📅 2018-yil 25-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 25 января 2018 г. · Указы Президента
Официальный текст. Официальный документ. Редакционные примечания не включены.
📅 25 January 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
НАМУНАВИЙ ТАРКИБИ
Умумий ўрта, ўрта махсус ва касб-ҳунар таълими тизимини тубдан такомиллаштириш чора-тадбирлари тўғрисида
Меҳнат бозорининг замонавий эҳтиёжларига мувофиқ узлуксиз таълим тизимини такомиллаштириш ва юқори малакали кадрлар тайёрлаш, таълим хизматларининг очиқлиги ва сифати масалаларига давлат томонидан алоҳида эътибор қаратилмоқда.
Ўтган йилларда касб-ҳунар таълимини ривожлантириш, таълим жараёнини модернизациялаш ва мазмунини янгилашни таъминлаш мақсадида унинг ҳуқуқий базасини мустаҳкамлаш бўйича комплекс чора-тадбирлар амалга оширилди, иқтидорли ёшларнинг халқаро ва республика олимпиадалари ҳамда танловларда салмоқли натижаларга эришишларида уларни манзилли қўллаб-қувватлаш бўйича қатор тизимли чора-тадбирлар кўрилди.
Шу билан бирга, умумий ўрта ва ўрта махсус, касб-ҳунар таълими ривожланишини таҳлил қилиш натижалари тизимнинг бугунги кун талабларига жавоб бермаслигини ва туб ислоҳотларга муҳтожлигини кўрсатди:
биринчидан, касб-ҳунар коллежлари аҳоли яшаш жойларига яқин бўлмаган масофада жойлаштирилганлиги, айниқса, ҳудудларда транспорт инфратузилмаси етарли даражада ривожланмаганлиги ҳамда об-ҳаво шароитлари туфайли ўқувчиларнинг вақти-вақти билан оммавий равишда дарс машғулотларини қолдиришларига сабаб бўлмоқда;
иккинчидан, касб-ҳунар коллежларининг моддий-техника базасини шакллантиришнинг мавжуд амалиёти касб-ҳунар коллежлари таълим йўналишларига жавоб бермайдиган ўқув устахоналари ташкил этилишига, бутловчи ва эҳтиёт қисмлар билан етарли даражада таъминланмаслигига олиб келди. Касб-ҳунар коллежлари моддий-техник жиҳозланишининг ўртача даражаси бугунги кунда атиги 56 фоизни ташкил этади, 31 та касб-ҳунар коллежида ўқув устахоналари умуман мавжуд эмас;
учинчидан, етарли даражада молиялаштирилмаганлиги натижасида касб-ҳунар таълими тизими учун зарур бўлган кўплаб дарсликлар ва ўқув қўлланмалари нашр этилмади, дарсликларнинг 50 фоизи рус ва қорақалпоқ тилларига таржима қилинмаган, амалдаги дарсликлар бирор марта янгиланмаган;
тўртинчидан, касб-ҳунар коллежларида кадрлар тайёрлаш тизими ҳудудлардаги иқтисодий тармоқларнинг реал эҳтиёжларидан ортда қолганлиги, шунингдек, касб-ҳунар коллежлари учун белгиланган қабул квоталарида меҳнат бозори конъюнктураси ва ишлаб чиқариш амалиётини ташкил этиш имкониятлари ҳисобга олинмаслиги битирувчиларни ишга жойлаштиришда қийинчилик туғдирмоқда;
бешинчидан, касб-ҳунар коллежларидаги мавжуд ўқув жараёнини ташкил этишнинг ҳозирги ҳолати, қўлланилаётган ўқув-норматив ҳужжатлар ҳамда ўқитиш муддатлари касбларнинг мураккаблик даражасига жавоб бермайди, ишлаб чиқариш амалиётини ташкил этишдаги камчиликлар олинаётган билим даражаси тушиб кетишига ва тегишли равишда қатор таълим йўналишлари бўйича битирувчиларга бўлган эҳтиёжнинг пасайишига олиб келади ва натижада ўқишни тамомлагандан кейин иш жойларида уларни қўшимча ўқитиш заруратини келтириб чиқармоқда;
олтинчидан, аҳоли турли тоифаларини «Ҳаёт давомида таълим олиш» принципи бўйича касбга тайёрлаш тизимининг етарли ривожланмаганлиги аксарият катта ёшли аҳоли, шунингдек, ишсиз ёшлар ва ногирон шахсларнинг меҳнат бозорида кераксиз бўлиб қолишига олиб келмоқда;
еттинчидан, касб-ҳунар коллежларида ўқув жараёнини ташкил этишга ва ўқувчиларни интеллектуал, маънавий-маърифий тарбиялашга юзаки ёндашиш, уларнинг бўш вақтларини банд этишнинг самарасиз механизми ўқувчилар томонидан содир этилган ҳуқуқбузарлик ва жиноий қилмишлар сони ортишига, уларнинг ўқишга қизиқиши ҳамда давоматнинг тушиб кетишига сабаб бўлмоқда.
2017/2018 ўқув йилидан бошлаб 11 йиллик мажбурий умумий ўрта таълим тизимига ўтилиши жамоатчилик, ота-оналар ва 9-синфлар битирувчилари томонидан кенг қўллаб-қувватланди.
Илғор хорижий мамлакатлар тажрибаси асосида умумий ўрта, ўрта махсус, касб-ҳунар таълими тизимини тубдан такомиллаштириш, малакали кадрлар тайёрлаш учун шарт-шароитлар яратиш, касб-ҳунар коллежлари битирувчилари бандлигини таъминлаш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш мақсадида:
1. Белгилаб қўйилсинки:
2018/2019 ўқув йилидан бошлаб мажбурий умумий ўрта ва ўрта махсус таълим умумтаълим мактабларида, шу жумладан, ихтисослаштирилган мактабларда, ихтисослаштирилган санъат ва маданият мактаб-интернатларида ҳамда академик лицейларда узлуксиз ва 11 йиллик муддатда амалга оширилади;
2019/2020 ўқув йилидан бошлаб касб-ҳунар коллежларига ўқишга қабул қилиш умумтаълим мактабларининг 11-синфлари битирувчилари ҳисобидан, ихтиёрийлик асосида, тегишли мутахассисликка (касбга) эга бўлиш учун 6 ойдан 2 йилгача бўлган ўқитиш муддатларида амалга оширилади;
касб-ҳунар коллежларига 2017/2018 ўқув йилига қадар (ушбу ўқув йили қўшилган ҳолда) ўқишга қабул қилинган ўқувчилар ўқишни ўзлари таълим олаётган касб-ҳунар коллежларида амалдаги ўқув дастурлари асосида белгиланган тартибда тугатадилар.
