📅 2018-yil 16-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 16 января 2018 г. · Указы Президента
Официальный текст. Официальный документ. Редакционные примечания не включены.
📅 16 January 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Мамлакатнинг озиқ-овқат хавфсизлигини янада таъминлаш чора-тадбирлари тўғрисида
Мамлакатда экспорт-импорт операцияларини тартибга солиш ва соддалаштириш, талаб юқори бўлган озиқ-овқат товарларини импорт қилишда тўсиқ ва чекловларни бартараф этиш, ташқи иқтисодий фаолият субъектларининг ҳуқуқларини ҳимоя қилиш кафолатларини кучайтириш бўйича изчил чора-тадбирлар амалга оширилмоқда.
Шу билан бирга, носоғлом рақобат, озиқ-овқат маҳсулотлари импортининг айрим хўжалик юритувчи субъектлар томонидан монополлаштирилиши, сунъий тақчилликни юзага келтириш ва баъзи товарлар учун нарх-навонинг асоссиз оширилиши, оқибатда, бу асосда қўшимча фойда олиш учун шарт-шароитлар яратувчи жиддий тизимли муаммолар сақланиб қолмоқда.
Бозорда айрим импорт қилувчиларнинг устун мавқега эга бўлишига улар учун индивидуал имтиёз ва преференцияларнинг тақдим қилинганлиги, уларнинг фаолияти учун эксклюзив шароитлар яратилганлиги кўмаклашган, бу эса бошқа тадбиркорлик субъектларининг бозорга кириш имкониятини чеклашга олиб келмоқда.
Мазкур соҳада юзага келган вазият ишчанлик фаоллигини ва Ўзбекистоннинг инвестициявий жозибадорлигини пасайтиради, халқаро майдонда мамлакатнинг обрўсига жиддий зиён етказади.
Мамлакатнинг озиқ-овқат хавфсизлигини янада таъминлаш, бозорни сифатли, хавфсиз ва арзон озиқ-овқат маҳсулотлари билан тўлдириш, аҳолининг харид имкониятларини мустаҳкамлаш, ташқи иқтисодий фаолиятни либераллаштириш ва соғлом рақобат муҳитини ривожлантириш, шунингдек, мазкур соҳадаги мавжуд тизимли муаммоларга барҳам бериш мақсадида:
1. 2018 йил 1 февралдан бошлаб Ўзбекистон Республикасига озиқ-овқат товарларини импорт қилиш бўйича айрим хўжалик юритувчи субъектларга тақдим қилинган индивидуал божхона, солиқ ва бошқа имтиёзлар, шунингдек, бошқа преференциялар бекор қилинсин.
Ўзбекистон Республикаси Вазирлар Маҳкамаси томонидан республикага озиқ-овқат товарларини олиб кириш бўйича айрим хўжалик юритувчи субъектларга индивидуал божхона, солиқ ва бошқа имтиёзлар, шунингдек, бошқа преференциялар тақдим этишни назарда тутувчи қарорларнинг қабул қилиниши тақиқлансин.
Белгилансинки, ушбу банд талаблари бузилган ҳолларда айбдор шахслар қонунчиликда белгиланган жиноий жавобгарликкача бўлган жавобгарликка тортилади.
2. Ўзбекистон Республикаси Вазирлар Маҳкамаси, Ташқи савдо вазирлиги, Инвестициялар бўйича давлат қўмитаси, «Ўзстандарт» агентлиги, Давлат божхона қўмитаси, Ахборот технологиялари ва коммуникацияларини ривожлантириш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Президенти ҳузуридаги Лойиҳа бошқаруви миллий агентлиги, «Ўзбекозиқовқатхолдинг» ХК, Ўзбекистон Республика товар-хом ашё биржаси, Республика универсал агросаноат биржаси, Савдо-саноат палатаси ҳамда бошқа ташкилотлар билан биргаликда бир ой муддатда:
2018 йилга озиқ-овқат маҳсулотларини ташувчиларни излаб топиш ва жалб қилиш, улар учун бозорга киришда тенг шароитлар яратиш, уларга шартномалар тузиш, киритилган маҳсулотларни ташиш ва сақлашда кўмаклашиш бўйича комплекс чора-тадбирлар, шунингдек, аҳолининг сифатли, арзон озиқ-овқат товарларига бўлган талабини тўлиқ қаноатлантиришга қаратилган бошқа чора-тадбирларни ишлаб чиқишни;
республиканинг барча ҳудудларида давлат-хусусий шериклик шартларида ихтисослаштирилган омборхона иморатлари, омборлар, музлатиш камералари, озиқ-овқат товарларини қайта ишлаш ва қадоқлаш бўйича замонавий юқори технологик, энергия самарадор ускуналарни ташкил этишни таъминласин.
