📅 2018-yil 27-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 27 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 января 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 27 January 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасида қизилмия ва бошқа доривор ўсимликларни етиштириш ҳамда саноат усулида қайта ишлашни янада ривожлантириш чора-тадбирлари тўғрисида
Табиий ресурслардан оқилона фойдаланиш, маҳаллий ва хорижий инвестицияларни жалб қилган ҳолда юқори қўшилган қийматга эга бўлган экспортбоп маҳсулотлар ишлаб чиқаришни ташкил этиш учун қизилмия ўсимлигини етиштириш ва саноат усулида қайта ишлаш ҳажмларини ошириш, шунингдек, доривор ўсимликларни етиштириш ва саноат усулида қайта ишлаш соҳасини бошқариш тизимини тубдан такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Ўрмон хўжалиги давлат қўмитаси, Экология ва атроф муҳитни муҳофаза қилиш давлат қўмитаси ҳамда Ташқи иқтисодий фаолият миллий банкининг Қизилмия ва бошқа доривор ўсимликларни етиштириш ва қайта ишлаш ташкилотлари уюшмасини (кейинги ўринларда Уюшма деб аталади) ташкил этиш тўғрисидаги таклифига розилик берилсин.
4. Ўзбекистон Республикаси Президентининг «Ўзбекистон Республикасида қизилмия ўсимлигини етиштириш ҳамда саноат усулида қайта ишлашни кўпайтириш чора-тадбирлари тўғрисида» 2017 йил 16 майдаги ПҚ-2970-сон қарори билан ташкил этилган қизилмия ўсимлиги саноат плантацияларини яратиш ва қизилмия хом ашёсини чуқур қайта ишлашни таъминлаш масалалари бўйича ишчи гуруҳ икки ой муддатда:
Уюшма уставининг тасдиқланишини ва белгиланган тартибда давлат рўйхатидан ўтказилишини;
Уюшманинг юқори малакали кадрлар билан тўлдирилишини таъминласин.
5. Ўзбекистон Республикаси Олий ва ўрта махсус таълим вазирлиги Қорақалпоғистон Республикаси Вазирлар Кенгаши билан биргаликда Уюшманинг Нукус шаҳри, А. Утепов кўчаси, 31-уй манзилидаги Нукус маиший хизмат кўрсатиш ва иқтисодиёт касб-ҳунар коллежи биносига бепул фойдаланиш ҳуқуқи билан жойлаштирилишини таъминласин.
6. Белгилаб қўйилсинки:
қизилмия ва бошқа доривор ўсимликларни етиштириш ва қайта ишлаш билан шуғулланадиган ташкилотлар Уюшма аъзолари таркибига кириши мумкин;
Уюшма раиси ва унинг ўринбосари муассисларнинг умумий йиғилиши қарори билан сайланади ва Ўзбекистон Республикаси Вазирлар Маҳкамаси томонидан лавозимга тасдиқланади;
Уюшманинг ижро этувчи аппаратини сақлаш харажатларини молиялаштириш Уюшма аъзоларининг бадал тўловлари, шунингдек, қонун ҳужжжатларида тақиқланмаган бошқа маблағлар ҳисобидан амалга оширилади.
8. Ўзбекистон Республикаси Ўрмон хўжалиги давлат қўмитаси, Экология ва атроф муҳитни муҳофаза қилиш давлат қўмитаси, Соғлиқни сақлаш вазирлиги, Фанлар академияси, Қишлоқ ва сув хўжалиги вазирлиги, Иқтисодиёт вазирлиги Қизилмия етиштиришни кўпайтириш, чуқур қайта ишлаш ва дори воситалари ҳамда субстанциялар ишлаб чиқариш бўйича чора-тадбирлар дастурини икки ҳафта муддатда ишлаб чиқсинлар ҳамда Ўзбекистон Республикаси Вазирлар Маҳкамасига тасдиқлаш учун киритсинлар.
