📅 2018-yil 13-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 февраля 2018 г. · Постановления Президента
Официальный текст. Официальный документ. Редакционные примечания не включены.
📅 13 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Техник-иқтисодий асослар ва техник-иқтисодий ҳисоб-китоблар экспертизаси тизимини янада такомиллаштириш чора-тадбирлари тўғрисида
Иқтисодиёт ва ижтимоий соҳа тармоқларини ривожлантириш бўйича амалга ошириладиган дастурлар доирасидаги техник-иқтисодий асослар ва техник-иқтисодий ҳисоб-китоблар, лойиҳалар экспертизаси тизимини янада такомиллаштириш мақсадида, шунингдек, Ўзбекистон Республикаси Президентининг « Ўзбекистон Республикасининг ривожланиш давлат дастурларини шакллантириш ва молиялаштиришнинг янги тартибини жорий этиш тўғрисида »ги 2017 йил 18 декабрдаги ПҚ-3437-сонли ва « Ўзбекистон Республикасининг ривожланиш давлат дастурларини шакллантириш ва рўёбга чиқариш, давлат харидларини амалга ошириш доирасида ҳужжатларни комплекс экспертиза қилишнинг самарали тизимини яратиш тўғрисида » 2018 йил 8 январдаги ПҚ-3464-сонли қарорларига мувофиқ:
1. Белгилаб қўйилсинки:
тасдиқланган техник-иқтисодий асослари ва техник-иқтисодий ҳисоб-китоблари бўлмаган лойиҳаларни молиялаштириш тақиқланади;
лойиҳаларнинг техник-иқтисодий асослари ва техник-иқтисодий ҳисоб-китоблари фақатгина Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш маркази (кейинги ўринларда — Марказ) томонидан ижобий хулоса берилган ҳолдагина Ўзбекистон Республикаси Вазирлар Маҳкамасининг қарорлари билан тасдиқланади;
лойиҳаларни амалга оширишни тартибга солувчи норматив-ҳуқуқий ҳужжатларда лойиҳалар техник-иқтисодий асослари ва техник-иқтисодий ҳисоб-китоблари бўйича Марказнинг ўрнатилган тартибдаги комплекс экспертизаси натижалари бўйича ижобий хулосаси мавжуд бўлмаган тақдирда товарлар (ишлар, хизматлар) етказиб берувчилар ва пудрат ташкилотларининг номини кўрсатиш тақиқланади.
2. Белгилансинки, мазкур қарорнинг 1-бандидаги талаблар Ўзбекистон Республикасининг ривожланиш давлат дастурлари, тармоқ ва ҳудудий ривожлантириш концепциялари доирасида амалга ошириладиган лойиҳаларга, Ўзбекистон Республикаси Президенти ва Ҳукумат қарорлари доирасида, Ўзбекистон Республикаси Тикланиш ва тараққиёт жамғармаси маблағлари ҳисобига, шунингдек, давлат корхоналарининг, устав фондида давлат улуши 50 фоиз ва ундан ортиқ бўлган хўжалик субъектларининг, давлат улуши 50 фоиз ва ундан ортиқ бўлган юридик шахсларга устав фондининг 50 фоизи ва ундан ортиғи тегишли хўжалик субъектларининг ўз маблағлари ҳисобига амалга ошириладиган бошқа лойиҳаларга нисбатан жорий этилади.
4. Ўзбекистон Республикаси Президенти ҳузуридаги Лойиҳа бошқаруви миллий агентлиги Ўзбекистон Республикаси Адлия вазирлиги, бошқа манфаатдор идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида таклифлар киритсин.
