📅 2018-yil 15-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 15 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 февраля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 15 February 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
низом
Мудофаа саноати комплексини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Ўзбекистон Республикаси Мудофаа саноати давлат қўмитасини ташкил этиш тўғрисида» 2017 йил 20 ноябрдаги ПФ-5246-сон Фармони ижросини таъминлаш мақсадида Вазирлар Маҳкамаси қарор қилади:
1. Мудофаа саноати комплексини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси мудофаа вазири Б.Н. Курбанов зиммасига юклансин.
Вазирлар Маҳкамасининг 2018 йил 15 февралдаги 118-сон қарорига ИЛОВА
Мудофаа саноати комплексини ривожлантириш жамғармаси маблағларини шакллантириш ва улардан фойдаланиш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Мудофаа вазирлиги ҳузуридаги Мудофаа саноати агентлигининг Мудофаа саноати комплексини ривожлантириш жамғармаси (кейинги ўринларда Жамғарма деб аталади) маблағларини шакллантириш ва улардан фойдаланиш тартибини белгилайди.
2. Жамғарма Ўзбекистон Республикаси Мудофаа вазирлиги ҳузуридаги Мудофаа саноати агентлигида (кейинги ўринларда — Агентлик) юридик шахсни ташкил этмаган ҳолда тузилади.
2-боб. Жамғарма маблағларини шакллантириш манбалари
3. Жамғарма маблағлари қуйидаги манбалар ҳисобига шакллантирилади:
а) Ўзбекистон Республикаси Давлат бюджетининг мудофаа-саноат комплексини ривожлантиришга белгиланган тартибда ажратиладиган маблағлари;
б) Агентликка тўланадиган воситачилик ҳақи, жумладан:
қурол-яроғ, ҳарбий ва махсус техника етказиб бериш, ҳарбий-техник хизматлар кўрсатиш бўйича тузилган импорт контракт (воситачилик шартномаси) қийматининг 1 фоизи;
мудофаа саноати комплекси корхоналари ишлаб чиқарган ҳарбий ва икки хил мақсадда ишлатиладиган маҳсулотларни сотиш бўйича тузилган импорт контракт (воситачилик шартномаси) қийматининг 1 фоизи;
бўшайдиган ҳарбий-техник мулкни ташқи бозорга сотиш бўйича тузилган контракт қийматининг 30 фоизи;
в) Агентлик томонидан қонун ҳужжатларида белгиланган фаолият соҳаларини лицензиялашдан тушадиган маблағларнинг 100 фоизи, шу жумладан қайд этилган мақсадлар учун тегишли вазирлик ва идораларнинг харажатлар сметаларида назарда тутилган бюджет маблағлари;
г) Агентлик таркибига кирадиган ташкилотларнинг Ўзбекистон Республикаси Иқтисодиёт ва молия вазирлиги ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитаси билан келишилган ҳолда миқдори белгиланадиган ажратмалари;
д) шартнома (контракт) мажбуриятларини бузганлиги учун юридик шахслардан маъмурий ва суд тартибида ундириладиган жарималар миқдорининг 100 фоизи;
е) жамғарма бўш маблағларини ликвидли молия воситаларида (депозитлар, қимматли қоғозлар, облигациялар ва бошқалар) вақтинча жойлаштиришдан олинадиган даромадлар;
ж) қонун ҳужжатларида тақиқланмаган бошқа манбалар.
4. Ушбу Низомнинг 3-бандида қайд этилган маблағлар Агентликнинг Ўзбекистон Республикаси Марказий банки бўлинмаларида очиладиган банк ҳисобрақамларида жамланади.