9. Қорақалпоғистон Республикаси Вазирлар Кенгаши ва туманлар ҳокимликлари бир ой муддатда:
Ўзбекистон Республикаси Ер ресурслари, геодезия, картография ва давлат кадастри давлат қўмитаси, Тупроқшунослик ва агрокимё илмий-тадқиқот институти, хорижий мутахассислар билан биргаликда, тупроқ-иқлим шароитидан келиб чиққан ҳолда, қизилмия ва бошқа доривор ўсимликлар етиштириш учун қулай бўлган, умумий майдони 25 минг гектаргачани ташкил қиладигин ер участкалари;
қизилмия плантациялари ташкил этиш лойиҳалари ташаббускорлари таклифлари танлаб олинишини таъминласинлар.
10. Ўзбекистон Республикаси Қишлоқ ва сув хўжалиги вазирлиги манфаатдор вазирликлар ва идоралар билан биргаликда Қизилмия плантацияларини ташкил этиш лойиҳалари ташаббускорлари таклифларини танлаб олиш тартиби тўғрисидаги низомни икки ой муддатда ишлаб чиқсин ва белгиланган тартибда тасдиқласин.
11. «Ўзагротехсаноатхолдинг» акциядорлик жамияти Ўзбекистон Республикаси Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши билан биргаликда:
2018 йил август ойигача бўлган муддатда — қизилмия ўсимлиги плантацияларини ташкил этиш ва парвариш қилиш, шунингдек, халқаро талабларга мувофиқ қизилмия хом ашёсини қуритиш ва қадоқлаш учун зарур бўладиган махсус техника воситалари ва минитехнологияларга бўлган эҳтиёжни ҳамда уларнинг турларини аниқласин;
талаб этиладиган махсус техника воситалари ва минитехнологияларни харид қилиш, шунингдек, имтиёзли шартларда, лизинг асосида олиш бўйича барча зарур ташкилий-амалий чораларни кўрсин.
13. Ўзбекистон Республикаси Қишлоқ ва сув хўжалиги вазирлиги ҳузуридаги Қишлоқ хўжалиги корхоналарини таркибий қайта тузиш агентлиги қизилмия ва бошқа доривор ўсимликлар плантацияларини ташкил этиш, уларни етиштириш ва қайта ишлаш лойиҳаларини молиялаштириш учун халқаро молия институтлари грантлари ва кредитларини жалб этиш юзасидан бир ой муддатда таклифларни ишлаб чиқсин ва Ўзбекистон Республикаси Вазирлар Маҳкамасига киритсин.
15. «Lanextrakt» МЧЖ қўшма корхонаси томонидан таъсис этиладиган хўжалик юритувчи субъектга хорижий инвесторлар иштирокида истеъмол спирти ишлаб чиқаришга истисно тариқасида рухсат этилсин.
Ўзбекистон Республикаси Иқтисодиёт вазирлиги «Lanextrakt» МЧЖ қўшма корхонаси томонидан таъсис этиладиган хўжалик юритувчи субъектга озиқ-овқат спирти ишлаб чиқариш учун хом ашё сотиб олишга квоталар ажратсин.
16. Ўзбекистон Республикаси Ўсимликлар карантини ва ҳимояси агентлиги қизилмия плантациялари ташкил этиш мақсадида олиб келинадиган қизилмия ва бошқа доривор ўсимликлар уруғлари ва кўчатларининг истисно тариқасида қисқа муддатларда расмийлаштирилишини таъминласин.
17. Ўзбекистон Республикаси Соғлиқни сақлаш вазирлиги ҳузуридаги Фармацевтика соҳасини ривожлантириш агентлиги, Қорақалпоғистон Республикаси Вазирлар Кенгаши ва вилоят ҳокимликлари бир ой муддатда Ўзбекистон Республикаси Вазирлар Маҳкамасига қизилмия ва бошқа доривор ўсимликларни қайта ишлаш ва улардан доривор воситалар ишлаб чиқариш бўйича фармацевтика корхоналарини ташкил этиш юзасидан таклифлар киритсин.
