📅 2018-yil 25-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 января 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 January 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
рўйхати
НАМУНАВИЙ ТАРКИБИ
Пахта-тўқимачилик ишлаб чиқаришини ташкил этишнинг замонавий шаклларини жорий этиш чора-тадбирлари тўғрисида
Фермер хўжаликлари, бошқа қишлоқ хўжалиги ишлаб чиқарувчилари (кейинги ўринларда фермер хўжаликлари деб аталади) ва тўқимачилик саноати корхоналари ўртасида бозор муносабатларини шакллантириш, пахта-тўқимачилик ишлаб чиқаришини ташкил этишнинг замонавий шаклларини жорий этиш асосида юқори қўшилган қийматга эга рақобатбардошли маҳсулотлар ишлаб чиқаришни таъминлаш мақсадида Вазирлар Маҳкамаси қарор қилади:
1. Тўқимачилик саноати корхоналари, шунингдек, Қорақалпоғистон Республикаси Вазирлар Кенгаши ва вилоятлар ҳокимликларининг 2018 йил пахта хом ашёси ҳосили доирасида синаб кўришни ҳисобга олган ҳолда 1-иловага мувофиқ рўйхат бўйича ҳудудларда пахта-тўқимачилик ишлаб чиқаришини ташкил этиш тўғрисидаги таклифлари қабул қилинсин ҳамда ушбу ишлаб чиқаришни тўқимачилик саноати корхоналари (кейинги ўринларда пахта-тўқимачилик ишлаб чиқариши ташкилотчилари деб аталади) ҳамда фермер хўжаликлари ўртасида пахта хом ашёсини етиштириш ва етказиб бериш юзасидан тўғридан-тўғри контрактация шартномасини тузиш асосида ташкил этиш назарда тутилсин.
2. Белгилаб қўйилсинки:
пахта-тўқимачилик ишлаб чиқариши ташкилотчилари ер, сув ва бошқа ресурслардан самарали ҳамда оқилона фойдаланишга, ҳосилдорликни оширишга ва етиштириладиган пахта хом ашёсининг ўз вақтида йиғиб-териб олинишига кўмаклашади, шунингдек, унинг чуқур қайта ишланишини ва юқори қўшилган қийматга эга маҳсулотлар ишлаб чиқаришнинг кўпайтирилишини таъминлайди;
лизинг асосида қишлоқ хўжалиги техникаси харид қилиш, минерал ўғитлар, уруғлик, ёқилғи-мойлаш материаллари, ўсимликларни кимёвий ҳимоя қилиш воситалари ва бошқа материал ресурслар етказиб бериш бўйича фермер хўжаликлари учун назарда тутилган шартлар ҳамда тартиб пахта-тўқимачилик ишлаб чиқариши ташкилотчиларига татбиқ этилади;
пахта-тўқимачилик ишлаб чиқариши доирасида ўз эҳтиёжлари учун ишлаб чиқарилган пахта толаси ихтиёрий равишда сертификатланади;
ишлаб чиқарилган пахта толасининг ўз ишлаб чиқариш қувватлари эҳтиёжларидан ошадиган ҳажмлари пахта-тўқимачилик ишлаб чиқариши ташкилотчилари томонидан биржа савдолари орқали бошқа маҳаллий истеъмолчиларга сотилади;
пахтадан олинган чигит пахта-тўқимачилик ишлаб чиқариши ташкилотчиси томонидан ёғ-мой корхоналарига биржа савдолари ёки маҳсулотни қайтариш асосида, ёғ-мой маҳсулотини кейинчалик биржа савдолари орқали реализация қилиш шарти билан, қайта ишланган чигит чиқиндилари (шрот, шелуха) эса тўғридан-тўғри шартномалар бўйича биринчи навбатда, фермер хўжаликларига, шунингдек, бошқа маҳаллий истеъмолчиларга сотилади;
қўшимча маҳсулотлар (линт, ўлик пахта ва бошқалар) пахта-тўқимачилик ишлаб чиқариши ташкилотчиси томонидан маҳаллий истеъмолчиларга биржа савдолари орқали сотилади;
пахта-тўқимачилик ишлаб чиқариши ташкилотчиси томонидан харид қилинадиган пахта хом ашёси нархи фермер хўжаликларининг рентабеллиги ҳисобга олиниб, агротехнологик хариталар асосида шакллантириладиган харажатлардан келиб чиққан ҳолда шартнома асосида белгиланади ва давлат эҳтиёжлари учун белгиланган нархлардан паст бўлмаслиги лозим.
3. Қорақалпоғистон Республикаси Вазирлар Кенгаши, вилоятлар ва туманлар ҳокимликлари, Ўзбекистон Республикаси Қишлоқ хўжалиги вазирлиги ва Сув хўжалиги вазирлиги Ўзбекистон фермер, деҳқон хўжаликлари ва томорқа ер эгалари кенгаши билан биргаликда ўн кун муддатда фермер хўжаликлари рўйхатини белгиласинлар ҳамда уларга пахта-тўқимачилик ишлаб чиқариши ташкилотчилари билан контрактация шартномаларини тузишда амалий ёрдам кўрсатсинлар.
Ўзбекистон Республикаси Адлия вазирлиги Қишлоқ хўжалиги вазирлиги ва Сув хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши ва «Ўзтўқимачиликсаноат» уюшмаси билан биргаликда фермер хўжаликлари ҳамда пахта-тўқимачилик ишлаб чиқариши ташкилотчилари ўртасида пахта хом ашёсини етиштириш ва етказиб бериш бўйича намунавий контрактация шартномасини бир ҳафта муддатда ишлаб чиқсин ҳамда тасдиқласин, унда жумладан фермер хўжаликларининг ўз мажбуриятларини сўзсиз бажариши чораларини назарда тутсин.
Ўзбекистон Республикаси Бош прокуратураси шартномалар шартларининг сўзсиз бажарилиши, шунингдек, пахта-тўқимачилик ишлаб чиқариши доирасида ерлардан самарали фойдаланилиши юзасидан қатъий назорат ўрнатсин.
4. Белгилансинки:
фермер хўжаликларига пахта-тўқимачилик ишлаб чиқаришининг тегишли ташкилотчилари томонидан контрактация шартномасида назарда тутилган миқдорларда ва шартлар асосида аванс берилади;
пахта-тўқимачилик ишлаб чиқариши ташкилотчилари пахта хом ашёсини етиштириш ва уларга етказиб беришни молиялаштириш учун Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси (кейинги ўринларда Жамғарма деб аталади) маблағлари ҳисобидан ушбу қарорга 1-иловага мувофиқ хизмат кўрсатувчи тижорат банклари орқали кредитлар ажратади ва таъминот сифатида суғурта полиси тақдим этади;
фермер хўжаликлари билан пахта хомашёси учун якуний ҳисоб-китоблар пахта-тўқимачилик ишлаб чиқаришлари ва кластерлари ташкилотчилари томонидан ҳосил йиғиб-териб олинадиган йил охиригача амалга оширилади.