3-боб. Жамғарма маблағларидан фойдаланиш
5. Жамғарма маблағлари:
мудофаа саноати комплексини қўллаб-қувватлаш, унинг салоҳиятини ривожлантириш ва ошириш, шунингдек, янги ишлаб чиқаришларни ташкил этиш бўйича дастурлар ва лойиҳаларни, шу жумладан инвестиция лойиҳаларини молиялаштиришга;
қурол-яроғ, ҳарбий техника ва ҳарбий-техник мулкни ишлаб чиқиш ҳамда модернизациялаш тадбирларини молиялаштиришга;
мудофаа саноати соҳасида илмий-тадқиқот ва тажриба-конструкторлик ишларини амалга оширишга;
ҳарбий ва икки хил мақсадда ишлатиладиган маҳсулотларни ишлаб чиқиш, ишлаб чиқариш, таъмирлаш, йўқ қилиш ва қайта ишлаш соҳасидаги лойиҳалар ҳамда тадбирларни амалга ошириш учун экспертлар, шу жумладан халқаро мутахассислар ишини ташкил этишга;
Агентлик кадрларини, жумладан, хорижий таълим муассасаларида қайта тайёрлаш ва уларнинг малакасини ошириш тадбирларига;
хорижий давлатлар ва халқаро ташкилотлар делегацияларининг Агентлик ваколатига тааллуқли масалалар бўйича Ўзбекистон Республикасига ташрифларини ташкил этишга;
семинарлар, давра суҳбатлари, конференциялар, амалий машғулотлар, тренинглар, Агентликнинг профилактика ва бошқа тадбирларини ўтказишга;
Агентлик ходимларининг мамлакат ичида ва ташқарисида хизмат сафарларида бўлиш харажатларини тўлашга;
Агентлик ахборот-коммуникация технологияларига хизмат кўрсатиш ва уларни ривожлантириш, ахборот хавфсизлигини таъминлаш тадбирларини амалга оширишга;
Агентликнинг Ташқи иқтисодий фаолият департаменти ходимларини таъминлашга;
Агентлик ижро этувчи аппарати ва унинг идоравий мансуб ташкилотлари моддий-техника базасини мустаҳкамлаш ҳамда ривожлантиришга;
Агентлик ходимларини моддий рағбатлантириш ва ижтимоий ҳимоя қилишга;
Агентлик фаолиятини яхшилашга қаратилган тадбирларга;
Агентликнинг Ўзбекистон Республикаси Давлат бюджети маблағлари билан қопланмаган жорий харажатларига йўналтирилади.
6. Жамғарма маблағларидан Ўзбекистон Республикаси Бош вазирининг мутасадди ўринбосарлари билан келишилган ҳолда қонунчиликда тақиқланмаган бошқа мақсадларда ҳам фойдаланиш мумкин.
7. Жамғарманинг 25 фоиздан ортиқ бўлмаган маблағлари Агентлик ва унинг идоравий мансуб ташкилотлари ходимларини моддий рағбатлантириш ва ижтимоий ҳимоя қилишга йўналтирилади.
4-боб. Жамғарма маблағларини бошқариш
8. Жамғарманинг Агентлик директори раҳбарлик қиладиган Кенгаши Жамғарма маблағларини бошқариш органи ҳисобланади.
9. Жамғарма Кенгашининг шахсий таркиби Агентлик, унинг идоравий мансуб ташкилотлари вакилларидан шакллантирилади ва Агентлик ҳайъати томонидан тасдиқланади.
10. Жамғарма кенгашининг мажлислари ҳар чоракда камида бир маротаба ўтказилади. Зарурат бўлганда, Жамғарма кенгашининг навбатдан ташқари мажлислари ҳам чақирилиши мумкин. Жамғарма Кенгаши мажлислари уларда Кенгашнинг камида уч аъзоси иштирок этганда ҳуқуқий ваколатли ҳисобланади.
11. Жамғарма Кенгаши қуйидаги вазифаларни амалга оширади:
ушбу Низомнинг 3-бандида қайд этилган Жамғармани шакллантиришнинг барча манбалари бўйича Жамғарманинг даромадлари ва харажатлари прогноз кўрсаткичларини тайёрлайди;
Жамғарма маблағларидан фойдаланиш учун устувор йўналишларни белгилайди;
Агентлик таркибий бўлинмалари ва идоравий мансуб ташкилотларнинг Жамғармадан олинган маблағлардан фойдаланилиши тўғрисидаги ҳисоботларини эшитади;
Жамғарма даромадларининг прогноз кўрсаткичлари бажарилиши самарадорлигини таҳлил қилади ва маблағлар тушишига салбий таъсир кўрсатувчи камчиликларни бартараф этишга доир тегишли чоралар кўради;
тушумларни кўпайтириш ва Жамғарма маблағларидан самарали фойдаланиш бўйича таклифлар тайёрлайди;
ўз фаолияти доирасида бошқа масалалар юзасидан қарорлар қабул қилади.