18. Ўзбекистон Республикаси Фанлар академияси, Қишлоқ ва сув хўжалиги вазирлиги, Ўрмон хўжалиги давлат қўмитаси Ўзбекистон Республикаси Вазирлар Маҳкамасига икки ой муддатда ўсимликлар хом ашёсини чуқур қайта ишлаш орқали янги турдаги фармацевтика маҳсулотлари яратиш ва ишлаб чиқариш бўйича илмий-тадқиқот ишлари олиб бориш бўйича таклифлар тақдим этсинлар.
19. Ўзбекистон Республикаси Олий ва ўрта махсус таълим вазирлиги 2018-2019 ўқув йилидан бошлаб Тошкент давлат аграр университети Нукус филиалида «Қизилмия ва бошқа доривор ўсимликларни етиштириш ва қайта ишлаш технологияси» мутахассислиги бўйича кадрлар тайёрлашни ташкил этсинлар.
20. Ўзбекистон Республикаси Ўрмон хўжалиги давлат қўмитаси Ўзбекистон қишлоқ хўжалиги илмий-ишлаб чиқариш маркази, Ўзбекистон Республикаси Фанлар академияси, Тошкент давлат аграр университети билан биргаликда:
бир ҳафта муддатда Қорқалпоғистон Республикасининг ўзига хос тупроқ-иқлим шароитларидан келиб чиққан ҳолда, қизилмия плантациялари ташкил этиш ва қизилмия ҳосилини йиғиш бўйича тавсиялар ишлаб чиқсин;
2018 йилнинг март ойи мобайнида Қорақалпоғистон Республикасининг ҳар бир туманида фермер, деҳқон хўжаликлари ва қишлоқ хўжалиги корхоналари раҳбар ҳамда мутахассислари иштирокида, замонавий илм-фан ютуқлари ва илғор агротехнологиялардан фойдаланган ҳолда, қизилмия плантацияларини ташкил этиш, хизмат кўрсатиш ва ҳосилини йиғиш бўйича амалий ўқув-семинарлари ўтказсин.
21. Ўзбекистон Республикаси қишлоқ ва сув хўжалиги вазирлиги манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
22. Мазкур қарорнинг бажарилишини назорат қилиш Ўзбекистон Республикаси Бош вазирнинг ўринбосари — қишлоқ ва сув хўжалиги вазири З.Т. Мирзаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 27 январь,
63-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasida qizilmiya va boshqa dorivor oʻsimliklarni yetishtirish hamda sanoat usulida qayta ishlashni yanada rivojlantirish chora-tadbirlari toʻgʻrisida
Tabiiy resurslardan oqilona foydalanish, mahalliy va xorijiy investitsiyalarni jalb qilgan holda yuqori qoʻshilgan qiymatga ega boʻlgan eksportbop mahsulotlar ishlab chiqarishni tashkil etish uchun qizilmiya oʻsimligini yetishtirish va sanoat usulida qayta ishlash hajmlarini oshirish, shuningdek, dorivor oʻsimliklarni yetishtirish va sanoat usulida qayta ishlash sohasini boshqarish tizimini tubdan takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Oʻrmon xoʻjaligi davlat qoʻmitasi, Ekologiya va atrof muhitni muhofaza qilish davlat qoʻmitasi hamda Tashqi iqtisodiy faoliyat milliy bankining Qizilmiya va boshqa dorivor oʻsimliklarni yetishtirish va qayta ishlash tashkilotlari uyushmasini (keyingi oʻrinlarda Uyushma deb ataladi) tashkil etish toʻgʻrisidagi taklifiga rozilik berilsin.
4. Oʻzbekiston Respublikasi Prezidentining “Oʻzbekiston Respublikasida qizilmiya oʻsimligini yetishtirish hamda sanoat usulida qayta ishlashni koʻpaytirish chora-tadbirlari toʻgʻrisida” 2017-yil 16-maydagi PQ-2970-son qarori bilan tashkil etilgan qizilmiya oʻsimligi sanoat plantatsiyalarini yaratish va qizilmiya xomashyosini chuqur qayta ishlashni taʼminlash masalalari boʻyicha ishchi guruh ikki oy muddatda:
Uyushma ustavining tasdiqlanishini va belgilangan tartibda davlat roʻyxatidan oʻtkazilishini;
Uyushmaning yuqori malakali kadrlar bilan toʻldirilishini taʼminlasin.