6. Белгилаб қўйилсинки:
пахта-тўқимачилик ишлаб чиқариши учун пахта хом ашёси етиштириш мақсадида ажратиладиган маблағлар фермер хўжалигининг махсус ҳисоб рақамига, шунингдек, пахта-тўқимачилик ишлаб чиқаришлари ташкилотчилари билан тузилган шартномалар асосида пахта-тўқимачилик ишлаб чиқаришлари ташкилотчилари, моддий-техника ресурслари етказиб берувчилар ва хизматлар кўрсатувчи ташкилотларга ўтказилади;
фермер хўжаликларининг махсус ҳисоб рақамларига тушадиган маблағлардан янги пахта хом ашёси ҳосили етиштириш учун фақат зарур товарлар (ишлар, хизматлар) харид қилиш учун фойдаланиш мумкин ва ҳисоб рақамлар эгаларининг янги ҳосилни етиштириш билан боғлиқ бўлмаган илгари юзага келган мажбуриятларини қоплашга йўналтирилиши мумкин эмас;
пахта хом ашёсини етиштириш ва етказиб беришга доир қўшимча харажатлар ҳамда фермер хўжаликлари учун қишлоқ хўжалиги техникаси харид қилиш харажатлари пахта-тўқимачилик ишлаб чиқариши ташкилотчилари томонидан ўз маблағлари ёки тижорат банкларининг тўқимачилик ҳамда тикувчилик-трикотаж маҳсулотлари етказиб бериш бўйича экспорт контрактлари кафолати остида ажратиладиган кредитлари ҳисобидан молиялаштирилиши мумкин;
Пахта-тўқимачилик ишлаб чиқариш ташкилотчиларига 2018 йил 1 октябрдан кейин фермер хўжаликларига берилган мол-мулкни товарлар (ишлар, хизматлар) бўйича қўшилган қиймат солиғи билан ўтказишни амалга ошириш ҳуқуқи берилсин.
7. Пахта-тўқимачилик ишлаб чиқариши ташкилотчилари, фермер хўжаликлари, кооперацияларга ҳудудлар шароитлари, экинларни илмий асосланган тарзда алмашлаб экиш, сув ва ресурсларни тежайдиган технологияларни жорий этиш, шунингдек, пахтанинг тозалигига риоя этилишини ҳисобга олган ҳолда, ғўзанинг селекция навларини мустақил равишда жойлаштириш ҳуқуқи берилсин.
Ўзбекистон Республикаси Қишлоқ хўжалиги вазирлиги пахта-тўқимачилик ишлаб чиқариши ташкилотчиларига ҳудудлар шароитларини ҳисобга олган ҳолда, селекция навларини жойлаштириш бўйича тавсиялар берсин.
9. Ўзбекистон Республикаси Молия вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзтўқимачиликсаноат» уюшмаси ва «Ўзпахтасаноат» АЖ пахта-тўқимачилик ишлаб чиқариши учун пахта хом ашёсини қайта ишлаш юзасидан белгиланган асосли тарифларни пахта тозалаш корхоналари бўйича бир ой муддатда тасдиқласин.
10. Қорақалпоғистон Республикаси Вазирлар Кенгаши, вилоятлар ҳокимликлари Ўзбекистон Республикаси Қишлоқ хўжалиги вазирлиги ва Сув хўжалиги вазирлиги, Вазирлар Маҳкамаси ҳузуридаги Суғориладиган ерларнинг мелиоратив ҳолатини яхшилаш жамғармаси, Ер ресурслари, геодезия, картография ва давлат кадастри давлат қўмитаси билан биргаликда ҳар бир фермер хўжалиги бўйича ирригация ҳамда мелиорация тизимларини мунтазам тозалаш, ерларни текислаш ва ернинг қаттиқ гипс қатламини очиш бўйича чуқур юмшатиш ишларини ташкил қилиш, шунингдек, пахта хом ашёси етиштирадиган ва пахта-тўқимачилик ишлаб чиқариши ташкилотчиларига етказиб берадиган қишлоқ хўжалиги ташкилотларининг ишлаб чиқариш эҳтиёжлари учун узлуксиз сув таъминоти тадбирларининг ишлаб чиқилиши ҳамда амалга оширилишини таъминласинлар.
11. Белгилаб қўйилсинки, пахта хом ашёсини дастлабки қайта ишлаш маҳсулотини қайтариш асосида пахта тозалаш корхонасида ёхуд пахта-тўқимачилик ишлаб чиқариши ташкилотчиларининг ўз корхонасида ёки улар томонидан ижарага олинган пахта тозалаш корхонасида амалга оширилади.
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси «Ўзпахтасаноат» АЖ ва «Ўзтўқимачиликсаноат» уюшмаси билан биргаликда бир ой муддатда пахта-тўқимачилик ишлаб чиқариши ҳудудида жойлашган пахта тозалаш корхоналарини ва пахта тайёрлаш пунктларини хатловдан ўтказсин ва уларнинг ҳолатини баҳоласин.
Ўзбекистон Республикаси Президентининг 2017 йил 14 декабрдаги ПФ-5285-сон Фармони билан ташкил этилган Пахта-тўқимачилик кластерларини ўрта муддатли истиқболда ривожлантириш концепциясини ишлаб чиқиш бўйича ишчи комиссия (З.Т. Мирзаев):
2018 йил 1 мартгача бўлган муддатда — пахта-тўқимачилик ишлаб чиқариши ҳудудида жойлашган пахта тозалаш корхоналарини ва пахта тайёрлаш пунктларининг техник ва молиявий ҳолатини баҳолаш асосида улардан фойдаланиш самарадорлигини ошириш юзасидан Ҳукумат қарори лойиҳасини тайёрласин ва киритсин, унда шу жумладан уларни пахта-тўқимачилик ишлаб чиқариши ташкилотчиларига ижарага беришни, тўловни бўлиб-бўлиб тўлаган ҳолда ёки инвестиция мажбуриятлари остида «нол» харид қиймати бўйича сотишни ёхуд қувватлардан маҳсулотини қайтариш шарти билан фойдаланишни назарда тутсин;
пахта-тўқимачилик ишлаб чиқариши ташкил этилиши мониторингини олиб бориш бўйича ҳудудий ишчи гуруҳларни уч кун муддатда 2-иловага мувофиқ таркибда шакллантирсин;
2018 йил пахта хом ашёси ҳосили якунлари бўйича пахта-тўқимачилик ишлаб чиқаришини ва кластерларни ташкил этишга доир фаолиятни тартибга солувчи ҳуқуқий базани янада такомиллаштиришни ҳисобга олган ҳолда пахта хом ашёсини етиштириш ва етказиб беришни ташкил этишнинг бозор механизмини шакллантириш юзасидан таклифлар киритсин.