3. Белгилаб қўйилсинки, 2018 йил 1 февралдан бошлаб:
истеъмол товарларини республика товар-хом ашё биржаларида сотиш (сотиб олиш)га тақиқ бекор қилинади;
истеъмол товарларини товар-хом ашё биржаларининг очиқ электрон савдоларида сотиш (сотиб олиш) учун улгуржи савдони амалга оширишга лицензия мавжудлиги талаб этилмайди;
озиқ-овқат маҳсулотларининг режалаштирилаётган хариди, тўғрисидаги батафсил ахборот ҳар ой Ўзбекистон Республикаси Ягона интерактив давлат хизматлари порталида эълон қилиб борилади;
биржа брокерлари тижорат банкларига мижоз — норезидент номидан товар-хом ашё биржасининг очиқ электрон савдоларида маҳсулотларни сотишдан олинган маблағлар ҳисобидан хорижий валютани сотиб олиш (сотиш)га талабнома бериш, норезидент — юридик шахслар эса Ўзбекистон Республикаси тижорат банкларида ҳисоб рақамлари очиш ва товар-хом ашё биржасининг очиқ электрон савдоларида маҳсулотларни сотишдан олинган маблағлар ҳисобидан хорижий валютани сотиб олиш (сотиш)ни амалга ошириш ҳуқуқига эга бўлади.
4. Ўзбекистон Республикаси Иқтисодиёт вазирлиги, Ўзбекистон Республикаси Президенти ҳузуридаги Лойиҳа бошқаруви миллий агентлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси Бош прокуратура, Адлия вазирлиги ва бошқа манфаатдор идоралар билан биргаликда уч ой муддатда:
Жамғарма маблағлари ҳисобидан ижтимоий аҳамиятга эга озиқ-овқат маҳсулотларини сотиб олиш тартибини чайқовчилик ва бошқа суиистеъмолчилик ҳолларига имкон бермайдиган чораларни назарда тутган ҳолда белгилаш тўғрисидаги ҳукумат қарори лойиҳаси;
бозорни сифатли, хавфсиз ва арзон озиқ-овқат маҳсулотлари билан тўлдириш, аграр комплексни ривожлантириш, ижтимоий ва давлат-хусусий шерикликнинг таъсирчан механизмларини жорий этиш, озиқ-овқат бозори барқарорлигига таҳдидларни ўз вақтида бартараф этиш, озиқ-овқат товарлари импортини қулай божхона-тариф тартибга солиш бўйича чораларни белгиловчи «Озиқ-овқат хавфсизлиги тўғрисида»ги қонун лойиҳасининг ишлаб чиқилиши ва Вазирлар Маҳкамасига киритилишини таъминласин.
5. Ахборот технологиялари ва коммуникацияларини ривожлантириш вазирлиги, Давлат ахборот тизимларини яратиш ва қўллаб-қувватлаш бўйича ягона интегратор Ўзбекистон Республикаси Президенти ҳузуридаги Лойиҳа бошқаруви миллий агентлиги ва бошқа манфаатдор идоралар билан биргаликда 2018 йил 1 мартга қадар муддатда товар-хом ашё биржалари томонидан фойдаланилаётган ахборот тизимлари ва дастурий маҳсулотларни ахборотдан эркин фойдаланиш ва унинг очиқлиги, жумладан маълумотларни чет тилларда (рус, инглиз тиллари) жойлаштириш, амалга оширилаётган операцияларнинг шаффофлигини, шунингдек, ўтказиладиган электрон савдоларга аралашиш ва уларнинг натижаларини бузиб кўрсатиш имкониятини истисно этишни назарда тутган ҳолда тубдан такомиллаштиришни таъминласин.
