📅 2018-yil 18-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 января 2018 г. · Постановления Президента
Официальный текст. Официальный документ. Редакционные примечания не включены.
📅 18 January 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
рўйхати
«Урганч экскаватор» акциядорлик жамияти фаолиятини янада такомиллаштириш тўғрисида
Хоразм минтақасининг иқтисодиётини жадал ривожлантириш ва инвестицияларни жалб қилиш имкониятини ошириш, хорижий инвесторларни мелиоратив ва йўл-қурилиш техникасини ишлаб чиқариш ва таъмирлаш соҳасига фаол жалб қилиш мақсадида:
1. Қуйидагилар маълумот учун қабул қилинсин:
Ўзбекистон Республикаси Президентининг «Тошкент шаҳрида Халқаро инвестиция форуми давомида эришилган келишувларни амалга ошириш бўйича қўшимча чора-тадбирлар тўғрисида» 2016 йил 10 февралдаги Ф-4613-сонли фармойишига мувофиқ, «Ўзбекистон темир йўллари» АЖ ва «Xuzhou Construction Machinery Group Co., Ltd» (XXP) корпорацияси (кейинги ўринларда — хорижий инвестор деб юритилади) ўртасида 2016 йил 28 июнь куни «Урганч экскаватор» АЖ акцияларининг 51 фоизини хорижий инвесторга реализация қилиш тўғрисида оралиқ битими имзоланди;
имзоланган оралиқ битими асосида хорижий инвестор олти ой мобайнида технологик ускуналар, асбоблар, замонавий териш линияси ва номоддий мулкни етказиб бериш шаклида инвестициялар киритиш, мустақил баҳоловчи ташкилот орқали уларнинг умумий миқдорини қонун ҳужжатларида белгиланган тартибда аниқлаш мажбуриятини ўз зиммасига олди;
«Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Ўзбекистон Республикаси Қонуни 18-моддаси талабларига мувофиқ, жамиятнинг устав жамғармаси (устав капитали) қўшимча акцияларни жойлаштириш йўли билан кўпайтирилиши мумкин;
«Урганч экскаватор» акциядорлик жамиятининг ягона акциядори бўлмиш «Ўзбекистон темир йўллари» АЖ томонидан хорижий инвестор улушини 51 фоизгача етказиш учун қўшимча акциялар чиқариш орқали «Урганч экскаватор» АЖ устав жамғармасини (устав капиталини) кўпайтириш, кейинчалик уларни белгиланган тартибда рўйхатдан ўтказиш хамда технологик ускуналар, асбоблар, замонавий териш линияси ва номоддий мулкнинг белгиланган нархи миқдорида хорижий инвестор томонидан киритиладиган инвестициялар ҳисобига мазкур акцияларнинг ҳақини тўлаш тўғрисида қарор қабул қилинди.
2. «Ўзбекистон темир йўллари» АЖ, Ўзбекистон Республикаси Молия вазирлиги, Иқтисодиёт вазирлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг хорижий инвестор улушини 51 фоизгача етказиш учун қўшимча акциялар чиқариш орқали «Урганч экскаватор» АЖ устав жамғармасини (устав капиталини) кўпайтириш, кейинчалик уларни Қимматли қоғозлар бозорини мувофиқлаштириш ва ривожлантириш марказида белгиланган тартибда рўйхатдан ўтказиш тўғрисидаги таклифлари маъқуллансин.
Бунда «Урганч экскаватор» АЖ устав жамғармасидаги (устав капиталидаги) улушлар куйидаги тартибда тақсимланади:
хорижий инвестор — 51 фоиз;
«Ўзбекистон темир йўллари» АЖ — 49 фоиз.
3. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси «Урганч экскаватор» акциядорлик жамиятининг қўшимча чиқарилган акциялари белгиланган тартибда рўйхатдан ўтказилишини, Қимматли қоғозлар марказий депозитарийсида уларнинг кейинчалик ҳисобга қўйилишини таъминласин.
4. «Ўзбекистон темир йўллари» АЖ уч ой муддатда «Урганч экскаватор» АЖ ва хорижий инвестор ўртасида қўшимча чиқарилган акцияларнинг олди-сотдиси бўйича битим тузилишини, мазкур битимнинг Қимматли қоғозлар марказий депозитарийсида рўйхатдан ўтказилишини таъминласин.
