📅 2018-yil 23-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 23 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 января 2018 г. · Постановления Президента
Официальный текст. Официальный документ. Редакционные примечания не включены.
📅 23 January 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Дори воситалари ва тиббиёт буюмлари ишлаб чиқариш ҳамда олиб киришни янада тартибга солиш чора-тадбирлари тўғрисида
Ўзбекистон Республикаси Президентининг 2017 йил 7 ноябрдаги «Фармацевтика тармоғини бошқариш тизимини тубдан такомиллаштириш чора-тадбирлари тўғрисида»ги ПФ-5229-сон Фармонига мувофиқ, шунингдек, маҳаллий фармацевтика маҳсулотларининг ишлаб чиқариш ҳажмларини кўпайтириш ва рақобатбардошлигини ошириш учун қулай шарт-шароитлар яратиш, республикага дори воситалари ва тиббиёт буюмлари олиб киришни янада тартибга солиш мақсадида:
1. Белгилаб қўйилсинки:
корхонанинг ўзи томонидан тайёрланган доривор моддалар (субстанциялар) ва бутловчи буюмлардан дори воситалари ва тиббиёт буюмларини ишлаб чиқариш тўлиқ технологик цикл бўйича дори воситалари ва тиббиёт буюмларини ишлаб чиқариш ҳисобланади;
корхонанинг ўзи томонидан тайёрланмаган доривор моддалар (субстанциялар) ва бутловчи буюмлардан дори воситалари ва тиббиёт буюмларини ишлаб чиқариш тўлиқ бўлмаган технологик цикл бўйича дори воситалари ва тиббиёт буюмларини ишлаб чиқариш ҳисобланади;
дори воситалари ёки тиббиёт буюмларини ишлаб чиқариш учун мўлжалланган, Ўзбекистон Республикаси ҳудудидан ташқарида қадоқлаш, истеъмол ўрами ва маркировка қилишдан ташқари барча технологик босқичлардан ўтган ҳар қандай қадоқланмаган дори воситаси ёки тиббиёт буюми «in bulk» маҳсулот деб эътироф этилади.
2. Белгилансинки:
дори воситалари ва тиббиёт буюмлари тўлиқ ёки тўлиқ бўлмаган технологик цикл бўйича ишлаб чиқарилган тақдирда, улар маҳаллий ишлаб чиқариш маҳсулоти деб эътироф этилади;
дори воситалари ва тиббиёт буюмлари юқоридаги мезонга мувофиқ бўлмаган ёки «in bulk» маҳсулот асосида ишлаб чиқарилган ҳолларда, улар маҳаллий ишлаб чиқариш маҳсулоти деб эътироф этилмайди;
маркировка қилиш ва ўрашдан ташқари корхонанинг ўзи томонидан барча ёки алоҳида бутловчи ва технологик қисмларни ишлаб чиқариш ёхуд маркировка қилиш ва ўрашдан ташқари бутловчи ва технологик қисмларни, шу жумладан импорт қилинаётганларни йиғиш йўли билан ишлаб чиқариш ташкил этилган ҳолларда тиббиёт техникаси маҳаллий ишлаб чиқариш маҳсулоти деб эътироф этилади.
3. Вазирлар Маҳкамаси Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда бир ҳафта муддатда:
мазкур қарор қоидаларини инобатга олган ҳолда, Олий Мажлис Қонунчилик палатасига «Дори воситалари ва фармацевтика фаолияти тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги қонун лойиҳасини;
мазкур қарор талабларидан келиб чиқиб, Вазирлар Маҳкамасининг 2014 йил 22 декабрдаги 352-сон қарори билан тасдиқланган Дори воситалари ва тиббий буюмларни рўйхатдан ўтказиш ҳамда рўйхатдан ўтказилганлик гувоҳномаси бериш тартиби тўғрисидаги низомга доривор моддалар (субстанциялар) ва доривор ўсимлик хом ашёсини рўйхатдан ўтказиш тартибини янада такомиллаштиришни назарда тутувчи ўзгартиш ва қўшимчаларни киритсин.
4. Ўзбекистон Республикаси Соғлиқни сақлаш вазирлиги:
2018 йил 1 февралга қадар хорижий дори воситалари ва тиббиёт буюмлари ишлаб чиқарувчиларнинг рўйхатдан ўтиш ҳужжатларига уларнинг аризасига мувофиқ йиғим ундирмаган ҳолда «in bulk» маҳсулотнинг ўрами ва маркировкаси ҳақидаги маълумотни кўрсатишга оид қисмига ўзгартириш киритилишини таъминласин;
2018 йил 1 мартга қадар дори воситалари, тиббиёт буюмлари ва тиббиёт техникаларини мазкур қарорнинг 1 ва 2-бандларида назарда тутилган мезонлар асосида маҳаллий ишлаб чиқариш маҳсулоти деб топиш нуқтаи назаридан уларни ишлаб чиқаришни технологик аудитдан ўтказсин.