6. Ўзбекистон Республикаси Бош прокуратураси:
Ўзбекистон Республикаси Президенти ҳузуридаги Лойиҳа бошқаруви миллий агентлиги, Молия вазирлиги, Иқтисодиёт вазирлиги ва Ташқи савдо вазирлиги билан биргаликда икки ой муддатда озиқ-овқат товарларига божхона тўловлари ставкалари, божхона тартиб-таомиллари ва республика божхона чегараси орқали товарларни ташиш тизимининг танқидий ўрганилишини ҳамда божхона тўловлари ставкаларини оптималлаштириш, ортиқча тўсиқ ва ғовларни бартараф этиш, жумладан тартиб-таомилларни «ягона дарча» тамойили асосида расмийлаштиришга ўтиш орқали товарларнинг божхона расмийлаштируви тартиб-таомилларини максимал соддалаштириш ва экспорт-импорт операцияларини амалга ошириш харажатларини қисқартириш бўйича таклифлар ишлаб чиқилишини таъминласин;
Ўзбекистон Республикаси Адлия вазирлиги ва Давлат солиқ қўмитаси билан биргаликда икки ой муддатда чакана савдо ва хизматлар кўрсатишни тартибга солувчи қонунчиликни ортиқча тўсиқ ва ғовлар, давлат томонидан тартибга солишнинг асоссиз чораларини бартараф этиш нуқтаи назаридан танқидий таҳлил қилсин, шунингдек, натижалари бўйича мазкур соҳани тубдан такомиллаштириш бўйича таклифлар киритсин;
озиқ-овқат товарлари нархини пасайтириш ва барқарорлаштириш, тадбиркорлик фаолиятини амалга оширишдаги сансалорлик ва бюрократияни бартараф этиш, шунингдек, республикада ишчанлик муҳитини яхшилаш бўйича асослантирилган таклифлар киритиш мақсадида тадбиркорлик субъектлари, жумладан аҳамиятга молик озиқ-овқат товарларини экспорт ва импорт қилувчилар, чет эллик инвесторлар ва хорижий ҳамкорлар билан доимий асосда мунтазам очиқ ва тўғридан-тўғри мулоқотларни ташкил этсин.
7. Ўзбекистон Республикаси Ахборот технологиялари ва коммуникацияларини ривожлантириш вазирлиги Давлат божхона қўмитаси, Давлат солиқ қўмитаси ва бошқа манфаатдор идоралар билан биргаликда икки ҳафта муддатда Бош прокуратура ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментига Давлат божхона қўмитаси, Давлат солиқ қўмитаси ва бошқа идораларнинг ахборот маълумотлар базаларидан масофадан туриб фойдаланиш имкониятини яратсин.
8. Ўзбекистон Республикаси Давлат божхона қўмитаси ва унинг ҳудудий тузилмалари раҳбарлари божхона тартиб-таомилларини амалга оширишда сунъий тўсиқлар яратиш, сансалорлик ва суиистеъмолчилик ҳолатларига йўл қўйганлик учун шахсий жавобгарлиги ҳақида қатъий огоҳлантирилсин.
9. 2020 йил 1 январга қадар муддатга божхона тўловлари тўлашдан озод қилинадиган (божхона расмийлаштируви учун йиғимлар бундан мустасно) озиқ-овқат маҳсулотлари ва хом ашёларнинг айрим турлари рўйхати иловага мувофиқ тасдиқлансин.
11. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Адлия вазирлиги Иқтисодиёт вазирлиги, Молия вазирлиги, Давлат божхона қўмитаси ва бошқа манфаатдор идоралар билан биргаликда икки ой муддатда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисида таклифлар киритсин.
12. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президентининг 2018 йил 16 январдаги ПФ-5303-сон Фармонига ИЛОВА
2020 йил 1 январга қадар муддатга божхона тўловлари тўлашдан озод қилинадиган (божхона расмийлаштируви учун йиғимлар бундан мустасно) озиқ-овқат маҳсулотлари ва хом ашёларнинг айрим турлари
Т/р Товарнинг номланиши ТИФ ТН бўйича коди 1. Тирик йирик қорамол 0102 2. Тирик қўй ва эчкилар 0104 3. Йирик қорамол гўшти, барра ёки совутилган 0201 4. Барра, совутилган (музлатилганидан ташқари) қўй ёки эчки гўшти 0204 4 1 . Янги ва совитилган картошка 0701 4 2 . Гуруч 1006 5. Соя ловияси, майдаланган ёки майдаланмаган 1201 6. Кунгабоқар уруғи, майдаланган ёки майдаланмаган 1206 00 7. Кунжут уруғи 1207 40 8. Хушбўй ҳид ва таъм берувчи ёки ранглантирувчи қўшимчаларсиз шакар хом ашёси 1701 12 — 1701 14
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 январь,
ПФ-5303-сон
Oʻzbekiston Respublikasi Prezidentining
Farmoni
ROʻYXATI
Mamlakatning oziq-ovqat xavfsizligini yanada taʼminlash chora-tadbirlari toʻgʻrisida
Mamlakatda eksport-import operatsiyalarini tartibga solish va soddalashtirish, talab yuqori boʻlgan oziq-ovqat tovarlarini import qilishda toʻsiq va cheklovlarni bartaraf etish, tashqi iqtisodiy faoliyat subyektlarining huquqlarini himoya qilish kafolatlarini kuchaytirish boʻyicha izchil chora-tadbirlar amalga oshirilmoqda.