12. Агентликнинг Мудофаа саноати комплексини ривожлантириш жамғармасини бошқариш хизмати (кейинги ўринларда ишчи орган деб аталади) Жамғарма кенгашининг ишчи органи ҳисобланади ва у қуйидаги функцияларни амалга оширади:
Жамғарма маблағларининг тушиши ва тақсимланишининг ҳисобини юритади;
Жамғарма даромадлари ва харажатлари сметасини тузади ҳамда Ўзбекистон Республикаси Иқтисодиёт ва молия вазирлигида рўйхатдан ўтказиш учун уни белгиланган тартибда тақдим этади;
Жамғарма даромадлари ва харажатлари сметасида назарда тутилган тадбирларни молиялаштиради;
Ўзбекистон Республикаси Иқтисодиёт ва молия вазирлиги ва Вазирлар Маҳкамасига ҳар чоракда тақдим этиш учун Жамғарма маблағларидан фойдаланилиши тўғрисидаги ҳисоботни тайёрлайди;
Жамғарма маблағларини барқарор шакллантириш, ўз вақтида молиялаштириш ва улардан мақсадли фойдаланишни таъминлаш мониторингини амалга оширади.
Ишчи орган қонунчиликка мувофиқ бошқа функцияларни ҳам амалга ошириши мумкин.
13. Жамғарма даромадлари ва харажатлари прогноз кўрсаткичларини тайёрлаш, кўриб чиқиш ҳамда тасдиқлаш ҳар йили жорий йилнинг 1 октябригача келгуси йил учун молиявий маблағлар тушишининг кутилаётган прогнозидан ва ушбу Низомда белгиланган устувор йўналишлардан келиб чиққан ҳолда амалга оширилади.
14. Жамғарманинг келгуси йил учун даромад ва харажатларининг прогноз кўрсаткичлари Ўзбекистон Республикаси Бош вазирининг мутасадди ўринбосари билан келишган ҳолда Агентлик директори томонидан тасдиқланади.
15. Жамғарма даромадлари ва харажатларининг тасдиқланган прогноз кўрсаткичлари асосида ишчи орган Жамғарма даромадлари ва харажатлари сметасини тузади ҳамда Агентлик директори тасдиқлагандан сўнг ушбу сметани рўйхатдан ўтказиш учун Иқтисодиёт ва молия вазирлигига юборади.
16. Жамғарма даромадлари ва харажатлари сметасига киритиладиган ўзгартиришлар Иқтисодиёт ва молия вазирлигига белгиланган тартибда тақдим этилади.
5-боб. Жамғарма маблағларини сарфлаш тартиби
17. Жамғарма маблағлари Агентликнинг Ўзбекистон Республикаси Марказий банки бўлинмаларида очиладиган банк ҳисобрақамлари орқали сарфланади.
18. Жамғарма харажатлари Ўзбекистон Республикаси Марказий банки бўлинмалари томонидан Агентликнинг тўлов топшириқномаси асосида тўланади.
19. Жамғарма маблағларининг йил охирида барча манбалар бўйича қолдиқлари Ўзбекистон Республикаси Давлат бюджети даромадларига ўтказилмайди, Агентлик томонидан марказлаштирилган ҳолда фойдаланиш учун келгуси йилга ўтказилади.
6-боб. Жамғарма маблағларидан фойдаланилишини назорат қилиш
20. Ўзбекистон Республикаси Иқтисодиёт ва молия вазирлиги Жамғарма маблағларидан мақсадли ва оқилона фойдаланилишини қонунчиликда белгиланган тартибда назорат қилади.
21. Агентлик директори тасдиқланган харажатлар сметаларига мувофиқ Жамғарма маблағларидан мақсадли ва самарали фойдаланилиши учун жавоб беради.
7-боб. Якунловчи қоида
22. Ушбу Низом талаблари бузилишида айбдор шахслар қонун ҳужжатларида белгиланган тартибда жавоб беради.
Ўзбекистон Республикасининг Бош вазири А. АРИПОВ
Тошкент ш.,
2018 йил 15 февраля,
118-сон
Oʻzbekiston Respublikasi Vazirlar Mahkamasining
qarori
nizom
Mudofaa sanoati kompleksini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Oʻzbekiston Respublikasi Mudofaa sanoati davlat qoʻmitasini tashkil etish toʻgʻrisida” 2017-yil 20-noyabrdagi PF-5246-son Farmoni ijrosini taʼminlash maqsadida Vazirlar Mahkamasi qaror qiladi:
1. Mudofaa sanoati kompleksini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi mudofaa vaziri B.N. Kurbanov zimmasiga yuklansin.