5. Дори воситалари ва тиббиёт буюмларини тўлиқ ва тўлиқ бўлмаган технологик цикл бўйича, шунингдек, маҳаллий маҳсулотлар орасида муқобили бўлмаган «in bulk» маҳсулот асосида дори воситалари ва тиббиёт буюмларини ишлаб чиқарувчи корхоналарга давлат харидларида иштирок этишда хорижий ишлаб чиқарувчиларнинг худди шундай маҳсулоти қийматидан 20 фоиз миқдорида нарх преференциялари тақдим этилсин.
6. Белгилаб қўйилсинки:
2018 йил 15 апрелдан бошлаб дори воситалари ва тиббиёт буюмларининг «in bulk» маҳсулотни импорт қилишда, рўйхатдан ўтган тўлиқ ёки тўлиқ бўлмаган технологик цикл бўйича Ўзбекистон Республикаси Вазирлар Маҳкамаси томонидан тасдиқланган рўйхатга мувофиқ ишлаб чиқариладиган худди шундай маҳаллий маҳсулотлар мавжуд бўлган тақдирда, қўшимча қиймат солиғи бўйича имтиёзлар қўлланилмайди;
дори воситалари ва тиббиёт буюмлари ишлаб чиқарувчи корхоналарга «in bulk» маҳсулот асосида тайёрланган маҳсулотлар қисмига, рўйхатдан ўтган худди шундай маҳаллий маҳсулотлар мавжуд бўлмаган тақдирда, қўшимча қиймат солиғи бўйича имтиёзлар 2019 йил 1 январга қадар сақлаб қолинади.
7. Ўзбекистон Республикаси Соғлиқни сақлаш вазирлиги манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
8. Ўзбекистон Республикаси Бош прокуратураси Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ҳисоб палатаси билан биргаликда бир ой муддатда дори воситалари ва тиббиёт буюмларининг муомаласи ва ишлаб чиқарилиши юзасидан танқидий ўрганиш ўтказсин ҳамда уларни тартибга солиш бўйича зарур чоралар кўрсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 23 январь,
ПҚ-3489-сон
Oʻzbekiston Respublikasi Prezidentining
Qarori
Dori vositalari va tibbiyot buyumlari ishlab chiqarish hamda olib kirishni yanada tartibga solish chora-tadbirlari toʻgʻrisida
Oʻzbekiston Respublikasi Prezidentining 2017-yil 7-noyabrdagi “Farmatsevtika tarmogʻini boshqarish tizimini tubdan takomillashtirish chora-tadbirlari toʻgʻrisida”gi PF-5229-son Farmoniga muvofiq, shuningdek, mahalliy farmatsevtika mahsulotlarining ishlab chiqarish hajmlarini koʻpaytirish va raqobatbardoshligini oshirish uchun qulay shart-sharoitlar yaratish, respublikaga dori vositalari va tibbiyot buyumlari olib kirishni yanada tartibga solish maqsadida:
1. Belgilab qoʻyilsinki:
korxonaning oʻzi tomonidan tayyorlangan dorivor moddalar (substansiyalar) va butlovchi buyumlardan dori vositalari va tibbiyot buyumlarini ishlab chiqarish toʻliq texnologik sikl boʻyicha dori vositalari va tibbiyot buyumlarini ishlab chiqarish hisoblanadi;
korxonaning oʻzi tomonidan tayyorlanmagan dorivor moddalar (substansiyalar) va butlovchi buyumlardan dori vositalari va tibbiyot buyumlarini ishlab chiqarish toʻliq boʻlmagan texnologik sikl boʻyicha dori vositalari va tibbiyot buyumlarini ishlab chiqarish hisoblanadi;
dori vositalari yoki tibbiyot buyumlarini ishlab chiqarish uchun moʻljallangan, Oʻzbekiston Respublikasi hududidan tashqarida qadoqlash, isteʼmol oʻrami va markirovka qilishdan tashqari barcha texnologik bosqichlardan oʻtgan har qanday qadoqlanmagan dori vositasi yoki tibbiyot buyumi “in bulk” mahsulot deb eʼtirof etiladi.