12. Вазирлар Маҳкамасининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари комплекси (З.Т. Мирзаев) Ўзбекистон Республикаси Молия вазирлиги ва Марказий банки билан биргаликда пахта-тўқимачилик ишлаб чиқариши ташкилотчилари томонидан Ўзбекистон Республикаси Президентининг 2016 йил 21 декабрдаги ПҚ-2687-сон қарорида назарда тутилган шартларда амалга оширилаётган лойиҳаларни молиялаштириш учун уларга кредит линиялари ажратиш, шу жумладан, асбоб-ускуналар импорт қилиш учун уларга Ўзбекистон Республикаси Тикланиш ва тараққиёт жамғармаси томонидан тижорат банклари билан биргаликда молиялаштириш шартларини татбиқ этиш тўғрисида белгиланган тартибда таклифлар киритсин.
14. Ўзбекистон Республикаси Қишлоқ хўжалиги вазирлиги «Ўзтўқимачиликсаноат» уюшмаси, Адлия вазирлиги, манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда Ўзбекистон Республикаси Вазирлар Маҳкамасига таклифлар киритсин.
15. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — З.Т. Мирзаев ҳамда Ўзбекистон Республикаси Бош вазирининг ўринбосари — «Ўзагротехсаноатхолдинг» АЖ бошқаруви раиси Н.С. Отажонов зиммасига юклансин.
Вазирлар Маҳкамасининг 2018 йил 25 январдаги 53-сон қарорига 1-ИЛОВА
2018 йилдан бошлаб пахта-тўқимачилик ишлаб чиқариши ташкил этиладиган ҳудудлар
Т/р Минтақа, туман Пахта-тўқимачилик ишлаб чиқаришининг ташкилотчилари Ер майдони, га Хизмат кўрсатувчи банк 1. Қорақалпоғистон Республикаси, Элликқалъа тумани «Бостон кластер» МЧЖ, «Хоразм текс» МЧЖ 11 700 «Ўзмиллийбанк» 2. Андижон вилояти, Қўрғонтепа тумани «Khantex Group» МЧЖ ва «Khantex Agro Servis» МЧЖ 9 225 «Ўзмиллийбанк» 3 1 . Бухоро вилояти, Ромитан тумани «Bukhara cotton textile cluster AGROKOMPLEKS» ХКМЧЖ 7450 Асакабанк 5. Қашқадарё вилояти, Миришкор тумани; Сурхондарё вилояти, Ангор тумани «Ғузор Текстиль Импекс» МЧЖ 13 500 «Ўзмиллийбанк» 6. Наманган вилояти, Учқўрғон тумани «Textile Finance Namangan» МЧЖХК 9 836 Ипотека банк, Инфин банк 7. Навоий вилояти, Навбаҳор ва Конимех туманлари «Навбаҳор текстиль» МЧЖ 8 422 «Асака» банки 8. Навоий вилояти, Хатирчи, Қизилтепа ва Кармана туманлари «Бахт текстиль» МЧЖ ва «Бахт Навоий» МЧЖ (Вазирлар Маҳкамасининг 2017 йил 25 мартдаги 158-сон қарорига мувофиқ Қизилтепа туманида ажратилган 10 минг гектар ерни ҳисобга олган ҳолда) 25 378 «Ўзмиллийбанк» 9. Самарқанд вилояти, Нарпай тумани «Мароканд Сифат» МЧЖ 10 717 «Ўзмиллийбанк» 10 1 . Сирдарё вилояти, Мирзаобод, Ховос туманлари «Bek cluster» МЧЖ қўшма корхонаси таркибига кирувчи «Mirzaobod universal trade cluster» хусусий корхонаси 16 500 Асакабанк 11. Тошкент вилояти, Оққўрғон тумани «Abc Oqqoʼrgʼon Agro Classter» МЧЖ 13 700 «Агробанк» 12. Фарғона вилояти, Риштон тумани «Рус Ўзбектекс» МЧЖ 6 800 «Ўзмиллийбанк» 13. Хоразм вилояти, Шовот тумани «Textile Finance Khorezm» МЧЖХК 9 630 Ипотека банк, Инфин банк Жами 132 808
Вазирлар Маҳкамасининг 2018 йил 25 январдаги 53-сон қарорига 2-ИЛОВА
Пахта-тўқимачилик ишлаб чиқариши ташкил этилиши мониторингини олиб бориш бўйича ҳудудий ишчи гуруҳларнинг
1. Лавозимига кўра — Қорақалпоғистон Республикаси Вазирлар Кенгаши Раиси, вилоят ҳокими, ҳудудий ишчи гуруҳ раҳбари 2. Лавозимига кўра — Қорақалпоғистон Республикаси Вазирлар Кенгаши Раисининг, вилоят ҳокимининг қишлоқ ва сув хўжалиги масалалари бўйича ўринбосари, ҳудудий ишчи гуруҳ раҳбарининг ўринбосари 3. Лавозимига кўра — туман ҳокимлари 4. Лавозимига кўра — Қорақалпоғистон Республикаси, вилоятлар прокуратураси қишлоқ ва сув хўжалиги соҳасида қонунчилик ижро этилишини назорат қилиш бўлими бошлиғи 5. Лавозимига кўра — Ўзбекистон Республикаси Қишлоқ хўжалиги вазирлигининг ҳудудий бошқармаси бошлиғи 6. Лавозимига кўра — Ўзбекистон Республикаси Иқтисодиёт вазирлигининг ҳудудий бошқармаси бошлиғи 7. Лавозимига кўра — Ўзбекистон Республикаси Молия вазирлигининг ҳудудий бошқармаси бошлиғи 8. Лавозимига кўра — Ўзбекистон Республикаси Давлат солиқ қўмитасининг ҳудудий бошқармаси бошлиғи 9. Лавозимига кўра — «Ўзтўқимачиликсаноат» уюшмасининг масъул ходими 10. Лавозимига кўра — хизмат кўрсатувчи тижорат банки вилоят филиалининг бошқарувчиси
Ўзбекистон Республикасининг Бош вазири А. АРИПОВ
Тошкент ш.,
2018 йил 25 январь,
53-сон
Oʻzbekiston Respublikasi Vazirlar Mahkamasining
qarori
roʻyxati
NAMUNAVIY TARKIBI
Paxta-toʻqimachilik ishlab chiqarishini tashkil etishning zamonaviy shakllarini joriy etish chora-tadbirlari toʻgʻrisida
Fermer xoʻjaliklari, boshqa qishloq xoʻjaligi ishlab chiqaruvchilari (keyingi oʻrinlarda fermer xoʻjaliklari deb ataladi) va toʻqimachilik sanoati korxonalari oʻrtasida bozor munosabatlarini shakllantirish, paxta-toʻqimachilik ishlab chiqarishini tashkil etishning zamonaviy shakllarini joriy etish asosida yuqori qoʻshilgan qiymatga ega raqobatbardoshli mahsulotlar ishlab chiqarishni taʼminlash maqsadida Vazirlar Mahkamasi qaror qiladi:
1. Toʻqimachilik sanoati korxonalari, shuningdek, Qoraqalpogʻiston Respublikasi Vazirlar Kengashi va viloyatlar hokimliklarining 2018-yil paxta xom ashyosi hosili doirasida sinab koʻrishni hisobga olgan holda 1-ilovaga muvofiq roʻyxat boʻyicha hududlarda paxta-toʻqimachilik ishlab chiqarishini tashkil etish toʻgʻrisidagi takliflari qabul qilinsin hamda ushbu ishlab chiqarishni toʻqimachilik sanoati korxonalari (keyingi oʻrinlarda paxta-toʻqimachilik ishlab chiqarishi tashkilotchilari deb ataladi) hamda fermer xoʻjaliklari oʻrtasida paxta xom ashyosini yetishtirish va yetkazib berish yuzasidan toʻgʻridan-toʻgʻri kontraktatsiya shartnomasini tuzish asosida tashkil etish nazarda tutilsin.
