarni ishlab chiqarishga samarali tatbiq etishni taʼminlaydigan mexanizmlarni yaratish toʻgʻrisida quyidagilarni nazarda tutuvchi takliflari maʼqullansin:
iqtisodiyot tarmoqlarining innovatsion texnologiyalarni yaratish va mahsulotlarning tajriba partiyalarini ishlab chiqarish bilan bogʻliq tadbirlarni moliyalashtirishdagi ishtirokini yanada kengaytirish;
Oʻzbekiston Respublikasi Fanlar akademiyasi ilmiy-tadqiqot muassasalarining moliyalashtirish mexanizmlarini takomillashtirish;
xoʻjalik boshqaruvi organlari va yirik davlat korxonalarida maxsus boʻlinmalar — zarur tajriba-eksperimental va konstruktorlik-texnologik infratuzilmalari tashkil etish.
2. Belgilab qoʻyilsinki, 2018-yil 1-yanvardan boshlab Fanlar akademiyasining ilmiy-tadqiqot muassasalari:
bino va inshootlarini saqlash, shuningdek, xodimlar (ilmiy xodimlardan tashqari) mehnatiga haq toʻlash boʻyicha xarajatlarni moliyalashtirish Oʻzbekiston Respublikasi Davlat budjeti mablagʻlari hisobiga bazaviy moliyalashtirish asosida amalga oshiriladi;
rahbar va ilmiy xodimlarning ish haqi budjet mablagʻlari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy tashkilotlar rahbar va ilmiy xodimlarining bazaviy lavozim maoshlariga tenglashtiriladi.
3. Xoʻjalik boshqaruvi organlari va yirik davlat korxonalariga 2018-yil yanvardan boshlab ilmiy tadqiqotlar natijalarini va innovatsion ishlanmalarni amaliyotga tatbiq etish uchun eng qulay shart-sharoitlar yaratilishini taʼminlashga qaratilgan va quyidagilarni nazarda tutuvchi taʼsirchan chora-tadbirlar kompleksini amalga oshirish tavsiya etilsin:
a) tasdiqlangan shtat birliklari doirasida oʻzlarining shtat jadvallariga ilm-fan va innovatsiyalar boʻyicha rahbar oʻrinbosari lavozimini kiritish;
b) oʻz tuzilmalarida innovatsiyalarga buyurtmalar portfelini shakllantirish va yaratilgan texnologiyalarning tajriba-sanoat sinovini oʻtkazish ishlarini muvofiqlashtirish, mahsulotning tajriba partiyalarini ishlab chiqarish va seriyalab ishlab chiqarishni yoʻlga qoʻyishni tashkil qilishga masʼul boʻlimlarni tuzish;
v) yirik davlat korxonalarida mos yoʻnalishdagi ilmiy-tadqiqot va oliy taʼlim muassasalarining malakali yetuk mutaxassislari va ilmiy xodimlarini jalb etgan holda yangi texnika va texnologiyalarni ishlab chiqish, zarur tajriba-sanoat sinovlarini oʻtkazish, mahsulotlarning tajriba partiyalarini ishlab chiqarish va seriyalab ishlab chiqarishni yoʻlga qoʻyishga tayyorlash chora-tadbirlarini amalga oshirishga ixtisoslashgan muammoviy tarmoq laboratoriyalarini tashkil etish;
g) xoʻjalik boshqaruvi organlari va yirik davlat korxonalarida Innovatsion faoliyatni qoʻllab-quvvatlash jamgʻarmasini (yuridik shaxs tashkil etmagan holda) tashkil qilish, mazkur subyektlar sof foydasining 10 foizi miqdoridagi ajratmalarni uning mablagʻlarini shakllantirish manbai etib belgilash, ushbu jamgʻarma mablagʻlarini faqat quyidagi maqsadlarga yoʻnaltirish:
yangi texnika va texnologiyalarni ishlab chiqish, zarur tajriba-sanoat sinovlarini oʻtkazish, mahsulotlarning tajriba partiyalarini ishlab chiqarish va seriyalab ishlab chiqarishni yoʻlga qoʻyishga tayyorlash chora-tadbirlarini amalga oshirish bilan bogʻliq tadbirlarni moliyalashtirish;
mos yoʻnalishdagi ilmiy-tadqiqot va oliy taʼlim muassasalari bilan ilmiy-tadqiqot ishlarini bajarish boʻyicha tuzilgan shartnomalarni moliyalashtirish;
mos yoʻnalishdagi ilmiy-tadqiqot va oliy taʼlim muassasalarining moddiy-texnik va ilmiy-laboratoriya bazasini mustahkamlash, ularni eksperimental tadqiqotlar oʻtkazish, ilmiy ishlanmalarni joriy etish, ilmiy-texnik xodimlarni moddiy ragʻbatlantirish va malakasini oshirishda moliyaviy qoʻllab-quvvatlash.