5. Oʻzbekiston Respublikasi Oliy va oʻrta maxsus taʼlim vazirligi Qoraqalpogʻiston Respublikasi Vazirlar Kengashi bilan birgalikda Uyushmaning Nukus shahri, A. Utepov koʻchasi, 31-uy manzilidagi Nukus maishiy xizmat koʻrsatish va iqtisodiyot kasb-hunar kolleji binosiga bepul foydalanish huquqi bilan joylashtirilishini taʼminlasin.
6. Belgilab qoʻyilsinki:
qizilmiya va boshqa dorivor oʻsimliklarni yetishtirish va qayta ishlash bilan shugʻullanadigan tashkilotlar Uyushma aʼzolari tarkibiga kirishi mumkin;
Uyushma raisi va uning oʻrinbosari muassislarning umumiy yigʻilishi qarori bilan saylanadi va Oʻzbekiston Respublikasi Vazirlar Mahkamasi tomonidan lavozimga tasdiqlanadi;
Uyushmaning ijro etuvchi apparatini saqlash xarajatlarini moliyalashtirish Uyushma aʼzolarining badal toʻlovlari, shuningdek, qonun hujjjatlarida taqiqlanmagan boshqa mablagʻlar hisobidan amalga oshiriladi.
8. Oʻzbekiston Respublikasi Oʻrmon xoʻjaligi davlat qoʻmitasi, Ekologiya va atrof muhitni muhofaza qilish davlat qoʻmitasi, Sogʻliqni saqlash vazirligi, Fanlar akademiyasi, Qishloq va suv xoʻjaligi vazirligi, Iqtisodiyot vazirligi Qizilmiya yetishtirishni koʻpaytirish, chuqur qayta ishlash va dori vositalari hamda substansiyalar ishlab chiqarish boʻyicha chora-tadbirlar dasturini ikki hafta muddatda ishlab chiqsinlar hamda Oʻzbekiston Respublikasi Vazirlar Mahkamasiga tasdiqlash uchun kiritsinlar.
9. Qoraqalpogʻiston Respublikasi Vazirlar Kengashi va tumanlar hokimliklari bir oy muddatda:
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Tuproqshunoslik va agrokimyo ilmiy-tadqiqot instituti, xorijiy mutaxassislar bilan birgalikda, tuproq-iqlim sharoitidan kelib chiqqan holda, qizilmiya va boshqa dorivor oʻsimliklar yetishtirish uchun qulay boʻlgan, umumiy maydoni 25 ming gektargachani tashkil qiladigin yer uchastkalari;
qizilmiya plantatsiyalari tashkil etish loyihalari tashabbuskorlari takliflari tanlab olinishini taʼminlasinlar.
10. Oʻzbekiston Respublikasi Qishloq va suv xoʻjaligi vazirligi manfaatdor vazirliklar va idoralar bilan birgalikda Qizilmiya plantatsiyalarini tashkil etish loyihalari tashabbuskorlari takliflarini tanlab olish tartibi toʻgʻrisidagi nizomni ikki oy muddatda ishlab chiqsin va belgilangan tartibda tasdiqlasin.
11. “Oʻzagrotexsanoatxolding” aksiyadorlik jamiyati Oʻzbekiston Respublikasi Qishloq va suv xoʻjaligi vazirligi, Qoraqalpogʻiston Respublikasi Vazirlar Kengashi bilan birgalikda:
2018-yil avgust oyigacha boʻlgan muddatda — qizilmiya oʻsimligi plantatsiyalarini tashkil etish va parvarish qilish, shuningdek, xalqaro talablarga muvofiq qizilmiya xomashyosini quritish va qadoqlash uchun zarur boʻladigan maxsus texnika vositalari va minitexnologiyalarga boʻlgan ehtiyojni hamda ularning turlarini aniqlasin;
talab etiladigan maxsus texnika vositalari va minitexnologiyalarni xarid qilish, shuningdek, imtiyozli shartlarda, lizing asosida olish boʻyicha barcha zarur tashkiliy-amaliy choralarni koʻrsin.