Shu bilan birga, nosogʻlom raqobat, oziq-ovqat mahsulotlari importining ayrim xoʻjalik yurituvchi subyektlar tomonidan monopollashtirilishi, sunʼiy taqchillikni yuzaga keltirish va baʼzi tovarlar uchun narx-navoning asossiz oshirilishi, oqibatda, bu asosda qoʻshimcha foyda olish uchun shart-sharoitlar yaratuvchi jiddiy tizimli muammolar saqlanib qolmoqda.
Bozorda ayrim import qiluvchilarning ustun mavqega ega boʻlishiga ular uchun individual imtiyoz va preferensiyalarning taqdim qilinganligi, ularning faoliyati uchun eksklyuziv sharoitlar yaratilganligi koʻmaklashgan, bu esa boshqa tadbirkorlik subyektlarining bozorga kirish imkoniyatini cheklashga olib kelmoqda.
Mazkur sohada yuzaga kelgan vaziyat ishchanlik faolligini va Oʻzbekistonning investitsiyaviy jozibadorligini pasaytiradi, xalqaro maydonda mamlakatning obroʻsiga jiddiy ziyon yetkazadi.
Mamlakatning oziq-ovqat xavfsizligini yanada taʼminlash, bozorni sifatli, xavfsiz va arzon oziq-ovqat mahsulotlari bilan toʻldirish, aholining xarid imkoniyatlarini mustahkamlash, tashqi iqtisodiy faoliyatni liberallashtirish va sogʻlom raqobat muhitini rivojlantirish, shuningdek, mazkur sohadagi mavjud tizimli muammolarga barham berish maqsadida:
1. 2018-yil 1-fevraldan boshlab Oʻzbekiston Respublikasiga oziq-ovqat tovarlarini import qilish boʻyicha ayrim xoʻjalik yurituvchi subyektlarga taqdim qilingan individual bojxona, soliq va boshqa imtiyozlar, shuningdek, boshqa preferensiyalar bekor qilinsin.
Oʻzbekiston Respublikasi Vazirlar Mahkamasi tomonidan respublikaga oziq-ovqat tovarlarini olib kirish boʻyicha ayrim xoʻjalik yurituvchi subyektlarga individual bojxona, soliq va boshqa imtiyozlar, shuningdek, boshqa preferensiyalar taqdim etishni nazarda tutuvchi qarorlarning qabul qilinishi taqiqlansin.
Belgilansinki, ushbu band talablari buzilgan hollarda aybdor shaxslar qonunchilikda belgilangan jinoiy javobgarlikkacha boʻlgan javobgarlikka tortiladi.
2. Oʻzbekiston Respublikasi Vazirlar Mahkamasi, Tashqi savdo vazirligi, Investitsiyalar boʻyicha davlat qoʻmitasi, “Oʻzstandart” agentligi, Davlat bojxona qoʻmitasi, Axborot texnologiyalari va kommunikatsiyalarini rivojlantirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Prezidenti huzuridagi Loyiha boshqaruvi milliy agentligi, “Oʻzbekoziqovqatxolding” XK, Oʻzbekiston Respublika tovar-xomashyo birjasi, Respublika universal agrosanoat birjasi, Savdo-sanoat palatasi hamda boshqa tashkilotlar bilan birgalikda bir oy muddatda:
2018-yilga oziq-ovqat mahsulotlarini tashuvchilarni izlab topish va jalb qilish, ular uchun bozorga kirishda teng sharoitlar yaratish, ularga shartnomalar tuzish, kiritilgan mahsulotlarni tashish va saqlashda koʻmaklashish boʻyicha kompleks chora-tadbirlar, shuningdek, aholining sifatli, arzon oziq-ovqat tovarlariga boʻlgan talabini toʻliq qanoatlantirishga qaratilgan boshqa chora-tadbirlarni ishlab chiqishni;
respublikaning barcha hududlarida davlat-xususiy sheriklik shartlarida ixtisoslashtirilgan omborxona imoratlari, omborlar, muzlatish kameralari, oziq-ovqat tovarlarini qayta ishlash va qadoqlash boʻyicha zamonaviy yuqori texnologik, energiya samarador uskunalarni tashkil etishni taʼminlasin.
