📅 2017-yil 29-dekabr · Vazirlik va idoralar hujjatlari · Sogʻliqni saqlash vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 декабрь · Вазирлик ва идоралар ҳужжатлари · Соғлиқни сақлаш вазири
Расмий матн. Расмий ҳужжат. Таҳририй изоҳлар киритилмаган.
📅 29 декабря 2017 г. · Документы министерств и ведомств · Министр здравоохранения
Официальный текст. Официальный документ. Редакционные примечания не включены.
📅 29 December 2017 · Ministry and agency documents · Sogʻliqni saqlash vaziri
Official text. Official document. Editorial notes are not included.
Ўзбекистон Республикаси Соғлиқни сақлаш вазирининг
буйруғи
НИЗОМ
Этил спиртини реализация қилиш, бериш, сақлаш ва ҳисобга олиш тартиби тўғрисидаги низомни тасдиқлаш ҳақида
Ўзбекистон Республикаси «Дори воситалари ва фармацевтика фаолияти тўғрисида»ги Қонунининг 6-моддасига мувофиқ буюраман:
1. Этил спиртини реализация қилиш, бериш, сақлаш ва ҳисобга олиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан уч ой ўтгач кучга киради.
Ўзбекистон Республикаси соғлиқни сақлаш вазирининг 2017 йил 29 декабрдаги 132-сон буйруғига ИЛОВА
Этил спиртини реализация қилиш, бериш, сақлаш ва ҳисобга олиш тартиби тўғрисидаги
Мазкур Низом Ўзбекистон Республикасининг «Дори воситалари ва фармацевтика фаолияти тўғрисида»ги Қонунига мувофиқ тиббиёт амалиётида қўлланиладиган этил спиртини реализация қилиш, бериш, сақлаш ва ҳисобга олиш тартибини белгилайди.
1-боб. Умумий қоидалар
1. Мазкур Низомнинг талаблари тиббий ва фармацевтика фаолиятини амалга оширувчи ташкилотлар, шу жумладан даволаш-профилактика муассасалари ва уларнинг дорихоналарига (бундан буён матнда тиббий ва фармацевтика фаолиятини амалга оширувчи ташкилотлар) нисбатан татбиқ этилади.
2. 70 фоизли этил спиртини реализация қилиш, бериш, сақлаш ва ҳисобга олиш Вазирлар Маҳкамасининг 2017 йил 6 апрелдаги 185-сон қарори билан тасдиқланган Дори воситаларини ва тиббий буюмларни улгуржи реализация қилиш тартиби тўғрисидаги низомга ҳамда Дори воситаларини ва тиббий буюмларни чакана реализация қилиш тартиби тўғрисидаги низомга мувофиқ амалга оширилади.
2-боб. Этил спиртини реализация қилиш
3. 96 (шу жумладан 96,1 — 96,6) фоизли этил спирти (бундан буён матнда 96 фоизли этил спирти деб юритилади) фармацевтика фаолиятини амалга ошириш учун тегишли лицензияга эга бўлган ишлаб чиқарувчилар ва улгуржи реализация қилувчи ташкилотлар (бундан баён матнда этил спиртини реализация қилувчи ташкилотлар деб юритилади) томонидан реализация қилинади.
4. 96 фоизли этил спирти фақат тиббиёт амалиётида қўллаш учун тиббий ва фармацевтик фаолиятни амалга оширувчи ташкилотларга уларнинг 96 фоизли этил спиртга бўлган эҳтиёжини ҳисобга олган ҳолда шартнома асосида реализация қилинади.
5. 96 фоизли этил спирти килограмм ўлчов бирлигида реализация қилинади.
6. 96 фоизли этил спиртини чакана реализация қилиш тақиқланади.
7. 96 фоизли этил спиртини реализация қилишда Ўзбекистон Республикасининг давлат стандартлари, санитария қоидалари, нормалари ва гигиена нормативлари талабларига, ёнғин хавфсизлиги қоидаларига, меҳнат муҳофазаси қоидаларига, техника хавфсизлиги қоидаларига ва техник жиҳатдан тартибга солиш соҳасидаги бошқа норматив ҳужжатларга риоя этилиши таъминланиши керак.