2. Belgilab qoʻyilsinki:
paxta-toʻqimachilik ishlab chiqarishi tashkilotchilari yer, suv va boshqa resurslardan samarali hamda oqilona foydalanishga, hosildorlikni oshirishga va yetishtiriladigan paxta xom ashyosining oʻz vaqtida yigʻib-terib olinishiga koʻmaklashadi, shuningdek, uning chuqur qayta ishlanishini va yuqori qoʻshilgan qiymatga ega mahsulotlar ishlab chiqarishning koʻpaytirilishini taʼminlaydi;
lizing asosida qishloq xoʻjaligi texnikasi xarid qilish, mineral oʻgʻitlar, urugʻlik, yoqilgʻi-moylash materiallari, oʻsimliklarni kimyoviy himoya qilish vositalari va boshqa material resurslar yetkazib berish boʻyicha fermer xoʻjaliklari uchun nazarda tutilgan shartlar hamda tartib paxta-toʻqimachilik ishlab chiqarishi tashkilotchilariga tatbiq etiladi;
paxta-toʻqimachilik ishlab chiqarishi doirasida oʻz ehtiyojlari uchun ishlab chiqarilgan paxta tolasi ixtiyoriy ravishda sertifikatlanadi;
ishlab chiqarilgan paxta tolasining oʻz ishlab chiqarish quvvatlari ehtiyojlaridan oshadigan hajmlari paxta-toʻqimachilik ishlab chiqarishi tashkilotchilari tomonidan birja savdolari orqali boshqa mahalliy isteʼmolchilarga sotiladi;
paxtadan olingan chigit paxta-toʻqimachilik ishlab chiqarishi tashkilotchisi tomonidan yogʻ-moy korxonalariga birja savdolari yoki mahsulotni qaytarish asosida, yogʻ-moy mahsulotini keyinchalik birja savdolari orqali realizatsiya qilish sharti bilan, qayta ishlangan chigit chiqindilari (shrot, sheluxa) esa toʻgʻridan-toʻgʻri shartnomalar boʻyicha birinchi navbatda, fermer xoʻjaliklariga, shuningdek, boshqa mahalliy isteʼmolchilarga sotiladi;
qoʻshimcha mahsulotlar (lint, oʻlik paxta va boshqalar) paxta-toʻqimachilik ishlab chiqarishi tashkilotchisi tomonidan mahalliy isteʼmolchilarga birja savdolari orqali sotiladi;
paxta-toʻqimachilik ishlab chiqarishi tashkilotchisi tomonidan xarid qilinadigan paxta xom ashyosi narxi fermer xoʻjaliklarining rentabelligi hisobga olinib, agrotexnologik xaritalar asosida shakllantiriladigan xarajatlardan kelib chiqqan holda shartnoma asosida belgilanadi va davlat ehtiyojlari uchun belgilangan narxlardan past boʻlmasligi lozim.
3. Qoraqalpogʻiston Respublikasi Vazirlar Kengashi, viloyatlar va tumanlar hokimliklari, Oʻzbekiston Respublikasi Qishloq xoʻjaligi vazirligi va Suv xoʻjaligi vazirligi Oʻzbekiston fermer, dehqon xoʻjaliklari va tomorqa yer egalari kengashi bilan birgalikda oʻn kun muddatda fermer xoʻjaliklari roʻyxatini belgilasinlar hamda ularga paxta-toʻqimachilik ishlab chiqarishi tashkilotchilari bilan kontraktatsiya shartnomalarini tuzishda amaliy yordam koʻrsatsinlar.
Oʻzbekiston Respublikasi Adliya vazirligi Qishloq xoʻjaligi vazirligi va Suv xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashi va “Oʻztoʻqimachiliksanoat” uyushmasi bilan birgalikda fermer xoʻjaliklari hamda paxta-toʻqimachilik ishlab chiqarishi tashkilotchilari oʻrtasida paxta xom ashyosini yetishtirish va yetkazib berish boʻyicha namunaviy kontraktatsiya shartnomasini bir hafta muddatda ishlab chiqsin hamda tasdiqlasin, unda jumladan fermer xoʻjaliklarining oʻz majburiyatlarini soʻzsiz bajarishi choralarini nazarda tutsin.
Oʻzbekiston Respublikasi Bosh prokuraturasi shartnomalar shartlarining soʻzsiz bajarilishi, shuningdek, paxta-toʻqimachilik ishlab chiqarishi doirasida yerlardan samarali foydalanilishi yuzasidan qatʼiy nazorat oʻrnatsin.
4. Belgilansinki:
fermer xoʻjaliklariga paxta-toʻqimachilik ishlab chiqarishining tegishli tashkilotchilari tomonidan kontraktatsiya shartnomasida nazarda tutilgan miqdorlarda va shartlar asosida avans beriladi;
paxta-toʻqimachilik ishlab chiqarishi tashkilotchilari paxta xom ashyosini yetishtirish va ularga yetkazib berishni moliyalashtirish uchun Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda Jamgʻarma deb ataladi) mablagʻlari hisobidan ushbu qarorga 1-ilovaga muvofiq xizmat koʻrsatuvchi tijorat banklari orqali kreditlar ajratadi va taʼminot sifatida sugʻurta polisi taqdim etadi;
fermer xoʻjaliklari bilan paxta xomashyosi uchun yakuniy hisob-kitoblar paxta-toʻqimachilik ishlab chiqarishlari va klasterlari tashkilotchilari tomonidan hosil yigʻib-terib olinadigan yil oxirigacha amalga oshiriladi.