3. Belgilab qoʻyilsinki, 2018-yil 1-fevraldan boshlab:
isteʼmol tovarlarini respublika tovar-xomashyo birjalarida sotish (sotib olish)ga taqiq bekor qilinadi;
isteʼmol tovarlarini tovar-xomashyo birjalarining ochiq elektron savdolarida sotish (sotib olish) uchun ulgurji savdoni amalga oshirishga litsenziya mavjudligi talab etilmaydi;
oziq-ovqat mahsulotlarining rejalashtirilayotgan xaridi, toʻgʻrisidagi batafsil axborot har oy Oʻzbekiston Respublikasi Yagona interaktiv davlat xizmatlari portalida eʼlon qilib boriladi;
birja brokerlari tijorat banklariga mijoz — norezident nomidan tovar-xomashyo birjasining ochiq elektron savdolarida mahsulotlarni sotishdan olingan mablagʻlar hisobidan xorijiy valyutani sotib olish (sotish)ga talabnoma berish, norezident — yuridik shaxslar esa Oʻzbekiston Respublikasi tijorat banklarida hisob raqamlari ochish va tovar-xomashyo birjasining ochiq elektron savdolarida mahsulotlarni sotishdan olingan mablagʻlar hisobidan xorijiy valyutani sotib olish (sotish)ni amalga oshirish huquqiga ega boʻladi.
4. Oʻzbekiston Respublikasi Iqtisodiyot vazirligi, Oʻzbekiston Respublikasi Prezidenti huzuridagi Loyiha boshqaruvi milliy agentligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Bosh prokuratura, Adliya vazirligi va boshqa manfaatdor idoralar bilan birgalikda uch oy muddatda:
Jamgʻarma mablagʻlari hisobidan ijtimoiy ahamiyatga ega oziq-ovqat mahsulotlarini sotib olish tartibini chayqovchilik va boshqa suiisteʼmolchilik hollariga imkon bermaydigan choralarni nazarda tutgan holda belgilash toʻgʻrisidagi hukumat qarori loyihasi;
bozorni sifatli, xavfsiz va arzon oziq-ovqat mahsulotlari bilan toʻldirish, agrar kompleksni rivojlantirish, ijtimoiy va davlat-xususiy sheriklikning taʼsirchan mexanizmlarini joriy etish, oziq-ovqat bozori barqarorligiga tahdidlarni oʻz vaqtida bartaraf etish, oziq-ovqat tovarlari importini qulay bojxona-tarif tartibga solish boʻyicha choralarni belgilovchi “Oziq-ovqat xavfsizligi toʻgʻrisida”gi qonun loyihasining ishlab chiqilishi va Vazirlar Mahkamasiga kiritilishini taʼminlasin.
5. Axborot texnologiyalari va kommunikatsiyalarini rivojlantirish vazirligi, Davlat axborot tizimlarini yaratish va qoʻllab-quvvatlash boʻyicha yagona integrator Oʻzbekiston Respublikasi Prezidenti huzuridagi Loyiha boshqaruvi milliy agentligi va boshqa manfaatdor idoralar bilan birgalikda 2018-yil 1-martga qadar muddatda tovar-xomashyo birjalari tomonidan foydalanilayotgan axborot tizimlari va dasturiy mahsulotlarni axborotdan erkin foydalanish va uning ochiqligi, jumladan maʼlumotlarni chet tillarda (rus, ingliz tillari) joylashtirish, amalga oshirilayotgan operatsiyalarning shaffofligini, shuningdek, oʻtkaziladigan elektron savdolarga aralashish va ularning natijalarini buzib koʻrsatish imkoniyatini istisno etishni nazarda tutgan holda tubdan takomillashtirishni taʼminlasin.