8. Этил спиртини реализация қилувчи ташкилотлар манфаатдор шахсларга реализация қилинадиган 96 фоизли этил спиртининг мувофиқлик сертификати билан танишишлари учун имконият яратиши шарт.
3-боб. Этил спиртини ҳисобга олиш ва бериш
9. Ташкилотга қабул қилинган (кирим қилинган) ва ташкилот ҳисобида мавжуд бўлган 96 фоизли этил спиртининг ҳисоби ташкилот раҳбари томонидан тайинланган этил спиртини ҳисобга олиш, сақлаш ва бериш бўйича масъул шахс (бундан буён матнда масъул шахс деб юритилади) томонидан доимий равишда олиб борилиши шарт.
10. 96 фоизли этил спирти у қабул қилинган (кирим қилинган) куннинг ўзида ташкилотларда мазкур Низомнинг иловасига мувофиқ шаклда юритиладиган этил спиртининг ҳисобини юритиш китобида (бундан буён матнда китоб деб юритилади) ҳисобга олиниши лозим.
11. Китоб ип ўтказиб тикилган, унинг варақларига тартиб рақамлари қўйилган бўлиши керак.
Китобнинг охирги бетида жами варақлар сони кўрсатилиб, масъул шахс томонидан имзоланади ва ташкилот муҳри (муҳр мавжуд бўлган тақдирда) қўйилади.
Китобга маълумотлар масъул шахс томонидан қайд этиб борилади.
12. Китобда 96 фоизли этил спиртини ҳисобга олиш билан бирга унинг ҳисобдан чиқарилиши, ҳисобда мавжуд бўлган этил спиртининг ҳаракати (қолдиғи) ҳақидаги маълумотлар ҳам қайд қилиб борилади.
13. Китобни тўлдиришда йўл қўйилган хато бир чизиқ билан ўчирилади ва кейинги қаторга тўғри ёзув киритилади. Киритилган ҳар бир тузатиш шу варақда тузатишнинг ўнг тарафида изоҳланиб, масъул шахснинг имзоси ҳамда ташкилот муҳри (муҳр мавжуд бўлган тақдирда) билан тасдиқланиши зарур. Китобдаги ёзувларни ўчириш, бўяш, устидан қоғоз ёпиштириш, шунингдек китобда очиқ қаторлар қолдириш тақиқланади.
14. 96 фоизли этил спиртининг табиий йўқотиш миқдори ҳар ойда (ойнинг 3 санасигача) этил спиртининг ҳақиқий қолдиғини инвентаризациядан ўтказишда ҳисоблаб чиқилади ва ташкилот раҳбари томонидан тасдиқланадиган далолатнома асосида ҳисобдан чиқарилади.
96 фоизли этил спиртини сақлашда табиий йўқотиш миқдори Биринчи гуруҳга этил спиртини етказиб бериш, қабул қилиш, сақлаш ва бериб юбориш тартиби тўғрисидаги йўриқноманинг (рўйхат рақами 2524, 2013 йил 15 ноябрь) 10-иловасига мувофиқ аниқланади.
15. Масъул шахс ташкилот раҳбарининг кўрсатмасига асосан этил спиртини ташкилот таркибий тузилмаларига уларнинг талабномаларида кўрсатилган миқдорга мутаносиб равишда фойдаланиш учун беради, бундан этил спиртини реализация қилувчи ташкилотлар мустасно.
16. Берилган 96 фоизли этил спиртининг ҳар кунлик фойдаланилган миқдори ҳисоби олиб борилиши зарур, бундан этил спиртини реализация қилувчи ташкилотлар мустасно.
17. Масъул шахс 96 фоизли этил спиртини ҳисобга олиш ва бериш учун моддий жавобгар шахс ҳисобланади.
4-боб. Этил спиртини сақлаш
18. 96 фоизли этил спирти этил спиртини реализация қилувчи ташкилотларда омборхоналарда сақланиши шарт.
Тиббий ва фармацевтика фаолиятини амалга оширувчи ташкилотларда 96 фоизли этил спирти омборхоналарда ёхуд дори воситалари сақланадиган хоналарда қулфланадиган жавонларда сақланади.