13. Oʻzbekiston Respublikasi Qishloq va suv xoʻjaligi vazirligi huzuridagi Qishloq xoʻjaligi korxonalarini tarkibiy qayta tuzish agentligi qizilmiya va boshqa dorivor oʻsimliklar plantatsiyalarini tashkil etish, ularni yetishtirish va qayta ishlash loyihalarini moliyalashtirish uchun xalqaro moliya institutlari grantlari va kreditlarini jalb etish yuzasidan bir oy muddatda takliflarni ishlab chiqsin va Oʻzbekiston Respublikasi Vazirlar Mahkamasiga kiritsin.
15. “Lanextrakt” MChJ qoʻshma korxonasi tomonidan taʼsis etiladigan xoʻjalik yurituvchi subyektga xorijiy investorlar ishtirokida isteʼmol spirti ishlab chiqarishga istisno tariqasida ruxsat etilsin.
Oʻzbekiston Respublikasi Iqtisodiyot vazirligi “Lanextrakt” MChJ qoʻshma korxonasi tomonidan taʼsis etiladigan xoʻjalik yurituvchi subyektga oziq-ovqat spirti ishlab chiqarish uchun xomashyo sotib olishga kvotalar ajratsin.
16. Oʻzbekiston Respublikasi Oʻsimliklar karantini va himoyasi agentligi qizilmiya plantatsiyalari tashkil etish maqsadida olib kelinadigan qizilmiya va boshqa dorivor oʻsimliklar urugʻlari va koʻchatlarining istisno tariqasida qisqa muddatlarda rasmiylashtirilishini taʼminlasin.
17. Oʻzbekiston Respublikasi Sogʻliqni saqlash vazirligi huzuridagi Farmatsevtika sohasini rivojlantirish agentligi, Qoraqalpogʻiston Respublikasi Vazirlar Kengashi va viloyat hokimliklari bir oy muddatda Oʻzbekiston Respublikasi Vazirlar Mahkamasiga qizilmiya va boshqa dorivor oʻsimliklarni qayta ishlash va ulardan dorivor vositalar ishlab chiqarish boʻyicha farmatsevtika korxonalarini tashkil etish yuzasidan takliflar kiritsin.
18. Oʻzbekiston Respublikasi Fanlar akademiyasi, Qishloq va suv xoʻjaligi vazirligi, Oʻrmon xoʻjaligi davlat qoʻmitasi Oʻzbekiston Respublikasi Vazirlar Mahkamasiga ikki oy muddatda oʻsimliklar xomashyosini chuqur qayta ishlash orqali yangi turdagi farmatsevtika mahsulotlari yaratish va ishlab chiqarish boʻyicha ilmiy-tadqiqot ishlari olib borish boʻyicha takliflar taqdim etsinlar.
19. Oʻzbekiston Respublikasi Oliy va oʻrta maxsus taʼlim vazirligi 2018-2019 oʻquv yilidan boshlab Toshkent davlat agrar universiteti Nukus filialida “Qizilmiya va boshqa dorivor oʻsimliklarni yetishtirish va qayta ishlash texnologiyasi” mutaxassisligi boʻyicha kadrlar tayyorlashni tashkil etsinlar.
20. Oʻzbekiston Respublikasi Oʻrmon xoʻjaligi davlat qoʻmitasi Oʻzbekiston qishloq xoʻjaligi ilmiy-ishlab chiqarish markazi, Oʻzbekiston Respublikasi Fanlar akademiyasi, Toshkent davlat agrar universiteti bilan birgalikda:
bir hafta muddatda Qorqalpogʻiston Respublikasining oʻziga xos tuproq-iqlim sharoitlaridan kelib chiqqan holda, qizilmiya plantatsiyalari tashkil etish va qizilmiya hosilini yigʻish boʻyicha tavsiyalar ishlab chiqsin;
2018-yilning mart oyi mobaynida Qoraqalpogʻiston Respublikasining har bir tumanida fermer, dehqon xoʻjaliklari va qishloq xoʻjaligi korxonalari rahbar hamda mutaxassislari ishtirokida, zamonaviy ilm-fan yutuqlari va ilgʻor agrotexnologiyalardan foydalangan holda, qizilmiya plantatsiyalarini tashkil etish, xizmat koʻrsatish va hosilini yigʻish boʻyicha amaliy oʻquv-seminarlari oʻtkazsin.