5. Ўзбекистон Республикаси Президентининг айрим ҳужжатлари иловага мувофиқ ўз кучини йўқотган деб ҳисоблансин.
6. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари «Ўзбекистон темир йўллари» АЖ бошқаруви раиси А.Ж. Раматов хамда Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р.А. Гулямов зиммасига юклансин.
Ўзбекистон Республикаси Президентининг 2018 йил 18 январдаги ПҚ-3481-сонли қарорига ИЛОВА
Ўзбекистон Республикаси Президентининг ўз кучини йўқотган айрим ҳужжатлари
1. Ўзбекистон Республикаси Президентининг «Иқтисодиётда хусусий мулкнинг улуши ва аҳамиятини ошириш чора-тадбирлари тўғрисида» 2015 йил 28 апрелдаги ПҚ-2340-сонли қарори 1-иловасининг «Ўзбекистон темир йўллари» ДАТК кичик бўлими ва 31-позицияси.
2. Ўзбекистон Республикаси Президентининг «Тошкент шаҳрида Халқаро инвестиция форуми давомида эришилган келишувларни амалга ошириш чора-тадбирлари тўғрисида» 2015 йил 16 ноябрдаги ПҚ-2432-сонли қарори 2-иловасининг 6-кичик банди ва 26-позицияси.
3. Ўзбекистон Республикаси Президентининг «Тошкент шаҳрида Халқаро инвестиция форуми давомида эришилган келишувларни амалга ошириш бўйича қўшимча чора-тадбирлар тўғрисида» 2016 йил 10 февралдаги Ф-4613-сонли фармойиши 2-иловасининг 6-кичик банди ва 26-позицияси.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 18 январь,
ПҚ-3481-сон
Oʻzbekiston Respublikasi Prezidentining
Qarori
roʻyxati
“Urganch ekskavator” aksiyadorlik jamiyati faoliyatini yanada takomillashtirish toʻgʻrisida
Xorazm mintaqasining iqtisodiyotini jadal rivojlantirish va investitsiyalarni jalb qilish imkoniyatini oshirish, xorijiy investorlarni meliorativ va yoʻl-qurilish texnikasini ishlab chiqarish va taʼmirlash sohasiga faol jalb qilish maqsadida:
1. Quyidagilar maʼlumot uchun qabul qilinsin:
Oʻzbekiston Respublikasi Prezidentining “Toshkent shahrida Xalqaro investitsiya forumi davomida erishilgan kelishuvlarni amalga oshirish boʻyicha qoʻshimcha chora-tadbirlar toʻgʻrisida” 2016-yil 10-fevraldagi F-4613-sonli farmoyishiga muvofiq, “Oʻzbekiston temir yoʻllari” AJ va “Xuzhou Construction Machinery Group Co., Ltd” (XXP) korporatsiyasi (keyingi oʻrinlarda — xorijiy investor deb yuritiladi) oʻrtasida 2016-yil 28-iyun kuni “Urganch ekskavator” AJ aksiyalarining 51 foizini xorijiy investorga realizatsiya qilish toʻgʻrisida oraliq bitimi imzolandi;
imzolangan oraliq bitimi asosida xorijiy investor olti oy mobaynida texnologik uskunalar, asboblar, zamonaviy terish liniyasi va nomoddiy mulkni yetkazib berish shaklida investitsiyalar kiritish, mustaqil baholovchi tashkilot orqali ularning umumiy miqdorini qonun hujjatlarida belgilangan tartibda aniqlash majburiyatini oʻz zimmasiga oldi;
“Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonuni 18-moddasi talablariga muvofiq, jamiyatning ustav jamgʻarmasi (ustav kapitali) qoʻshimcha aksiyalarni joylashtirish yoʻli bilan koʻpaytirilishi mumkin;
“Urganch ekskavator” aksiyadorlik jamiyatining yagona aksiyadori boʻlmish “Oʻzbekiston temir yoʻllari” AJ tomonidan xorijiy investor ulushini 51 foizgacha yetkazish uchun qoʻshimcha aksiyalar chiqarish orqali “Urganch ekskavator” AJ ustav jamgʻarmasini (ustav kapitalini) koʻpaytirish, keyinchalik ularni belgilangan tartibda roʻyxatdan oʻtkazish xamda texnologik uskunalar, asboblar, zamonaviy terish liniyasi va nomoddiy mulkning belgilangan narxi miqdorida xorijiy investor tomonidan kiritiladigan investitsiyalar hisobiga mazkur aksiyalarning haqini toʻlash toʻgʻrisida qaror qabul qilindi.