Vazirlar Mahkamasining 2018-yil 15-fevraldagi 118-son qaroriga ILOVA
Mudofaa sanoati kompleksini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Mudofaa vazirligi huzuridagi Mudofaa sanoati agentligining Mudofaa sanoati kompleksini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.
2. Jamgʻarma Oʻzbekiston Respublikasi Mudofaa vazirligi huzuridagi Mudofaa sanoati agentligida (keyingi oʻrinlarda — Agentlik) yuridik shaxsni tashkil etmagan holda tuziladi.
2-bob. Jamgʻarma mablagʻlarini shakllantirish manbalari
3. Jamgʻarma mablagʻlari quyidagi manbalar hisobiga shakllantiriladi:
a) Oʻzbekiston Respublikasi Davlat budjetining mudofaa-sanoat kompleksini rivojlantirishga belgilangan tartibda ajratiladigan mablagʻlari;
b) Agentlikka toʻlanadigan vositachilik haqi, jumladan:
qurol-yarogʻ, harbiy va maxsus texnika yetkazib berish, harbiy-texnik xizmatlar koʻrsatish boʻyicha tuzilgan import kontrakt (vositachilik shartnomasi) qiymatining 1 foizi;
mudofaa sanoati kompleksi korxonalari ishlab chiqargan harbiy va ikki xil maqsadda ishlatiladigan mahsulotlarni sotish boʻyicha tuzilgan import kontrakt (vositachilik shartnomasi) qiymatining 1 foizi;
boʻshaydigan harbiy-texnik mulkni tashqi bozorga sotish boʻyicha tuzilgan kontrakt qiymatining 30 foizi;
v) Agentlik tomonidan qonun hujjatlarida belgilangan faoliyat sohalarini litsenziyalashdan tushadigan mablagʻlarning 100 foizi, shu jumladan qayd etilgan maqsadlar uchun tegishli vazirlik va idoralarning xarajatlar smetalarida nazarda tutilgan budjet mablagʻlari;
g) Agentlik tarkibiga kiradigan tashkilotlarning Oʻzbekiston Respublikasi Iqtisodiyot va moliya vazirligi hamda Raqobatni rivojlantirish va isteʼmolchilar huquqlarini himoya qilish qoʻmitasi bilan kelishilgan holda miqdori belgilanadigan ajratmalari;
d) shartnoma (kontrakt) majburiyatlarini buzganligi uchun yuridik shaxslardan maʼmuriy va sud tartibida undiriladigan jarimalar miqdorining 100 foizi;
e) jamgʻarma boʻsh mablagʻlarini likvidli moliya vositalarida (depozitlar, qimmatli qogʻozlar, obligatsiyalar va boshqalar) vaqtincha joylashtirishdan olinadigan daromadlar;
j) qonun hujjatlarida taqiqlanmagan boshqa manbalar.
4. Ushbu Nizomning 3-bandida qayd etilgan mablagʻlar Agentlikning Oʻzbekiston Respublikasi Markaziy banki boʻlinmalarida ochiladigan bank hisobraqamlarida jamlanadi.