21. Oʻzbekiston Respublikasi qishloq va suv xoʻjaligi vazirligi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
22. Mazkur qarorning bajarilishini nazorat qilish Oʻzbekiston Respublikasi Bosh vazirning oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 27-yanvar,
63-son
Кабинета Министров Республики Узбекистан
Постановление
О мерах по дальнейшему развитию производства и промышленной переработки солодки и других лекарственных растений в Республике Узбекистан
В целях рационального использования природных ресурсов, увеличения объемов производства и промышленной переработки солодки с привлечением инвестиций отечественных и зарубежных компаний для организации производства экспортоориентированной продукции с высокой добавленной стоимостью, а также коренного совершенствования системы управления в сфере производства и промышленной переработки лекарственных растений Кабинета Министров постановляет:
1. Согласиться с предложением Министерства сельского и водного хозяйства, Министерства экономики Республики Узбекистан, Государственного комитета Республики Узбекистан по лесному хозяйству, Государственного комитета Республики Узбекистан по экологии и охране окружающей среды и Национального банка внешнеэкономической деятельности Республики Узбекистан о создании Ассоциации организаций по производству и переработке солодки и других лекарственных растений (далее — Ассоциация).
4. Рабочей группе по вопросам создания промышленных плантаций по выращиванию корня солодки и обеспечения углубленной переработки солодкового сырья, образованной в соответствии постановлением Президента Республики Узбекистан от 16 мая 2017 года № ПП-2970 «О мерах по увеличению производства и промышленной переработки корня солодки (лакрицы) в Республике Узбекистан», двухмесячный срок обеспечить:
в установленном утверждение устава порядке и проведение государственной регистрации Ассоциации;
укомплектование Ассоциации высококвалифицированными специалистами.
5. Министерству высшего и среднего специального образования Республики Узбекистан совместно с Советом Министров Республики Каракалпакстан обеспечить размещение, на праве безвозмездного пользования, Ассоциацией здания Нукусского профессионального колледжа бытового обслуживания и экономики, расположенного по адресу: Республика Каракалпакстан, г. Нукус, улица А. Утепова, дом 31.
6. Определить, что:
в состав членов Ассоциации могут входить организации, занимающиеся выращиванием и переработкой солодки и других лекарственных растений;
председатель Ассоциации и его заместитель избираются решением общего собрания учредителей и утверждаются в должности Кабинетом Министров Республики Узбекистан;
финансирование расходов по содержанию исполнительного аппарата Ассоциации осуществляется за счет взносов членов Ассоциации, а также других источников, не запрещенных законодательством.
8. Государственному комитету Республики Узбекистан по лесному хозяйству, Государственному комитету Республики Узбекистан по экологии и охране окружающей среды, Министерству здравоохранения Республики Узбекистан, Академии наук Республики Узбекистан, Министерству сельского и водного хозяйства, Министерству экономики Республики Узбекистан в двухнедельный срок разработать и внести на утверждение в Кабинет Министров Республики Узбекистан Программу мер по увеличению производства, глубокой переработки солодки и производства фармацевтических средств и субстанций.
9. Совету Министров Республики Каракалпакстан и хокимиятам районов в месячный срок обеспечить:
совместно с Государственным комитетом Республики Узбекистан по земельным ресурсам, геодезии, картографии и государственному кадастру, Научно-исследовательским институтом почвоведения и агрохимии, иностранными специалистами отбор земельных участков, благоприятных для выращивания солодки и других лекарственных растений по природно-климатическим условиям и составу почвы, общей площадью до 25 тысяч гектаров;
отбор предложений инициаторов проектов по созданию плантаций солодки.