Belgilansinki, xoʻjalik boshqaruvi organlari va yirik davlat korxonalari rahbarlari ushbu bandda nazarda tutilgan tadbirlarning oʻz muddatida va toʻliq bajarilishi yuzasidan shaxsan javobgardir.
4. Oʻzbekiston Respublikasi Innovatsion rivojlanish vazirligi Xoʻjalik boshqaruvi organlari va yirik davlat korxonalarining innovatsion faoliyatni qoʻllab-quvvatlash jamgʻarmasi toʻgʻrisidagi nizomni bir oy muddatda ishlab chiqsin va tasdiqlash uchun Vazirlar Mahkamasiga kiritsin.
5. Oʻzbekiston Respublikasi Prezidenti huzuridagi Davlat boshqaruvi akademiyasi Oʻzbekiston Respublikasi innovatsion rivojlanish vazirligi, Iqtisodiyot vazirligi hamda boshqa manfaatdor vazirliklar va idoralar bilan birgalikda:
ilmiy va oliy taʼlim muassasalari, xoʻjalik boshqaruvi organlari va yirik davlat korxonalarining masʼul rahbarlari va mutaxassislari uchun innovatsion menejment boʻyicha qisqa muddatli maxsus kurslar dasturini bir oy muddatda ishlab chiqsin va tasdiqlasin;
2018-yil fevraldan boshlab Oʻzbekiston Respublikasi Prezidenti huzuridagi Davlat boshqaruvi akademiyasi bazasida ilmiy va oliy taʼlim muassasalari, xoʻjalik boshqaruvi organlari va yirik davlat korxonalari masʼul rahbarlari va mutaxassislari uchun innovatsion menejment boʻyicha qisqa muddatli maxsus kurslar tashkil etilishini taʼminlasin.
Belgilab qoʻyilsinki, innovatsion menejment boʻyicha qisqa muddatli maxsus kurslarda oʻqish bilan bogʻliq sarf-xarajatlar xodimlari kurslarning tinglovchilari boʻlgan ilmiy va oliy taʼlim muassasalari, xoʻjalik boshqaruvi organlari va yirik davlat korxonalarining budjetdan tashqari mablagʻlari hisobidan qoplanadi.
6. Shunday tartib oʻrnatilsinki, unga muvofiq Oʻzbekiston Respublikasi Innovatsion rivojlanish vazirligi manfaatdor vazirliklar va idoralar bilan birgalikda ilmiy-tadqiqot va oliy taʼlim muassasalarida oʻtkaziladigan respublika va xalqaro ilmiy anjumanlar, simpoziumlar, seminarlar va boshqa ilmiy va ilmiy-texnik tadbirlarning Oʻzbekiston Respublikasi Vazirlar Mahkamasi tomonidan tasdiqlanadigan roʻyxatini har yili ishlab chiqadi.
7. Oʻzbekiston Respublikasi Innovatsion rivojlanish vazirligi bir oy muddatda manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
8. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.R. Xolmurodov, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi innovatsion rivojlanish vaziri I.Y. Abduraxmonov va iqtisodiyot vaziri B.A. Xodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 12-yanvar,
24-son
Кабинета Министров Республики Узбекистан
Постановление
О мерах по созданию эффективных механизмов внедрения научно-инновационных разработок и технологий в производство
В целях совершенствования механизмов государственного регулирования инновационной деятельности, улучшения инновационной среды для дальнейшего внедрения в производство научных разработок и наукоемких технологий, повышения эффективности и качества научно-исследовательской деятельности, создания необходимых условий для получения конкурентоспособной на внутреннем и внешнем рынках наукоемкой продукции научно-практических результатов Кабинет Министров постановляет:
1. Одобрить предложения Министерства инновационного развития, Министерства финансов, Министерства экономики Республики Узбекистан и Академии наук Республики Узбекистан о создании механизмов, обеспечивающих эффективное внедрение результатов научных исследований и инновационных разработок в производство, предусматривающих:
дальнейшее расширение участия отраслей экономики в финансировании мероприятий, связанных с разработкой инновационных технологий и выпуском опытной партии продукции;
совершенствование механизмов финансирования научно-исследовательских учреждений Академии наук Республики Узбекистан;
создание необходимой опытно-экспериментальной и конструкторско-технологической инфраструктуры — специализированных подразделений в органах хозяйственного управления и крупных государственных предприятиях.