2. Қуйидагилар касб-ҳунар таълими соҳасида кадрлар тайёрлаш тизимининг муҳим вазифалари деб ҳисоблансин:
иқтисодиётнинг ривожланиш истиқболлари ва устувор вазифаларини, замонавий техника ва технологик тенденцияларни ҳисобга олиб эҳтиёж юқори бўлган ва турдош мутахассисликлар бўйича замонавий ахборот-коммуникация технологияларини татбиқ қилган ҳолда ишлаш бўйича амалий кўникмаларга эга бўлган ва камида иккита хорижий тилни биладиган малакали кадрларни тайёрлаш;
кадрларга бўлган реал эҳтиёжни, иш берувчи корхоналарнинг таклифларини ҳисобга олган ҳолда иқтисодиёт соҳалари ва тармоқлари учун зарур мутахассислар тайёрлаш сифатини тубдан яхшилаш бўйича касб-ҳунар коллежлари фаолиятини мувофиқлаштириш;
ёшларни ҳар томонлама баркамол қилиб, ватанпарварлик ва миллий мустақиллик ғояларига содиқлик руҳида тарбиялашга, шунингдек, ўқувчиларда бой илмий, маданий ва маънавий меросимизга, миллий ва умуминсоний қадриятларга асосланган маънавий ва ахлоқий сифатларни ривожлантиришга йўналтирилган педагогик жараённи янги педагогик шакллар ва усуллар асосида ташкил этиш;
етакчи маҳаллий ва хорижий таълим муассасалари билан ҳар томонлама ҳамкорликни ривожлантириш, замонавий инновацион ўқув лойиҳаларини биргаликда амалга ошириш учун касб-ҳунар таълими соҳасига юқори малакали хорижий мутахассисларни жалб этиш;
касб-ҳунар таълими миллий стандартлари талабларини халқаро таълим стандартлари таснифлагичига, халқаро малака талабларига мувофиқлаштириш, миллий малака талабларини босқичма-босқич халқаро аналогларга мослаштириш ва эътироф этилишига қаратилган ишларни ташкил этиш;
касбга ўргатиш билан бир қаторда таркибий жиҳатдан умумий таълим олишни биргаликда олиб борадиган, шунингдек, нодавлат таълим секторини узлуксиз давлат таълим тизими билан самарали интеграциялаш, табақалаштирилган таълим жараёнини ташкил этиш бўйича орттирилган амалий тажрибани тизимлаштириш ва келгусида амалиётга жорий этиш;
мамлакат иқтисодиётини янада ислоҳ қилиш, уни барқарор ўстириш ҳамда модернизациялаш жараёнларида самарали иштирок этишга қодир бўлган кадрларни тайёрлаш мақсадида ўқув жараёнига инновацион ғоялар, технологиялар ва ишланмаларни фаол қўллаб касб-ҳунар таълими ва ишлаб чиқаришнинг ўзаро яқин ҳамкорлигини таъминлаш;
юқори самарали ўқув-лаборатория ускуналари, компьютер техникаси ва инновацион технологияларга асосланган парклар билан жиҳозланган касб-ҳунар коллежларининг замонавий моддий-техника базасини шакллантириш ва янада мустаҳкамлаш, ундан самарали фойдаланиш чора-тадбирларини амалга ошириш.
3. Қуйидагилар:
касб-ҳунар таълими тизимини янада такомиллаштиришни мувофиқлаштириш Республика комиссияси (кейинги ўринларда — Республика комиссияси) 1-иловага мувофиқ;
касб-ҳунар коллежлари фаолиятининг тизимли мониторингини олиб бориш бўйича ҳудудий ишчи гуруҳларининг намунавий таркиби (кейинги ўринларда — ҳудудий ишчи гуруҳ) 2-иловага мувофиқ ташкил этилсин.
4. Республика комиссияси (К. Акмалов), ҳудудий ишчи гуруҳлар қуйидагиларни таъминласин:
а) уч ой муддатда мавжуд таълим дастурларига кирадиган мутахассисликлар бўйича меҳнат бозоридаги реал эҳтиёжни аниқлаш, уларнинг ҳудудларни ижтимоий-иқтисодий ривожлантириш дастурларининг мақсадли кўрсаткичларига мувофиқлиги, кейинчалик битирувчиларни бириктириш мақсадида тармоқларда потенциал иш берувчиларни аниқлаш юзасидан касб-ҳунар коллежлари фаолиятини ҳар томонлама танқидий ўрганиб чиқиш;
б) 2018 йил 1 июлгача тегишли Ҳукумат қарори лойиҳасини ишлаб чиқиш ва уни Ўзбекистон Республикаси Вазирлар Маҳкамасига киритиш, унда қуйидагиларни назарда тутиш:
ҳудудларни ижтимоий-иқтисодий ривожлантириш дастурларининг мақсадли параметрларига ва меҳнат бозори прогнозига мувофиқ, кадрларга бўлган мавжуд реал эҳтиёжни инобатга олиб касб-ҳунар коллежларини тармоқ бўйсунуви асосида тегишли вазирликлар, идоралар, хўжалик бирлашмалари, тижорат банклари ва йирик корхоналар тасарруфига ўтказиш;
тадбиркорлик соҳаси, шу жумладан, кичик бизнес ва хусусий тадбиркорлик субъектлари учун меҳнат бозорида талаб қилинаётган касблар бўйича кадрларни мақсадли тайёрлайдиган кўп тармоқли касб-ҳунар коллежларини ташкил этиш;
тармоқ вазирликлари, идоралари, хўжалик бирлашмалари, тижорат банклари ва йирик корхоналар — кадрлар буюртмачилари томонидан алоҳида мутахассисликлар (касблар)га эҳтиёж ва талаб паст бўлган касб-ҳунар коллежлари умумий сонини оптималлаштирган ҳолда уларни қисман қайта ташкил этиш;
оптималлаштирилиши керак бўлган касб-ҳунар коллежларининг моддий-техника базасидан, уларда умумтаълим мактаблари, ўқув-ишлаб чиқариш мажмуалари ва мактабгача таълим муассасалари жойлаштирилишини назарда тутиб, бино ва иншоотларидан мақсадли ва самарали фойдаланиш.
Белгилансинки, ушбу бандда назарда тутилган тадбирлар бажарилгандан сўнг Республика ва ҳудудий ишчи гуруҳлар ўз фаолиятини тугатади.
5. Иқтисодиёт вазирлиги манфаатдор вазирликлар ва идоралар билан биргаликда ҳар йил якунлари бўйича Вазирлар Маҳкамасига ҳудудларни ижтимоий-иқтисодий ривожлантириш дастурларига киритиладиган ўзгаришларни инобатга олган ҳолда касб-ҳунар коллежларида янги йўналишлар ва мутахассисликлар очилиши бўйича таклифлар киритсин.