3-bob. Jamgʻarma mablagʻlaridan foydalanish
5. Jamgʻarma mablagʻlari:
mudofaa sanoati kompleksini qoʻllab-quvvatlash, uning salohiyatini rivojlantirish va oshirish, shuningdek, yangi ishlab chiqarishlarni tashkil etish boʻyicha dasturlar va loyihalarni, shu jumladan investitsiya loyihalarini moliyalashtirishga;
qurol-yarogʻ, harbiy texnika va harbiy-texnik mulkni ishlab chiqish hamda modernizatsiyalash tadbirlarini moliyalashtirishga;
mudofaa sanoati sohasida ilmiy-tadqiqot va tajriba-konstruktorlik ishlarini amalga oshirishga;
harbiy va ikki xil maqsadda ishlatiladigan mahsulotlarni ishlab chiqish, ishlab chiqarish, taʼmirlash, yoʻq qilish va qayta ishlash sohasidagi loyihalar hamda tadbirlarni amalga oshirish uchun ekspertlar, shu jumladan xalqaro mutaxassislar ishini tashkil etishga;
Agentlik kadrlarini, jumladan, xorijiy taʼlim muassasalarida qayta tayyorlash va ularning malakasini oshirish tadbirlariga;
xorijiy davlatlar va xalqaro tashkilotlar delegatsiyalarining Agentlik vakolatiga taalluqli masalalar boʻyicha Oʻzbekiston Respublikasiga tashriflarini tashkil etishga;
seminarlar, davra suhbatlari, konferensiyalar, amaliy mashgʻulotlar, treninglar, Agentlikning profilaktika va boshqa tadbirlarini oʻtkazishga;
Agentlik xodimlarining mamlakat ichida va tashqarisida xizmat safarlarida boʻlish xarajatlarini toʻlashga;
Agentlik axborot-kommunikatsiya texnologiyalariga xizmat koʻrsatish va ularni rivojlantirish, axborot xavfsizligini taʼminlash tadbirlarini amalga oshirishga;
Agentlikning Tashqi iqtisodiy faoliyat departamenti xodimlarini taʼminlashga;
Agentlik ijro etuvchi apparati va uning idoraviy mansub tashkilotlari moddiy-texnika bazasini mustahkamlash hamda rivojlantirishga;
Agentlik xodimlarini moddiy ragʻbatlantirish va ijtimoiy himoya qilishga;
Agentlik faoliyatini yaxshilashga qaratilgan tadbirlarga;
Agentlikning Oʻzbekiston Respublikasi Davlat budjeti mablagʻlari bilan qoplanmagan joriy xarajatlariga yoʻnaltiriladi.
6. Jamgʻarma mablagʻlaridan Oʻzbekiston Respublikasi Bosh vazirining mutasaddi oʻrinbosarlari bilan kelishilgan holda qonunchilikda taqiqlanmagan boshqa maqsadlarda ham foydalanish mumkin.
7. Jamgʻarmaning 25 foizdan ortiq boʻlmagan mablagʻlari Agentlik va uning idoraviy mansub tashkilotlari xodimlarini moddiy ragʻbatlantirish va ijtimoiy himoya qilishga yoʻnaltiriladi.
4-bob. Jamgʻarma mablagʻlarini boshqarish
8. Jamgʻarmaning Agentlik direktori rahbarlik qiladigan Kengashi Jamgʻarma mablagʻlarini boshqarish organi hisoblanadi.
9. Jamgʻarma Kengashining shaxsiy tarkibi Agentlik, uning idoraviy mansub tashkilotlari vakillaridan shakllantiriladi va Agentlik hayʼati tomonidan tasdiqlanadi.
10. Jamgʻarma kengashining majlislari har chorakda kamida bir marotaba oʻtkaziladi. Zarurat boʻlganda, Jamgʻarma kengashining navbatdan tashqari majlislari ham chaqirilishi mumkin. Jamgʻarma Kengashi majlislari ularda Kengashning kamida uch aʼzosi ishtirok etganda huquqiy vakolatli hisoblanadi.
11. Jamgʻarma Kengashi quyidagi vazifalarni amalga oshiradi:
ushbu Nizomning 3-bandida qayd etilgan Jamgʻarmani shakllantirishning barcha manbalari boʻyicha Jamgʻarmaning daromadlari va xarajatlari prognoz koʻrsatkichlarini tayyorlaydi;
Jamgʻarma mablagʻlaridan foydalanish uchun ustuvor yoʻnalishlarni belgilaydi;
Agentlik tarkibiy boʻlinmalari va idoraviy mansub tashkilotlarning Jamgʻarmadan olingan mablagʻlardan foydalanilishi toʻgʻrisidagi hisobotlarini eshitadi;
Jamgʻarma daromadlarining prognoz koʻrsatkichlari bajarilishi samaradorligini tahlil qiladi va mablagʻlar tushishiga salbiy taʼsir koʻrsatuvchi kamchiliklarni bartaraf etishga doir tegishli choralar koʻradi;
tushumlarni koʻpaytirish va Jamgʻarma mablagʻlaridan samarali foydalanish boʻyicha takliflar tayyorlaydi;
oʻz faoliyati doirasida boshqa masalalar yuzasidan qarorlar qabul qiladi.