2. Установить, что начиная с 1 января 2018 года для научно-исследовательских учреждений Академии наук:
финансирование расходов по содержанию зданий и сооружений, а также оплате труда работников (кроме научных сотрудников), осуществляются на основе базового финансирования за счет средств Государственного бюджета Республики Узбекистан;
заработная плата руководящих и научных работников приравнивается к базовым должностным окладам руководящих и научных работников научных организаций, участвующих в выполнении научно-технических программ фундаментальных, прикладных исследований и инновационных работ за счет бюджетных средств.
3. Органам хозяйственного управления и крупным государственным предприятиям рекомендовать реализовать комплекс действенных мер, направленных на обеспечение максимально благоприятных условий для практического внедрения результатов научных исследований и инновационных разработок, предусматривающих с января 2018 года:
а) введение в свои штатные расписания должности заместителя руководителя по науке и инновациям в пределах утвержденных штатных единиц;
б) создание в своих структурах подразделений, ответственных за формирование портфеля заказов для инноваций и координацию работ по проведению опытно-промышленных испытаний разработанных технологий, организацию выпуска опытной партии продукции и запуска серийного производства;
в) создание в крупных государственных предприятиях отраслевых проблемных лабораторий, специализирующихся на разработке новой техники и технологий, проведении необходимых опытно-промышленных испытаний, выпуске опытной партии продукции и реализации подготовительных мероприятий по запуску серийного производства, с привлечением ведущих квалифицированных специалистов и научных сотрудников профильных научно-исследовательских и высших образовательных учреждений;
г) создание Фонда поддержки инновационной деятельности (без образования юридического лица) в органах хозяйственного управления и крупных государственных предприятиях, определив источником формирования его средств отчисления в размере 10 процентов от чистой прибыли данных субъектов, с дальнейшем направлением средств указанного фонда исключительно на:
финансирование мероприятий, связанных с разработкой новой техники и технологий, проведением необходимых опытно-промышленных испытаний, выпуском опытной партии продукции и реализацией подготовительных мероприятий для запуска серийного производства;
финансирование договоров на выполнение научно-исследовательских работ, заключенных с профильными научно-исследовательскими и высшими образовательными учреждениями;
оказание финансовой поддержки профильным научно-исследовательским и высшим образовательным учреждениям в укреплении их материально-технической и научно-лабораторной базы, проведении экспериментальных исследований, внедрении научных разработок, материальном стимулировании и повышении квалификации научно-технических работников.
Установить, что руководители органов хозяйственного управления и крупных государственных предприятий несут персональную ответственность за своевременную и в полном объеме реализацию мероприятий, предусмотренных настоящим пунктом.
4. Министерству инновационного развития Республики Узбекистан совместно с заинтересованными министерствами и ведомствами в месячный срок разработать Положение о Фонде поддержки инновационной деятельности органов хозяйственного управления и крупных государственных предприятий и внести в Кабинет Министров для утверждения.
5. Академии государственного управления при Президенте Республики Узбекистан совместно с Министерством инновационного развития, Министерством экономики Республики Узбекистан и другими заинтересованными министерствами и ведомствами:
в месячный срок разработать и утвердить программу специальных краткосрочных курсов по инновационному менеджменту для ответственных руководителей и специалистов научных и высших образовательных учреждений, органов хозяйственного управления и крупных государственных предприятий;
начиная с февраля 2018 года, обеспечить организацию на базе Академии государственного управления при Президенте Республики Узбекистан специальных краткосрочных курсов по инновационному менеджменту для ответственных руководителей и специалистов научных и высших образовательных учреждений, органов хозяйственного управления и крупных государственных предприятий.
Установить, что расходы, связанные с обучением на специальных краткосрочных курсах по инновационному менеджменту, покрываются за счет внебюджетных средств научных и высших образовательных учреждений, органов хозяйственного управления и крупных государственных предприятий, работниками которых являются слушатели курсов.
6. Установить, что Министерством инновационного развития Республики Узбекистан совместно с заинтересованными министерствами и ведомствами для последующего утверждения Кабинетом Министров Республики Узбекистан ежегодно разрабатывается перечень республиканских и международных научных конференций, симпозиумов, семинаров и других научных и научно-технических мероприятий, проводимых научно-исследовательскими и высшими образовательными учреждениями.
7. Министерству инновационного развития Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
8. Контроль за исполнением настоящего постановления возложить на заместителя Премьер-министра Республики Узбекистан С.Р. Холмурадова, заместителя Премьер-министра Республики Узбекистан — министра финансов Республики Узбекистан Д.А. Кучкарова, министра инновационного развития Республики Узбекистан И.Ю. Абдурахмонова и министра экономики Республики Узбекистан Б.А. Ходжаева.
Премьер-министр Республики Узбекистан А. АРИПОВ
г. Ташкент,
12 января 2018 г.,
№ 24