2. Belgilansinki:
dori vositalari va tibbiyot buyumlari toʻliq yoki toʻliq boʻlmagan texnologik sikl boʻyicha ishlab chiqarilgan taqdirda, ular mahalliy ishlab chiqarish mahsuloti deb eʼtirof etiladi;
dori vositalari va tibbiyot buyumlari yuqoridagi mezonga muvofiq boʻlmagan yoki “in bulk” mahsulot asosida ishlab chiqarilgan hollarda, ular mahalliy ishlab chiqarish mahsuloti deb eʼtirof etilmaydi;
markirovka qilish va oʻrashdan tashqari korxonaning oʻzi tomonidan barcha yoki alohida butlovchi va texnologik qismlarni ishlab chiqarish yoxud markirovka qilish va oʻrashdan tashqari butlovchi va texnologik qismlarni, shu jumladan import qilinayotganlarni yigʻish yoʻli bilan ishlab chiqarish tashkil etilgan hollarda tibbiyot texnikasi mahalliy ishlab chiqarish mahsuloti deb eʼtirof etiladi.
3. Vazirlar Mahkamasi Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda bir hafta muddatda:
mazkur qaror qoidalarini inobatga olgan holda, Oliy Majlis Qonunchilik palatasiga “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi qonun loyihasini;
mazkur qaror talablaridan kelib chiqib, Vazirlar Mahkamasining 2014-yil 22-dekabrdagi 352-son qarori bilan tasdiqlangan Dori vositalari va tibbiy buyumlarni roʻyxatdan oʻtkazish hamda roʻyxatdan oʻtkazilganlik guvohnomasi berish tartibi toʻgʻrisidagi nizomga dorivor moddalar (substansiyalar) va dorivor oʻsimlik xom ashyosini roʻyxatdan oʻtkazish tartibini yanada takomillashtirishni nazarda tutuvchi oʻzgartish va qoʻshimchalarni kiritsin.
4. Oʻzbekiston Respublikasi Sogʻliqni saqlash vazirligi:
2018-yil 1-fevralga qadar xorijiy dori vositalari va tibbiyot buyumlari ishlab chiqaruvchilarning roʻyxatdan oʻtish hujjatlariga ularning arizasiga muvofiq yigʻim undirmagan holda “in bulk” mahsulotning oʻrami va markirovkasi haqidagi maʼlumotni koʻrsatishga oid qismiga oʻzgartirish kiritilishini taʼminlasin;
2018-yil 1-martga qadar dori vositalari, tibbiyot buyumlari va tibbiyot texnikalarini mazkur qarorning 1 va 2-bandlarida nazarda tutilgan mezonlar asosida mahalliy ishlab chiqarish mahsuloti deb topish nuqtai nazaridan ularni ishlab chiqarishni texnologik auditdan oʻtkazsin.
5. Dori vositalari va tibbiyot buyumlarini toʻliq va toʻliq boʻlmagan texnologik sikl boʻyicha, shuningdek, mahalliy mahsulotlar orasida muqobili boʻlmagan “in bulk” mahsulot asosida dori vositalari va tibbiyot buyumlarini ishlab chiqaruvchi korxonalarga davlat xaridlarida ishtirok etishda xorijiy ishlab chiqaruvchilarning xuddi shunday mahsuloti qiymatidan 20 foiz miqdorida narx preferensiyalari taqdim etilsin.
6. Belgilab qoʻyilsinki:
2018-yil 15-apreldan boshlab dori vositalari va tibbiyot buyumlarining “in bulk” mahsulotni import qilishda, roʻyxatdan oʻtgan toʻliq yoki toʻliq boʻlmagan texnologik sikl boʻyicha Oʻzbekiston Respublikasi Vazirlar Mahkamasi tomonidan tasdiqlangan roʻyxatga muvofiq ishlab chiqariladigan xuddi shunday mahalliy mahsulotlar mavjud boʻlgan taqdirda, qoʻshimcha qiymat soligʻi boʻyicha imtiyozlar qoʻllanilmaydi;
dori vositalari va tibbiyot buyumlari ishlab chiqaruvchi korxonalarga “in bulk” mahsulot asosida tayyorlangan mahsulotlar qismiga, roʻyxatdan oʻtgan xuddi shunday mahalliy mahsulotlar mavjud boʻlmagan taqdirda, qoʻshimcha qiymat soligʻi boʻyicha imtiyozlar 2019-yil 1-yanvarga qadar saqlab qolinadi.
