📅 2018-yil 6-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 6 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 февраля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 6 February 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ЎЗГАРТИРИШЛАР ВА ҚЎШИМЧА
Қишлоқ жойларда намунавий лойиҳалар бўйича якка тартибдаги уй-жой қурилиши доирасида Ислом тараққиёт банкининг жалб этилган молиявий маблағларидан фойдаланиш, уларга хизмат кўрсатиш ва уларни қайтариш тартиби тўғрисидаги низомга ўзгартиришлар ва қўшимча киритиш ҳақида
Ислом тараққиёт банкининг қишлоқ жойларда намунавий лойиҳалар бўйича якка тартибда уй-жойлар ва тегишли инфратузилма қурилишини молиялаштириш учун жалб этилган маблағларига ўз вақтида хизмат кўрсатиш ва уларни қайтаришни таъминлаш мақсадида Вазирлар Маҳкамаси қарор қилади:
1. Вазирлар Маҳкамасининг 2015 йил 10 июлдаги 189-сон қарори (Ўзбекистон Республикаси ҚТ, 2015 й., 7-сон, 59-модда) билан тасдиқланган Қишлоқ жойларда намунавий лойиҳалар бўйича якка тартибдаги уй-жой қурилиши доирасида Ислом тараққиёт банкининг жалб этилган молиявий маблағларидан фойдаланиш, уларга хизмат кўрсатиш ва уларни қайтариш тартиби тўғрисидаги низомга иловага мувофиқ ўзгартиришлар ва қўшимча киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Бош вазир ўринбосари — молия вазири Ж.А. Қўчқоров зиммасига юклансин.
Вазирлар Маҳкамасининг 2018 йил 6 февралдаги 79-сон қарорига ИЛОВА
Қишлоқ жойларда намунавий лойиҳалар бўйича якка тартибдаги уй-жой қурилиши доирасида Ислом тараққиёт банкининг жалб этилган молиявий маблағларидан фойдаланиш, уларга хизмат кўрсатиш ва уларни қайтариш тартиби тўғрисидаги низомга киритилаётган
1. 2-банднинг тўққизинчи хатбоши қуйидаги таҳрирда баён этилсин:
«дастлабки бадал — банкда қарз олувчининг номига очилган жамғарма омонат ҳисобварағига қарз олувчи (биргаликда қарз олувчилар) ёки юридик шахс — қарз олувчи иш берувчисининг пул маблағлари ёхуд бошқа шахсларнинг пул маблағлари шаклида киритилган қарз олувчининг икки, уч қаватли кўп квартирали (2, 3 хонали) уйлар ва майдони 0,02 гектар бўлган ер участкаларида жойлаштириладиган бир қаватли 2, 3 хонали уйлар смета қийматининг камида 15 фоизи ёки майдони 0,04 гектар бўлган ер участкаларида жойлаштириладиган икки қаватли 4 хонали бирлаштирилган уйлар ва майдони 0,06 гектар бўлган ер участкаларида жойлаштириладиган бир қаватли 3, 4, 5 хонали уйлар смета қийматининг камида 25 фоизи миқдоридаги ўз маблағлари»;
2. 24-банднинг иккинчи ва учинчи хатбошиларидаги «бош битимда» сўзлари тегишли равишда «Қишлоқ жойларда уй-жой қурилишини ривожлантириш» лойиҳаси бўйича Ислом тараққиёт банкининг молиявий маблағларини қайтариш ва уларга хизмат кўрсатиш тўғрисидаги битимда» сўзлари билан алмаштирилсин;
3. 25-бандда :
биринчи хатбошидаги «Ўзбекистон Республикаси билан банк ўртасидаги» сўзлари «Ўзбекистон Республикаси Молия вазирлиги, банк ва инжиниринг компанияси ўртасидаги» сўзлари билан алмаштирилсин;
қуйидаги мазмундаги хатбоши қўшилсин:
«Кредит линиясининг жами суммаси банкка тақдим этилгандан сўнг якка тартибдаги уй қурувчиларнинг 20202-сон «Бюджетдан ташқари маблағлар бўйича Ҳукуматнинг талаб қилиб олинадиган депозитлари» депозит ҳисобрақамидаги умумий бадал маблағлари Ўзбекистон Республикаси Давлат бюджети даромадлари ҳисобрақамига белгиланган тартибда ўтказилади».
Ўзбекистон Республикасининг Бош вазири А. АРИПОВ
Тошкент ш.,
2018 йил 6 февраль,
79-сон
Oʻzbekiston Respublikasi Vazirlar Mahkamasining
qarori
OʻZGARTIRIShLAR VA QOʻShIMChA
Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga xizmat koʻrsatish va ularni qaytarish tartibi toʻgʻrisidagi nizomga oʻzgartirishlar va qoʻshimcha kiritish haqida
Islom taraqqiyot bankining qishloq joylarda namunaviy loyihalar boʻyicha yakka tartibda uy-joylar va tegishli infratuzilma qurilishini moliyalashtirish uchun jalb etilgan mablagʻlariga oʻz vaqtida xizmat koʻrsatish va ularni qaytarishni taʼminlash maqsadida Vazirlar Mahkamasi qaror qiladi:
1. Vazirlar Mahkamasining 2015-yil 10-iyuldagi 189-son qarori (Oʻzbekiston Respublikasi QT, 2015-y., 7-son, 59-modda) bilan tasdiqlangan Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga xizmat koʻrsatish va ularni qaytarish tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Bosh vazir oʻrinbosari — moliya vaziri J.A. Qoʻchqorov zimmasiga yuklansin.