19. 96 фоизли этил спирти сақланадиган омборхоналар (хоналар) санитария қоидалари, нормалари ва гигиена нормативлари талабларига, ёнғин хавфсизлиги қоидаларига ҳамда техник жиҳатдан тартибга солиш соҳасидаги бошқа норматив ҳужжатларнинг талабларига жавоб бериши керак.
20. 96 фоизли этил спирти сақланадиган омборхонада электр таъминоти, иссиқлик ва сув таъминоти, канализация тизими ҳамда ҳаво алмаштириш ускунаси бўлиши керак.
21. 96 фоизли этил спирти сақланадиган омборхонада спиртнинг миқдорини ва фоизини ўлчаш асбоблари ҳамда ҳаво параметрларини қайд қилиш асбоблари (термометрлар, гигрометрлар ёки психрометрлар) бўлиши керак.
22. 96 фоизли этил спирти сақланадиган омборхоналардаги (хоналардаги) асбоб-ускуналар ҳамда жиҳозлар тоза ҳолда сақланиши керак.
23. 96 фоизли этил спирти техник жиҳатдан тартибга солиш соҳасидаги норматив ҳужжатларнинг талабларига жавоб берадиган идишларда (металл, шиша идишларда) ёки ишлаб чиқарувчининг идишларида сақланади. Идишлар герметик ёпилган бўлиши шарт. Этил спирти фармакопея талабларига асосан полимер идишларда ҳам сақлаш мумкин.
24. 96 фоизли этил спирти идишларда сақланганда идиш ҳажмининг тўлиқлиги 90 фоиздан кўп бўлмаслиги керак. Бунда этил спирти металл идишларда катта ҳажмларда сақланса, идиш ҳажмининг тўлиқлиги 75 фоиздан кўп бўлмаслиги керак.
25. 96 фоизли этил спирти сақланадиган идишлар омборхоналарда стеллажларда ёхуд тагликларда жойлаштирилиши шарт. Идишларни тагликларсиз полда жойлаштириш тақиқланади. Тагликлар полда бир қаторда ёки стеллажларнинг баландлиги ҳисобга олинган ҳолда стеллажларда бир неча қаватда жойлаштирилади.
26. 96 фоизли этил спирти ҳаво ҳарорати салқин бўлган ҳамда унинг физик-кимёвий хусусиятларини инобатга олган ҳолда уни тўғри сақланишини таъминлайдиган шароитда сақланади.
27. 96 фоизли этил спиртини минерал кислоталар (хусусан, сульфат ва азот кислоталари), ишқорлар, ўсимлик мойлари, олтингугурт, боғлов материаллар билан бир жойда сақлаш тақиқланади.
28. Масъул шахс 96 фоизли этил спиртини сақланиши учун жавобгар ҳисобланади.
5-боб. Якуний қоидалар
29. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгарликка тортиладилар.
30. Мазкур Низом Ўзбекистон Республикаси Савдо-саноат палатаси билан келишилган.
Этил спиртини реализация қилиш, бериш, сақлаш ва ҳисобга олиш тартиби тўғрисидаги низомга ИЛОВА
________________________________________ (ташкилотнинг номи) Этил спиртининг ҳисобини юритиш КИТОБИ Т/р Ойлар Этил спирти ҳисобга олинган сана Этил спиртини кирим қилиш Этил спиртини ҳисобдан чиқариш Этил спиртининг ҳаракати (қолдиғи) Этил спирти қайси ташкилотдан қабул қилинганлиги (ташкилот номи) Қабул қилинган этил спиртининг кирим ҳужжати (счёт-фактура, юк хати, далолатнома) санаси ва рақами Қабул қилинган этил спиртининг миқдори Қабул қилинган этил спиртининг фоизи Қабул қилинган этил спиртининг серияси / партияси Этил спиртининг берилган санаси Этил спирти берилган ташкилот (таркибий тузилма) Берилган этил спиртининг миқдори Берилган этил спиртининг фоизи Берилган этил спиртининг серияси / партияси Этил спиртини қабул қилиб олган ташкилот (таркибий тузилма) масъул ходими Ф.И.О. Этил спиртининг табиий йўқотиш миқдори (бунда ҳисобдан чиқариш учун асос бўлган далолатноманинг санаси ва сони ҳам кўрсатилади) 1 2 3 4 5 6 7 8 9 10 11 12 13 14 15
Вазир А. ШАДМАНОВ