6. Қуйидагилар белгилаб қўйилсин:
а) касб-ҳунар коллежлари аксарият ҳолларда вазирликлар, идоралар, хўжалик бирлашмалари, тижорат банклари ҳамда йирик корхоналар — тармоқ бўйсунуви бўйича кадрларга буюртмачилар таркибида фаолият юритади;
б) касб-ҳунар коллежларининг бериладиган бинолари, иншоотлари, жиҳозлари, мебель ва инвентари қиймати қўшимча қиймат солиғи ва даромад солиғини ҳисоблаб чиқишда солиқ солиш объекти ҳисобланмайди;
в) 2017/2018 ўқув йилигача (ушбу ўқув йили ҳам шу жумлага киради) касб-ҳунар коллежларига қабул қилинган ўқувчилар ўқишни тўлиқ тугатгунига кадар ушбу касб-ҳунар коллежларининг харажатлари Ўзбекистон Республикаси Давлат бюджети маблағлари ҳисобидан таъминланади;
г) вазирликлар, идоралар, хўжалик бирлашмалари, тижорат банклари ва йирик корхоналарнинг тасарруфидаги касб-ҳунар коллежларини сақлаш, кадрларни ўқитиш, малакасини ошириш ва қайта тайёрлашга мақсадли тарзда йўналтирилган маблағлари барча турдаги солиқлардан ва давлат мақсадли жамғармаларига мажбурий ажратмалардан озод этилади;
д) меҳнат шартномаси асосида ишлаётган ходимларининг камида 30 фоизини ўқишни тугатган кунидан бошлаб уч йил ўтмаган умумий ўрта, ўрта махсус ва касб-ҳунар таълими муассасалари битирувчилари ташкил этган тадбиркорлик субъектларига қуйидаги имтиёзлар ва преференциялар берилади:
давлат мулки объекти учун ижара тўловини ушбу объектга нисбатан энг кам ижара тўлови ставкасининг 50 фоизи миқдорида белгилаш.
7. Ўзбекистон Республикаси Адлия вазирлиги Олий ва ўрта махсус таълим вазирлиги, Халқ таълими вазирлиги ва Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази билан биргаликда:
бир ҳафта муддатда белгиланган тартибда Ўзбекистон Республикаси Президентининг Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази фаолиятини такомиллаштириш тўғрисидаги қарори лойиҳасини;
икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
8. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси Р.С. Қосимов зиммасига юклансин.
Ўзбекистон Республикаси Президентининг 2018 йил 25 январдаги ПФ-5313-сон Фармонига 1-ИЛОВА
Касб-ҳунар таълими тизимини янада такомиллаштиришни мувофиқлаштириш республика комиссияси
1. К.В. Акмалов ― Ўзбекистон Республикаси Бош вазирининг ўринбосари, комиссия раиси 2. Б.А. Ходжаев ― Ўзбекистон Республикаси иқтисодиёт вазири, комиссия раиси ўринбосари 3. И.У. Мажидов ― Ўзбекистон Республикаси олий ва ўрта махсус таълим вазири 4. У.И. Иноятов ― Ўзбекистон Республикаси халқ таълими вазири 5. А.В. Шин ― Ўзбекистон Республикаси мактабгача таълим вазири 6. А.А. Хаитов ― Ўзбекистон Республикаси бандлик ва меҳнат муносабатлари вазири 7. А.К. Шодмонов ― Ўзбекистон Республикаси соғлиқни сақлаш вазири 8. Ш.Х. Шерматов ― Ўзбекистон Республикаси ахборот технологиялари ва коммуникацияларини ривожлантириш вазири в.б. 9. М.Х. Салиев ― Ўзбекистон Республикаси уй-жой коммунал хизмат кўрсатиш вазири 10. лавозими бўйича ― Ўзбекистон Республикаси Олий ва ўрта махсус таълим вазирлиги Касб-ҳунар таълими маркази директори 11. А.Ж. Ортиқов ― Ўзбекистон Республикаси иқтисодиёт вазири ўринбосари 12. А.А. Каримов ― Ўзбекистон Республикаси молия вазири ўринбосари 13. Ш.Ж. Тешаев ― Ўзбекистон Республикаси қишлоқ ва сув хўжалиги вазири ўринбосари 14. У.З. Салимов ― «Ўзавтосаноат» АЖ бошқаруви раиси 15. У.М. Мустафоев ― «Ўзбекэнерго» АЖ бошқаруви раиси 16. У.Х. Сайидов ― «Ўзбекнефтгаз» АЖ бошқаруви раисининг биринчи ўринбосари 17. А.С. Мустафаев ― «Ўзтрансгаз» АЖ бошқаруви раиси 18. А.А. Абдуллаев ― «Ўзкимёсаноат» АЖ бошқаруви раиси 19. А.Э. Мақсудов ― «Ўзпахтасаноат» АЖ бошқаруви раиси 20. И.У. Ҳайдаров ― «Ўзтўқимачиликсаноат» Ассоциацияси бошқаруви раиси 21. Б.К. Зарипов ― «Ўзқурилишматериаллари» АЖ бошқаруви раиси 23. лавозими бўйича ― «Ўзшаробсаноат» АЖ бошқаруви раиси 24. К.С. Ризаев ― Ўзбекистон Республикаси Вазирлар Маҳкамаси Таълим, соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари АТД мудири, комиссия котиби
Ўзбекистон Республикаси Президентининг 2018 йил 25 январдаги ПФ-5313-сон Фармонига 2-ИЛОВА
Касб-ҳунар коллежлари фаолиятининг тизимли мониторингини олиб бориш бўйича ҳудудий ишчи гуруҳларининг
1. Қорақалпоғистон Республикаси Вазирлар Кенгаши раиси, Тошкент вилояти ва Тошкент шаҳар хокими, ишчи гуруҳ раҳбари
2. Қорақалпоғистон Республикаси Вазирлар Кенгаши Раисининг биринчи ўринбосари, Тошкент вилояти ва Тошкент шаҳар хокимининг ўринбосари, ишчи гуруҳ раҳбарининг ўринбосари
Ишчи гуруҳ аъзолари:
3. Қорақалпоғистон Республикаси Вазирлар Кенгаши Раисининг ўринбосари, Ёшлар сиёсати масалалари, ижтимоий ривожлантириш ва маънавий-маърифий ишлар бўйича вилоятлар ва Тошкент шаҳар хокими ўринбосари
4. Қорақалпоғистон Республикаси иқтисодиёт вазири, вилоятлар ва Тошкент шаҳар Иқтисодиёт ва комплекс ривожлантириш бош бошқармаси бошлиғи
5. Қорақалпоғистон Республикаси молия вазири, вилоятлар ва Тошкент шаҳар Молия бош бошқармаси бошлиғи
6. Қорақалпоғистон Республикаси, вилоятлар ва Тошкент шаҳар Касб-ҳунар таълими ҳудудий бошқармаси бошлиғи
7. Қорақалпоғистон Республикаси халқ таълими вазири, вилоятлар ва Тошкент шаҳар Халқ таълими бошқармаси бошлиғи
8. Қорақалпоғистон Республикаси мактабгача таълим вазири, вилоятлар ва Тошкент шаҳар мактабгача таълим бошқармаси бошлиғи
9. Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳар Бандлик бош бошқармаси бошлиғи
10. Қорақалпоғистон Республикаси соғлиқни сақлаш вазири, вилоятлар ва Тошкент шаҳар Соғлиқни сақлаш бошқармаси бошлиғи
11. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳудудий бошқармаси раҳбари
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 25 январь,
ПФ-5313-сон
Oʻzbekiston Respublikasi Prezidentining
Farmoni
TARKIBI
NAMUNAVIY TARKIBI
Umumiy oʻrta, oʻrta maxsus va kasb-hunar taʼlimi tizimini tubdan takomillashtirish chora-tadbirlari toʻgʻrisida
Mehnat bozorining zamonaviy ehtiyojlariga muvofiq uzluksiz taʼlim tizimini takomillashtirish va yuqori malakali kadrlar tayyorlash, taʼlim xizmatlarining ochiqligi va sifati masalalariga davlat tomonidan alohida eʼtibor qaratilmoqda.
