📅 2018-yil 15-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 15 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 февраля 2018 г. · Постановления Президента
Официальный текст. Официальный документ. Редакционные примечания не включены.
📅 15 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ўзгартиш ва қўшимчалар
Ижтимоий-иқтисодий ривожланиш масалалари бўйича илмий-тадқиқот муассасалари фаолиятини такомиллаштириш юзасидан ташкилий чора-тадбирлар тўғрисида
Ижтимоий-иқтисодий ривожланиш соҳасидаги илмий-тадқиқот муассасалари фаолиятини самарали ташкил этишни таъминлаш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясидан келиб чиқадиган долзарб вазифаларни амалга ошириш бўйича мувофиқлаштирилган фаолиятини ошириш мақсадида:
1. Ўзбекистон Республикаси Вазирлар Маҳкамаси ҳузуридаги Прогнозлаштириш ва макроиқтисодий тадқиқотлар институти Ўзбекистон Республикаси Иқтисодиёт вазирлиги тасарруфига, Ўзбекистон Республикаси Вазирлар Маҳкамаси ҳузуридаги Ижтимоий тадқиқотлар институти эса Ўзбекистон Республикаси Молия вазирлиги тасарруфига (кейинги ўринларда институтлар деб юритилади) ўтказилсин.
Белгилансинки, институтлар ўтказилаётган Ўзбекистон Республикаси Вазирлар Маҳкамаси ҳузуридаги Прогнозлаштириш ва макроиқтисодий тадқиқотлар институти ва Ижтимоий тадқиқотлар институтининг ҳуқуқ ва мажбуриятлари бўйича ҳуқуқий ворислари ҳисобланади.
2. Ўзбекистон Республикаси Вазирлар Маҳкамаси икки ой муддатда мамлакатни ижтимоий-иқтисодий ривожлантиришнинг долзарб йўналишлари бўйича илмий-амалий тадқиқотларни ўтказишда институтлар фаолиятининг самарадорлигини янада ошириш, шу жумладан уларнинг штатлар сонини икки баравардан кам бўлмаган миқдорга қисқартиришни назарда тутувчи норматив-ҳуқуқий ҳужжатларнинг лойиҳаларини Ўзбекистон Республикаси Президенти девонига киритсин.
3. Ўзбекистон Республикаси Иқтисодиёт вазирлигининг «Ўзбекистон иқтисодий ахборотномаси» журнали таҳририяти» ДУКни тугатиш ҳақидаги таклифига розилик берилсин.
4. Ўзбекистон Республикаси Иқтисодиёт вазирлиги Тошкент шаҳар ҳокимлиги билан биргаликда 2018 йил 1 майга қадар муддатда Тошкент шаҳри, Мирзо Улуғбек тумани, Я. Ғуломов кўчаси, 1-уй манзилида жойлашган бинодан келгусида фойдаланишнинг мақсадга мувофиқлиги тўғрисида Вазирлар Маҳкамасига таклиф киритсин.
5. Ўзбекистон Республикаси Президентининг айрим қарорларига иловага мувофиқ ўзгартиш ва қўшимчалар киритилсин.
6. Ўзбекистон Республикаси Иқтисодиёт вазирлиги ва Молия вазирлиги Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси иқтисодиёт вазири Б.А. Ходжаев зиммасига юклансин.