2. “Oʻzbekiston temir yoʻllari” AJ, Oʻzbekiston Respublikasi Moliya vazirligi, Iqtisodiyot vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining xorijiy investor ulushini 51 foizgacha yetkazish uchun qoʻshimcha aksiyalar chiqarish orqali “Urganch ekskavator” AJ ustav jamgʻarmasini (ustav kapitalini) koʻpaytirish, keyinchalik ularni Qimmatli qogʻozlar bozorini muvofiqlashtirish va rivojlantirish markazida belgilangan tartibda roʻyxatdan oʻtkazish toʻgʻrisidagi takliflari maʼqullansin.
Bunda “Urganch ekskavator” AJ ustav jamgʻarmasidagi (ustav kapitalidagi) ulushlar kuyidagi tartibda taqsimlanadi:
xorijiy investor — 51 foiz;
“Oʻzbekiston temir yoʻllari” AJ — 49 foiz.
3. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi “Urganch ekskavator” aksiyadorlik jamiyatining qoʻshimcha chiqarilgan aksiyalari belgilangan tartibda roʻyxatdan oʻtkazilishini, Qimmatli qogʻozlar markaziy depozitariysida ularning keyinchalik hisobga qoʻyilishini taʼminlasin.
4. “Oʻzbekiston temir yoʻllari” AJ uch oy muddatda “Urganch ekskavator” AJ va xorijiy investor oʻrtasida qoʻshimcha chiqarilgan aksiyalarning oldi-sotdisi boʻyicha bitim tuzilishini, mazkur bitimning Qimmatli qogʻozlar markaziy depozitariysida roʻyxatdan oʻtkazilishini taʼminlasin.
5. Oʻzbekiston Respublikasi Prezidentining ayrim hujjatlari ilovaga muvofiq oʻz kuchini yoʻqotgan deb hisoblansin.
6. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari “Oʻzbekiston temir yoʻllari” AJ boshqaruvi raisi A.J. Ramatov xamda Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gulyamov zimmasiga yuklansin.
Oʻzbekiston Respublikasi Prezidentining 2018-yil 18-yanvardagi PQ-3481-sonli qaroriga ILOVA
Oʻzbekiston Respublikasi Prezidentining oʻz kuchini yoʻqotgan ayrim hujjatlari
1. Oʻzbekiston Respublikasi Prezidentining “Iqtisodiyotda xususiy mulkning ulushi va ahamiyatini oshirish chora-tadbirlari toʻgʻrisida” 2015-yil 28-apreldagi PQ-2340-sonli qarori 1-ilovasining “Oʻzbekiston temir yoʻllari” DATK kichik boʻlimi va 31-pozitsiyasi.
2. Oʻzbekiston Respublikasi Prezidentining “Toshkent shahrida Xalqaro investitsiya forumi davomida erishilgan kelishuvlarni amalga oshirish chora-tadbirlari toʻgʻrisida” 2015-yil 16-noyabrdagi PQ-2432-sonli qarori 2-ilovasining 6-kichik bandi va 26-pozitsiyasi.