Oʻtgan yillarda kasb-hunar taʼlimini rivojlantirish, taʼlim jarayonini modernizatsiyalash va mazmunini yangilashni taʼminlash maqsadida uning huquqiy bazasini mustahkamlash boʻyicha kompleks chora-tadbirlar amalga oshirildi, iqtidorli yoshlarning xalqaro va respublika olimpiadalari hamda tanlovlarda salmoqli natijalarga erishishlarida ularni manzilli qoʻllab-quvvatlash boʻyicha qator tizimli chora-tadbirlar koʻrildi.
Shu bilan birga, umumiy oʻrta va oʻrta maxsus, kasb-hunar taʼlimi rivojlanishini tahlil qilish natijalari tizimning bugungi kun talablariga javob bermasligini va tub islohotlarga muhtojligini koʻrsatdi:
birinchidan, kasb-hunar kollejlari aholi yashash joylariga yaqin boʻlmagan masofada joylashtirilganligi, ayniqsa, hududlarda transport infratuzilmasi yetarli darajada rivojlanmaganligi hamda ob-havo sharoitlari tufayli oʻquvchilarning vaqti-vaqti bilan ommaviy ravishda dars mashgʻulotlarini qoldirishlariga sabab boʻlmoqda;
ikkinchidan, kasb-hunar kollejlarining moddiy-texnika bazasini shakllantirishning mavjud amaliyoti kasb-hunar kollejlari taʼlim yoʻnalishlariga javob bermaydigan oʻquv ustaxonalari tashkil etilishiga, butlovchi va ehtiyot qismlar bilan yetarli darajada taʼminlanmasligiga olib keldi. Kasb-hunar kollejlari moddiy-texnik jihozlanishining oʻrtacha darajasi bugungi kunda atigi 56 foizni tashkil etadi, 31 ta kasb-hunar kollejida oʻquv ustaxonalari umuman mavjud emas;
uchinchidan, yetarli darajada moliyalashtirilmaganligi natijasida kasb-hunar taʼlimi tizimi uchun zarur boʻlgan koʻplab darsliklar va oʻquv qoʻllanmalari nashr etilmadi, darsliklarning 50 foizi rus va qoraqalpoq tillariga tarjima qilinmagan, amaldagi darsliklar biror marta yangilanmagan;
toʻrtinchidan, kasb-hunar kollejlarida kadrlar tayyorlash tizimi hududlardagi iqtisodiy tarmoqlarning real ehtiyojlaridan ortda qolganligi, shuningdek, kasb-hunar kollejlari uchun belgilangan qabul kvotalarida mehnat bozori konyunkturasi va ishlab chiqarish amaliyotini tashkil etish imkoniyatlari hisobga olinmasligi bitiruvchilarni ishga joylashtirishda qiyinchilik tugʻdirmoqda;
beshinchidan, kasb-hunar kollejlaridagi mavjud oʻquv jarayonini tashkil etishning hozirgi holati, qoʻllanilayotgan oʻquv-normativ hujjatlar hamda oʻqitish muddatlari kasblarning murakkablik darajasiga javob bermaydi, ishlab chiqarish amaliyotini tashkil etishdagi kamchiliklar olinayotgan bilim darajasi tushib ketishiga va tegishli ravishda qator taʼlim yoʻnalishlari boʻyicha bitiruvchilarga boʻlgan ehtiyojning pasayishiga olib keladi va natijada oʻqishni tamomlagandan keyin ish joylarida ularni qoʻshimcha oʻqitish zaruratini keltirib chiqarmoqda;
oltinchidan, aholi turli toifalarini “Hayot davomida taʼlim olish” prinsipi boʻyicha kasbga tayyorlash tizimining yetarli rivojlanmaganligi aksariyat katta yoshli aholi, shuningdek, ishsiz yoshlar va nogiron shaxslarning mehnat bozorida keraksiz boʻlib qolishiga olib kelmoqda;
yettinchidan, kasb-hunar kollejlarida oʻquv jarayonini tashkil etishga va oʻquvchilarni intellektual, maʼnaviy-maʼrifiy tarbiyalashga yuzaki yondashish, ularning boʻsh vaqtlarini band etishning samarasiz mexanizmi oʻquvchilar tomonidan sodir etilgan huquqbuzarlik va jinoiy qilmishlar soni ortishiga, ularning oʻqishga qiziqishi hamda davomatning tushib ketishiga sabab boʻlmoqda.
2017/2018 oʻquv yilidan boshlab 11 yillik majburiy umumiy oʻrta taʼlim tizimiga oʻtilishi jamoatchilik, ota-onalar va 9-sinflar bitiruvchilari tomonidan keng qoʻllab-quvvatlandi.
Ilgʻor xorijiy mamlakatlar tajribasi asosida umumiy oʻrta, oʻrta maxsus, kasb-hunar taʼlimi tizimini tubdan takomillashtirish, malakali kadrlar tayyorlash uchun shart-sharoitlar yaratish, kasb-hunar kollejlari bitiruvchilari bandligini taʼminlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish maqsadida:
1. Belgilab qoʻyilsinki:
2018/2019 oʻquv yilidan boshlab majburiy umumiy oʻrta va oʻrta maxsus taʼlim umumtaʼlim maktablarida, shu jumladan, ixtisoslashtirilgan maktablarda, ixtisoslashtirilgan sanʼat va madaniyat maktab-internatlarida hamda akademik litseylarda uzluksiz va 11 yillik muddatda amalga oshiriladi;
2019/2020 oʻquv yilidan boshlab kasb-hunar kollejlariga oʻqishga qabul qilish umumtaʼlim maktablarining 11-sinflari bitiruvchilari hisobidan, ixtiyoriylik asosida, tegishli mutaxassislikka (kasbga) ega boʻlish uchun 6 oydan 2 yilgacha boʻlgan oʻqitish muddatlarida amalga oshiriladi;
kasb-hunar kollejlariga 2017/2018 oʻquv yiliga qadar (ushbu oʻquv yili qoʻshilgan holda) oʻqishga qabul qilingan oʻquvchilar oʻqishni oʻzlari taʼlim olayotgan kasb-hunar kollejlarida amaldagi oʻquv dasturlari asosida belgilangan tartibda tugatadilar.