Савдо-саноат палатаси раиси А. ИКРАМОВ
Тошкент ш.,
2017 йил 29 декабрь,
2017 йил 27 декабрь
132-сон
Oʻzbekiston Respublikasi Sogʻliqni saqlash vazirining
buyrugʻi
NIZOM
Etil spirtini realizatsiya qilish, berish, saqlash va hisobga olish tartibi toʻgʻrisidagi nizomni tasdiqlash haqida
Oʻzbekiston Respublikasi “Dori vositalari va farmatsevtika faoliyati toʻgʻrisida”gi Qonunining 6-moddasiga muvofiq buyuraman:
1. Etil spirtini realizatsiya qilish, berish, saqlash va hisobga olish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasi sogʻliqni saqlash vazirining 2017-yil 29-dekabrdagi 132-son buyrugʻiga ILOVA
Etil spirtini realizatsiya qilish, berish, saqlash va hisobga olish tartibi toʻgʻrisidagi
Mazkur Nizom Oʻzbekiston Respublikasining “Dori vositalari va farmatsevtika faoliyati toʻgʻrisida”gi Qonuniga muvofiq tibbiyot amaliyotida qoʻllaniladigan etil spirtini realizatsiya qilish, berish, saqlash va hisobga olish tartibini belgilaydi.
1-bob. Umumiy qoidalar
1. Mazkur Nizomning talablari tibbiy va farmatsevtika faoliyatini amalga oshiruvchi tashkilotlar, shu jumladan davolash-profilaktika muassasalari va ularning dorixonalariga (bundan buyon matnda tibbiy va farmatsevtika faoliyatini amalga oshiruvchi tashkilotlar) nisbatan tatbiq etiladi.
2. 70 foizli etil spirtini realizatsiya qilish, berish, saqlash va hisobga olish Vazirlar Mahkamasining 2017-yil 6-apreldagi 185-son qarori bilan tasdiqlangan Dori vositalarini va tibbiy buyumlarni ulgurji realizatsiya qilish tartibi toʻgʻrisidagi nizomga hamda Dori vositalarini va tibbiy buyumlarni chakana realizatsiya qilish tartibi toʻgʻrisidagi nizomga muvofiq amalga oshiriladi.
2-bob. Etil spirtini realizatsiya qilish
3. 96 (shu jumladan 96,1 — 96,6) foizli etil spirti (bundan buyon matnda 96 foizli etil spirti deb yuritiladi) farmatsevtika faoliyatini amalga oshirish uchun tegishli litsenziyaga ega boʻlgan ishlab chiqaruvchilar va ulgurji realizatsiya qiluvchi tashkilotlar (bundan bayon matnda etil spirtini realizatsiya qiluvchi tashkilotlar deb yuritiladi) tomonidan realizatsiya qilinadi.
4. 96 foizli etil spirti faqat tibbiyot amaliyotida qoʻllash uchun tibbiy va farmatsevtik faoliyatni amalga oshiruvchi tashkilotlarga ularning 96 foizli etil spirtga boʻlgan ehtiyojini hisobga olgan holda shartnoma asosida realizatsiya qilinadi.
5. 96 foizli etil spirti kilogramm oʻlchov birligida realizatsiya qilinadi.
6. 96 foizli etil spirtini chakana realizatsiya qilish taqiqlanadi.
7. 96 foizli etil spirtini realizatsiya qilishda Oʻzbekiston Respublikasining davlat standartlari, sanitariya qoidalari, normalari va gigiyena normativlari talablariga, yongʻin xavfsizligi qoidalariga, mehnat muhofazasi qoidalariga, texnika xavfsizligi qoidalariga va texnik jihatdan tartibga solish sohasidagi boshqa normativ hujjatlarga rioya etilishi taʼminlanishi kerak.
8. Etil spirtini realizatsiya qiluvchi tashkilotlar manfaatdor shaxslarga realizatsiya qilinadigan 96 foizli etil spirtining muvofiqlik sertifikati bilan tanishishlari uchun imkoniyat yaratishi shart.