6. Belgilab qoʻyilsinki:
paxta-toʻqimachilik ishlab chiqarishi uchun paxta xom ashyosi yetishtirish maqsadida ajratiladigan mablagʻlar fermer xoʻjaligining maxsus hisob raqamiga, shuningdek, paxta-toʻqimachilik ishlab chiqarishlari tashkilotchilari bilan tuzilgan shartnomalar asosida paxta-toʻqimachilik ishlab chiqarishlari tashkilotchilari, moddiy-texnika resurslari yetkazib beruvchilar va xizmatlar koʻrsatuvchi tashkilotlarga oʻtkaziladi;
fermer xoʻjaliklarining maxsus hisob raqamlariga tushadigan mablagʻlardan yangi paxta xom ashyosi hosili yetishtirish uchun faqat zarur tovarlar (ishlar, xizmatlar) xarid qilish uchun foydalanish mumkin va hisob raqamlar egalarining yangi hosilni yetishtirish bilan bogʻliq boʻlmagan ilgari yuzaga kelgan majburiyatlarini qoplashga yoʻnaltirilishi mumkin emas;
paxta xom ashyosini yetishtirish va yetkazib berishga doir qoʻshimcha xarajatlar hamda fermer xoʻjaliklari uchun qishloq xoʻjaligi texnikasi xarid qilish xarajatlari paxta-toʻqimachilik ishlab chiqarishi tashkilotchilari tomonidan oʻz mablagʻlari yoki tijorat banklarining toʻqimachilik hamda tikuvchilik-trikotaj mahsulotlari yetkazib berish boʻyicha eksport kontraktlari kafolati ostida ajratiladigan kreditlari hisobidan moliyalashtirilishi mumkin;
Paxta-toʻqimachilik ishlab chiqarish tashkilotchilariga 2018-yil 1-oktabrdan keyin fermer xoʻjaliklariga berilgan mol-mulkni tovarlar (ishlar, xizmatlar) boʻyicha qoʻshilgan qiymat soligʻi bilan oʻtkazishni amalga oshirish huquqi berilsin.
7. Paxta-toʻqimachilik ishlab chiqarishi tashkilotchilari, fermer xoʻjaliklari, kooperatsiyalarga hududlar sharoitlari, ekinlarni ilmiy asoslangan tarzda almashlab ekish, suv va resurslarni tejaydigan texnologiyalarni joriy etish, shuningdek, paxtaning tozaligiga rioya etilishini hisobga olgan holda, gʻoʻzaning seleksiya navlarini mustaqil ravishda joylashtirish huquqi berilsin.
Oʻzbekiston Respublikasi Qishloq xoʻjaligi vazirligi paxta-toʻqimachilik ishlab chiqarishi tashkilotchilariga hududlar sharoitlarini hisobga olgan holda, seleksiya navlarini joylashtirish boʻyicha tavsiyalar bersin.
9. Oʻzbekiston Respublikasi Moliya vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻztoʻqimachiliksanoat” uyushmasi va “Oʻzpaxtasanoat” AJ paxta-toʻqimachilik ishlab chiqarishi uchun paxta xom ashyosini qayta ishlash yuzasidan belgilangan asosli tariflarni paxta tozalash korxonalari boʻyicha bir oy muddatda tasdiqlasin.
10. Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Qishloq xoʻjaligi vazirligi va Suv xoʻjaligi vazirligi, Vazirlar Mahkamasi huzuridagi Sugʻoriladigan yerlarning meliorativ holatini yaxshilash jamgʻarmasi, Yer resurslari, geodeziya, kartografiya va davlat kadastri davlat qoʻmitasi bilan birgalikda har bir fermer xoʻjaligi boʻyicha irrigatsiya hamda melioratsiya tizimlarini muntazam tozalash, yerlarni tekislash va yerning qattiq gips qatlamini ochish boʻyicha chuqur yumshatish ishlarini tashkil qilish, shuningdek, paxta xom ashyosi yetishtiradigan va paxta-toʻqimachilik ishlab chiqarishi tashkilotchilariga yetkazib beradigan qishloq xoʻjaligi tashkilotlarining ishlab chiqarish ehtiyojlari uchun uzluksiz suv taʼminoti tadbirlarining ishlab chiqilishi hamda amalga oshirilishini taʼminlasinlar.
11. Belgilab qoʻyilsinki, paxta xom ashyosini dastlabki qayta ishlash mahsulotini qaytarish asosida paxta tozalash korxonasida yoxud paxta-toʻqimachilik ishlab chiqarishi tashkilotchilarining oʻz korxonasida yoki ular tomonidan ijaraga olingan paxta tozalash korxonasida amalga oshiriladi.
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi “Oʻzpaxtasanoat” AJ va “Oʻztoʻqimachiliksanoat” uyushmasi bilan birgalikda bir oy muddatda paxta-toʻqimachilik ishlab chiqarishi hududida joylashgan paxta tozalash korxonalarini va paxta tayyorlash punktlarini xatlovdan oʻtkazsin va ularning holatini baholasin.
Oʻzbekiston Respublikasi Prezidentining 2017-yil 14-dekabrdagi PF-5285-son Farmoni bilan tashkil etilgan Paxta-toʻqimachilik klasterlarini oʻrta muddatli istiqbolda rivojlantirish konsepsiyasini ishlab chiqish boʻyicha ishchi komissiya (Z.T. Mirzayev):
2018-yil 1-martgacha boʻlgan muddatda — paxta-toʻqimachilik ishlab chiqarishi hududida joylashgan paxta tozalash korxonalarini va paxta tayyorlash punktlarining texnik va moliyaviy holatini baholash asosida ulardan foydalanish samaradorligini oshirish yuzasidan Hukumat qarori loyihasini tayyorlasin va kiritsin, unda shu jumladan ularni paxta-toʻqimachilik ishlab chiqarishi tashkilotchilariga ijaraga berishni, toʻlovni boʻlib-boʻlib toʻlagan holda yoki investitsiya majburiyatlari ostida “nol” xarid qiymati boʻyicha sotishni yoxud quvvatlardan mahsulotini qaytarish sharti bilan foydalanishni nazarda tutsin;
paxta-toʻqimachilik ishlab chiqarishi tashkil etilishi monitoringini olib borish boʻyicha hududiy ishchi guruhlarni uch kun muddatda 2-ilovaga muvofiq tarkibda shakllantirsin;
2018-yil paxta xom ashyosi hosili yakunlari boʻyicha paxta-toʻqimachilik ishlab chiqarishini va klasterlarni tashkil etishga doir faoliyatni tartibga soluvchi huquqiy bazani yanada takomillashtirishni hisobga olgan holda paxta xom ashyosini yetishtirish va yetkazib berishni tashkil etishning bozor mexanizmini shakllantirish yuzasidan takliflar kiritsin.