2. Quyidagilar kasb-hunar taʼlimi sohasida kadrlar tayyorlash tizimining muhim vazifalari deb hisoblansin:
iqtisodiyotning rivojlanish istiqbollari va ustuvor vazifalarini, zamonaviy texnika va texnologik tendensiyalarni hisobga olib ehtiyoj yuqori boʻlgan va turdosh mutaxassisliklar boʻyicha zamonaviy axborot-kommunikatsiya texnologiyalarini tatbiq qilgan holda ishlash boʻyicha amaliy koʻnikmalarga ega boʻlgan va kamida ikkita xorijiy tilni biladigan malakali kadrlarni tayyorlash;
kadrlarga boʻlgan real ehtiyojni, ish beruvchi korxonalarning takliflarini hisobga olgan holda iqtisodiyot sohalari va tarmoqlari uchun zarur mutaxassislar tayyorlash sifatini tubdan yaxshilash boʻyicha kasb-hunar kollejlari faoliyatini muvofiqlashtirish;
yoshlarni har tomonlama barkamol qilib, vatanparvarlik va milliy mustaqillik gʻoyalariga sodiqlik ruhida tarbiyalashga, shuningdek, oʻquvchilarda boy ilmiy, madaniy va maʼnaviy merosimizga, milliy va umuminsoniy qadriyatlarga asoslangan maʼnaviy va axloqiy sifatlarni rivojlantirishga yoʻnaltirilgan pedagogik jarayonni yangi pedagogik shakllar va usullar asosida tashkil etish;
yetakchi mahalliy va xorijiy taʼlim muassasalari bilan har tomonlama hamkorlikni rivojlantirish, zamonaviy innovatsion oʻquv loyihalarini birgalikda amalga oshirish uchun kasb-hunar taʼlimi sohasiga yuqori malakali xorijiy mutaxassislarni jalb etish;
kasb-hunar taʼlimi milliy standartlari talablarini xalqaro taʼlim standartlari tasniflagichiga, xalqaro malaka talablariga muvofiqlashtirish, milliy malaka talablarini bosqichma-bosqich xalqaro analoglarga moslashtirish va eʼtirof etilishiga qaratilgan ishlarni tashkil etish;
kasbga oʻrgatish bilan bir qatorda tarkibiy jihatdan umumiy taʼlim olishni birgalikda olib boradigan, shuningdek, nodavlat taʼlim sektorini uzluksiz davlat taʼlim tizimi bilan samarali integratsiyalash, tabaqalashtirilgan taʼlim jarayonini tashkil etish boʻyicha orttirilgan amaliy tajribani tizimlashtirish va kelgusida amaliyotga joriy etish;
mamlakat iqtisodiyotini yanada isloh qilish, uni barqaror oʻstirish hamda modernizatsiyalash jarayonlarida samarali ishtirok etishga qodir boʻlgan kadrlarni tayyorlash maqsadida oʻquv jarayoniga innovatsion gʻoyalar, texnologiyalar va ishlanmalarni faol qoʻllab kasb-hunar taʼlimi va ishlab chiqarishning oʻzaro yaqin hamkorligini taʼminlash;
yuqori samarali oʻquv-laboratoriya uskunalari, kompyuter texnikasi va innovatsion texnologiyalarga asoslangan parklar bilan jihozlangan kasb-hunar kollejlarining zamonaviy moddiy-texnika bazasini shakllantirish va yanada mustahkamlash, undan samarali foydalanish chora-tadbirlarini amalga oshirish.
3. Quyidagilar:
kasb-hunar taʼlimi tizimini yanada takomillashtirishni muvofiqlashtirish Respublika komissiyasi (keyingi oʻrinlarda — Respublika komissiyasi) 1-ilovaga muvofiq;
kasb-hunar kollejlari faoliyatining tizimli monitoringini olib borish boʻyicha hududiy ishchi guruhlarining namunaviy tarkibi (keyingi oʻrinlarda — hududiy ishchi guruh) 2-ilovaga muvofiq tashkil etilsin.
4. Respublika komissiyasi (K. Akmalov), hududiy ishchi guruhlar quyidagilarni taʼminlasin:
a) uch oy muddatda mavjud taʼlim dasturlariga kiradigan mutaxassisliklar boʻyicha mehnat bozoridagi real ehtiyojni aniqlash, ularning hududlarni ijtimoiy-iqtisodiy rivojlantirish dasturlarining maqsadli koʻrsatkichlariga muvofiqligi, keyinchalik bitiruvchilarni biriktirish maqsadida tarmoqlarda potensial ish beruvchilarni aniqlash yuzasidan kasb-hunar kollejlari faoliyatini har tomonlama tanqidiy oʻrganib chiqish;
b) 2018-yil 1-iyulgacha tegishli Hukumat qarori loyihasini ishlab chiqish va uni Oʻzbekiston Respublikasi Vazirlar Mahkamasiga kiritish, unda quyidagilarni nazarda tutish:
hududlarni ijtimoiy-iqtisodiy rivojlantirish dasturlarining maqsadli parametrlariga va mehnat bozori prognoziga muvofiq, kadrlarga boʻlgan mavjud real ehtiyojni inobatga olib kasb-hunar kollejlarini tarmoq boʻysunuvi asosida tegishli vazirliklar, idoralar, xoʻjalik birlashmalari, tijorat banklari va yirik korxonalar tasarrufiga oʻtkazish;
tadbirkorlik sohasi, shu jumladan, kichik biznes va xususiy tadbirkorlik subyektlari uchun mehnat bozorida talab qilinayotgan kasblar boʻyicha kadrlarni maqsadli tayyorlaydigan koʻp tarmoqli kasb-hunar kollejlarini tashkil etish;
tarmoq vazirliklari, idoralari, xoʻjalik birlashmalari, tijorat banklari va yirik korxonalar — kadrlar buyurtmachilari tomonidan alohida mutaxassisliklar (kasblar)ga ehtiyoj va talab past boʻlgan kasb-hunar kollejlari umumiy sonini optimallashtirgan holda ularni qisman qayta tashkil etish;
optimallashtirilishi kerak boʻlgan kasb-hunar kollejlarining moddiy-texnika bazasidan, ularda umumtaʼlim maktablari, oʻquv-ishlab chiqarish majmualari va maktabgacha taʼlim muassasalari joylashtirilishini nazarda tutib, bino va inshootlaridan maqsadli va samarali foydalanish.
Belgilansinki, ushbu bandda nazarda tutilgan tadbirlar bajarilgandan soʻng Respublika va hududiy ishchi guruhlar oʻz faoliyatini tugatadi.
5. Iqtisodiyot vazirligi manfaatdor vazirliklar va idoralar bilan birgalikda har yil yakunlari boʻyicha Vazirlar Mahkamasiga hududlarni ijtimoiy-iqtisodiy rivojlantirish dasturlariga kiritiladigan oʻzgarishlarni inobatga olgan holda kasb-hunar kollejlarida yangi yoʻnalishlar va mutaxassisliklar ochilishi boʻyicha takliflar kiritsin.
6. Quyidagilar belgilab qoʻyilsin:
a) kasb-hunar kollejlari aksariyat hollarda vazirliklar, idoralar, xoʻjalik birlashmalari, tijorat banklari hamda yirik korxonalar — tarmoq boʻysunuvi boʻyicha kadrlarga buyurtmachilar tarkibida faoliyat yuritadi;
b) kasb-hunar kollejlarining beriladigan binolari, inshootlari, jihozlari, mebel va inventari qiymati qoʻshimcha qiymat soligʻi va daromad soligʻini hisoblab chiqishda soliq solish obyekti hisoblanmaydi;
v) 2017/2018 oʻquv yiligacha (ushbu oʻquv yili ham shu jumlaga kiradi) kasb-hunar kollejlariga qabul qilingan oʻquvchilar oʻqishni toʻliq tugatguniga kadar ushbu kasb-hunar kollejlarining xarajatlari Oʻzbekiston Respublikasi Davlat budjeti mablagʻlari hisobidan taʼminlanadi;
g) vazirliklar, idoralar, xoʻjalik birlashmalari, tijorat banklari va yirik korxonalarning tasarrufidagi kasb-hunar kollejlarini saqlash, kadrlarni oʻqitish, malakasini oshirish va qayta tayyorlashga maqsadli tarzda yoʻnaltirilgan mablagʻlari barcha turdagi soliqlardan va davlat maqsadli jamgʻarmalariga majburiy ajratmalardan ozod etiladi;
d) mehnat shartnomasi asosida ishlayotgan xodimlarining kamida 30 foizini oʻqishni tugatgan kunidan boshlab uch yil oʻtmagan umumiy oʻrta, oʻrta maxsus va kasb-hunar taʼlimi muassasalari bitiruvchilari tashkil etgan tadbirkorlik subyektlariga quyidagi imtiyozlar va preferensiyalar beriladi:
davlat mulki obyekti uchun ijara toʻlovini ushbu obyektga nisbatan eng kam ijara toʻlovi stavkasining 50 foizi miqdorida belgilash.