12. Agentlikning Mudofaa sanoati kompleksini rivojlantirish jamgʻarmasini boshqarish xizmati (keyingi oʻrinlarda ishchi organ deb ataladi) Jamgʻarma kengashining ishchi organi hisoblanadi va u quyidagi funksiyalarni amalga oshiradi:
Jamgʻarma mablagʻlarining tushishi va taqsimlanishining hisobini yuritadi;
Jamgʻarma daromadlari va xarajatlari smetasini tuzadi hamda Oʻzbekiston Respublikasi Iqtisodiyot va moliya vazirligida roʻyxatdan oʻtkazish uchun uni belgilangan tartibda taqdim etadi;
Jamgʻarma daromadlari va xarajatlari smetasida nazarda tutilgan tadbirlarni moliyalashtiradi;
Oʻzbekiston Respublikasi Iqtisodiyot va moliya vazirligi va Vazirlar Mahkamasiga har chorakda taqdim etish uchun Jamgʻarma mablagʻlaridan foydalanilishi toʻgʻrisidagi hisobotni tayyorlaydi;
Jamgʻarma mablagʻlarini barqaror shakllantirish, oʻz vaqtida moliyalashtirish va ulardan maqsadli foydalanishni taʼminlash monitoringini amalga oshiradi.
Ishchi organ qonunchilikka muvofiq boshqa funksiyalarni ham amalga oshirishi mumkin.
13. Jamgʻarma daromadlari va xarajatlari prognoz koʻrsatkichlarini tayyorlash, koʻrib chiqish hamda tasdiqlash har yili joriy yilning 1-oktabrigacha kelgusi yil uchun moliyaviy mablagʻlar tushishining kutilayotgan prognozidan va ushbu Nizomda belgilangan ustuvor yoʻnalishlardan kelib chiqqan holda amalga oshiriladi.
14. Jamgʻarmaning kelgusi yil uchun daromad va xarajatlarining prognoz koʻrsatkichlari Oʻzbekiston Respublikasi Bosh vazirining mutasaddi oʻrinbosari bilan kelishgan holda Agentlik direktori tomonidan tasdiqlanadi.
15. Jamgʻarma daromadlari va xarajatlarining tasdiqlangan prognoz koʻrsatkichlari asosida ishchi organ Jamgʻarma daromadlari va xarajatlari smetasini tuzadi hamda Agentlik direktori tasdiqlagandan soʻng ushbu smetani roʻyxatdan oʻtkazish uchun Iqtisodiyot va moliya vazirligiga yuboradi.
16. Jamgʻarma daromadlari va xarajatlari smetasiga kiritiladigan oʻzgartirishlar Iqtisodiyot va moliya vazirligiga belgilangan tartibda taqdim etiladi.
5-bob. Jamgʻarma mablagʻlarini sarflash tartibi
17. Jamgʻarma mablagʻlari Agentlikning Oʻzbekiston Respublikasi Markaziy banki boʻlinmalarida ochiladigan bank hisobraqamlari orqali sarflanadi.
18. Jamgʻarma xarajatlari Oʻzbekiston Respublikasi Markaziy banki boʻlinmalari tomonidan Agentlikning toʻlov topshiriqnomasi asosida toʻlanadi.
19. Jamgʻarma mablagʻlarining yil oxirida barcha manbalar boʻyicha qoldiqlari Oʻzbekiston Respublikasi Davlat budjeti daromadlariga oʻtkazilmaydi, Agentlik tomonidan markazlashtirilgan holda foydalanish uchun kelgusi yilga oʻtkaziladi.
6-bob. Jamgʻarma mablagʻlaridan foydalanilishini nazorat qilish
20. Oʻzbekiston Respublikasi Iqtisodiyot va moliya vazirligi Jamgʻarma mablagʻlaridan maqsadli va oqilona foydalanilishini qonunchilikda belgilangan tartibda nazorat qiladi.
21. Agentlik direktori tasdiqlangan xarajatlar smetalariga muvofiq Jamgʻarma mablagʻlaridan maqsadli va samarali foydalanilishi uchun javob beradi.