12. Vazirlar Mahkamasining Qishloq va suv xoʻjaligi, qishloq xoʻjaligi va oziq-ovqat mahsulotlarini qayta ishlash masalalari kompleksi (Z.T. Mirzayev) Oʻzbekiston Respublikasi Moliya vazirligi va Markaziy banki bilan birgalikda paxta-toʻqimachilik ishlab chiqarishi tashkilotchilari tomonidan Oʻzbekiston Respublikasi Prezidentining 2016-yil 21-dekabrdagi PQ-2687-son qarorida nazarda tutilgan shartlarda amalga oshirilayotgan loyihalarni moliyalashtirish uchun ularga kredit liniyalari ajratish, shu jumladan, asbob-uskunalar import qilish uchun ularga Oʻzbekiston Respublikasi Tiklanish va taraqqiyot jamgʻarmasi tomonidan tijorat banklari bilan birgalikda moliyalashtirish shartlarini tatbiq etish toʻgʻrisida belgilangan tartibda takliflar kiritsin.
14. Oʻzbekiston Respublikasi Qishloq xoʻjaligi vazirligi “Oʻztoʻqimachiliksanoat” uyushmasi, Adliya vazirligi, manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Oʻzbekiston Respublikasi Vazirlar Mahkamasiga takliflar kiritsin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Z.T. Mirzayev hamda Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov zimmasiga yuklansin.
Vazirlar Mahkamasining 2018-yil 25-yanvardagi 53-son qaroriga 1-ILOVA
2018-yildan boshlab paxta-toʻqimachilik ishlab chiqarishi tashkil etiladigan hududlar
T/r Mintaqa, tuman Paxta-toʻqimachilik ishlab chiqarishining tashkilotchilari Yer maydoni, ga Xizmat koʻrsatuvchi bank 1. Qoraqalpogʻiston Respublikasi, Ellikqalʼa tumani “Boston klaster” MChJ, “Xorazm teks” MChJ 11 700 “Oʻzmilliybank” 2. Andijon viloyati, Qoʻrgʻontepa tumani “Khantex Group” MChJ va “Khantex Agro Servis” MChJ 9 225 “Oʻzmilliybank” 3 1 . Buxoro viloyati, Romitan tumani “Bukhara cotton textile cluster AGROKOMPLEKS” XKMCHJ 7450 Asakabank 5. Qashqadaryo viloyati, Mirishkor tumani; Surxondaryo viloyati, Angor tumani “Gʻuzor Tekstil Impeks” MChJ 13 500 “Oʻzmilliybank” 6. Namangan viloyati, Uchqoʻrgʻon tumani “Textile Finance Namangan” MChJXK 9 836 Ipoteka bank, Infin bank 7. Navoiy viloyati, Navbahor va Konimex tumanlari “Navbahor tekstil” MChJ 8 422 “Asaka” banki 8. Navoiy viloyati, Xatirchi, Qiziltepa va Karmana tumanlari “Baxt tekstil” MChJ va “Baxt Navoiy” MChJ (Vazirlar Mahkamasining 2017-yil 25-martdagi 158-son qaroriga muvofiq Qiziltepa tumanida ajratilgan 10 ming gektar yerni hisobga olgan holda) 25 378 “Oʻzmilliybank” 9. Samarqand viloyati, Narpay tumani “Marokand Sifat” MChJ 10 717 “Oʻzmilliybank” 10 1 . Sirdaryo viloyati, Mirzaobod, Xovos tumanlari “Bek cluster” MChJ qoʻshma korxonasi tarkibiga kiruvchi “Mirzaobod universal trade cluster” xususiy korxonasi 16 500 Asakabank 11. Toshkent viloyati, Oqqoʻrgʻon tumani “Abc Oqqoʼrgʼon Agro Classter” MChJ 13 700 “Agrobank” 12. Fargʻona viloyati, Rishton tumani “Rus Oʻzbekteks” MChJ 6 800 “Oʻzmilliybank” 13. Xorazm viloyati, Shovot tumani “Textile Finance Khorezm” MChJXK 9 630 Ipoteka bank, Infin bank Jami 132 808
Vazirlar Mahkamasining 2018-yil 25-yanvardagi 53-son qaroriga 2-ILOVA
Paxta-toʻqimachilik ishlab chiqarishi tashkil etilishi monitoringini olib borish boʻyicha hududiy ishchi guruhlarning
1. Lavozimiga koʻra — Qoraqalpogʻiston Respublikasi Vazirlar Kengashi Raisi, viloyat hokimi, hududiy ishchi guruh rahbari 2. Lavozimiga koʻra — Qoraqalpogʻiston Respublikasi Vazirlar Kengashi Raisining, viloyat hokimining qishloq va suv xoʻjaligi masalalari boʻyicha oʻrinbosari, hududiy ishchi guruh rahbarining oʻrinbosari 3. Lavozimiga koʻra — tuman hokimlari 4. Lavozimiga koʻra — Qoraqalpogʻiston Respublikasi, viloyatlar prokuraturasi qishloq va suv xoʻjaligi sohasida qonunchilik ijro etilishini nazorat qilish boʻlimi boshligʻi 5. Lavozimiga koʻra — Oʻzbekiston Respublikasi Qishloq xoʻjaligi vazirligining hududiy boshqarmasi boshligʻi 6. Lavozimiga koʻra — Oʻzbekiston Respublikasi Iqtisodiyot vazirligining hududiy boshqarmasi boshligʻi 7. Lavozimiga koʻra — Oʻzbekiston Respublikasi Moliya vazirligining hududiy boshqarmasi boshligʻi 8. Lavozimiga koʻra — Oʻzbekiston Respublikasi Davlat soliq qoʻmitasining hududiy boshqarmasi boshligʻi 9. Lavozimiga koʻra — “Oʻztoʻqimachiliksanoat” uyushmasining masʼul xodimi 10. Lavozimiga koʻra — xizmat koʻrsatuvchi tijorat banki viloyat filialining boshqaruvchisi
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-yanvar,
53-son
Кабинета Министров Республики Узбекистан
Постановление
ПЕРЕЧЕНЬ
ТИПОВОЙ СОСТАВ
О мерах по внедрению современных форм организации хлопково-текстильного производства
В целях формирования рыночных отношений между фермерскими хозяйствами, другими сельскохозяйственными производителями (далее — фермерские хозяйства) и предприятиями текстильной промышленности, обеспечения выпуска конкурентоспособной продукции с высокой добавленной стоимостью на основе внедрения современных форм организации хлопково-текстильного производства Кабинет Министров постановляет:
1. Принять предложения предприятий текстильной промышленности, а также Совета Министров Республики Каракалпакстан и хокимиятов областей о создании с учетом апробации в рамках урожая хлопка-сырца 2018 года хлопково-текстильного производства на территориях по перечню согласно приложению № 1 , предусмотрев его организацию на основе заключения прямого договора контрактации по выращиванию и поставке хлопка-сырца между предприятиями текстильной промышленности (далее — организаторы хлопково-текстильного производства) и фермерскими хозяйствами.