7. Oʻzbekiston Respublikasi Adliya vazirligi Oliy va oʻrta maxsus taʼlim vazirligi, Xalq taʼlimi vazirligi va Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi bilan birgalikda:
bir hafta muddatda belgilangan tartibda Oʻzbekiston Respublikasi Prezidentining Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi faoliyatini takomillashtirish toʻgʻrisidagi qarori loyihasini;
ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi R.S. Qosimov zimmasiga yuklansin.
Oʻzbekiston Respublikasi Prezidentining 2018-yil 25-yanvardagi PF-5313-son Farmoniga 1-ILOVA
Kasb-hunar taʼlimi tizimini yanada takomillashtirishni muvofiqlashtirish respublika komissiyasi
1. K.V. Akmalov ― Oʻzbekiston Respublikasi Bosh vazirining oʻrinbosari, komissiya raisi 2. B.A. Xodjayev ― Oʻzbekiston Respublikasi iqtisodiyot vaziri, komissiya raisi oʻrinbosari 3. I.U. Majidov ― Oʻzbekiston Respublikasi oliy va oʻrta maxsus taʼlim vaziri 4. U.I. Inoyatov ― Oʻzbekiston Respublikasi xalq taʼlimi vaziri 5. A.V. Shin ― Oʻzbekiston Respublikasi maktabgacha taʼlim vaziri 6. A.A. Xaitov ― Oʻzbekiston Respublikasi bandlik va mehnat munosabatlari vaziri 7. A.K. Shodmonov ― Oʻzbekiston Respublikasi sogʻliqni saqlash vaziri 8. Sh.X. Shermatov ― Oʻzbekiston Respublikasi axborot texnologiyalari va kommunikatsiyalarini rivojlantirish vaziri v.b. 9. M.X. Saliyev ― Oʻzbekiston Respublikasi uy-joy kommunal xizmat koʻrsatish vaziri 10. lavozimi boʻyicha ― Oʻzbekiston Respublikasi Oliy va oʻrta maxsus taʼlim vazirligi Kasb-hunar taʼlimi markazi direktori 11. A.J. Ortiqov ― Oʻzbekiston Respublikasi iqtisodiyot vaziri oʻrinbosari 12. A.A. Karimov ― Oʻzbekiston Respublikasi moliya vaziri oʻrinbosari 13. Sh.J. Teshayev ― Oʻzbekiston Respublikasi qishloq va suv xoʻjaligi vaziri oʻrinbosari 14. U.Z. Salimov ― “Oʻzavtosanoat” AJ boshqaruvi raisi 15. U.M. Mustafoyev ― “Oʻzbekenergo” AJ boshqaruvi raisi 16. U.X. Sayidov ― “Oʻzbekneftgaz” AJ boshqaruvi raisining birinchi oʻrinbosari 17. A.S. Mustafayev ― “Oʻztransgaz” AJ boshqaruvi raisi 18. A.A. Abdullayev ― “Oʻzkimyosanoat” AJ boshqaruvi raisi 19. A.E. Maqsudov ― “Oʻzpaxtasanoat” AJ boshqaruvi raisi 20. I.U. Haydarov ― “Oʻztoʻqimachiliksanoat” Assotsiatsiyasi boshqaruvi raisi 21. B.K. Zaripov ― “Oʻzqurilishmateriallari” AJ boshqaruvi raisi 23. lavozimi boʻyicha ― “Oʻzsharobsanoat” AJ boshqaruvi raisi 24. K.S. Rizayev ― Oʻzbekiston Respublikasi Vazirlar Mahkamasi Taʼlim, sogʻliqni saqlash, ekologiya, atrof muhitni muhofaza qilish, jismoniy tarbiya va sport masalalari ATD mudiri, komissiya kotibi
Oʻzbekiston Respublikasi Prezidentining 2018-yil 25-yanvardagi PF-5313-son Farmoniga 2-ILOVA
Kasb-hunar kollejlari faoliyatining tizimli monitoringini olib borish boʻyicha hududiy ishchi guruhlarining
1. Qoraqalpogʻiston Respublikasi Vazirlar Kengashi raisi, Toshkent viloyati va Toshkent shahar xokimi, ishchi guruh rahbari
2. Qoraqalpogʻiston Respublikasi Vazirlar Kengashi Raisining birinchi oʻrinbosari, Toshkent viloyati va Toshkent shahar xokimining oʻrinbosari, ishchi guruh rahbarining oʻrinbosari
Ishchi guruh aʼzolari:
3. Qoraqalpogʻiston Respublikasi Vazirlar Kengashi Raisining oʻrinbosari, Yoshlar siyosati masalalari, ijtimoiy rivojlantirish va maʼnaviy-maʼrifiy ishlar boʻyicha viloyatlar va Toshkent shahar xokimi oʻrinbosari
4. Qoraqalpogʻiston Respublikasi iqtisodiyot vaziri, viloyatlar va Toshkent shahar Iqtisodiyot va kompleks rivojlantirish bosh boshqarmasi boshligʻi
5. Qoraqalpogʻiston Respublikasi moliya vaziri, viloyatlar va Toshkent shahar Moliya bosh boshqarmasi boshligʻi
6. Qoraqalpogʻiston Respublikasi, viloyatlar va Toshkent shahar Kasb-hunar taʼlimi hududiy boshqarmasi boshligʻi
7. Qoraqalpogʻiston Respublikasi xalq taʼlimi vaziri, viloyatlar va Toshkent shahar Xalq taʼlimi boshqarmasi boshligʻi
8. Qoraqalpogʻiston Respublikasi maktabgacha taʼlim vaziri, viloyatlar va Toshkent shahar maktabgacha taʼlim boshqarmasi boshligʻi
9. Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahar Bandlik bosh boshqarmasi boshligʻi
10. Qoraqalpogʻiston Respublikasi sogʻliqni saqlash vaziri, viloyatlar va Toshkent shahar Sogʻliqni saqlash boshqarmasi boshligʻi
11. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hududiy boshqarmasi rahbari
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 25-yanvar,
PF-5313-son
Президента Республики Узбекистан
Указ
СОСТАВ
ТИПОВОЙ СОСТАВ
О мерах по коренному совершенствованию системы общего среднего, среднего специального и профессионального образования
Государством уделяется особое внимание вопросам совершенствования системы непрерывного образования, подготовки высококвалифицированных кадров в соответствии с современными потребностями рынка труда, повышения доступности и качества образовательных услуг.