6. Oʻzbekiston Respublikasi Bosh prokuraturasi:
Oʻzbekiston Respublikasi Prezidenti huzuridagi Loyiha boshqaruvi milliy agentligi, Moliya vazirligi, Iqtisodiyot vazirligi va Tashqi savdo vazirligi bilan birgalikda ikki oy muddatda oziq-ovqat tovarlariga bojxona toʻlovlari stavkalari, bojxona tartib-taomillari va respublika bojxona chegarasi orqali tovarlarni tashish tizimining tanqidiy oʻrganilishini hamda bojxona toʻlovlari stavkalarini optimallashtirish, ortiqcha toʻsiq va gʻovlarni bartaraf etish, jumladan tartib-taomillarni “yagona darcha” tamoyili asosida rasmiylashtirishga oʻtish orqali tovarlarning bojxona rasmiylashtiruvi tartib-taomillarini maksimal soddalashtirish va eksport-import operatsiyalarini amalga oshirish xarajatlarini qisqartirish boʻyicha takliflar ishlab chiqilishini taʼminlasin;
Oʻzbekiston Respublikasi Adliya vazirligi va Davlat soliq qoʻmitasi bilan birgalikda ikki oy muddatda chakana savdo va xizmatlar koʻrsatishni tartibga soluvchi qonunchilikni ortiqcha toʻsiq va gʻovlar, davlat tomonidan tartibga solishning asossiz choralarini bartaraf etish nuqtai nazaridan tanqidiy tahlil qilsin, shuningdek, natijalari boʻyicha mazkur sohani tubdan takomillashtirish boʻyicha takliflar kiritsin;
oziq-ovqat tovarlari narxini pasaytirish va barqarorlashtirish, tadbirkorlik faoliyatini amalga oshirishdagi sansalorlik va byurokratiyani bartaraf etish, shuningdek, respublikada ishchanlik muhitini yaxshilash boʻyicha asoslantirilgan takliflar kiritish maqsadida tadbirkorlik subyektlari, jumladan ahamiyatga molik oziq-ovqat tovarlarini eksport va import qiluvchilar, chet ellik investorlar va xorijiy hamkorlar bilan doimiy asosda muntazam ochiq va toʻgʻridan-toʻgʻri muloqotlarni tashkil etsin.
7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Davlat bojxona qoʻmitasi, Davlat soliq qoʻmitasi va boshqa manfaatdor idoralar bilan birgalikda ikki hafta muddatda Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga Davlat bojxona qoʻmitasi, Davlat soliq qoʻmitasi va boshqa idoralarning axborot maʼlumotlar bazalaridan masofadan turib foydalanish imkoniyatini yaratsin.
8. Oʻzbekiston Respublikasi Davlat bojxona qoʻmitasi va uning hududiy tuzilmalari rahbarlari bojxona tartib-taomillarini amalga oshirishda sunʼiy toʻsiqlar yaratish, sansalorlik va suiisteʼmolchilik holatlariga yoʻl qoʻyganlik uchun shaxsiy javobgarligi haqida qatʼiy ogohlantirilsin.
9. 2020-yil 1-yanvarga qadar muddatga bojxona toʻlovlari toʻlashdan ozod qilinadigan (bojxona rasmiylashtiruvi uchun yigʻimlar bundan mustasno) oziq-ovqat mahsulotlari va xomashyolarning ayrim turlari roʻyxati ilovaga muvofiq tasdiqlansin.
11. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Adliya vazirligi Iqtisodiyot vazirligi, Moliya vazirligi, Davlat bojxona qoʻmitasi va boshqa manfaatdor idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.
12. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidentining 2018-yil 16-yanvardagi PF-5303-son Farmoniga ILOVA
2020-yil 1-yanvarga qadar muddatga bojxona toʻlovlari toʻlashdan ozod qilinadigan (bojxona rasmiylashtiruvi uchun yigʻimlar bundan mustasno) oziq-ovqat mahsulotlari va xomashyolarning ayrim turlari
T/r Tovarning nomlanishi TIF TN boʻyicha kodi 1. Tirik yirik qoramol 0102 2. Tirik qoʻy va echkilar 0104 3. Yirik qoramol goʻshti, barra yoki sovutilgan 0201 4. Barra, sovutilgan (muzlatilganidan tashqari) qoʻy yoki echki goʻshti 0204 4 1 . Yangi va sovitilgan kartoshka 0701 4 2 . Guruch 1006 5. Soya loviyasi, maydalangan yoki maydalanmagan 1201 6. Kungaboqar urugʻi, maydalangan yoki maydalanmagan 1206 00 7. Kunjut urugʻi 1207 40 8. Xushboʻy hid va taʼm beruvchi yoki ranglantiruvchi qoʻshimchalarsiz shakar xomashyosi 1701 12 — 1701 14
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-yanvar,
PF-5303-son
Президента Республики Узбекистан
Указ
ПЕРЕЧЕНЬ
О мерах по дальнейшему обеспечению продовольственной безопасности страны
В стране принимаются последовательные меры по упорядочению и упрощению экспортно-импортных операций, устранению преград и ограничений в осуществлении импорта востребованных продовольственных товаров, усилению гарантий защиты прав субъектов внешнеэкономической деятельности.