2. Установить, что:
организаторы хлопково-текстильного производства содействуют эффективному и рациональному использованию земельных, водных и иных ресурсов, повышению урожайности и своевременному сбору выращиваемого хлопка-сырца, а также обеспечивают его дальнейшую углубленную переработку и увеличение производства продукции с высокой добавленной стоимостью;
на организаторов хлопково-текстильного производства распространяются условия и порядок приобретения сельскохозяйственной техники по лизингу, поставки минеральных удобрений, посевных семян, горюче-смазочных материалов, средств химической защиты растений и других материальных ресурсов, предусмотренные для фермерских хозяйств;
сертификация хлопкового волокна, производимого для собственных нужд в рамках хлопково-текстильного производства, осуществляется в добровольной форме;
объемы произведенного хлопкового волокна, превышающие потребность собственных производственных мощностей, реализуется организатором хлопково-текстильного производства другим отечественным потребителям через биржевые торги;
полученные семена хлопчатника реализуются организатором хлопково-текстильного производства масложировым предприятиям через биржевые торги или на давальческой основе с последующей реализацией масложировой продукции через биржевые торги, а отходы переработки семян хлопчатника (шрот, шелуха) — по прямым договорам, в первую очередь фермерским хозяйствам, а также другим отечественным потребителям;
дополнительная продукция (линт, улюк и другие) реализуется организатором хлопково-текстильного производства отечественным потребителям через биржевые торги;
цена на хлопок-сырец, закупаемый организатором хлопково-текстильного производства, устанавливается на договорной основе исходя из затрат, формируемых на основе агротехнологических карт, с учетом рентабельности фермерских хозяйств и не должна быть ниже установленных цен для государственных нужд.
3. Совету Министров Республики Каракалпакстан, хокимиятам областей и районов, Министерству сельского хозяйства и Министерству водного хозяйства Республики Узбекистан совместно с Советом фермерских, дехканских хозяйств и владельцев приусадебных земель Узбекистана в десятидневный срок определить перечень фермерских хозяйств и оказать практическое содействие в заключении ими договоров контрактации с организаторами хлопково-текстильного производства.
Министерству юстиции совместно с Министерством сельского хозяйства и Министерством водного хозяйства Республики Узбекистан, Советом фермерских, дехканских хозяйств и владельцев приусадебных земель Узбекистана и Ассоциацией «Узтекстильпром» в недельный срок разработать и утвердить типовой договор контрактации на выращивание и поставку хлопка-сырца, заключаемый между фермерскими хозяйствами и организаторами хлопково-текстильного производства, предусмотрев в том числе меры безусловного выполнения фермерскими хозяйствами своих обязательств.
Генеральной прокуратуре Республики Узбекистан установить жесткий контроль за неукоснительным исполнением условий договоров, а также эффективным использованием земель в рамках хлопково-текстильного производства.
4. Определить, что:
авансирование фермерских хозяйств производится соответствующими организаторами хлопково-текстильного производства в размерах и на условиях, предусмотренных договорами контрактации;
организаторам хлопково-текстильного производства выделяются кредиты для финансирования выращивания и поставки им хлопка-сырца за счет средств Фонда государственной поддержки сельского хозяйства при Министерстве финансов Республики Узбекистан (далее — Фонд) через обслуживающие коммерческие банки согласно приложению № 1 к настоящему постановлению, с предоставлением страхового полиса в качестве обеспечения;
окончательные расчеты с фермерскими хозяйствами за хлопок-сырец осуществляются организаторами хлопково-текстильного производства до конца года сбора урожая.
6. Установить, что:
средства, выделяемые в целях выращивания хлопка-сырца для хлопково-текстильного производства, перечисляются на специальный счет фермерского хозяйства, а также организаторам хлопково-текстильных производств, поставщикам материально-технических ресурсов и организациям оказывающим услуги, на основании заключённых с организаторами хлопково-текстильных производств договоров;
средства, поступившие на специальные счета фермерских хозяйств, могут быть использованы исключительно для приобретения товаров (работ и услуг), необходимых для выращивания нового урожая хлопка-сырца, и не могут быть направлены на погашение ранее возникших обязательств владельцев счетов, не связанных с выращиванием нового урожая;
дополнительные затраты на выращивание и поставку хлопка-сырца и расходы по приобретению сельскохозяйственной техники для фермерских хозяйств могут финансироваться организаторами хлопково-текстильного производства за счет собственных средств либо кредитов коммерческих банков, выдаваемых в том числе под залог экспортных контрактов на поставку текстильной и швейно-трикотажной продукции;
Предоставить право организаторам хлопково-текстильного производства осуществлять передачу фермерским хозяйствам имущества с налогом на добавленную стоимость по товарам (работам, услугам), переданным (оказанным) не ранее 1 октября 2018 года.
7. Предоставить право организаторам, фермерских хозяйств, кооперативы хлопково-текстильного производства размещать на самостоятельной основе селекционные сорта хлопчатника с учетом зональных условий, внедрения научно обоснованных севооборотов, водо и ресурсосберегающих технологий, а также соблюдения состава чистоты хлопчатника.
Министерству сельского хозяйства Республики Узбекистан предоставлять рекомендации организаторам хлопково-текстильных производств по размещению селекционных сортов с учетом зональных условий.
9. Министерству финансов, Государственному комитету Республики Узбекистан по содействию приватизированным предприятиям и развитию конкуренции, Ассоциации «Узтекстильпром» и АО «Узпахтасаноат» в месячный срок утвердить предельные обоснованные тарифы в разрезе хлопкоочистительных предприятий на переработку хлопка-сырца для хлопково-текстильного производства.