7. Oʻzbekiston Respublikasi Sogʻliqni saqlash vazirligi manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
8. Oʻzbekiston Respublikasi Bosh prokuraturasi Oʻzbekiston Respublikasi Prezidenti huzuridagi Loyiha boshqaruvi milliy agentligi va Hisob palatasi bilan birgalikda bir oy muddatda dori vositalari va tibbiyot buyumlarining muomalasi va ishlab chiqarilishi yuzasidan tanqidiy oʻrganish oʻtkazsin hamda ularni tartibga solish boʻyicha zarur choralar koʻrsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 23-yanvar,
PQ-3489-son
Президента Республики Узбекистан
Постановление
О мерах по дальнейшему упорядочению производства и ввоза лекарственных средств и изделий медицинского назначения
В соответствии с Указом Президента Республики Узбекистан от 7 ноября 2017 года № УП-5229 «О мерах по кардинальному совершенствованию системы управления фармацевтической отраслью», а также в целях создания благоприятных условий для увеличения объемов производства и повышения конкурентоспособности отечественной фармацевтической продукции, дальнейшего упорядочения ввоза лекарственных средств и изделий медицинского назначения в республику:
1. Определить, что:
производством лекарственных средств и изделий медицинского назначения по полному технологическому циклу является производство лекарственных средств и изделий медицинского назначения из лекарственных веществ (субстанций) и комплектующих, произведенных самим предприятием;
производством лекарственных средств и изделий медицинского назначения по неполному технологическому циклу является производство лекарственных средств и изделий медицинского назначения из лекарственных веществ (субстанций) и комплектующих, не произведенных самим предприятием;
«in bulk» продукцией признается любое не расфасованное лекарственное средство или изделие медицинского назначения, предназначенное для производства лекарственных средств или изделий медицинского назначения, прошедшее все стадии технологического процесса за пределами Республики Узбекистан, кроме стадий фасовки, потребительской упаковки и маркировки.
2. Установить, что:
лекарственные средства и изделия медицинского назначения признаются продукцией отечественного производства в случае их производства по полному или неполному технологическому циклу;
лекарственные средства и изделия медицинского назначения не признаются продукцией отечественного производства в случае их несоответствия вышеуказанному критерию или производства на основе «in bulk» продукции;
медицинская техника признается продукцией отечественного производства в случае организации производства всех или отдельных комплектующих и технологических частей самим предприятием, кроме маркировки и упаковки, либо производства путем сборки комплектующих и технологических частей, в том числе импортируемых, кроме маркировки и упаковки.
3. Кабинету Министров совместно с Национальным агентством проектного управления при Президенте Республики Узбекистан в недельный срок внести:
в Законодательную палату Олий Мажлиса проект закона «О внесении изменений и дополнений в Закон Республики Узбекистан «О лекарственных средствах и фармацевтической деятельности» с учетом положений настоящего постановления;
изменения и дополнения в Положение о порядке регистрации лекарственных средств и изделий медицинского назначения и выдачи регистрационного удостоверения, утвержденное постановлением Кабинета Министров от 22 декабря 2014 года № 352, предусматривающие дальнейшее совершенствование порядка регистрации лекарственных веществ (субстанций) и лекарственного растительного сырья, исходя из требований настоящего постановления.
4. Министерству здравоохранения Республики Узбекистан:
до 1 февраля 2018 года обеспечить внесение изменений в регистрационные документы зарубежных производителей лекарственных средств и изделий медицинского назначения без взимания сбора в соответствии с их заявками в части указания информации об упаковке и маркировке «in bulk» продукции;
до 1 марта 2018 года провести технологический аудит производств лекарственных средств, изделий медицинского назначения и медицинской техники на предмет признания их продукцией отечественного производства на основе критериев, предусмотренных пунктами 1 и 2 настоящего постановления.
5. Предоставить предприятиям, производящим лекарственные средства и изделия медицинского назначения по полному и неполному технологическому циклу, а также лекарственные средства и изделия медицинского назначения на основе «in bulk» продукции, не имеющие аналогичной отечественной продукции, цеповые преференции в размере 20 процентов от стоимости такой же продукции зарубежных производителей при участии в государственных закупках.
6. Определить, что:
с 15 апреля 2018 года льготы по налогу на добавленную стоимость не применяются при импорте «in bulk» продукции лекарственных средств и изделий медицинского назначения при наличии зарегистрированной аналогичной отечественной продукции, производимой по полному или неполному технологическому циклу по перечню, утверждаемому Кабинетом Министров Республики Узбекистан;
до 1 января 2019 года сохраняются льготы по налогу на добавленную стоимость для предприятий — производителей лекарственных средств и изделий медицинского назначения в части продукции, произведенной на основе «in bulk» продукции, при отсутствии зарегистрированной аналогичной отечественной продукции.
7. Министерству здравоохранения совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
8. Генеральной прокуратуре совместно с Национальным агентством проектного управления при Президенте Республики Узбекистан и Счетной палатой Республики Узбекистан в месячный срок провести критическое изучение и принять необходимые меры по упорядочению оборота и производства лекарственных средств и изделий медицинского назначения.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
23 января 2018 г.,
№ ПП-3489