3-bob. Etil spirtini hisobga olish va berish
9. Tashkilotga qabul qilingan (kirim qilingan) va tashkilot hisobida mavjud boʻlgan 96 foizli etil spirtining hisobi tashkilot rahbari tomonidan tayinlangan etil spirtini hisobga olish, saqlash va berish boʻyicha masʼul shaxs (bundan buyon matnda masʼul shaxs deb yuritiladi) tomonidan doimiy ravishda olib borilishi shart.
10. 96 foizli etil spirti u qabul qilingan (kirim qilingan) kunning oʻzida tashkilotlarda mazkur Nizomning ilovasiga muvofiq shaklda yuritiladigan etil spirtining hisobini yuritish kitobida (bundan buyon matnda kitob deb yuritiladi) hisobga olinishi lozim.
11. Kitob ip oʻtkazib tikilgan, uning varaqlariga tartib raqamlari qoʻyilgan boʻlishi kerak.
Kitobning oxirgi betida jami varaqlar soni koʻrsatilib, masʼul shaxs tomonidan imzolanadi va tashkilot muhri (muhr mavjud boʻlgan taqdirda) qoʻyiladi.
Kitobga maʼlumotlar masʼul shaxs tomonidan qayd etib boriladi.
12. Kitobda 96 foizli etil spirtini hisobga olish bilan birga uning hisobdan chiqarilishi, hisobda mavjud boʻlgan etil spirtining harakati (qoldigʻi) haqidagi maʼlumotlar ham qayd qilib boriladi.
13. Kitobni toʻldirishda yoʻl qoʻyilgan xato bir chiziq bilan oʻchiriladi va keyingi qatorga toʻgʻri yozuv kiritiladi. Kiritilgan har bir tuzatish shu varaqda tuzatishning oʻng tarafida izohlanib, masʼul shaxsning imzosi hamda tashkilot muhri (muhr mavjud boʻlgan taqdirda) bilan tasdiqlanishi zarur. Kitobdagi yozuvlarni oʻchirish, boʻyash, ustidan qogʻoz yopishtirish, shuningdek kitobda ochiq qatorlar qoldirish taqiqlanadi.
14. 96 foizli etil spirtining tabiiy yoʻqotish miqdori har oyda (oyning 3 sanasigacha) etil spirtining haqiqiy qoldigʻini inventarizatsiyadan oʻtkazishda hisoblab chiqiladi va tashkilot rahbari tomonidan tasdiqlanadigan dalolatnoma asosida hisobdan chiqariladi.
96 foizli etil spirtini saqlashda tabiiy yoʻqotish miqdori Birinchi guruhga etil spirtini yetkazib berish, qabul qilish, saqlash va berib yuborish tartibi toʻgʻrisidagi yoʻriqnomaning (roʻyxat raqami 2524, 2013-yil 15-noyabr) 10-ilovasiga muvofiq aniqlanadi.
15. Masʼul shaxs tashkilot rahbarining koʻrsatmasiga asosan etil spirtini tashkilot tarkibiy tuzilmalariga ularning talabnomalarida koʻrsatilgan miqdorga mutanosib ravishda foydalanish uchun beradi, bundan etil spirtini realizatsiya qiluvchi tashkilotlar mustasno.
16. Berilgan 96 foizli etil spirtining har kunlik foydalanilgan miqdori hisobi olib borilishi zarur, bundan etil spirtini realizatsiya qiluvchi tashkilotlar mustasno.
17. Masʼul shaxs 96 foizli etil spirtini hisobga olish va berish uchun moddiy javobgar shaxs hisoblanadi.
4-bob. Etil spirtini saqlash
18. 96 foizli etil spirti etil spirtini realizatsiya qiluvchi tashkilotlarda omborxonalarda saqlanishi shart.
Tibbiy va farmatsevtika faoliyatini amalga oshiruvchi tashkilotlarda 96 foizli etil spirti omborxonalarda yoxud dori vositalari saqlanadigan xonalarda qulflanadigan javonlarda saqlanadi.
19. 96 foizli etil spirti saqlanadigan omborxonalar (xonalar) sanitariya qoidalari, normalari va gigiyena normativlari talablariga, yongʻin xavfsizligi qoidalariga hamda texnik jihatdan tartibga solish sohasidagi boshqa normativ hujjatlarning talablariga javob berishi kerak.