Ўзбекистон Республикаси Президентининг 2018 йил 15 февралдаги ПҚ-3534 қарорига ИЛОВА
Ўзбекистон Республикаси Президентининг айрим қарорларига киритилаётган
3. Ўзбекистон Республикаси Президентининг «Молия органлари фаолиятини янада такомиллаштириш чора-тадбирлари тўғрисида»ги 2017 йил 18 мартдаги ПҚ-2847-сон қарорига 1-илова (Ўзбекистон Республикаси Молия вазирлигининг ташкилий тузилмаси) қуйидаги таҳрирдаги блок билан тўлдирилсин:
« Ижтимоий тадқиқотлар институти »
4. Ўзбекистон Республикаси Президентининг «Ўзбекистон Республикаси Иқтисодиёт вазирлиги фаолиятини тубдан такомиллаштириш чора-тадбирлари тўғрисида»ги 2017 йил 28 апрелдаги ПҚ-2934-сон қарорига 1-иловада (Ўзбекистон Республикаси Иқтисодиёт вазирлигининг ташкилий тузилмаси):
« «Ўзбекистон иқтисодий ахборотномаси» журнали таҳририяти» ДУК »
блоки чиқариб ташлансин;
қуйидаги таҳрирдаги блок билан тўлдирилсин:
« Прогнозлаштириш ва макроиқтисодий тадқиқотлар институти »
5. Ўзбекистон Республикаси Президентининг «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги 2018 йил 17 январдаги ПҚ-3479-сон қарорига 3-иловадан (2019 йил 1 январга қадар муддатга импорт қилишда божхона тўловлари тўлаш бўйича имтиёз бериладиган (божхона расмийлаштируви учун йиғимлар бундан мустасно) маҳсулот, хом ашё ва материаллар турларининг рўйхати) 4-қатор чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 15 февраль,
ПҚ-3534-сон
Oʻzbekiston Respublikasi Prezidentining
Qarori
oʻzgartish va qoʻshimchalar
Ijtimoiy-iqtisodiy rivojlanish masalalari boʻyicha ilmiy-tadqiqot muassasalari faoliyatini takomillashtirish yuzasidan tashkiliy chora-tadbirlar toʻgʻrisida
Ijtimoiy-iqtisodiy rivojlanish sohasidagi ilmiy-tadqiqot muassasalari faoliyatini samarali tashkil etishni taʼminlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasidan kelib chiqadigan dolzarb vazifalarni amalga oshirish boʻyicha muvofiqlashtirilgan faoliyatini oshirish maqsadida:
1. Oʻzbekiston Respublikasi Vazirlar Mahkamasi huzuridagi Prognozlashtirish va makroiqtisodiy tadqiqotlar instituti Oʻzbekiston Respublikasi Iqtisodiyot vazirligi tasarrufiga, Oʻzbekiston Respublikasi Vazirlar Mahkamasi huzuridagi Ijtimoiy tadqiqotlar instituti esa Oʻzbekiston Respublikasi Moliya vazirligi tasarrufiga (keyingi oʻrinlarda institutlar deb yuritiladi) oʻtkazilsin.
Belgilansinki, institutlar oʻtkazilayotgan Oʻzbekiston Respublikasi Vazirlar Mahkamasi huzuridagi Prognozlashtirish va makroiqtisodiy tadqiqotlar instituti va Ijtimoiy tadqiqotlar institutining huquq va majburiyatlari boʻyicha huquqiy vorislari hisoblanadi.
2. Oʻzbekiston Respublikasi Vazirlar Mahkamasi ikki oy muddatda mamlakatni ijtimoiy-iqtisodiy rivojlantirishning dolzarb yoʻnalishlari boʻyicha ilmiy-amaliy tadqiqotlarni oʻtkazishda institutlar faoliyatining samaradorligini yanada oshirish, shu jumladan ularning shtatlar sonini ikki baravardan kam boʻlmagan miqdorga qisqartirishni nazarda tutuvchi normativ-huquqiy hujjatlarning loyihalarini Oʻzbekiston Respublikasi Prezidenti devoniga kiritsin.
3. Oʻzbekiston Respublikasi Iqtisodiyot vazirligining “Oʻzbekiston iqtisodiy axborotnomasi” jurnali tahririyati” DUKni tugatish haqidagi taklifiga rozilik berilsin.
4. Oʻzbekiston Respublikasi Iqtisodiyot vazirligi Toshkent shahar hokimligi bilan birgalikda 2018-yil 1-mayga qadar muddatda Toshkent shahri, Mirzo Ulugʻbek tumani, Ya. Gʻulomov koʻchasi, 1-uy manzilida joylashgan binodan kelgusida foydalanishning maqsadga muvofiqligi toʻgʻrisida Vazirlar Mahkamasiga taklif kiritsin.
5. Oʻzbekiston Respublikasi Prezidentining ayrim qarorlariga ilovaga muvofiq oʻzgartish va qoʻshimchalar kiritilsin.
6. Oʻzbekiston Respublikasi Iqtisodiyot vazirligi va Moliya vazirligi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi iqtisodiyot vaziri B.A. Xodjayev zimmasiga yuklansin.