За прошедшие годы реализован комплекс мер по развитию профессионального образования, укреплена правовая база в целях обеспечения модернизации и обновления содержания учебного процесса, принят ряд системных мер по оказанию адресной поддержки талантливой молодежи в достижении значимых результатов на республиканских и международных олимпиадах и конкурсах.
Вместе с тем проведенный анализ результатов развития общего среднего, а также среднего специального, профессионального образования показал, что нынешнее состояние системы не отвечает современным требованиям и нуждается в коренном реформировании:
первое, отсутствие системного подхода в размещении профессиональных колледжей вблизи мест проживания населения становится причиной периодических массовых пропусков занятий учащимися, особенно в связи с недостаточной развитостью дорожно-транспортной инфраструктуры в регионах и погодными условиями;
второе, существующая практика формирования материально-технической базы профессиональных колледжей привела к созданию учебных мастерских, не отвечающих направлению обучения, недостаточно укомплектованных необходимыми комплектующими и запасными частями. Средний уровень материально-технического оснащения профессиональных колледжей составляет лишь 56 процентов, а в 31 профессиональном колледже вообще отсутствуют учебные мастерские;
третье, в результате недостаточного финансирования многие необходимые учебники и учебные пособия для системы профессионального образования не были изданы, 50 процентов учебников не переведены на русский и каракалпакский языки, а имеющиеся учебники ни разу не обновлялись;
четвертое, система подготовки кадров в профессиональных колледжах, не обеспечивающая реальные потребности отраслей экономики в регионах, а также устанавливаемые квоты приема в профессиональные колледжи, не учитывающие конъюнктуру рынка труда и наличие возможностей для организации производственной практики, в результате приводят к проблемам с трудоустройством выпускников;
пятое, современное состояние организации учебного процесса в профессиональных колледжах, применяемые учебно-нормативные документы, а также сроки обучения не отвечают уровню сложности профессий, недостатки в организации производственной практики приводят к снижению качества получаемых знаний и, соответственно, слабой востребованности выпускников по ряду направлений образования, в результате чего требуется организация дополнительного их обучения на рабочих местах после завершения учебы;
шестое, недостаточное развитие системы профессиональной подготовки различных категорий населения по принципу «Образование на протяжении жизни» оставляет невостребованными рынком труда значительное количество взрослого населения, а также молодежи и лиц с инвалидностью, нуждающихся в трудоустройстве;
седьмое, формальное отношение к организации учебного процесса в профессиональных колледжах и интеллектуальному, духовно-нравственному воспитанию учащихся, неэффективный механизм организации их свободного времени приводят к увеличению случаев совершаемых учащимися правонарушений и преступных деяний, снижению посещаемости занятий и интереса к учебе.
Переход с 2017/2018 учебного года на систему 11-летнего обязательного общего среднего образования получил широкую поддержку со стороны общественности, родителей и выпускников 9-х классов.
В целях коренного совершенствования системы общего среднего, среднего специального, профессионального образования на основе опыта развитых зарубежных стран, создания условий для подготовки квалифицированных кадров, повышения занятости выпускников профессиональных колледжей, а также реализации Стратегии действий по пяти приоритетным направлениям развития Республики Узбекистан в 2017 — 2021 годах:
1. Установить, что:
начиная с 2018/2019 учебного года обязательное общее среднее и среднее специальное образование осуществляются в общеобразовательных школах, в том числе специализированных школах и школах-интернатах искусств и культуры, а также академических лицеях на основе непрерывного и 11-летнего цикла;
начиная с 2019/2020 учебного года прием в профессиональные колледжи будет осуществляться из числа выпускников 11-х классов общеобразовательных школ на добровольной основе с целью получения соответствующей специальности (профессии) со сроком обучения от шести месяцев до двух лет;
учащиеся профессиональных колледжей, принятые на учебу до 2017/2018 учебного года включительно, завершают обучение в профессиональных колледжах в установленном порядке по действующим учебным программам.
2. Считать важнейшими задачами системы подготовки кадров в сфере профессионального образования:
подготовку квалифицированных кадров по востребованным специальностям, в том числе смежным, с учетом приоритетов и перспектив развития экономики, современных технических и технологических тенденций, обладающих практическими навыками работы с использованием современных информационно-коммуникационных технологий и со знанием не менее двух иностранных языков;
координацию деятельности профессиональных колледжей по коренному повышению качества подготовки востребованных отраслями и сферами экономики специалистов, с учетом реальных потребностей в кадрах и предложений предприятий-работодателей;
организацию педагогического процесса на основе новых форм и методов, направленных на воспитание молодежи гармонично развитыми личностями, в духе патриотизма и преданности идее национальной независимости, а также на развитие духовных и нравственных качеств учащихся на основе нашего богатого научного, культурного и духовного наследия, уважения национальных и общечеловеческих ценностей;
всестороннее развитие сотрудничества с ведущими отечественными и зарубежными образовательными учреждениями, привлечение высококвалифицированных зарубежных специалистов в области профессионального образования для совместной реализации современных инновационных учебных проектов;
приведение требований национальных стандартов профессионального образования в соответствие с требованиями Международной стандартной классификации образования, международных квалификационных рамок, организацию работы по поэтапному обеспечению соответствия и признания национальных квалификационных требований их международным аналогам;
систематизацию и последующее внедрение наработанного практического опыта по организации дифференцированного образовательного процесса, органично сочетающего получение общего образования наряду с профессией, а также эффективной интеграции негосударственного сектора образования в государственную систему непрерывного образования;
обеспечение тесного взаимодействия системы профессионального образования и производства с активным использованием в учебном процессе инновационных идей, технологий и разработок в целях подготовки кадров, способных эффективно участвовать в процессах дальнейшего реформирования, модернизации и достижения устойчивого роста экономики страны;
реализацию мер по формированию современной материально-технической базы профессиональных колледжей, включающую высокоэффективное учебно-лабораторное оборудование, компьютерную технику и инновационные технологические парки, и ее дальнейшему укреплению и эффективному использованию.
3. Создать:
Республиканскую комиссию по координации дальнейшего совершенствования системы профессионального образования (далее — Республиканская комиссия) в составе согласно приложению № 1 ;
территориальные рабочие группы по системному мониторингу деятельности профессиональных колледжей (далее — территориальные рабочие группы) в типовом составе согласно приложению № 2 .