10. Совету Министров Республики Каракалпакстан, хокимиятам областей совместно с Министерством сельского хозяйства и Министерством водного хозяйства, Фондом мелиоративного улучшения орошаемых земель при Кабинете Министров, Государственным комитетом Республики Узбекистан по земельным ресурсам, геодезии, картографии и государственному кадастру обеспечить разработку и реализацию в разрезе каждого фермерского хозяйства мероприятия по регулярной очистке ирригационных и мелиоративных систем, организации капитально-планировочных работ и глубокого рыхления по вскрытию твердого гипсового слоя земли, а также бесперебойному водоснабжению для производственных нужд сельскохозяйственных организаций, выращивающих и поставляющих хлопок-сырец организаторам хлопково-текстильного производства.
11. Определить, что первичная переработка хлопка-сырца осуществляется на хлопкоочистительном предприятии на давальческой основе либо на собственном или арендованном организаторами хлопково-текстильного производства хлопкоочистительном предприятии.
Государственному комитету Республики Узбекистан по содействию приватизированным предприятиям и развитию конкуренции совместно с АО «Узпахтасаноат» и Ассоциацией «Узтекстильпром» в месячный срок провести инвентаризацию и оценку состояния хлопкоочистительных предприятий и хлопкозаготовительных пунктов, расположенных на территории хлопково-текстильного производства.
Рабочей комиссии по разработке проекта Концепции развития на среднесрочную перспективу хлопково-текстильных кластеров, образованной Указом Президента Республики Узбекистан от 14 декабря 2017 года № УП-5285 (З.Т. Мирзаев):
в срок до 1 марта 2018 года на основе оценки технического и финансового состояния хлопкоочистительных предприятий и хлопкозаготовительных пунктов, расположенных на территории хлопково-текстильного производства, подготовить и внести проект правительственного решения по повышению эффективности их использования, предусмотрев в том числе передачу их в аренду организаторам хлопково-текстильного производства, реализацию с рассрочкой платежа или по нулевой выкупной стоимости под инвестиционные обязательства либо использование мощностей на давальческой основе;
в трехдневный срок сформировать территориальные рабочие группы по мониторингу за организацией хлопково-текстильного производства в составе согласно приложению № 2 ;
по итогам урожая хлопка-сырца 2018 года внести предложения по формированию рыночного механизма организации выращивания и поставки хлопка-сырца, с учетом дальнейшего совершенствования правовой базы, регулирующей деятельность по организации хлопково-текстильного производства и кластеров.
12. Комплексу Кабинета Министров по вопросам сельского и водного хозяйства, переработки сельскохозяйственной и продовольственной продукции (З.Т. Мирзаев) совместно с Министерством финансов и Центральным банком Республики Узбекистан внести в установленном порядке предложения о выделении организаторам хлопково-текстильного производства льготных кредитных линий для софинансирования реализуемых ими проектов на условиях, предусмотренных постановлением Президента Республики Узбекистан от 21 декабря 2016 года № ПП-2687, в том числе распространении на них условий финансирования Фондом реконструкции и развития Республики Узбекистан совместно с коммерческими банками для импорта оборудования.
14. Министерству сельского хозяйства Республики Узбекистан совместно с Ассоциацией «Узтекстильпром», Министерством юстиции, заинтересованными ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Контроль за исполнением настоящего постановления возложить на заместителя Премьер-министра Республики Узбекистан З.Т. Мирзаева, заместителя Премьер-министра Республики Узбекистан — председателя АО «Узагротехсаноатхолдинг» Н.С. Отажонова.
ПРИЛОЖЕНИЕ № 1 к постановлению Кабинета Министров от 25 января 2018 года № 53
территорий, на которых организуется хлопково-текстильное производство с 2018 года
№ Регион, район Организаторы хлопково-текстильного производства Земельная площадь, га Обслуживающий банк 1. Республика Каракалпакстан, Элликкалинский район ООО «Бостон кластер», ООО «Хоразм текс» 11 700 Национальный банк ВЭД 2. Андижанская область, Кургантепинский район ООО «Khantex Group» и ООО «Khantex Agro Servis» 9 225 Национальный банк ВЭД 3 1 . Бухарская область, Ромитанский район ОООИП «Bukhara cotton textile cluster AGROKOMPLEKS» 7 450 Асакабанк 5. Кашкадарьинская область, Миришкорский район; Сурхандарьинская область, Ангорский район ООО «Гузор Текстиль Импекс» 13 500 Национальный банк ВЭД 6. Наманганская область, Учкурганский район ИПООО «Textile Finance Namangan» 9 836 Ипотека банк, Инфин банк 7. Навоийская область, Навбахорский и Конимехский районы ООО «Навбахор текстиль» 8 422 Асака банк 8. Навоийская область, Хатирчинский, Кызылтепинский и Карманинский районы ООО «Бахт текстиль» и ООО «Бахт Навоий» (с учетом выделенных 10 тыс. га в Кызылтепинском районе в соответствии с постановлением Кабинета Министров от 25 марта 2017 г. № 158) 25 378 Национальный банк ВЭД 9. Самаркандская область, Нарпайский район ООО «Мароканд Сифат» 10 717 Национальный банк ВЭД 10 1 . Сырдарьинская область, Мирзабадский и Хавастский районы Частное предприятие «Mirzaobod universal trade cluster» в составе ООО «Bek cluster» 16 500 Асакабанк 11. Ташкентская область, Аккурганский район ООО «Abc Oqqoʼrgʼon Agro Classter» 13 700 Агро банк 12. Ферганская область, Риштанский район ООО «Рус Узбектекс» 6 800 Национальный банк ВЭД 13. Хорезмская область, Шаватский район ИПООО «Textile Finance Khorezm» 9 630 Ипотека банк, Инфин банк Всего 132 808
ПРИЛОЖЕНИЕ № 2 к постановлению Кабинета Министров от 25 января 2018 года № 53
территориальных рабочих групп по мониторингу за организацией хлопково-текстильного производства
1. По должности — председатель Совета Министров Республики Каракалпакстан, хоким области, руководитель территориальной рабочей группы 2. По должности — заместитель председателя Совета Министров Республики Каракалпакстан, хокима области по вопросам сельского и водного хозяйства 3. По должности — хокимы районов 4. По должности — начальник отдела по надзору за исполнением законодательства в сфере сельского хозяйства прокуратуры Республики Каракалпакстан, областей 5. По должности — начальник территориального управления Министерства сельского хозяйства Республики Узбекистан 6. По должности — начальник территориального управления Министерства экономики Республики Узбекистан 7. По должности — начальник территориального управления Министерства финансов Республики Узбекистан 8. По должности — начальник территориального управления Государственного налогового комитета Республики Узбекистан 9. По должности — ответственный работник Ассоциации «Узтекстильпром» 10. По должности — управляющий областным филиалом обслуживающего коммерческого банка
Премьер-министр Республики Узбекистан А. АРИПОВ
г. Ташкент,
25 января 2018 г.,
№ 53