10. Министерству сельского и водного хозяйства Республики Узбекистан совместно с заинтересованными министерствами и ведомствами в двухмесячный срок разработать и утвердить в установленном порядке Положение о порядке отбора предложений инициаторов проектов по созданию плантаций солодки.
11. АО «Узагротехсаноатхолдинг» совместно с Министерством сельского и водного хозяйства Республики Узбекистан, Советом Министров Республики Каракалпакстан:
определить, в срок до августа 2018 года, необходимые виды и потребность в спецтехнике и мини-технологиях, используемых при создании и обработке плантаций, а также обеспечении технологической сушки и расфасовки готовой продукции солодки в соответствии с международными требованиями;
принять все необходимые организационно-практические меры по закупке требуемых спецтехники и мини-технологий, в том числе на основе лизинга, на льготных условиях по мере поступления заявок от членов Ассоциации.
13. Агентству по реструктуризации сельскохозяйственных предприятий при Министерстве сельского и водного хозяйства Республики Узбекистан в месячный срок проработать и внести в Кабинет Министров Республики Узбекистан предложения по привлечению кредитов и грантов международных финансовых институтов для организации финансирования проектов по созданию плантаций и современных производственных мощностей по производству и переработке солодки и других лекарственных растений.
15. Разрешить, в порядке исключения, хозяйствующему субъекту, учреждаемому СП ООО «Lanextrakt» с привлечением иностранного инвестора, осуществлять производство пищевого спирта.
Министерству экономики Республики Узбекистан выделять квоты хозяйствующему субъекту, учреждаемому СП ООО «Lanextrakt», на приобретение сырья для производства пищевого спирта.
16. Агентству по карантину и защите растений Республики Узбекистан обеспечивать, в порядке исключения, ускоренное оформление ввозимых в целях создания плантаций семян и саженцев солодки и других лекарственных растений.
17. Агентству по развитию фармацевтической отрасли при Министерстве здравоохранения Республики Узбекистан совместно с Советом Министров Республики Каракалпакстан и хокимиятами областей в месячный срок внести в Кабинет Министров Республики Узбекистан предложения по созданию фармацевтических предприятий, специализирующиеся на переработке солодки и других лекарственных растений и производстве лекарственных средств из них.
18. Академии наук Республики Узбекистан, Министерству сельского и водного хозяйства Республики Узбекистан, Государственному комитету Республики Узбекистан по лесному хозяйству в двухмесячный срок представить в Кабинет Министров Республики Узбекистан предложения по проведению научно-исследовательских работ в области создания и производства новых видов лекарственных средств на основе продуктов глубокой переработки растительного сырья.
19. Министерству высшего и среднего специального образования, начиная с 2018-2019 учебного года, организовать в Нукусском филиале Ташкентского государственного аграрного университета подготовку кадров по специальности «Технология выращивания и переработки солодки и других лекарственных растений».
20. Государственному комитету Республики Узбекистан по лесному хозяйству, Узбекскому научно-производственному центру сельского хозяйства, Академии наук Республики Узбекистан, Ташкентскому государственному аграрному университету совместно с Советом Министров Республики Каракалпакстан:
в недельный срок разработать рекомендации по созданию плантаций и организации сбора солодки, исходя из особенностей почвенно-климатических условий Республики Каракалпакстан;
в течение марта 2018 года организовать в каждом районе Республики Каракалпакстан с участием руководителей и специалистов фермерских и дехканских хозяйств и сельхозпредприятий практические учебные семинары по вопросам создания, обслуживания плантаций и сбора солодки на основе использования современных научных достижений и передовых агротехнологий.
21. Министерству сельского и водного хозяйства Республики Узбекистан совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
22. Контроль за исполнением настоящего постановления возложить на заместителя Премьер-министра — министра сельского хозяйства Республики Узбекистан З.Т. Мирзаева.
Премьер-министр Республики Узбекистан А. АРИПОВ
г. Ташкент,
27 января 2018 г.,
№ 63