Вместе с тем, сохраняются серьезные системные проблемы, создающие условия для нездоровой конкуренции, монополизации отдельными хозяйствующими субъектами импорта продовольственной продукции, создания искусственного дефицита и необоснованного завышения цен на отдельные товары и, как следствие, извлечения на этой основе сверхприбыли.
Доминирующему положению на рынке отдельных импортеров способствует предоставление им индивидуальных льгот и преференций, создание для них эксклюзивных условий ведения деятельности, что приводит к ограничению доступа на рынок других субъектов предпринимательства.
Сложившаяся ситуация в данной сфере снижает деловую активность и инвестиционную привлекательность Узбекистана, наносит серьезный урон репутации страны на международной арене.
В целях дальнейшего обеспечения продовольственной безопасности страны, насыщения рынка качественной, безопасной и доступной продовольственной продукцией, укрепления покупательской способности населения, либерализации внешнеэкономической деятельности и развития здоровой конкурентной среды, а также искоренения имеющихся системных проблем в данной сфере:
1. Отменить с 1 февраля 2018 года индивидуальные таможенные, налоговые и иные льготы, а также другие преференции, предоставленные отдельным хозяйствующим субъектам по импорту в Республику Узбекистан продовольственных товаров.
Запретить принятие Кабинетом Министров Республики Узбекистан решений, предусматривающих предоставление отдельным хозяйствующим субъектам индивидуальных таможенных, налоговых и иных льгот, а также других преференций по ввозу в республику продовольственных товаров.
Отметить, что в случае нарушения требований настоящего пункта виновные лица несут ответственность, предусмотренную законодательством, вплоть до уголовной.
2. Кабинету Министров, Министерству внешней торговли, Государственному комитету по инвестициям, Агентству «Узстандарт», Государственному таможенному комитету, Министерству по развитию информационных технологий и коммуникаций, Совету Министров Республики Каракалпакстан, хокимиятам областей и города Ташкента совместно с Национальным агентством проектного управления при Президенте Республики Узбекистан, ХК «Узбекозиковкатхолдинг», Узбекской республиканской товарно-сырьевой биржей, Республиканской универсальной агропромышленной биржей, Торгово-промышленной палатой и другими организациями в месячный срок обеспечить:
разработку комплекса мер на 2018 год по поиску и привлечению поставщиков продовольственной продукции, созданию для них равных условий вхождения на рынок, оказанию им содействия в заключении договоров, транспортировке и хранении ввезенной продукции, а также иных мер, направленных на полное удовлетворение спроса населения на качественные, доступные продовольственные товары;
создание во всех регионах республики на условиях государственно-частного партнерства специализированных складских помещений, хранилищ, холодильных камер, современного высокотехнологичного, энергоэффективного оборудования по переработке и фасовке продовольственных товаров.
3. Установить, что с 1 февраля 2018 года:
отменяется запрет на продажу (покупку) потребительских товаров на товарно-сырьевых биржах республики;
для продажи (покупки) потребительских товаров на открытых электронных торгах товарно-сырьевых бирж не требуется наличие лицензии на осуществление оптовой торговли;
подробная информация о планируемых закупках продовольственной продукции ежемесячно публикуется на Едином портале интерактивных государственных услуг Республики Узбекистан;
биржевые брокеры имеют право подавать заявки в коммерческие банки на покупку (продажу) иностранной валюты от имени клиента — нерезидента за счет средств, полученных от продажи продукции на открытых электронных торгах товарно-сырьевых бирж, а нерезиденты — юридические лица — открывать счета в коммерческих банках Республики Узбекистан и осуществлять покупку (продажу) иностранной валюты за счет средств, полученных от продажи продукции на открытых электронных торгах товарно-сырьевых бирж.
4. Министерству экономики, Национальному агентству проектного управления при Президенте Республики Узбекистан, Государственному комитету по содействию приватизированным предприятиям и развитию конкуренции совместно с Генеральной прокуратурой, Министерством юстиции Республики Узбекистан и другими заинтересованными ведомствами в трехмесячный срок обеспечить разработку и внесение в Кабинет Министров:
проекта правительственного решения об определении порядка закупки социально значимых видов продовольственной продукции за счет средств Фонда, предусмотрев меры, исключающие факты спекуляции и других злоупотреблений;
проекта закона «О продовольственной безопасности», устанавливающего в том числе меры по насыщению рынка качественной, безопасной и доступной продовольственной продукцией, развитию аграрного комплекса, внедрению действенных механизмов социального и государственно-частного партнерства, своевременному устранению угроз стабильности продовольственного рынка, гибкому таможенно-тарифному регулированию импорта продовольственных товаров.