Oʻzbekiston Respublikasi Prezidentining 2018-yil 15-fevraldagi PQ-3534 qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan
3. Oʻzbekiston Respublikasi Prezidentining “Moliya organlari faoliyatini yanada takomillashtirish chora-tadbirlari toʻgʻrisida”gi 2017-yil 18-martdagi PQ-2847-son qaroriga 1-ilova (Oʻzbekiston Respublikasi Moliya vazirligining tashkiliy tuzilmasi) quyidagi tahrirdagi blok bilan toʻldirilsin:
“ Ijtimoiy tadqiqotlar instituti ”
4. Oʻzbekiston Respublikasi Prezidentining “Oʻzbekiston Respublikasi Iqtisodiyot vazirligi faoliyatini tubdan takomillashtirish chora-tadbirlari toʻgʻrisida”gi 2017-yil 28-apreldagi PQ-2934-son qaroriga 1-ilovada (Oʻzbekiston Respublikasi Iqtisodiyot vazirligining tashkiliy tuzilmasi):
“ “Oʻzbekiston iqtisodiy axborotnomasi” jurnali tahririyati” DUK ”
bloki chiqarib tashlansin;
quyidagi tahrirdagi blok bilan toʻldirilsin:
“ Prognozlashtirish va makroiqtisodiy tadqiqotlar instituti ”
5. Oʻzbekiston Respublikasi Prezidentining “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi 2018-yil 17-yanvardagi PQ-3479-son qaroriga 3-ilovadan (2019-yil 1-yanvarga qadar muddatga import qilishda bojxona toʻlovlari toʻlash boʻyicha imtiyoz beriladigan (bojxona rasmiylashtiruvi uchun yigʻimlar bundan mustasno) mahsulot, xom ashyo va materiallar turlarining roʻyxati) 4-qator chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 15-fevral,
PQ-3534-son
Президента Республики Узбекистан
Постановление
Изменения и дополнения,
Об организационных мерах по совершенствованию деятельности научно-исследовательских учреждений по вопросам социально-экономического развития
В целях обеспечения эффективной организации деятельности научно-исследовательских учреждений в сфере социально-экономического развития, а также повышения скоординированной работы по реализации актуальных задач, вытекающих из Стратегии действий по пяти приоритетным направлениям развития Республики Узбекистан в 2017 — 2021 годах:
1. Передать Институт прогнозирования и макроэкономических исследований при Кабинете Министров Республики Узбекистан в ведение Министерства экономики Республики Узбекистан, а Институт социальных исследований при Кабинете Министров Республики Узбекистан в ведение Министерства финансов Республики Узбекистан (далее — институты).
Установить, что институты являются правопреемниками по правам и обязательствам передаваемых Института прогнозирования и макроэкономических исследований и Института социальных исследований при Кабинете Министров Республики Узбекистан.
2. Кабинету Министров Республики Узбекистан в двухмесячный срок внести в аппарат Президента Республики Узбекистан проекты нормативно-правовых актов, предусматривающих дальнейшее повышение эффективности деятельности институтов в проведении научно-практических исследований по актуальным направлениям социально-экономического развития страны, в том числе сокращение их штатной численности не менее чем в два раза.
3. Согласиться с предложением Министерства экономики Республики Узбекистан о ликвидации ГУП «Редакция журнала «Экономический вестник Узбекистана»».
4. Министерству экономики совместно с хокимиятом города Ташкента в срок до 1 мая 2018 года внести в Кабинет Министров Республики Узбекистан предложение о целесообразности дальнейшей эксплуатации здания, расположенного по адресу: город Ташкент, Мирзо Улугбекский район, улица Я. Гулямова, дом I.
5. Внести изменения и дополнения в некоторые постановления Президента Республики Узбекистан согласно приложению .
6. Министерству экономики и Министерству финансов совместно с Министерством юстиции в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на заместителя Премьер-министра — министра финансов Республики Узбекистан Ж.А. Кучкарова и министра экономики Республики Узбекистан Б.А. Ходжаева.
ПРИЛОЖЕНИЕ к постановлению Президента Республики Узбекистан от 15 февраля 2018 года № ПП-3534
вносимые в некоторые постановления Президента Республики Узбекистан
3. Приложение № 1 (Организационная структура Министерства финансов Республики Узбекистан) к постановлению Президента Республики Узбекистан от 18 марта 2017 года № ПП-2847 «О мерах по дальнейшему совершенствованию деятельности финансовых органов» дополнить блоком следующего содержания:
« Институт социальных исследований ».
4. В приложении № 1 (Организационная структура Министерства экономики Республики Узбекистан) к постановлению Президента Республики Узбекистан от 28 апреля 2017 года № ПП-2934 «О мерах по коренному совершенствованию деятельности Министерства экономики Республики Узбекистан»:
блок « ГУП «Редакция журнала «Экономический вестник Узбекистана» » исключить:
дополнить блоком следующего содержания:
« Институт прогнозирования и макроэкономических исследований »
5. Из приложения № 3 (Перечень видов продукции, сырья и материалов, при импорте которых предоставляется льгота по уплате таможенных платежей, за исключением сборов за таможенное оформление, сроком до 1 января 2019 года) к постановлению Президента Республики Узбекистан от 17 января 2018 года № ПП-3479 «О мерах по стабильному обеспечению отраслей экономики страны востребованными видами продукции и сырья» строку 4 исключить.
Президент Республики Узбекистан Ш. МИРЗИЁЕВ
г. Ташкент,
15 февраля 2018 г.,
№ ПП-3534