4. Республиканской комиссии (К. Акмалов), территориальным рабочим группам обеспечить:
а) в трехмесячный срок всестороннее критическое изучение деятельности профессиональных колледжей в плане определения реальной потребности рынка труда в кадрах по специальностям, входящим в существующие программы обучения, соответствия их целевым параметрам программ социально-экономического развития регионов, выявления потенциальных отраслевых работодателей для последующего закрепления выпускников;
б) до 1 июля 2018 года разработку соответствующего проекта правительственного решения и его внесение в Кабинет Министров Республики Узбекистан, предусмотрев в нем:
передачу профессиональных колледжей в отраслевое подчинение соответствующим министерствам, ведомствам, хозяйственным объединениям, коммерческим банкам и крупным предприятиям с учетом имеющихся реальных потребностей в кадрах в соответствии с целевыми параметрами программ социально-экономического развития регионов и прогноза рынка труда;
организацию многопрофильных колледжей для целевой подготовки кадров по востребованным специальностям на рынке труда для сферы предпринимательства, в том числе субъектов малого бизнеса и частного предпринимательства;
частичную реорганизацию профессиональных колледжей с оптимизацией их общего количества в связи с отсутствием востребованности по отдельным специальностям (профессиям) со стороны отраслевых министерств, ведомств, хозяйственных объединений, коммерческих банков и крупных предприятий — заказчиков кадров;
целевое использование материально-технической базы, здании и строений профессиональных колледжей, подлежащих оптимизации, имея в виду размещение в них общеобразовательных школ и учебно-производственных комплексов, а также дошкольных образовательных учреждений.
Установить, что Республиканская комиссия и территориальные рабочие группы прекращают свою деятельность после завершения мероприятий, предусмотренных в настоящем пункте.
5. Министерству экономики совместно с заинтересованными министерствами и ведомствами по итогам каждого года вносить предложения в Кабинет Министров Республики Узбекистан по открытию новых направлений образования и специальностей в профессиональных колледжах с учетом осуществляемых изменений в программах социально-экономического развития регионов.
6. Установить, что:
а) профессиональные колледжи осуществляют деятельность преимущественно в составе министерств, ведомств, хозяйственных объединений, коммерческих банков и крупных предприятий — заказчиков кадров по отраслевой принадлежности;
б) стоимость передаваемых зданий, сооружений, оборудования, мебели и инвентаря профессиональных колледжей не является объектом налогообложения при исчислении налога на добавленную стоимость и налога на прибыль;
в) содержание профессиональных колледжей за счет средств Государственного бюджета Республики Узбекистан осуществляется до полного завершения обучения учащихся, принятых на учебу в профессиональные колледжи до 2017/2018 учебного года (включительно);
г) средства министерств, ведомств, хозяйственных объединений, коммерческих банков и крупных предприятий, направляемые целевым назначением на содержание подведомственных профессиональных колледжей, обучение, повышение квалификации и переподготовку кадров, освобождаются от обложения всеми видами налогов и обязательных отчислений в государственные целевые фонды;
д) субъектам предпринимательства, у которых не менее 30 процентов персонала, работающего по трудовому договору, составляют выпускники общих средних, средних специальных и профессиональных образовательных учреждений, со дня окончания учебы которых не прошло трех лет, предоставляются следующие льготы и преференции:
установление арендной платы за объект государственной собственности в размере 50 процентов от минимального размера ставки арендной платы за данный объект.
7. Министерству юстиции совместно с Министерством высшего и среднего специального образования. Министерством народного образования и Центром среднего специального, профессионального образования Министерства высшего и среднего специального образования Республики Узбекистан внести:
в недельный срок в установленном порядке проект постановления Президента Республики Узбекистан о совершенствовании деятельности Центра среднего специального, профессионального образования Министерства высшего и среднего специального образования Республики Узбекистан;
в двухмесячный срок в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
8. Контроль за исполнением настоящего Указа возложить на Премьер-министра Республики Узбекистан А.Н. Арипова и Государственного советника Президента Республики Узбекистан Р.С. Касимова.
ПРИЛОЖЕНИЕ № 1 к Указу Президента Республики Узбекистан от 25 января 2018 года № УП-5313
Республиканской комиссии по координации дальнейшего совершенствования системы профессионального образования
1. Акмалов К.В. — заместитель Премьер-министра Республики Узбекистан, председатель комиссии 2. Ходжаев Б.А — министр экономики Республики Узбекистан, заместитель председателя комиссии 3. Маджидов И. У. — министр высшего и среднего специального образования Республики Узбекистан 4. Иноятов У.И. — министр народного образования Республики Узбекистан 5. Шин А.В. — министр дошкольного образования Республики Узбекистан 6. Хаитов А.А. — министр занятости и трудовых отношений Республики Узбекистан 7. Шадманов А.К. — министр здравоохранения Республики Узбекистан 8. Шерматов Ш.Х. — и.о. министра по развитию информационных технологий и коммуникаций Республики Узбекистан 9. Салиев М.Х. — министр жилищно-коммунального обслуживания Республики Узбекистан 10. по должности — директор Центра профессионального образования Министерства высшего и среднего специального образования Республики Узбекистан 11. Ортиков А.Ж. — заместитель министра экономики Республики Узбекистан 12. Каримов А.А. — заместитель министра финансов Республики Узбекистан 13. Тешаев Ш.Ж. — заместитель министра сельского и водного хозяйства Республики Узбекистан 14. Салимов У.З. — председатель правления АО «Узавтосаноат» 15. Мустафоев У.М. — председатель правления АО «Узбекэнерго» 16. Сайидов У.Х. — первый заместитель председателя правления АО «Узбекнефтегаз» 17. Мустафаев А.С. — председатель правления АО «Узтрансгаз» 18. Абдуллаев А.А. — председатель правления АО «Узкимёсаноат» 19. Максудов А.Э. — председатель правления АО «Узпахтасаноат» 20. Хайдаров И.У.. — председатель правления Ассоциации «Узтекстильпром» 21. Зарипов Б.К. — председатель правления АО «Узстройматериалы» 23. по должности — председатель правления АО «Узшаробсаноат» 24. Ризаев К.С. — заведующий НАД по вопросам образования, здравоохранения, физической культуры и спорта Кабинета Министров Республики Узбекистан, секретарь комиссии
ПРИЛОЖЕНИЕ № 2 к Указу Президента Республики Узбекистан от 25 января 2018 года № УП-5313
территориальной рабочей группы по системному мониторингу деятельности профессиональных колледжей
1. Председатель Совета Министров Республики Каракалпакстан, хоким области и города Ташкента, руководитель рабочей группы 2. Первый заместитель Председателя Совета Министров Республики Каракалпакстан, заместитель хокима области и города Ташкента, заместитель руководителя рабочей группы Члены рабочей группы: 3. Заместитель Председателя Совета Министров Республики Каракалпакстан, заместитель хокима области и города Ташкента по вопросам молодежной политики, социального развития и духовно - просветительской работе 4. Министр экономики Республики Каракалпакстан, начальник главного управления экономики и комплексного развития области и г. Ташкента 5. Министр финансов Республики Каракалпакстан, начальник главного управления финансов области и г. Ташкента 6. Начальник территориального управления профессионального образования Республики Каракалпакстан, области и г. Ташкента 7. Министр народного образования Республики Каракалпакстан, начальник управления народного образования области и г. Ташкента 8. Министр дошкольного образования Республики Каракалпакстан, начальник управления дошкольного образования области и г. Ташкента 9. Министр занятости и трудовых отношений Республики Каракалпакстан, начальник главного управления занятости областей и г. Ташкента 10. Министр здравоохранения Республики Каракалпакстан, начальник управления здравоохранения области и г. Ташкента 11. Руководитель территориального управления Государственного комитета Республики Узбекистан по содействию приватизированным предприятиям и развитию конкуренции
Президент Республики Узбекистан Ш. МИРЗИЁЕВ
г. Ташкент,
25 января 2018 г.,
№ УП-5313