7-bob. Yakunlovchi qoida
22. Ushbu Nizom talablari buzilishida aybdor shaxslar qonun hujjatlarida belgilangan tartibda javob beradi.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 15-fevralya,
118-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о порядке формирования и использования средств Фонда развития оборонно-промышленного комплекса
Во исполнение Указа Президента Республики Узбекистан от 20 ноября 2017 года № УП-5246 «Об образовании Государственного комитета Республики Узбекистан по оборонной промышленности» Кабинет Министров постановляет:
1. Утвердить Положение о порядке формирования и использования средств Фонда развития оборонно-промышленного комплекса согласно приложению .
Контроль за исполнением настоящего постановления возложить на министра обороны Республики Узбекистан Б.Н. Курбанова.
ПРИЛОЖЕНИЕ к постановлению Кабинета Министров от 15 февраля 2018 года № 118
о порядке формирования и использования средств Фонда развития оборонно-промышленного комплекса
Глава 1. Общие положения
1. Настоящее Положение определяет порядок формирования и использования средств Фонда развития оборонно-промышленного комплекса Агентства оборонной промышленности при Министерстве обороны (далее — Фонд).
2. Фонд создается в Агентстве оборонной промышленности при Министерстве обороны Республики Узбекистан (далее — Агентство) без образования юридического лица.
Глава 2. Источники формирования средств Фонда
3. Средства Фонда формируются за счет следующих источников:
а) средства Государственного бюджета Республики Узбекистан, выделяемые в установленном порядке на развитие оборонно-промышленного комплекса;
б) комиссионные вознаграждения, выплачиваемые Агентству, в том числе:
1 процент от стоимости заключенного импортного контракта (договора комиссии) по поставке вооружения, военной и специальной техники, оказанию услуг военно-технического назначения;
1 процент от стоимости заключенного контракта (договора комиссии) по реализации продукции военного и двойного назначения, произведенной предприятиями оборонно-промышленного комплекса;
30 процентов от стоимости заключенного контракта по реализации на внешние рынки высвобождаемого военно-технического имущества;
в) 100 процентов средств, поступающих от лицензирования Агентством, установленных законодательством сфер деятельности, включая бюджетные средства, предусмотренные на указанные цели в сметах расходов соответствующих министерств и ведомств;
г) отчисления организаций, входящих в состав Агентства, размеры которых определяются по согласованию с Министерством экономики и финансов и Комитетом по развитию конкуренции и защите прав потребителей Республики Узбекистан;
д) 100 процентов от суммы штрафов, взимаемых в административном и судебном порядке с юридических лиц за нарушение (контрактных) договорных обязательств;
е) доходы, полученные от временного размещения свободных средств Фонда в ликвидных финансовых инструментах (депозиты, ценные бумаги, облигации и т.д.);
ж) другие источники, не запрещенные законодательством.
4. Средства, указанные в пункте 3 настоящего Положения, аккумулируются на банковских счетах Агентства, открываемых в подразделениях Центрального банка Республики Узбекистан.
Глава 3. Использование средств Фонда
5. Средства Фонда направляются на:
финансирование программ и проектов, в том числе инвестиционных, по практической поддержке оборонно-промышленного комплекса, развитию и наращиванию его потенциала, а также созданию новых производств;
финансирование мероприятий по разработке и модернизации вооружения, военной техники и военно-технического имущества;
проведение научно-исследовательских и опытно-конструкторских работ в сфере оборонной промышленности;
организацию работ экспертов, в том числе международных специалистов, для реализации проектов и мероприятий в сфере разработки, производства, ремонта, ликвидации и переработки продукции военного и двойного назначения;
мероприятия по переподготовке, повышению квалификации кадров Агентства, в том числе в зарубежных образовательных учреждениях;
организацию визитов делегаций иностранных государств, международных организаций, пребывающих в Республику Узбекистан по вопросам, относящимся к компетенции Агентства;
проведение семинаров, «круглых столов», конференций, практических занятий, тренингов, профилактических и других мероприятий Агентства;
выплату командировочных расходов работникам Агентства как внутри страны, так и за ее пределами;
обслуживание и развитие информационно-коммуникационных технологий Агентства, реализацию мероприятий по обеспечению информационной безопасности;
содержание работников Департамента внешнеэкономической деятельности Агентства;
развитие и укрепление материально-технической базы исполнительного аппарата Агентства и его подведомственных организаций;
материальное стимулирование и социальную защиту работников Агентства;
мероприятия, направленных на улучшение деятельности Агентства;
текущие расходы Агентства в части, непокрытой средствами Государственного бюджета Республики Узбекистан.