5. Министерству по развитию информационных технологий и коммуникаций, Единому интегратору по созданию и поддержке государственных информационных систем совместно с Национальным агентством проектного управления при Президенте Республики Узбекистан и другими заинтересованными ведомствами в срок до 1 марта 2018 года обеспечить кардинальное совершенствование используемых товарно-сырьевыми биржами информационных систем и программных продуктов, предусмотрев доступность и открытость информации, в том числе размещение данных на иностранных языках (русский, английский языки), прозрачность проводимых операций, а также исключение возможности вмешательства в проводимые электронные торги и искажение их итогов.
6. Генеральной прокуратуре Республики Узбекистан:
совместно с Национальным агентством проектного управления при Президенте Республики Узбекистан, Министерством финансов, Министерством экономики и Министерством внешней торговли в двухмесячный срок обеспечить критическое изучение ставок таможенных платежей на продовольственные товары, таможенных процедур и системы перевозки товаров через таможенную границу республики с выработкой предложений по оптимизации ставок таможенных платежей, устранению излишних барьеров и препон, максимальному упрощению процедур таможенного оформления товаров и сокращению расходов на осуществление экспортно-импортных операций, в том числе посредством перехода к оформлению процедур на основе принципа «одно окно»;
совместно с Министерством юстиции и Государственным налоговым комитетом Республики Узбекистан в двухмесячный срок провести критический анализ законодательства, регулирующего розничную торговлю и оказание услуг, на предмет устранения излишних барьеров и препон, необоснованных мер государственного регулирования, а также внести по итогам предложения по кардинальному совершенствованию данной сферы;
организовать на постоянной основе регулярный открытый и прямой диалог с субъектами предпринимательства, в том числе экспортерами и импортерами значимых видов потребительских товаров, иностранными инвесторами и зарубежными партнерами, в целях снижения и стабилизации цен на потребительские товары, устранения волокиты и бюрократизма при осуществлении предпринимательской деятельности, а также внесения обоснованных предложений по улучшению деловой среды в республике.
7. Министерству по развитию информационных технологий и коммуникаций совместно с Государственным таможенным комитетом, Государственным налоговым комитетом и другими заинтересованными ведомствами в двухнедельный срок обеспечить удаленный доступ Департамента по борьбе с налоговыми, валютными преступлениями и легализацией преступных доходов при Генеральной прокуратуре к информационным базам данных Государственного таможенного комитета, Государственного налогового комитета Республики Узбекистан и других ведомств.
8. Строго предупредить руководителей Государственного таможенного комитета Республики Узбекистан и его территориальных подразделений о персональной ответственности за допущение фактов создания искусственных преград, волокиты и злоупотреблений при проведении таможенных процедур.
9. Утвердить перечень отдельных видов продовольственных товаров и сырья, освобождаемых от уплаты таможенных платежей, за исключением сборов за таможенное оформление, сроком до 1 января 2020 года согласно приложению .
11. Государственному комитету по содействию приватизированным предприятиям и развитию конкуренции, Министерству юстиции совместно с Министерством экономики, Министерством финансов, Государственным таможенным комитетом Республики Узбекистан и другими заинтересованными ведомствами в двухмесячный срок внести предложения об изменениях и дополнениях в законодательство, вытекающих из настоящего Указа.
12. Контроль за исполнением настоящего Указа возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
ПРИЛОЖЕНИЕ к Указу Президента Республики Узбекистан от 16 января 2018 года № УП-5303
отдельных видов продовольственных товаров и сырья, освобождаемых от уплаты таможенных платежей, за исключением сборов за таможенное оформление, сроком до 1 января 2020 года
№ Наименование товара Код ТН ВЭД 1. Крупный рогатый скот живой 0102 2. Овцы и козы живые 0104 3. Мясо крупного рогатого скота, свежее или охлажденное 0201 4. Баранина или козлятина свежая, охлажденная (кроме замороженной) 0204 4 1 . Картофель свежий и охлажденный 0701 4 2 . Рис 1006 5. Соевые бобы, дробленные или недробленые 1201 6. Семена подсолнечника, дробленые или недробленые 1206 00 7. Семена кунжута 1207 40 8. Сахар-сырец без вкусо-ароматических или красящих добавок 1701 12 — 1701 14
Президент Республики Узбекистан Ш. МИРЗИЁЕВ
г. Ташкент,
16 января 2018 г.,
№ УП-5303