5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 13 февраль,
ПҚ-3527-сон
Oʻzbekiston Respublikasi Prezidentining
Qarori
Texnik-iqtisodiy asoslar va texnik-iqtisodiy hisob-kitoblar ekspertizasi tizimini yanada takomillashtirish chora-tadbirlari toʻgʻrisida
Iqtisodiyot va ijtimoiy soha tarmoqlarini rivojlantirish boʻyicha amalga oshiriladigan dasturlar doirasidagi texnik-iqtisodiy asoslar va texnik-iqtisodiy hisob-kitoblar, loyihalar ekspertizasi tizimini yanada takomillashtirish maqsadida, shuningdek, Oʻzbekiston Respublikasi Prezidentining “ Oʻzbekiston Respublikasining rivojlanish davlat dasturlarini shakllantirish va moliyalashtirishning yangi tartibini joriy etish toʻgʻrisida ”gi 2017-yil 18-dekabrdagi PQ-3437-sonli va “ Oʻzbekiston Respublikasining rivojlanish davlat dasturlarini shakllantirish va roʻyobga chiqarish, davlat xaridlarini amalga oshirish doirasida hujjatlarni kompleks ekspertiza qilishning samarali tizimini yaratish toʻgʻrisida ” 2018-yil 8-yanvardagi PQ-3464-sonli qarorlariga muvofiq:
1. Belgilab qoʻyilsinki:
tasdiqlangan texnik-iqtisodiy asoslari va texnik-iqtisodiy hisob-kitoblari boʻlmagan loyihalarni moliyalashtirish taqiqlanadi;
loyihalarning texnik-iqtisodiy asoslari va texnik-iqtisodiy hisob-kitoblari faqatgina Oʻzbekiston Respublikasi Iqtisodiyot va sanoat vazirligi huzuridagi Loyihalar va import kontraktlarini kompleks ekspertiza qilish markazi (keyingi oʻrinlarda — Markaz) tomonidan ijobiy xulosa berilgan holdagina Oʻzbekiston Respublikasi Vazirlar Mahkamasining qarorlari bilan tasdiqlanadi;
loyihalarni amalga oshirishni tartibga soluvchi normativ-huquqiy hujjatlarda loyihalar texnik-iqtisodiy asoslari va texnik-iqtisodiy hisob-kitoblari boʻyicha Markazning oʻrnatilgan tartibdagi kompleks ekspertizasi natijalari boʻyicha ijobiy xulosasi mavjud boʻlmagan taqdirda tovarlar (ishlar, xizmatlar) yetkazib beruvchilar va pudrat tashkilotlarining nomini koʻrsatish taqiqlanadi.
2. Belgilansinki, mazkur qarorning 1-bandidagi talablar Oʻzbekiston Respublikasining rivojlanish davlat dasturlari, tarmoq va hududiy rivojlantirish konsepsiyalari doirasida amalga oshiriladigan loyihalarga, Oʻzbekiston Respublikasi Prezidenti va Hukumat qarorlari doirasida, Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga, shuningdek, davlat korxonalarining, ustav fondida davlat ulushi 50 foiz va undan ortiq boʻlgan xoʻjalik subyektlarining, davlat ulushi 50 foiz va undan ortiq boʻlgan yuridik shaxslarga ustav fondining 50 foizi va undan ortigʻi tegishli xoʻjalik subyektlarining oʻz mablagʻlari hisobiga amalga oshiriladigan boshqa loyihalarga nisbatan joriy etiladi.
4. Oʻzbekiston Respublikasi Prezidenti huzuridagi Loyiha boshqaruvi milliy agentligi Oʻzbekiston Respublikasi Adliya vazirligi, boshqa manfaatdor idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida takliflar kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 13-fevral,
PQ-3527-son
Президента Республики Узбекистан
Постановление
О мерах по дальнейшему совершенствованию системы экспертизы технико-экономических обоснований и технико-экономических расчетов
В целях дальнейшего совершенствования системы экспертизы технико-экономических обоснований и технико-экономических расчетов, проектов в рамках реализуемых программ по развитию отраслей экономики и социальной сферы, а также в соответствии с постановлениями Президента Республики Узбекистан от 18 декабря 2017 года № ПП-3437 « О внедрении нового порядка формирования и финансирования государственных программ развития Республики Узбекистан » и от 8 января 2018 года № ПП-3464 « О создании эффективной системы комплексной экспертизы документации в рамках формирования и реализации государственных программ развития Республики Узбекистан, осуществления государственных закупок »:
1. Установить, что:
запрещается открытие финансирования проектов, не имеющих утвержденных технико-экономических обоснований и технико-экономических расчетов;
технико-экономические обоснования и технико-экономические расчеты проектов утверждаются постановлениями Кабинета Министров Республики Узбекистан только при наличии положительного заключения Центра комплексной экспертизы проектов и импортных контрактов при Министерстве экономики и промышленности Республики Узбекистан (далее — Центр);
в нормативно-правовых актах, регламентирующих реализацию проектов, запрещается указание наименований поставщиков товаров (работ, услуг) и подрядных организаций при отсутствии положительного заключения Центра по результатам проведенной в установленном порядке комплексной экспертизы технико-экономических обоснований и технико-экономических расчетов проектов.
2. Определить, что требования пункта 1 настоящего постановления распространяются на проекты, реализуемые в рамках государственных программ развития Республики Узбекистан, отраслевых и региональных концепций развития, иных проектов, реализуемых в рамках решений Президента Республики Узбекистан и Правительства, за счет средств Фонда реконструкции и развития Республики Узбекистан, а также за счет собственных средств государственных предприятий, хозяйствующих субъектов с долей государства в уставном фонде 50 процентов и более, хозяйствующих субъектов, в уставном фонде которых 50 процентов и более принадлежит юридическому лицу с долей государства 50 процентов и более.
4. Национальному агентству проектного управления при Президенте Республики Узбекистан совместно с Министерством юстиции Республики Узбекистан, другими заинтересованными ведомствами в месячный срок внести предложения об изменениях и дополнениях в законодательство, вытекающих из настоящего постановления.
5. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
13 февраля 2018 г.,
№ ПП-3527