Vazirlar Mahkamasining 2018-yil 6-fevraldagi 79-son qaroriga ILOVA
Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga xizmat koʻrsatish va ularni qaytarish tartibi toʻgʻrisidagi nizomga kiritilayotgan
1. 2-bandning toʻqqizinchi xatboshi quyidagi tahrirda bayon etilsin:
“dastlabki badal — bankda qarz oluvchining nomiga ochilgan jamgʻarma omonat hisobvaragʻiga qarz oluvchi (birgalikda qarz oluvchilar) yoki yuridik shaxs — qarz oluvchi ish beruvchisining pul mablagʻlari yoxud boshqa shaxslarning pul mablagʻlari shaklida kiritilgan qarz oluvchining ikki, uch qavatli koʻp kvartirali (2, 3 xonali) uylar va maydoni 0,02 gektar boʻlgan yer uchastkalarida joylashtiriladigan bir qavatli 2, 3 xonali uylar smeta qiymatining kamida 15 foizi yoki maydoni 0,04 gektar boʻlgan yer uchastkalarida joylashtiriladigan ikki qavatli 4 xonali birlashtirilgan uylar va maydoni 0,06 gektar boʻlgan yer uchastkalarida joylashtiriladigan bir qavatli 3, 4, 5 xonali uylar smeta qiymatining kamida 25 foizi miqdoridagi oʻz mablagʻlari”;
2. 24-bandning ikkinchi va uchinchi xatboshilaridagi “bosh bitimda” soʻzlari tegishli ravishda “Qishloq joylarda uy-joy qurilishini rivojlantirish” loyihasi boʻyicha Islom taraqqiyot bankining moliyaviy mablagʻlarini qaytarish va ularga xizmat koʻrsatish toʻgʻrisidagi bitimda” soʻzlari bilan almashtirilsin;
3. 25-bandda :
birinchi xatboshidagi “Oʻzbekiston Respublikasi bilan bank oʻrtasidagi” soʻzlari “Oʻzbekiston Respublikasi Moliya vazirligi, bank va injiniring kompaniyasi oʻrtasidagi” soʻzlari bilan almashtirilsin;
quyidagi mazmundagi xatboshi qoʻshilsin:
“Kredit liniyasining jami summasi bankka taqdim etilgandan soʻng yakka tartibdagi uy quruvchilarning 20202-son “Budjetdan tashqari mablagʻlar boʻyicha Hukumatning talab qilib olinadigan depozitlari” depozit hisobraqamidagi umumiy badal mablagʻlari Oʻzbekiston Respublikasi Davlat budjeti daromadlari hisobraqamiga belgilangan tartibda oʻtkaziladi”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 6-fevral,
79-son
Кабинета Министров Республики Узбекистан
Постановление
ИЗМЕНЕНИЯ И ДОПОЛНЕНИЕ,
О внесении изменений и дополнения в Положение о порядке использования, обслуживания и возврата привлеченных финансовых средств Исламского банка развития в рамках строительства индивидуального жилья по типовым проектам в сельской местности
В целях обеспечения своевременного обслуживания и возврата средств Исламского банка развития, привлеченных на финансирование строительства индивидуального жилья по типовым проектам в сельской местности и сопутствующей инфраструктуры, Кабинет Министров постановляет:
1. Внести изменения и дополнение в Положение о порядке использования, обслуживания и возврата привлеченных финансовых средств Исламского банка развития в рамках строительства индивидуального жилья по типовым проектам в сельской местности, утвержденное постановлением Кабинета Министров от 10 июля 2015 г. № 189 (СП Республики Узбекистан, 2015 г., № 7, ст. 59), согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и заместителя Премьер-министра — министра финансов Республики Узбекистан Д.А. Кучкарова.
ПРИЛОЖЕНИЕ к постановлению Кабинета Министров от 6 февраля 2018 года № 79
вносимые в Положение о порядке использования, обслуживания и возврата привлеченных финансовых средств Исламского банка развития в рамках строительства индивидуального жилья по типовым проектам в сельской местности
1. Абзац девятый пункта 2 изложить в следующей редакции:
«первоначальный взнос — собственные средства заемщика в размере не менее 15 процентов от сметной стоимости строящихся двух-, трехэтажных многоквартирных (2, 3-х комнатные) жилых домов и одноэтажных 2, 3-х комнатных жилых домов, размещаемых на земельных участках размером 0,02 га, или в размере не менее 25 процентов от сметной стоимости строящихся двухэтажных 4-х комнатных сблокированных жилых домов, размещаемых на земельных участках размером 0,04 га, и одноэтажных 3, 4, 5-ти комнатных жилых домов, размещаемых на земельных участках размером 0,06 га, в виде денежных средств заемщика (созаемщиков) или юридического лица — работодателя заемщика, либо денежных средств других лиц, внесенных на сберегательный вкладной счет в банке, открытый на имя заемщика».
2. В абзацах втором и третьем пункта 24 слова «генеральным соглашением» и «генеральное соглашение» заменить, соответственно, словами «Соглашением о возврате и обслуживании финансовых средств ИБР по проекту «Развитие жилищного строительства в сельской местности»» и «Соглашение о возврате и обслуживании финансовых средств ИБР по проекту «Развитие жилищного строительства в сельской местности»».
3. В пункте 25 :
в абзаце первом слова «Республикой Узбекистан и банком» заменить словами «Министерством финансов Республики Узбекистан, банком и инжиниринговой компанией»;
дополнить абзацем следующего содержания:
«После предоставления всей суммы кредитной линии банку средства общих взносов индивидуальных застройщиков с депозитного счета № 20202 «Депозиты до востребования Правительства по внебюджетным средствам» в трехдневный срок перечисляются в счет доходов Государственного бюджета Республики Узбекистан в установленном порядке».
Премьер-министр Республики Узбекистан А. АРИПОВ
г. Ташкент,
6 февраля 2018 г.,
№ 79