20. 96 foizli etil spirti saqlanadigan omborxonada elektr taʼminoti, issiqlik va suv taʼminoti, kanalizatsiya tizimi hamda havo almashtirish uskunasi boʻlishi kerak.
21. 96 foizli etil spirti saqlanadigan omborxonada spirtning miqdorini va foizini oʻlchash asboblari hamda havo parametrlarini qayd qilish asboblari (termometrlar, gigrometrlar yoki psixrometrlar) boʻlishi kerak.
22. 96 foizli etil spirti saqlanadigan omborxonalardagi (xonalardagi) asbob-uskunalar hamda jihozlar toza holda saqlanishi kerak.
23. 96 foizli etil spirti texnik jihatdan tartibga solish sohasidagi normativ hujjatlarning talablariga javob beradigan idishlarda (metall, shisha idishlarda) yoki ishlab chiqaruvchining idishlarida saqlanadi. Idishlar germetik yopilgan boʻlishi shart. Etil spirti farmakopeya talablariga asosan polimer idishlarda ham saqlash mumkin.
24. 96 foizli etil spirti idishlarda saqlanganda idish hajmining toʻliqligi 90 foizdan koʻp boʻlmasligi kerak. Bunda etil spirti metall idishlarda katta hajmlarda saqlansa, idish hajmining toʻliqligi 75 foizdan koʻp boʻlmasligi kerak.
25. 96 foizli etil spirti saqlanadigan idishlar omborxonalarda stellajlarda yoxud tagliklarda joylashtirilishi shart. Idishlarni tagliklarsiz polda joylashtirish taqiqlanadi. Tagliklar polda bir qatorda yoki stellajlarning balandligi hisobga olingan holda stellajlarda bir necha qavatda joylashtiriladi.
26. 96 foizli etil spirti havo harorati salqin boʻlgan hamda uning fizik-kimyoviy xususiyatlarini inobatga olgan holda uni toʻgʻri saqlanishini taʼminlaydigan sharoitda saqlanadi.
27. 96 foizli etil spirtini mineral kislotalar (xususan, sulfat va azot kislotalari), ishqorlar, oʻsimlik moylari, oltingugurt, bogʻlov materiallar bilan bir joyda saqlash taqiqlanadi.
28. Masʼul shaxs 96 foizli etil spirtini saqlanishi uchun javobgar hisoblanadi.
5-bob. Yakuniy qoidalar
29. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgarlikka tortiladilar.
30. Mazkur Nizom Oʻzbekiston Respublikasi Savdo-sanoat palatasi bilan kelishilgan.
Etil spirtini realizatsiya qilish, berish, saqlash va hisobga olish tartibi toʻgʻrisidagi nizomga ILOVA
________________________________________ (tashkilotning nomi) Etil spirtining hisobini yuritish KITOBI T/r Oylar Etil spirti hisobga olingan sana Etil spirtini kirim qilish Etil spirtini hisobdan chiqarish Etil spirtining harakati (qoldigʻi) Etil spirti qaysi tashkilotdan qabul qilinganligi (tashkilot nomi) Qabul qilingan etil spirtining kirim hujjati (schyot-faktura, yuk xati, dalolatnoma) sanasi va raqami Qabul qilingan etil spirtining miqdori Qabul qilingan etil spirtining foizi Qabul qilingan etil spirtining seriyasi / partiyasi Etil spirtining berilgan sanasi Etil spirti berilgan tashkilot (tarkibiy tuzilma) Berilgan etil spirtining miqdori Berilgan etil spirtining foizi Berilgan etil spirtining seriyasi / partiyasi Etil spirtini qabul qilib olgan tashkilot (tarkibiy tuzilma) masʼul xodimi F.I.O. Etil spirtining tabiiy yoʻqotish miqdori (bunda hisobdan chiqarish uchun asos boʻlgan dalolatnomaning sanasi va soni ham koʻrsatiladi) 1 2 3 4 5 6 7 8 9 10 11 12 13 14 15
Vazir A. SHADMANOV
Savdo-sanoat palatasi raisi A. IKRAMOV
Toshkent sh.,
2017-yil 29-dekabr,
2017-yil 27-dekabr
132-son