6. Средства Фонда могут быть использованы для других целей, не запрещенных законодательством, по согласованию с курирующим заместителем Премьер-министра Республики Узбекистан.
7. На материальное стимулирование и социальную защиту сотрудников Агентства и его подведомственных организаций направляются не более 25 процентов средств Фонда.
Глава 4. Управление средствами Фонда
8. Органом управления средствами Фонда является Совет Фонда, возглавляемый директором Агентства.
9. Персональный состав Совета Фонда формируется из числа представителей Агентства, его подведомственных организаций и утверждается коллегией Агентства.
10. Заседания Совета Фонда проводятся не реже одного раза в квартал. В случае необходимости могут быть созваны внеочередные заседания Совета Фонда. Заседания Совета Фонда считается правомочным, если на нем присутствуют не менее 3 членов Совета.
11. Совет Фонда осуществляет следующие функции:
подготавливает прогнозные показатели доходов и расходов Фонда, в разрезе всех видов источников формирования Фонда, указанных в пункте 3 настоящего Положения;
определяет приоритетные направления для использования средств Фонда;
заслушивает отчеты структурных подразделений Агентства и подведомственных организаций об использовании средств, полученных из Фонда;
проводит анализ результативности исполнения прогнозных показателей доходов Фонда и принимает соответствующие меры по устранению выявленных недостатков, отрицательно влияющих на поступление средств;
готовит предложения по увеличению поступлений и эффективному использованию средств Фонда;
принимает решения по другим вопросам в рамках осуществления своей деятельности.
12. Рабочим органом Совета Фонда является Служба управления Фондом развития оборонно-промышленного комплекса Агентства (далее — рабочий орган), который осуществляет следующие функции:
ведет учет поступления и распределения средств Фонда;
составляет смету расходов и доходов Фонда и в установленном порядке представляет ее для регистрации в Министерстве экономики и финансов Республики Узбекистан;
осуществляет расходы на финансирование мероприятий, предусмотренные сметой доходов и расходов Фонда;
ежеквартально подготавливает для представления в Министерство экономики и финансов и Кабинет Министров Республики Узбекистан отчет об использовании средств Фонда;
осуществляет мониторинг за обеспечением стабильного формирования, своевременным финансированием и целевым использованием средств Фонда.
Рабочий орган может осуществлять и иные функции в соответствии с законодательством.
13. Подготовка, рассмотрение и утверждение прогнозных показателей доходов и расходов Фонда осуществляются ежегодно по состоянию на 1 октября соответствующего периода, исходя из ожидаемого прогноза поступления финансовых средств на следующий год и наиболее приоритетных направлений для использования средств, определенных настоящим Положением.
14. Прогнозные показатели доходов и расходов Фонда на следующий год утверждаются директором Агентства по согласованию с курирующим заместителем Премьер-министра Республики Узбекистан.
15. На основании утвержденных прогнозных показателей доходов и расходов Фонда рабочий орган составляет смету доходов и расходов Фонда, которая утверждается директором Агентства и направляется в Министерство экономики и финансов для регистрации.
16. Изменения в смету доходов и расходов Фонда вносятся в Министерство экономики и финансов в установленном порядке.
Глава 5. Порядок расходования средств Фонда
17. Средства Фонда расходуются через банковские счета подразделений Центрального банка Республики Узбекистан, открываемые Агентством.
18. Оплата расходов Фонда производится подразделениями Центрального банка Республики Узбекистан на основании платежных поручений Агентства.
19. Остатки средств Фонда по всем источникам к концу года в доходы Государственного бюджета Республики Узбекистан не перечисляются, а переходят на следующий год для централизованного использования Агентством в установленном порядке.
Глава 6. Контроль за использованием средств Фонда
20. Контроль за целевым и рациональным использованием средств Фонда осуществляется Министерством экономики и финансов Республики Узбекистан в установленном законодательством порядке.
21. Ответственность за целевое и эффективное использование средств Фонда в соответствии с утвержденными сметами расходов несет директор Агентства.
Глава 7. Заключительное положение
22. Лица, виновные в нарушении требований настоящего Положения, несут ответственность в порядке, установленном законодательством порядке.
Премьер-министр Республики Узбекистан А. АРИПОВ
г. Ташкент,
15 февраля 2018 г.,
№ 118