3. Oʻzbekiston Respublikasi Prezidentining “Toshkent shahrida Xalqaro investitsiya forumi davomida erishilgan kelishuvlarni amalga oshirish boʻyicha qoʻshimcha chora-tadbirlar toʻgʻrisida” 2016-yil 10-fevraldagi F-4613-sonli farmoyishi 2-ilovasining 6-kichik bandi va 26-pozitsiyasi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 18-yanvar,
PQ-3481-son
Президента Республики Узбекистан
Постановление
Перечень
О дальнейшем совершенствовании деятельности акционерного общества «Ургенч экскаватор»
В целях ускоренного развития экономики и повышения инвестиционной привлекательности Хорезмского региона, активного привлечения иностранных инвесторов в сферу производства и ремонта мелиоративной и дорожно-строительной техники:
1. Принять к сведению, что:
в соответствии с распоряжением Президента Республики Узбекистан от 10 февраля 2016 года № Р-4613 «О дополнительных мерах по реализации договоренностей, достигнутых в ходе Международного инвестиционного форума в г. Ташкенте» между АО «Узбекистон темир йуллари» и корпорацией «Xuzhou Construction Machinery Group Co., Ltd» (КНР) (далее — иностранный инвестор) 28 июня 2016 года подписано промежуточное соглашение о реализации иностранному инвестору 51 процента акций АО «Ургенч экскаватор»;
на основании подписанного промежуточного соглашения иностранный инвестор взял на себя обязательство по внесению инвестиций в течение шести месяцев в виде поставки технологического оборудования, инструментов, современной линии сборки и нематериального имущества, с определением их общей суммы в установленном законодательством порядке независимой оценочной организацией;
в соответствии с требованиями статьи 18 Закона Республики Узбекистан «Об акционерных обществах и защите прав акционеров» уставный фонд (уставный капитал) общества может быть увеличен путем размещения дополнительных акций;
АО «Узбекистон темир йуллари», являющимся единственным акционером АО «Ургенч экскаватор», принято решение об увеличении уставного фонда (уставного капитала) АО «Ургенч экскаватор» путем выпуска дополнительных акций для доведения доли иностранного инвестора до 51 процента, с последующей их регистрацией в установленном порядке и осуществлением оплаты данных акций за счет инвестиций, вносимых иностранным инвестором на сумму оценочной стоимости технологического оборудования, инструментов, современной линии сборки и нематериального имущества.
2. Согласиться с предложениями АО «Узбекистон темир йуллари», Министерства финансов, Министерства экономики Республики Узбекистан, Государственного комитета Республики Узбекистан по содействию приватизированным предприятиям и развитию конкуренции об увеличении уставного фонда (уставного капитала) АО «Ургенч экскаватор» путем выпуска дополнительных акций для доведения доли иностранного инвестора до 51 процента, с последующей их регистрацией в установленном порядке в Центре по координации и развитию рынка ценных бумаг.
При этом доли в уставном фонде (уставном капитале) АО «Ургенч экскаватор» распределяются в следующем порядке:
иностранный инвестор — 51 процент;
АО «Узбекистон темир йуллари» — 49 процентов.
3. Государственному комитету Республики Узбекистан по содействию приватизированным предприятиям и развитию конкуренции обеспечить в установленном порядке регистрацию дополнительно выпущенных акций АО «Ургенч экскаватор», с последующей их постановкой на учет в Центральном депозитарии ценных бумаг.
4. АО «Узбекистон темир йуллари» в трехмесячный срок обеспечить в установленном порядке заключение между АО «Ургенч экскаватор» и иностранным инвестором сделки по купле-продаже дополнительно выпущенных акций с регистрацией данной сделки в Центральном депозитарии ценных бумаг.
5. Признать утратившими силу некоторые акты Президента Республики Узбекистан согласно приложению .
6. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и председателя Государственного комитета Республики Узбекистан по содействию приватизированным предприятиям и развитию конкуренции Р.А. Гулямова.
ПРИЛОЖЕНИЕ к постановлению Президента Республики Узбекистан от 18 января 2018 года № ПП-3481
актов Президента Республики Узбекистан, признаваемых утратившими силу
1. Подраздел «ГАЖК «Узбекистон темир йуллари»» и позиция 31 приложения № 1 к постановлению Президента Республики Узбекистан от 28 апреля 2015 года № ПП-2340 «О мерах по увеличению доли и значения частной собственности в экономике».
2. Подраздел 6 и позиция 26 приложения № 2 к постановлению Президента Республики Узбекистан от 16 ноября 2015 года № ПП-2432 «О мерах по реализации договоренностей, достигнутых в ходе Международного инвестиционного форума в г. Ташкенте».
3. Раздел 6 и позиция 26 приложения № 2 к распоряжению Президента Республики Узбекистан от 10 февраля 2016 года № Р-4613 «О дополнительных мерах по реализации договоренностей, достигнутых в ходе Международного инвестиционного форума в г. Ташкенте».
Президент Республики Узбекистан Ш. МИРЗИЁЕВ
г. Ташкент,
18 января 2018 г.,
№ ПП-3481